Chapter 200

śrīkṛṣṇa uvāca |
rādhe hāritadeśeṣu bahvaraṇyā'tiśītiṣu |
svalpaprajāśriteṣveṣaḥ kṛṣṇanārāyaṇaḥ prabhuḥ || 1 ||
[Analyze grammar]

aparānāvikāpuryāṃ samudrasannidhau nijam |
vimānamambarāttūrṇaṃ dinamānārkabhūbhṛtā || 2 ||
[Analyze grammar]

pradarśitena mārgeṇa garimāpṛthivītale |
hāritarṣiṃ sthitaṃ dṛṣṭvā samavātārayacchanaiḥ || 3 ||
[Analyze grammar]

anyānyapi vimānāni cāvaterustadā'mbarāt |
rājā sainyena sahitaḥ svāgataṃ paramātmanaḥ || 4 ||
[Analyze grammar]

samācarattathā rājñī hāritaśca prajājanaḥ |
rājā śrutaṃ hariṃ śrīmadbālakṛṣṇaṃ vimānagam || 5 ||
[Analyze grammar]

antikaṃ cābhigatvaiva dadarśā''ścaryamāptavān |
adṛṣṭapūrvaṃ śrīkāntaṃ ramaṇīyasuvigraham || 6 ||
[Analyze grammar]

prathamaṃ divyamālokya kṣaṇaṃ tu sthiratāṃ gataḥ |
vimāne śrīharermūrtau līnaḥ samādhimāniva || || 7 ||
[Analyze grammar]

jāta eva tathā rājñī kumārāśca kumārikāḥ |
sarve dṛṣṭvā bālakṛṣṇaṃ samādhiṃ cābhipedire || 8 ||
[Analyze grammar]

koṭividyutsamaṃ tejo dadṛśuḥ sarvatomukham |
tatreśvarān virāḍādyān dadṛśuśca tataḥ parān || 9 ||
[Analyze grammar]

bhūmādyānatha tatpaścād dhāma golokamuttamam |
lokayāmāsurutkṛṣṭaṃ koṭigopagaṇāśritam || 10 ||
[Analyze grammar]

tatra kṛṣṇaṃ bālakṛṣṇaṃ vilokya punareva te |
akṣarākhye pare dhāmni sthitaṃ śrīpuruṣottamam || 11 ||
[Analyze grammar]

vyalokayanmuktamadhye brahmapriyāsamanvitam |
sarveśvareśvaraṃ nārāyaṇaṃ muktādisevitam || 12 ||
[Analyze grammar]

tataḥ samādhirnaṣṭaśca vyutthitāste vimānake |
bālakṛṣṇaṃ nije rāṣṭre dadṛśuste'tibhāvukāḥ || 13 ||
[Analyze grammar]

āścaryaṃ paramaṃ prāptā rājā rājakuṭumbinaḥ |
hāracandanagandhādyairapūjayan vimānake |
tāvaddharirbahiryāto vimānād bhāsvarāmbaraḥ || 14 ||
[Analyze grammar]

sarvalāvaṇyasaundaryaujjvalyahāsyamanoharaḥ |
prajā gauryaśca hārityo vardhayāmāsuracyutam || 15 ||
[Analyze grammar]

lājākṣatādibhiḥ puṣpairgītaiśca namanādibhiḥ |
prajājanāḥ praṇemuśca śrīpatiṃ kṛṣṇavallabham || 16 ||
[Analyze grammar]

rājā hariṃ kareṇaiva karamādāya kānake |
yantrabāhye rathe nyaṣādayat sragādiśobhite || 17 ||
[Analyze grammar]

kuṭumbaṃ ca nṛpasyā'pi rathe'tra niṣasāda ha |
rājā chatraṃ dadhārāpi rājñī dadhre ca vāyudam || 18 ||
[Analyze grammar]

kumāryaścāmare dadhruḥ kumārā vetramāvahan |
ratheṣvanyeṣu pitarau hareḥ kuṭumbameva ca || 19 ||
[Analyze grammar]

niṣādyā'nyarathe śaṃbhuṃ pareṣu munimaṇḍalam |
guptigantrīṣu ca kṛṣṇakāntā nyaṣādayannṛpaḥ || 20 ||
[Analyze grammar]

mahatā svāgatenaivaṃ vādyadhvanipuraḥsaram |
tūpaśabdairnāditā ca purīṃ prāveśayat prabhum || 21 ||
[Analyze grammar]

mahotsāhaḥ prajāyāṃ vai tadā'bhūnnūtanekṣaṇāt |
hṛndi hariḥ prajānāṃ saṃpracakarṣa muhurmuhuḥ || 22 ||
[Analyze grammar]

yatrā'ṅge yasya cakṣurvai tadā lagnaṃ tvabhūddhareḥ |
tatrā''saktaṃ dhruvaṃ cā'bhūnnirnimeṣaṃ sthiraṃ sukhāt || 23 ||
[Analyze grammar]

kecidasyamukhapaṃkajamīkṣyā''purhisādhanamapāsya samādhim |
tatra cātihṛdayaṃgamamīśaṃ vīkṣya śāntimatigāṃ samavāpuḥ || 24 ||
[Analyze grammar]

kāścidasya madanāśritanetraṃ tvāyatāntamatikṛṣṭibharaṃ ca |
vīkṣya mohitadhiyaḥ sthiratāṃ vai prāpya cakruramṛtottamapānam || 25 ||
[Analyze grammar]

yāstadoṣṭhamururaktakabimvābhaṃ vilokya samakarṣitacittāḥ |
yoṣitaḥ samabhavansamalabdhau tāḥ satṛṣṇahṛdayā abhavaṃśca || 26 ||
[Analyze grammar]

kāścidasya purusundaragātrelubdhavṛttaya itīśvarabodhāḥ |
arpaṇaṃ ca paricakruramuṣmai mānasaṃ tanugataṃ ca samastam || 27 ||
[Analyze grammar]

saṃvilokya purubhaktisevikāḥ kāścideṣa parameśvarottamaḥ |
no nayatviti parākṣaraṃ nijaṃ hāritāḥ samavakalpayaṃstadā || 28 ||
[Analyze grammar]

rādhikākamalagāramāsatīmāṇikīprabhṛtayo divāniśam |
yaṃ bhajanti bahudhā tu padmajābrāhmaśaktaya imā hi gaurikāḥ || 29 ||
[Analyze grammar]

taṃ bhajāma idamādhisaṃyutaṃ saṃvihāya tu calaṃ kalevaram |
śāśvataṃ bhavati cātra vai sukhaṃ nvālayo'sya kuruta prapūjanam || 30 ||
[Analyze grammar]

atra śītabhavane samudrage'nugraheṇa bhagavān samāgataḥ |
karmaṇā ca manasā ca kīrtanaiḥ sevayā kuruta naijamīśvaram || 31 ||
[Analyze grammar]

kīdṛśo nu paridhiḥ samantataścānanasya bhavatīha taijasaḥ |
koṭicandraparikāntisaṃsravadvigraho'syahṛdayaṃgamo'sti yat || 32 ||
[Analyze grammar]

naikamuktajanasevitapādaḥ koṭidāsaparimarditagātraḥ |
prāpyate nu bahupuṇyadhanāḍhyairnā'yamāpta iti vismaraṇīyaḥ || 33 ||
[Analyze grammar]

mānavāśca janatā ita ādye nedṛśaṃ hṛdi ca kāmitavantaḥ |
tādṛśo'yamiha cāpta umeśastaṃ śrayanvatisukhaṃ parameśam || 34 ||
[Analyze grammar]

mā tyajantu militaṃ sulabhaṃ ca kāntakāntamurusadguṇabhājam |
vardhayantu hadayaiḥ kusumaiśca pūjayantu nijasarvasudānaiḥ || 35 ||
[Analyze grammar]

ityevaṃ rādhike svāmibālakṛṣṇaṃ vilokya tāḥ |
hāritāḥ pramadāḥ sarvā ūcuḥ papuḥ prabhuṃ sukhaiḥ || 36 ||
[Analyze grammar]

rājā gopurake ghaṇṭāpathe prādhānikāstathā |
haṭṭeṣu haṭṭapāścāpi rathyāmukheṣu yoṣitaḥ || 37 ||
[Analyze grammar]

vallabhīṣu kanyakāśca janatāḥ pārśvabhūstaṭe |
catvareṣu prajāḥ sarvāḥ pupūjuḥ parameśvaram || 38 ||
[Analyze grammar]

lājābhiḥ satphalaiḥ puṣpaiḥ kuṃkumairakṣatairapi |
vastraiścandanapaṃkādyairgandhairānarcuracyutam || 39 ||
[Analyze grammar]

sāmudraratnahārāṃśca dadau te parameṣṭhine |
aparānāvikāpuryāṃ bhrāmayitvā prajājanāḥ || 40 ||
[Analyze grammar]

pūjayitvā gṛhe nītvā sve sve kṛtārthatāmaguḥ |
haristato nijāvāse dinamānārkamandire || 41 ||
[Analyze grammar]

āyayau hāritarṣiśca natvā''ha parameśvaram |
bhojanāni sumṛṣṭāni vidyante bhuṃkṣva tāni vai || 42 ||
[Analyze grammar]

bhojayā'nyān harekṛṣṇa pāyasādīn pratarpaya |
tato vimānamāruhya garimākṣmāṃ vilokitum || 43 ||
[Analyze grammar]

gantavyaṃ dṛṣṭimātreṇa pāvayituṃ samantataḥ |
ityukto bhagavān śīghraṃ jagrāsa pāyasādikam || 44 ||
[Analyze grammar]

mahīmānān samastāṃśca bhojayāmāsa vai drutam |
sarvān rājālaye tyaktvā śaṃkareṇa nṛpeṇa ca || 45 ||
[Analyze grammar]

ṛṣiṇā ca samaṃ kṛṣṇaḥ parimeyapuraḥsaraḥ |
vimānaṃ svaṃ samāruhyāmbare jagāma cottare || 46 ||
[Analyze grammar]

vāśṛṃgatanubhūbhāgaṃ vilokyāpi parīsthalam |
phudriktaṃ vilayaṃ deśaṃ kāñcanaṃ cārṣukaṃ sthalam || 47 ||
[Analyze grammar]

hāyanaṃ ca sthalaṃ vīkṣya hyaparānāvikāṃ yayau |
evaṃ vilokya bhagavānavātatāra cāmbarāt || 48 ||
[Analyze grammar]

rājasaudhe viśaśrāma rājñī pūjārthamāyayau |
pūjayitvā hariṃ tasyāḥ kanyādvayaṃ hariṃ tadā || 49 ||
[Analyze grammar]

apūjayat sukhāsakte kanyake sthiranetrike |
hariṃ dṛṣṭvā cakamāte vavrāte'rpitamālayā || 50 ||
[Analyze grammar]

pāṇī jagrāha bhagavān pratyarpitasumālayā |
tadutsavaṃ nṛpaścakre rātrau bhojanataḥ param || 51 ||
[Analyze grammar]

gaṇeśaṃ pūjayāmāsa dūrvālaḍḍūkakuṃkumaiḥ |
nṛtyaṃ tvakārayad rājā vādyānyavādayattathā || 52 ||
[Analyze grammar]

sindūraiścārcayāmāsa gaṇeśavigrahe śubhe |
agāpayacca padyāni kīrtanāni tadutsave || 53 ||
[Analyze grammar]

hārite kanyake kṛṣṇaṃ siṣevāte savottaram |
niśā gatā prabhāte'tha kṛtasnānasupūjanaḥ || 54 ||
[Analyze grammar]

bālakṛṣṇo'bhavat sajjo dugdhapānottaraṃ tadā |
gantuṃ kenāṭakadeśānamarīṇāṃ pradeśakān || 55 ||
[Analyze grammar]

pañcamyāṃ saṃgave kāle bhādre śukle'tiśobhane |
rājā vidāyaṃ pradadau bahuratnādikaṃ tadā || 56 ||
[Analyze grammar]

harirhāritamunaye'rpayāmāsa dhanādi tat |
rājā sainyena sahito mānaṃ tatra dadau bahu || 57 ||
[Analyze grammar]

jayaśabdā yaśaḥśabdā gītayaścābhavaṃstadā |
gaurībhirhāritābhiśca kṛtā mādhuryasaṃbhṛtāḥ || 58 ||
[Analyze grammar]

harirhāraṃ dadau rājñe rājñyai putrebhya ityapi |
prajānatiṃ samāgṛhya samāruroha śobhanam || 59 ||
[Analyze grammar]

āsanaṃ cānyavargāścāruruhuścāsanāni hi |
upādideśa rājānaṃ prajājanāśca saddhitam || 60 ||
[Analyze grammar]

uṣṭraḥ purā tapaścakre prajāpatiḥ samāyayau |
varadānaṃ tadā vavre grīvā'stu yojanā''yatā || 61 ||
[Analyze grammar]

brahmā tathā'stvitiprāhā'raṇye tūṣṭraḥ sadā sthitaḥ |
mahālaso niṣadyaikasthale cakhāda pādapān || 62 ||
[Analyze grammar]

parito yojanāvarte rātrau svapiti saukhyabhāk |
madhye śṛgālaḥ samprāpto vavalge tadgale dṛḍham || 63 ||
[Analyze grammar]

mamāroṣṭro madhyakaṇṭhe bhedanāllambakaṇṭhavān |
tathā loke lambatṛṣṇo mriyeta māyayā hataḥ || 64 ||
[Analyze grammar]

tasmāt tṛṣṇāṃ na kurvīta kurvīta bhajanaṃ hareḥ |
mamāśrayaṃ prakurvīta tāraye'haṃ na saṃśayaḥ || 65 ||
[Analyze grammar]

siṃhasyā''sītpradhāno vai haṃsaḥ kaścid vanāntare |
daridro brāhmaṇo nāmnā sattvavṛttiryayau vanam || 66 ||
[Analyze grammar]

haṃsastaṃ milito mārge papraccha kutra gamyate |
sa prāha dhanalābhārthaṃ yāmi deśāntaraṃ nvitaḥ || 67 ||
[Analyze grammar]

haṃsaḥ prāha bhavān vipro mama pūjyo'sti cānagha |
dāsye ratnāni te tvatra siṃhārjitāni hastitaḥ || 68 ||
[Analyze grammar]

mārayitvā gajān kuṃbhasthalamauktikajātikān |
ityuktvā saha nītvainaṃ vipraṃ haṃso hyaraṇyake || 69 ||
[Analyze grammar]

yayau yatrāsti siṃhaḥ saḥ siṃhaṃ prāha sa haṃsakaḥ |
atithirbrāhmaṇaścāyaṃ pūjanīyaḥ samāgataḥ || 70 ||
[Analyze grammar]

hiṃsājanyaṃ mahatpāpaṃ naśyedasmai pradānataḥ |
ityuktaḥ śārdūlavaryaḥ prakṣālya caraṇau tataḥ || 71 ||
[Analyze grammar]

viprapādāmṛtaṃ pītvā pupūja ratnadānakaiḥ |
vipro gṛhaṃ prayātyeva haṃsastadāha taṃ dvijam || 72 ||
[Analyze grammar]

āyāhi mā punastvatra mām ṛte duḥkhamudbhavet |
ityuktvā prayayau haṃsastataḥ kālāntare dvijaḥ || 73 ||
[Analyze grammar]

punarlobhena saṃprāptastadvanaṃ saṃsmaran harim |
haṃso mantrī tadā nā'bhūt kāko mantrī tadā hyabhūt || 74 ||
[Analyze grammar]

dvijaṃ pravīkṣya kākastu siṃhaṃ prāha prakhādaya |
siṃhaḥ prāha na caivaṃ syād vipro'yaṃ pāvanaḥ sadā || 75 ||
[Analyze grammar]

pādavāri papau dhūlīṃ mastake sa nyadhāttadā |
kākaḥ prāha pavitraṃ vai pādavāri tu yasya hi || 76 ||
[Analyze grammar]

sa tu pūrṇaḥ pavitro'sti bhakṣitavyaḥ sa sarvaśaḥ |
tena pūtā vayaṃ syāmaḥ pāpaṃ naśyettathā''ntaram || 77 ||
[Analyze grammar]

ityuktaḥ siṃharājastu bhakṣayāmāsa taṃ dvijam |
tasmāllobhaṃ na kurvīta mṛtyurlobhagṛhe sthitaḥ || 78 ||
[Analyze grammar]

lobhaṃ yaktvā hariṃ smṛtvā santoṣeṇa hi vartayet |
sukhī sa syādatra loke dhāmni paratra me sukhī || 79 ||
[Analyze grammar]

santuṣṭasya paraṃ dhāma niścitaṃ bhaktisañjuṣaḥ |
ekadā sāgaraḥ prāha saritaḥ kimu śākhinaḥ || 80 ||
[Analyze grammar]

āyāntyeva jalohyā vai nāyānti vaitasāni tu |
nadyaḥ prāhurdrumāścaite kūlasthā api sarvadā || 81 ||
[Analyze grammar]

asmadabhyudaye cāpi na namanti kadācana |
tān vayaṃ mūlato hṛtvā nayāmaḥ sāgarodare || 82 ||
[Analyze grammar]

vaitasīnālikāḥ pūre patitāstu namantyapi |
vigate pūravege tu śanairyānti samutthitim || 83 ||
[Analyze grammar]

na tān vayaṃ nayāmo vai namato nālapatrakān |
ye namanti janāḥ kāle mahāntaṃ veginaṃ tu te || 84 ||
[Analyze grammar]

nāpnuvanti mūlanāśaṃ sthitimanto bhavanti te |
evaṃ kālaṃ tathā māyāṃ vegakāle namanti ye || 85 ||
[Analyze grammar]

śanairutthānamāsādya jīvanti dehinastviha |
te na duḥkhaṃ prapaśyanti tadvad vṛtyaṃ janairiha || 86 ||
[Analyze grammar]

māmāśritya śanairmāyāṃ tyaktvā gantavyameva me |
dhāma divyaṃ sukhāvāsaṃ susthirāśrayameva ha || 87 ||
[Analyze grammar]

deśakālau vicāryaiva vartitavyaṃ sukhārthinā |
ahaṃ nārāyaṇaḥ svāmī bhajanīyaḥ sadā prabhuḥ || 88 ||
[Analyze grammar]

tārayāmi na sandeho bhajantaṃ māṃ padāgatam |
mūrkhaḥ kroḍo'bhavatpṛṣṭhe śṛgālaṃ dhartumeva ha || 89 ||
[Analyze grammar]

adhāvad bahuvegena śṛgālo'vasare tadā |
kūpamutplutya cākrāmat paratīraṃ gato'bhavat || 90 ||
[Analyze grammar]

kroḍaḥ sthūlavapurdhāvan vegataḥ kūpago'bhavat |
apatajjalamadhye ca mamārā'jñānasaṃhataḥ || 91 ||
[Analyze grammar]

tasmānnaiva kvacidbhāvyaṃ vegena karmaṇā janaiḥ |
śanaistareddhi saṃsāraṃ madāśrayeṇa mānavaḥ || 92 ||
[Analyze grammar]

śṛgālābhaṃ lobhavegaṃ nāśrayenmānavastviha |
doṣātmakaṃ mahādhūrtaṃ pātayantaṃ tu gartake || 93 ||
[Analyze grammar]

kāmaṃ krodhaṃ madaṃ lobhaṃ mānaṃ tyaktvā sukhī bhavet |
māmīśaṃ sādhupuruṣaṃ sādhvīṃ śritvā sukhī bhavet || 94 ||
[Analyze grammar]

evamuktvā dadau mantraṃ hariḥ rājñe kuṭumbine |
prajābhyaśca dadau mantraṃ lomaśastu nideśitaḥ || 95 ||
[Analyze grammar]

hāritābhyaḥ prajābhyaśca mantraṃ dadau maheśvaraḥ |
tato jalaṃ prapītvaiva bhagavān cāmbare'bhavat || 96 ||
[Analyze grammar]

gajādibhiḥ puṣpahāraiḥ pūjitaḥ parameśvaraḥ |
āśīrvādān muhurdatvā nijaṃ vimānamāsthitaḥ || 97 ||
[Analyze grammar]

anye sarve'bhavan vyomni vimāneṣu sthitāstadā |
vādyānyatīva vegenā'vādyanta mānanāya vai || 98 ||
[Analyze grammar]

jayaśabdā yaśaḥśabdā yantrāṇāṃ dhvanayastathā |
abhavaṃstatra deśe vai hariḥ śīghraṃ vimānakam || 99 ||
[Analyze grammar]

prairayad vyomamārgeṇa kenāṭakabhuvaṃ prati |
samullaṃghya samudraṃ vai kenāṭakapradeśakān || 100 ||
[Analyze grammar]

āyayuśca vimānāni madhyāhne vegavanti vai |
deśān jale vikīrṇāṃśca dṛṣṭvā'vicārayaddharim || 101 ||
[Analyze grammar]

yajñasthānaṃ prathamaṃ vai gantavyaṃ yatra vartate |
lālāyano maharṣiśca tato'nyatkāryameva ha || 102 ||
[Analyze grammar]

atha lālāyanaścāpi smṛtvā vimānamaṇḍalam |
tūrṇaṃ svāgatanādāṃśca rājasainyairakārayat || 103 ||
[Analyze grammar]

hariścāpi dviphenābdhiṃ dviphenadvīpameva ca |
haḍḍikāsanamullaṃghya vinipārasaro yayau || 104 ||
[Analyze grammar]

yatra vādyāni vādyante svāgatārthaṃ harestadā |
asaṃkhyamānavā yatra pratīkṣante pareśvaram || 105 ||
[Analyze grammar]

rādhike harṣanādāścābhavan digantagāminaḥ |
dūradarśādibhirlokā vyapaśyannambare tadā || 106 ||
[Analyze grammar]

tūpaśabdāḥ karkaśāśca vāyukampanakāriṇaḥ |
tūryasaṃgītaghoṣāścā'bhavan sammānane hareḥ || 107 ||
[Analyze grammar]

iti śrīlakṣmīnārāyaṇīyasaṃhitāyāṃ dvitīye tretāsantāne dinamānārkanṛpasya garimākhaṇḍe hareraparānāvikāpuryāmavataraṇaṃ bhrāmaṇaṃ pūjanaṃ bhojanaṃ viśramaṇaṃ samantato deśe vimānena gamanaṃ rātrau viśrāntyuttaraṃ prātarbhojanaṃ prasthānaṃ kenāṭakapradeśeṣu vinipārasarovaraṃ pratyāgamanaṃ ceti nirūpaṇanāmā dviśatatamo'dhyāyaḥ || 200 ||
[Analyze grammar]