Chapter 212

śrīkṛṣṇa uvāca |
rādhike'tha tataḥ śrīmadbālakṛṣṇaḥ prabhuḥ svayam |
dugdhaṃ papau bhojanaṃ ca cakāra sakuṭumbakaḥ || 1 ||
[Analyze grammar]

tāvat pūjāṃ mahārājñī kartuṃ kanyāyutā''yayau |
tisraḥ kanyā varamālāṃ daduḥ kaṇṭhe harestadā || 2 ||
[Analyze grammar]

kṛtakṛtyā abhavaṃstā rājñī mene subhāgyakam |
rājā koṭisuvarṇāni pradadau haraye tadā || 3 ||
[Analyze grammar]

prajā mahotsavaṃ cakre pūjanaṃ ca harestataḥ |
pūjāṃ labdhvā drutaṃ kṛṣṇo vimānaṃ cādhyarohayat || 4 ||
[Analyze grammar]

sarvān svayaṃ cāruroha rājā sainyena vai tadā |
vidāyamānaṃ sammānaṃ vyākarod vādakaistathā || 5 ||
[Analyze grammar]

svayaṃ vimānamāruhya sarṣistadā'mbare'bhavat |
deśān rājye suyuktāṃśca vīkṣya harirnṛpānvitaḥ || 6 ||
[Analyze grammar]

sādhudvīpaṃ tato vīkṣya haṭṭāsanābdhimāpya ca |
ullaṃghya śīghramevā''pā'dhvarabhūmiṃ niśāmukhe || 7 ||
[Analyze grammar]

bhojanaṃ madhuraṃ cakre viśaśrāma sukhoṣitaḥ |
tisraḥ kanyā hareḥ sevāṃ cakrire śayane tadā || 8 ||
[Analyze grammar]

prātastūryaninādaiśca māṃgalikastavaistathā |
gītibhirbrahmapatnīnāṃ prabubodha mahāprabhuḥ || 9 ||
[Analyze grammar]

kṛtasnānādikastūrṇaṃ prapūjya pitarau gurūn |
yajñabhūmau haristūrṇaṃ tatrājagāma sānvayaḥ || 10 ||
[Analyze grammar]

ekādaśyāṃ prage viprā munayo'pi maharṣayaḥ |
sādhavaḥ karmaṭhāścānye yajñamaṇḍapamāyayuḥ || 11 ||
[Analyze grammar]

devādyāḥ sthānabhoktāraḥ sarve svasthānamāyayuḥ |
niṣedurvahnayaḥ kuṇḍamadhye mūrtā yathocitam || 12 ||
[Analyze grammar]

svastivāco'bhavaṃstatra puṇyāhavacanāni ca |
prokṣaṇānyudbodhanāni pūjanānyabhavan kramāt || 13 ||
[Analyze grammar]

havanāni tarpaṇāni yathānityaṃ tathā'bhavan |
antimaṃ homakāryaṃ ca parihāro'bhavattathā || 14 ||
[Analyze grammar]

havyānāṃ bhojanānyevā'bhavaiṃstadvratapuṣṭaye |
anannā'hāramāpuste śrīhareḥ karataḥ surāḥ || 15 ||
[Analyze grammar]

tṛptāstatra mahātṛptiṃ gatā hariprasādajām |
atha tatra mahādravyadakṣiṇāḥ svarṇaratnajāḥ || 16 ||
[Analyze grammar]

koṭyabjārbudapadmānāṃ parārdhānāṃ parātparāḥ |
viprebhyo'dāpayat kṛṣṇanārāyaṇaśca rājabhiḥ || 17 ||
[Analyze grammar]

tataḥ sarve'pi rājāno rājñīyuktā nije nije |
kuṇḍe cakrurhavanāni pūrṇāhutyātmakāni vai || 18 ||
[Analyze grammar]

anādiśrīkṛṣṇanārāyaṇo'pi mukhyakuṇḍake |
pūrṇāhutīrdadau vahnau devatābhyo'mṛtātmikāḥ || 19 ||
[Analyze grammar]

tataścacāra bhagavān mahāpūrṇāhutiṃ parām |
tadā muktā avatārā īśvarā munayastathā || 20 ||
[Analyze grammar]

ṛṣayo devatāḥ sarvā devyaśca mānavādayaḥ |
kāśyapyaśca prajāḥ sarvā mūrtimanto narāḥ striyaḥ || 21 ||
[Analyze grammar]

caruprasādalābhārthaṃ mahāpūrṇahavāptaye |
sthāvarā jaṃgamāḥ sarve copatasthurhi maṇḍape || 22 ||
[Analyze grammar]

ghṛtadhārāsahasrādyaistṛpyante devatādayaḥ |
vasudhārāyutādyaiśca tṛpyante'nantasṛṣṭayaḥ || 23 ||
[Analyze grammar]

mahāpūrṇāhutihomasaṃkalpottarameva tu |
mṛḍaṃ vahniṃ namaskṛtyā''jyaṃ cādhiśritya sruksruvau || 24 ||
[Analyze grammar]

pratāpya darbhaiḥ sammṛjyodvāsyājyamabhivīkṣya ca |
saṃskṛtyā''jyaṃ gṛhītvā śrīphalaṃ sruci nidhāya ca || 25 ||
[Analyze grammar]

tāmbūlaṃ ca phalānyatra pūgā'kṣatādikāni ca |
dhṛtvopari ca samidho'laṃkṛtya puṣpacandanaiḥ || 26 ||
[Analyze grammar]

pūrṇāhutyai nama iti saṃpūjya havyameva ca |
dhṛtvā karābhyāṃ bhagavān rājādyā yajamānakāḥ || 27 ||
[Analyze grammar]

sthitāḥ praṇālikādvārā ghṛtadhārāḥ sahasraśaḥ |
kuṇḍamadhye pravahantyavicchinnāśca tadā muhuḥ || 28 ||
[Analyze grammar]

vedamantrā abhavaṃścoccaritā vahnidevatāḥ |
vahnerdhyānaṃ tadā cakruḥ sākṣāt sthitasya hominaḥ || 29 ||
[Analyze grammar]

catuḥśṛṃgaṃ tridhā baddhaṃ dvimūrdhānaṃ samujjvalam |
nāsādvayaṃ ca ṣaṇṇetraṃ catuḥśrotraṃ tripādakam || 30 ||
[Analyze grammar]

saptahastaṃ dakṣe catuḥkaraṃ vāme trihastakam |
sruvaṃ srucaṃ tathā śaktimakṣamālāṃ ca dakṣiṇe || 31 ||
[Analyze grammar]

tomaraṃ vyajanaṃ caiva ghṛtapātraṃ tu vāmake |
dadhānaṃ saptajihvaṃ ca trirjihvottarakānanam || 32 ||
[Analyze grammar]

caturjihvaṃ dakṣabhāge dvipañcāśatkalāyutam |
koṭidvādaśamūrtyākhyaṃ raktapadmāsanasthitam || 33 ||
[Analyze grammar]

svāhāsvadhāvaṣaṭkārairaṃkitaṃ raktahāriṇam |
piṃgākṣaṃ lohitagrīvaṃ kṛṣṇamārgaṃ hutāśanam || 34 ||
[Analyze grammar]

jvālāmayaṃ tathā saptārciṣaṃ taṃ havyavāhanam |
agniṃ vaiśvānaraṃ tvāṃ vai namāmo gocaraṃ suram || 35 ||
[Analyze grammar]

iti dhyātvā tathā natvā vedamantrān jagurdvijāḥ |
ghṛtadhārāḥ patantyeva tatra sahasraśo'nale || 36 ||
[Analyze grammar]

oṃ samudrādūrmirmadhumāṃ udāradupāṃśunā samamṛtatvamānaṭ |
ghṛtasya nāma guhyaṃ yadasti jihvā devānāmamṛtasya nābhiḥ || 37 ||
[Analyze grammar]

vayannāmapprabravāmāghṛtasyā'smin yajñe dhārayāmā namobhiḥ |
upa brahmā śṛṇavacchasyamānaṃ catuḥśṛṃgovamīdgaura etat || 38 ||
[Analyze grammar]

catvāri śṛṃgāstrayo asya pādā dve śīrṣe saptahastāso asya |
tridhā baddho vṛṣabho roravīti mahodevo martyānāviveśa || 39 ||
[Analyze grammar]

tridhā hitaṃ paṇibhirguhyamānaṃ gavi devāso ghṛtamanvaviṃdan |
indra ekaṃ sūrya ekaṃ jajāna venādekaṃ svadhayā niṣṭatakṣuḥ || 40 ||
[Analyze grammar]

etā arṣanti hṛdyāt samudrācchatavrajāripuṇānāvacakṣe |
ghṛtasya dhārā abhicākaśīmi hiraṇyayo vetaso madhya āsām || 41 ||
[Analyze grammar]

samyaka sravanti sarito'naghenā'antarhṛdā manasā pūyamānāḥ |
ete'arṣantyūrmayo ghṛtasya mṛgā iva kṣipaṇo rīṣamāṇāḥ || 42 ||
[Analyze grammar]

sindhoriva prādhvane śūghanāso vvātappramiyaḥ patayanti yahvāḥ |
ghṛtasya dhārā'aruṣona vvājī kāṣṭhā bhindannūrmibhiḥ pinvamānāḥ || 43 ||
[Analyze grammar]

abhipravaṃta samaneva yoṣāḥ kalyāṇyaḥ smayamānāso'agnim |
ghṛtasya dhārāḥ samidho na santatā juṣāṇo haryyati jātavedāḥ || 44 ||
[Analyze grammar]

kanyā iva vvahatumetavā'u 'aṃjyaṃjānā'abhicākaśīmi |
yatra somaḥ sūyate yatra yajño ghṛtasya dhārā'ati tatpavante || 45 ||
[Analyze grammar]

abhyarṣata suṣṭutiṃ gavyamājimasmāsu bhadrā draviṇāni dhatta |
imaṃ yajñaṃ nayata devatā no ghṛtasya dhārā madhumatpavante || 46 ||
[Analyze grammar]

dhāmaṃ te viśvaṃ bhuvanamadhiśritamantaḥsamudre hṛdyantarāyuṣi |
apāmanīke samitheya'ābhṛtastamaśyāma madhumantaṃ ta ūrmim || 47 ||
[Analyze grammar]

oṃ mūrdhānaṃ divo aratiṃ pṛthivyā vaiśvānaramṛta ājātamagnim |
kaviṃ samrājamatithiṃ janānāmāsannā pātraṃ janayanta devāḥ || 48 ||
[Analyze grammar]

oṃ citiṃ juhomi manasā ghṛtena yathā devā ihā'gaman vītahotrā ṛtāvṛdhaḥ |
patye viśvasya bhūmano juhomi viśvakarmaṇe viśvāhādābbhyaṃ haviḥ || 49 ||
[Analyze grammar]

sapta te agne samidhaḥ saptajihvāḥ sapta ṛṣayaḥ saptadhāma priyāṇi |
saptahotrāḥ saptadhātvā yajanti saptayonīrāpṛṇasvā ghṛtena svāhā || 50 ||
[Analyze grammar]

śukraṃ jyotiśca citrajyotiśca satyajyotiśca |
jyotiṣmāṃśca śukraśca ṛtapāścātyaṃhāḥ || 51 ||
[Analyze grammar]

īdṛṅtvānnyādṛṅca sadṛṅc pratisadṛṅca |
mitaśca saṃmitaśca sabharāḥ || 52 ||
[Analyze grammar]

ṛtaśca satyaśca dhruvaśca dharuṇaśca dhartā ca vidhartā ca vidhādhayaḥ |
ṛtajicca satyajicca senajicca suṣeṇaśca antimitraśca dūre'amitraśca guṇaḥ || 53 ||
[Analyze grammar]

īdṛkṣāsa etādṛkṣāsa ūṣuṇaḥ sadṛkṣāsaḥ pratisadṛkṣāsa etana |
mitāsaśca sammitāso no'adya sabharaso maruto yajñe'smin || 54 ||
[Analyze grammar]

svatavāṃśca praghāsī ca sāntapanaśca gṛhamedhī ca krīḍī ca śākī cojjeṣi |
ugraśca bhīmaśca dhvāntaśca dhuniśca sāsahvāṃścābhiyugvā ca vikṣipaḥ svāhā || 55 ||
[Analyze grammar]

punastvādityā rudrā vasavaḥ samindhatāṃ punarbrahmāṇovvasunītha yajñaiḥ |
ghṛtena tvaṃ tannvanvardhayasva satyāḥ santu yajamānasya kāmāḥ || 56 ||
[Analyze grammar]

vasoḥ pavitramasi śatadhāraṃ vasoḥ pavitramasi sahasradhāram |
devastvā savitā punātu vasoḥ pavitreṇa śatadhāreṇa suppvāvākāmadhukṣaḥ || 57 ||
[Analyze grammar]

pūrṇā darvvi parāpata supūrṇā punarāpata |
vasneva vvikrīṇāvahā iṣamūrjjaṃ śatakrato svāhā |
idamagnaye vaiśvānarāya vasurudrādityebhyaḥ śatakratave adbhyaśca namama || 58 ||
[Analyze grammar]

idaṃ diviṣadbhyo bhuvaḥ sadbhyo mahaḥṣadbhyo |
janasadbhyastapaḥsadbhyaśca namama |
idaṃ satyasadbhyaścā''vṛtiṣadbhyaśceśvarebhyo |
virājāya mahāvirājāya namama || 59 ||
[Analyze grammar]

idaṃ viṣṇubhyo mahāviṣṇubhyo hiraṇyagarbhebhyo namama |
idaṃ bhūmabhyo mahāpuruṣebhyo mahākālebhyaścaturvyūhebhyo namama || 60 ||
[Analyze grammar]

idaṃ cākṣarāya cākṣaraṣadbhyo'vatārebhyo'vatāriṇe namama |
idaṃ brahmapriyābhya īśanībhyo dhāminībhyaḥ satībhyo namama || 61 ||
[Analyze grammar]

idaṃ pārṣadebhyaḥ pārṣadānībhyo gaṇebhyo gaṇanībhyo namama |
idaṃ yogibhyo yoginībhyaḥ sarvapālebhyaḥ kṣetrapebhyo namama || 62 ||
[Analyze grammar]

idaṃ maharṣibhyaśca pitṛbhyo vāyavīyebhyo jalīyebhyo namama |
idaṃ yamīyebhyaḥ kāśyapīyebhyo yakṣebhyo rākṣasebhyaśca namam || 63 ||
[Analyze grammar]

idaṃ mānavebhyo mānavībhyaḥ pāśavībhyaḥ paśubhyaśca namama |
idṃ pākṣiṇībhyaśca pakṣibhyaḥ sṛpebhyaśca sṛpībhyaśca namama || 64 ||
[Analyze grammar]

idaṃ dāsebhyaśca dāsībhyaśca pādapebhyo vallībhyaśca namama |
idaṃ tṛṇebhyaśca stambebhyaśca virudbhyaśca mūlebhyo namama || 65 ||
[Analyze grammar]

idaṃ tīrthebhyaśca nadībhyaścā'bdhibhyaśca taḍāgebhyo namama |
idaṃ caityebhyaśca jaḍebhyaśca tattvebhyaśca cetanebhyo namama || 66 ||
[Analyze grammar]

idaṃ daityebhyaśca bhūtebhyaśca piśācebhyaśca bhūtinyādibhyaśca namama |
idaṃ adhobhyaścoparibhyaścāntarebhyaśca pārśvagebhyo namama || 67 ||
[Analyze grammar]

idaṃ sādhyebhyaśca tāpasebhyaśca sāṃkhyayoginībhyaśca namama |
idamaṃśebhyaśca kalābhyaścā''veśebhyaśca vibhūtibhyo namama || 68 ||
[Analyze grammar]

idaṃ arcābhyaścāntaryāmiṇe ca svarūpebhyo rūpebhyo namama |
idaṃ vibhavebhyaśca pratibimbebhyaścāvatīrṇebhyaśca namama || 69 ||
[Analyze grammar]

idaṃ tyāgibhyaśca yatibhyaśca śīlibhyaśca brahmiṣṭebhyo namama |
idaṃ guṇebhyaśca kriyābhyaśca rasebhyaśca priyābhyaśca namama || 70 ||
[Analyze grammar]

idaṃ garbhebhyaśca bālebhyaśca yuvabhyaśca sthavīrebhyaśca namama |
idaṃ pretebhyaśca vṛṣavandhebhyaśca kālebhyaśca namama || 71 ||
[Analyze grammar]

idaṃ kośebhyaścendriyebhyaśca |
śaktibhyaśca devatābhyo namama |
idaṃ māyābhyaśceśānebhyaśceśānībhyaśca |
vaiṣṇīvībhyaśca namama || 72 ||
[Analyze grammar]

idaṃ brāhmībhyaśca brahmāṇībhyaśca |
vairājībhyaśca bhūmnībhyaśca namama |
idaṃ dhāmabhyaśca vikuṇṭhābhyo |
hāritābhyaḥ śvetābhyaśca namama || 73 ||
[Analyze grammar]

idaṃ piśaṃgībhyaśca raktābhyaśca |
gaurībhyaḥ smāritābhyaśca namama |
idaṃ lakṣmyai rādhikāyai sarasvatyai |
durgāyai gaṃgāyai namama || 74 ||
[Analyze grammar]

idaṃ virajāyai padmāvatyai ramāyai |
māṇikyai maṃjulāyai namama |
idaṃ kamalāyai haṃsāyai camṛtāyai |
sadguṇāyai sudevyai ca namama || 75 ||
[Analyze grammar]

idaṃ duḥkhahālakṣmyai santuṣṭāyai cāmarībhyaḥ |
kambharāyai śriyai namama |
idaṃ dharmāya ca vṛṣāya ca gopālāya ca |
bhagavate vallabhāya ca namama || 76 ||
[Analyze grammar]

idaṃ śukāya ca svataḥprakāśāya ca |
mahāvyāsāya ca daivādhikāśāya ca namama |
idaṃ brahmasṛṣṭyai ceśasṛṣṭyai jīvasṛṣṭyai |
sarvasṛṣṭyai asṛṣṭyai ca namama || 77 ||
[Analyze grammar]

idaṃ viśiṣṭāya pareśāyā'nādikṛṣṇa |
nārāyaṇāya svāmine namama |
idaṃ yajñāya ca havyāya ca pātrebhyaśco |
pakaraṇebhyaśca śrīkṛṣṇavallabhāya ca namama || 78 ||
[Analyze grammar]

idaṃ kuṇḍāya ca vedebhyaśca |
maṇḍapāya ca svarebhyaśca namama |
idṃ mahīmānebhyaśca dīnebhyaścā |
'nāthebhyaśca kīṭebhyaśca namama || 79 ||
[Analyze grammar]

idaṃ bhikṣukebhyaśca nyāsibhyaśca bhṛtyebhyaśca |
sāśebhyaścāntevāsibhyaśca namama |
idṃ pratīkṣadbhyaścā'pratīkṣadbhyaśca |
mūrtebhyaścā'mūrtebhyaśca tattvebhyaśca namama || 80 ||
[Analyze grammar]

idaṃ līnebhyaścā'līnebhyaścāgatebhyaścā |
nāgatebhyaśca namama |
idaṃ lokibhyaścā'lokibhyaśca dehibhyaścā |
'dehibhyaśca paricchinnebhyaśca namama || 81 ||
[Analyze grammar]

idaṃ smṛtebhyaścā'smṛtebhyaścograkebhyaścā |
'nugrakebhyaścā'paricchinnebhyaśca namama |
idaṃ sāttvikebhyaśca rājasebhyaśca |
tāmasebhyaśca trikāspṛṣṭebhyaśca namama || 82 ||
[Analyze grammar]

idamindriyavadbhyaścānindriyebhyaśca |
kalalebhyaśca bījebhyaśca sūkṣmebhyo namama |
idaṃ yāvadbhyaśca prayāvadbhyaśca parāṇubhyaścā |
'naṇubhyaścāṃ'kurebhyaśca namama || 82 ||
[Analyze grammar]

idaṃ kāmebhyaśca ratibhyaścaiśvaryebhyaścā |
'vṛṣebhyaśca yonibhyaśca namama |
idaṃ bhaktibhyaścāparābhyaśca śāradābhyaśca |
bhūmyaśca liṃgebhyaśca namama || 84 ||
[Analyze grammar]

idṃ līlābhyaśca tulasībhyaśca daivasamidbhyaśca namama |
idaṃ pūjābhyaścārhaṇābhyaśca svāgatābhyaśca namama || 85 ||
[Analyze grammar]

idaṃ rājabhyaśca prajābhyaśca śraddadhānebhyaśca namama |
idaṃ vaṃśebhyaśca pravaṃśebhyaścānuvaṃśebhyaśca namama || 86 ||
[Analyze grammar]

idaṃ satībhyaśca garbhiṇībhyaśca prasūtābhyaśca namama |
idaṃ viṣibhyaśca daṃṣṭribhyaśca śṛṃgibhyaśca namama || 87 ||
[Analyze grammar]

idaṃ mantribhyaśca malibhyaścā'malibhyaśca namama |
idaṃ hetibhyaśra veṣebhyaśca yantrebhyaśca namama || 88 ||
[Analyze grammar]

idaṃ gantrībhyaśca vimānebhyaśca yānebhyaśca namama |
idaṃ kalpebhyaśca kalpadrubhyaśca kalpavallībhyaśca namama || 89 ||
[Analyze grammar]

idaṃ dhenubhyaśca kāmadughābhyaśca cintāmaṇibhyaśca namama |
idṃ brahmasarase brahmahradāyāmṛtadhārāyā'kṣayapātrāya namama || 90 ||
[Analyze grammar]

idaṃ caitasmai cetadvṛttaye mahākṛṣṇāya bālakṛṣṇāya namama |
idaṃ brahmaṇe ca parabrahmaṇe ca nārāyaṇāya paramātmane namama || 91 ||
[Analyze grammar]

ityevaṃ rādhike havyāhutayo'nantanāmabhiḥ |
dīyante kuṇḍake vahnau sākṣād devapradāya vai || 92 ||
[Analyze grammar]

āgatyāgatya sarve te gṛhṇanti vahnikānanāt |
tṛptāḥ prayānti sukhinaḥ sodgārāḥ sāśiṣastadā || 93 ||
[Analyze grammar]

evaṃ kṛtaṃ hi havanaṃ nārikelādibhistadā |
mahāpūrṇāhutiprakhyaṃ bālakṛṣṇo'nale śubhe || 94 ||
[Analyze grammar]

divyarūpo'bhavad dṛśyaḥ sarveṣāmeva dehinām |
viśvaṃbharaḥ svayaṃ bhuṃkte havyāni vividhāni vai || 95 ||
[Analyze grammar]

antarbhāvya tu tāṃstāṃśca tṛptastṛptiṃ dadāti vai |
śarkarā madhuparkāśca caravaśca phalāni ca || 96 ||
[Analyze grammar]

ghṛtāni vrīhayo divyā rasā miṣṭānnakāni ca |
amṛtāni sudhāścāpi peyāni vividhānyapi || 97 ||
[Analyze grammar]

kaṇabhūjāni sasyāni bījāni samidhastathā |
dugdhasārāṇi cānyāni hūyante cānale harau || 98 ||
[Analyze grammar]

yadyalloke tu yānyeva yeṣāṃ khādyāni santi ca |
sattvabhāvāni tānyeva hūyante cānale harau || 99 ||
[Analyze grammar]

yeṣāṃ yat tṛptikṛccāpi sarvajño bālakṛṣṇakaḥ |
tatpradāyaiva taṃ tāṃ vā tarpayatyeva cānale || 100 ||
[Analyze grammar]

evaṃ pūrṇāhutirjātā mahāpūrṇāhutistathā |
tṛptaṃ jātaṃ jagat sarvaṃ tṛptaṃ vai sṛṣṭimaṇḍalam || 101 ||
[Analyze grammar]

tṛptaṃ sṛṣṭeḥ paraṃ cāpi sarvaṃ vai brahmamaṇḍalam |
tato devādayaḥ prāhuḥ pacyante nodare'dhunā || 102 ||
[Analyze grammar]

havyānīti parihāraṃ karotu parameśvaraḥ |
ityevaṃ devakoṭīnāṃ ghoṣaṇāyāṃ hariḥ svayam || 103 ||
[Analyze grammar]

tṛptaḥ prasannaścodgāraṃ prāpya homāntakaṃ vyadhāt |
mahāpūrṇāhutau home jāte nārāyaṇāstadā |
amṛtākhyaphalānyagnau juhuvurdhāmajāni vai || 104 ||
[Analyze grammar]

muktāḥ kalpamayānyeva phalāni juhuvustadā |
īśvarā aiśvarasudhāphalāni juhuvustadā || 105 ||
[Analyze grammar]

ṛṣayo devatāścāpi pīyūṣaphalakāni ca |
juhuvurmānavā nārikelāni śarkarāstathā || 106 ||
[Analyze grammar]

parvatāścandanādīni dhenavaḥ pāyasānyapi |
drumā rasān śreṣṭhagundrān juhuvuḥ sarvaśastadā || 107 ||
[Analyze grammar]

sasyāni juhuvustatra śālikaṇādikān śubhān |
vallayo miṣṭapuṣpāṇi devyo miṣṭānnakāni ca || 108 ||
[Analyze grammar]

yathā yeṣāmabhūt smṛddhistathā phalādikāni vai |
juhuvustatra kuṇḍāgnau parameśe parātpare || 109 ||
[Analyze grammar]

patravantastu patrāṇi gandhavantaḥ sugandhakān |
tvagvantaśca tvacaḥ śreṣṭhā juhuvustatra cānale || 110 ||
[Analyze grammar]

trailokyāṃ vyānaśe dhūmraḥ sugandhimiṣṭatṛptidaḥ |
sṛṣṭitrayaṃ tadā tṛptaṃ harau tṛpte hi rādhike || 111 ||
[Analyze grammar]

evaṃ yajño mahān jāto madhyāhne'bhūt samāptimān |
devānāṃ dakṣiṇādānaṃ pūjanaṃ ca visarjanam || 112 ||
[Analyze grammar]

cakāra bhagavān sākṣād dakṣiṇādānamityapi |
bhikṣukāṇāṃ hi sarveṣāṃ bhojanādīnyakārayat || 113 ||
[Analyze grammar]

ācāryādyā yathāyogyāḥ sāmagrīrjagṛhuśca tāḥ |
yajñīyā dakṣiṇādyāśca parihārastato'bhavat || 114 ||
[Analyze grammar]

iti śrīlakṣmīnārāyaṇīyasaṃhitāyāṃ dvitīye tretāsantāne caikādaśyāṃ mahāpūrṇāhutipradānaṃ sarveṣāṃ tṛptiryajñaparihāraścetyādinirūpaṇanāmā dvādaśādhikadviśatatamo'dhyāyaḥ || 212 ||
[Analyze grammar]