Lakshminarayana Samhita [sanskrit]

by Shwetayan Vyas | 1,169,834 words | ISBN-10: 8170801818 | ISBN-13: 9788170801818

The Lakshminarayana Samhita Chapter 219 (Sanskrit text), including grammatical analysis, glossary and relevant print editions. The Lakshmi-narayana-samhita is an encyclopaedic work devoted to Narayana although it deals with various deities. The work is written in Puranic style and divided into four books according to the four Yugas. In total, the work consists of roughly 120,000 metrical verses.

śrīkṛṣṇa uvāca |
rādhike'nādikṛṣṇasya gajapṛṣṭhe gajāntare |
pitarau ca tato gajāntare svabhrātarastrayaḥ || 1 ||
[Analyze grammar]

tato brahmapriyādīnāṃ śibikādyāstathā'bhavan |
amaryaścā'bhavan paścād gītikārasikāstathā || 2 ||
[Analyze grammar]

agre ḍaṃkāniśānādi paṭahādyāstathā'bhavan |
sainyavādyānyavādyanta jayanādāstathā'bhavan || 3 ||
[Analyze grammar]

yantraśabdā vipraghoṣā jāyante smā'tigarjanāḥ |
sañcālāyāṃ gopurādau candraśālāsu śākhiṣu || 4 ||
[Analyze grammar]

rathyāsu rājamārgeṣu gṛheṣu vallabhīṣvapi |
haṣṭeṣu vedikāsveva caityeṣu durgamastake || 5 ||
[Analyze grammar]

saudheṣu madhyamārgeṣūdyāneṣu ca samantataḥ |
prajānanā narā nāryo bālakṛṣṇaṃ vilokitum || 6 ||
[Analyze grammar]

upasthitāstadā''saṃśca dhṛtapūjāḥ karādiṣu |
nagaryāṃ gopure kṛṣṇaṃ pupūjāmātyamaṇḍalam || 7 ||
[Analyze grammar]

catvareṣu dhanāḍhyāścodyānakeṣu pradhānakāḥ |
rathyāsu cāpaṇeṣvete catvareṣu prajājanāḥ || 8 ||
[Analyze grammar]

apūjayan hariṃ puṣpāmbarabhūṣāphalādibhiḥ |
hāraiḥ pauṣpairhīrakādyaiḥ ratnamālābhirityapi || 9 ||
[Analyze grammar]

amaryaḥ kanyakāścāpi pupūjurakṣatādibhiḥ |
sthalapadmādihāraiścormikābhiḥ śarkarādibhiḥ || 10 ||
[Analyze grammar]

evaṃ bhramitvā bhagavān nagaryāmatha mandiram |
rājñaḥ samāyayau tūrṇaṃ jalapānamathā'karot || 11 ||
[Analyze grammar]

upādideśa bhagavān prajābhyaśca nṛpādaye |
bhuktimuktipradān ramyān saddharmān vai niśīthake || 12 ||
[Analyze grammar]

deśe kāle tathā vyaktau kālaparyāya ulbaṇaḥ |
aniṣṭo'pi samāyāti virāgajanakaḥ sadā || 13 ||
[Analyze grammar]

loko'yaṃ bahudoṣo'sti nirdoṣāḥ sādhavo'tra vai |
bhagavadyogayuktāste kālapāśavivarjitāḥ || 14 ||
[Analyze grammar]

ātmamokṣakarāḥ santo mama yogād bhavanti vai |
sarvaṃ vilokya niḥsāraṃ duḥkhabāhulyasaṃbhṛtam || 15 ||
[Analyze grammar]

ātmamokṣanimittaṃ vai yateta matimān janaḥ |
naṣṭe dhane ca dāreṣu putre pitari svāmini || 16 ||
[Analyze grammar]

duḥkhaṃ yāti vimūḍho'yaṃ loko mamatvakarṣitaḥ |
tacchokaṃ nāśayatyeva sādhureva na cetaraḥ || 17 ||
[Analyze grammar]

yathā kāṣṭhaṃ ca kāṣṭhaṃ ca sameyātāṃ mahājale |
sametya ca vyapeyātāṃ tadvad dehisamāgamaḥ || 18 ||
[Analyze grammar]

evaṃ pautrāstathā putrā dārāḥ putryaśca bāndhavāḥ |
satyaśca patayaścāpi viyogottaranirṇayāḥ || 19 ||
[Analyze grammar]

tatra sneho na kartavyo viyogo tairhi vai dhruvaḥ |
adṛṣṭaścāgataḥ pūrvaṃ gate punarna darśanam || 20 ||
[Analyze grammar]

evaṃ jñātvā jagat sarvaṃ mahīmānasvarūpavat |
yathā śoko na jāyeta tatha vṛttyaṃ sudhājanaiḥ || 21 ||
[Analyze grammar]

tṛṣṇāsnehotthadukhaṃ vai duḥkhād duḥkhaṃ punaḥ punaḥ |
prāptau sukhaṃ gate duḥkhaṃ śoko dukhaṃ punaḥ punaḥ || 22 ||
[Analyze grammar]

sukhaduḥkhe janānāṃ vai jāyete cakrame muhuḥ |
śarīraṃ vidyate tvāyatanaṃ dvayorvivartatoḥ || 23 ||
[Analyze grammar]

tad duḥkhaṃ na punaḥ syādvai vartitavyaṃ tathā pathi |
anādiśrīhariḥ panthāḥ sarvaduḥkhavināśakṛt || 24 ||
[Analyze grammar]

āśrayaṇīyaḥ so'haṃ duḥkhāntauṣadhamasmi yat |
anāśritāstu sādhūn ye māṃ tathā parameśvaram || 25 ||
[Analyze grammar]

vidanti duḥkhabhāgaṃ te sukhaśūnyā bhavanti hi |
snehapāśairanekaiste nibaddhā viṣayehayā || 26 ||
[Analyze grammar]

akṛtārthā hi sīdanti mṛgatṛṣṇājalabhramāḥ |
snehena tilavad yantre sarge sarvaṃ nipīḍyate || 27 ||
[Analyze grammar]

snehabaddhaḥ karotyasmai karma pāpabharaṃ tataḥ |
tena kleśānavāpnoti paratreha punaḥ punaḥ || 28 ||
[Analyze grammar]

putradārakuṭumbeṣu prasaktāḥ sarvadehinaḥ |
śokasāgaramagnāste sukhino na bhavanti vai || 29 ||
[Analyze grammar]

iṣṭanāśe yathā prāpto dāvāgnistatsamo janaḥ |
dahyate vai vṛthā bhasmībhavituṃ na phalaṃ śubham || 30 ||
[Analyze grammar]

nālaṃ sukhaṃ pradātuṃ vai suhṛdo bāndhavā api |
nā'laṃ duḥkhaṃ pradātuṃ ca śatravo'nye pare'pi ca || 31 ||
[Analyze grammar]

nālaṃ cārthāḥ sukhaṃ dātuṃ nālaṃ tatsādhanānyapi |
na dāridryaṃ duḥkhadātṛ prājño jānāti no'paraḥ || 32 ||
[Analyze grammar]

vivekī ca virāgī ca madbhakto vai bhavet sukhī |
ahaṃ dhenusvarūpo'smi dogdhāraḥ sukhino mama || 33 ||
[Analyze grammar]

dhenurvatsasya gopasya svāminastaskarasya ca |
payaḥpibasya sarvasya sukhadā vai tathānvaham || 34 ||
[Analyze grammar]

mama bhakteḥ pānakartā sukhī syānnātra saṃśayaḥ |
buddhimāśritya jananīṃ vivekinīṃ ca poṣiṇīm || 35 ||
[Analyze grammar]

sukhaṃ samarjayet prājño nā'ntare kleśavān bhavet |
vivekāllabhyate śāntiḥ sukhaṃ cānanda ityapi || 36 ||
[Analyze grammar]

ye vivekasukhaṃ prāptā dvandvātītā nirīhakā |
tānnaivā'rthā na cā'narthā vyathayanti kadācana || 37 ||
[Analyze grammar]

abuddhāścā'vivekāśca mūḍhāḥ svabhāvakarṣitāḥ |
prahṛṣyanti ca yāvantastapyante śatadhā'dhikam || 38 ||
[Analyze grammar]

vivekaprasavā śāntiḥ santoṣasahakāriṇī |
bhūtiḥ smṛddhiḥ śriyā sārdhaṃ dakṣe vasati nā'lase || 39 ||
[Analyze grammar]

mūḍhaṃ smṛtihanaṃ tṛṣṇāyutaṃ ca sparddhinaṃ tathā |
īrṣyāyuktaṃ janaṃ śokaścāviśati sahasradhā || 40 ||
[Analyze grammar]

mamāśritaṃ satāṃ bhaktaṃ vivekinaṃ subuddhikam |
asūyerṣyāvarjitaṃ tu śoko na spṛśati kvacit || 41 ||
[Analyze grammar]

ātmasattāsamopetaṃ brahmaniṣṭhāniṣeviṇam |
satsamāgamakartāraṃ na śokaḥ spraṣṭumarhati || 42 ||
[Analyze grammar]

yannimitto bhavecchokastāpo duḥkhaṃ ca vignatā |
aśāntirvā yato mūlāt tat tyajet sa sukhī bhavet || 43 ||
[Analyze grammar]

mamatvena nijasvārthe kalpitaṃ yatnitaṃ ca vā |
sadyastatparitāpārthaṃ sampadyate nijātmani || 44 ||
[Analyze grammar]

kāmānāṃ tyāgakartā'tra sukhena pūryate sadā |
kāmānupātī satṛṣṇaḥ kāmānanu vinaśyati || 45 ||
[Analyze grammar]

tṛṣṇākṣayo mahān prokto yogināṃ sukharūpakaḥ |
tṛṣṇāyutasya lokasya dhāvataścehayā'bhitaḥ || 46 ||
[Analyze grammar]

atiśoko'bhipadyeta kila dehātmavādinaḥ |
khaṅgadhāre'mṛtaṃ liptaṃ jihvayā leḍhumicchataḥ || 47 ||
[Analyze grammar]

aprāptirbhedanaṃ kaṣṭaṃ tredhā duḥkhaṃ prajāyate |
tathā priyeṣu magnasya kāmaleḍhurjanasya vai || 48 ||
[Analyze grammar]

kṣaṇādduḥkhaṃ prajāyeta kāmaṃ tyaktvā sukhī bhavet |
sarvān kāmān jugupsedvai kāmo mṛtyurmanobhavaḥ || 49 ||
[Analyze grammar]

saṃhṛtya kāmasaṃkalpān bhayaṃ tyaktvā bhavet sukhī |
yadā necchā na ca dveṣastadā brahmagato bhavet || 50 ||
[Analyze grammar]

durmatibhiryā dustyājyā na yā jīrṇā tu jīryataḥ |
prāṇagrāsakaro rogastāṃ tṛṣṇāṃ tyajataḥ sukham || 51 ||
[Analyze grammar]

mṛtyunā'bhyāhato loko jarayā veṣṭitaḥ sadā |
kālagrasto'pi na vetti tvātmaśreyaḥprasādhanam || 52 ||
[Analyze grammar]

divā rātrirvinā bhaktiṃ moghā yāto hi dehinaḥ |
evaṃ jānan bhajet kṛṣṇanārāyaṇaṃ tu māṃ harim || 53 ||
[Analyze grammar]

yāte prayāte divase janāyuḥ śrīyate sadā |
vinā bhaktiṃ divā vandhyo dehinā yāti sarvathā || 54 ||
[Analyze grammar]

atīva tṛṣṇayā yāti sukhārthī gahane tale |
anavāpte tu kāme vai mṛtyurabhyeti bhakṣakaḥ || 55 ||
[Analyze grammar]

vicinvantaṃ sukhaṃ raktaṃ dūre cāsaktamānasam |
sarpo bhekīmivā''sādya mṛtyurgrastvā pragacchati || 56 ||
[Analyze grammar]

adyaiva śreyaḥ kartavyaṃ kālakṣepo na lābhakṛt |
asaṃpūrṇeṣu kāryeṣu mṛtyurādāya yāsyati || 57 ||
[Analyze grammar]

ātmakāryaṃ drutaṃ cā'dya kurvīta sāvadhānakaḥ |
asyā'pūrṇamidaṃ kāryaṃ ceti kālo na paśyati || 58 ||
[Analyze grammar]

kadā mṛtyurbhavet kasya naiva jānāti kaścana |
tasmānmokṣārthakaṃ kāryaṃ prāk kartavyaṃ vijānatā || 59 ||
[Analyze grammar]

ābālyādvai bhajanīyaḥ śrīpatiḥ puruṣottamaḥ |
tuṣṭe kṛṣṇe bhavet saukhyaṃ śāśvataṃ nirmalaṃ yaśaḥ || 60 ||
[Analyze grammar]

mohāviṣṭaṃ dhanadāraputrakṣetrātimagnakam |
kṣetrapaśvādisampannaṃ suptaṃ mṛtyurhariṣyati || 61 ||
[Analyze grammar]

avitṛptaṃ yatamānaṃ kāmārthaṃ bahuveginam |
dhāvantaṃ cānudhāvan vai mṛtyurādāya gacchati || 62 ||
[Analyze grammar]

kariṣye śvaḥ paraṃ kāryaṃ tato'nyacca tataḥ param |
evaṃ vai cintayānaṃ taṃ kṛtāntaḥ sannayiṣyati || 63 ||
[Analyze grammar]

ārabdhānāṃ phalaṃ nā''ptaṃ saṃsaktaṃ cānyakarmaṇi |
kṛtānāṃ duḥkhabhoktāraṃ yamaścādāya gacchati || 64 ||
[Analyze grammar]

rājānaṃ ca daridraṃ ca vijñaṃ bhṛtyamanāthakam |
sarvathā rakṣitaṃ cāpi mṛtyurādāya gacchati || 65 ||
[Analyze grammar]

mṛtyuṃ jarāṃ ca śaithilyaṃ pāravaśyaṃ vimānanām |
vyādhimaśaktiṃ dehe'tra vīkṣya vijño hariṃ bhajet || 66 ||
[Analyze grammar]

jāto'nirdhārito bālo'nirdhāritā mṛtistathā |
āgamiṣyatyakasmādvai tadvicārya hariṃ bhajet || 67 ||
[Analyze grammar]

mṛtyusthānaṃ viṣayeṣu ratireva hi dehinaḥ |
viratirvai mahāraṇyaṃ yogināmiva śāntidā || 68 ||
[Analyze grammar]

pāśarajjurviṣayāḍhyā vṛttiryā dehināṃ sadā |
chitvā tāṃ śrīhareḥ pādau samāśrayet sa buddhimān || 69 ||
[Analyze grammar]

na yoddhā jayati keścidāyāntīṃ mṛtyuvāhinīm |
satyayoddhā jayapyenāṃ harau satye'mṛtaṃ sthitam || 70 ||
[Analyze grammar]

satyaṃ brahmeti vai proktaṃ parabrahmaparo bhavet |
satyavrate sthitaścāpi satyayogaṃ samāśritaḥ || 71 ||
[Analyze grammar]

satsamāgamanirataḥ sadyogenā'ntakaṃ jayet |
mohamṛtyuṃ vijityaivā'mṛtaṃ satsaṃgato labhet || 72 ||
[Analyze grammar]

sādhvarthī parameśārthī sevārthī cātmaniṣṭhitaḥ |
mṛtyuṃ tīrtvā mahānandā'mṛtaṃ prāpnoti modate || 73 ||
[Analyze grammar]

sādhuyajñasthito dānto brahmayajñe ratiṃ gataḥ |
parabrahmārpaṇamagno mahāmokṣaṃ prayāti hi || 74 ||
[Analyze grammar]

yasya kṛṣṇaḥ sadā tuṣṭaḥ sādhavo'nugrahānvitāḥ |
kṛpāvarṣiṇaḥ pitaraḥ sa vai sarvamavāpnuyāt || 75 ||
[Analyze grammar]

vidyācakṣurdivyanetraṃ brahmavrataṃ paraṃ tapaḥ |
sādhusevā paraṃ puṇyaṃ tyāgaḥ sukhaṃ tu śāśvatam || 76 ||
[Analyze grammar]

ātmanā vartamānasya parameśe sthitasya ca |
vītarāgasya muktasya kiṃ punastārakāntaram || 77 ||
[Analyze grammar]

vittaṃ divyaṃ sādhavo vai ratnaṃ divyaṃ hariḥ svayam |
pravṛttirbhajanaṃ yasya tasya kimanyasādhanaiḥ || 78 ||
[Analyze grammar]

akiñcanaḥ sukhaṃ śete sukhaṃ prabodhate'pi ca |
sukhaṃ pathyaṃ śivaṃ kṛṣṇaṃ prāpya pramodate sukhī || 79 ||
[Analyze grammar]

hariṃ vinā na yasyā'sti dravyaṃ cākiṃcano hi saḥ |
ākaiṃcanyaṃ paraṃ saukhyaṃ sṛṣṭitrayātireki tat || 80 ||
[Analyze grammar]

ākaiṃcanye tathā rājye viśeṣo vartate mahān |
rājyavānnityamudvigno nirudvego hyakiñcanaḥ || 81 ||
[Analyze grammar]

nā'gnermṛtyoścā'sya bhītirna caurā'riṣṭakādapi |
na śatroḥ kālavegādvā bhayaṃ tasya prajāyate || 82 ||
[Analyze grammar]

tyāginaṃ bhagavadbhaktaṃ dehagṛhaṃ hariśrayam |
sādhusevāparaṃ śāntaṃ praśaṃsanti harādayaḥ || 83 ||
[Analyze grammar]

nā'tyaktvā sukhamāpnoti nā'tyaktvā brahma vindati |
nā'tyaktvā nirbhayaścāste tyāgaṃ labdhvā sukhī bhavet || 84 ||
[Analyze grammar]

īhākṛṣṭasya dīnasya pramādamāviśed bhṛśam |
pramattaṃ tyaktamaryādaṃ hyupayānti mahāpadaḥ || 82 ||
[Analyze grammar]

tāsāṃ vināśakaṃ śreṣṭhaṃ bheṣajaṃ sādhusevanam |
yeṣāṃ saṃgājjñānalābhaścehānāṃ vilayo bhavet || 86 ||
[Analyze grammar]

snehadhārā bhavet kṛṣṇe mayi śrīśe pareśvare |
śāśvatānandasampūrṇe madyogānmāmakaḥ sukhī || 87 ||
[Analyze grammar]

śāśvatānandapūrṇaḥ syāt tatkāryaṃ mānavairiha |
ityuktvā rādhike'nādiśrīśanārāyaṇaḥ prabhuḥ || 88 ||
[Analyze grammar]

oṃnamaḥ śrīkṛṣṇanārāyaṇāya pataye svāhā |
itimantraṃ dadau sarvebhyaśca sarvābhya ityapi || 89 ||
[Analyze grammar]

śaraṇaṃ śrīkṛṣṇanārāyaṇo'stu mama sarvadā |
ityevaṃ śaraṇaṃ dadau sarvebhya eva saḥ || 90 ||
[Analyze grammar]

kālamāyāpāpakarmaśatruyāmya kuhṛdbhayāt |
śūlamīnadhvajadhanuścakrasvastikavānava || 91 ||
[Analyze grammar]

ityevaṃ rakṣaṇamantraṃ janebhyaḥ pradadau tadā |
brahmā'haṃ śrīkṛṣṇanārāyaṇabhakto'smi śāśvataḥ || 92 ||
[Analyze grammar]

anādiśrīkṛṣṇānārāyaṇaḥ svāmī patiśca me |
ityevaṃ vai brahmabhāvamanuṃ dadau ca vai hariḥ || 93 ||
[Analyze grammar]

bālakṛṣṇaḥ parabrahma mama vai śāśvataḥ patiḥ |
pitā bandhuḥ suhṛnmitraṃ rakṣakaḥ pālako'stu saḥ || 94 ||
[Analyze grammar]

ātmanivedanamantraṃ dadāveva hariḥ svayam |
oṃ namaḥ śrīkṛṣṇanārāyaṇāya svāmine namaḥ || 95 ||
[Analyze grammar]

ityevaṃ śrāvayāmāsa namaskārārcanaṃ tataḥ |
śrīśrīkṛṣṇasya bhaktohaṃ śrīhariḥ śaraṇaṃ mama || 96 ||
[Analyze grammar]

śrīkṛṣṇavallabheśo'yaṃ śrīsvāmī śaraṇaṃ mama |
śrīkṛṣṇavallabhasvāmī śrīhariḥ śaraṇaṃ mama || 97 ||
[Analyze grammar]

ityevaṃ nijamantrāṃśca pradadau bhagavān svayam |
atha prajā hariṃ natvā pūjayāmāsurādarāt || 98 ||
[Analyze grammar]

śrīsatīśanṛparājñī pupūja parameśvaram |
śrīsatīśanṛpakanyāstisro yuvatya eva tam || 99 ||
[Analyze grammar]

hariṃ kāntaṃ manobhāvyaṃ prāpya kaṇṭhe tu mālikā |
varamālātmikā datvā'rpaṇaṃ nyavedayan svakam || 100 ||
[Analyze grammar]

haristāsāṃ karān dhṛtvā tāsāṃ nātho babhūva ha |
rājñī rājā mumudāte kṛtakṛtyāśca kanyakāḥ || 101 ||
[Analyze grammar]

tadutsavaṃ nṛpaścakre yautakaṃ bahudhā dadau |
ārārtrikaṃ tataścakre rājā sa bhojanaṃ dadau || 102 ||
[Analyze grammar]

mahīmānān miṣṭavaryairbhojayāmāsa vai tataḥ |
viśaśrāma harī rātrau trikanyāstaṃ siṣevire || 103 ||
[Analyze grammar]

prātarmāṃgalyavādyaiśca gītikābhiḥ stavādibhiḥ |
prabubodha harikṛṣṇo nārāyaṇo narādhipaḥ || 104 ||
[Analyze grammar]

kṛtāhnikaṃ kṛtapūjaṃ hariṃ rājā hyupāyayau |
dugdhaṃ vai pāyayāmāsa sarvān sukhena bhūpatiḥ || 105 ||
[Analyze grammar]

siṣeve ceṣṭadānādyairāśīrvādānavāpa ca |
tāvattatra samāyāto netuṃ śrīharimacyutam || 106 ||
[Analyze grammar]

tretākarkaśarājarṣiḥ karṇaphālarṣisaṃyutaḥ |
bālāvittakarāṣṭreśaḥ phānkalāśīpurīṃ prati || 107 ||
[Analyze grammar]

netuṃ samārthayat kṛṣṇaṃ daṇḍavat pracakāra ha |
tathāstviti hariḥ prāha svāgataṃ bhūpaternṛpaḥ || 108 ||
[Analyze grammar]

vyadhāttato'bhavatsajjo rādhike parameśvaraḥ |
rājā vidāyaṃ pradadau sainyena mānanaṃ dadau || 109 ||
[Analyze grammar]

iti śrīlakṣmīnārāyaṇīyasaṃhitāyāṃ dvitīye tretāsantāne sañcālānagaryāṃ harerbhramaṇaṃ pūjanaṃ copadeśanaṃ bhojanaṃ rātrau viśramaṇaṃ dvitīyāprātarvidāyaṃ sammānanaṃ cetyādinirūpaṇanāmā navadaśādhikadviśatatamo'dhyāyaḥ || 219 ||
[Analyze grammar]

Other print editions:

Also see the following print editions of the Sanskrit text or (alternative) English translations of the Lakshminarayana Samhita Chapter 219

Cover of edition (2011)

Shri Lakshmi Narayana Samhita
by Chowkhamba Sanskrit Series Office (2011)

शेतायनव्यास (Shwetayan Vyas)

Buy now!
Like what you read? Consider supporting this website: