Chapter 166

śrīrādhikovāca |
kathaṃ kadā samutpannā gaṃgāyāṃ bālabālikāḥ |
tatsarvaṃ me vada kṛṣṇa śrotumicchāmi tattvataḥ || 1 ||
[Analyze grammar]

śrīkṛṣṇa uvāca |
vṛkāyanādibhiḥ pṛṣṭāste sarve'pi tathaiva tu |
vṛttāntaṃ jagaduḥ sarve yathābhūtaṃ vadāmi te || 2 ||
[Analyze grammar]

ekadā khalu goloke rādhayā cārthitastvayā |
śrīkṛṣṇo'hamapatyārthaṃ mayā saṃkalpitastadā || 3 ||
[Analyze grammar]

vikuṇṭhākhyā tadā putrī putrāśca saptasāgarāḥ |
utpādyaiva pradattāste tvamabhūstuṣṭamānasā || 4 ||
[Analyze grammar]

tvāmapatyavatīṃ dṛṣṭvā gaṃgā tvapatyavarjitā |
apatyecchāvatī jātā'patyāni cārthayacca mat || 5 ||
[Analyze grammar]

mayā putryaḥ śubhā dattā yāvatyastvabhivāñcchitāḥ |
aṣṭāviṃśatisaṃkhyākāstadā toṣamupāgatā || 6 ||
[Analyze grammar]

athaicchat sā kumārāṃśca mayā pañcā'rpitāstadā |
tathāpi naiva santuṣṭā catvāraśca tato'rpitāḥ || 7 ||
[Analyze grammar]

athāpi toṣaṃ naivā''ptā punarviṃśatibālakāḥ |
mayā dattā tadā toṣaṃ hyavāpaicchattathāpi sā || 8 ||
[Analyze grammar]

apatyāni tadā trīṇi mayā'rpitāni tatkṣaṇāt |
evaṃ mayā tu gaṃgāyai goloke ṣaṣṭibālakāḥ || 9 ||
[Analyze grammar]

saṃkalpayogajā dattāstadā sā toṣamāpa ha |
yadā sā'vātaralloke tadā'patyayutā tu sā || 10 ||
[Analyze grammar]

samāgatā snehayuktā'patyānyādhāya vai saha |
golokāt sā prathame tu vaikuṇṭhe samavātarat || 11 ||
[Analyze grammar]

tato jalasyā''varaṇe vaikuṇṭhe tu dvitīyake |
tato viṣṇupādabhūtā satyaloke hyavātarat || 12 ||
[Analyze grammar]

brahmaṇā rakṣitā satye loke'bhiṣekavāñcchayā |
kamaṇḍalau dhṛtā nityaṃ samūrtā svagṛhe'pi ca || 13 ||
[Analyze grammar]

kāryakāraṇarūpaiva brahmavāse virājate |
bhagīrathaprayatnena kāryakāraṇarūpiṇī || 14 ||
[Analyze grammar]

arpitā sāgaramuktyai bhagīrathāya vedhasā |
sampunānā maharṣīṃśca pitṝn devāṃśca vāyujān || 15 ||
[Analyze grammar]

merumārgeṇa sā devī nyapatad rudramastake |
śaṃbhunā svajaṭāyāṃ sā dhṛtā tatra layaṃ gatā || 16 ||
[Analyze grammar]

tadā mātrā copadiṣṭā ṣaṣṭibālā himālayam |
śaṃbhusthānaṃ parityajya dūraṃ bhayād yayurdrutam || 17 ||
[Analyze grammar]

indukuśaṃ kaśyapābdhiṃ tyaktvā kiṃpuruṣaṃ tathā |
yayuḥ khaṇḍāntare yatra nirbhayāstasthureva te || 18 ||
[Analyze grammar]

ketumāle kṛtasthānā nyavasaṃste yathāmatam |
gāṃgeyāste kumārāśca kumāryaḥ ṣaṣṭisaṃkhyakāḥ || 19 ||
[Analyze grammar]

pratīkṣante sma bhagavatpādapadmaṃ sukhasthitāḥ |
ārādhayanti sma hariṃ smaranti mātaraṃ sadā || 20 ||
[Analyze grammar]

teṣāṃ mano'bhilaṣitaṃ pūrayituṃ pareśvaraḥ |
preṣayāmāsa śatakaṃ bhaktānāṃ miṣamātrakam || 21 ||
[Analyze grammar]

tanmiṣeṇa svayaṃ kṛṣṇanārāyaṇaḥ pareśvaraḥ |
rādhike mūrtirūpeṇa vimāne gocaro'bhavat || 22 ||
[Analyze grammar]

teṣāṃ saṃkalpasiddhyarthaṃ yajñaṃ kartumiyeṣa saḥ |
ato datvā vacastatra punaścāntaradhīyata || 23 ||
[Analyze grammar]

śṛṇu kanyakānāmāni kumāranāmakāni ca |
tiṣṭhanti mūrtimantaśca tiṣṭhanti kṛtakāni ca || 24 ||
[Analyze grammar]

jyeṣṭhā kanyā valgunāmnī niṣṭhāparā dvitīyakā |
nistārā ca pṛthā cāpi dinapā sevikā tathā || 25 ||
[Analyze grammar]

saptamī cendirā gavādakavitā'ṣṭamī matā |
rāhūnā navamī gavādayānā daśamī tathā || 26 ||
[Analyze grammar]

trigrāsā dūrikā mitrā gurūnā lavavārikā |
senā sthāyinī cālpāpā hyaṣṭādaśī matā hi sā || 27 ||
[Analyze grammar]

audarī viṣatulyā ca prapīṭhā niyamānikā |
dūnā trinayā ca hīnā pācaurā kāmikā tathā || 28 ||
[Analyze grammar]

donā'ṣṭāviṃśatitamā kanyāḥ proktāḥ kumārikāḥ |
bālatrikastathā śvetaḥ kṛṣṇaśca kaśyapābhidhaḥ || 29 ||
[Analyze grammar]

ājavaḥ pañcamaśceti jyeṣṭhā vai bhrātarastvime |
tataścatvāra evā''san bhrātarastān vadāmi te || 30 ||
[Analyze grammar]

parījo'lpaścāpyāyanaḥ kṛpāsthalaścaturthakaḥ |
tato viṃśatiḥ sañjātāḥ śṛṇu nāmnā vadāmi te || 31 ||
[Analyze grammar]

yavakrītastathā romāyanaśca yugaśāvakaḥ |
valgurāyo girīśaśca ṣaṣṭhaśceṣṭalavo mataḥ || 32 ||
[Analyze grammar]

sveṣṭajaraḥ pherunasaḥ pūrtagaṇḍaḥ supānakaḥ |
phalāśano vallijīvo jarāmaunastrayodaśaḥ || 33 ||
[Analyze grammar]

pālanādo lātavāyaḥ phālanādastu ṣoḍaśaḥ |
svādvadano nāraravo lepanādaśca kolakaḥ || 34 ||
[Analyze grammar]

ete viṃśatisaṃkhyā vai kṛṣṇatulyāḥ parākrame |
tatastrīṇi ca jātāni hyapatyāni tu nāmataḥ || 35 ||
[Analyze grammar]

pāyupaśyaṃ leṇḍugaṃ ca yonigaṃ ceti ṣaṇḍhakam |
evaṃ ṣaṣṭiḥ sahajānāṃ rādhike divyavaibhavā || 36 ||
[Analyze grammar]

vartate vaiṣṇavī kṛṣṇanārāyaṇārpaṇakriyā |
yatra yatra tu yaścāste tattannāmnā sthalādikam || 37 ||
[Analyze grammar]

tattattataḥ prasiddhiṃ cā'gamat tadadhidaivatam |
ta ete ṣaṣṭibālā vai gāṃgeyāśca vṛkāyanam || 38 ||
[Analyze grammar]

prārthayāmāsuratyarthaṃ bhramituṃ nijadeśakān |
punarvimānamāruhya sarve te śatameva tu || 39 ||
[Analyze grammar]

ṣaṣṭyā saha vimānena niryayurbhramituṃ tadā |
prādakṣiṇyakrameṇaiva vyomnā pūrvakrameṇa ca || 40 ||
[Analyze grammar]

tattaddeśānavatīrya gāṃgeyānāṃ pravāñcchayā |
pāvanān vai prakurvantaḥ kurvanto bhajanaṃ hareḥ || 41 ||
[Analyze grammar]

ṣaṣṭisthalāni saṃvīkṣya kṛtvotsavāṃśca tatra ca |
śrāvayitvā harernāma nṛpān nṝṃśca muhurmuhuḥ || 42 ||
[Analyze grammar]

punastatrā''yayuḥ sarve donā''javābdhisaṃgamam |
nyūṣuḥ sukhena te sarve kīrtayanto hareḥ kathām || 43 ||
[Analyze grammar]

gāṃgeyāḥ prāhurevaitān vṛkāyanādikān punaḥ |
kadā'nādikṛṣṇanārāyaṇaḥ sākṣāddhariḥ svayam || 44 ||
[Analyze grammar]

āgamiṣyati yajñārthaṃ kadā dṛṣṭyāmavāpsyate |
deśeṣvatra prajāḥ sarvāḥ pratīkṣante samutsavam || 45 ||
[Analyze grammar]

vṛkāyana maharṣe tvaṃ prayāhi śrīhariṃ prati |
śīghraṃ yathā bhavedyajñastathā'rthayitumarhasi || 46 ||
[Analyze grammar]

ityuktaḥ siddhimān divyo vṛkāyanaḥ samādhinā |
drutaṃ prāṇān sanniruddhya brahmarandhramupāgataḥ || 47 ||
[Analyze grammar]

niryayau yogarītyaiva cāyayāvāśvasārasam |
natvā devaṃ bālakṛṣṇaṃ cārthayāmāsa hṛdgatam || 48 ||
[Analyze grammar]

śrutvā śrībhagavānāha śrāvaṇe śuklapakṣake |
pañcamyāṃ tu makhaḥ kāryaścaikādaśyāṃ samāptimān || 49 ||
[Analyze grammar]

tato deśeṣu sarvatra sthāne sthāne tu rājasu |
gantavyaṃ bhādramāse vai āśvine kṛṣṇapakṣake || 50 ||
[Analyze grammar]

yāhi tvaṃ ca pradeśeṣu tathā prakāśanaṃ kuru |
yathā yajñasya samayaṃ jānīyurjanatāḥ prajāḥ || 51 ||
[Analyze grammar]

sāmagrīścāpi gāṃgeyairmilitvā sañcitāḥ kuru |
idaṃ sudarśanaṃ cakraṃ saha nītvā prayāhi me || 52 ||
[Analyze grammar]

preṣaya vyomamārgeṇa taddeśeṣu samantataḥ |
bhramitvā ca muhuryatra bhūmau viśrāntimācaret || 53 ||
[Analyze grammar]

tatra yajñaḥ prakartavyastatsthalaṃ saṃskṛtaṃ kuru |
prakāśitaṃ sthalaṃ tacca vimānena punardinam || 54 ||
[Analyze grammar]

bhramitvā'mbaramārgeṇa prasūcitaṃ vidhāpaya |
ahaṃ vimānamārgeṇa śrāvaṇe'hni tṛtīyake || 55 ||
[Analyze grammar]

śukle devaiḥ kuṭumbādyairmaharṣibhiśca śaktibhiḥ |
saha nītvā samāyāsye madhyāhnottarameva ha || 56 ||
[Analyze grammar]

ityājñapto maharṣiśca sudarśanena śobhitaḥ |
yogaiśvaryeṇa sahasā donā''javābdhisaṃgamam || 57 ||
[Analyze grammar]

yayau prātaśca vṛttāntaṃ sarvebhyo'kathayacchubham |
ṣaṣṭibālāḥ prasannāste'bhavad śrutvā'cyutāgamam || 58 ||
[Analyze grammar]

prātaḥkṛtyāni nirvartya sarvavādyaiśca kīrtanaiḥ |
sarve vimānamāruhya māṃgalyasūcanāya te || 59 ||
[Analyze grammar]

vyomnā prāguktakramaśaḥ sudarśanena saṃyutāḥ |
yajñabhūmernirṇayārthaṃ kīrtayanto viniryayuḥ || 60 ||
[Analyze grammar]

ekavāraṃ mahaccakraṃ bhramitvā''lokya bhūmikāḥ |
pradarśayat svakaṃ tejomaṇḍalaṃ sūryasadṛśam || 61 ||
[Analyze grammar]

sahasrāraṃ sudurlakṣyaṃ kiñcillakṣyaṃ prabhāvinām |
hṛdayeṣu prajānāmāścaryaṃ cājanayanmahat || 62 ||
[Analyze grammar]

kautūhalaṃ vyadadhācca divyabhāvaṃ nyadhāpayat |
evaṃ tu bhrāmaṇe jāte prajāścāsan suvihvalāḥ || 63 ||
[Analyze grammar]

draṣṭuṃ punaśca taccakraṃ vimānaṃ sūryavarcasam |
atha cakraṃ punastena vimānena samaṃ bhuvam || 64 ||
[Analyze grammar]

nirṇetuṃ prāsarat śīghraṃ prasannaṃ janayat sukham |
niṣṭhāparāprapīṭhāsaṃgame śāntamavātarat || 65 ||
[Analyze grammar]

uttarasyāṃ kṣitau rāsāyanāraṇyasuśobhite |
paritaḥ sarvadeśānāṃ samamadhye subhūtale || 66 ||
[Analyze grammar]

vilokya śrīhareḥ sudarśanāvataraṇaṃ kṣitau |
vimānaṃ saṃgame tatrā'vā'tārayan maharṣayaḥ || 67 ||
[Analyze grammar]

vṛkāyano nīlakarṇo yavakrītastathā'pare |
viśramya bhūmikāṃ divyāṃ vīkṣya ramyāṃ makhārhikām || 68 ||
[Analyze grammar]

praśaśaṃsuḥ prasannāścā'bhavan gāṃgeyakādayaḥ |
athodghoṣayituṃ sthānaṃ dinaṃ yajñaṃ ca te tataḥ || 69 ||
[Analyze grammar]

savādyakīrtanagītāḥ vimāne cā'mbare'bhavan |
prādakṣiṇyakrameṇaiva śaṃkhavādanapūrvakāḥ || 70 ||
[Analyze grammar]

paṭahān nādayantaśca gāyantaḥ kīrtanāni ca |
harekṛṣṇa bālakṛṣṇa ramākṛṣṇa harehare || 71 ||
[Analyze grammar]

padmajāśrīkṛṣṇanārāyaṇa lakṣmīpatehare |
ityevaṃ saṃraṭantaste madhye madhye sthale sthale || 72 ||
[Analyze grammar]

udghoṣayanti yajñaṃ susthānaṃ ca dinamityapi |
saptāho vaiṣṇavo yajño vaidikaḥ sārvadaivataḥ || 73 ||
[Analyze grammar]

niṣṭhāparāprapīṭhāsaṃgame viśālabhūtale |
yatakrītarṣisaṃsthāne nadīdvayāntarālake || 74 ||
[Analyze grammar]

sampatsyate'tra bhagavān śrīpatiḥ puruṣottamaḥ |
anādiśrīkṛṣṇanārāyaṇaścāyāsyati svayam || 75 ||
[Analyze grammar]

śrāvaṇasya tṛtīyāyāṃ śuklāyāṃ śrīhariṃ prabhuḥ |
madhyāhnottaravelāyāmājanābhapradeśataḥ || 76 ||
[Analyze grammar]

kṣetrātkuṃkumavāpyākhyād vimānenāgamiṣyati |
devarṣipitṛsahito brahmapriyāsamanvitaḥ || 77 ||
[Analyze grammar]

śrāvaṇasya tu śuklāyāṃ pañcamyāṃ prātareva saḥ |
vidhāsyati makhārambhaṃ pāvanaṃ sarvadehinām || 78 ||
[Analyze grammar]

ekādaśyāṃ samāptiśca kratostatra bhaviṣyati |
āmantryante prajāḥ sarvā rājāno'pi kuṭumbinaḥ || 79 ||
[Analyze grammar]

sarvavarṇā narā nāryo samāyāntu mahādhvare |
paśyantu devadeveśaṃ kṛtārthayantu janma ca || 80 ||
[Analyze grammar]

gṛhṇantu cādhvaraprāsādikaṃ bhajantu ceśvaram |
śṛṇvantu sukathā divyāḥ pāvayantu kulāni ca || 81 ||
[Analyze grammar]

bhajantu bhagavantaṃ taṃ pratyakṣaṃ kṛṣṇanāmakam |
sarvaistu bhojanaṃ kāryaṃ saptāhe yājñaśālikam || 82 ||
[Analyze grammar]

prāptaṃ divyaṃ tu samayaṃ saphalayantu sarvathā |
gṛhṇantu vaiṣṇavān mantrān nārāyaṇamukhānnanu || 83 ||
[Analyze grammar]

dhārayantu pāvanīśca srajastulasikodbhavāḥ |
raṭantu śrīharernāma bhavantu divyavigrahāḥ || 84 ||
[Analyze grammar]

āgacchantu mahābhāgā yajñe nārāyaṇīyake |
na bhūto na punarbhāvī kratuścaitādṛśaḥ khalu || 85 ||
[Analyze grammar]

adhvare cāgamiṣyanti dhāmadhāmanivāsinaḥ |
muktakoṭyaśceśakoṭyo devakoṭyaśca mānavāḥ || 86 ||
[Analyze grammar]

ṛṣayaḥ pitaro yakṣā gāndharvā rākṣasāstathā |
drumāstīrthāni tattvāni parvatā bhūmayastathā || 87 ||
[Analyze grammar]

mūrtā'mūrtagaṇāḥ sarve samāyāsyanti cā'dhvare |
kalpalatāḥ kāmagāvaḥ siddhayo yatayastathā || 88 ||
[Analyze grammar]

yoginaḥ siddhapuruṣāḥ śaktayo yoṣitastathā |
sarve cātrā''gamiṣyanti paśyantu tanmahā'dhvaram || 89 ||
[Analyze grammar]

harekṛṣṇa svāmikṛṣṇa bālakṛṣṇa harehare |
anādiśrīkṛṣṇanārāyaṇasvāmin harehare || 90 ||
[Analyze grammar]

rādhālakṣmīpate haṃsāramāpadmāvatīpate |
māṇikīśrīmaṃjulāsadaguṇāpate śriyāḥpate || 91 ||
[Analyze grammar]

brahmapriyāpate kṛṣṇaparameśa harehare |
harekṛṣṇa svāmikṛṣṇa bālakṛṣṇa harehare || 92 ||
[Analyze grammar]

vijayo'stu hareścātra prajānāṃ vijayo'stu ca |
sukhābhivṛddhirevā'stu smṛddhiścāstu sadā'vyayā || 93 ||
[Analyze grammar]

ārogyaṃ cā'stu deśānāṃ bhaktiścāstu pareśvare |
parameśaṃ cintayantu prāpayantu parāṃ gatim || 94 ||
[Analyze grammar]

bhuktiṃ muktiṃ cārjayantu nārāyaṇaprasādataḥ |
avaśyaṃ tu makhe samāgatya tṛptā bhavantu hi || 95 ||
[Analyze grammar]

bhavantu pāvanā bhaktā mokṣayogyāḥ śubhāśrayāḥ |
dānahomaparāstatra bhavantu makhabhāginaḥ || 96 ||
[Analyze grammar]

rājāno rājavargāśca śreṣṭhivargāḥ prajājanāḥ |
bālā bālyaḥ striyo vṛddhā gṛhṇantu lābhamādhvaram || 97 ||
[Analyze grammar]

ityevaṃ rādhike vyomni vimānaṃ ghoṣaṇāṃ muhuḥ |
akarot saptavāraṃ vai bhramitvā ketumālake || 98 ||
[Analyze grammar]

uralāt paścime deśe samudratīrakāvadhim |
sarvadeśeṣu kṛṣṇasya ghoṣaṇā vai pravartitā || 99 ||
[Analyze grammar]

tato vimānaṃ śāntaṃ ca yatakrītapradeśake |
avātarat prapīṭhāyāḥ pūrve nīparapaścime || 100 ||
[Analyze grammar]

anādiśrīkṛṣṇanārāyaṇo jayatu sarvadā |
uccarantaścāvateruḥ sudarśanena saṃhitāḥ || 101 ||
[Analyze grammar]

viśaśramurmahāraṇye'mārātrau te maharṣayaḥ |
gāṃgeyā bālabālādyaḥ śāntimāpuḥ parāṃ tadā || 102 ||
[Analyze grammar]

iti śrīlakṣmīnārāyaṇīyasaṃhitāyāṃ dvitīye tretāsantāne gāṃgeyānāmudbhavavṛttāntastannāmāni vṛkāyanasya kuṃkumavāpikākṣetrāgamanaṃ harerāmantraṇaṃ sudarśanena saha ketumāle vṛkāyanāgamaḥ sudarśanasthairyadarśitakratusthalīnirṇayaḥ yajñodghoṣaṇā cetyādinirūpaṇanāmā ṣaṭṣaṣṭyadhikaśatatamo'dhyāyaḥ || 166 ||
[Analyze grammar]