Lakshminarayana Samhita [sanskrit]

by Shwetayan Vyas | 1,169,834 words | ISBN-10: 8170801818 | ISBN-13: 9788170801818

The Lakshminarayana Samhita Chapter 188 (Sanskrit text), including grammatical analysis, glossary and relevant print editions. The Lakshmi-narayana-samhita is an encyclopaedic work devoted to Narayana although it deals with various deities. The work is written in Puranic style and divided into four books according to the four Yugas. In total, the work consists of roughly 120,000 metrical verses.

śrīkṛṣṇa uvāca |
rādhike śrībālakṛṣṇa upādideśa saṃsadam |
parīśānanagaryāṃ yat tatte saṃśrāvayāmyaham || 1 ||
[Analyze grammar]

hariḥ prāha hi saṃsāre maraṇaṃ dhruvameva hi |
śarīraṃ gatvaraṃ prāṇā gatvarā gatvarāḥ śriyaḥ || 2 ||
[Analyze grammar]

saṃyogā gatvarāḥ sarvaṃ brahmāṇḍaṃ cāpi gatvaram |
gatvarāṇi hi bhūtāni cātmā'nyatra gamiṣyati || 3 ||
[Analyze grammar]

punarnaitādṛśaṃ prāpyaṃ gatvaraṃ kṛtabuddhinā |
ātmanā sthāsnunā labhyaḥ sthāsnurmokṣo hi śāśvataḥ || 4 ||
[Analyze grammar]

agrimāṇāṃ kṣitibhujāṃ mānyo devamaharṣibhiḥ |
vardhitaḥ svastivacanairāśīrbhiryojito nṛpaḥ || 5 ||
[Analyze grammar]

āvikṣito maruttaśca mahābhāgavato hyabhūt |
yasya sendrāḥ savaruṇā bṛhaspatipurogamāḥ || 6 ||
[Analyze grammar]

devā viśvasṛjo rājño yajñamīyurmahātmanaḥ |
yasmin śāsati pṛthivī cā'kṛṣṭapākadā'bhavat || 7 ||
[Analyze grammar]

yasya yajñe tadā''saṃśca viśvedevāḥ sabhāsadaḥ |
marutaḥ pariveṣṭāraḥ sādhyāśca sādhavastathā || 8 ||
[Analyze grammar]

ahamāsaṃ kratau bhoktā mūrtimānanale tadā |
sa rājyaṃ matparaṃ kṛtvā kṛtvā svaṃ matparāyaṇam || 9 ||
[Analyze grammar]

yayau dhāmā'kṣaraṃ me ca tathā kāryaṃ nṛpairiha |
suhotro nāma nṛpatistathā bhāgavato'bhavat || 10 ||
[Analyze grammar]

yasmin hiraṇyaṃ vavṛṣe maghavā parivatsaram |
satyanāmā vasumatī svarṇaṃ nadyo'vahaṃstadā || 11 ||
[Analyze grammar]

indro vavarṣa makarān kūrmān yādāṃsi yāni ca |
hiraṇyamayāni samrāṭ sa brāhmaṇebhyaḥ samārpayat || 11 ||
[Analyze grammar]

ahaṃ śrībālakṛṣṇo'smi sarvapātreṣu māṃ sa tu |
suyaṣṭvā so'tithirbhūtvā yayau me paramaṃ padam || 13 ||
[Analyze grammar]

aṃgo bṛhadratho rājā mahābhāgavato hyabhūt |
yaḥ sahasraṃ sahasrāṇāṃ śvetānaśvān pradattavān || 14 ||
[Analyze grammar]

sahasraṃ ca sahasrāṇāṃ kanyā hemapariṣkṛtāḥ |
sahasraṃ ca sahasrāṇāṃ gajānāmatipadminām || 15 ||
[Analyze grammar]

śataṃ śatasahasrāṇi vṛṣāṇāṃ hemamālinām |
sahasrāṇi suvarṇānāṃ niṣkāṇāṃ pratimānavam || 16 ||
[Analyze grammar]

ījāno vitate yajñe somasaṃsthāsu saptasu |
bhikṣukebhyo'pi viprebhyo dakṣiṇā atyakālayat || 17 ||
[Analyze grammar]

kṛtvā māṃ suprasannaṃ ca bhajitvā māṃ kratau nṛpaḥ |
mahābhāgavato bhūtvā yayāvante tu matpadam || 18 ||
[Analyze grammar]

śibiścauśīnaro rājā mahābhāgavato'bhavat |
ya imāṃ pṛthivīṃ sarvāṃ suvarṇairabhyaveṣṭayat || 19 ||
[Analyze grammar]

yāvadasyāṃ gavāśvaṃ ca hastigavayakaṃ tathā |
abhūt sarvaṃ pradadau sa dāne'saṃkhyaguṇaṃ tataḥ || 20 ||
[Analyze grammar]

prāpya prasannatāṃ me'tra bhūtvā bhāgavato mahān |
māṃ bhajitvā yayau dhāmā'kṣaraṃ me śāśvataṃ śibiḥ || 21 ||
[Analyze grammar]

bhagīratho'nayad gaṃgāṃ pitruddhāraṇahetave |
mahābhagavato bhūtvā yayau dhāmā'kṣaraṃ mama || 22 ||
[Analyze grammar]

dilīpaḥ kṛtavān yajñaṃ vaiṣṇavaṃ mama tuṣṭaye |
sahasraṃ vāraṇān haimān dakṣiṇāmatyakālayat || 23 ||
[Analyze grammar]

caṣāle yasya sauvarṇe tasmin yūpe hiraṇmaye |
nanṛturdevagandharvāḥ ṣaṭsahasrāṇi saptadhā || 24 ||
[Analyze grammar]

sa prasādya paraṃbrahma māṃ bhaktyā sevayā satām |
yayau dhāmā'kṣaraṃ me tu śāśvataṃ cā'punarbhavam || 25 ||
[Analyze grammar]

māndhātā yauvanāśvo'bhūd rājā bhāgavato mahān |
indro poṣṭā'bhavad yasya sarvakṣmāśāsako'bhavat || 26 ||
[Analyze grammar]

aśvamedhaśataṃ cakre rājasūyaśataṃ tathā |
hairaṇyān rohitān matsyān brāhmaṇebhyo'dadat sa ca || 27 ||
[Analyze grammar]

yajñeṣu māṃ pratarpyaiva kṛtvā bhaktiṃ mamā'dhikām |
prāpa dhāmā'kṣaraṃ me sa kṛtakṛtyo'bhavat sadā || 28 ||
[Analyze grammar]

yayātiścā'bhavad rājā nāhuṣo bhaktimān mama |
tīrakṣepeṇa kuṇḍaṃ sa kārayitvā'yajaddhi mām || 29 ||
[Analyze grammar]

cakre yajñasahasraṃ sa vājapeyaśataṃ tathā |
dadau dāne trīn suyogyān svarṇaśailān madarthakān || 30 ||
[Analyze grammar]

vane gatvā sa māṃ kṛṣṇaṃ prasādyā'kṣaramāptavān |
ambarīṣaśca nābhāgo mahābhāgavato'bhavat || 31 ||
[Analyze grammar]

yaḥ sahasraṃ sahasrāṇāṃ rājñāmayutayājinām |
ījāno vitate yajñe mayi sarvārpaṇaṃ nyadhāt || 32 ||
[Analyze grammar]

sudarśanaṃ mayā cakraṃ tadrakṣārthaṃ samarpitam |
so'nte dhāmā'kṣaraṃ prāpa prasādya māṃ pareśvaram || 33 ||
[Analyze grammar]

śaśabindurabhavacca bhūpo bhāgavato mahān |
yajñe rājyaṃ ca sarvasvaṃ dattvā vanaṃ jagāma ha || 34 ||
[Analyze grammar]

māmārādhya yayau dhāmā'kṣaraṃ me śāśvataṃ sthiram |
gayo rājā'bhavacchreṣṭho mahābhāgavataḥ śuciḥ || 35 ||
[Analyze grammar]

sa ca varṣaśataṃ rājā hutaśiṣṭāśano'bhavat |
agnistuṣṭo varadānaṃ bhaktirūpaṃ dadau harau || 36 ||
[Analyze grammar]

ayajad vājimedhena sahasraṃ parivatsaram |
sauvarṇāṃ pṛthivīṃ kṛtvā dadau dānaṃ dvijātaye || 37 ||
[Analyze grammar]

yāvatyo gāṃgasikatāstāvatīḥ pradadau sa gāḥ |
mām ārādhya cāyuṣo'nte mamā'kṣarapadaṃ yayau || 38 ||
[Analyze grammar]

rantidevo'bhavad rājā mahābhāgavataśca saḥ |
atithau māṃ vilokyaiva puṣkasāya jalaṃ dadau || 39 ||
[Analyze grammar]

śatakoṭisahasrāṇi bhuñjate tadgṛhe dvijāḥ |
sa māṃ prasādya samprāpa dhāmā'kṣarapadaṃ mama || 40 ||
[Analyze grammar]

sagaro nāma rājā ca vājimedhasahasrakam |
kṛtvā datvā ca sarvasvaṃ māmārādhya gato'kṣaram || 41 ||
[Analyze grammar]

pṛthuḥ sākṣādahamāsaṃ so'pi cārādhanāṃ mama |
kṛtvā viveśa madrūpe tathā kurvantu bhūmipāḥ || 42 ||
[Analyze grammar]

rukmāṃgadaśca rājarṣirdharmāṃgadaśca tatsutaḥ |
ārādhya māṃ yayatuśca mama dhāmā'kṣaraṃ param || 43 ||
[Analyze grammar]

rukmāṃgadagṛhe kanyā vedhaso mohinī priyā |
patnīrūpā'bhavad yā tu vedhā tithiḥ samucyate || 44 ||
[Analyze grammar]

sudyumnaścā'bhavad rājā dhyātvā nārāyaṇaṃ tu mām |
prāpad dhāmā'kṣaraṃ bhaktyā śāśvataṃ mama vai prajāḥ || 45 ||
[Analyze grammar]

indradyumno'bhavad rājā puruṣottamabhaktarāṭ |
māmāradhya yayau dhāmā'kṣaraṃ vai śāśvataṃ mama || 46 ||
[Analyze grammar]

puṇḍarīko'bhavad rājā mahābhāgavato mama |
bhaktyā dhāmā'kṣaraṃ prāpa śāśvataṃ paramaṃ padam || 47 ||
[Analyze grammar]

prahlādaśca balirbāṇo bhūpāḥ pātālavāsinaḥ |
rājasthā api bhaktyā māṃ toṣayanti divāniśam || 48 ||
[Analyze grammar]

udayano mahārājastathā raṇaṃgamo'pi ca |
citraketustathā nandastvete bhāgavatā mama || 49 ||
[Analyze grammar]

kanthādharaśca bhadrāśvo lakṣmaṇo mucukundakaḥ |
viśālaśca prajāpālo durjayo'śvaśirāstathā || 50 ||
[Analyze grammar]

camatkāraḥ satyasandho'mitrajit kalaśo nṛpaḥ |
puṇyanidhiḥ suyaśaśca paṃcālanṛpatistathā || 51 ||
[Analyze grammar]

alarkastoṇḍamāṃścāpi nābhiḥ ṛtadhvajastathā |
rantirvedaśravāścāpi nandasāvarṇirityapi || 52 ||
[Analyze grammar]

nimidhruvastathā dharmadhvajaḥ kuśadhvajastathā |
dṛḍhadhanvā divodāsaścānartto raivatādayaḥ || 53 ||
[Analyze grammar]

ete tvanye ca bahavo rājāno vaiṣṇavā mama |
matprāptiṃ durlabhāṃ prāpya saṃsiddhāścā'bhavan khalu || 54 ||
[Analyze grammar]

saprajā bahavastatra vaikuṇṭhaṃ prayayuḥ param |
prajānāṃ pālanaṃ dharmo rājñāṃ bhaktiyuto harau || 55 ||
[Analyze grammar]

rājājñāpālanaṃ dharmaḥ prajānāṃ bhaktiyuk harau |
evaṃ parasparaṃ kṛtvā sāhāyyaṃ dharmakāṃkṣiṇaḥ || 56 ||
[Analyze grammar]

mama smṛtyā'nvayenaiva te bodhyā mokṣabhāginaḥ |
mayā niyuktaḥ puruṣaḥ sādhvasādhu karoti hi || 57 ||
[Analyze grammar]

svayaṃ sādhupravāhaḥ syānna tvasādhupravāhaṇaḥ |
jñānadṛṣṭyā vicāryaiva sādhu kuryānna cetarat || 58 ||
[Analyze grammar]

sarvakarmasu sādhutvaṃ mayyarpaṇaṃ mayā matam |
mayyarpitaṃ bhavet sādhu tadbhinnaṃ naiva sādhu tat || 59 ||
[Analyze grammar]

nānyadrohakaraṃ kuryānnodvejanaparaṃ kvacit |
nātmahānikaraṃ kuryānna kuryāllokagarhitam || 60 ||
[Analyze grammar]

evaṃ varteta medhāvī sarvaṃ prakṣipya vai mayi |
tadā śāntiṃ parāṃ labdhā tiṣṭhedante'kṣare pare || 61 ||
[Analyze grammar]

narā nāryaḥ karmanaddhā nā'karmāṇo bhavanti vai |
naisargikī kriyā yā ca sā'pi kṣipenmayīśvare || 62 ||
[Analyze grammar]

vahnau kṣiptaṃ yathā kāṣṭhaṃ śuṣkamārdraṃ ca vetarat |
drutaṃ cireṇa vā bhasmībhavennaivātra saṃśayaḥ || 63 ||
[Analyze grammar]

tathā karma śubhaṃ vā'nyat kṣipenmayi pareśvare |
bhasmīkuryā samartho'smi mokṣayāmyapi karmadam || 64 ||
[Analyze grammar]

athavā tadupādānāt prāpnuyāt karmaṇaḥ phalam |
prāpnuyāditi hetośca mayīśvare nivedayet || 61 ||
[Analyze grammar]

tathāpi puruṣaḥ kartā karmaṇoḥ śubhapāpayoḥ |
sābhimāno'jñānavṛttyā bhoktā syāt tatphale'pi ca || 66 ||
[Analyze grammar]

karmasūtrātmakaṃ sarvaṃ sannaddhaṃ kramaśaḥ khalu |
sukhaduḥkhaguṇodarkaṃ mayi nyastaṃ viśīryate || 67 ||
[Analyze grammar]

yo hi karmasamārambhe bhavet tadbhāvabhāvitaḥ |
tadā tenābhibhūyeta mayīte nābhibhūyate || 68 ||
[Analyze grammar]

mayyeva kaluṣaṃ sarvaṃ samāptaṃ jāyate tataḥ |
prāyaścittaṃ na tasyāsti bhogo vā vidyate'sya na || 69 ||
[Analyze grammar]

akurvan vihitaṃ karma pratiṣiddhaṃ tathā''caran |
prāyaścittīyate dehī mayyarpaṇavivarjitaḥ || 70 ||
[Analyze grammar]

akāryāṇi na manujo jātu kuryāt tathāhi vai |
svadharmasya parityāgaṃ paradharmānuvartanam || 71 ||
[Analyze grammar]

śaraṇāgatasantyāgaṃ bhṛtyasyā''bharaṇādikam |
parasvāpābhiharaṇaṃ pitrā vādaṃ na vai caret || 72 ||
[Analyze grammar]

strītyāgaṃ ca yuvā kānto na vai kuryāt kadācana |
patnī ca yuvatī kāntaṃ na tyajedvai kadācana || 73 ||
[Analyze grammar]

āśritānāṃ subharaṇaṃ kartavyaṃ sarvadā matam |
vṛddhānāṃ sevanaṃ kāryaṃ dīnānāṃ tu sahāyatā || 74 ||
[Analyze grammar]

asatyaṃ na vadet kvāpi pāruṣyaṃ chalasaṃbhṛtam |
jīvānāṃ hiṃsanaṃ naiva kuryād dayāparo bhavet || 75 ||
[Analyze grammar]

āśritānāṃ paśūnāṃ ca kuryāt kṣuttṛṭnivāraṇam |
paropakāraṃ kuryācca sataśca bhojayet sadā || 76 ||
[Analyze grammar]

satāṃ sevāṃ prakuryācca mama sevāṃ ca sarvadā |
ātmānaṃ sukhinaṃ kuryānnodvege svaṃ nayet kvacit || 77 ||
[Analyze grammar]

nā'nyānudvejayet kvāpi vṛthāmṛṣā'nṛtādibhiḥ |
hareḥ saṃkīrtanaṃ kuryāt satataṃ vacasā hṛdā || 78 ||
[Analyze grammar]

dhyānaṃ hareḥ sadā kuryānmuktidaṃ pāpanāśakam |
kuryācchubhāni karmāṇi nivarteta śubhetarāt || 79 ||
[Analyze grammar]

dadyād vittādi nityaṃ ca tena mucyeta kilbiṣāt |
śiṣṭācāraḥ paro dharmo deśakālādiyojitaḥ || 80 ||
[Analyze grammar]

sevitavyaḥ sa evātra pretyeha ca sukhepsunā |
daivadeśe japaṃ kuryāt homaṃ copoṣaṇādikam || 81 ||
[Analyze grammar]

daivasandarśanaṃ jñānaṃ kuryādātmapraśodhanam |
na garveṇa bhavet prājñaḥ kadācinmṛtyudharmavān || 82 ||
[Analyze grammar]

devānṛṣīnmanuṣyāṃśca pitṝn gṛhyāśca devatāḥ |
pūjayitvā hariṃ cāpi gṛhastho bhoktumarhati || 83 ||
[Analyze grammar]

evaṃ kṛtvā na lipyeta rājā prajā'tha sādhavaḥ |
striyo dīnā vṛndalāśca tathā kurvantu sarvathā || 84 ||
[Analyze grammar]

mama nāma gṛṇannityaṃ smaranmāṃ sarvataḥ kṣaṇam |
kurvan sarvāṇi karmāṇi mayi nyasya na lipyate || 85 ||
[Analyze grammar]

tathā kurvantu satataṃ māṃ smṛtvā mayi cārpaṇam |
ahaṃ mokṣyāmi sarvān me vaiṣṇavān matparāyaṇān || 86 ||
[Analyze grammar]

astu svasti tu bhavatāṃ rājñāṃ rājakuṭumbinām |
prajānāṃ ca prajeśānāṃ dīnānāṃ tu viśeṣataḥ || 87 ||
[Analyze grammar]

astu svastyabalānāṃ ca madarthakṛtakarmaṇām |
sarvadā svasti cāstveva hariḥ śaṃ vidadhātu vaḥ || 88 ||
[Analyze grammar]

ityuktvā rādhike bālakṛṣṇaḥ śrīkṛṣṇavallabhaḥ |
parīśānasabhāyāṃ tu kṣaṇaṃ tūṣṇīmabhūttadā || 89 ||
[Analyze grammar]

rājā pūjāṃ ca vidadhe'saṃkhyamauktikahīrakaiḥ |
hārādyairambarādyaiśca candanādyaiḥ sugandhibhiḥ || 90 ||
[Analyze grammar]

ārārtrikaṃ mahaccakre rājñī rājakumārikāḥ |
kumārāśca pradhānāśca prajāścāpi pracakrire || 91 ||
[Analyze grammar]

vandanaṃ stavanaṃ kṛtvā cakhaduśca prasādakam |
hariṇā karadattaṃ ca tataśca rājakanyakāḥ || 92 ||
[Analyze grammar]

ekaviṃśatisaṃkhyākā yuvatyo mugdhamānasāḥ |
hareḥ karaṃ jagṛhuśca vivāhavidhinā tadā || 93 ||
[Analyze grammar]

karagṛhottaraṃ śīghraṃ rājā mahotsavaṃ niśi |
bhojayitvā mahīmānān hariṃ prāghūṇikādikān || 94 ||
[Analyze grammar]

kārayāmāsa lalitaṃ nṛtyagītikalādibhiḥ |
rātrau prāghūṇikāḥ sarve viśrāntiṃ cāpuruttamām || 95 ||
[Analyze grammar]

kanyakāstu navaṃ kāntaṃ siṣevire'tibhāvataḥ |
prātarutthāya bhagavān naijaṃ dhyānaṃ cakāra ha || 96 ||
[Analyze grammar]

rājā'pi tvāyayau kṛṣṇapūjārthaṃ ca pupūja tam |
evaṃ mahotsavo rādhe vṛtto vai pārameśvaraḥ || 97 ||
[Analyze grammar]

parīśānānagaryāṃ copadāḥ prajāstato daduḥ |
vidāyaṃ jagṛhe kṛṣṇanārāyaṇastadā nṛpaḥ || 98 ||
[Analyze grammar]

dugdhapānādikaṃ sarvān kārayāmāsa bhāvataḥ |
lomaśastu prajābhyo vai manuṃ dadau ca tārakam || 99 ||
[Analyze grammar]

hariḥ sajjo trabhūvā'tha gantu parījaparvatam |
indurāyo nṛpastasyā''grahaṃ cāti cakāra ha || 100 ||
[Analyze grammar]

tadā vādyānyavādyanta harirvimānamāsthitaḥ |
anye vimānagāstatrā'bhavaṃstato nṛpājñayā || 101 ||
[Analyze grammar]

vyomamārgeṇa ca yayuścendurāyasya rāṣṭrakam |
harirvilokayāmāsa bhūtalaṃ parvatānvitam || 102 ||
[Analyze grammar]

svāgatārthaṃ cendurāyastvagre yayau kuṭumbavān |
sanmānatūryaninadāstadā'bhavan samantataḥ || 103 ||
[Analyze grammar]

iti śrīlakṣmīnārāyaṇīyasaṃhitāyāṃ dvitīye tretāsantāne parīśānāprajādibhya upadeśadānaṃ pūjanaṃ vimānaiḥ saptamyāṃ prātaḥ parījarāṣṭrāgamanaṃ cetyādinirūpaṇanāmā'ṣṭāśītyadhikaśatatamo'dhyāyaḥ || 188 ||
[Analyze grammar]

Other print editions:

Also see the following print editions of the Sanskrit text or (alternative) English translations of the Lakshminarayana Samhita Chapter 188

Cover of edition (2011)

Shri Lakshmi Narayana Samhita
by Chowkhamba Sanskrit Series Office (2011)

शेतायनव्यास (Shwetayan Vyas)

Buy now!
Like what you read? Consider supporting this website: