Chapter 206

śrīkṛṣṇa uvāca |
rādhike maṇḍape kṛṣṇaḥ sauvarṇau pitarau tathā |
sūryaṃ candraṃ śaṃkaraṃ ca satīṃ gaṃgāṃ vyatiṣṭhipat || 1 ||
[Analyze grammar]

anādiśrībālakṛṣṇaṃ lomaśoktavidhānataḥ |
rāyakinnararājaḥ saṃpūjayat parameśvaram || 2 ||
[Analyze grammar]

mātaraṃ pitaraṃ cāpi harestatrā'pyapūjayat |
āvāhanaṃ cāsanaṃ ca pādyamarghyaṃ dadau tadā || 3 ||
[Analyze grammar]

dadāvācamanaṃ vāri śaucārthaṃ vāri cetyapi |
śuddhyarthaṃ ca tato dugdhaṃ dadhi ghṛtaṃ ca śarkarām || 4 ||
[Analyze grammar]

madhu dadau tataścābhiṣekārthaṃ tīrthavāri ca |
vastrā''mārjanamevāpi sugandhitailamardanam || 59 ||
[Analyze grammar]

vastrābhūṣāpradānaṃ candanākṣatagulālakam |
puṣpahārān kajjalādi dhūpaṃ dīpaṃ ca kuṃkumam || 6 ||
[Analyze grammar]

tulasīṃ padmahārāṃśca naivedyaṃ copavītakam |
chatraṃ cāmaravyajane naivedyaṃ phalamuttamam || 7 ||
[Analyze grammar]

jalaṃ tāmbūlakaṃ cārārtrikaṃ ca dakṣiṇāṃ dadau |
stutiṃ kṣamāṃ namaskāraṃ daṇḍavat kusumāñjalim || 8 ||
[Analyze grammar]

dadau pūjāprakāraiśca samarcya śrīnarāyaṇam |
tato'vatārān muktāṃśceśvarān devān munīn surān || 9 ||
[Analyze grammar]

pitṝn devīrdevatāśca pūjayāmāsa pārthivaḥ |
cakāra ca tataḥ prāyaścittāṃgaṃ vyāhṛterhavam || 10 ||
[Analyze grammar]

viṣṇuśrāddhaṃ cakārā'tha cakre mukhāvalokanam |
ājyapātrasya dānaṃ cācāryāya pradadau nṛpaḥ || 11 ||
[Analyze grammar]

śuśrāva śāntipāṭhāṃśca viprakṛtān sukhāvahān |
svastipāṭhān māṃgalikān śrutvā vavanda vai gurum || 12 ||
[Analyze grammar]

lomaśarṣistataścakre pradhānaṃ makhakarmaṇaḥ |
saṃkalpaṃ cāṃgasaṃkalpaṃ kārayāmāsa taṃ nṛpam || 13 ||
[Analyze grammar]

bhūmikūrmā'nantapūjāṃ dīpasthānaṃ nṛpo vyadhāt |
cakre digrakṣaṇaṃ vāme kare tvādāya sarṣapān || 14 ||
[Analyze grammar]

vikīrya sarvatobhāge'ghātayadvāmapāṇinā |
bhūmiṃ cātha tataścakre kalaśārādhanaṃ nṛpaḥ || 15 ||
[Analyze grammar]

jale tīrthāni cāvāhya dehe sve prokṣaṇaṃ vyadhāt |
pañcagavyena yajñasya saṃbhāraprokṣaṇaṃ vyadhāt || 16 ||
[Analyze grammar]

gaṇeśapūjanaṃ cakre sākṣād dūrvādibhistathā |
ṣoḍaśabhistūpacārairathā''varaṇapūjanam || 17 ||
[Analyze grammar]

cakre tataśca gauryādimātṛkāpūjanaṃ vyadhāt |
brāhmyādimātṛkāpūjā kṛtvā rājā tato'karot || 18 ||
[Analyze grammar]

nāndīśrāddhaṃ tarpaṇaṃ ca pitṝṇāṃ tṛptikārakam |
athā'rghavandanaṃ cakre kalaśe sūtraveṣṭanam || 19 ||
[Analyze grammar]

oṣadhipuṣpaniḥkṣepaṃ pañcapallavaratnakam |
cikṣepa ca phalaṃ svarṇaṃ mṛttikāṃ dhānyadūrvikām || 20 ||
[Analyze grammar]

tataścācāryavaraṇaṃ brahmādivaraṇaṃ punaḥ |
gaṇeśavaraṇaṃ dvārapālavaraṇamācarat || 21 ||
[Analyze grammar]

ṛtvijāṃ varaṇaṃ cakre madhuparkārhaṇaṃ vyadhāt |
madhuparkaprāśanaṃ ca vyadhādācamanaṃ tataḥ || 22 ||
[Analyze grammar]

goniṣkrayaṃ dhanaṃ rājā dadau viprāya vai tadā |
prārthayacca guruṃ śrīmadbālakṛṣṇaṃ ca lomaśam || 23 ||
[Analyze grammar]

bhūbhṛtastilakaṃ cakrelomaśarṣistadā tataḥ |
rājñyā babandha ca vāme kare rakṣārthasūtrakam || 24 ||
[Analyze grammar]

kaṃkaṇaṃ vā tataścāpi puṇyāhavācanaṃ vyadhāt |
sajalaṃ kalaśaṃ pūrṇapātrayuktaṃ tu dhānyake || 25 ||
[Analyze grammar]

nyadhāt pupūja kalaśaṃ tajjalaistarpaṇaṃ vyadhāt |
yajamānā'bhiṣekaṃ ca lomaśaḥ samavartayat || 26 ||
[Analyze grammar]

vardhanīkalaśasyāpi sthāpanaṃ pracakāra ha |
rājā pradakṣiṇīkṛtya maṇḍape taṃ nyaveśayat || 27 ||
[Analyze grammar]

jalayātrāṃ lomaśaścā'kārayat kalaśānvitām |
saubhāgyābhiśca nārībhirvādyayānasukīrtanaiḥ || 28 ||
[Analyze grammar]

tīrthe sampūjya varuṇaṃ gaṇeśaṃ jalamātaram |
jalaṃ pupūja ca jīvamātaraṃ sthalamātaram || 29 ||
[Analyze grammar]

matsyī kūrmī ca vārāhī dardurī makarī tathā |
jalūkī cāpi tantūkī tṛpyantāṃ jalamātaraḥ || 30 ||
[Analyze grammar]

kumārī dhanadā nandā vimalā maṃgalā calā |
padmā ceti pratṛpyantāṃ saptaitā jīvamātṛkāḥ || 31 ||
[Analyze grammar]

urmīrlakṣmīrmahāmāyā pānadevī ca vāruṇī |
nirmalā ca tathā godhā tṛpyantāṃ sthalamātaraḥ || 32 ||
[Analyze grammar]

tato'rcayaccatuḥṣaṣṭiyoginīcakramityapi |
kṣetrapālaṃ tīrthagaṇaṃ varuṇaṃ samapūjayat || 33 ||
[Analyze grammar]

kalaśasthāpanaṃ cakre kṣetrapālaprapūjanam |
tato maṇḍapamāgatya kalaśena samanvitaḥ || 34 ||
[Analyze grammar]

rājā ca dvāraśākhādhiṣṭhātṛdevānapūjayat |
dehalīṃ māḍalaśobhāṃ kṛtvā vāstuṃ praṇamya ca || 35 ||
[Analyze grammar]

vāstusthāpanamevāpi lomaṣarṣistadā'karot |
vāstupīṭhaṃ vidhāyā'pi gaṇeśaṃ samapūjayat || 36 ||
[Analyze grammar]

vāstudevān catuḥṣaṣṭisaṃkhyākān lomaśo muniḥ |
āvāhya ca samabhyarcya kalaśaṃ samapūjayat || 37 ||
[Analyze grammar]

kalaśe vāstumūrtiṃ cā'pūjayat ṣoḍaśādibhiḥ |
bahirhomaṃ vidhāyā'tha baliṃ tasmai dadāvṛṣiḥ || 38 ||
[Analyze grammar]

maṇḍapasya tataḥ pūjāṃ stambhapūjāṃ samācarat |
sarvakoṇastambhadevān madhyadevānapūjayat || 39 ||
[Analyze grammar]

dvāratoraṇadevāṃścā'pūjayannṛpatistataḥ |
vedapūjāṃ cihnapūjāṃ śākhāpūjāmathā'karot || 40 ||
[Analyze grammar]

kalaśe śākhino devānapūjayadvidhānataḥ |
bhūtādibhyo māṣabalimārpayat sannyavartayat || 41 ||
[Analyze grammar]

sarvatobhadrakaṃ ramyaṃ maṇḍalaṃ devatāyutam |
apūjayat trayastriṃśaddevatāstatra maṇḍale || 42 ||
[Analyze grammar]

madhye'nādikṛṣṇanārāyaṇaṃ tamavatāriṇam |
sarvapatnīyutaṃ rādhākṛṣṇaṃ śrīmannarāyaṇam || 43 ||
[Analyze grammar]

avatārān śaktiyuktānīśvarānapyapūjayat |
īśvarāṇīstathā sarvā anyaśaktīrapūjayat || 44 ||
[Analyze grammar]

muktān muktānikāścāpi dhāmā'kṣaraṃ hyapūjayat |
śrīkṛṣṇaṃ rādhikāyuktaṃ gopagopīgaṇānvitam || 45 ||
[Analyze grammar]

apūjayattadā dāsīpatnīpriyāsamanvitam |
lakṣmīnārāyaṇaṃ devaṃ pārṣadairgaruḍena ca || 46 ||
[Analyze grammar]

ramābhiśca pārṣadānībhiśca pupūja bhūpatiḥ |
gaṇeśapūjanaṃ cakre vāstudevaprapūjanam || 47 ||
[Analyze grammar]

īśvarāṇāṃ pūjanaṃ ca cakāra bhūpatistataḥ |
brahmāṇaṃ ca tathā somamīśānamindramityapi || 48 ||
[Analyze grammar]

agniṃ vaivasvataṃ rakṣo varuṇaṃ samapūjayat |
vāyuṃ kuberaṃ ca vasūn rudrānekādaśāpi ca || 49 ||
[Analyze grammar]

ādityān dvādaśa caivā''śvinau tatrā'pyapūjayat |
pitṝṃśca viśvadevāṃśca saptayajñānapūjayat || 50 ||
[Analyze grammar]

sarpān gandharvakānapsarasaḥ skandamapūjayat |
nandīśvaraṃ mahākālaṃ śūlaṃ dakṣādisaptakam || 51 ||
[Analyze grammar]

apūjayattathā durgāṃ viṣṇuṃ ca vaiṣṇavīṃ tathā |
svadhāṃ svāhāṃ mṛtyurogau gaṇeśaṃ samapūjayat || 52 ||
[Analyze grammar]

varuṇaṃ ca makheśaṃ ca marutaḥ samapūjayat |
pṛthivīṃ ca nadīṃ gaṃgāṃ saritaścā'pyapūjayat || 53 ||
[Analyze grammar]

sāgarān sapta meruṃ ca pārthivaḥ samapūjayat |
āyudhāni samastāni tīrthāni samapūjayat || 54 ||
[Analyze grammar]

vibhūṣaṇāni divyāni mūrtimanti hyapūjayat |
bhāradvājādikān maharṣivaryānapyapūjayat || 55 ||
[Analyze grammar]

arundhatīṃ tathā cānyā devīstatrā'pyapūjayat |
sarvadikpālapatnīśca rājā samyagapūjayat || 56 ||
[Analyze grammar]

īśvarān sarvapitṝṃśca munīn devānṛṣīṃstathā |
sādhūn sādhvīḥ sāṃkhyayoginīśca sarvā hyapūjayat || 57 ||
[Analyze grammar]

bhuvarlokanivāsāṃśca kuṣmāṇḍakān vināyakān |
vetālān rākṣasāṃścāpi pretān sarvānapūjayat || 58 ||
[Analyze grammar]

yamadūtān dharmavaṃśyān adharmavaṃśajānapi |
nārīrnarān nṛpatiḥ saḥ sarvāṃstatra hyapūjayat || 59 ||
[Analyze grammar]

parvatān vanavṛkṣāṃśca vallīśca tṛṇajātikān |
stabakān vaṃśajātīyān rasadānapyapūjayat || 60 ||
[Analyze grammar]

mūlakandān phalivṛkṣān jarāyūjāṃstathā'ṇḍajān |
jantūn sūkṣmān viśālāṃśca yādovāsānapūjayat || 61 ||
[Analyze grammar]

svedajān kāśyapīḥ sarvāḥ prajāścāpyatyapūjayat |
sthalajān vāyujāṃścāpi vahnijān khātajānapi || 62 ||
[Analyze grammar]

pārthivān dehino vārijātān sarvānapūjayat |
sāttvikān malinān rājasāṃśca tāmasadehinaḥ || 63 ||
[Analyze grammar]

apūjayattadā dīnānāthān bhikṣukānapi |
anāśritān parādhīnān parabhāgyopajīvinaḥ || 64 ||
[Analyze grammar]

bhṛtyavargān dūravargān dāsavargānapūjayat |
kalājñān śilpavetṝṃśca nāṭyanartanakārakān || 65 ||
[Analyze grammar]

sūtamāgadhabandyādīn kathākārānapūjayat |
jaḍān tattvaviśeṣāṃśca guṇān svarānapūrvakān || 66 ||
[Analyze grammar]

mantrān sarvān viṣayāṃśca bhūpatiḥ samapūjayat |
gītikā vedamūrtīśca yajñapātrāṇi satkaṇān || 67 ||
[Analyze grammar]

sasyāni samidhaḥ sarvān havyānyapi tvapūjayat |
yāni yāni tadā yajñamaṇḍape hariṇā svayam || 68 ||
[Analyze grammar]

āmantritāni bhūtāni cāgatāni samutsave |
api nikṛṣṭanāmāni nikṛṣṭadehavantyapi || 69 ||
[Analyze grammar]

pareśvaro nijāṃ sṛṣṭiṃ nijāpatyasvarūpiṇīm |
sarvāṃ śrīvaiṣṇave naije yajñe hyapūjayattadā || 70 ||
[Analyze grammar]

pātālasthān daityagaṇān dānavān nāgavigrahān |
dhāmalokanivāsāṃśca maṇḍape vai samāgatān || 71 ||
[Analyze grammar]

sarvānapūjayat kṛṣṇanārāyaṇaḥ sukhapradaḥ |
api kīṭapataṃgādyān pūjayitvā hariḥ svayam || 72 ||
[Analyze grammar]

sarvebhyo'rpya baliṃ cātarpayadvai nijake'dhvare |
saṃkarṣaṇādikāṃścāpi sanakādyāṃśca yoginaḥ || 73 ||
[Analyze grammar]

viśvaksenādikān sarvān pārṣadān yantradevatāḥ |
śukādīn jñānayogāṃśca matsyādīn keśavānapi || 74 ||
[Analyze grammar]

praṇavādīn śāradāṃśca'vatārān ṛṣabhādikān |
viśvāmitrādikān sarvānapūjayattadā nṛpaḥ || 75 ||
[Analyze grammar]

brāhmyādikāḥ śaktirūpā aṇimāsiddhikāstathā |
dikpālān cāyudhānyeva vedān gaṃgādikāstathā || 76 ||
[Analyze grammar]

mantradevān kuṭumbāḍhyān pūjayattadā nṛpaḥ |
tato'gnyuttāraṇa cakre mūrtānāṃ ghṛtalepanam || 77 ||
[Analyze grammar]

jaladhārābhiṣekaṃ ca kṛtvā prāṇān sa bījakān |
iha prāṇāśca āṃ hrīṃ krauṃ yaṃraṃlaṃvaṃśaṃṣaṃsaṃham || 78 ||
[Analyze grammar]

saḥso'hamiti mantrādyairnyāsairbījairayojayat |
evaṃ sauvarṇamūrtīnāṃ sarvāsāṃ tatra maṇḍape || 79 ||
[Analyze grammar]

sthāpitānāṃ hariścāpi pūjāṃ cakāra vai punaḥ |
nijāṃ nijapituścāpi nijamātustathā svasuḥ || 80 ||
[Analyze grammar]

bhrātṝṇāṃ ca gaṇeśasya rādhākṛṣṇasya vai tathā |
lakṣmīnārāyaṇasyāpi padmāyāśca tathā śubhām || 81 ||
[Analyze grammar]

ramāyāśca tathā māṇikyāyāstathā ca kānakīm |
sūryasyāpi ca candrasyeśānasyāpi ca kānakīm || 82 ||
[Analyze grammar]

satyāśca kānakīṃ mūrtiṃ pratiṣṭhārthamapūjayat |
ṣoḍaśaprāṇavāsārthaṃ mūrtīḥ sarvā apūjayat || 83 ||
[Analyze grammar]

brahmasṛṣṭimīśasṛṣṭiṃ jīvasṛṣṭimatho'smarat |
tatrāvatāramūrtīnāṃ tadā kṛṣṇaḥ smṛtiṃ vyadhāt || 84 ||
[Analyze grammar]

sarvāvatārāścāgatya maṇḍape pratimādiṣu |
atiṣṭhanta hi divyāste sarvatattvamayāḥ surāḥ || 85 ||
[Analyze grammar]

evaṃ vai vidhinā mūrtīḥ pratiṣṭhāpya sajīvikāḥ |
cetanāstā vidhāyaiva prāviśad bālakṛṣṇakaḥ || 86 ||
[Analyze grammar]

tataścakre pīṭhapūjāṃ rājā kṛṣṇānumoditaḥ |
paradevatāpūjāṃ ca guroḥ pūjāṃ cakāra saḥ || 87 ||
[Analyze grammar]

vedavyāsaṃ ca garuḍaṃ durgāṃ sarasvatīṃ tathā |
yamaṃ vāyuṃ śivaṃ cendraṃ nirṛtiṃ rudramārcayat || 88 ||
[Analyze grammar]

śaktiṃ kūrmamanantaṃ ca pṛthvīmadrimapūjayat |
kṣīrābdhiṃ śvetadvīpaṃ ca maṇḍapaṃ padmamārcayat || 89 ||
[Analyze grammar]

sūryamaṇḍalamevā'pi hiraṇmayaṃ narāyaṇam |
somamaṇḍalamevāpi viṣṇuṃ divyaṃ narāyaṇam || 90 ||
[Analyze grammar]

hutāśane'gnidevaṃ ca nṛsiṃhaṃ ca narāyaṇam |
sattvaśriyaṃ rajobhūmiṃ tamodurgāmapūjayat || 91 ||
[Analyze grammar]

ātmānaṃ cāntarātmānaṃ parātmānamapūjayat |
jñānātmānaṃ vimalādyāḥ pīṭhaśaktīrapūjayat || 92 ||
[Analyze grammar]

pradhānapuruṣaṃ prakṛtipūruṣamapūjayat |
kuṇḍasya pūjanaṃ cāpi viśvakarmaprapūjanam || 93 ||
[Analyze grammar]

mekhalādevatā viṣṇubrahmarudrānapūjayat |
yonipūjāṃ kaṇṭhapūjāṃ nābhipūjāmathā'karot || 94 ||
[Analyze grammar]

vāstudevāṃstathā brahmādīn vedān kacchapādikān |
apūjayattadā rājā rāyakinnarasaṃjñakaḥ || 95 ||
[Analyze grammar]

dharmādikān pūjayitvā cakre'gnisthāpanaṃ tataḥ |
sampuṭe'gniṃ samāhṛtya bhrāmayitvā trireva tam || 96 ||
[Analyze grammar]

agnimasthāpayat kuṇḍe dakṣe svāhāṃ svadhāṃ pare |
samārcayacca vidhinā praṇītānayanaṃ tataḥ || 97 ||
[Analyze grammar]

paristaraṇamevā'pi pātrāsādanamityapi |
pavitrīkaraṇaṃ cāpi tathā vāryabhiṣecanam || 98 ||
[Analyze grammar]

uttānaṃ coddiganaṃ ca prokṣaṇaṃ kṣālanaṃ tathā |
sekaścarvadhiśrayaṇaṃ paryagnikaraṇaṃ tathā || 99 ||
[Analyze grammar]

cakāra lomaśo devo grahasthāpanamācarat |
navagrahānārcayaccā'dhidevānārcayattathā || 100 ||
[Analyze grammar]

pratyadhidevatārhāṃ ca lokapālārhaṇāṃ tataḥ |
kṣetrapālasthāpanaṃ ca dikpālasthāpanaṃ tathā || 101 ||
[Analyze grammar]

mahārudrasthāpanaṃ ca teṣāṃ pūjanamācarat |
catuḥṣaṣṭiyoginīnāṃ pūjanaṃ cākarottataḥ || 102 ||
[Analyze grammar]

pañcāśatkṣetrapālānāṃ pūjanaṃ ca tato'karot |
parameśaṃ cāvatārānīśvarān devatāstathā || 103 ||
[Analyze grammar]

dadhyau rājā tu tilakaṃ hyakārayaddharestadā |
tulasīmālikāṃ cāpi dadau mālāṃ dadau tataḥ || 104 ||
[Analyze grammar]

śaṃkhaṃ cakrādikaṃ datvā'pūjayannṛpatiśca vai |
matsyacihnaṃ triśūlaṃ ca dhanuṣaṃ bāṇamityapi || 105 ||
[Analyze grammar]

svastikaṃ ca dhvajaṃ cakraṃ vajraṃ cāpūjayattataḥ |
ghaṇṭāpūjāmācaracca kalaśārhāṃ samācarat || 106 ||
[Analyze grammar]

bhūśuddhiṃ lomaśastaṃ cākārayad vai namastathā |
āsanaṃ ca śikhāyā bandhanaṃ digbandhanaṃ tathā || 107 ||
[Analyze grammar]

tālatrayaṃ tathā bhūmitāḍanaṃ triḥ samācarat |
bhūtaśuddhiṃ prācaracca kuṇḍalinīmapūjayat || 108 ||
[Analyze grammar]

ṣaṭcakrāṇi pūjayitvā jīvaṃ brahmā'pyapūjayat |
pāpapuruṣadāhaṃ ca dhyātvā rājā'karottadā || 109 ||
[Analyze grammar]

śarīrā''plavanaṃ cakre tathā''tmaśodhanaṃ nṛpaḥ |
prāṇapratiṣṭhāṃ sanyāsāṃ bījākṣarayutāṃ tathā || 110 ||
[Analyze grammar]

pāṭhaśaktisahitāṃ ca kṛtvā pūjanamācarat |
pañcāvaraṇadevārhāṃ prāṇasthāpanamityapi || 111 ||
[Analyze grammar]

athā'ntarmātṛkānyāsān bahirmātṛkanyāsanam |
ekādaśa tathā nyāsān śrīhareśca samācarat || 112 ||
[Analyze grammar]

pātrāsādanamevāpi dīpadānamathācarat |
kalārhaṇāṃ tathā'rghaṃ ca kṛtvā datvā viśeṣataḥ || 113 ||
[Analyze grammar]

pādyā'rghyācamanaprokṣaṇīmadhuparkapātrakam |
vidhinā'pūjayad rājā rādhike maṇḍape makhe || 114 ||
[Analyze grammar]

iti śrīlakṣmīnārāyaṇīyasaṃhitāyāṃ dvitīye tretāsantāne sauvarṇīmūrtipūjā gaṇeśapūjā kalaśasthāpanaṃ maṇḍalaṃ vāstusthāpanaṃ sarveśvareśvaradevādipūjā kuṇḍamaṇḍapaśākhādidevadevīyoginīkṣetrapālātmādipūjā dehaśuddhyādibrahmapūjā'gnisthāpanaṃ cetyādinirūpaṇanāmā ṣaḍadhikadviśatatamo'dhyāyaḥ || 206 ||
[Analyze grammar]