Chapter 171

śrīkṛṣṇa uvāca |
rādhike tatra nityaṃ vai rātrau janasamājake |
lakṣmīnārāyaṇasaṃhitākathā jāyate śubhā || 1 ||
[Analyze grammar]

sanatkumāro bhagavān svayaṃ vācayati prabhuḥ |
śvetakṛṣṇāyanavyāsaḥ kathāṃ vivecayatyapi || 2 ||
[Analyze grammar]

śvetavyāsasya nāmnā ca śvetāsanaṃ taducyate |
sthalaṃ tīrthasvarūpaṃ tajjñānavijñānadaṃ sadā || 3 ||
[Analyze grammar]

yavakrīto maharṣiśca gāṃgeyo yatra vai sthale |
kṣārasya kavalaṃ bhuktvā tapastepe sudāruṇam || 4 ||
[Analyze grammar]

kṣārakavalasaṃjñaṃ tatpāvanaṃ tīrthamuttamam |
tatra sthalyāṃ samabhavat prasiddhaṃ mokṣadaṃ sadā || 5 ||
[Analyze grammar]

tannāmnā sa pradeśo'pi śatayojanavistṛtaḥ |
kṛṣṇavārdhipraparyantaṃ nistārāṃ yāvadeva ha || 6 ||
[Analyze grammar]

yavakrītaḥ prasiddho'bhūt niṣṭhāparātaṭāśrayaḥ |
yavakrīto maharṣiḥ sa vedakarmaparāyaṇaḥ || 7 ||
[Analyze grammar]

ekādaśyāṃ tu madhyāhne bālakṛṣṇaṃ jagāda ha |
hare'bhijinmuhūrte'tra pūrṇāhutīḥ pradehi vai || 8 ||
[Analyze grammar]

lomaśastattathā śrutvā'numatyā śrīharestathā |
dadau pūrṇāhutīstatra parabrahmātmavahnaye || 9 ||
[Analyze grammar]

tāmbūlaphalapūgīphalā'kṣataghṛtakāni ca |
śrīphalaṃ ca sruve kṛtvā dadau pūrṇāhutīrhariḥ || 10 ||
[Analyze grammar]

oṃ samudrāditimantrān pūrṇādarvītibodhitān |
ṛṣibhirvācyamānāṃśca śrutvā pūrṇāhutīrdadau || 11 ||
[Analyze grammar]

idamagnaye vaiśvānarāya vasurudrādityebhyaḥ |
śatakratave adbhyaśca namama |
idaṃ tridivebhya īśebhyo'vatārebhyaḥ śaktibhyaḥ |
parabrahmaṇe svāhā namama || 12 ||
[Analyze grammar]

idaṃ saptatalasthebhyo bhūsthebhyaścaturbhyo |
jaḍacetanebhyaḥ svāhā namama |
idaṃ saptasvarbhyaścāṣṭāvṛtisthebhya |
īśānāntebhyo dhāmibhyaḥ svāhā namama || 13 ||
[Analyze grammar]

idaṃ ca brahmaṇe svāhā svāhā ca parabrahmaṇe |
ekasmai cā'dvitīyāya mahyaṃ svāhā ca oṃ namama || 14 ||
[Analyze grammar]

ityuktvā śrībālakṛṣṇo mahāpūrṇāhutīrdadau |
śrīphalāni hyasaṃkhyāni sahasraghṛtadhārikāḥ || 15 ||
[Analyze grammar]

candanāni samidhaśca miṣṭamahāhutīrdadau |
sākṣādanādibhagavān pratyakṣo vahnimaṇḍale || 16 ||
[Analyze grammar]

pratyahāt saviśeṣeṇa hasan jagrāha cāhutīḥ |
sarvakuṇḍeṣu ca tadvajjagrāha yugalārpitāḥ || 17 ||
[Analyze grammar]

dakṣiṇāśca tadā'saṃkhyāḥ svarṇamayīrdadau prabhuḥ |
maṇimauktikahīrādīn ratnāni vividhānyapi || 18 ||
[Analyze grammar]

evaṃ pūrṇāhutīrhutvā viprāstu vedapāragāḥ |
āśīrvādān dadustatra yajamānāya mantrakaiḥ || 19 ||
[Analyze grammar]

śāntighaṭodakairviprāḥ kuśadūrvā''mrapallavaiḥ |
punantvityādibhiścābhiṣiñcāma iti vādinaḥ || 20 ||
[Analyze grammar]

tataḥ śāntipravācaścocire viprāḥ samantataḥ |
dakṣiṇāśca punaḥ prāptāḥ svastivāco jagustadā || 21 ||
[Analyze grammar]

hutāśanādidevāṃśca nijasthānavidāyakam |
dadurviprāḥ pūrṇatāyā vācastato'vadan sukhāḥ || 22 ||
[Analyze grammar]

yajñaprasādaṃ sarvebhyaścarujaṃ padmarekhayā |
vṛddhiṃ yāntaṃ cā'vyayaṃ ca dadau kṛṣṇanarāyaṇaḥ || 23 ||
[Analyze grammar]

koṭyabjarūpadhārī ca dadau sarvatra mādhavaḥ |
vinā caruprasādaṃ vai kaścittadā na śiṣyate || 24 ||
[Analyze grammar]

antarīkṣe'mbare vyomni jale sthale vane kṣitau |
gahvare prāntake bhāge'raṇye vṛkṣe ca parvate || 25 ||
[Analyze grammar]

vimāne vāhane yāne naukāyāṃ śikhare'pi ca |
asaṃkhyarūpadhṛkkṛṣṇo dadau caruprasādakam || 26 ||
[Analyze grammar]

tato vai bhojayāmāsa sarvān vai mahīmānakān |
prāghūṇikān mahāmuktān muktān dhāmāni dhāminaḥ || 27 ||
[Analyze grammar]

brahmapriyāśca muktānī rādhāramādikāstathā |
avatārān sarvanārāyaṇān śrīparameśvarān || 28 ||
[Analyze grammar]

vyūhān prakṛtipālāṃśca kālapuruṣakeśvarān |
vairājān bhūmasaṃjñāṃśca mahāviṣṇugaṇāṃstathā || 29 ||
[Analyze grammar]

tridevānāvaraṇeśān tatpatnīdāsikāstathā |
bhṛtyāṃśca pārṣadāṃścāpi pārṣadānīḥ samantataḥ || 30 ||
[Analyze grammar]

bhojayāmāsa bhagavān brahmasṛṣṭīśasṛṣṭijān |
tataḥ siddhānṛṣīn sādhūn pitṝn satīśca yoṣitaḥ || 31 ||
[Analyze grammar]

pañcasvargasthitān sarvān devān devīḥ kuṭumbinaḥ |
brahmacārigaṇāṃścāpi dikpālān lokapālakān || 32 ||
[Analyze grammar]

trayastriṃśaddevatāśca bhuvarlokanivāsinaḥ |
bhūlokasthān catuḥkhanijīvān jaḍāṃśca cetanān || 33 ||
[Analyze grammar]

saptapātālasaṃsthāṃśca bhojayāmāsa mādhavaḥ |
surā'suragaṇān sarvān kāśyapeyāṃśca mānavān || 34 ||
[Analyze grammar]

brahmasṛṣṭān sthiracarān guṇakarmatadāśritān |
tadāśrayāṃśca bhagavān bhojayāmāsa vai kratau || 35 ||
[Analyze grammar]

adyā'haṃ bhagavānasmi bhojayāmi ca nirguṇam |
ekādaśīdine cāpi phalavat sarvameva me || 36 ||
[Analyze grammar]

matspṛṣṭaṃ nirguṇaṃ sarvaṃ bhuñjantu bhāvato'khilāḥ |
bhojanaṃ vai vrataṃ tvadya madicchayaiva jāyatām || 37 ||
[Analyze grammar]

ityevaṃ bhagavānāha bālakṛṣṇastu rādhike |
sarvān saṃbhojya ca tataḥ svayaṃ pitrā yutastathā || 38 ||
[Analyze grammar]

bhrātṛbhiśca kuṭumbena saha bhojanamādade |
mātā ca mātaraścānyā svasā santoṣiṇī tathā || 39 ||
[Analyze grammar]

brahmapriyāśca vai sarvāḥ kuṭumbaṃ bubhuje tadā |
tāmbūlaṃ prāpya ca sarve viśrāmaṃ cakrurīśvarāḥ || 40 ||
[Analyze grammar]

tato vādyānyavādyanta hyagāyanta ca gītikāḥ |
avabhṛthāplavanārthaṃ sarve vai yatnino'bhavan || 41 ||
[Analyze grammar]

niṣṭhāparāprapīṭhāyāḥ saṃgame'nantamānavāḥ |
devā muktā īśvarāścāvatārāḥ śaktayo'khilāḥ || 42 ||
[Analyze grammar]

sṛṣṭitrayanivāsāścarṣayaḥ satyaśca sādhavaḥ |
prayayurbhagavān sarveśvareśvareśvareśvaraḥ || 43 ||
[Analyze grammar]

padbhyāṃ jagāma sahito maharṣibhiśca kīrtitaḥ |
vedamantraiḥ stūryamāno'vabhṛthārthaṃ nadītaṭam || 44 ||
[Analyze grammar]

tasthau ca saṃgame bālakṛṣṇanārāyaṇaḥ prabhuḥ |
saṃkalpaṃ kārayāmāsa lomaśastu purātanaḥ || 45 ||
[Analyze grammar]

caturmukhā'jabrahmāṇḍe sṛṣṭyāraṃbhe kṛtāntage |
prathame paryaye śrīmatkāṃbhareye narāyaṇe || 46 ||
[Analyze grammar]

vartamāne vatsare ca caturdaśe'tra bhūtale |
sarvādyanararūpe'sminnavatāriṇi vartati || 47 ||
[Analyze grammar]

śrāvaṇe śuklapakṣīyaikādaśyāṃ sūryavāsare |
niṣṭhāparāprapīṭhāsaṃgame yajñāntakaṃ tvidam || 48 ||
[Analyze grammar]

avabhṛthātmakaṃ snānaṃ sarvapāpaviśodhakam |
adhvare nāntarīyakāghānāṃ kṣālanaśaktikam || 49 ||
[Analyze grammar]

sarvapuṇyapradaṃ sarvā'jñātakalmaṣavārakam |
sūkṣmajantubījakāṣṭhakaṇapuṣpakalārpaṇe || 50 ||
[Analyze grammar]

vahnau samarpaṇe bhūmeḥ śodhane maṇḍapakṛtau |
rasaśālāsthale cūllyāṃ kaṇḍanyāṃ jalakuṃbhake || 51 ||
[Analyze grammar]

peṣaṇyāṃ mārjane cāpi patradalāvabhedane |
durītaṃ pratyavāyādi yatkiṃcijjātamityapi || 52 ||
[Analyze grammar]

tasya nāśakaraṃ snānaṃ kṛṣṇanārāyaṇaḥ prabhuḥ |
yajñakarmaprapūrtyarthaṃ suraprasannatārthakam || 53 ||
[Analyze grammar]

paramā'pūrvapuṣṭyarthaṃ tvavabhṛthāplavātmakam |
snānaṃ sṛṣṭitrayopetaḥ karomyadya ca oṃ namaḥ || 54 ||
[Analyze grammar]

iti kṛtvā susaṃkalpaṃ bhagavān puruṣottamaḥ |
rādhike sa jale magno'bhavannirgavai punaḥ || 55 ||
[Analyze grammar]

snānāṃgaṃ tarpaṇaṃ cakre smṛtvā sṛṣṭitrayaṃ tadā |
śarīre mardanaṃ cakre tilapiṣṭena vai tadā || 56 ||
[Analyze grammar]

āmalakīphalacūrṇaistīrthamṛdā ca bhasmanā |
yajñakuṇḍīyakenaiva haridrācūrṇakena ca |
candanena ca kastūryā yavapiṣṭādinā tathā || 57 ||
[Analyze grammar]

pañcaraṃgaistathā cūrṇaiḥ sarvauṣidhībhirityaṃpi |
pañcagavyena ca tathā suvarṇatīrthavāriṇā || 58 ||
[Analyze grammar]

brahmakamaṇḍaludvārā'bhiṣedhavidhinā tadā |
saṃmṛdya sarvacūrṇāni cakre snānamavabhṛtham || 59 ||
[Analyze grammar]

yadā snāto mahārājastadā tatra tu sāgarāḥ |
brahmahradaḥ sudhāsindhurvirajā ca mahājalam || 60 ||
[Analyze grammar]

nārā āpastathā nadyo nadāḥ sarāṃsi dīrghikāḥ |
vyomavāri tathā meghā jalaṃ divyaṃ ca pāṇḍuram || 61 ||
[Analyze grammar]

vāruṇaṃ ca mahātīrthaṃ mahābhūtajalaṃ tathā |
sādhidaivāni sarvāṇi tīrthāni tatra cāyayuḥ || 62 ||
[Analyze grammar]

snapayāmāsuratyarthaṃ bhagavantaṃ hi dhārayā |
muktā dhāmānyavatārā avatāriṇya ityapi || 63 ||
[Analyze grammar]

śaktaya īśvarā īśvarāṇyo brahmapriyāstathā |
pitaro devadeveśāḥ ṛṣayaḥ siddhasādhavaḥ || 64 ||
[Analyze grammar]

āśramāḥ sarvavarṇāśca narā nāryo napuṃsakāḥ |
jarāyūjāścāṇḍajāścodbhijjāḥ svedajajātayaḥ || 65 ||
[Analyze grammar]

daityāśca dānavā yakṣā rākṣasā vahnayastathā |
pārthivāśca jalīyāśca taijasā vāyudehinaḥ || 66 ||
[Analyze grammar]

gaganīyāstalavāsāścetanāśca jaḍāstathā |
sarve sasnustatra tīrthe'vabhṛthe puṇyavāridhau || 67 ||
[Analyze grammar]

divyayoge divyaguṇe nirguṇe divyakāriṇi |
puṣpacandanavṛṣṭiśca tadā tatrā'bhavacchubhā || 68 ||
[Analyze grammar]

ākāśād devaguravaḥ pāvanānyavadaṃstadā |
pāvayantu parabrahma brahmā'kṣaranivāsinaḥ || 69 ||
[Analyze grammar]

dhāmadhāmasthitā bhaktā bhakteśvarā'vatāriṇaḥ |
avatārāḥ pārṣadāśca pāvayantu tatheśvarāḥ || 70 ||
[Analyze grammar]

īśvarāṇyo mahāsatyaḥ pāvayantu sureśvarāḥ |
yajamānaṃ yajamānān pāvayantu maharṣayaḥ || 71 ||
[Analyze grammar]

svabhāvapāvanaṃ devaṃ mahānārāyaṇaṃ surāḥ |
pāvayantu ca tīrthāni cāvabhṛthā''gatāni vai || 72 ||
[Analyze grammar]

gaṃgā cerāvatī menakāṃgī ca brahmaputrikā |
aṃgaśikṣāṃgikā harāṃgahā āyūrikā tathā || 73 ||
[Analyze grammar]

bīnā yāneśvarī caubī sindhuścoralikā tathā |
valgurniṣṭhāparā dīnā dinapādyāḥ saridvarāḥ || 74 ||
[Analyze grammar]

nārāyaṇī naṣṭajarā karmāṃgī jāmbujā nadī |
murā ca kāruliṃgā ca parīnā āmajānikā || 75 ||
[Analyze grammar]

miśrasurī mahākāñjī yūkāsanā saridvarā |
etāścānyā mahānadyaḥ pāvayantu makheṣṭinaḥ || 76 ||
[Analyze grammar]

aśvapaṭṭaṃ puṣkaraṃ mānasaṃ nārāyaṇaṃsaraḥ |
pampāsaraścendradyumnasaro brahmasarovaram || 77 ||
[Analyze grammar]

śaṃbhulaṃ ca saraścilaṃsaraḥ kolārakaṃsaraḥ |
mākamānasaro bālāsaraśca māṅgirāsaraḥ || 78 ||
[Analyze grammar]

lābharucisaraḥ saraḥ kuvanaṃ grāgiraṃ saraḥ |
ārasarasturusaro gairānarasarastathā || 79 ||
[Analyze grammar]

suśīlaṃ ca saro mīnakaṅūsarastathā śubham |
bālakṛṣṇasaraścāpi dvikalaṃ ca sarovaram || 80 ||
[Analyze grammar]

yugalaṃ ca sarastryaṃginarasarovaraṃ tathā |
phulamaṇḍasaraścāpi lurāsaṃ ca sarastathā || 81 ||
[Analyze grammar]

maśakelasaraścāpi jayeśānasarastathā |
udvaśaṃ ca saraścāpi yonigaṃ ca sarastathā || 82 ||
[Analyze grammar]

leṇḍugaṃ ca saraścāpi pāyūśaṃ ca sarovaram |
tūnāyaṃ ca rukmavāsam āvālaṃ ca rudanphalam || 82 ||
[Analyze grammar]

viśturīyasaraścāpi ālavārtaṃ sarastathā |
itivarttaṃ saraḥ kimvāsaraśca tuṃgayānikam || 84 ||
[Analyze grammar]

mādhuraṃ vāgviyālaṃ ca saro nyāsajayātmakam |
śirovaṃ caṇḍasaṃjñaṃ ca grātavīraṃ sarastathā || 85 ||
[Analyze grammar]

grātaślavasaraścāpi arthavāsaṃ sarastathā |
vinipāraṃ saraścāpi suparīyārakaṃ tathā || 86 ||
[Analyze grammar]

klinnavārisaraścāpi itīśaṃ sarovaram |
śoṇabhadranadaścāpi ghargharānada ityapi || 87 ||
[Analyze grammar]

sāgarāścāpi sarve'tra pāvayantu ca dehinaḥ |
punantu devasaritaḥ punantu tīrthakoṭayaḥ || 88 ||
[Analyze grammar]

merurmandaraśailaśca himādriryuralastathā |
kārukarmā patatkāyo raivatādriḥ punantu vaḥ || 89 ||
[Analyze grammar]

ityevaṃ ca śatakrośe saritsāgaravāriṣu |
sasnuḥ sarve ca rājāno makheṣu yajamānakāḥ || 90 ||
[Analyze grammar]

tatra tatraikapuruṣo divyastu sūryabhāsvaraḥ |
nadyostu saṃgamāttatra samutpanno hariryathā || 91 ||
[Analyze grammar]

haste sauvarṇapātre ca dadhan candanakākṣatān |
puṣpamālāṃ ca mukuṭaṃ bālakṛṣṇaṃ samāyayau || 92 ||
[Analyze grammar]

pūjayāmāsa vidhinā candrakaṃ pracakāra saḥ |
harerbhāle'kṣatādraiḥ kuṃkumacandanakardamaiḥ || 93 ||
[Analyze grammar]

dadau tu mukuṭaṃ kṛṣṇamastake mālikāṃ gale |
cakāra daṇḍavattatra bālakṛṣṇaṃ jagāda ha || 94 ||
[Analyze grammar]

sarveṣāṃ śṛṇvatāṃ meghanādagambhīrayā girā |
avabhṛtho'haṃ puruṣo yamaputro'smi śāśvataḥ || 95 ||
[Analyze grammar]

sarveṣṭivaiṣṇavo yajñaḥ pūrṇo'yaṃ pūrṇapuṇyadaḥ |
ahaṃ puṣṭiṃ gato'smyadya sarvatīrthāgamādiha || 96 ||
[Analyze grammar]

atra snānaṃ prativarṣaṃ kurvāṇānāṃ tu śāśvatam |
mokṣapadaṃ niścitaṃ syānnārāyaṇakṛpālavāt || 97 ||
[Analyze grammar]

sarve bhavantu sukhinaḥ śriyā dravyaiśca sampadā |
ārogyeṇa kuṭumbādyai rasairbhogyaiḥ prapūritāḥ || 98 ||
[Analyze grammar]

yoginaḥ kṣemiṇaścāpi bhavantu siddhidhāriṇaḥ |
narāḥ nāryaḥ samastāśca ye'tra makhe samāgatāḥ || 99 ||
[Analyze grammar]

bhuktimuktikṛtāhlādā bhavantu harisadṛśāḥ |
ityuktvā ca jalaṃ tvavabhṛthau papau hi rādhike || 100 ||
[Analyze grammar]

tāvajjalātsamutpannā kumārī candrabhāsvarā |
surūpā sarvaśobhāḍhyā puṣṭā campakaśobhanā || 101 ||
[Analyze grammar]

yogyā prasannā sumukhī lakṣmītulyā sabhūṣaṇā |
haste pātraṃ pūjanārhadravyayuktaṃ ca bibhratī || 102 ||
[Analyze grammar]

akṣatādyaiḥ parameśaṃ bālakṛṣṇaṃ pupūja sā |
tāṃ dṛṣṭvā mumuhuḥ sarve koṭiśo mānavā api || 103 ||
[Analyze grammar]

devā daityāḥ ṛṣayaśca pitaro dehadhāriṇaḥ |
bālakṛṣṇaṃ hariṃ natvā pūjayitvā jagāda sā || 104 ||
[Analyze grammar]

ahaṃ tṛptiḥ śāśvatī ca havyaputrī bhavāmi ca |
yajñe'tra sarvahavyebhyo mama janmā'sti puṇyavat || 105 ||
[Analyze grammar]

kumāryahaṃ susantuṣṭā jātā'smi ca śubhāśiṣā |
yunajmi vo bhavanto'tra bhavantu sukhinaḥ sadā || 106 ||
[Analyze grammar]

mama saubhāgyadātāro bhaviṣyanti subhāginaḥ |
śrīharistāṃ tadā prāha varaṃ yācasva kanyake || 107 ||
[Analyze grammar]

kanyā prāha varaṃ dehi varaścāvabhṛtho hi me |
śrīharirdrāk vicāryaiva dānakāle hyavabhṛtham || 108 ||
[Analyze grammar]

kumāraṃ taṃ samāhūya kare dhṛtvā kumārakam |
kanyāyai cārthitavatyai cārthayantaṃ kumārikām || 109 ||
[Analyze grammar]

dadau kumāryai dānaṃ ca vidhinā dānavit prabhuḥ |
kumāradānaṃ pradadau kumāryai bhagavān prabhuḥ || 110 ||
[Analyze grammar]

kumāro ratnahāraṃ ca kumāryai ca samārpayat |
evaṃ vivāhavidhinā kumāradānamāpya sā || 111 ||
[Analyze grammar]

kumārī saubhāgyavatī kumāraḥ subhago'bhavat |
ketumāle tadārabhya kumāradānamuttamam || 112 ||
[Analyze grammar]

nārī pradhānabhūtā ca kumāro nāryadhīnakaḥ |
nārīvarcasvamevā'pi narasya pāravaśyatā || 113 ||
[Analyze grammar]

avabhṛthakṛtaṃ jātaṃ nāryai samarpaṇaṃ sadā |
nārīrājyaṃ hi tatsarvaṃ tanmāhātmyena vidyate || 114 ||
[Analyze grammar]

ityevaṃ naradānākhyaṃ saṃgame snānasaṃgame |
utsave tatra kṛtvaiva niryayuśca jalād bahiḥ || 115 ||
[Analyze grammar]

sarve vai snānakartārastāvattu dampatīdvayam |
nṛtyaṃ kurvat prasannaṃ ca jalāntare vyalīyata || 116 ||
[Analyze grammar]

ityevaṃ lokayāmāsurmahāścaryaṃ makhārthinaḥ |
dadau dānāni ca tadā koṭiśo mānavādayaḥ || 117 ||
[Analyze grammar]

kanyābhyaḥ koṭisaṃkhyābhyaḥ kumārāṇāṃ yathākṛtam |
kanyakāstu tadā prāpya kumārān vararūpiṇaḥ || 118 ||
[Analyze grammar]

koṭiśastatra sañjātāḥ saubhāgyabhāgyaśobhitāḥ |
evaṃ kumāradānaṃ vai vivāhe tatra cādyajam || 119 ||
[Analyze grammar]

abhavat tat sadā tatra vidyate śāśvato vidhiḥ |
kumāraiśca samaṃ pṛthvīgṛhagosvarṇadānakam || 120 ||
[Analyze grammar]

dadurvai pitarasteṣāṃ vadhūṭībhyo mudānvitāḥ |
evaṃ cāvabhṛthaṃ kṛtvā datvā dānāni koṭiśaḥ || 121 ||
[Analyze grammar]

svaṃ svaṃ sthānaṃ yayuḥ sarve viśaśramuśca mandire |
vāditrāṇāṃ ninādāśca tadā śāntimupāgaman || 122 ||
[Analyze grammar]

ityevaṃ rādhike mahāścaryaṃ yatte niveditam |
śravaṇātpaṭhanādasya smaraṇācchrāvaṇādapi || 123 ||
[Analyze grammar]

avabhṛthaphalaṃ prāpya kumāradānajaṃ phalam |
labhet bhuktiṃ tathā muktiṃ saubhāgyaṃ śāśvataṃ labhet || 124 ||
[Analyze grammar]

itiśrīlakṣmīnārāyaṇīyasaṃhitāyāṃ dvitīye tretāsantāne pratyakṣaharirmahāpūrṇāhutīrjagrāha sarveṣāṃ bhojanāni avabhṛthasnānaṃ avabhṛthātmakakumāraprākaṭyam tṛptirūpakumārī |
prākaṭyam kumāryai varaṃ yācamānāyai avabhṛthākhyasya kumārasya dānam vivāhavidhau kumāradānāni mahādānāni svasvasthāneṣu viśrāntiścetyādinirūpaṇanāmaikasaptatyadhikaśatatamo'dhyāyaḥ || 171 ||
[Analyze grammar]