Chapter 217

śrīkṛṣṇa uvāca |
rādhike kāyanīpuryāṃ netuṃ ceyeṣa bhūpatiḥ |
śrīhariṃ prārthayāmāsa tūpaviṣṭaṃ gajopari || 1 ||
[Analyze grammar]

harirgaje caturdante svarṇāmbālikayā yute |
nyaṣīdacca tataścānyān nyaṣādayad gajādiṣu || 2 ||
[Analyze grammar]

śibikāsu haripriyā nyaṣādayattu rādhike |
gaurīrbrahmapriyādyāśca hāritāścāmarīstathā || 3 ||
[Analyze grammar]

sainyavādyaiḥ saha śrīmatkṛṣṇo vai śuśubhe tadā |
ambikarṣiścāmaraṃ ca dhṛtvā pṛṣṭhe hyupāviśat || 4 ||
[Analyze grammar]

evamabhrāmayat kṛṣṇaṃ kāyanyāṃ nṛpatiḥ svayam |
nagaryāṃ catvarādau ca saudheṣvapi ca haṭṭake || 5 ||
[Analyze grammar]

sthale sthale prajāstaṃ sampupūjurbālakṛṣṇakam |
anādiśrīkṛṣṇanārāyaṇaṃ candanakāñcanaiḥ || 6 ||
[Analyze grammar]

phalaiśca mauktikairhārai ratnādyairakṣatādibhiḥ |
vastrairbhūṣādibhiścāpi śarkarāmiṣṭavastubhiḥ || 7 ||
[Analyze grammar]

evaṃ śrībhagavān puryāṃ bhramitvā''vāsamāyayau |
jalaṃ papau rājasabhāgṛhe rātrau hyupādiśat || 8 ||
[Analyze grammar]

pūrṇārātrau deśajanānāha śrībhagavān prabhuḥ |
upārjanīyaṃ puṇyaṃ vai yena kenāpi karmaṇā || 9 ||
[Analyze grammar]

pāpaṃ vai parihartavyaṃ yadvai śreyovighātakam |
pāpasya vidyate sṛṣṭāvadhiṣṭhānaṃ pralobhanam || 10 ||
[Analyze grammar]

eko lobho mahāduṣṭo lobhātpāpaṃ pravartate |
nāśamūlaṃ mahān lobho yena dhvaṃsagatā janāḥ || 11 ||
[Analyze grammar]

lobhāt saṃjāyate kvāpi krodhaḥ kāmaśca tṛṣṇikā |
mānaṃ māyā ca mohaśca staṃbhaḥ parā'sutā'pi ca || 1 || re |
akṣamā hrīvināśaśca sampacchrīdharmasaṃkṣayaḥ |
akīrtirdīnatā vaśyabhāvo lobhāt pravartate || 13 ||
[Analyze grammar]

adānaṃ cātyajanaṃ ca tṛṣā vikarmavartanam |
mado droho'vamānaṃ cā'viśvāso'nārjavaṃ tathā || 14 ||
[Analyze grammar]

paradravyādiharaṇaṃ nindā vego vibhogakaḥ |
īrṣyā kutsā vikatthā ca mātsaryaṃ duṣṭakāritā || 15 ||
[Analyze grammar]

sāhasaṃ vañcanaṃ cauryaṃ lobhāt sarvaṃ pravartate |
yo na pūrayituṃ śakyo'yutajanmagatairapi || 16 ||
[Analyze grammar]

jīryato jīryati dhrauvyaṃ lobho dhrauvyaṃ na muñcati |
nityaṃ gabhīratāṃ yāti prayukto'rtheṣu cā'kṣataḥ || 17 ||
[Analyze grammar]

rāgaṃ janayati dravye bhogye prayojitaḥ sadā |
āsaktiṃ ca parāṃ tṛṣṇāṃ lobhāt prāpnoti mānavaḥ || 18 ||
[Analyze grammar]

sa lobhaḥ saha mohena jetavyaḥ śreya icchatā |
lobhāśrayau dveṣaruṣau śiṣṭācāravighātakau || 19 ||
[Analyze grammar]

antaḥkrūrau channakūpau jagatāṃ nāśakārakau |
lobhāśrayā janāścānyān vañcayantīha hetubhiḥ || 20 ||
[Analyze grammar]

satāṃ mārgān vilumpanti nāśayanti nijān vṛṣān |
patanti dāruṇe kleśe pātayantyaparānapi || 21 ||
[Analyze grammar]

dharṣayantyuttamān svārthasiddhyarthaṃ pitṛbāndhavān |
śiṣṭānaśiṣṭān kurvanti lubdhā lobhādayastathā || 22 ||
[Analyze grammar]

tena puṇyasya lopaḥ syāttathā bhūto vinaśyati |
tasmācchucivratān sādhūn samāśrayed vitṛṣṇakān || 23 ||
[Analyze grammar]

lobhamoharahitān vai śreyaḥ syātparamaṃ tataḥ |
satye sthitān dharmavṛṣān śiṣṭācārasamanvitān || 24 ||
[Analyze grammar]

kṛṣṇaprasaṃgasaṃprāptān sevetāpi dayāparān |
pitṛdevā''titheyāṃśca tathā sarvopakāriṇaḥ || 25 ||
[Analyze grammar]

sarvadharmā''stikabhāvān sarvabhūtahite ratān |
sarvadevān pūjayeccāśrayecchreyaḥ paraṃ bhavet || 26 ||
[Analyze grammar]

na yeṣāṃ bhidyate vṛttaṃ yatpurā sādhubhiḥ kṛtam |
na trāsino na capalā na krūrāḥ satpathe sthitāḥ || 27 ||
[Analyze grammar]

tān sādhūn samprasevetā'hiṃsakān matparāyaṇān |
sarvadoṣavyapetāṃśca nirmamān nirahaṃkṛtān || 28 ||
[Analyze grammar]

suvratān sthiramaryādān samupāsīta bhūtaye |
na dhanārthaṃ yaśo'rthaṃ vā dharmo yeṣāṃ vilupyate || 29 ||
[Analyze grammar]

avaśyaṃ kārya ityevaṃ śarīrasya kriyāparāḥ |
na bhayaṃ ruṭ na cāpalyaṃ na śoko yeṣu laukikaḥ || 30 ||
[Analyze grammar]

satyārjavaparā ye ca mama mūrtiparāstathā |
na bhraśyante ratiṃ prāpya na ca lābheṣu harṣitāḥ || 31 ||
[Analyze grammar]

na vyathanti vilābheṣu sattvamārgamupāśritāḥ |
samabhāvā dayābhāvāḥ paropakārabhāvinaḥ || 32 ||
[Analyze grammar]

lābhālābhau sukhaduḥkhe priyāpriye janimṛtī |
samāni yeṣāṃ cetāṃsi tānupāsīta bhaktimān || 33 ||
[Analyze grammar]

mahānubhāvān daivāṃśca guṇinaḥ samupāśrayet |
ajñānahārakān divyān gurūn śrayecca bhūtaye || 34 ||
[Analyze grammar]

ajñānaṃ lobhamūlaṃ ca pāpotpādakamityapi |
ajñānānna naro vetti tvātmanaḥ kṣayamityapi || 35 ||
[Analyze grammar]

ubhāvetau samaphalau samadoṣau mahattamau |
ajñānaṃ cātilobhaśca sthitervināśakau matau || 36 ||
[Analyze grammar]

lobhaprabhavamajñānaṃ lobhavṛddhyā pravardhate |
lobhe kṣīṇe kṣayaṃ yātyanyathā yātyabjadhāgatīḥ || 37 ||
[Analyze grammar]

indriyāṇāṃ damanena lobhaḥ kṣīṇo bhavennan |
vāsanāyā vilopena lobhamūlaṃ vinaśyati || 38 ||
[Analyze grammar]

damaḥ kalyāṇado bodhyo damo dharmā'tiśobhanaḥ |
damāt siddhirbhavatyeva damo dānād viśiṣyate || 39 ||
[Analyze grammar]

damāttejo vardhate ca tejasvī puruṣo bhavet |
damī cātra paratrā'pi paraṃ sukhaṃ pravindati || 40 ||
[Analyze grammar]

sukhaṃ dāntaḥ prasvapiti sukhaṃ ca pratibudhyate |
sukhaṃ paryeti lokāṃśca manaścāsya prasīdati || 41 ||
[Analyze grammar]

adānto hi janaḥ kleśamabhīkṣṇaṃ pratipadyate |
anarthośca bahūnanyān prasṛjatyadamo janaḥ || 42 ||
[Analyze grammar]

gurupūjāphalaṃ proktaṃ daminaḥ śīlinaḥ sataḥ |
kāmaḥ krodho darpalobhau roṣa īrṣyā'vamānane || 43 ||
[Analyze grammar]

asūyādyā durguṇāśca dānte tiṣṭhanti naiva ha |
samudrakalpo dānto'sti yenendriyajhaṣā hatāḥ || 44 ||
[Analyze grammar]

yena grāmyāstathā''raṇyāḥ pravṛttayo'pi vai hatāḥ |
suvṛttaḥ śīlasampannaḥ prasannātmā''tmavid budhaḥ || 45 ||
[Analyze grammar]

dāntaṃ prāpyeha satkāraṃ sugatiṃ labhate pare |
satāṃ samācaritaṃ yat karma dāntasya vartate || 46 ||
[Analyze grammar]

śubhaṃ kalyāṇadaṃ vartma satāṃ dāntasya vardhate |
dānto dhūtvā''tmaniṣṭhaśca sādhusevāparāyaṇaḥ || 47 ||
[Analyze grammar]

maddhyānanirato bhakto brahmabhūyāya kalpate |
yasmādabhayaṃ bhūtānāṃ bhūtebhyo yasya cā'bhayam || 48 ||
[Analyze grammar]

dehe vā ca videhe vā bhayaṃ tvasya kuto'pi na |
ācinoti tu me sevāṃ sarveṣu mitratāṃ gataḥ || 49 ||
[Analyze grammar]

satāṃ mārgaṃ prapannasya gatirme sadṛśī sadā |
lobhaṃ cā'jñānakaṃ tyaktvā dānto bhūtvā tu māṃ bhajet || 50 ||
[Analyze grammar]

mokṣastejomayā yadvā lokāstasya tu śāśvatāḥ |
samarpya mayi karmāṇi samarpya mayi vai tapaḥ || 51 ||
[Analyze grammar]

samarpya mayi vijñānaṃ prasannātmā madāśrayaḥ |
prāpya bhogān divisthāṃśca matsvargaṃ vindati dhruvam || 52 ||
[Analyze grammar]

yadvā paitāmahaṃ sthānaṃ vairājaṃ vā tataḥ param |
brahmarāśimayaṃ cāvyākṛtaṃ dhāmā'mṛtaṃ ca vā || 53 ||
[Analyze grammar]

golokaṃ cāpi vaikuṇṭhaṃ bhaktyā damena vindati |
jñānārāmasya bhaktasya sarvadehyavirodhinaḥ || 54 ||
[Analyze grammar]

nātra bhayaṃ punaścāsti paralokabhayaṃ na ca |
damino yādṛśī śāntistādṛśī yatnino nahi || 55 ||
[Analyze grammar]

dame lokoktirekā syāt soḍhavyā sāhi sādhunā |
yā cainaṃ kṣamayā yuktamaśaktaṃ manyate janaḥ || 56 ||
[Analyze grammar]

aśaktyā kṣamayā śreṣṭho guṇo'sya jāyate dhruvaḥ |
kṣamayā vipulā lokāḥ sulabhā yenu durlabhāḥ || 57 ||
[Analyze grammar]

sahiṣṇutā sādhudharmo durlabho'nyadurātmanām |
dāntasya kimaraṇyenā'raṇyaṃ yatra saṃvaset || 58 ||
[Analyze grammar]

dāntistapaḥ paraṃ proktaṃ yadicchāmāraṇaṃ mahat |
vegavatāmindriyāṇāṃ nirodho yodhanaṃ mahat || 59 ||
[Analyze grammar]

tadvai tapaḥ sañcitaṃ ca sarvān kāmān dadāti hi |
trīn lokāṃstapasā siddhāḥ prapaśyanti damānvitāḥ || 60 ||
[Analyze grammar]

yad durāpaṃ bhavet kiñcit tatsarvaṃ tapasā labhet |
aiśvaryāṇi samastāni tapomūlāni tāni vai || 61 ||
[Analyze grammar]

sarvapāpāni tapasā dahyante tāpitāni hi |
nivṛttendriyavargasya tapo'naśananāmakam || 62 ||
[Analyze grammar]

sabalaṃ vardhate divyatejovardhanakaṃ param |
na duṣkarataraṃ dānāt tapo nānaśanātparam || 63 ||
[Analyze grammar]

na dākṣyaṃ cātmamuktyāpterna santoṣātparaṃ sukham |
tapasā śakyate prāptuṃ deveśamuktatādikam || 64 ||
[Analyze grammar]

vāṅtapaḥ satyamevā'sti satsu satyaṃ pratiṣṭhitam |
satyaṃ dharmastapo yogo yajño brahma sanātanam || 65 ||
[Analyze grammar]

tatsarvaṃ satyarūpaṃ vai tapaḥ kṛṣṇe samarpitam |
hareryogād bhavet satyavrataṃ satāṃ tu sevanāt || 66 ||
[Analyze grammar]

sarvavastuṣu māṃ paśyet samatāvratamucyate |
icchākṣayena ca damavrataṃ tṛṣṇākṣayena ca || 67 ||
[Analyze grammar]

ātmaniṣṭhādṛḍhatvenā'bhayavrataṃ hyavāpyate |
jñānena cāpyate sthairyaṃ gāṃbhīryaṃ dhairyamityapi || 68 ||
[Analyze grammar]

amātsaryaṃ labhyate ca nirmamatveva sarvathā |
sādhutvaṃ kṣamayā śīlaṃ cā'saṃkalpena labhyate || 69 ||
[Analyze grammar]

dhiyā śreyo labhyate ca kalyāṇaṃ puṇyakarmabhiḥ |
hrīrdharmātprāpyate kṣāntirdhairyeṇa labhyate tathā || 70 ||
[Analyze grammar]

tyāgaḥ snehasya yattyāgo viṣayāṇāṃ tathaiva ca |
rāgadveṣaviyogena vairāgyeṇa ca labhyate || 71 ||
[Analyze grammar]

dhairyaṃ vikāraśūnyatvaṃ sukhaduḥkhaprade'pi ca |
viṣaye cā'pyadhṛṣyatvaṃ prāpyate cātmasattayā || 72 ||
[Analyze grammar]

sarvathā kṣamiṇā bhāvyaṃ bhāvyaṃ satyapareṇa ca |
vītaharṣabhayaruḍbhirbhāvyaṃ kalyāṇalabdhaye || 73 ||
[Analyze grammar]

adroheṇa sadā bhāvyaṃ sānugraheṇa vai tathā |
satyadharmeṇa śīlena bhāvyaṃ kalyāṇamicchatā || 74 ||
[Analyze grammar]

satāṃ sevākṛtā bhāvyaṃ bhāvyaṃ madbhaktisaṃyujā |
ātmārpaṇena vai bhāvyaṃ paraśreyo'bhikāṃkṣiṇā || 75 ||
[Analyze grammar]

mantro grāhyo vaiṣṇavaśca śaraṇaṃ me harestathā |
tena śreyastathā preyaḥ paramaṃ vo bhaviṣyati || 76 ||
[Analyze grammar]

ityuktvā virarāmā'sau bhagavān puruṣottamaḥ |
prajāḥ premṇā pupūjuśca mantraṃ hareśca jagṛhuḥ || 77 ||
[Analyze grammar]

tato rājā ca rājñī ca kumārāścakrurarhaṇām |
tisro rājñyastathā tisraḥ kanyakāścakrurarhaṇām || 78 ||
[Analyze grammar]

mahānīrājanaṃ cakruḥ karpūravartikāyutam |
rājaveṣaṃ dhārayāmāsuśca gopālanandanam || 79 ||
[Analyze grammar]

yogyāḥ kanyāśca vai tisro ramyā yuvatya eva tāḥ |
mātrājñayā svahṛdayaiḥ suvarṇavaramālikāḥ || 80 ||
[Analyze grammar]

hareḥ kaṇṭhe nyadhuḥ sarvāścaraṇāmbu papustathā |
madhuparkaṃ daduścāpyādaduḥ kānte samarpitāḥ || 81 ||
[Analyze grammar]

kṛtakṛtyā abhavaṃstāḥ sthalapadmadalaprabhāḥ |
pārāvārapibo rājā cakre vivāhakotsavam || 82 ||
[Analyze grammar]

parihārottaraṃ cakrarbhojanaṃ tatra saṃgatāḥ |
asvapaṃśca tataḥ sarve kanyāḥ kṛṣṇaṃ siṣevire || 83 ||
[Analyze grammar]

prātarvādyairgītibhiśca prabubodha mahāprabhuḥ |
kṛtāhnikaḥ kṛtapūjo'bhavat svastho yadā hariḥ || 84 ||
[Analyze grammar]

rājā tvāyāt tatra kṛṣṇaṃ pūjayituṃ pupūja ca |
tadā samāyānnṛpatiḥ śuciḥ koṭīśvarābhidhāḥ || 85 ||
[Analyze grammar]

ekadvārapradeśānāmadhiśāstā sudharmavān |
tathā cāyānnṛpatiśca śrīsatīśābhidhaḥ śuciḥ || 86 ||
[Analyze grammar]

pārūparāṣṭranṛpatirdharmavānbhaktibhāvavān |
mṛtyuharṣikoṣṭhakarṣibhyāṃ yutau tau nṛpau śubhau || 87 ||
[Analyze grammar]

prārthayāmāsatuḥ śrīśaṃ svarāṣṭragamanāya ha |
haristathā'stviti prāha satkāraṃ cākarot tayoḥ || 88 ||
[Analyze grammar]

tāvadāyāt pradhāno vai hyamātyo yājaneśvaraḥ |
īśānapānaśiṣṭākhyasamrājo brāhmileśituḥ || 89 ||
[Analyze grammar]

patreṇa sākaṃ natvaivā'prārthayatparameśvaram |
brāhmīlarājye cāgatya goyājanīpurīṃ ca naḥ || 90 ||
[Analyze grammar]

yajñairmahotsavaiḥ kṛṣṇa pāvayeti nṛpeṣaṇām |
pūrṇāṃ karotu bhagavān prajāśreyo bhaviṣyati || 91 ||
[Analyze grammar]

amarīṇāṃ ca bhāgyāni bhaviṣyanti śubhāni ca |
bhavato darśanenā'pi pūjanena ca sevayā || 92 ||
[Analyze grammar]

ityukto bhagavānāha svāgataṃ te nṛpasya ca |
vacanaṃ mānaye'mātyavarya yogyaṃ samīhitam || 93 ||
[Analyze grammar]

pañcamyāṃ tu prage tatra samāgatya kratūtsavam |
kariṣye lomaśaṃ nītvā tathā maharṣisattamān || 94 ||
[Analyze grammar]

īśānaṃ ca satīṃ nītvā yāhi rājñe nivedaya |
sāmagrīsañcayaṃ cāpi prakāraya ca ghoṣaṇām || 95 ||
[Analyze grammar]

nadītīre śubhaṃ sthānaṃ yogyaṃ yajñārthamācara |
pañcamyāṃ tu prage yajñāraṃbhaścaikādaśīdine || 96 ||
[Analyze grammar]

pūrṇāhutiḥ kratoḥ syācca praghoṣayeti sarvathā |
amātyaḥ prayayau śīghraṃ tvājñāṃ prāpya nijālayam || 97 ||
[Analyze grammar]

brāhmīleśaṃ tathoktaṃ cāvedayāmāsa sarvathā |
lomaśeśānadevau ca lālāyano vṛkāyanaḥ || 98 ||
[Analyze grammar]

nīlakarṇo yavakrītastathā'nye ṛṣayo yayuḥ |
svayaṃprakāśo bhagavān yayau yajñārthasiddhaye || 99 ||
[Analyze grammar]

āmrajanisarittīre śāntārāmarṣisevite |
goyājanībhūmimadhye yajñasthalīṃ hyakalpayan || 100 ||
[Analyze grammar]

atha kṛṣṇo'bhavat sajjo dugdhaṃ pītvā kuṭumbayuk |
gantumekadvārarāṣṭraṃ tathā pārūparāṣṭrakam || 101 ||
[Analyze grammar]

pārāvārapibo rājā vidāyaṃ yautakaṃ dadau |
pūjālabdhaṃ dhanaṃ sarvaṃ dadau sa cāmbikarṣaye || 102 ||
[Analyze grammar]

svāgataṃ mānanaṃ prāpya harirvimānago'bhavat |
koṭīśvaro yayau pūrvaṃ sammānārthaṃ harestadā || 103 ||
[Analyze grammar]

śrīsatīśo yayau cāpi nijarāṣṭraṃ haristataḥ |
mṛtyuharṣisuyuktaśca koṣṭhakarṣiyutastathā || 104 ||
[Analyze grammar]

vyomnā śīghraṃ samāyācca peyisthānagarīṃ prati |
rādhike ca tadā vādyānyavādyanta vilokya tam || 105 ||
[Analyze grammar]

iti śrīlakṣmīnārāyaṇīyasaṃhitāyāṃ dvitīye tretāsantāne hareḥ kāyanīnagaryāṃ bhramaṇaṃ pūjanaṃ rājālaye samupadeśanaṃ bhojanaṃ svapanaṃ prātarvidāyaṃ āśvinakṛṣṇapratipadi koṭīśvara |
nṛpasya ekadvārarāṣṭragamanaṃ cetyādinirūpaṇanāmā saptadaśādhikadviśatatamo'dhyāyaḥ || 217 ||
[Analyze grammar]