Chapter 190

śrīkṛṣṇa uvāca |
śṛṇu tvaṃ rādhike rājā mudrāṇḍo mādhave tadā |
puṣpahārān svarṇahārān ārpayat samapūjayat || 1 ||
[Analyze grammar]

rājaveṣaṃ bahuśobhamadhārayattadā harim |
madriṭānagarīṃ sāyaṃ bhrāmayituṃ samārthayat || 2 ||
[Analyze grammar]

sarvāṃstatra mahīmānān pupūja rājakeśarī |
supānarṣiśca tilakaṃ candrakaṃ haraye'karot || 3 ||
[Analyze grammar]

jalapānaṃ dadau paścād vāhaneṣu nṛpo'khilān |
nyaṣādayad satūryāṇi vyanādayacchubhāni vai || 4 ||
[Analyze grammar]

harirnavaṃ rathaṃ śubhraṃ kambalājinasaṃvṛtam |
yuktaṃ ṣoḍaśabhirgobhiḥ pāṇḍuhurairdevalakṣaṇaiḥ || 5 ||
[Analyze grammar]

tathā'gryaikena mahatā pāṇḍureṇa vṛṣeṇa ca |
bandibhiḥ stūyamānaścā'bhyarcyamāno maharṣibhiḥ || 6 ||
[Analyze grammar]

āruroha rathaṃ svarṇamaṇimauktikarājitam |
jagrāha raśmīn maudrāṇḍaḥ kumārastrigrasāṇḍakaḥ || 7 ||
[Analyze grammar]

gavādakavitarṣiśca dhārayāmāsa chatrakam |
dhriyamāṇaṃ mahacchatraṃ pāṇḍuraṃ rathamadhyagam || 8 ||
[Analyze grammar]

śuśubhe tārakāyuktacandramiva suhīrakaiḥ |
cāmaravyajane tvasya munī jagṛhaturmudā || 9 ||
[Analyze grammar]

supānarṣistathā mitramaharṣiśca mahāvratau |
candraraśmisamakāntiyute dīrghātimañjule || 10 ||
[Analyze grammar]

kṛṣṇasya pitarau rādhe bhrātaraśca svasā tathā |
rathe sthitā adṛśyanta sarvedevasamāstadā || 11 ||
[Analyze grammar]

rathaṃ śubhraṃ samāsthāya yuktaṃ turagasatamaiḥ |
anvayāt pṛṣṭhato rudraśceśāno gaṇasevitaḥ || 12 ||
[Analyze grammar]

rathaṃ hemamayaṃ śreṣṭhaṃ mahādīrghāśvayojitam |
lomaśaśca samāsthāyā'nvayād rudraṃ guruḥ svayam || 13 ||
[Analyze grammar]

vṛkāyano nīlakarṇaścobhau pītarathena ca |
yayatustu tato nīlavarṇāśvayojitena vai || 14 ||
[Analyze grammar]

brahmapriyāstataḥ sarvāḥ svalaṃkṛtāḥ sahasraśaḥ |
narayānaistathā yānairuccāvacairyayustataḥ || 15 ||
[Analyze grammar]

gāṃgeyāḥ ṛṣayaḥ sarve kanyakāśca tathā'pare |
rājakanyāśca rājñyaścānvayurbhavyaiḥ rathādibhiḥ || 16 ||
[Analyze grammar]

tato rathāśca bahulā nāgāścoṣṭravṛṣānvitāḥ |
padātayo hayarūḍhāḥ pṛṣṭhataḥ samanuvrajan || 17 ||
[Analyze grammar]

tato vaitālikāḥ sūtā māgadhāścāraṇāstathā |
subhāṣitāni gāyanto yayuḥ prajājanānvitāḥ || 18 ||
[Analyze grammar]

tadā tu darśanaṃ viṣṇorbabhūvā'pratimaṃ sukham |
anādiśrīkṛṣṇanārāyaṇasyā'nupamaṃ bhuvi || 19 ||
[Analyze grammar]

madriṭāyāṃ hareḥ praveśane nagaravāsibhiḥ |
nagarī rājamārgādyā bahudhā samalaṃkṛtāḥ || 20 ||
[Analyze grammar]

pāṇḍurairmālyavargaiśca patākābhiśca medinī |
saṃskṛtā rājamārgā'bhūd dhūpanaiśca pradhūpitā || 21 ||
[Analyze grammar]

tathā cūrṇaiḥ sugandhānāṃ nānāpuṣpapriyaṃgubhiḥ |
mālyadāmabhiḥ saṃsaktairnagarī śobhitā kṛtā || 22 ||
[Analyze grammar]

kuṃbhā dvāri kṛtāścāsan jalapūrṇā navāḥ śubhāḥ |
sitāḥ sumanaso gaurā nikṣiptāstatra tatra ca || 23 ||
[Analyze grammar]

yathāsvalaṃkṛtānyeva dvārāṇi raṃgavallibhiḥ |
evaṃ śṛṃgāritāyāṃ ca nagaryāṃ sa viveśa ha || 24 ||
[Analyze grammar]

praveśane harestatra janānāṃ puravāsinām |
didṛkṣūṇāṃ sahasrāṇi samājagmuḥ sahasraśaḥ || 25 ||
[Analyze grammar]

rājamārgo'tiśuśubhe samalaṃkṛtacatvaraḥ |
candrodaye'bdhivṛddhiśca pūrāgatāgatairyathā || 26 ||
[Analyze grammar]

prajānāṃ rājamārgeṣu vṛddhiścā'cintitā'bhavat |
gṛhāṇi rājamārgeṣu ratnanaddhāni sarvathā || 27 ||
[Analyze grammar]

prākampantīva bhāreṇa gaurīṇāṃ pūrṇitāni vai |
tāḥ striyaśca praśaśaṃsuḥ kāṃbhareyaṃ śriyaḥ patim || 28 ||
[Analyze grammar]

brahmapriyā imā dhanyā yāḥ prāptāḥ puruṣottamam |
gaurīṇāṃ vratacaryāṇi praśaśaṃsustathā striyaḥ || 29 ||
[Analyze grammar]

praśaṃsāvacanaistāsāṃ prītiśabdaiśca rādhike |
jayaśabdaiḥ kīrtanaiśca puramāsīnnināditam || 30 ||
[Analyze grammar]

pratirathyaṃ pratimārgasaṃgamaṃ praticatvaram |
pratihaṭṭaṃ pratiharmyaṃ prajā ānarcurīśvaram || 31 ||
[Analyze grammar]

bhramitvā nagarīṃ rājamārgeṇa ca tato hariḥ |
alaṃkṛtaṃ śobhamānamupāyād rājaveśma ha || 32 ||
[Analyze grammar]

tatra prakṛtayaḥ sarvāḥ paurā jānapadā api |
ūcuḥ karṇasukhā vāco diṣṭyā prāpto'si mādhava || 33 ||
[Analyze grammar]

bhavatkṛpā bhavataśca darśane'tra matā śubhā |
anyathā darśanaṃ kṛṣṇa kathaṃ te bhāgyamantarā || 34 ||
[Analyze grammar]

evaṃ rājakuladvāri maṃgalairabhitoṣitaḥ |
praviveśa hariryānāduttīrya rājamandiram || 35 ||
[Analyze grammar]

rājā maharṣayaścāpi rājapatnī kumārikāḥ |
gandhamālyai ratnahārairārcayan kṛṣṇavallabham || 36 ||
[Analyze grammar]

sumanomodakai ratnairhiraṇyena ca bhūriṇā |
upadābhirvividhābhirvividhaiśca kimicchakaiḥ || 37 ||
[Analyze grammar]

tatraivā'vasaraṃ jñātvā mohapāśavaśaṃgatāḥ |
rājakanyā harerhastaṃ jagṛhurdaśa pañca ca || 38 ||
[Analyze grammar]

tataḥ puṇyāhaghoṣo'bhūnnāmasaṃkīrtanaṃ tathā |
suhṛdāṃ prītijanakaṃ puṇyaṃ śrutisukhāvaham || 39 ||
[Analyze grammar]

tathā dundubhinirghoṣaḥ śaṃkhānāṃ ca manoramaḥ |
jayaṃ pravadatāṃ cāpi prādurabhūtsvanaḥ śubhaḥ || 40 ||
[Analyze grammar]

śrutvā śrībālakṛṣṇaśca prasannahṛdayastadā |
kāñcane rājasaudhasthe nyaṣīdat paramāsane || 41 ||
[Analyze grammar]

upādideśa bahudhā sabhāyāṃ bhūpatervṛṣān |
vyasanī ced bhaved rājā lokaiḥ saparibhūyate || 42 ||
[Analyze grammar]

udvejayati lokaṃ yo dveṣṭi sukhaṃ na vindati |
svapriyaṃ tu parityajya lokahitaṃ samācaret || 43 ||
[Analyze grammar]

dhīratāṃ na tyajet kvāpi rājā lokahitāvahaḥ |
nātyarthaḥ parihāsaśca bhṛtyaiḥ kāryo nṛpeṇa vai || 44 ||
[Analyze grammar]

avamanyanti rājānaṃ saṃgharṣādupajīvinaḥ |
sve sthāne na tu tiṣṭhanti laṃghayanti tu tadvacaḥ || 45 ||
[Analyze grammar]

preṣyamāṇā na gacchanti guhyaṃ prakāśayanti ca |
ayācyamapi yācante bhojyāni bhakṣayanti ca || 46 ||
[Analyze grammar]

kruśyanti paridīpyanti kāryāṇi ghātayanti ca |
vañcanāṃ cāpi kurvanti luñcāṃ gṛhṇanti vai kvacit || 47 ||
[Analyze grammar]

hastākṣaraiḥ kṛtrimaiśca sādhayanti nijāṃ kṛtim |
strīrakṣibhiśca sajjante tulyaveṣā bhavanti ca || 48 ||
[Analyze grammar]

vāntaṃ niṣṭhīvanaṃ cāpi kurvate rājasannidhau |
nirlajjā nṛpanikaṭe bhūtvā ghnanti yaśo'pyanu || 49 ||
[Analyze grammar]

rājavāhaṃ hayaṃ hastirathādyārohayanti ca |
sabhāyāmapi rājānaṃ cā'jñāninaṃ vadanti ca || 50 ||
[Analyze grammar]

kruddhe nṛpe hasantyeva mantraṃ visraṃsayanti ca |
guptaṃ prakāśaṃ kurvanti śāsanaṃ laṃghayanti ca || 51 ||
[Analyze grammar]

helanaṃ cāpi kurvanti nindanti sannidhāvapi |
asmanmuṣṭyāṃ nṛpo'styeva lokāṃścaivaṃ vadantyapi || 52 ||
[Analyze grammar]

tasmād bhṛtyādibhiḥ sārdhaṃ harṣulo na mṛdurbhavet |
udyamaṃ saṃprakuryācca bhuktimuktipradaṃ sadā || 53 ||
[Analyze grammar]

lokānāṃ rañjanād rājā nṛpadharmo hi rañjanam |
satyasya rakṣaṇaṃ cāpi vyavahārasya rakṣaṇam || 54 ||
[Analyze grammar]

kṣānteśca rakṣaṇaṃ kāryaṃ rājamārgāccalenna ca |
ātmavān puruṣārthaṣu jāgran rājatvamarhati || 55 ||
[Analyze grammar]

mānavāḥ sarvadharmāśca rakṣitavyā nṛpeṇa vai |
vṛddhāḥ prasevanīyāśca sevanīyāśca sādhavaḥ || 56 ||
[Analyze grammar]

sadbhyo dadyādasadbhyastu samādadyānnṛpo vṛṣāt |
śiṣṭān śiṣṭakriyāścāpi mānayet sarvathā nṛpaḥ || 57 ||
[Analyze grammar]

viduṣo rakṣayed rājā nītijñān śāstrakovidān |
kathākārān dharmadhartṝn parameśopadeśakān || 58 ||
[Analyze grammar]

gurūṃśca mānayed rājā pūjayed bahudānakaiḥ |
sādhūn sampūjayennityaṃ bhojayed śṛṇuyāt kathāḥ || 59 ||
[Analyze grammar]

devālayān kārayecca pūjāprabandhamācaret |
nityaṃ bhaktyā svayaṃ rājā yajeta devatāḥ priyān || 60 ||
[Analyze grammar]

daśāṃśaṃ vā ca viṃśāṃśaṃ śatāṃśaṃ pañcamāṃśakam |
rājyarddhidravyadhānyebhyo'rpayeddharmārthameva saḥ || 61 ||
[Analyze grammar]

tīrthāni rakṣayed rājā kratūṃśca kārayettathā |
goviprastrīdīnabālān yatīn saṃrakṣayecchritān || 62 ||
[Analyze grammar]

nityaṃ dadyāttu dānāni pūjayitvā gurūn janān |
vṛddhān vandeta satataṃ gṛhṇīyādāśiṣastataḥ || 63 ||
[Analyze grammar]

bhagavantaṃ smarennityaṃ prātaḥ sāyaṃ ca karmasu |
na trāsaṃ janayet kiṃcidāyurnāśakaraṃ na ca || 64 ||
[Analyze grammar]

puṇyanāśakaraṃ cāpi naiva kuryāt kadācana |
vighasāśī bhavennityaṃ brahmayajñaparo bhavet || 65 ||
[Analyze grammar]

prajāyāṃ saṃprapaśyettu putravātsalyamuttamam |
māṃ hariṃ saṃsthitaṃ sarvāsvapi matvā'rcayed yathā || 66 ||
[Analyze grammar]

hiṃsanaṃ na vṛthā rājā kuryāt svārthārthamityapi |
satkāryāṇi sadā loke samārabheta bhāvataḥ || 67 ||
[Analyze grammar]

puṇyakāryeṣu sāhāyyaṃ dadyāt kuryāt svayaṃ hyapi |
sādhūn saṃvāsayed rājye seveta paramādarāt || 68 ||
[Analyze grammar]

bhagavantaṃ ca bhaktāṃśca bhrāmayennagarādiṣu |
mālāvartanamādadhyād rājā nityāsanasthitaḥ || 69 ||
[Analyze grammar]

vartayet svakuṭumbādi dharme karmaṇi bhaktiṣu |
snānaṃ dhyānaṃ japaṃ homaṃ tarpaṇaṃ ca nivedanam || 70 ||
[Analyze grammar]

dānaṃ dharmaṃ bhajanaṃ ca sevāṃ kurvannṛpaḥ svayam |
evaṃ varteta ced rājā mucyate na tu badhyate || 71 ||
[Analyze grammar]

yasya kūṭaṃ na kapaṭaṃ na māyā satsu vai kvacit |
yasya gehe kathā jñānaṃ bhajanaṃ devapūjanam || 72 ||
[Analyze grammar]

satāṃ vartmānugaścāpi tyāgīva vartate ca yaḥ |
sa bhavedvai kvacinmokṣabhāgīśvareśasevayā || 73 ||
[Analyze grammar]

yathā rājā tathā dharmo yathā dharmastathā prajāḥ |
kṛṣṇadharmo'tiyatnena rājñā rakṣyo mumukṣuṇā || 74 ||
[Analyze grammar]

svasmin bhāgavate dharme tiṣṭhatyeva kuṭumbakam |
bāndhavāḥ suhṛdaścānye prajādyā api sarvathā || 75 ||
[Analyze grammar]

varteran sātvate dharme yathā rājā tathā prajāḥ |
tasmād rājan prajāścāpi sarve kurvantu sāttvatīm || 76 ||
[Analyze grammar]

bhaktiṃ me mokṣadāṃ śreṣṭhāmuddhariṣye madāśritān |
ityuktvā virarāmā'sau bālakṛṣṇo hi rādhike || 77 ||
[Analyze grammar]

rājā prajādayaḥ sarve jagṛhustadvacāṃsi vai |
mantraṃ mantravihīnā ye te sañjagṛhuraiśvaram || 78 ||
[Analyze grammar]

kaṇṭhīṃ ca bhajanaṃ nāmaraṭaṇaṃ jagṛhuśca te |
tataḥ sabhāṃ visarjayāmāsa mudrāṇḍako nṛpaḥ || 79 ||
[Analyze grammar]

bhojanāni hariścāpi kuṭumbaṃ ca maharṣayaḥ |
īśānādyā mahīmānāścakrurbrahmapriyādikāḥ || 80 ||
[Analyze grammar]

rātrau viśrāntimāsādya kṛtvotthāyā''plavādikam |
nityapūjāṃ vidhāyātha dugdhapānādikaṃ tathā || 81 ||
[Analyze grammar]

hariḥ sajjo'bhavad gantuṃ pūrtagaṇḍapradeśakān |
tadā rājā prārthayacchrīhariṃ śaivālapattanam || 82 ||
[Analyze grammar]

gantuṃ gavādakavitānadītaṭasthamuttamam |
haristathā'stviti prāha jayaśabdaiśca kīrtanaiḥ || 83 ||
[Analyze grammar]

saha pūjāṃ samāgṛhya svaṃ vimānamarūruhat |
anye niṣeduḥ śīghraṃ ca mudrāṇḍako'pi tatkṣaṇam || 84 ||
[Analyze grammar]

vimānamadhiruhyāgre yayau svāgatasiddhaye |
vimānāni viceruśca śaivālapattanaṃ prati || 85 ||
[Analyze grammar]

kṣaṇāt prāpuśca taṃ deśaṃ gavādakavitāntikam |
avaterurvimānāni gavādakavitātaṭe || 86 ||
[Analyze grammar]

rājā nijālaye kṛṣṇaṃ sarvānānarca bhāvataḥ |
udyānaphalapuṣpādyairapūjayaddhariṃ nṛpaḥ || 87 ||
[Analyze grammar]

ārārtrikaṃ cakārā'tha nagare'bhrāmayatprabhum |
kṛtvaivaṃ pāvanaṃ kṛṣṇanārāyaṇo hi pattanam || 88 ||
[Analyze grammar]

dugdha phalādikaṃ jagdhvā prāpya pūjāṃ nṛpādibhiḥ |
prajābhiśca kṛtāṃ sarvāmāśiṣaḥ sampradāya ca || 89 ||
[Analyze grammar]

tanmānena samaṃ śīghramiyeṣa gantumacyutaḥ |
gaṇḍo nāma nṛpastatra netuṃ kṛṣṇaṃ samāgataḥ || 90 ||
[Analyze grammar]

pūrtagaṇḍarṣiṇā sākaṃ hariḥ sajjo'bhavattataḥ |
śīghraṃ vimānamāruhya datvā''śīrvacanāni ca || 91 ||
[Analyze grammar]

yayau śṛṇvan jayanādān nadīṃ gavādayānikām |
samullaṃghya nadīdeśānākāśe vyacaraddhariḥ || 92 ||
[Analyze grammar]

trigirāṃ ca nadīṃ prāpya rājā vai gaṇḍakaḥ puraḥ |
pūrtagaṇḍarṣiṇā sākaṃ svāgatārthamavātarat || 93 ||
[Analyze grammar]

līśavanaṃ pattanaṃ ca śṛṃgāritaṃ hi rādhike |
sainyayuktaṃ śubhaṃ gatvodyāne svāgatamācarat || 94 ||
[Analyze grammar]

iti śrīlakṣmīnārāyaṇīyasaṃhitāyāṃ dvitīye tretāsantāne madriṭānagaryāṃ bhramaṇaṃ rājaveśmāgamanaṃ pūjanam upadeśo bhojanaṃ niśottaram aṣṭamyāṃ prātaḥkṛtyottaraṃ prayāṇaṃ śaivālanagarīṃ bhramitvā pūrtagaṇḍarṣipradeśeṣu gaṇḍakanṛpasya līśavanapattanaṃ prati gamanamityādinirūpaṇanāmā navatyadhikaśatatamo'dhyāyaḥ || 190 ||
[Analyze grammar]