Chapter 179

śrīkṛṣṇa uvāca |
śṛṇu tvaṃ rādhike rājā viyānānagarīpatiḥ |
uṣṭrālaśca tathā tasya bhrātā'nujo'pi bhaktarāṭ || 1 ||
[Analyze grammar]

nāmnā haṃkārakaḥ saumyo guḍākeśīpurīpatiḥ |
tathā bhrātā tṛtīyaśca nāmnā tu jayakāṣṭhalaḥ || 2 ||
[Analyze grammar]

prayāganagarīrājo dhārmikaḥ śubhabhāvanaḥ |
trayāṇāṃ bhūbhṛtāṃ kulaguruśca yugaśāvakaḥ || 3 ||
[Analyze grammar]

rājñāṃ sarvaṃ kuṭumbaṃ ca bandhavo'nye suhṛjjanāḥ |
śreṣṭhinaśca prajāḥ sarvāḥ svāgatārthaṃ harestadā || 4 ||
[Analyze grammar]

dīnapāsaritastīre mahodyānasuśobhite |
viyānākhyanagaryāstu nātidūre kṛtasthale || 5 ||
[Analyze grammar]

svāgatārthaṃ kṛṣṇanārāyaṇasya paramātmanaḥ |
dhvajapatākikāḍaṃkāniśānavādyakānvitāḥ || 6 ||
[Analyze grammar]

yānavāhanaśakaṭīvimānarathasaṃhitāḥ |
puṣpamālā'kṣatadravyacandanagandhadhāriṇaḥ || 7 ||
[Analyze grammar]

rājasainyaiḥ prajāklṛptasvasevāmaṇḍalairyutāḥ |
āsan vai tatparā vyomni pratīkṣantaḥ śubhāgamam || 8 ||
[Analyze grammar]

vimānaṃ ca vimānāni sūryatulyāni tāvatā |
lulokire'titejobhiścakruste tu jayadhvanīn || 9 ||
[Analyze grammar]

svāgatadhvajadānāni darśayāmāsurambare |
tadā vādyānyavādyantā'jāyanta yantragarjanāḥ || 10 ||
[Analyze grammar]

vimānāvataraṇārthaṃ sūcakāḥ sūcanāṃ daduḥ |
prajāḥ sarvā jayakārān jaguḥ kīrtanamiśritān || 11 ||
[Analyze grammar]

harekṛṣṇa bālakṛṣṇa kṛṣṇanārāyaṇaprabho |
parabrahma ramākānta rādhākānta harevibho || 12 ||
[Analyze grammar]

ityevaṃ kīrtanaṃ cābhūllakṣādhimānavaiḥ kṛtam |
nadītīraśca gaganaṃ kīrtanoddhoṣitaṃ hyabhūt || 13 ||
[Analyze grammar]

prajā draṣṭuṃ tadā''saṃśca udvelā iva vārdhayaḥ |
pūrṇimenduṃ pratīśeśeśvareśvaraṃ prati prabhum || 14 ||
[Analyze grammar]

mahodyāne viśāle tu hareryānamavā'tarat |
tato yānāni sarvāṇi vyomnastatra hyavātaran || 15 ||
[Analyze grammar]

nṛpatrayaṃ tadamātyāḥ svāgataṃ cakrurādarāt |
prajāḥ sarvāḥ svāgataṃ ca cakrustadā hareḥ śubham || 16 ||
[Analyze grammar]

agrajena hareḥ kaṇṭhe maṇihāraḥ samarpitaḥ |
dvitīyena hīramālā harergale'rpitā tadā || 17 ||
[Analyze grammar]

tṛtīyena tu sāmudramauktikasrak samarpitā |
rājñībhiśca tadā svarṇamālā haraye cārpitā || 18 ||
[Analyze grammar]

putraputryādibhiḥ puṣpamālāḥ kaṇṭhe samarpitāḥ |
puṣpākṣataiścandanādyaiḥ satkṛtaḥ pūjito hariḥ || 19 ||
[Analyze grammar]

prajābhiśca dhanāḍhyaiścāmātyavargaiḥ prapūjitaḥ |
śrīharistatpitarau ca bhrātṝn svasāramityapi || 20 ||
[Analyze grammar]

ṛṣīn maharṣīn bhaktāṃśca brahmapriyāśca sevikāḥ |
sarvān sarvāstadā rājakuṭumbādyā hyapūjayan || 21 ||
[Analyze grammar]

gajāsane samāsīnaṃ natvā rājakuṭumbakam |
kṛtvā ca daṇḍavat pādau prakṣālya caraṇāmṛtam || 22 ||
[Analyze grammar]

papau krameṇa rājādyāḥ pradhānāśca prajāstataḥ |
evaṃ susvāgataṃ kṛtvā kārayitvā ca pāyasam || 23 ||
[Analyze grammar]

pānaṃ phalādanaṃ sarvān nagaryāṃ cāpyabhrāmayan |
rājyaśobhitasainyaiśca vādyairvividhakaistathā || 24 ||
[Analyze grammar]

kīrtanairnāmagānaiśca bhrāmayāmāsurutsukāḥ |
hastiyānaṃ suśobhaṃ ca viśālaṃ prāsarat puraḥ || 25 ||
[Analyze grammar]

gopure kanyakābhiśca vardhitaḥ kusumā'kṣataiḥ |
lājābhirjalakalaśairduḥkhahāñjalibhistathā || 26 ||
[Analyze grammar]

ghaṇṭāpathe cāpaṇasthairdhanikaiḥ pūjito hariḥ |
mauktikaiḥ prokṣitaścāgre catuṣke vanitāgaṇaiḥ || 27 ||
[Analyze grammar]

prajābhiḥ sarvathā sarvābhiśca candanavāribhiḥ |
puṣpākṣatādibhirnārikelaiḥ phalaiśca kuṃkumaiḥ || 28 ||
[Analyze grammar]

śarkarābhiḥ puṣpahāraiḥ pūjito vardhito hariḥ |
sarveṣu rājamārgeṣu paurastrībhiḥ prapūjitaḥ || 29 ||
[Analyze grammar]

nirīkṣitaśca bahudhāsvarūpastṛptidaḥ prabhuḥ |
kumārīṇāṃ kamanīyaḥ kumāro viditastadā || 30 ||
[Analyze grammar]

yuvatīnāṃ mugdhamūrtiryuvā suviditaḥ prabhuḥ |
vṛddhānāṃ bālarūpaḥ saḥ putravadviditastadā || 31 ||
[Analyze grammar]

vidhavānāṃ prabhuḥ sākṣāt prāpyaḥ sa viditastadā |
satīnāṃ satsvarūpaścā'nāthānāṃ vidito'vitā || 32 ||
[Analyze grammar]

kumārāṇāṃ śikṣakaśca yūnāṃ praśāsakastathā |
jaraṭhānāṃ prāpyarūpo viditaḥ parameśvaraḥ || 33 ||
[Analyze grammar]

bhaktānāṃ premapātrāṇāṃ svāmī sa vidito hariḥ |
darśakānāṃ surūpaśca yogināṃ brahmamūrtimān || 34 ||
[Analyze grammar]

ṛṣīṇāṃ śaṃkhacakrādidhṛgacyutaḥ prabodhitaḥ |
sādhūnāṃ ca tadā'nādikṛṣṇanārāyaṇaḥ prabhuḥ || 31 ||
[Analyze grammar]

jñāto'bhūt sarvalokānāṃ dvibhujaḥ parameśvaraḥ |
ityevaṃ nagare datvā darśanaṃ bhrāmaṇena vai || 36 ||
[Analyze grammar]

ākṛṣya janatācittānyāyayau sve nṛpālaye |
viśaśrāma kṣaṇaṃ tatropadeśaṃ lomaśo dadau || 37 ||
[Analyze grammar]

ayaṃ nārāyaṇaḥ sākṣād rājan śrīpuruṣottamaḥ |
prāgbhavīyamanūnāṃ ca ravīṇāṃ bhavatāṃ kṛte || 38 ||
[Analyze grammar]

bhaktavaśyaḥ prabhuḥ sākṣād bhaktān smṛtvā'tra cāgataḥ |
yajño homo japo mālāvartanaṃ bhajanaṃ tapaḥ || 39 ||
[Analyze grammar]

jñānaṃ dānaṃ sevanaṃ ca sākṣāt kṛṣṇe virājate |
sarvadharmāśrayaḥ kṛṣṇaḥ sarvapuṇyanidhiḥ svayam || 40 ||
[Analyze grammar]

yeṣāṃ sa militaḥ sākṣānmānavarṣisvarūpavān |
teṣāṃ tāsāṃ bhavet sevā kṛṣṇarañjanakāriṇī || 41 ||
[Analyze grammar]

yathā patyau yathā patnyāṃ yathā vṛddhe ca mātari |
gurau jyeṣṭhe pūjyavarge yathā sevā tathā harau || 42 ||
[Analyze grammar]

sākṣātkṛtā divyarūpā puruṣārthacatuḥpradā |
gṛhadharmo yatidharmo yatra bhaktiḥ suvidyate || 43 ||
[Analyze grammar]

nityaṃ tatraiva vasatastāvubhau parameśvare |
sarvātmanā'rpaṇe kāryaṃ parameśe parātpare || 44 ||
[Analyze grammar]

satpātraṃ bhagavān sākṣātprāpyate puṇyakoṭibhiḥ |
kṣaṇaṃ vittaṃ kṣaṇaṃ cittaṃ kṣaṇo deho dhanaṃ kṣaṇam || 45 ||
[Analyze grammar]

kṣaṇena sādhanīyaḥ sa bhagavān puruṣottamaḥ |
kiṃ rājyena dhanenāpi kuṭumbena janena vā || 46 ||
[Analyze grammar]

kiṃ lakṣmyā cāpi sampattyā kiṃ mānena ca vidyayā |
kiṃ kṣetreṇa striyā strībhiḥ putraiḥ putryādibhiśca kim || 47 ||
[Analyze grammar]

kiṃ yānena vimānaiśca kiṃ kīrtyā yaśasāpi kim |
kiṃ puṣṭena surūpeṇa śarīreṇa balena kim || 48 ||
[Analyze grammar]

yadyanādikṛṣṇanārāyaṇo bhāvena sevayā |
arpaṇena ca bhaktyāpi toṣito nahi janmani || 49 ||
[Analyze grammar]

ātmā deyastvātmano yat sarvaṃ tatrā''rpyameva ha |
bhuktirmuktiścārjanīye sarvārpaṇena cācyutāt || 50 ||
[Analyze grammar]

bhavadbhiḥ rājabhiścātra kṛto yajñaḥ śubho mahān |
ayaṃ śrīkambharābālo bālakṛṣṇaḥ pratoṣitaḥ || 51 ||
[Analyze grammar]

kṛtakṛtyā bhavanto vai sarvaṃ prāptaṃ śubhāspadam |
kartavyaṃ śiṣyate naiva yato'yaṃ suprasāditaḥ || 52 ||
[Analyze grammar]

ityuktvā virarāmā'sau lomaśaśca tataḥ param |
śrīhareścaraṇau dhṛtvā rājā svamastake nyadhāt || 53 ||
[Analyze grammar]

rājñī rājakumārāśca rājaputryo hṛdi nyadhuḥ |
ājñāṃ prāpya yayuḥ sarve harirviśrāntimāpa ha || 54 ||
[Analyze grammar]

bhojanādi saṃvidhāya sarve nidrāṃ prajagṛhuḥ |
prātarutthāya ca nityaṃ vidhiṃ kṛtvā haristataḥ || 55 ||
[Analyze grammar]

niṣasādāsane ramye maharṣikulapūjitaḥ |
tāvad rājā tathā rājñī putryaḥ putrāḥ samāyayuḥ || 56 ||
[Analyze grammar]

uṣṭrālaścāpi haṃkāro jayakāṣṭhala ityapi |
prārthayāmāsuratyarthaṃ ciravāsārthamīśvaram || 57 ||
[Analyze grammar]

hariḥ prāhā'dya bhavatāṃ janmasāphalyameva tu |
darśanātpūjanājjātaṃ prasannatā'rjitā mama || 58 ||
[Analyze grammar]

yenā'haṃ samprasannaḥ syāṃ tadvidheyaṃ sadā'naghāḥ |
ciravāsāya samayo vidyate nahi sarvathā || 59 ||
[Analyze grammar]

haṃkārasyā''laye rāṣṭre gantavyamapi vidyate |
jayakāṣṭhalarājye ca gantavyamapi vidyate || 60 ||
[Analyze grammar]

atra lābho gṛhītaśca santuṣṭo'smyatra pūjayā |
caraṇasparśanaṃ bhūmau rājyālaye bhavediti || 61 ||
[Analyze grammar]

bhavatāṃ kāmanāpūrtiṃ karomyadyaiva dhāryatām |
adya prātardugdhapānaṃ kṛtvā vimānayānakaiḥ || 62 ||
[Analyze grammar]

sarvairgantavyamevā''dye haṃkārālayarāṣṭrake |
madhyāhne bhojanaṃ tatra nagarabhramaṇaṃ tathā || 63 ||
[Analyze grammar]

pādanyāsādikaṃ kṛtvā madhyāhnottarameva tu |
jayakāṣṭhalarājye vai gantavyaṃ tu tadālaye || 64 ||
[Analyze grammar]

tatra puryāṃ bhramitvā ca pāvayitvā tadālayam |
rātrau ca bhojanaṃ kṛtvā viśramya ca niśāṃ tataḥ || 65 ||
[Analyze grammar]

aruṇodayavelāyām ālvīnarasya rāṣṭrakam |
gantavyaṃ ceti tadrītyā kurvantu cānukūlatām || 66 ||
[Analyze grammar]

mamā''jñā sarvathā pālyā sukhaṃ tatraiva vidyate |
svalpe'pi samaye dāsye saukhyaṃ saṃkhyāvivarjitam || 67 ||
[Analyze grammar]

ityāśrutya hareścājñāṃ bhrātarastraya eva te |
prasannā bhagavadvākye tathaiva cakrurādarāt || 68 ||
[Analyze grammar]

uṣṭrālasyā'rhaṇāṃ prāpya prasthānāya samudyatam |
bhagavantaṃ kṛṣṇanārāyaṇaṃ vai rādhike tadā || 69 ||
[Analyze grammar]

uṣṭrālasya sutāḥ pañca pūjanaṃ cakrurādarāt |
putryo daśa hareḥ pāṇiṃ jagṛhuḥ patikāmyayā || 70 ||
[Analyze grammar]

pitṛbhyāṃ moditāstatra vivāhavidhinā harim |
prāpurbrahmapriyāṇāṃ maṇḍale'milansamutsukāḥ || 71 ||
[Analyze grammar]

āśīrvādāṃstadā nītvā prasthānamāsthitāstadā |
prasthitena ca hariṇā sārdhaṃ kanyāśca bhūbhṛtaḥ || 72 ||
[Analyze grammar]

vimānānyadhiruhyā'tha vyomnā śīghraṃ pratasthire |
guḍākeśīṃ rājadhānīṃ haṃkārarājapālitām || 73 ||
[Analyze grammar]

kṣaṇamātreṇa saṃprāpuḥ śṛṇvanto jayaghoṣaṇām |
tyaktaiḥ purogataiścāpi śrāvitāṃ maṃgalānvitām || 74 ||
[Analyze grammar]

dīnapāyāḥ saritaśca taṭe sthitāṃ suśobhitām |
guḍākeśīṃ tu nagarīṃ mahodyānasamanvitām || 75 ||
[Analyze grammar]

śṛṃgāritāṃ gopurādyaistoraṇaiḥ kalaśādibhiḥ |
raṃgavallīsvastikādyairdhvajacihnairalaṃkṛtām || 76 ||
[Analyze grammar]

sammārjitāṃ gandhajalaiḥ saṃsiktāṃ vādyanāditām |
svāgatārthaṃ prajābhiśca pura āgatya garjitām || 77 ||
[Analyze grammar]

haṃkāraḥ sakuṭumbaścā'nujena saha pūrvagaḥ |
svāgataṃ sainyasahitaścakre jayadhvajādibhiḥ || 78 ||
[Analyze grammar]

vimānaṃ tatsūcanānusāreṇa yugaśāvakaḥ |
ṛṣiḥ saudhasya nikaṭe vyomno'vā'tārayattadā || 79 ||
[Analyze grammar]

vimānāni cāvaterustathānyāni tadāmbarāt |
tūpaśabdāstadā jātā jayanādāḥ sakīrtanāḥ || 80 ||
[Analyze grammar]

harirvimānatastūrṇaṃ cāvatīrṇo mahītale |
rājā haṃkārakeṇāpi kuṭumbena haristadā || 81 ||
[Analyze grammar]

vardhito vai jayadhvānaiḥ pūjitaścandanādibhiḥ |
hareścaraṇau prakṣālya rājādyāśca papurjalam || 82 ||
[Analyze grammar]

tato'śvayāne śrīkṛṣṇaṃ samāropya purīṃ prati |
utsavena saha ninye rājā tadrājamārgakam || 83 ||
[Analyze grammar]

sthale sthale hariṃ natvā prajāḥ pupūjurādarāt |
upadāḥ pradaduścakrurdarśanaṃ vandanādikam || 84 ||
[Analyze grammar]

amātyāḥ svagṛhān nītvā cakruścārārtrikaṃ prabhoḥ |
prajāḥ svasvagṛhān nītvā pupūjuḥ parameśvaram || 85 ||
[Analyze grammar]

evaṃ kṛtvā pāvanīṃ ca guḍākeśīṃ purīṃ tataḥ |
rājālayaṃ yayuḥ sarve hariḥ svarṇarathāttadā || 86 ||
[Analyze grammar]

avatīrya drutaṃ snātvā madhyāhnavidhimācarat |
devāya bhojanaṃ cārpya svayaṃ sarvān nijāśritān || 87 ||
[Analyze grammar]

bhojayitvā ca bubhuje viśaśrāma kṣaṇaṃ tataḥ |
rājānaṃ suprasannaṃ ca kṛtvā datvā śubhāśiṣaḥ || 88 ||
[Analyze grammar]

madhyāhnottaravelāyāṃ vimānena sasārthakaḥ |
jigamiṣurhariḥ rājñyā prārthitaḥ kanyakādibhiḥ || 89 ||
[Analyze grammar]

pūjitaśca tataḥ pañca kanyakā nṛpatestadā |
pāṇiṃ jagrāha kṛṣṇasya mātrā cājñāpitāstadā || 90 ||
[Analyze grammar]

kṛtakṛtyā abhavaṃśca kuṭumbaṃ harṣitaṃ tvabhūt |
brahmapriyāsu tāḥ pañca mimīlurdivyavigrahāḥ || 91 ||
[Analyze grammar]

atha rājānamāpṛṣṭvā rājñīṃ ca tatprajājanān |
harirvimānamāruhya sasārthaścāmbaraṃ yayau || 92 ||
[Analyze grammar]

tadā vādyānyavādyanta jayaśabdāstadā'bhavan |
datvā sa darśanaṃ śīghraṃ yayau prayāgapattanam || 93 ||
[Analyze grammar]

jayakāṣṭhalanṛpateḥ rājadhānīṃ śubhāśrayām |
mahodyānānvitāṃ ramyāṃ sāyaṃ prāpa prabhustataḥ || 94 ||
[Analyze grammar]

jayo rājā puro gatvā svāgataṃ prajayā saha |
ācarad vādyaghoṣādyairdhvajaiḥ sainyaiḥ suśobhitaiḥ || 95 ||
[Analyze grammar]

sāyaṃ dṛṣṭvā purīṃ ramyāṃ prayāgākhyāṃ vimānakam |
yugaśāvoktamārgeṇa vyomnastadā bhuvaṃ prati || 96 ||
[Analyze grammar]

avātārayadīśeśaḥ śrīhariḥ kṛṣṇavallabhaḥ |
vimānāni cāvateruḥ saudhasya sannidhau tadā || 97 ||
[Analyze grammar]

jalena rājā caraṇau hareḥ prakṣālya vai papau |
hāramālādibhiḥ kṛtvā svāgataṃ sujalaṃ dadau || 98 ||
[Analyze grammar]

sarvān jalāni miṣṭāni pāyayitvā sasainyakaḥ |
rājā svanagarīṃ kṛṣṇaṃ bhrāmayāmāsa sotsavaḥ || 99 ||
[Analyze grammar]

prajābhirmukhyavargaiśca pūjitaḥ parameśvaraḥ |
caraṇairdarśanadānaiḥ pāvayitvā purībhuvam || 100 ||
[Analyze grammar]

rājasaudhaṃ samāyācca bhojanādi tato'karot |
sarvān vai bhojayitvaiva viśaśrāma niśāmukhe || 101 ||
[Analyze grammar]

tadrājyagāyakairgānaistoṣitaḥ parameśvaraḥ |
tebhyo dadau copahārān pāritoṣikahīrakān || 102 ||
[Analyze grammar]

rātrau suptvā prage tūryaiḥ prabubodha haristataḥ |
nityaṃ vidhiṃ brāhmakāle śīghraṃ cakāra mādhavaḥ || 103 ||
[Analyze grammar]

rājā prajāḥ samāgatyopadā nyadhurhareḥ puraḥ |
bhrātṛtrayasya tatsarvaṃ yugaśāvāya sandadau || 104 ||
[Analyze grammar]

atha rājñī vaiṣṇavī ca pañcaputrīsamāyutā |
āyayau pūjanārthaṃ ca pañcakanyāḥ prapūjya tam || 105 ||
[Analyze grammar]

hariṃ jagṛhuḥ kāntaṃ svaṃ matvā mohavaśaṃgatāḥ |
kumāradānavidhinā vivāhya parameśvaram || 106 ||
[Analyze grammar]

kṛtakṛtyāśca tā jātāstato dugdhāni vai papuḥ |
pāyayāmāsuratyarthaṃ bhagavantaṃ kuṭumbinam || 107 ||
[Analyze grammar]

rājānaṃ ca prajāḥ sarvāḥ pāyayāmāsa mādhavaḥ |
ṛṣīn devādikān sarvān brahmapriyādikāstathā || 108 ||
[Analyze grammar]

dugdhādi pāyayāmāsa paramātmā sanātanaḥ |
atha gantumanāḥ kṛṣṇaścāśīrvādān dadau tadā || 109 ||
[Analyze grammar]

sajjo'bhūcchīghramevātha prasthāpitaḥ prajādibhiḥ |
vimānaṃ śīghramevādau divyaṃ samāruroha saḥ || 110 ||
[Analyze grammar]

anye'pyāruruhurnaijavimānāni tadā drutam |
jayamaṃgalaśabdaiśca prasthānaṃ cakrire tataḥ || 111 ||
[Analyze grammar]

valgurāyapradeśānāṃ rājā tīrāṇanāmakaḥ |
sakuṭumbastathā ṛṣirvalgurāyaḥ kuṭumbavān || 112 ||
[Analyze grammar]

vimānena hariṃ śritvā saha pūrvaṃ yayau tadā |
valgurāyapradeśāṃśca harirdadarśa cāmbarāt || 113 ||
[Analyze grammar]

ramaṇīyān sevikāyā nadyāstaṭe suśobhanām |
tīrāṇāṃ rājadhānīṃ ca tato dadarśa cāmbarāt || 114 ||
[Analyze grammar]

rādhike ca vimānasthā aśṛṇvan maṃgalasvanān |
jayadhvānān tūpaśabdān jayaśabdān prajoditān || 115 ||
[Analyze grammar]

iti śrīlakṣmīnārāyaṇīyasaṃhitāyāṃ dvitīye tretāsantāne uṣṭrālayasya haṃkārasya jayakāṣṭhalasya ca nṛpasya rājadhānīṣu vimānairgamanaṃ nagareṣu bhrāmaṇaṃ pūjanaṃ pratipadi prātastī |
rāṇārājadhānīṃ prati gamanamityādinirūpaṇanāmā navasaptatyadhikaśatatamo'dhyāyaḥ || 179 ||
[Analyze grammar]