Chapter 197

śrīkṛṣṇa uvāca |
rādhike svādanarṣiśca stokahomo nṛpo'pi ca |
ambarādavatīryaiva mahodyāne viśālake || 1 ||
[Analyze grammar]

umāpuryāḥ sannidhau svāgatārthaṃ yayaturdrutam |
sainyamādāya tūdyāne tiṣṭhataḥ saṃpratīkṣataḥ || 2 ||
[Analyze grammar]

rājadarśitamārgeṇā'vātārayad vimānakam |
hariścānye vimānāni tadudyāne'vatārayan || 3 ||
[Analyze grammar]

tadā vādyānyavādyanta jayanādāstathā'bhavan |
prajānāṃ harṣanādāśca kīrtanāni tadā'bhavan |
vimānaṃ phalapuṣpādyaiḥ prajābhiḥ saṃpravardhitam || 4 ||
[Analyze grammar]

harirlājā'kṣatādyaiśca vardhitaḥ svāgatīkṛtaḥ |
śrīharirmadhyabhāgācca vimānād bahirāyayau || 5 ||
[Analyze grammar]

rājā pupūja vai bhaktyā svarṇakausumaśekharaiḥ |
hārai ratnamayaiḥ pauṣpairgucchaiścandanavāribhiḥ || 6 ||
[Analyze grammar]

sugandhasārairvividhaiḥ pādaprakṣālanena ca |
papau pādajalaṃ cāpi kuṭumbena samanvitaḥ || 7 ||
[Analyze grammar]

pradhānādyaiśca sahitaḥ prajābhiḥ sahitastathā |
atha rājā tu pitarau hareḥ pupūja vai tataḥ || 8 ||
[Analyze grammar]

rājñī brahmapriyāḥ sarvāḥ pupūja parameśvarīḥ |
rājā''narceśānadevaṃ kanyā gaurīṃ pupūja ca || 9 ||
[Analyze grammar]

ṛṣirmaharṣīnānarca bhūbhṛttadā hariṃ prabhum |
nyaṣādayannarayāne śeṣavatsvarṇamaṇḍite || 10 ||
[Analyze grammar]

phaṇāsahasraśobhāḍhye ṣaṣṭimānavavāhite |
anyān nyaṣādayad rājā śakaṭīṣu navāsu ca || 11 ||
[Analyze grammar]

tatastūryaninādairhi yaśogānaiḥ sugītibhiḥ |
nināditāsu tvāśāsu hariḥ svāgataśobhitaḥ || 12 ||
[Analyze grammar]

umāpuryāṃ vicacāra pāvayituṃ pratisthalam |
gopure rājapuruṣairvardhito ratnamaṇḍanaiḥ || 13 ||
[Analyze grammar]

purīmadhye bhṛtyavaryaiḥ śreṣṭhibhiśca mahāpathe |
gṛhibhiścāṃgaṇeṣveva sarvatra prajayā tadā || 14 ||
[Analyze grammar]

vardhitaḥ pūjitaḥ kṛṣṇo yayau dadan svadarśanam |
pūjāṃ prāpya tataḥ sainyasahitaḥ svanivāsanam || 15 ||
[Analyze grammar]

āyayau jalapānādi cakāra nṛpanoditaḥ |
kuṭumbaṃ jalapānādi cakre tathā'pare'pi ca || 16 ||
[Analyze grammar]

jalapānādikaṃ cakruratha kṛṣṇaḥ sabhāsthale |
rājasiṃhāsane sthitvā niṣadyopādideśa ha || 17 ||
[Analyze grammar]

prajābhiḥ sarvathā bhāvyaṃ parameśvarahetave |
rājabhiḥ sarvathā bhāvyaṃ prajāntaryāmihetave || 18 ||
[Analyze grammar]

ubhābhyāṃ sarvathā bhāvyaṃ mitho'ntaryāmihetave |
ubhayatra virāje'haṃ māṃ yajantu samāhitāḥ || 19 ||
[Analyze grammar]

tena yuṣmadvijayaśca bhuktau muktau bhaviṣyati |
sādhūn saṃpūjayennityaṃ spardhāṃ tatra parityajet || 20 ||
[Analyze grammar]

na ca kāmād bhayāllobhākrodhādvā dharmamutsṛjet |
amāninā satyavācā bhāvyaṃ jitātmanā tathā || 21 ||
[Analyze grammar]

tasyaivaṃ vartamānasya bhūtirbhavati śāśvatī |
tejo dhairyaṃ kṣamā śaucamanurāgaḥ sthitirdhṛtiḥ || 22 ||
[Analyze grammar]

etān guṇān samāśritya vartitavyaṃ hi muktaye |
kṛtaprajñaśca medhāvī budhaḥ sarvātmadarśakaḥ || 23 ||
[Analyze grammar]

sarvasatkarmaśuddhaśca vijñaścātmaparātmanoḥ |
suhṛdātmā virāgaśca malloke gantumarhati || 24 ||
[Analyze grammar]

satyavāk śīlasampannaḥ satrapo brahmasaṃsmaraḥ |
santuṣṭaḥ satyavratavān malloke gantumarhati || 25 ||
[Analyze grammar]

sāntvanaṃ vacanaṃ caikapadaṃ guṇairvibhūṣitam |
ācaran puruṣaḥ saukhyaṃ labhet sarvatra sṛṣṭiṣu || 26 ||
[Analyze grammar]

sāma me stavanaṃ proktaṃ sāntvanaṃ ca tadeva tat |
janānāṃ sāntvanaṃ cāpi hṛdisthasya mamaiva tat || 27 ||
[Analyze grammar]

tena tuṣyāmi satataṃ sāntvakīrtanasevanaiḥ |
sāntvaṃ caikapadaṃ sarvabhūtānāṃ sukhadaṃ sadā || 28 ||
[Analyze grammar]

sukṛtasya hi sāntvasya ślakṣṇasya madhurasya ca |
samyagāsevyamānasya jihvāyāṃ saṃvasāmyaham || 29 ||
[Analyze grammar]

vyavahāreṇa śuddhena hṛdaye saṃvasāmyaham |
ubhābhyāṃ sannidhau tasya cāgatya gocaro yathā || 30 ||
[Analyze grammar]

bhavāmyeva tathā nityaṃ karomyasya śubhaṃ nvaham |
evaṃ tiṣṭhāmi satataṃ dhārmikeṣu janeṣvaham || 31 ||
[Analyze grammar]

dhārmikaiśca janairyatra svakīyā vasatiḥ kṛtā |
tatra gūḍho vasāmyeva teṣāṃ rakṣaṇahetave || 32 ||
[Analyze grammar]

yaṣṭavyaṃ kratubhistaiśca dātavyaṃ dānayogine |
anātharakṣaṇaṃ kāryaṃ na kāryaṃ dharmabādhakam || 33 ||
[Analyze grammar]

kṛpaṇā'nāthavṛddhānāṃ yoṣitāṃ sevināṃ tathā |
yogaḥ kṣemastathā vṛttiḥ kalpanīyā hi dhārmikaiḥ || 34 ||
[Analyze grammar]

āśrameṣu yathākālaṃ cailabhājanabhojanam |
dātavyaṃ taiḥ prajājanairnṛpeṇa śreṣṭhinā'pi ca || 35 ||
[Analyze grammar]

sarvārthatyāginaṃ santaṃ mokṣadaṃ śāstrasaṃvṛtam |
pūjayecchreya icchan vai śayanāsanabhojanaiḥ || 36 ||
[Analyze grammar]

dasyavo'pi ghātakāśca viśvasanti tathāvidhe |
pāpanāśakare śuddhe sādhau mokṣaprade gurau || 37 ||
[Analyze grammar]

sarvaśreyaskare sādhau viśvasanti vanasthitāḥ |
āraṇyakāśca paśavaḥ siṃhāḥ krūrādayo'pi ca || 38 ||
[Analyze grammar]

śānti labhante tatraiva yatra sādhunivāsanam |
ṛtavo'pi sattvavṛttā bhavanti sādhusaṃgame || 39 ||
[Analyze grammar]

bhūtāni sattvayuktāni jāyante sādhusannidhau |
ahaṃ yasmād vasāmyeva sādhūnāṃ hṛdaye'nvaham || 40 ||
[Analyze grammar]

teṣāṃ sevanataḥ sevā mama saṃjāyate śubhā |
phalaṃ yatsevanasyaiva jāyate sāghusevanāt || 41 ||
[Analyze grammar]

yathādeśaṃ yathākālaṃ yathābuddhiṃ yathābalam |
sādhūn seveta satataṃ dharmārthī mokṣalālasaḥ || 42 ||
[Analyze grammar]

yathā śreyo bhavennaijaṃ tathā seveta kṣemavat |
tathā karmāṇi kurvīta sādhustuṣṭo bhaved yathā || 43 ||
[Analyze grammar]

ye bhūtānyanugṛhṇanti śikṣayanti vṛṣādikam |
te sādhavaḥ sadā rakṣyā rāṣṭre rājñā vipaścitā || 44 ||
[Analyze grammar]

dhanī saṃpūjayennityaṃ pānācchādanabhojanaiḥ |
sādhuṃ prajāniyantāraṃ dharmasya śāsakaṃ śubham || 45 ||
[Analyze grammar]

prāyo dhanī dhārmikaśca tapoyuktān prapūjayet |
buddhimān sādhupuruṣaṃ rakṣet svanagare sadā || 46 ||
[Analyze grammar]

satyamārjavamakrodhaṃ bhaktiṃ dharmaṃ virāgitām |
pālayantaḥ sādhavaste rāṣṭrakṣemakarā matāḥ || 47 ||
[Analyze grammar]

kiṃ chidraṃ kasya saṃgo me kiṃ vā karomi sādhanam |
kuto māṃ nāśrayed doṣaḥ iti vidvān vicintayet || 48 ||
[Analyze grammar]

rājā sādhūn rakṣayedvai sarvadoṣaharā hi te |
dharmāya rājā bhavati lokarakṣaṇahetave || 49 ||
[Analyze grammar]

rājā carati ceddharmaṃ devatvāyaiva kalpate |
rājā caratyadharmaṃ cennarakāyaiva kalpate || 50 ||
[Analyze grammar]

dharme tiṣṭhanti bhūtāni dharmau rājasu tiṣṭhati |
taṃ rājā sādhu yaḥ śāsti sa rājā rakṣako mataḥ || 51 ||
[Analyze grammar]

rājā paramadharmātmā sādhurdharmaḥ sa ucyate |
svadharme vartamānānāmarthasiddhiḥ pradṛśyate || 52 ||
[Analyze grammar]

tameva maṃgalaṃ dharmaṃ lokaḥ samanuvartate |
mamedamiti naivā'sti sādhūnāṃ dharmaśālinām || 53 ||
[Analyze grammar]

ṛṣayaḥ sādhavo vīkṣya lokakṣemaṃ samantataḥ |
asṛjatsa mahadbhūtaṃ hyayaṃ dharmo bhaviṣyati || 54 ||
[Analyze grammar]

yasmin dharmo virājeta sa rājā rakṣako mataḥ |
dharme vardhati vardhante sarvabhūtāni saukhyataḥ || 55 ||
[Analyze grammar]

tasmin hrasati hīyante tasmāddharmaṃ prarakṣayet |
prabhavārthaṃ hi bhūtānāṃ dharmaḥ sṛṣṭaḥ svayaṃbhuvā || 56 ||
[Analyze grammar]

sādhau dharmaḥ prabhavati rakṣyāstasmāddhi sādhavaḥ |
dharmasya sādhavo yonistasmāttān pūjayet sadā || 57 ||
[Analyze grammar]

mattātpramattāt paugaṇḍādunmattādvyasanāśrayāt |
māyikācca śaṭhāddhūrtāllampaṭātkitavātmakāt || 58 ||
[Analyze grammar]

dūre bhavanti satataṃ sādhavo nirmalā yataḥ |
tārayanti nimagnāṃśca prāpayanti ca māmapi || 59 ||
[Analyze grammar]

tasmād rakṣyāḥ pūjanīyāḥ sevanīyāḥ hi sādhavaḥ |
atyāgaṃ cābhimānaṃ ca daṃbhaṃ krodhaṃ ca varjayet || 60 ||
[Analyze grammar]

kṛtaṃ tretā dvāparaṃ ca kaliśca yugaturyatā |
rājādhināni sarvāṇi rājaiva yugamucyate || 61 ||
[Analyze grammar]

sudharmātmā nṛpaḥ śreṣṭhaḥ kṛtaṃ yugaṃ sa tūcyate |
adharmātmā bhaved rājā sādhavastvapayānti vai || 62 ||
[Analyze grammar]

vipado'pi bhaveyurvai rāṣṭre tatra samantataḥ |
adharmabhūte nṛpatau sarve sīdanti jantavaḥ || 63 ||
[Analyze grammar]

yasya nāsti gururdharme na ca sādhūn supṛcchati |
svayaṃ cāpāradarśī ca na ciraṃ sukhamaśnute || 64 ||
[Analyze grammar]

gurupradhāno dharmeṣu sādhudharme svayaṃ sthitaḥ |
dharmapradhāno nṛpatiḥ sukhamakṣayamaśnute || 65 ||
[Analyze grammar]

tasmād prajābhiḥ satataṃ rājñā ca dharmavarmaṇi |
vartitavyaṃ sādhusaṃge yena bhuktiśca mokṣaṇam || 66 ||
[Analyze grammar]

ityuktvā śrīhariṃ kṛṣṇo virarāmā'tha vai tataḥ |
bhūpatiḥ pūjayāmāsa prajāḥ pupūjurādarāt || 67 ||
[Analyze grammar]

atha śrībālakṛṣṇaṃ taṃ stokahomasya kanyakā |
mātṛvākyaṃ paripālya kṛṣṇahastamupādade || 68 ||
[Analyze grammar]

kṛtakṛpyā'bhavad gaurī rājotsavaṃ cakāra ha |
hariṃ saṃbhojayāmāsa kuṭumbaṃ mahīmānakān || 69 ||
[Analyze grammar]

viśaśramustataḥ sarve prajāḥ svasvālayān yayuḥ |
rātrau nṛtyādi ca rājā'kārayanmahadutsave || 70 ||
[Analyze grammar]

bhojanaṃ cātha viśrāntiṃ jagṛhuśca tataḥ param |
prātarutthāya bhagavān kṛtāhnikaḥ supūjitaḥ || 71 ||
[Analyze grammar]

kṛtadugdhādipānaśca sajjo'bhūd gantumacyutaḥ |
rājā dadāvupadāśca sainyena saha śobhanaḥ || 72 ||
[Analyze grammar]

vidāyaṃ pradadau cāpi tūryanādāstadā'bhavan |
harirvimānamāruhya śṛṇvan jayadhvanīn śubhān || 73 ||
[Analyze grammar]

gaurīṇāṃ gītikāścāpi sarvairvimānavāsibhiḥ |
prayayau cāmbarāttūrṇaṃ kāṣṭhayānanṛpasya vai || 74 ||
[Analyze grammar]

rāṣṭraṃ nāraravarṣidhraṃ sāgarāntaṃ mahāyatam |
tunnayāmānagaryāḥ sannidhau vṛkṣādhivāsite || 75 ||
[Analyze grammar]

udyāne kāṣṭhayānaśca rājā puro yayau tathā |
nāraravamuniścāpi svāgatārthaṃ hareryayau || 76 ||
[Analyze grammar]

ityevaṃ rādhike rājā sainyayukto'bhavatpuraḥ |
sarvāḥ prajāstathā kṛṣṇasanmānārtha samāyayuḥ || 77 ||
[Analyze grammar]

iti śrīlakṣmīnārāyaṇīyasaṃhitāyāṃ dvitīye tretāsantāne stokahomasya umāpuryāṃ hareravataraṇaṃ bhramaṇaṃ pūjanam upadeśanaṃ bhojanaṃ rātrau viśramaṇaṃ bhādraśuklapratipadi prātastataḥ kāṣṭhayānanṛpatirāṣṭrāgamanamityādinirūpaṇanāmā saptanavatyadhikaśatatamo'dhyāyaḥ || 197 ||
[Analyze grammar]