Chapter 174

śrīkṛṣṇa uvāca |
śṛṇu tvaṃ rādhike kṛṣṇanārāyaṇaḥ paraḥ prabhuḥ |
krathakasya rājadhānyām oṃkāreṣṭābhidhājuṣi || 1 ||
[Analyze grammar]

nagare śobhite kṛṣṇanāmadhunyaninādite |
romāyanenarṣiṇā ca krathakena ca bhūbhṛtā || 2 ||
[Analyze grammar]

darśite bahuvidhibhiḥ śṛṃgāritaharitsthale |
avātārayadudyāne vimānaṃ janasaṃkule || 3 ||
[Analyze grammar]

nṛpālaye vimānāccāvatīrya bhagavān yadā |
praviveśa tadā puṣpākṣatavṛṣṭirbabhūva ha || 4 ||
[Analyze grammar]

tūryāṇi rājarītyaivā'vādyanta miṣṭasusvaraiḥ |
agīyanta sugītāni jayaśabdāstathā'bhavan || || 6 ||
[Analyze grammar]

kuṭumbaṃ śrīhareḥ sarvaṃ brahmapriyā maharṣayaḥ |
avaterurvimānāttu svarṇāḍhyebhūbhṛdālaye || 6 ||
[Analyze grammar]

vidyutprakāśakaiḥ samujjvale sugandhaśālini |
sarvasāmagrikāramye dāsadāsīsabhājite || 7 ||
[Analyze grammar]

bhṛtyaiḥ pradhānakai rājakuṭumbakaiḥ prajājanaiḥ |
saṃkulite'tisammarde kṛṣṇaḥ saudhe viveśa ha || 8 ||
[Analyze grammar]

praveśanasya samaye vardhitaḥ svāgatena tu |
namanairvandanaiḥ premṇā darśanena sumā'kṣataiḥ || 9 ||
[Analyze grammar]

rājñā rājñyā kumāraiśca putrībhirbhrātṛbāndhavaiḥ |
śrīhariḥ salilenāpi śītalairanilairapi || 10 ||
[Analyze grammar]

phalai rasaiḥ supeyaiśca satkṛtaḥ kṣaṇamātrataḥ |
kuṭumbādisārthajanaḥ satkṛtāḥ sarva eva te || 11 ||
[Analyze grammar]

puṣpahāraistathā gucchaiḥ sugandhidravasecanaiḥ |
rañjito bhagavān kṛṣṇanārāyaṇaḥ paraḥ prabhuḥ || 12 ||
[Analyze grammar]

evaṃ kṣaṇaṃ praviśramya romāyanena bodhitaḥ |
anādiśrīkṛṣṇanārāyaṇo rājasabhāṃ yayau || 13 ||
[Analyze grammar]

rātrāvapi tu dinavad bhrājamānāṃ pradīpakaiḥ |
maṇīnāṃ kiraṇaiścāpi klṛptacandrakaraistathā || 14 ||
[Analyze grammar]

viśālāṃ parito bhittipaṭaleṣu suraiḥ sthitām |
udyānadṛśyaśobhāḍhyāṃ svargavatsukalevarām || 15 ||
[Analyze grammar]

sabhāmāsādya tu harirniṣasāda gajāsane |
svarṇahīrakaśobhāḍhye chatracāmarabhūṣite || 16 ||
[Analyze grammar]

anye pitrādayaścāpi niṣeduryogyakāsane |
bhagavān sarvalokānāṃ kuśalaṃ sukhasampadam || 17 ||
[Analyze grammar]

samapṛcchattathā''rogyaṃ janāśca sukhino'bhavan |
rājā rājakuṭumbaṃ ca pādau prakṣālya vai hareḥ || 18 ||
[Analyze grammar]

prāsādikaṃ payaḥ sarve papustataḥ sugandhibhiḥ |
candanaiḥ puṣpahārādyaiḥ sauvarṇairhārakaistathā || 19 ||
[Analyze grammar]

hīrakairmauktikaiścāpi pupūjuḥ parameśvaram |
prajājanāḥ pupūjuśca pradhānāḥ śreṣṭhinastathā || 20 ||
[Analyze grammar]

kṛtakṛtyāḥ kṛtā nātha vayamāgamadarśanaiḥ |
bhagavatā śrīhariṇā pāvanī nagarī kṛtā || 21 ||
[Analyze grammar]

adya viśrāntimāsādya prātardehi svadarśanam |
ityuktvā tvabhivandyaiva yayuḥ sarvaprajājanāḥ || 22 ||
[Analyze grammar]

mahimānāstataḥ sarve nivāsānāyayurdrutam |
śrīhariḥ sakuṭumbaśca nṛpasaudhe suśobhane || 23 ||
[Analyze grammar]

viśrāntyarthaṃ yayau rājñā krathakena tatharṣiṇā |
darśite śayane kṛṣṇaḥ suṣvāpa nidrito'bhavat || 24 ||
[Analyze grammar]

mahīmānā dugdhapānādikaṃ kṛtvā viśaśramuḥ |
rājā yayau nijaṃ saudhaṃ viśrāntyarthaṃ tu rādhike || 25 ||
[Analyze grammar]

caturdaśyāṃ prage samutthāya śrībhagavān prabhuḥ |
bodhito maṃgalaśabdaiḥ śuśrāva svayaśo'malam || 26 ||
[Analyze grammar]

dhyātvā svaṃ ca tato nityavidhiṃ cakāra sarvaśaḥ |
darśanārthaṃ samājagmurlomaśādyāḥ prajāstathā || 27 ||
[Analyze grammar]

sa rājā krathako rājñī putryaḥ putrāḥ samāyayuḥ |
pūjanārthaṃ hareḥ sarvasāmagrībhiḥ samutsukāḥ || 28 ||
[Analyze grammar]

pādaprakṣālanaṃ cakruḥ payasā tajjalaṃ papuḥ |
vastrālaṃkārabhūṣādyairhīrakairmauktikaistathā || 29 ||
[Analyze grammar]

candanā'kṣatapuṣpādyairmaṇibhiścārcayan harim |
mātaraṃ pitaraṃ cāpi santuṣṭāṃ śukavallabhau || 30 ||
[Analyze grammar]

brahmapriyāśca kanyāśca lomaśādīn samārcayan |
tata ārārtrikaṃ cakrurdaṇḍavacca pradakṣiṇam || 31 ||
[Analyze grammar]

upadā sannyadhustvagre vividhā bhāvatastadā |
rājā prāha harikṛṣṇanārāyaṇaṃ jagadgurum || 32 ||
[Analyze grammar]

pāvitaṃ mama rāṣṭraṃ saṃpāvitopi madālayaḥ |
kuṭumbaṃ pāvitaṃ me'tra vasā'tra bhagavan sadā || 33 ||
[Analyze grammar]

bhavato'smi kuṭumbena sahito'haṃ kṛpānidhe |
bhagavāṃśca nṛpaṃ prāha mūrtirūpeṇa sarvadā || 34 ||
[Analyze grammar]

rājaṃstava gṛhe nivatsyāmi pratyakṣavat sadā |
kāraya tvaṃ mandiraṃ me sthāpayā'tra ca māṃ prabhum || 35 ||
[Analyze grammar]

nṛpaḥ papraccha ca hariṃ kadā kāryaṃ nu mandiram |
kaḥ kālo hi muhūrtādiḥ dinanakṣatrarāśayaḥ || 36 ||
[Analyze grammar]

uttamā hi śubhe kārye mandirādau sukarmaṇi |
bhavatsthāpanakālāśca tad vadātra tu me prabho || 37 ||
[Analyze grammar]

hariḥ prāha yadā rājan bhagavān bhuvi vartate |
dhṛtamānuṣarūpo vai tadājñā tu yadā bhavet || 38 ||
[Analyze grammar]

rātrau vā divase vāpi sandhyāyāṃ sūtake'pi vā |
akāle vā tathā'niṣṭe śoke kleśamaye'pi vā || 39 ||
[Analyze grammar]

yādṛśastādṛśaḥ kālastanmataḥ śubha eva saḥ |
haryadhīnāḥ sarvakālāstadicchayā śubhā hi te || 40 ||
[Analyze grammar]

deśaḥ sarvavidhaścāpi haryāśritaḥ śubho hiṃ saḥ |
kṛṣṇatulyāḥ samarthā ye santasteṣāṃ vacāṃsi ca || 41 ||
[Analyze grammar]

yasmin kāle tu labdhāni kālaḥ sarvaḥ śubho hi saḥ |
naisargeṇa tu te vacmi śṛṇu śraiṣṭhyaṃ tu kālikam || 42 ||
[Analyze grammar]

varṣaṃ māsāstathā pakṣāḥ saptāhāni dināni ca |
nakṣatrāṇi grahā vārāścaturghaṭyo muhūrtakam || 43 ||
[Analyze grammar]

yogāśca tithayaḥ klṛptā vyavahārasya siddhaye |
varjyān vacmyapi prathamaṃ śṛṇu rājan yathāyatham || 44 ||
[Analyze grammar]

tithinakṣatravāreścotpannān yogān hi dūṣitān |
varjayecchubhakārye vai vyatīpātādikāṃstathā || 45 ||
[Analyze grammar]

duryogānatha bhadrāṃ cāmāvāsyāṃ sūryasaṃkramam |
janmarkṣaṃ janmatithikāṃ janmamāsaṃ vivarjayet || 46 ||
[Analyze grammar]

tithervṛddhiṃ kṣayaṃ cāpi vivarjayet sukarmaṇi |
pāpagrahaiḥ prabhuktāni bhujyamānāni cāpi ca || 47 ||
[Analyze grammar]

bhogyānyapi ca ṛkṣāṇi varjayecchubhakarmasu |
utpātarkṣaṃ pāpagrahaviddharkṣaṃ ca vivarjayet || 48 ||
[Analyze grammar]

ṛtaṃ ca bheditaṃ pāpagraheṇa tadvivarjayet |
khagrāsagrahaṇarkṣaṃ tu ṣaṇmāsāvadhi varjayet || 49 ||
[Analyze grammar]

ardhagrāsasya nakṣatraṃ trimāsāvadhi varjayet |
pādagrāsasya nakṣatraṃ māsāvadhi vivarjayet || 50 ||
[Analyze grammar]

grāsāt prāk tridinaṃ tyājyaṃ paścāt saptāhakaṃ tyajet |
grastāste prāk tridinaṃ grastodaye tryahamuttaram || 61 ||
[Analyze grammar]

pūrṇagrāse prāk ca paścād dinatrikaṃ vivarjayet |
māsāntaikadinaṃ cāpi nakṣatrāntaghaṭīdvayam || 62 ||
[Analyze grammar]

tithyantaghaṭikaikaṃ ca lagnāntārdhaghaṭīṃ tathā |
nakṣatrāṇāṃ viṣāṃ nāḍīṃ varjayecchubhakarmasu || 53 ||
[Analyze grammar]

pātadoṣaṃ tathā caikārgalaṃ dagdhadinātmakam |
saṃkrāntisamayaṃ cāpi varjayecchubhakarmasu || 54 ||
[Analyze grammar]

lagnasvāmī bhavet sthāne śatrormṛtyośca vā yadā |
madhyāhnaṃ madhyarātriṃ ca sandhyāsandhiṃ vivarjayet || 55 ||
[Analyze grammar]

adhimāsaṃ ca śukrasya guroścāstaṃ vivarjayet |
śukrasya ca gurorbālyaṃ vārdhakyaṃ ca vivarjayet || 56 ||
[Analyze grammar]

janmeśāstaṃ manobhaṃgaṃ sūtakaṃ māturārtavam |
rogotpātādyariṣṭāni śubhakāryeṣu varjayet || 57 ||
[Analyze grammar]

siṃhasthe tu gurau tyājyā vivāho vapanaṃ vratam |
yātrā dīkṣā pratiṣṭhā ca yatastatra savighnakāḥ || 58 ||
[Analyze grammar]

krūragraheṇa yadbhuktaṃ bhoktavyaṃ bhojyameva vā |
nakṣatraṃ sarvakāryeṣu siddhikṛdgrāhyameva tat || 59 ||
[Analyze grammar]

kintu rāhuyutamṛkṣaṃ tyājyaṃ vai śubhakarmasu |
grahaduṣṭaṃ tu nakṣatraṃ sūryabhuktaṃ yadā bhavet || 60 ||
[Analyze grammar]

candrabhuktaṃ ca vā syācca tataḥ śubhapradaṃ bhavet |
grahaṇena hatamṛkṣaṃ ṣaṇmāsānte śubhaṃ bhavet || 61 ||
[Analyze grammar]

ekamāse coparāgadvaye prāthamikaṃ tu bham |
dvitīyagrāsapūrvaṃ syācchuddhaṃ ṣāṇmāsike'param || 62 ||
[Analyze grammar]

khātaṃ caitreśokada syād vaiśākhe dhanadaṃ smṛtam |
jyeṣṭhe grahaprapīḍādam āṣāḍhe paśunāśanam || 63 ||
[Analyze grammar]

śrāvaṇe dhanavṛddhikṛt bhādrapade tu śūnyakṛt |
āśvine kleśadaṃ syācca kārtike bhṛtyanāśakam || 64 ||
[Analyze grammar]

mārgaśīrṣe dhanadaṃ syāt pauṣe kāmarddhisampradam |
māghe tvagnibhayadaṃ syāt phālgune śrīpradaṃ matam || 65 ||
[Analyze grammar]

gṛhāraṃbhastu meṣasthe sūrye sarvaśubhapradaḥ |
vṛṣasthe dhanavṛddhikṛt mithunasthe mṛtipradaḥ || 66 ||
[Analyze grammar]

karkasthe śubhadaḥ syācca siṃhasthe bhayavardhakaḥ |
kanyāsthe rogadaḥ syācca tulāsthe sukhado bhavet || 67 ||
[Analyze grammar]

vṛścikasthe dhanavṛddhirdhanuḥsthe mahatī kṣatiḥ |
makarasthe dhanā''yaḥ syāt kuṃbhasthe ratnado mataḥ || 68 ||
[Analyze grammar]

mīnasthe bhayadaḥ syācca vicāryā''raṃbhamācaret |
devapratiṣṭhā māghe ca phālgune dhanadā tathā || 69 ||
[Analyze grammar]

āyuṣyārogyadā bhartuḥ kīrtikarī bhaveddhi sā |
caitre sā bhayadā rogapradā bodhyā tu sarvathā || 70 ||
[Analyze grammar]

vaiśākhe sā tathā jyeṣṭhe dhanaputrādidāyinī |
dakṣiṇāyanage sūrye vārāhaṃ mātṛkāstathā || 71 ||
[Analyze grammar]

bhairavaṃ vāmanaṃ durgāṃ nṛsiṃhaṃ sthāpayet sukham |
śrāvaṇe śivaliṃgaṃ cāśvine tu jagadambikām || 72 ||
[Analyze grammar]

mārgaśīrṣe hariṃ viṣṇuṃ nārāyaṇaṃ ca māṃ prabhum |
sthāpayet pauṣamāse tu sthāpayet sarvadevatāḥ || 73 ||
[Analyze grammar]

nītyaṃ gītaṃ kṛṣiṃ citramutsavaṃ ca gṛhādikam |
vastrālaṃkārabhūṣādi śilpitā ca kalādikam || 74 ||
[Analyze grammar]

ekādaśyāṃ pratipadi ṣaṣṭhyāṃ nandākhyatattithau |
vidhāpayet śikṣayet svo'dhīyīta śubhadaṃ bhavet || 75 ||
[Analyze grammar]

vivāhaścopanayanaṃ yātrā bhūṣādidhāraṇam |
śilpakāryaṃ kalāśikṣā hastirathāśvacālanam || 76 ||
[Analyze grammar]

āvāhane samāroho siddhidāstu yathā śṛṇu |
dvitīyāyāṃ ca saptamyāṃ dvādaśyāṃ bhadrikātithau || 77 ||
[Analyze grammar]

sainyasaṃgrāmaśastrādidhṛtyabhyāsaprayodhanam |
yātrotsavagṛhāraṃbhauṣadhivyāpārakarma ca || 78 ||
[Analyze grammar]

jayākhyāyāṃ tṛtīyāyāmaṣṭamyāṃ ca tathā śṛṇu |
trayodaśyāṃ prakartavyaṃ sarvasiddhipradāyakam || 79 ||
[Analyze grammar]

śatrūṇāṃ māraṇaṃ bandhanaṃ tathā viṣayojanam |
śastrāgniyojanaṃ kāryaṃ riktākhyāyāṃ tithau śṛṇu || 80 ||
[Analyze grammar]

caturthyāṃ ca navamyāṃ ca caturdaśyāṃ ca siddhyati |
riktāyāṃ maṃgalaṃ kāryaṃ na kartavyaṃ kadācana || 81 ||
[Analyze grammar]

rājyābhiṣeko yātrā ca vivāhaścopavītakam |
śāntikarma puṣṭikarma pūrṇākhyāyāṃ tithau śṛṇu || 82 ||
[Analyze grammar]

pañcamyāṃ ca daśamyāṃ ca pūrṇimāyāṃ hi siddhidam |
ityevaṃ karaṇe kāryasiddhirbhavati niścitā || 83 ||
[Analyze grammar]

dvitīyā paṃcamī cāpi tṛtīyā saptamī tathā |
daśamyekādaśī kṛṣṇapratipacca trayodaśī || 84 ||
[Analyze grammar]

pūrṇimā tithayo hyetāḥ sarvakārye śubhāvahāḥ |
anyāstu tithayo naiva śubhadā vai matāḥ kvacit || 85 ||
[Analyze grammar]

kṛṣṇā caturdaśī śuklā pratipat darśasaṃjñakā |
varjanīyāḥ śubhe kārye tithayastā bhayāvahāḥ || 86 ||
[Analyze grammar]

ādityaścandramā bhaumo buddhaścāpi vṛhaspatiḥ |
śukraḥ śanaiścaraśceti vāsarāḥ sapta yojitāḥ || 87 ||
[Analyze grammar]

guruścandro budhaḥ śukraḥ śubhāḥ śubhe tu karmaṇi |
raviḥ śanirmaṃgalaśca krūrāḥ krūre tu karmaṇi || 88 ||
[Analyze grammar]

sthiraḥ sūryaścaraścandro bhaumaścogro budhaḥ samaḥ |
laghurgururmṛduḥ śukraḥ śanistīkṣṇaḥ svabhāvataḥ || 89 ||
[Analyze grammar]

ravau devapratiṣṭhā tu tejaḥprabhāvadāyinī |
candre kṣemakarī bhaume vahnidāhapradāyinī || 90 ||
[Analyze grammar]

budhe ceṣṭaphaladā syād gurau sthiratvadāyinī |
śukre cānandadā syācca śanau kalpanivāsinī || 91 ||
[Analyze grammar]

rājyābhiṣeko māṃgalyaṃ yānavāhananirmitiḥ |
sainyasvārī mantrasiddhirastraśastrāvamocanam || 92 ||
[Analyze grammar]

bheṣajasya prayogaśca yuddhaṃ cāpaṇapaṇyakam |
agnidānaṃ sevanaṃ ca sauvarṇakāryamityapi || 93 ||
[Analyze grammar]

ābhūṣādhāraṇaṃ cāpi ravau vāre śubhāni hi |
atha candre vāsare tu śaṃkhamauktikarūpyakaiḥ || 94 ||
[Analyze grammar]

ābhūṣaṇavidhānaṃ ca bhūṣādhāraṇamityapi |
saṃgītavidyādhyayanaṃ yajñakāryaṃ kṛṣikriyā || 95 ||
[Analyze grammar]

bhojyaṃ strīsevanaṃ cekṣurasapākavidhāpanam |
jalapravāhakūpādikoṣavahanamuttamam || 6 ||
[Analyze grammar]

atha bhaume vāsare tu bhedabhāvastathā'nṛtam |
caurye śāṭhyaṃ viṣaśastravahnighātanamityapi || 97 ||
[Analyze grammar]

karadaṇḍā''dānadānaṃ svarṇapravāladhāraṇam |
evametāni kāryāṇi śubhānyuktāni maṃgale || 98 ||
[Analyze grammar]

atha vāre budhe śikṣyaṃ vāṇijyaṃ ca kalādikam |
sambandhaśca bhṛtyatā ca vyāyāmo vedaghoṣaṇam || 99 ||
[Analyze grammar]

śāstrasya lekhanārambhaścaitāḥ kriyāḥ śubhā matāḥ |
gurau vāre yajñakāryaṃ dharmaḥ satkāra ityapi || 100 ||
[Analyze grammar]

māṃgalyaṃ pauṣṭikaṃ vidyā yātrā gṛhavidhāpanam |
bhaiṣajyaṃ cā'laṃkaraṇaṃ kartavyāni śubhāni vai || 101 ||
[Analyze grammar]

śukre gītaṃ strīsaṃgaśca ratnadhāraṇamityapi |
śayyāparyaṃkakaraṇaṃ vastrabhūṣādidhāraṇam || 102 ||
[Analyze grammar]

utsavo bhūkrayavikrayau kṛṣiścāpaṇakriyā |
kośasaṃrakṣaṇaṃ ceti śubhāni tāni śukrake || 103 ||
[Analyze grammar]

śanau gṛhapraveśaśca mantradīkṣā tathottamā |
hastiprabhṛtigṛhaṇaṃ bhṛtyatānirṇayastathā || 104 ||
[Analyze grammar]

śastropayogaścā'satyavadanaṃ cauryamityapi |
kartavyāni sthirakarmāṇyapi śubhāni vai śanau || 105 ||
[Analyze grammar]

rohiṇyaśvimṛgāḥ puṣyo hastaścitrottarātrayam |
revatī śravaṇaṃ caiva dhaniṣṭhā ca punarvasūḥ || 106 ||
[Analyze grammar]

anurādhā tathā svātī śubhānyetāni bhāni vai |
śubhakāryāṇi sarvāṇi siddhyantyeteṣu bheṣu ca || 107 ||
[Analyze grammar]

pūrvātrayaṃ viśākhā ca jyeṣṭhā''rdrāmūlamityapi |
śatatārābhameteṣu kṛtyaṃ sādhāraṇaṃ bhavet || 108 ||
[Analyze grammar]

bharaṇī kṛttikā cāpi maghā''śleṣā tathaiva ca |
atyugraṃ duṣṭakāryaṃ tat kartavyameṣu bheṣu tu || 109 ||
[Analyze grammar]

ityevaṃ rādhike'nādikṛṣṇanārāyaṇaḥ prabhuḥ |
krathakāya tadā prāha romāyanarṣisannidhau || 110 ||
[Analyze grammar]

iti śrīlakṣmīnārāyaṇīyasaṃhitāyāṃ dvitīye tretāsantāne krathakarājadhānyām oṃkāreṣṭāyāṃ gatvā pūjāṃ pragṛhya viśramya caturdaśyāṃ prage nṛpapṛṣṭo harirmandirādinirmāṇe śubhakālādīn prāhetyādinirūpaṇanāmā catuḥsaptatyadhikaśatatamo'dhyāyaḥ || 174 ||
[Analyze grammar]