Chapter 173

śrīkṛṣṇa uvāca |
śṛṇu tvaṃ rādhike tatra yavakrītāya carṣaye |
bhagavān pradadau jñānaṃ gāṃgeyāya mahātmane || 1 ||
[Analyze grammar]

rājñe rājakuṭumbāya prajābhyaścāpi śobhanam |
pāramparyaprarakṣārthaṃ śiṣyatvāvedakaṃ nijam || 2 ||
[Analyze grammar]

yavakrītoralaketoḥ rājñyastathā prajāstvimāḥ |
śṛṇvantu mama vākyāni kṛṣṇamūlaparāṇi vai || 3 ||
[Analyze grammar]

ahaṃ śrībhagavānasmi parabrahma parātparaḥ |
anādiśrīkṛṣṇanārāyaṇaḥ śrīpuruṣottamaḥ || 4 ||
[Analyze grammar]

akṣarāttu pare dhāmni divye virājamānakaḥ |
divyamūrtirnivasāmi divyamuktaprasevitaḥ || 5 ||
[Analyze grammar]

ahaṃ mama svarūpasya jñānaṃ dadāmi vai muhuḥ |
bhaktebhyo muktasaṃjñebhyo muktānībhyastathā kvacit || 6 ||
[Analyze grammar]

kvacid brahmapriyābhyaśca rādhāyai ca śriyai kvacit |
kvacillakṣmyai ramāyai ca māṇikyāyai kvacittathā || 7 ||
[Analyze grammar]

ramāyai ca jayāyai ca lalitāyai tathā kvacit |
padmāvatyai mahālakṣmyai pārṣadebhyastathā kvacit || 8 ||
[Analyze grammar]

āyudhebhyo vibhūṣābhyo guṇebhyaśca tathā kvacit |
aiśvaryebhyaśca śaktibhyaḥ kvacidbhaktebhya ityapi || 9 ||
[Analyze grammar]

jñānaṃ samyak svarūpasya pradadāmi tu sevine |
sampradāyaḥ sa vai prokto jñānātmakaḥ pramuktidaḥ || 10 ||
[Analyze grammar]

jñānaṃ cāhaṃ parabrahmāsmīti jānantu sarvathā |
dīyate'dya mayā tvatra bhavadbhyaḥ sarvathottamam || 11 ||
[Analyze grammar]

mayā sākṣāttu tad dattaṃ grāhyaṃ dhāryaṃ sadā hṛdi |
matto'vatārā jāyante kṛṣṇādyāḥ koṭiśaḥ sadā || 12 ||
[Analyze grammar]

caturviśatyavatārāstathā'nye'pi sahasraśaḥ |
mattaḥ sarve prajāyante madaiśvaryānvitāstu te || 13 ||
[Analyze grammar]

nārāyaṇāstathā sarve jāyante matsvarūpataḥ |
vāsudevādayo vyūhā jāyante mama mūrtitaḥ || 14 ||
[Analyze grammar]

bhūmādayastvīśvarāśca mamāṃśāḥ sarva eva te |
brahmaviṣṇumaheśādyā mamāṃśā'śā bhavanti te || 15 ||
[Analyze grammar]

rādhāramādikāḥ sarvā mama santi praśaktayaḥ |
golokaṃ cāpi vaikuṇṭhaṃ cāmṛtaṃ ca kilāsanam |
mamākṣarapradeśāste prāntadhāmāni santi me || 16 ||
[Analyze grammar]

akṣaraṃ dhāma sarveśaṃ sarvebhyo mānavarjitam |
anyadhāmāni sarvāṇi mānavanti bhavanti me || 17 ||
[Analyze grammar]

mahannagaramabhito yathā śākhāpurāṇi hi |
bṛhaddhāmābhitastadvacchākhādhāmāni tāni vai || 18 ||
[Analyze grammar]

samrāḍasmyavatārāṇāṃ sarve mamāṃśayoginaḥ |
evaṃ vai vartamānasya niyāmakasya me param || 19 ||
[Analyze grammar]

akṣarācca bṛhato'pi dhāmā'sti paramottamam |
manmūrterabhitaścaste mama dhāma parottamam || 20 ||
[Analyze grammar]

tasmācca paradhāmādvai tejo yannirgataṃ puraḥ |
tadakṣaraṃ bṛhaddhāma bhaṇyate sarvabuddhiṣu || 21 ||
[Analyze grammar]

tasmād bodhyaṃ mama dhāma tvakṣarād paramaṃ bṛhat |
akṣaraṃ tu brahatproktaṃ dhāmānyanyāni sīmni ca || 22 ||
[Analyze grammar]

akṣarasyaiva tiṣṭhanti tataśceśvarakoṭayaḥ |
tato'ṣṭāvaraṇānyeva malināni bhavanti hi || 23 ||
[Analyze grammar]

tato brahmāṇḍalokāścoḍḍayanti tvaṇuvat sadā |
sarveṣvahaṃ sadā cāntaryāmitayā vasāmi ca || 24 ||
[Analyze grammar]

atra yo'smi sa tatrā'smi bālakṛṣṇaḥ paraḥ prabhuḥ |
atra me yogamāpannāste sarve paradhāmagāḥ || 25 ||
[Analyze grammar]

ahaṃ sadaikarūpo'smi sarvaiśvaryādisaṃbhṛtaḥ |
janāstu bhinnanetrā māṃ svīyadṛṣṭyā svavat sadā || 26 ||
[Analyze grammar]

paśyanti devavad devāḥ paśyanti martyavannarāḥ |
paśyanti siddhavat siddhāḥ ṛṣayaḥ ṛṣivattathā || 27 ||
[Analyze grammar]

pitaraḥ pitṛvaccāpīśvarā īśvaravattathā |
avatārāḥ svavaccāpi muktā muktasamaṃ tathā || 28 ||
[Analyze grammar]

brahmā tu brahmavaccāpi māyikā māyikaṃ yathā |
mahāmuktāḥ svavaccāpi māṃ paśyanti sadā svavat || 29 ||
[Analyze grammar]

anantā'pārarūpo'haṃ cā'prameyo'smi sarvathā |
svarūpeṇa svabhāvena guṇairbhāvaiśca sarvadā || 30 ||
[Analyze grammar]

nānto'sti mama divyānāṃ svarūpāṇāṃ kutastu me |
vibhūtīnāṃ na me tvantaḥ kuto me mānatā tadā || 31 ||
[Analyze grammar]

ahamānandavānasmi tena jīvanti jīvinaḥ |
yatrānandaśca tatrā'haṃ viditvaivaṃ ca māṃ bhajet || 32 ||
[Analyze grammar]

naro vā yadi vā nārī tato mokṣamavāpnuyāt |
mokṣikeyaṃ hi nagarī mayā tvāgatya satkṛtā || 33 ||
[Analyze grammar]

mama jñānena lokānāṃ vasatāṃ mokṣadā nviyam |
śarīreṇendriyairbhāvairantaḥkaraṇakaiśca mām || 34 ||
[Analyze grammar]

prabhajanti janā ye māmāntarasthaṃ taranti te |
sarvadā karmakāṇḍe vai daihike mānase'thavā || 35 ||
[Analyze grammar]

aindriyake'pi madbhānaṃ tadeva mokṣadaṃ matam |
nirguṇaṃ matkṛte sarvaṃ divyaṃ vaiṣayikaṃ ca vā || 36 ||
[Analyze grammar]

ityevaṃ ca jaḍaṃ cāpi cetanaṃ varṣma me matam |
tatrā'haṃ sarvadā cāsmi viśiṣṭo'haṃ bhavāmi ca || 37 ||
[Analyze grammar]

cullikāyāṃ tathā kāṣṭhe vahnau bhrāṣṭre kapālake |
piṣṭe ca roṭake cāhaṃ kartryā bhoktari cāpyaham || 38 ||
[Analyze grammar]

jāṭhare codare sarvavikṛtau ca bale'pi ca |
dhātuṣvahaṃ ca garbhādau bāle'haṃ yauvane'pyaham || 39 ||
[Analyze grammar]

vārdhake ca śave bhūtībhāve cāhaṃ vasāmi hi |
punaḥ khādye khādake ca bīje vṛkṣe kuṭhārake || 40 ||
[Analyze grammar]

chedane chettari dvaidhībhāve samitsu cāpyaham |
evaṃ sarvatra nidhane puṣṭau ca janane'smyaham || 41 ||
[Analyze grammar]

madvinā nā'pyaṇustvasti mayā sarvaṃ tvadhiṣṭhitam |
evaṃ jñātvā sarvavidhāṃ mama mūrtiṃ bhajet sadā || 42 ||
[Analyze grammar]

tadā nairguṇyamāsādya mama bhāvāya kalpate |
etajjñānaṃ mayā dhāmni pare purā tu sarjane || 43 ||
[Analyze grammar]

māṇikyāyai mama devyai vāhāyai cārpitaṃ dhruvam |
tayā tu duḥkhahālakṣmyai dattaṃ tayā tu śaṃbhave || 44 ||
[Analyze grammar]

śivarājasvarūpāya śivena nijayoṣite |
satyai dattaṃ tayā putragaṇeśāya purā'rpitam || 45 ||
[Analyze grammar]

tena buddhayai tathā siddhyai tābhyāṃ tajjñānamuttamam |
padmāvatyai ramāyai ca tābhyāṃ hiraṇyagarbhiṇe || 46 ||
[Analyze grammar]

tena cānekaśiṣyebhyo bahuśākhāgataṃ tataḥ |
bahudhā vardhitaṃ sampradāyaśākhāsu vartate || 47 ||
[Analyze grammar]

vighnā vai sampradāyasya nāśakāstu bhavantyapi |
tairjñānaṃ na parābhāvyaṃ yadyahaṃ saṃsmṛto'ntare || 48 ||
[Analyze grammar]

sampradāyo rakṣaṇīyaḥ śiṣyaiḥ praśiṣyakaistataḥ |
tanvā ca manasā buddhyā dhanairjñānaiḥ sumandiraiḥ || 49 ||
[Analyze grammar]

jñānā'vanārthamevātra śāstraṃ tvapekṣyate sadā |
vedāśca saṃhitā cāpi sarvavedārthabodhinī || 50 ||
[Analyze grammar]

lakṣmīnārāyaṇasaṃhiteyaṃ rakṣyā sadā hṛdi |
tadvyākhyātā gururdhāryaḥ pūjārthaṃ mama rūpavān || 51 ||
[Analyze grammar]

gururvai dīkṣitaḥ saṃhitājño madātmako hi saḥ |
saṃhitārthaṃ jñāpayet sa kathā dvārā sadā janān || 52 ||
[Analyze grammar]

mama pūjāprakārādi prakuryāt likhitaṃ yathā |
pūjārthaṃ mama mūrtiśca sthirā sthāpyā sumandire || 53 ||
[Analyze grammar]

rādhayā ramayā lakṣmyā śriyā māṇikyayā saha |
padmāvatyā ramayā gaṃgayā virajayā saha || 54 ||
[Analyze grammar]

sarasvatyā durgayā bhvā brahmapriyādibhiḥ saha |
jayayā padmayā vṛndayā tulasyā ca haṃsayā || 55 ||
[Analyze grammar]

maṃjulayā sadguṇayā sthāpyā lalitayā saha |
devyā ca muktayā haimyā śāntyā vā campayā saha || 56 ||
[Analyze grammar]

tatpūjāyāḥ pravāharthaṃ bhūgrāmādisamarpaṇam |
kartavyaṃ vidhinā rājñā dhanāḍhyaistu dhanārpaṇam || 57 ||
[Analyze grammar]

vidyāyāstu parāyā me dānārthaṃ pāṭhaśālikāḥ |
vidyālayā viśālāśca kāraṇīyā hi bodhadāḥ |
śikṣakā yojanīyāśca pūjakā mandire'pi me || 58 ||
[Analyze grammar]

pustakānāṃ pracāraśca kartavyo mānaveṣvapi |
deveṣu cānyalokeṣu pātāleṣvapi sarvathā || 59 ||
[Analyze grammar]

tatra tatratyasaṃhitābhāgaprasāramācaret |
evaṃ ṣaḍaṃgarūpeṇa sampradāyaḥ pravartate || 60 ||
[Analyze grammar]

vidyā śāstraṃ gururmūrtirmandiraṃ śiṣyavargakaḥ |
vidyā proktā parā mantro nāma cārādhanādikāḥ || 61 ||
[Analyze grammar]

aparā bahudhā jñānaṃ vyavahāreṇa miśritam |
śāstraṃ vedāḥ saṃhitāśca gurorvāṇī harervacaḥ || 62 ||
[Analyze grammar]

gurustu vaiṣṇavo jñānamantraśāstrādiyojakaḥ |
mūrtiścāhaṃ svayaṃ patnīsahitaḥ parameśvaraḥ || 63 ||
[Analyze grammar]

muktairbhaktaiḥ priyābhiśca sahā''ryaḥ kṛṣṇavallabhaḥ |
avatārāśca me sarve vyūhā me kāryakāriṇaḥ || 64 ||
[Analyze grammar]

aṃśāḥ kalāstathā''veśā vibhūtayaḥ svarūpiṇaḥ |
pūrṇāścopāsakā bhaktā nārāyaṇāstathā'pare || 65 ||
[Analyze grammar]

mandiraṃ śatakalaśaṃ sahasrakalaśaṃ tathā |
sauvarṇaṃ ca tathā divyaṃ maṇijaṃ kārayed dṛḍham || 66 ||
[Analyze grammar]

śiṣyavargā bhaveyurvai mantragrahaṇasevanaiḥ |
sādhavo gṛhavargāśca narā nāryo hi sevakāḥ || 67 ||
[Analyze grammar]

bālā yuvāno vṛddhāśca sadhavā adhavā api |
bālikāśca kumārāśca vijñā vijñānavarjitāḥ || 68 ||
[Analyze grammar]

rājā prajāḥ pradhānāśca brahmiṣṭhā vītarāgakāḥ |
sanyāsāḥ sādhavo yogābhyāsāśca yatayastathā || 69 ||
[Analyze grammar]

mānavā api ṣaṇḍhā ye ye ke'pi sampradāyinaḥ |
bhajeran māṃ sadā bhāvabharāḥ kapaṭavarjitāḥ || 70 ||
[Analyze grammar]

tṛṣṇārāgadveṣamanyudroherṣyāvarjitāstathā |
bhajeyurmāṃ tadā sampradāyo śāśvato bhavet || 71 ||
[Analyze grammar]

nirdoṣaistvāśritaiḥ sampradāyaḥ prakāśatāṃ vrajet |
sadoṣaistvāśritaiḥ sampradāyaścāndhyamupāvrajet || 72 ||
[Analyze grammar]

yatra nāsti gururboddhā nityatṛpto nirīhakaḥ |
yamaiśca niyamairyuktaḥ sampradāyaḥ sa naśyati || 73 ||
[Analyze grammar]

yatra nāsti gurustyāgī vairāgyavān jitendriyaḥ |
śāstrajño dharmaśīlaśca sampradāyaḥ sa naśyati || 74 ||
[Analyze grammar]

yatra nāsti gururjñātā jñānado'jñānanāśakaḥ |
sarvaśāstravyāpakaśca sampradāyaḥ sa naśyati || 75 ||
[Analyze grammar]

yatra gururdravyahartā vyasanī cānṛtī tathā |
svārthamātraparastṛṣṇī sampradāyaḥ sa naśyati || 76 ||
[Analyze grammar]

yatra gururdayāhīnaḥ pārakyān manute śritān |
duḥkhe prakṣipati śiṣyān sampradāyaḥ sa naśyati || 77 ||
[Analyze grammar]

yatra gururdharmahantā nāstikaḥ śaṭhadhūrtakaḥ |
doṣālayaśca viṣayī sampradāyaḥ sa naśyati || 78 ||
[Analyze grammar]

yatra guruḥ sarvabhakṣī tṛṣṇālobhādiśevadhiḥ |
pūryate nodaraṃ yasya sampradāyaḥ sa naśyati || 79 ||
[Analyze grammar]

rakṣakā bhakṣakā yatra trātāraśca viḍambakāḥ |
viśvāsaghātinaḥ śreṣṭhāḥ sampradāyaḥ sa naśyati || 80 ||
[Analyze grammar]

pāṣaṇḍicaurahārāṇāṃ luṇṭakānāṃ kriyāparāḥ |
mūrdhanyā yatra vidyante sampradāyaḥ sa naśyati || 81 ||
[Analyze grammar]

sabhāsado vyavahāranirṇatāraśca yojakāḥ |
luñcākhādakino yatra sampradāyaḥ sa naśyati || 82 ||
[Analyze grammar]

prasahyā'nyāyayuktāśca vigantāro virodhinaḥ |
kleśino mānavā yatra sampradāyaḥ sa naśyati || 83 ||
[Analyze grammar]

gurudrohijanā yatra nimnadoṣāvalokinaḥ |
bhāvahīnā nindakāśca sampradāyaḥ sa naśyati || 84 ||
[Analyze grammar]

avivekā adīrghadṛṣṭayaḥ premavihīnakāḥ |
pūjyapūjollaṃghakāśca sampradāyaḥ sa naśyati || 85 ||
[Analyze grammar]

hatyākāṇḍābhirucayo devānnadravyabhojakāḥ |
gurormānahano yatra sampradāyaḥ sa naśyati || 86 ||
[Analyze grammar]

kudṛṣṭayaḥ kusaṃkalpāḥ kusaṃgavyāptamānasāḥ |
paragṛhaprabhaṃktāraḥ sampradāyaḥ sa naśyati || 87 ||
[Analyze grammar]

guṇeṣu doṣadraṣṭāraḥ parotkarṣā'sahiṣṇavaḥ |
mānavā yatra vai yāmyāḥ sampradāyaḥ sa naśyati || 88 ||
[Analyze grammar]

asatkāryamasadvāṇī anyāyaśca pade pade |
mahatāmavamānaṃ ca sampradāyaḥ sa naśyati || 89 ||
[Analyze grammar]

yatra me pratimā nāsti nāsti me mandiraṃ ca vā |
nāsti me saṃhitāśāstraṃ sampradāyaḥ sa naśyati || 90 ||
[Analyze grammar]

kathā me satataṃ nāsti santi hṛndyamalāni na |
sevakā nirmalā naiva sampradāyaḥ sa naśyati || 91 ||
[Analyze grammar]

gṛhasthā guravo yatra tyāginaḥ śiṣyakoṭayaḥ |
guravaḥ strījuṣo yatra sampradāyaḥ sa naśyati || 92 ||
[Analyze grammar]

sarvabhogavilāsāśca guruṣveva vasanti cet |
tyāgāṃśo yatra nāstyeva sampradāyaḥ sa naśyati || 93 ||
[Analyze grammar]

guroḥ pṛṣṭhe mahacchidraṃ hṛdaye rākṣasī sthitiḥ |
agre tu grahaṇāndhyaṃ ca sampradāyaḥ sa naśyati || 94 ||
[Analyze grammar]

narā nāryo niḥśvasanti yaṃ yān vai sāmpradāyikān |
teṣāmādhārabhūtaścet sampradāyaḥ sa naśyati || 95 ||
[Analyze grammar]

vidyā vidyālayo nāsti camatkāro na yatra ca |
siddhā yatra na santyeva sampradāyaḥ sa naśyati || 96 ||
[Analyze grammar]

udaraṃbhariṇo yatra śiṣyā dhārmyaśabhakṣakāḥ |
devabhītivihīnāśca sampradāyaḥ sa naśyati || 97 ||
[Analyze grammar]

vākṣvanyad darśane cānyat hṛdaye'nyattu mānave |
tādṛśo yatra kāryāgnyaḥ sampradāyaḥ sa naśyati || 98 ||
[Analyze grammar]

jñāne karmaṇi nāstikyaṃ cā'nṛtaiśvaryadarśanam |
yatrā''dānaṃ vamayitvā sampradāyaḥ sa naśyati || 99 ||
[Analyze grammar]

vidyā śāstraṃ gururdevā ālayā yatra santi na |
sampradāyasya nāśastu druta tatra prajāpate || 100 ||
[Analyze grammar]

tasmāmantrā mayā dattā dīyantāṃ śiṣyavargiṇe |
vidyāṃ śāstraṃ guruṃ devān sthāpayantvarcayantu ca || 101 ||
[Analyze grammar]

evamuktvā''śiṣo datvā vimānaṃ tvadhyarohayat |
jayanādairvādyanādairyantranādaiśca harṣaṇaiḥ || 102 ||
[Analyze grammar]

saha vyomnā sārthayukto yayau krathakarāṣṭrakam |
romāyanenarṣiṇā prārthitaḥ krathakabhūbhṛtā || 103 ||
[Analyze grammar]

rādhike tu tadā vyomni yāntaṃ dṛṣṭvā hariṃ prajāḥ |
āgantavyaṃ rakṣaṇīyā deyaṃ ca darśanaṃ jaguḥ || 104 ||
[Analyze grammar]

iti śrīlakṣmīnārāyaṇīyasaṃhitāyāṃ dvitīye tretāsantāne uralaketurājarṣiyavakrītamaharṣiprajābhyaśca hariṇā svasvarūpajñānaṃ sampradāyaśāśvatikajñānaṃ ca dattamiti nirūpaṇa |
nāmā trisaptatyadhikaśatatamo'dhyāyaḥ || 173 ||
[Analyze grammar]