Chapter 201

śrīrādhikovāca |
kānta kānta kṛpāsindho rādhāpate ramāpate |
amarīṇāṃ pradeśeṣu kiṃ kiṃ cakāra mādhavaḥ || 1 ||
[Analyze grammar]

kva kva kutra yayau tasthau kaiḥ kaiḥ saṃsevito hareḥ |
camatkārāśca ke tatra darśitāḥ paramātmanā || 2 ||
[Analyze grammar]

prajābhiḥ kiṃ kṛtaṃ tatra prāpte pareśvare prabhau |
kāṃskān deśān jagāmā'yaṃ bhagavān bhūtabhāvanaḥ || 3 ||
[Analyze grammar]

vadā'marīpradeśānāṃ bhagavaccaritāni me |
yāni yānyabhavaṃstatra brahmapriyāniṣevituḥ || 4 ||
[Analyze grammar]

bahutṛptā bhavāmyasya bhūtvā nāthasya satkathāḥ |
punastṛṣā bhavatyeva śrotuṃ taccaritāni me || 5 ||
[Analyze grammar]

śrīkṛṣṇa uvāca |
śṛṇu tvaṃ rādhike yāvaccaritrāṇi vadāmi te |
yajñaḥ pūjā svāgatādi samarpaṇaṃ nideśanam || 6 ||
[Analyze grammar]

bhramaṇaṃ mantradānaṃ ca divyadarśanakāni ca |
mokṣaṇaṃ dehināṃ tīrthīkaraṇaṃ saritāṃ tathā || 7 ||
[Analyze grammar]

sarasāṃ sāgarāṇāṃ ca pāvanīkaraṇaṃ śubham |
kathayāmi samāsena camatkāramayāni te || 8 ||
[Analyze grammar]

yajñaṃ cakāra bhagavān vinipārasarastaṭe |
śeṣakāṣṭhavanāsaṃge viśāle bhūtale śubhe || 9 ||
[Analyze grammar]

vaiṣṇavaṃ sarvadevānāṃ tṛptidaṃ prāṇināmiha |
sṛṣṭitrayasthadehyādyā jaḍāśca cetanāstathā || 10 ||
[Analyze grammar]

bālakṛṣṇasya hastābhyāṃ tṛptiṃ te śāśvatīṃ yayuḥ |
kenāṭakapradeśānāṃ khaṇḍānāṃ sārvabhaumakaḥ || 11 ||
[Analyze grammar]

rājā paṃcasarasāṃ vai rāyakinnaranāmakaḥ |
divimānāyanarṣiśca sāhāyyaṃ cakratuḥ kratau || 12 ||
[Analyze grammar]

vaiṣṇavau paramau tau dvau lālāyanasya saṃgamāt |
tuṣitasya pratāpena bhaktottamau babhūvatuḥ || 13 ||
[Analyze grammar]

lālāyanasya śiṣyo vai rājā ṛṣernideśataḥ |
maṃgalapatrikāḥ sampreṣayāmāsa makhārthinīḥ || 14 ||
[Analyze grammar]

lālāyanasya yogena cāmarīṇāṃ pradeśakāḥ |
vaiṣṇavībhiḥ prajābhiśca vāsitāḥ santi dharmiṇaḥ || 15 ||
[Analyze grammar]

khaṇḍe khaṇḍe ca rājāno bhavantaśca prajājanāḥ |
vaiṣṇavatvaṃ copagatā ahobhāgyāni tāni naḥ || 16 ||
[Analyze grammar]

yo vai nārāyaṇānāṃ śrīnārāyaṇaḥ pareśvaraḥ |
yadbhaktāśca vayaṃ smo'tra sa śrīkṛṣṇanarāyaṇaḥ || 17 ||
[Analyze grammar]

mama rājye samāgatya yajñaṃ vai vaiṣṇavaṃ śubham |
kariṣyatīti sarvairāgantavyaṃ tanmakhotsave || 18 ||
[Analyze grammar]

bhādraśuklasya saptamyāṃ kratvāraṃbho bhaviṣyati |
pañcamyāṃ paramātmā sa vimānādāgamiṣyati || 19 ||
[Analyze grammar]

khaṇḍagaiḥ rājabhiścātra saṃhitavyaṃ purā dine |
svāgatārthaṃ hareḥ sarvaiḥ prajājanaiśca sāttvataiḥ || 20 ||
[Analyze grammar]

sainyaśobhāsusahitaiḥ kartavyaṃ harimānanam |
ekādaśyāṃ samāptiśca kratorasya bhaviṣyati || 21 ||
[Analyze grammar]

lālāyanā''jñayā rāyakinnaro'haṃ likhāmi ca |
uktairanuktaiḥ sarvairāgantavyaṃ strīnarairiha || 22 ||
[Analyze grammar]

ityevaṃ cāmarīṇāṃ vai pradeśeṣu supatrikāḥ |
preṣayāmāsa dūtaiḥ sa rāyakinnarabhūpatiḥ || 23 ||
[Analyze grammar]

prāpyā''mantraṇapatrāṇi tvāyayustvaritaṃ janāḥ |
utsukā naranāryādyā darśanārthaṃ kuṭumbinaḥ || 24 ||
[Analyze grammar]

vimānairvāhanairyānairājagmuścopadāyutāḥ |
svarṇarūpyakadhānyādyai ratnahīrakasadrasaiḥ || 25 ||
[Analyze grammar]

yajñīyavastubhiryogyairdeyaiḥ saha samāyayuḥ |
koṭiśo mānavāḥ śeṣakāṣṭhāvanānadītaṭe || 26 ||
[Analyze grammar]

vinipārasaroyoge rājāno'pi tadā'bhavan |
sainyāni bahuraṃgāni samāyātāni bhūbhṛtām || 27 ||
[Analyze grammar]

svāgatārthaṃ hareścāsannupasthitāḥ suveṣiṇaḥ |
vādyayuktā dhvajāpatākikāvāvaṭaśobhitāḥ || 28 ||
[Analyze grammar]

hetihastā gajavāhā aśvavāhoṣṭravāhinaḥ |
daśayojanavistāre klṛptanūtanapattane || 29 ||
[Analyze grammar]

sammardo'bhūttadā śeṣakāṣṭhavanānadītaṭe |
sarastīre'nuśayināṃ koṭyabjanarayoṣitām || 30 ||
[Analyze grammar]

svargavadbhrājate yajñapattanaṃ nūtanaṃ tadā |
pattanaṃ taddharikṛṣṇo'lokayattvambarānmuhuḥ || 31 ||
[Analyze grammar]

maṇḍapārthaṃ samālokya bhūmiṃ sarasorāntare |
divimānāyanarṣyuktadiśāṃ vīkṣya samasthalīm || 32 ||
[Analyze grammar]

cakraṃ vidhāya sarvordhve'vātārayadvimānakam |
vāditraninadāścāsannamarīṇāṃ ca gītikāḥ || 33 ||
[Analyze grammar]

jayadhvānāḥ prajānāṃ ca tadā''san vyomayoginaḥ |
tūpaśabdā yantraravā mānane tvabhavan hareḥ || 34 ||
[Analyze grammar]

śreṣṭhā daśa nṛpastatra sārvabhaumā hyupasthitāḥ |
gṛhītvā copadāḥ svarṇapātreṣu sapradhānakāḥ || 35 ||
[Analyze grammar]

rāyakinnaranṛpatiḥ rāyarokīśvaro nṛpaḥ |
rāyaraṇajidbhūpaśca rāyavākakṣako nṛpaḥ || 36 ||
[Analyze grammar]

rāyamārīśabhūpaśca rāyabāleśvaro nṛpaḥ |
rāyalambārabhūpaśca rāyanavārkabhūpatiḥ || 37 ||
[Analyze grammar]

rāyahaṇḍeśabhūpaśca rāyakūpeśabhūpatiḥ |
ete sainyaiḥ suyuktāśca svāgatārthaṃ harestadā || 38 ||
[Analyze grammar]

vimānaistatra cāgatya prāgeva samupasthitāḥ |
hastyaśvarathavāhādyaiḥ śṛṃgāritasuvigrahaiḥ |
sainyaṃ svāgatakāryārthaṃ tadā'bhūttu vyavasthitam || 39 ||
[Analyze grammar]

vādakā nītikartāraścāgnirañjanaveṣiṇaḥ |
jalavādyavidhartāro nṛtyavādyapraśabdinaḥ || 40 ||
[Analyze grammar]

galavādyaprabhāvajñā mayūravaṃśivādyakāḥ |
tāravādyātikuśalāḥ paṭahadhvānakāriṇaḥ || 41 ||
[Analyze grammar]

sahaśārīraceṣṭākāḥ saśastrā namanārthinaḥ |
vetradharā gaṇaveṣā vyāghraveṣāśca bhāllukāḥ || 42 ||
[Analyze grammar]

piṃgaveṣāḥ parīveṣā avadhūtasvarūpiṇaḥ |
śūlacakradharāścāpi carmakhaḍgadharāstathā || 73 ||
[Analyze grammar]

tāṃsakaiḥ karatālaiśca vigulairlakṣitā api |
śaṃkhino vajriṇaścāpi sukanyāveṣiṇastathā || 44 ||
[Analyze grammar]

jaṭāveṣadharāścāpi yoddhṛveṣātiśobhanāḥ |
arjunāmbarayuktāśca raktāmbarāḥ pracitriṇaḥ || 45 ||
[Analyze grammar]

suchatrairvyajanaiścāpi cāmarairgucchakaistathā |
vardhayitvā darpaṇaiśca svāgatārthaṃ hyupasthitāḥ || 46 ||
[Analyze grammar]

amaryo yoṣitastatra pāṇḍurābhāḥ suyauvanāḥ |
kanyakā raktakādharāḥ pūravegātisaṃbhṛtāḥ || 47 ||
[Analyze grammar]

nīlapītaharidvarṇaveṣāḥ svarṇavibhūṣaṇāḥ |
kiṃkiṇījālamālādyairambarairatiśobhitāḥ || 48 ||
[Analyze grammar]

dhṛtasthālā harerarcanārthaṃ lājākṣatānvitāḥ |
kalhārapadmakumudaiḥ kādambapārijātakaiḥ || 49 ||
[Analyze grammar]

kundasāhasrapatraiśca sthalapadmaiḥ sukesaraiḥ |
cāmpakaiḥ kāmalairhāraiḥ śekharaiḥ sragbhiranvitāḥ || 50 ||
[Analyze grammar]

kuṃkumavāṭikāyuktāḥ pūjārhacandanānvitāḥ |
amaryastatra cāyātā lakṣaśo divyayoṣitaḥ || 51 ||
[Analyze grammar]

sahasraśo rājayoṣā asaṃkhyātāḥ prajāstriyaḥ |
kenāṭakāḥ sarvadeśā maṃgalāmantraṇaistadā || 52 ||
[Analyze grammar]

samrājo mandire rāyakinnarasya makhottame |
āyāsyato bālakṛṣṇaharerdarśanalabdhaye || 53 ||
[Analyze grammar]

ābālavṛddhā manujāḥ koṭyarbudābjasaṃkhyakāḥ |
āyayuste svāgatārtha hareḥ samupatasthire || 54 ||
[Analyze grammar]

śeṣakāṣṭhavanānadyā vinipārasarovare |
saṃgamasyā'tidīrgha bhūtale samupatasthire || 55 ||
[Analyze grammar]

āgantukānāṃ vāsārhaṃ nagaraṃ bahuyojanam |
makhasevābhidhaṃ vyadyotata svargamivā'param || 56 ||
[Analyze grammar]

maṇisevānagaryāḥ sannidhau pūrvaṃ sarovarāt |
rājadarśitamārgeṇa bhagavān kṛṣṇavallabhaḥ || 57 ||
[Analyze grammar]

vimānaṃ sūryasadṛśaṃ cāvātārayadambarāt |
dyotayattu diśaḥ sarvāḥ svarṇavarṇamaśobhata || 58 ||
[Analyze grammar]

bhūmau sthairya samavāpya candratulyaṃ vyadṛśyata |
anyānyapi vimānāni cāvaterustato'mbarāt || 59 ||
[Analyze grammar]

ākṛtigrāhakayantraiḥ kuśalā jagṛhuḥ kṛtim |
rājānastaṃ tvekasūtre tiṣṭhantaścakrurānatim || 60 ||
[Analyze grammar]

sainyāni nemire dehairvādyairnṛtyakalādibhiḥ |
samrājā sahitāḥ sarve nṛpāstannikaṭaṃ yayuḥ || 61 ||
[Analyze grammar]

īśāno lomaśaścobhau vimānāgraṃ prajagmatuḥ |
vṛkāyano nīlakarṇaścobhau paścāt samāgatau || 62 ||
[Analyze grammar]

dvārapālāḥ pārṣadāścāṃ'gaṇe tasthuḥ savetrakāḥ |
niḥśreṇī samadhiprāpya rājānastasthurīkṣakāḥ || 63 ||
[Analyze grammar]

tāvaddharirbālakṛṣṇaḥ pitṛbhyāṃ sahito bahiḥ |
vimāne tvāyayau cāgre subhāsvare tu gopure || 64 ||
[Analyze grammar]

koṭikoṭyarkacandrāgnividyudbhāsvaravigrahaḥ |
toraṇā'dhaḥsthitaṃ cañcadvidyudābhāṃ tu vallabhīm || 65 ||
[Analyze grammar]

kareṇa ca manāk spṛṣṭvā mandahāsyaṃ manoharam |
śrīkṛṣṇaṃ taṃ bālakṛṣṇaṃ rāyakinnarabhūpatiḥ || 66 ||
[Analyze grammar]

praṇamya gandhavipulāṃ mālatīpuṣpamālikām |
citraraṃgāṃ dadau kaṇṭhe ratnahāraṃ dadau tataḥ || 67 ||
[Analyze grammar]

gucchaṃ pauṣpaṃ dadau haste candanārka tu bhālake |
dadau sugandhasārāṇi pātreṇa sandhṛtāmbare || 68 ||
[Analyze grammar]

pādayoścākṣatān svarṇamayān mūrdhni sutandulān |
puṣpāṇi vigrahe rājā cikṣepārhaṇakarmaṇā || 69 ||
[Analyze grammar]

jalaṃ dugdhaṃ dadau tāmbūlakaṃ phalaṃ ca sannidhau |
kṛtāñjaliḥ prārthayacca makhārthakṣmāṃ vilokitum || 70 ||
[Analyze grammar]

hariḥ śanaiḥ svarṇasopānakairavātatāra ha |
tato dattāsane saiṃhe kṣaṇaṃ vā niṣasāda ha || 71 ||
[Analyze grammar]

rāyarokīśvaraḥ puṣpahārai ratnairapūjayat |
rāyaraṇajidbhūpaśca maṇyādyaistamapūjayat || 72 ||
[Analyze grammar]

rāyavākakṣako rājā svarṇādyaistamapūjayat |
rāyamārīśabhūpo'pi ratnādyaistamapūjayat || 73 ||
[Analyze grammar]

rāyabāleśvaro rājā hīrakaistamapūjayat |
rāyalambārabhūpaśca dhanādyaistamapūjayat || 74 ||
[Analyze grammar]

rāyanavārkabhūpaśca māṇikyaistamapūjayat |
rāyahaṇḍeśabhūpaśca muktābhistamapūjayat || 75 ||
[Analyze grammar]

rāyakūpeśabhūpaśca rājataistamapūjayat |
atha pradhānāḥ sarve'pi pupūjurbhūṣaṇādibhiḥ || 76 ||
[Analyze grammar]

śreṣṭhino'pi prabhumānarcuśca dhanānnasadrasaiḥ |
havyakavyādibhiścāpi samidbhirbahuvastubhiḥ || 77 ||
[Analyze grammar]

pupūjuśca prajāvargāḥ śrīpatiṃ puruṣottamam |
pūjāsvāgatamātaḥ śrīhariḥ papraccha tāṃstadā || 78 ||
[Analyze grammar]

anāmayaṃ sukuśalaṃ kṣemaṃ yogaṃ sukhādikam |
rājādyāḥ sampraṇamyaiva prāhuste kṛpayā sukham || 79 ||
[Analyze grammar]

sarvavidhaṃ vidyate'tra dine'dya tu mahatsukham |
svarṇasūryodayastvadya jāto naste kṛpā yataḥ || 80 ||
[Analyze grammar]

prāpto'dya śāśvato lābho yadbhavaddarśanaṃ tviha |
siddhāścādya caturvagāścatvāraśca pumarthakāḥ || 81 ||
[Analyze grammar]

rājyabhāraphalaṃ tvadya labdhaṃ labdhavyalābhataḥ |
śrīḥ sarvā cendrapadavīpradātrī no gṛhe'dya vai || 82 ||
[Analyze grammar]

puṇyaṃ tvakṣayamadyaivā''sādita tava darśanāt |
pāvanā no'dya deśā vai bhavadāgamanāt prabho || 83 ||
[Analyze grammar]

sampadaḥ sārthakāstvadya bhavatā viniyojitāḥ |
satkārye saphalāḥ sarvā lakṣmambo'pi vividhā dhruvāḥ || 84 ||
[Analyze grammar]

mānavāḥ kṛtakṛtyāśca vaya mādhavadarśanāt |
narā nāryo bālabālā vṛddhāḥ puṇyatamā nanu || 89 ||
[Analyze grammar]

paśavo vṛkṣavallyādyā bahupuṇyā dine'dya vai |
pakṣiṇo jalagāścāpi bhūmigā vanino'pi ca || 86 ||
[Analyze grammar]

yadatra bhavatāṃ pādau spṛśato bhūtalādikam |
bhūriyaṃ bahubhāgyā ca dhāmatulyā hi modate || 87 ||
[Analyze grammar]

jātā'dya pulakāḍhyā sā gandhadānairviśeṣataḥ |
kṣā drrumāstṛgastambā dhanyabhāgyā dine'dya vai || 88 ||
[Analyze grammar]

yadatra bhavatāṃ pādarajaḥpūtā bhavanti te |
dhanyāḥ pipīlikādyāśca bhavatprasādabhāginaḥ || 89 ||
[Analyze grammar]

dhanyā janapadāstvete yatra nārāyaṇāgamaḥ |
prākaṭyaṃ mokṣadaṃ tvadya prāvartata harestava || 90 ||
[Analyze grammar]

dhanaṃ dhānyaṃ rājyamṛddhiḥ putrāḥ puro gajādayaḥ |
yānavāhanasamṛddhiḥ sarvaṃ saphalameva yat || 91 ||
[Analyze grammar]

tavāgamena bhagavan kiṃ kiṃ nyūnaṃ bhavennanu |
sarvaṃ naḥ pūrṇamevā'sti harerlābho hi durlabhaḥ || 92 ||
[Analyze grammar]

yajñaṃ kṛtvā pāvayā'smān kalyāṇaṃ kuru śāśvatam |
sadā deśe'tra vasatiṃ tavecchāmo'nugāstava || 93 ||
[Analyze grammar]

ityuktvā tu namaskāraṃ cakre rājā tu kinnaṭaḥ |
anye nṛpāḥ praṇemuśca tato vai bhagavān svayam || 94 ||
[Analyze grammar]

samutthāya kṣitiṃ yogyāṃ draṣṭuṃ cacāra cābhitaḥ |
śeṣakāṣṭhavanānadyāḥ saṃgamād dakṣiṇe sthale || 95 ||
[Analyze grammar]

bahuyojanavistāre maṇḍapārhāṃ kṣitiṃ śubhām |
vīkṣya cājñāpayāmāsa rājānaṃ maṇḍapāya vai || 96 ||
[Analyze grammar]

rājadūtā viṣṇudūtāḥ śivadūtāstathā'pare |
smṛtāstatrā''yayuḥ śīghraṃ viśvakarmā samāyayau || 97 ||
[Analyze grammar]

tānājñāpya navakuṇḍān kartuṃ śreṣṭhaṃ ca maṇḍapam |
āprātaḥ sarvamevaitad yathā syāt samupasthitam || 98 ||
[Analyze grammar]

harirnivāsasaudhaṃ ca yayau madhyāhnake tataḥ |
bhojanādi cakārā'tha viśaśrāma sasārthakaḥ || 99 ||
[Analyze grammar]

sarve te maṇḍapaṃ cakruḥ rātrāveva suśobhanam |
kuṇḍavedīmahāvedīśobhitaṃ kalaśagṛhaiḥ || 100 ||
[Analyze grammar]

vastugṛhairvahniśālābhiśca yuktaṃ manoharam |
maṇisevānagaryantaṃ maṇḍapaṃ saṃvidhāya ca || 101 ||
[Analyze grammar]

pārṣadā yajñasamidhaścāhartuṃ parito gatāḥ |
ṛṣayaḥ sarvagāṃgeyāstathā lomaśaśiṣyakāḥ || 102 ||
[Analyze grammar]

yajñasaṃbhārakān cakrurdevā devyaśca tanmayāḥ |
ṣaṣṭhyāṃ kṛtāhnikaḥ kṛṣṇo mahīmānapurīṃ navām || 103 ||
[Analyze grammar]

vīkṣituṃ prayayau hastipṛṣṭhāsano nṛpairyutaḥ |
pākaśālā rasaśālāḥ snānaśālā mahāyatāḥ || 104 ||
[Analyze grammar]

svāpaśālāḥ śāntiśālā havyaśālā vyalokayat |
rājabhiḥ pūritāḥ pātraśālā mahānasāni ca || 105 ||
[Analyze grammar]

vyalokayatsusāmagrīsaṃbhṛtāḥ sarvasaṃvidhāḥ |
hariḥ sasmāra vai prātardevendraṃ cā'mṛtānvitam || 106 ||
[Analyze grammar]

śīghraṃ samāyayau tatra mahendro'mṛtasaṃyutaḥ |
amṛtasya hradastatra parito'kṣayatṛptikṛt || 107 ||
[Analyze grammar]

smṛtāḥ kalpalatāstatra tvāyayuḥ phalasaṃyutāḥ |
phalānāṃ parvatāstābhiḥ kṛtā yajñārthameva ha || 108 ||
[Analyze grammar]

smṛtāḥ puṣpakaṇadāśca vṛkṣasasyadrumādayaḥ |
kalpavṛkṣāḥ kaṇapuṣpādīnāṃ vai parvatān vyadhuḥ || 109 ||
[Analyze grammar]

āgatāḥ kāmadugdhadhrāḥ smṛtā vai nijadhāmataḥ |
ghṛtakulyā dadhikulyāḥ payaḥkulyāśca dhenubhiḥ || 110 ||
[Analyze grammar]

saṃbhṛtā havyaśālāsu tvakṣayā dravyapūritāḥ |
annapūrṇā satī devī śivā lakṣmīstadā smṛtā || 111 ||
[Analyze grammar]

āgatāstāḥ parvatāṃśca cakruḥ pakvānnakalpitān |
pṛthvī mūrtā samāgatya miṣṭaṃ śarkaraparvatam || 112 ||
[Analyze grammar]

vyadhāddharervacanāt sā jaladevo rasān vyadhāt |
oṣadhayaḥ samastāśca veṣavārādikān vyūdhuḥ || 113 ||
[Analyze grammar]

brahmā svayaṃ smṛtastatra samāyātaścaturmukhaḥ |
nirmame yogyasaṃvāsāṃstathopakaraṇāni ca || 114 ||
[Analyze grammar]

kubero dakṣiṇārthaṃ ca svarṇarūpyādikaṃ nyadhāt |
evamanye rāṣṭrapālā lokapālāḥ prajeśvarāḥ || 115 ||
[Analyze grammar]

saṃsmṛtāstvāyayuḥ śīghraṃ pūrtaye havyakavyayoḥ |
ṣaṣṭhyāṃ madhyāhnake jāte sarvaṃ sampūrṇamūrjitam || 116 ||
[Analyze grammar]

susampannaṃ samabhūcca nyūnaṃ kiñcinna vidyate |
koṭiśo mānavān rājā kinnaro miṣṭabhojanaiḥ || 117 ||
[Analyze grammar]

tarpayāmāsa bahudhā samastāṃstānprajājanān |
hariḥ kuṭumbasahito maharṣimaṇḍalānvitaḥ || 118 ||
[Analyze grammar]

nijasārthayutastatra jagrāha bhojanāni vai |
tato rājā''rthayat kṛṣṇaṃ rāyakinnarabhūpatiḥ || 119 ||
[Analyze grammar]

rādhike svālaye kṛṣṇaṃ tvāgantuṃ sainyasatkṛtam |
nagare bhramituṃ cāpi kṛṣṇa omāha tatkṣaṇam || 120 ||
[Analyze grammar]

iti śrīlakṣmīnārāyaṇīyasaṃhitāyāṃ dvitīye tretāsantāne kenāṭakeṣu kratormaṃgalapatrikāpreṣaṇam |
samāgataharerdaśabhūpādikṛtaṃ svāgatam kuśalapraśnādikam maṇḍapādinirmāṇājñā bhojanādikaṃ kratupakaraṇasaṃcayādītyādinirūpaṇanāmaikādhikadviśatatamo'dhyāyaḥ || 201 ||
[Analyze grammar]