Chapter 164

śrīkṛṣṇa uvāca |
śṛṇu tvaṃ rādhike cānyaṃ camatkāraṃ harestataḥ |
bakasrāvākhyanagare vyāghrāraṇyābhisaṃsthite || 1 ||
[Analyze grammar]

bahuvṛkṣasamākīrṇe yatisādhunivāsite |
cāturvarṇyajanavyāpte vṛkaśāvīnadītaṭe || 2 ||
[Analyze grammar]

nīlakarṇākhyacātvālo vasati sma kuṭumbayuk |
jyeṣṭhe'raṇye cātivṛṣṭyā nadīpūre tu pattanam || 3 ||
[Analyze grammar]

magnaṃ samantato jātaṃ mānavāḥ paśavastathā |
mṛtāścānnāni naṣṭāni bhakṣyaṃ kvāpi na labhyate || 4 ||
[Analyze grammar]

saptāhavṛṣṭyā bhūbhāgaḥ samudra iva dṛśyate |
mārgā ruddhā gamanasya grāmāntaraṃ na gamyate || 5 ||
[Analyze grammar]

cātvālaḥ sakuṭumbo'sau druśākhāsvavalambate |
baddhvā kāṣṭhāni vallyā ca śākhādolāsu jīvati || 6 ||
[Analyze grammar]

kuṭumbaṃ cāpi śākhāsu preṃkhāsu cābhijīvati |
kṣudhitaṃ tadabhūccāpi mṛtinaikaṭyamāsa ca || 7 ||
[Analyze grammar]

vṛkāyano maharṣiśca samādhisthitimāsthitaḥ |
uhyamānaśca kallolairāyād vṛkṣasya sannidhau || 8 ||
[Analyze grammar]

cātvālena tadā dīrgharajjvā cāvṛtya śākhayā |
niruddhastatra vṛkṣādho vṛkṣastambanirodhitaḥ || 9 ||
[Analyze grammar]

cātvālena śanairvṛkṣādavatīrya vṛkāyanaḥ |
jaṭayā saṃgṛhītaśca śākhāyāmadhiropitaḥ || 10 ||
[Analyze grammar]

atidurbaladeho'yaṃ samādhau magna eva tu |
viveda naiva vṛṣṭyādi vahanaṃ drumarodhanam || 11 ||
[Analyze grammar]

cātvālena muhuḥ spṛṣṭaḥ kampito mastake ca saḥ |
bahudhvānairbodhitaśca jāgratiṃ cāpa vai ṛṣiḥ || 12 ||
[Analyze grammar]

tadā sa jñātavān sarvaṃ cātivṛṣṭimayaṃ jalam |
śīghraṃ sa bhajanaṃ cakre kṛṣṇanārāyaṇa prabho || 13 ||
[Analyze grammar]

anādiśrīkṛṣṇanārāyaṇa śrīkṛṣṇavallabha |
gopālanandana lakṣmīpate śrīkaṃbharātmaja || 14 ||
[Analyze grammar]

kuṃkumavāpikākṣetrakṛtaprākaṭya keśava |
brahmapriyāpate ramāmāṇikīpadmajāpate || 15 ||
[Analyze grammar]

satāṃ pate bibho dhāmākṣarādhipa pareśvara |
rakṣa rakṣa janān kṛṣṇa cātivṛṣṭyā'tiduḥkhitān || 16 ||
[Analyze grammar]

oṃ namaḥ śrīkṛṣṇanārāyaṇāya svāmine svāhā |
ityevaṃ bhajanaṃ cakre prārthanāṃ ca vṛkāyanaḥ || 17 ||
[Analyze grammar]

tāvattasyātibhāvena bālakṛṣṇaḥ paraḥ prabhuḥ |
śvetagajasamārūḍho vyomamārgeṇa cāyayau || 18 ||
[Analyze grammar]

śaṃkhacakragadāpadmakaraḥ mukuṭamastakaḥ |
vaijayantīkaṇṭhakaśca sudarśanāṅgulīyakaḥ || 19 ||
[Analyze grammar]

mandahāsānanaḥ premavarṣāmuñcatsunetrakaḥ |
bhojyasaṃbhṛtapeṭāyuk aurṇavastrādimañjuṣaḥ || 20 ||
[Analyze grammar]

chatracāmarasaṃśobhatpārṣadadvayasevitaḥ |
ākāśamārgataḥ kṛṣṇaḥ samāgatya drumāntare || 21 ||
[Analyze grammar]

śākhāyāṃ ca svayaṃ bālo niṣadya peṭikādvayāt |
bhakṣyaṃ pradattavān tasmai vṛkāyanāya tatkṣaṇam || 22 ||
[Analyze grammar]

nīlakarṇakuṭumbāya nīlakarṇāya vai dadau |
bhakṣyaṃ pūrṇaṃ ca vastrāṇi dadau śrībhagavān svayam || 23 ||
[Analyze grammar]

nīlakarṇo hariṃ dṛṣṭvā tatkuṭumbaṃ nirāśrayam |
dṛṣṭvā nārāyaṇaṃ sākṣāt sādhuyogena vai tadā || 24 ||
[Analyze grammar]

babhūva kṛtakṛtyo vai bubhuje ca prasādajam |
annaṃ dadhāra vastrāṇi śaityaṃ dūraṃ gataṃ tadā || 25 ||
[Analyze grammar]

praṇanāma muhuḥ kṛṣṇaṃ bālakṛṣṇaṃ pareśvaram |
vṛkāyano maharṣiśca stotraṃ cakāra vai hareḥ || 26 ||
[Analyze grammar]

pūjanaṃ pracakārā'sau śālavṛkṣadalaistadā |
vṛṣṭijalairmanobhāvaiḥ pupūja parameśvaram || 27 ||
[Analyze grammar]

yena rakṣā kṛtā''rambhe brahmaṇaḥ parameṣṭhinaḥ |
tena tvayā'tra me rakṣā kṛtā tubhyaṃ namonamaḥ || 28 ||
[Analyze grammar]

yena rakṣā kṛtā pūrvaṃ satyavratasya sāgare |
tena tvayātra me rakṣā kṛtā tubhyaṃ namonamaḥ || 29 ||
[Analyze grammar]

yenā'bdhimanthane rakṣā bahūnāṃ vai kṛtā purā |
yena devā rakṣitāśca daityāstu vinipātitāḥ || 30 ||
[Analyze grammar]

yena dugdhā medinī ca rakṣitāḥ prāṇinaḥ purā |
yena sāgaratalagā rakṣitā vai kṣitiḥ purā || 31 ||
[Analyze grammar]

yenā'ṅguṣṭhajalenaitad brahmāṇḍaṃ pāvanaṃ kṛtam |
tena tvayā'tra me rakṣā vihitā te namo'stu ca || 32 ||
[Analyze grammar]

yena dhruvaśca prahlādo rakṣitau bālakau purā |
yena sāṇāsuraścātra ghātitaḥ paramātmanā || 33 ||
[Analyze grammar]

talājā rakṣitā yena mokṣitā śaraṇāgatā |
daityo damanako yena mokṣitaḥ paramātmanā || 34 ||
[Analyze grammar]

kaṃkatālā mokṣitāśca nārakā mokṣitāstathā |
sālamālo nāśitaśca yena tenā'vito'smi ca || 35 ||
[Analyze grammar]

bālāḥ prabhokṣitā yena rājyamātā pramokṣitā |
vallīdīno nāśitaśca varāṭako vināśitaḥ || 36 ||
[Analyze grammar]

vanaspatyādayo yena rakṣobhāvād vimocitāḥ |
devāyanasamuddhāraścāṇḍālayonitaḥ kṛtaḥ || 37 ||
[Analyze grammar]

kaṃthādharaḥ kṛto yena ciraṃjīvo'pi vai tataḥ |
raṇaṃgamena putreṇa tārito yena śārṅgiṇā || 38 ||
[Analyze grammar]

māṃjāṃmbikā rakṣitā ca mlecchā vināśitāstathā |
raktabījo nāśitaśca yena tenā'vito'smyaham || 39 ||
[Analyze grammar]

jalamagno nṛpatiśca rakṣito hyudayābhidhaḥ |
vasumedho rakṣitaśca jale yena namo'stu te || 40 ||
[Analyze grammar]

jyāmaghastārito yena caurebhyaḥ sudhano'vitaḥ |
tryaṣṭakārurmokṣitaśca yena tubhyaṃ namo'stu me || 41 ||
[Analyze grammar]

hiraṇyakeśaśiṣyāśca sajīvā yena vai kṛtāḥ |
vṛhadvarcāstāritaśca baleśvaro'pi mokṣitaḥ || 42 ||
[Analyze grammar]

jayadhvajo mokṣitaśca yena tubhyaṃ namo'stu me |
ailavilā tāritā cā'dharmajīvo vināśitaḥ || 43 ||
[Analyze grammar]

mahāmārī nāśitā ca mṛtā yena tu jīvitāḥ |
uṣṇālayaprajā vārimṛtā yena prajīvitāḥ || 44 ||
[Analyze grammar]

cakravākyai jalaṃ yena giriśṛṃge samarpitam |
mārjārībālakā yena vahnibhrāṣṭryāṃ prarakṣitāḥ || 45 ||
[Analyze grammar]

kiṃpuruṣapradeśāśca prāgjyotirbhūpradeśakāḥ |
yajñādyaiḥ pāvitā yena tasmai tubhyaṃ namonamaḥ || 46 ||
[Analyze grammar]

samīraṇo'vito yena pavamāno'pi rakṣitaḥ |
santāraṇo'vito yena tasmai tubhyaṃ namonamaḥ || 47 ||
[Analyze grammar]

devāyatanako yena rakṣitaḥ paramātmanā |
pretoddhāraḥ kṛto yena rāśiyāneṣu śārṅgiṇā || 48 ||
[Analyze grammar]

śūrajāro mokṣitaśca piśācyo mokṣitāstathā |
dhanamedo mokṣitaśca yena tubhyaṃ namonamaḥ || 49 ||
[Analyze grammar]

voḍhurvijñānavān yena kṛto gā rakṣitāstathā |
bālakṛṣṇāya te lakṣavāraṃ me'stu namonamaḥ || 50 ||
[Analyze grammar]

mama yogena bhagavan cātvālo'yaṃ samuddhṛtaḥ |
tasmai dayāludevāya koṭivāraṃ namonamaḥ || 51 ||
[Analyze grammar]

nivārayā'tivṛṣṭiṃ ca meghān pravāraya prabho |
samāveśaya pūrā'po rakṣa magnān hi dehinaḥ || 52 ||
[Analyze grammar]

ityuktvā sarjapatrāṇi nyakṣipanmastake hareḥ |
hariṃ śaṃkhaṃ tadā dadhmau meghāḥ śīghraṃ tu ghoṣataḥ || 53 ||
[Analyze grammar]

vyadīryanta jalānāṃ ca varṣaṇaṃ vilayaṃ gatam |
jalāni jalapūrāśca vyalīyanta ninādataḥ || 54 ||
[Analyze grammar]

prāṇinaḥ sukhino jātā vṛkāyanaprasaṃgataḥ |
vṛkāyano maharṣiśca yayau kṛtasmaraṃ girim || 55 ||
[Analyze grammar]

bālakṛṣṇastirobhūya yayāvaśvasarovaram |
nīlakarṇaḥ sacātvālastaddinātparameśvaram || 56 ||
[Analyze grammar]

ārādhayāmāsa kṛṣṇanārāyaṇaṃ ca taṃ harim |
tasyaiva bhajanaṃ cakre pratyakṣasya hareḥ sadā || 57 ||
[Analyze grammar]

vṛkṣavāsī phalāhārī mālājāpī virāgavān |
jñānī śrībālakṛṣṇe svahṛdayāpīṃ subhaktimān || 58 ||
[Analyze grammar]

bhajate sma hariṃ nityaṃ karatālādibhirgṛṇan |
bālakṛṣṇaharekṛṣṇanārāyaṇā'va māṃ vibho || 59 ||
[Analyze grammar]

bālakṛṣṇa harekṛṣṇa jayakṛṣṇa harehare |
harekṛṣṇa harekṛṣṇavallabha śrīhare jaya || 60 ||
[Analyze grammar]

evaṃ sa bhajanaṃ cakre saha palyā sutādibhiḥ |
yathālabdhānnasantoṣī svalpavastrāditṛptimān || 61 ||
[Analyze grammar]

bhajate śrībhagavantaṃ kāṃbhareyaṃ mahāprabhum |
svajñātīnāṃ tu bhaktānāṃ maṇḍalaṃ kṛtavān hi saḥ || 62 ||
[Analyze grammar]

nityaṃ rātrau militvaiva maṇḍalasthā bhajanti ca |
kīrtayanti harikṛṣṇaṃ stuvanti praṇamanti ca || 63 ||
[Analyze grammar]

pūjayanti tulasyādyairbhojayanti phalādikam |
ārārtrikaṃ ca kurvanti prasādaṃ bhakṣayanti ca || 64 ||
[Analyze grammar]

tato yānti gṛhaṃ naijaṃ svapanti harimānasāḥ |
utthāya ca hariṃ dhyātvā tato vyāpārayanti ca || 65 ||
[Analyze grammar]

evaṃ vai vartamānāste cātvālā bhaktivedinaḥ |
nirṇayaṃ tvekadā cakruryātrārthaṃ kuṃkumasthalīm || 66 ||
[Analyze grammar]

lomaśasyāśramaṃ draṣṭuṃ bālakṛṣṇaṃ vilokitum |
aśvapaṭṭasaro draṣṭuṃ kartuṃ tīrthāni tatra ca || 67 ||
[Analyze grammar]

pātheyāni gṛhītvā te sakuṭumbāḥ śatā'dhikāḥ |
mānavā vai narā nāryo bālavṛddhānvitā yayuḥ || 68 ||
[Analyze grammar]

mārge gāyanti vādyāḍhyāṃ gītiṃ nārāyaṇasya te |
śanaiḥ śanaiḥ samāyānti kuṃkumavāpikāṃ tataḥ || 69 ||
[Analyze grammar]

kecinnamanti vṛkṣāṃśca keciddhūlīṃ vahanti ca |
kecinnārāyaṇaṃ smṛtvā viluṭhanti bhuvastale || 70 ||
[Analyze grammar]

keciccāpi prakurvanti sāṣṭāṃgaṃ daṇḍavat tadā |
anye nṛtyanti bhāvena vādyamaṇḍalikāyutāḥ || 71 ||
[Analyze grammar]

pare gāyanti ca guṇān hareḥ kṛṣṇasya bhāvukāḥ |
apare pratigāyanti guṇān punaśca tānapi || 72 ||
[Analyze grammar]

smṛtvā śrībālakṛṣṇaṃ te pibantyadanti vai pathi |
satāṃ sevāṃ prakurvanti mārge pragacchatāṃ tadā || 73 ||
[Analyze grammar]

evaṃ sarve samāyātā bhaktāḥ śrīkṛṣṇamānasāḥ |
lomaśasyāśramaṃ vādyakīrtanagarjanādibhiḥ || 74 ||
[Analyze grammar]

tān draṣṭumṛṣayaḥ sarve tathā brahmapriyādayaḥ |
yayurbahirmārgatīre tadā bhaktā vilokya tān || 75 ||
[Analyze grammar]

cakruśca daṇḍavat sarve rajo nyadhuśca mastake |
ṛṣīṇāṃ ca priyāṇāṃ ca prakṣālya caraṇān jalaiḥ || 76 ||
[Analyze grammar]

papuḥ prasādasalilaṃ nyadhurdehe ca mastake |
lomaśaṃ vīkṣya vidhitaḥ pūjayitvā haripriyāḥ || 77 ||
[Analyze grammar]

prajvālya nijapāpāni gṛhītvā lomaśānmanum |
oṃ namaḥ śrīkṛṣṇanārāyaṇāya pataye svāhā || 78 ||
[Analyze grammar]

japantastaulasīrmālā dadhānā nijavakṣasi |
raṭanto bālakṛṣṇaṃ ca parabrahma sanātanam || 79 ||
[Analyze grammar]

sahasrakalaśaṃ divyaṃ dṛṣṭvā ca harimandiram |
nemustatkalaśān divyān dhvajaṃ cāmroparisthitam || 80 ||
[Analyze grammar]

aśvapaṭṭasarastīre yayuḥ snātuṃ drutaṃ purā |
snātvā pītvā tīrthajalaṃ viśramya cāmradrutale || 81 ||
[Analyze grammar]

anādiśrīkṛṣṇanārāyaṇasya darśanāya tu |
yayuste sopadāḥ sarve pradivyamandirāntaram || 82 ||
[Analyze grammar]

bhagavān śrīhariḥ śīghraṃ nijaśiṣyaṃ suyoginam |
svayaṃprakāśaṃ cāhūya dadau svacaraṇāmṛtam || 83 ||
[Analyze grammar]

tebhyo dadau ca te sarve pītavantaḥ kṣaṇāttataḥ |
prasādaṃ pradadau kṛṣṇo bhuktavantaśca te tataḥ || 84 ||
[Analyze grammar]

dṛṣṭimātreṇa hariṇā vīkṣitāḥ sarva eva te |
tāvaddivyasvarūpāste bhūtadehavivarjitāḥ || 85 ||
[Analyze grammar]

sūryadehasamā jātā devā vai divyavigrahāḥ |
kuṇṭhabhāvavihīnāśca vyomamārgābhigāminaḥ || 86 ||
[Analyze grammar]

bhittyāvaraṇahīnāśca nirāvaraṇadṛṣṭayaḥ |
divyajñānabhṛtāḥ sarve śvetavarṇāḥ sumūrtayaḥ || 87 ||
[Analyze grammar]

rūpānurūpāvayavā yathā muktā ihā''gatāḥ |
akṣarabrahmalokasya vaikuṇṭhasyā'thavā''gatāḥ || 88 ||
[Analyze grammar]

yadvā golokadhāmnaśca śvetadhāmnaśca vā''gatāḥ |
tādṛśāḥ śvetavarṇāśca candrabimbābhakāntayaḥ || 89 ||
[Analyze grammar]

hareḥ prasādamāpannā divyatāṃ bhaktito yayuḥ |
cāṭvālatvaṃ vilīnaṃ ca jaḍatā vigatā tathā || 90 ||
[Analyze grammar]

apāvitryaṃ vinaṣṭaṃ ca mānuṣatvaṃ layaṃ gatam |
devatvaṃ ca samudbhūtaṃ śāstrajñatvaṃ samarjitam || 91 ||
[Analyze grammar]

divyadṛṣṭijuṣo jātā nīlakarṇādayo'khilāḥ |
atha śrībālakṛṣṇaṃ te pupūjuḥ paramādarāt || 92 ||
[Analyze grammar]

tāvattatra vimānaṃ vai divyaṃ vyomnaḥ samāgatam |
muktyarthaṃ haribhaktānāṃ tadā te cakrurarthanām || 93 ||
[Analyze grammar]

tavā''jñāṃ ca vahāmo'tra saiva muktirhi vo matā |
neṣyate'tra vimānaṃ vā neṣyate pāralaukikam || 94 ||
[Analyze grammar]

rakṣā'traiva mahārāja kurmo dāsyaṃ tavā'tra ha |
ityevaṃ yācamānebhyo hariścājñāṃ dadau tadā || 95 ||
[Analyze grammar]

yūyaṃ bhaktā divyayāne sthitvā yāntūttarāṃ diśam |
ketumālaṃ mahādeśaṃ mālyavatastu paścimam || 96 ||
[Analyze grammar]

mālyo'yamuralākhyo'sti ketumālasya pūrvagaḥ |
taddeśeṣu prajābhyo me mantradānaṃ dadatvapi || 97 ||
[Analyze grammar]

ityuktāḥ śrīhariṃ natvā vimānaṃ cā'dhyarohayan |
tāvat kṛṣṇena tu smṛto vṛkāyanarṣisattamaḥ || 98 ||
[Analyze grammar]

vyomamārgeṇa cāyātastasmai śrīharireva saḥ |
ājñāṃ dadau ketumālaṃ gantuṃ bhaktipravṛttaye || 99 ||
[Analyze grammar]

so'pi vimānamāruhya śatādhikairmaharṣibhiḥ |
śrāvaṇe devarūpaiśca saha jagāma cāmbare || 100 ||
[Analyze grammar]

ketumālaṃ prati śīghraṃ vimānaṃ prairayaddhi saḥ |
kacchaṃ sindhumindukuśaṃ kaśyapābdhiṃ vilokya tat || 101 ||
[Analyze grammar]

kukeśāsanamullaṃghya ketumālaṃ yayau drutam |
yatra śaityena śubhrāṃgāḥ prajā vasanti kaśyapāḥ || 102 ||
[Analyze grammar]

kāśyapyaḥ sarvajanatā dharmakarmasu vai samāḥ |
nīparāyāḥ saritaśca tīre vimānakaṃ nijam || 103 ||
[Analyze grammar]

nīlakarṇo bhaktarājo vṛkāyanājñayā tadā |
kṣaṇaṃ viśrāntimāptuṃ vai cāmbarādavatārayat || 104 ||
[Analyze grammar]

rādhike nīlakarṇādyāścāśvapaṭṭasarovare |
yatra snātāśca tat tīrthaṃ nīlakarṇābhidhaṃ hyabhūt || 105 ||
[Analyze grammar]

divyatāpādakaṃ taddhi snānamātreṇa dehinām |
paṭhanācchravaṇāccāpi divyatā labhyate janaiḥ || 106 ||
[Analyze grammar]

iti śrīlakṣmīnārāyaṇīyasaṃhitāyāṃ dvitīye tretāsantāne nīlakarṇacāṭvālakuṭumbasyā'tivṛṣṭau vṛkāyanarṣidvārā bhagavatā kṛtaṃ rakṣaṇaṃ kuṃkumavāpīmāgatya nīlakarṇasya |
śataparijanasya divyatā ketumālakhaṇḍaṃ prati tasya bhagavatā kṛtaṃ preṣaṇaṃ cetyādinirūpaṇanāmā catuṣṣaṣṭyadhikaśatatamo'dhyāyaḥ || 164 ||
[Analyze grammar]