Chapter 192

śrīkṛṣṇa uvāca |
rādhike navamīprātarmaṃgalaistūryaniḥsvanaiḥ |
bandimāgadhasūtānāṃ vāgbhirjāgaritaḥ prabhu || 1 ||
[Analyze grammar]

jajāgarustathā sarve nityavidhiṃ pracakrire |
rājā dugdhādi bhojyādi tvānīya haraye dadau || 2 ||
[Analyze grammar]

sarve cakrurdugdhapānaṃ bhojanaṃ ca yathocitam |
āśīrvādān dadau tatra bhūbhṛte śrīhariḥ prabhuḥ || 3 ||
[Analyze grammar]

janatābhyastathā''śīrvāggauravādi dadau hariḥ |
tato gantumabhavacca sajjo līnorṇarāṣṭrakam || 4 ||
[Analyze grammar]

līnorṇanṛpatistatrāgatya cārthayadacyutam |
phalāśanena ṛṣiṇā sārdhaṃ prabhustadā'vadat || 5 ||
[Analyze grammar]

gaṇḍako nṛpatistatra vidāyaṃ pradadau bahu |
harirvimānavaryaṃ ca samāruroha pūjitaḥ || 6 ||
[Analyze grammar]

āruruhustathā'nye'pi prajājayadhvanīṃstadā |
śṛṇvantaḥ sarva evaite prerayan vyomapattriṇaḥ || 7 ||
[Analyze grammar]

khāḍikāṃ ca samullaṃghya vāruṇīṃ nagarīṃ yayuḥ |
līnorṇabhūpatiḥ pūrvamavatīrya puraṃ nijam || 8 ||
[Analyze grammar]

phalāśanarṣiṇā sākaṃ hareḥ svāgatamācarat |
bhūpadarśitamārgeṇā'vātārayad vimānakam || 9 ||
[Analyze grammar]

haristathā'nye yānānyavātārayattadā'mbarāt |
vādyānāṃ gītikānāṃ ca ninādo vyānaśe'bhitaḥ || 219210 ||
[Analyze grammar]

hariryānāt samuttīrya narayāne suśobhite |
rājñā pradarśite svarṇe vyarājata jayadhvanaiḥ || 11 ||
[Analyze grammar]

rājñā mālādibhiḥ samyak pūjitaḥ parameśvaraḥ |
kuṭumbādyaiḥ saha sarvān vāruṇyāmavihārayat || 12 ||
[Analyze grammar]

rājasainyena sahito bhagavān nāgarairjanaiḥ |
arcitaścāyayau saudhaṃ rājālayaṃ viśālakam || 13 ||
[Analyze grammar]

viśaśrāma tataḥ sasnau bhojanaṃ jagṛhe tadā |
anye'pi bhojanaṃ cakrustato rājñī hareḥ puraḥ || 14 ||
[Analyze grammar]

pūjanārthaṃ samāyātā catuḥkanyāsamanvitā |
kanyā hariṃ priyaṃ prāpya karagrahaṃ vyadhurmudā || 15 ||
[Analyze grammar]

rājñī pūjāṃ yautakaṃ ca pradadau vidhinā tataḥ |
viśramya ca tataḥ sajjo babhūva bhagavān drutam || 16 ||
[Analyze grammar]

rājñaścābhiprāyamāpya sarvān sajjān vyadhāt prabhuḥ |
bṛhaccharanṛpasyā'gre rāṣṭraṃ vai khāḍigāntigam || 17 ||
[Analyze grammar]

vallījīvanamuninā'rthito harirjagāma ha |
bṛhaccharo nṛpaścāgre hyavātarannijāṃ purīm || 18 ||
[Analyze grammar]

dhīvarākhyāṃ śobhitāṃ ca śrīhariṃ tu sahā''nayat |
nagaryāṃ bhavane ramye pupūja parameśvaram || 19 ||
[Analyze grammar]

rājā rājñī kanyake ca prajāḥ svāgatamācaran |
kanyādvayaṃ hareḥ pāṇiṃ jagṛhatuḥ subhāvataḥ || 219220 ||
[Analyze grammar]

rājā'bhavat kṛtakṛtyo harirniśāṃ nināya ha |
prātarnagaryāṃ parito vyabhramat sainyaśobhitaḥ || 21 ||
[Analyze grammar]

prajābhyo darśanaṃ datvā kṛtvā tāṃ pāvanīṃ purīm |
dugdhapānādikaṃ kṛtvā gantuṃ sajjo'bhavatprabhuḥ || 22 ||
[Analyze grammar]

tāvatpaścimasāmudro rājā śrutvā prabhuṃ drutam |
vimānaiḥ saha vai śīghraṃ netuṃ tatra samāyayau || 23 ||
[Analyze grammar]

aṃgarājo hariṃ natvā'prārthayatparameśvaram |
haristathā'stviti prāha sajjastūrṇaṃ tadā'bhavat || 24 ||
[Analyze grammar]

anyānyapi vimānāni susajjāni tadā'bhavan |
khāḍīmuttīrya bhagavān milindāṃ nagarīṃ yayau || 25 ||
[Analyze grammar]

rājñā sammānitaḥ śaktyā vādyaiḥ sainyena kīrtanaiḥ |
pūjanairupadādānaistoṣito bhrāmitaḥ pure || 26 ||
[Analyze grammar]

bhojanaṃ kārayāmāsa madhyāhne sarvamānavān |
sāyaṃ sarvān vimāneṣu kṛtvā dvīpānadarśayat || 27 ||
[Analyze grammar]

punaḥ sarvaṃ vilokyaiva milindāmāyayau hariḥ |
dadau tatropadeśaṃ ca rājanītyupabṛṃhitam || 28 ||
[Analyze grammar]

dvilīnāyāḥ prajāścāpi sukautukīprajāstathā |
śruśravustatra cāgatyopadeśaṃ saha cāṃgakaiḥ || 29 ||
[Analyze grammar]

daśamīrajanībhāge lakṣādhijanasaṃsadi |
hitaṃ mokṣakaraṃ cāpyupādideśa ca rādhike || 219230 ||
[Analyze grammar]

īśāno'yaṃ parabrahma mānanīyaḥ sadā janaiḥ |
īśāne tu parābhaktiḥ kartavyā vai madātmake || 31 ||
[Analyze grammar]

anṛtaṃ na hi vaktavyaṃ śapathaṃ tatra nāpi vai |
sūryavāraḥ pālanīyo harasyārādhanāya vai || 32 ||
[Analyze grammar]

pitarau sarvadā sevyau ghātaḥ kāryo na sarvadā |
stainyaṃ varjyaṃ mṛṣā sākṣyaṃ varjyaṃ nyāyālaye'pi ca || 33 ||
[Analyze grammar]

pareṣāṃ dhanavastrādi kāmanīyāni naiva tu |
parasattvaṃ na hantavyaṃ pārakyaṃ grāhyameva na || 34 ||
[Analyze grammar]

viśvāsaghātanaṃ naiva kartavyaṃ kasyacit kvacit |
prajāyāṃ dharmaghātaśca kartavyo naiva sarvathā || 35 ||
[Analyze grammar]

evaṃ dharmān pālayitvā rājā nākaṃ samāpnuyāt |
satyavākyaṃ krodhaśūnyaṃ kṣamāpanaṃ vibhājanam || 36 ||
[Analyze grammar]

svadāresveva ramaṇaṃ śaucaṃ drohavivarjanam |
ārjavaṃ bhṛtyabharaṇaṃ kāryaṃ sarvajanaiḥ sadā || 37 ||
[Analyze grammar]

damaṃ purātanaṃ dharmaṃ jagṛhurviprajātayaḥ |
svādhyāyaṃ yogakaraṇaṃ tapaḥ santānapālanam || 38 ||
[Analyze grammar]

maitryaṃ hitakaraṃ vākyaṃ dhartavyaṃ rakṣaṇaṃ sadā |
evaṃ vai vartayan vipraḥ svargaṃ nityamavāpnuyāt || 39 ||
[Analyze grammar]

kṣatriyastu samadadyāt cādhīyīta yajeta ca |
prajāḥ prapālayet parākramedanyāyavartini || 219240 ||
[Analyze grammar]

kṣatrakṛtyaṃ dasyujātervāraṇaṃ mukhyamasti yat |
dānaṃ cādhyayanaṃ yajñaśceti rājñāṃ sukhāvahāḥ || 41 ||
[Analyze grammar]

taiśca tiṣṭhannije dharme rājā sarvān hi vartayet |
evaṃ dharme sthito rājā rājanyendraḥ samucyate || 42 ||
[Analyze grammar]

athetaraḥ kṛṣikarmā vyāpāravān ca vā janāḥ |
dānamadhyayanaṃ yajñaṃ prakārayed dhanārjanam || 43 ||
[Analyze grammar]

paśūn vai pālayet sarvān putravātsalyabhāvataḥ |
paśūnāṃ rakṣayā vaiśyaḥ paramaṃ sukhamāpnuyāt || 44 ||
[Analyze grammar]

prajāpatiḥ purā sṛṣṭvā paśūn vaiśyāya sandadau |
rājñe dadau prajāḥ sarvā viprebhyaḥ śāradāṃ dadau || 45 ||
[Analyze grammar]

saptamaṃ bhāgamādāya jīvanaṃ sarvathā caret |
kṣatriyaścettadā mahyaṃ samarpya mokṣamāpnuyāt || 46 ||
[Analyze grammar]

sevāṃ ca bhṛtyatāṃ dāsyaṃ paricaryā ca dūtatām |
kurvāṇā dāsavargāstu mahatsukhamavāpnuyuḥ || 47 ||
[Analyze grammar]

śuśrūṣā kalpavallyasti śuśrūṣā kalpapādapaḥ |
śuśrūṣā kāmadhenuśca cintāmaṇiśca sā matā || 48 ||
[Analyze grammar]

sevayā vaśamāyāti siṃho rājā gururgrahāḥ |
dāsyena vaśatāṃ yānti svāmīpatiḥ satī prajāḥ || 49 ||
[Analyze grammar]

śuśrūṣayā vaśaṃ yānti śatrurdveṣṭā tamaḥ khalāḥ |
paricaryāparo loko rañjayati niyāmakān || 219250 ||
[Analyze grammar]

rañjanād rājarājyādi rañjakasya na vai pṛthak |
tasmāt sarvaṃ prapadyeta sevayā ratnasaṃbhṛtam || 51 ||
[Analyze grammar]

chatraṃ veṣṭanamābhūṣā copānad vyajanādikam |
ambarāṇi subhojyāni dīyante paricāriṇe || 52 ||
[Analyze grammar]

anapatyo hi bhartavyo bhartavyau vṛddhadurbalau |
dāso dāsī bhatyavargo bhartavyā dharmatastu te || 53 ||
[Analyze grammar]

yajñaḥ pūjā brāhmaṇānāṃ yajño dhanena bhūbhṛtām |
vaiśyānāṃ bharaṇaṃ yajñaḥ śraddhā yajñastu sevinām || 54 ||
[Analyze grammar]

agre sarveṣu yajñeṣu śraddhā yajño'tiduṣkaraḥ |
daivataṃ paramaṃ śraddhā yayā tuṣyāmi mādhavaḥ || 55 ||
[Analyze grammar]

śraddhāmayāḥ karmakārāḥ sarvaphalaiḥ samṛddhinaḥ |
tasmāt sarveṣu lokeṣu śraddhāyajño vidhīyate || 56 ||
[Analyze grammar]

daivataṃ paramaṃ yatra śraddhākhyaṃ tatra devatā |
kāryasiddhiśceśasiddhirmayi nyasya samarthyate || 57 ||
[Analyze grammar]

steno vā yadi vā pāpo yadi vaḥ pāpakṛttamaḥ |
yaṣṭumicchati yajñaṃ yaḥ sādhureva yato hi saḥ || 58 ||
[Analyze grammar]

yaṣṭavyaṃ sarvadā tasmād deve vā cetane'pi vā |
daridre'nāthavarge vā pālye vā śraddhayoddhṛte || 59 ||
[Analyze grammar]

sarvathā sarvadā sarvairyaṣṭavyamiti niścayaḥ |
nahi yajñasamaṃ kiñcit phaladaṃ sukhadaṃ param || 219260 ||
[Analyze grammar]

brahmacaryaparo vā syād gṛhadharmamanācaran |
brahmaṇyeva tu juhvānaḥ parabrahmā'dhigacchati || 61 ||
[Analyze grammar]

yadvā sadārakarmāpi matparāyaṇadharmavān |
mamāśraye caran dharmaṃ bandhanānmucyate'pi saḥ || 62 ||
[Analyze grammar]

kṛtakṛtyo'thavā jñānadṛṣṭyā vane vasedapi |
matparaḥ sa sadā karmī vrajatyakṣarasāmyatām || 63 ||
[Analyze grammar]

mama dharmān sādhubhāvānāśritya dvandvavarjitaḥ |
yatiścet prāpnuyānmāṃ sa madbhāvāyopakalpyate || 64 ||
[Analyze grammar]

bhaikṣavṛttiśca yastiṣṭhenniṣparigraha ātmavān |
karmī vā karmaśūnyo'pi madbhāvāyopakalpate || 65 ||
[Analyze grammar]

mitaśāyī mitāśī ca nirāśī cāpyaketanaḥ |
yathopalabdhajīvī ca munirmāṃ samavāpnuyāt || 66 ||
[Analyze grammar]

nirāśī brahmavatproktastṛptaḥ pūrṇasukhāśrayaḥ |
nirbhogo vṛttivarjyaśca vrajatyakṣarasāmyatām || 67 ||
[Analyze grammar]

gṛhāśramī tarenmāyāṃ māyāyāṃ māyayoṣitaḥ |
api sarvāṃ mayi kṣiptvā tato bandhād vimucyate || 68 ||
[Analyze grammar]

svadāratuṣṭaḥ santoṣī śāṭhyajaihmyavivarjitaḥ |
devapūjāparaḥ satyo dānto vibhāgakṛttathā || 69 ||
[Analyze grammar]

kṣamādayāparo dātā sarvebhyaśca yathocitam |
ārjavaṃ cātithipūjāṃ bharaṇaṃ śritadehinām || 219270 ||
[Analyze grammar]

yaḥ kuryād vartayeccāpi vartetāpi sa mokṣabhāk |
svarge śuddhaṃ phalaṃ prāpya moditvā śāśvatīsamāḥ || 71 ||
[Analyze grammar]

dehānte cākṣayān kāmānanantān sarvataḥ sthitān |
avāpnuyānna sandeho mayyarpaṇe tu madgatān || 72 ||
[Analyze grammar]

yo yathā kurute cātra tādṛśaṃ sa samāpnuyāt |
pārakyaṃ prathamaṃ kṛtvopakārarūpamutsavāt || 73 ||
[Analyze grammar]

tato daihyaṃ cāntaraṃ ca tato naijaṃ samācaret |
pārameśaṃ tataḥ kuryāt sarvadoṣanivārakam || 74 ||
[Analyze grammar]

ya evaṃ vartate rājā loke prajājano'pi vā |
sarvatantuprotamaṇirmerukṛṣṇaṃ sa vindati || 75 ||
[Analyze grammar]

tasmāt prajābhiḥ satataṃ parameśe samarpya ca |
nirdvandvābhirniṣkarmābhirbhāvyaṃ brāhmyadhilabdhaye || 76 ||
[Analyze grammar]

matkarmāṇaṃ madviśrāntaṃ maddhomaṃ matparāyaṇam |
tārayāmi na sandeho mṛtyusāgarapūrataḥ || 77 ||
[Analyze grammar]

arcayitvā sarvapitṝn devānṛṣīn samāśritān |
āntarasthaṃ hariṃ cāpi yāyādante hareḥ padam || 78 ||
[Analyze grammar]

akurvan vā vikurvan vā kurvan vā matkṛtāśrayaḥ |
madyogātpāramāpnoti karmā'saṃkhyā'dhivāridheḥ || 79 ||
[Analyze grammar]

māṃ yajantu sadā prātarmāṃ smarantu kriyādiṣu |
māmante hṛdaye kṛtvā prayāntu me'kṣaraṃ padam || 219280 ||
[Analyze grammar]

ityuktvā virarāmaiva rādhike bhagavān svayam |
milindārājadhānyāśca rājā prajāstathetare || 81 ||
[Analyze grammar]

dharmamāsādya vijñānairmiśritaṃ bandhanāśakam |
prasannā jagṛhuḥ sarvān dharmāstadopadeśitān || 82 ||
[Analyze grammar]

lomaśaśca dadau tatra tābhyo mantraṃ harerapi |
oṃ namaḥ śrīkṛṣṇanārāyaṇāya svāmine svāhā || 83 ||
[Analyze grammar]

tataḥ prajāśca rājā ca pūjayāmāsurīśvaram |
svarṇarūpyakamudrābhiścopadābhistathā'mbaraiḥ || 84 ||
[Analyze grammar]

vibhūṣābhiścandanādyairakṣataiḥ puṣpahārakaiḥ |
vividhairdānayogyaiśca vastubhiḥ parameśvaram || 85 ||
[Analyze grammar]

haristābhyaḥ prajābhyaśca rājabhyaśca prasannahṛt |
āśīrvādān dadau yūyaṃ bhavata śreṣṭhakīrtayaḥ || 86 ||
[Analyze grammar]

śreṣṭharājyāḥ śreṣṭhadharmāḥ śreṣṭhanyāyaparāyaṇāḥ |
śreṣṭhasya me maheśānasyaiva bhaktau kṛtādarāḥ || 87 ||
[Analyze grammar]

evamuktvā viśaśrāma harirnijanivāsane |
janā naijān nivāsāṃśca yayuḥ kṛtātmavedinaḥ || 88 ||
[Analyze grammar]

aṃgarājo bhojanāni dadau śrīparamātmane |
sarvānabhojayaccāpi mahīmānān hareḥśritān || 89 ||
[Analyze grammar]

īśānaṃ pūjayāmāsa lomaśaṃ ca pupūja ha |
hareḥ kuṭumbakaṃ prārcya rājā jagrāha bhojanam || 219290 ||
[Analyze grammar]

rājñī raṃgarajānāmnī cāṃgarājasya patnikā |
gaurī prasannahṛdayaikādaśaputrikāyutā || 91 ||
[Analyze grammar]

pauṣpakānakahārāṃśca candanākṣatagandhinaḥ |
ādāyā'rcayituṃ cāyād bālakṛṣṇasya sannidhau || 92 ||
[Analyze grammar]

pupūja prītyā caraṇau payasā'kṣālayaddhareḥ |
papau papuśca gauryastāḥ kanyāstvekādaśāpi vai || 93 ||
[Analyze grammar]

anādiśrībālakṛṣṇaṃ vilokya kāntamīśvaram |
kare jagṛhuratyarthaṃ vivāhavidhinā tu tāḥ || 94 ||
[Analyze grammar]

kaṇṭhe hārān dadustāśca haristābhyo'pi sandadau |
utsavaḥ sa mahān jātaḥ kṛtakṛtyo'bhavannṛpaḥ || 95 ||
[Analyze grammar]

atha nidrāṃ jagṛhuśca viśaśramuḥ sukhaṃ niśām |
gatāṃ vilokya bhagavān śrutvā maṃgalaniḥsvanān || 96 ||
[Analyze grammar]

kṛtāhniko haristūrṇaṃ svastho'bhavad yadā drutam |
tāvad rājā satī rājñīścājahratuḥ payaḥ śubham || 97 ||
[Analyze grammar]

phalātmabhojanādyaṃ ca jagrāha bhagavāṃśca tat |
brahmapriyāḥ kuṭumbaṃ carṣayo jagṛhurutsukāḥ || 98 ||
[Analyze grammar]

phalāni jagṛhuścāpi tāmbūlāni tataḥ param |
vidāyaṃ jagṛhuścāpi sanmānaṃ prāpya tatkṣaṇam || 99 ||
[Analyze grammar]

hariścānye nṛpaṃ pṛṣṭvā''ruruhuḥ sajjitā drutam |
vimānāni tūryanādān śṛṇvanto vyomamārgataḥ || 2192100 ||
[Analyze grammar]

ākāraṇādivacaso viceruścāgratastadā |
ityevaṃ rādhike kṛṣṇanārāyaṇo yayau puraḥ || 101 ||
[Analyze grammar]

balalīnanṛparāṣṭraṃ jarāmaunarṣibhūtalam |
ambarād bhūtalaṃ kṛṣṇo dadarśa bahuśobhanam || 102 ||
[Analyze grammar]

rājā puro yayau bhūmau balalīno maharṣiṇā |
jarāmaunena sākaṃ vai svāgatārthaṃ harestadā || 103 ||
[Analyze grammar]

rādhike śrāvaṇe kṛṣṇaikādaśyāṃ praharadvaye |
tadā vādyānyavādyanta jayadhvānāstadā'bhavan || 104 ||
[Analyze grammar]

yantraśabdā nāmamālā bhajanānyabhavan bhuvi |
rājadarśitamārgeṇa vimānāni kramāttadā || 105 ||
[Analyze grammar]

avaterurmahodyāne vālīnāyāstu sannidhau |
viśālāyā rājadhānyā lakṣādhijanasaṃkule || 106 ||
[Analyze grammar]

iti śrīlakṣmīnārāyaṇīyasaṃhitāyāṃ dvitīye tretāsantāne harerlīnorṇarāṣṭrāgamanaṃ vāruṇyāṃ nagaryāṃ bhramaṇaṃ pūjanaṃ bhojanaṃ vidāyaṃ tato bṛhaccharanṛparāṣṭrāgamanaṃ dhīvarāyāṃ nagaryāṃ bhramaṇaṃ tato'ṅgarājasya milindānagarīṃ prati gamanaṃ |
bhrāmaṇamupadeśanaṃ bhojanaṃ rātrau viśrāntirbhādrakṛṣṇaikādaśyāṃ praharadvaye balalīnanṛparāṣṭragamanamityādinirūpaṇanāmā dvānavatyadhikaśatatamo'dhyāyaḥ || 192 ||
[Analyze grammar]