Chapter 184

śrīkṛṣṇa uvāca |
śṛṇu tvaṃ rādhike kṛṣṇanārāyaṇaḥ pareśvaraḥ |
rudraṃ rākṣasahantāraṃ prāha coddharaṇakṣamam || 1 ||
[Analyze grammar]

śaṃbho'nāthasya bālāṃ ca bālaṃ pradehi mantrakam |
anāthāya tato dehi vaiṣṇavau tasya bālakau || 2 ||
[Analyze grammar]

śaṃbhurmantraṃ dadau śīghraṃ bālāyai bālakāya ca |
anātho'pi manuṃ śaṃbhorjagrāha vaiṣṇavo'bhavat || 3 ||
[Analyze grammar]

bālā sā rakṣakaṃ kṛṣṇaṃ matvā yogyaṃ varaṃ tadā |
pitrājñāṃ prāpya tatraiva kṛṣṇahastamupādade || 4 ||
[Analyze grammar]

etadvilokya ca tadā śate dve ca sahasrakam |
yā yuvatyo gahvarāttu mocitā rakṣitāśca tāḥ || 5 ||
[Analyze grammar]

sarvā vijñāya kāntaṃ svaṃ nārāyaṇaṃ pareśvaram |
śuklavarṇā yathā devyastādṛśyo yogyamīśvaram || 6 ||
[Analyze grammar]

rakṣitāraṃ harerhastaṃ vivāhahṛdayaiḥ śubhaiḥ |
jagṛhustatra ca vane svatantrāḥ puṇyanoditāḥ || 7 ||
[Analyze grammar]

śaṃbhuḥ sarvābhya evādau manuṃ dadau tu vaiṣṇavam |
brahmapriyāsu tāḥ sarvāḥ sthāpayāmāsa cāmbare || 8 ||
[Analyze grammar]

kārāgāre sthitān sarvān narānnārīśca mādhavaḥ |
dadau svacaraṇau mūrghni svatantrānapyacīkarat || 9 ||
[Analyze grammar]

duḥkhānyapāharat kṛṣṇo'dāpayacchaṃbhunā manum |
vaiṣṇavāste tadā jātā bhejire śrīnarāyaṇam || 10 ||
[Analyze grammar]

mārīśānāmapuryāṃ ca ruddhā yā rākṣasaiḥ prajāḥ |
tābhyo datvā mantrakāṃstu vaiṣṇavīstā haro'karot || 11 ||
[Analyze grammar]

tāṃ suśubhāṃ nagarīṃ ca paribhramya sthale sthale |
kṛṣṇanārāyaṇaḥ sarvāṃ devo'pavitrayattadā || 12 ||
[Analyze grammar]

taiḥ sarvairarthitaḥ kṛṣṇaḥ pūjito hṛdayaistathā |
sthātuṃ niśāṃ tu tatraiva punaḥ punaḥ samarthitaḥ || 13 ||
[Analyze grammar]

dṛṣṭvā tadbhāvanāṃ vimānānyavātārayad drutam |
viśāle'raṇyake mārīśāpuryāḥ sannidhau tadā || 14 ||
[Analyze grammar]

niśāmukhe nivāsāṃścākārayad vṛkṣavadbhuvi |
rātrau vai bhojanaṃ sarvān kārayitvā hariḥ svayam || 15 ||
[Analyze grammar]

vijayasyotsavaṃ tatra kārayāmāsa cottamam |
gāyanairnartanairvādyaiḥ saṃkīrtanaiśca harṣaṇaiḥ || 16 ||
[Analyze grammar]

nāṭakaiśca kathākhyānairniśāmagamayattadā |
yuddhe mṛtāstu ye sarve nijapakṣīyayodhinaḥ || 17 ||
[Analyze grammar]

tān sarvān śrīharistūrṇaṃ sasmāra yogavidyayā |
sarve te jīvabhāvaṃ ca prāpya prāṇān śarīrakam || 18 ||
[Analyze grammar]

svasthā bhūtvā ca tadrātrau harervāse samāyayuḥ |
gahvare'sthīni yeṣāṃ vai mṛtānāṃ ca vane'pi ca || 19 ||
[Analyze grammar]

nagaryāḥ sannidhau cāpi patitānyabhavaṃstadā |
yogaiśvaryeṇa bhagavān sasmāra tatra dehinaḥ || 20 ||
[Analyze grammar]

mṛtāḥ sarve satyasaṃkalpasya kṛṣṇasya vāñcchayā |
sajīvāścā'bhavan svasthā rātrau tatra samāyayuḥ || 21 ||
[Analyze grammar]

aneke vai narā nāryo bālā bālyaśca mānavāḥ |
prātarnavīnarūpāḥ samadṛśyanta nivāsane || 22 ||
[Analyze grammar]

pārelakṣaṃ mānavān śrīhariścaivaṃ niśāntare |
jīvayāmāsa kṛpayā tebhyaḥ śaṃbhurmanuṃ dadau || 23 ||
[Analyze grammar]

vaiṣṇavāste tadā jātā hareḥ pādajalaṃ papuḥ |
bhinnadeśīyalokāste sasmarurnijabhūsthalīm || 24 ||
[Analyze grammar]

yayuḥ śaktā nijān deśānanye nyūṣuśca tatra vai |
atha śrībhagavānāha lomaśāya mahātmane || 25 ||
[Analyze grammar]

jinavarddhinṛpāyedaṃ rājyaṃ samarpyameva tu |
abhiṣekavidhinainaṃ pradehi mukuṭaṃ guro || 26 ||
[Analyze grammar]

vidhehi tilakaṃ tasya bhāle rājā bhavediha |
jinavarddhistadā prāha vijetre deyameva tat || 27 ||
[Analyze grammar]

īśānāya pradeyaṃ tadrājyaṃ śrīparameśvara |
alpaketustathā cānye maharṣayo'pi tattathā || 28 ||
[Analyze grammar]

ūcustato hariḥ śaṃbhuṃ prasahya kānakāsane |
pratiṣṭhāpyā'kṣataiḥ kuṃkumaiśca candraṃ lalāṭake || 29 ||
[Analyze grammar]

svayaṃ dakṣakareṇaiva cakāra mukuṭaṃ dadau |
īśānaḥ śrīmahādevo mārīśāyā nṛpo'bhavat || 30 ||
[Analyze grammar]

nagarīṃ pārvatībhūmerupatyakāsthale punaḥ |
avāsayacchanaiḥ rādhe vāṭikodyānamaṇḍitām || 31 ||
[Analyze grammar]

īśānaḥ śaṃkaraḥ so'yaṃ dvitīyarūpadhṛk prabhuḥ |
durgayā sahitaścāpi gaṇaiśca sahitastathā || 32 ||
[Analyze grammar]

haryājñayā nivāsaṃ svaṃ pracakāra prajārthitaḥ |
iṣṭadevo'bhavat so'yamīśānaḥ parameśvaraḥ || 33 ||
[Analyze grammar]

śvetagauraprajānāṃ vai rakṣasāṃ nāśakārakaḥ |
doṣāṇāṃ nāśako devo mokṣadaḥ sukhadaḥ sadā || 34 ||
[Analyze grammar]

āpyāyanaṃ ca gāṃgeyaṃ śaṃkaraḥ prāha taddine |
rājyasthitiṃ prasādhyaiva dāsye tubhyaṃ purīmimām || 35 ||
[Analyze grammar]

mālāṃ gṛhāṇa ca hareḥ sannidhau sajalāñjalim |
ityevaṃ tatra saḥ prātaḥ prokto mālāmupādade || 36 ||
[Analyze grammar]

prātarharirgaṇān śaṃbhoḥ rakṣakān nyasya tatra ca |
śaṃbhuṃ durgāṃ brahmasatīrmaharṣīn svakuṭumbakam || 37 ||
[Analyze grammar]

kārayitā dugdhapānaṃ pañcamyāṃ bhādrakṛṣṇake |
upādideśa bhagavān sabhāṃ kṛtvā prajājanān || 38 ||
[Analyze grammar]

kālo vai rākṣasaścā'sti yathā'tra rākṣaso hyabhūt |
māritaḥ śaṃkareṇā'sau mama bhaktena sā'nvayaḥ || 39 ||
[Analyze grammar]

tathā mamāśrayeṇaiva bhaktāḥ kālo'pi rākṣasaḥ |
muktabhāvasamāpannairnāśyate nātra saṃśayaḥ || 40 ||
[Analyze grammar]

mama bhaktiṃ prakurvantu tatheśānaṃ bhajantvapi |
iṣṭadevaṃ mahārakṣākaraṃ śaṃbhuṃ bhavantu vai || 41 ||
[Analyze grammar]

mahādevīṃ satīṃ durgāṃ vaiṣṇavīṃ ca bhajantvapi |
gataśvaḥ sūryavāro vai hyabhavat sūryadevatā || 42 ||
[Analyze grammar]

sarvadoṣavināśārthaṃ samārādhyā prakāśadā |
sūryavāre mayā tvatra śaṃkarādisahāyinā || 43 ||
[Analyze grammar]

prahatā rākṣasā ghorā bhakṣakā duḥkhadāyinaḥ |
bhavadbhiścāpi hantavyā doṣāḥ pāpapradā ravau || 44 ||
[Analyze grammar]

kāmakrodhādayaḥ sarve pālanīyo vṛṣo ravau |
dvividho jāyate vyādhiḥ śārīro mānaso'thavā || 45 ||
[Analyze grammar]

śārīrānmānaso vyādhirmānasād dehajo'pi ca |
parasparaṃ tayorjanma kāmakrodhādayo hi te || 46 ||
[Analyze grammar]

doṣā vai vyādhayaḥ proktāstyaktavyāste ravau dine |
sattvaṃ rajastama iti mānasā vai trayo guṇāḥ || 47 ||
[Analyze grammar]

ravau vāre nātiyojyāstrayaste viśvarūpiṇaḥ |
harṣeṇa bādhyate śoko harṣaḥ śokena bādhyate || 48 ||
[Analyze grammar]

tāmasena tu dharmeṇa harṣaśokau prabādhyataḥ |
vijñāyaiva guṇacakraṃ bādhanīyaṃ ravau prabhau || 49 ||
[Analyze grammar]

asantoṣaḥ pramādaśca mado rāgo'tilālasā |
lobho moho'bhimānaścodvegaścaite hi rākṣasāḥ || 50 ||
[Analyze grammar]

ebhiḥ pāpmabhirāviṣṭo bhavennaiva ravau kvacit |
udarākhyāṃ khaniṃ nā'hnā pūrayitumalaṃ janaiḥ || 51 ||
[Analyze grammar]

ravau tāṃ pūrayennaivā'pūryā matvā vicakṣaṇaḥ |
yatheddhaḥ prajvalatyagnirasamiddhaḥ praśāmyati || 52 ||
[Analyze grammar]

ravāvāhāraśūnyaḥ sa svayaṃ śāmyati vai prabhau |
ātmodarakṛte lokaḥ karoti vighasaṃ bahu || 53 ||
[Analyze grammar]

ravāvudarajetā syād vijetā sarvapāpmanām |
mānuṣāḥ kāmabhogāśca jetavyāḥ sūryavāsare || 54 ||
[Analyze grammar]

abhogino janāḥ sūrye yānti sthānamanuttamam |
yogaḥ kṣemastathā tyāgaḥ sūrye kāryā harau sadā || 55 ||
[Analyze grammar]

ekodarakṛte vyāghraḥ karoti vighasaṃ bahu |
tamanye'pyupajīvanti mandā lubdhā mṛgādayaḥ || 56 ||
[Analyze grammar]

vicāryaivaṃ ravau tyājyā vṛthā vighasarāśayaḥ |
patrāhāraiḥ phalāhāraiścaikāhārairjanaiḥ ravau || 57 ||
[Analyze grammar]

yastvimāṃ vasudhāṃ kṛtsnāṃ praśiṣyādakhilāṃ nṛpaḥ |
ravau tyāgaparo bhakto viśiṣyate na vai nṛpaḥ || 58 ||
[Analyze grammar]

saṃkalpāstu nirāraṃbhā ravau kāryā hare śubhāḥ |
nirāmiṣā na śocanti tyājyaṃ vai cāmiṣaṃ ravau || 59 ||
[Analyze grammar]

pitṛyānaṃ devayānaṃ ravau labhyeta śaṃkarāt |
tapasā brahmacaryeṇa bhajanena maharṣayaḥ || 60 ||
[Analyze grammar]

vimucya dehān yāntyante brahmalokamanāmayam |
āmiṣaṃ bandhakṛtkarma tat tyaktavyaṃ ravau sadā || 61 ||
[Analyze grammar]

tasmānmukto hare lagnaḥ padamāpnoti tatparam |
prajñāprasādamāruhya tyājyaṃ tyaktavyameva yat || 62 ||
[Analyze grammar]

grāhyaṃ ceśānabhajanaṃ cakṣuṣmatā subuddhinā |
ṣāṭkauśike'tra dehe vai ravistu saptamaḥ pṛthak || 63 ||
[Analyze grammar]

taddevaṃ ca tadātmānaṃ yaḥ paśyati sa paśyati |
tata eva tu śanakairbrahma sampadyate param || 64 ||
[Analyze grammar]

sūrye sūrigatiṃ yānti dāntāḥ śāntāstitikṣavaḥ |
sūrye ceśānahavanaṃ durgāyāḥ pūjanaṃ tathā || 65 ||
[Analyze grammar]

guroḥ pūjā hareḥ pūjā kartavyā bhaktamānavaiḥ |
asaktastaddine tiṣṭhenniḥsaṃgo muktabandhanaḥ || 66 ||
[Analyze grammar]

samaḥ śatrau ca mitre ca sa vai mukto bhaved dhruvam |
evaṃ dharmamanukrāntāḥ sadvā dānatapaḥparāḥ || 67 ||
[Analyze grammar]

ānṛśaṃsyaguṇopetāḥ kāmakrodhādivarjitāḥ |
prajāpālanayuktāśca sūryeśānavratasthitāḥ || 68 ||
[Analyze grammar]

guruvṛddhārhaṇaparā iṣṭalokānavāpsyatha |
svasti cāstu bhavatāṃ ca sadā sūryajuṣāṃ sukham || 69 ||
[Analyze grammar]

ityuktvā śrīharirmaunaṃ samāsthāya vicārya ca |
alpaketuṃ prāha gantuṃ tadīyāṃ jīvanīpurīm || 70 ||
[Analyze grammar]

sajjā bhavantu cānye'pi bhokṣyāmastatra caiva ha |
jinavarddhimahārājaḥ prāha natvā hariṃ tadā || 71 ||
[Analyze grammar]

īśānaśca tathā durgā āpyāyano munistathā |
bhuktvā'tra bhagavan puryāṃ bhramitvā ca tataḥ param || 72 ||
[Analyze grammar]

pāvayitvā bhūtalaṃ ca gantavyaṃ tu tataḥ param |
dayālurbhagavānāha rādhike vai tathāstviti || 73 ||
[Analyze grammar]

pakvānnāni kṛtānyeva śīghraṃ tatratyamānavaiḥ |
madhyāhne bhojanaṃ cakruḥ sarve ceśānavāñcchayā || 74 ||
[Analyze grammar]

durgā satī brahmapatnīrbhojayāmāsa vai tadā |
viśramya ca kṣaṇaṃ yānairvāhanaiśca vimānakaiḥ || 756 ||
[Analyze grammar]

sajjībhūyā'mbare prāpya pūjāstanmānavaiḥ kṛtāḥ |
kṛṣṇanārāyaṇādyā vai vimāne viviśurdrutam || 76 ||
[Analyze grammar]

vidāyasya suvādyāni tadā'vādyanta bhūriśaḥ |
jayaśabdāstūryaśabdāścābhavan vai samantataḥ || 77 ||
[Analyze grammar]

rājasainyaṃ prarakṣyaiva tatra rājā jinarddhikaḥ |
vidāyaṃ pradadau śaṃbhudurgānārāyaṇādaye || 78 ||
[Analyze grammar]

alpaketunṛpeṇaiva sākaṃ yānānyapāsaran |
vimānāni cālpaketudarśitena pathā'gaman || 79 ||
[Analyze grammar]

āpyāyano maharṣiśca vimāne saha cāgamat |
apiyānaṃ parvataṃ cātikramya cottare girim || 80 ||
[Analyze grammar]

alpākhyaṃ samapaśyaṃśca vimānasthāḥ susundaram |
alpaketurvimānena prathamaṃ cāgrago'bhavat || 81 ||
[Analyze grammar]

sā''pyāyanaḥ svāgatārthaṃ nijāṃ vai jīvanīpurīm |
savādyasainyayuktaśca śīghraṃ hārārhaṇādibhiḥ || 82 ||
[Analyze grammar]

rājñīputrasutādyaiśca sahitaḥ purato'bhavat |
tadājñayā drutaṃ vādyaghoṣāḥ kṛtāśca vādakaiḥ || 83 ||
[Analyze grammar]

jayaśabdāḥ prajābhiśca vetrahārairyaśogiraḥ |
yāntrikairyantraśabdāśca kṛtāḥ svāgatasūcakāḥ || 84 ||
[Analyze grammar]

narā nemuścāmbare ca dṛṣṭvā svarṇavimānakam |
nāryaḥ parvatavāsinyastathā bhūbhavanā janāḥ || 85 ||
[Analyze grammar]

harervimānamālokya sadhvajaṃ tejasā jvalat |
vilakṣaṇaṃ susampannaṃ divyatādhikyarājitam || 86 ||
[Analyze grammar]

bahumālātoraṇādyairmuktāhīrakajātikaiḥ |
smṛddhaṃ mūrtisarattejaḥkiraṇaiḥ sūryasannibham || 87 ||
[Analyze grammar]

agre haṃsaiśca garuḍergajairmāṇikyavājibhiḥ |
siṃhaiśca śarabhaiścāpi mūrtimadbhiḥ prayāpitam || 88 ||
[Analyze grammar]

bahubhiścānyayānaiśca vimānaiḥ pārśvamaṇḍitam |
paścācca devadevībhiḥ parībhirjayaghoṣitam || 89 ||
[Analyze grammar]

puṣpākṣatādyairmālābhiḥ śṛṃgāritaṃ suvardhitam |
adhastāccandrasadṛśairmaṇibhiḥ śītabhānvitam || 90 ||
[Analyze grammar]

kalpadrumālipuṣpādyaiḥ kṛtodyānasumadhyamam |
cintāmaṇipraṇaddhāḍhyabhittipaṭṭavirājitam || 91 ||
[Analyze grammar]

svarṇakalaśaśobhāḍhyaśikharairatiśobhitam |
kamalākārakalyāṇīkṛtasvastikacitrakam || 92 ||
[Analyze grammar]

divyavyajanacchatrādyaiścāmarairujjvalairyutam |
vetrahārairjayaśabdairgajitaṃ pūrvakāṃganam || 93 ||
[Analyze grammar]

anādiśrīkṛṣṇanārāyaṇo vijayatetamām |
ityevaṃ svarṇavarṇaiśca sūcayanmādhavāśritam || 94 ||
[Analyze grammar]

evaṃbhūtaṃ śubhaṃ vīkṣya vimānaṃ nemurambare |
rājñā darśitamārgeṇa bhūtale cāyate śubhe || 95 ||
[Analyze grammar]

harirnijaṃ vimānaṃ taccāvātārayadacyutaḥ |
anyānyapi vimānāni cāvaterurbhuvastale || 96 ||
[Analyze grammar]

jayaśabdaiḥ svāgataṃ ca cakruḥ prajāḥ sudaṇḍavat |
lājādi cikṣipustatra vimāne dūrataḥ sthitāḥ || 97 ||
[Analyze grammar]

puṣpāṇi cikṣipuścānye'kṣatāna kecicca cikṣipuḥ |
gandhamālyādīni cānye cikṣipuśca vimānake || 98 ||
[Analyze grammar]

ityevaṃ rādhike kṛṣṇe bhādre tu pañcamīdine |
jīvanīṃ nagarīṃ nārāyaṇaḥ prāpto vanānvitām || 99 ||
[Analyze grammar]

rājā'lpaketuko rājñī tathā putryaḥ sutādayaḥ |
vimānāgre pratīkṣante bahiścāgamanaṃ hareḥ || 100 ||
[Analyze grammar]

sarve paśyanti tatraiva dvāre kadā hi mādhavaḥ |
bahiśceyāt sthiranetrāścātiharṣā'bhisaṃbhṛtāḥ || 101 ||
[Analyze grammar]

iti śrīlakṣmīnārāyaṇīyasaṃhitāyāṃ dvitīye tretāsantāne anāthabāloddharaṇāya rākṣasānāṃ vināśottaraṃ dvyadhikaśatayuksahasrakanyābhiḥ harikaragrahaṇaṃ rākṣasamāritā'sthibhyo |
mṛtānāmujjīvanam īśānarājyasthāpanaṃravivāramāhātmyaṃ pūjāśīrvādā niśāviśrāntiḥ prātarbhojanottaram alpaketunṛpasya jīvanīṃ nagarīṃ prati bhādrakṛṣṇapañcamyāṃ gamanamityādinirūpaṇanāmā caturaśītyadhikaśatatamo'dhyāyaḥ || 184 ||
[Analyze grammar]