Chapter 160

śrīkṛṣṇa uvāca |
atha vai rādhike vacmi yaduktaṃ paramātmanā |
svarṇakalaśārohasya dhvajasya vidhānakam || 1 ||
[Analyze grammar]

ācāryo maṇḍapasyaivottarabhāge viracya ca |
svastikamaṇḍalaṃ ṛtvigyajamānādibhiryutaḥ || 2 ||
[Analyze grammar]

yatra kuṭyāṃ kalaśānāṃ kṛtaṃ ghaṭanaṃ śilpibhiḥ |
tatra gatvā pañcaghaṭaiḥ saṃsnāpya kalaśottamam || 3 ||
[Analyze grammar]

manojūtiritimantraiḥ pratiṣṭhāpya baliṃ tathā |
datvā tu lokapālebhya ācamyā'bhyukṣya tailakaiḥ || 4 ||
[Analyze grammar]

candanādibhirabhyarcya trisūtryā''veṣṭya vai rathe |
āropya śāntipāṭhādyaiḥ snānamaṇḍapamānayet || 5 ||
[Analyze grammar]

svastike bhadrasaṃjñe cāsane saṃsthāpya tatpuraḥ |
puṇyāhaṃ vācayet ghṛtaṃ ghṛtetyabhyujya vai ghṛtaiḥ || 6 ||
[Analyze grammar]

udvartya yavamasūraharidrāpiṣṭakena ca |
uṣṇodakena prakṣālyopalipya vālmīkīmṛdā || 7 ||
[Analyze grammar]

gandhodakena saṃsnāpya caturbhiśca ghaṭaistathā |
śuddhodakena saṃsnāpyā'rcayitvā gandhapuṣpakaiḥ || 8 ||
[Analyze grammar]

vastrairācchādya ca śāntipāṭhamantrān samuccaret |
svastimantreṇa cotthāya prādakṣiṇyena maṇḍapam || 9 ||
[Analyze grammar]

ānīya paścimadvāre praviśya devasannidhau |
bhadrāsane viniveśyā'bhyarcya gandhādibhistataḥ || 10 ||
[Analyze grammar]

bhakṣyabhojyādyairāpūrya paṭhitvā viśvataḥ śrutim |
saṃkalīkṛtya cācāryaḥ svakuṇḍe tu pṛthak pṛthak || 11 ||
[Analyze grammar]

madhukṣīrājyadadhibhiraṣṭottaraśataṃ havam |
kṛtvā ca śāntikalaśe nikṣipya saṃsravaṃ tataḥ || 12 ||
[Analyze grammar]

tenodakena kramaśaḥ pādanābhihṛdakṣikam |
spṛśet puruṣasūktaṃ ca vinyasya kalaśe tataḥ || 13 ||
[Analyze grammar]

sampūjya kalaśaṃ datvā baliṃ prāsādameva ca |
āruhya gandhasalilaiḥ prakṣālyāṃ'geṣu vai tataḥ || 14 ||
[Analyze grammar]

kṛtvā nyāsān tūryaghoṣaiḥ prāsādamastake ca tam |
kalaśaṃ tu samānīya kṣaṇaṃ viśramya vai tataḥ || 15 ||
[Analyze grammar]

dvādaśā'kṣaramantreṇa sumuhūrte sthale'rpayet |
oṃ ājighrakalaśaṃ mahyā ddevā viśantvindavaḥ || 16 ||
[Analyze grammar]

oṃ punarūrjānivartasvaśānaḥ sahasraṃ dhukṣvoru |
dhārāpayasvatīnapunarmā viśatādrayiḥ |
itimantreṇa pratiṣṭhāpya vastreṇāveṣṭyā' |
streṇa huṃphaṭ svāheti samuccārya namettataḥ || 17 ||
[Analyze grammar]

cakraṃ hiraṇmayaṃ padmaṃ śūlaṃ śastraṃ ca vinyaset |
susthirīkṛtya vai śilpo saṃsnāpya vāriṇā tathā || 18 ||
[Analyze grammar]

gandhapuṣpaiḥ pūjayitvā'vatīryā'dhaḥ praṇamya ca |
vastrālaṃkāraraupyādidānaṃ dadyād yathābalam || 19 ||
[Analyze grammar]

bhojanādi kārayecca dīnānāthasatāṃ tathā |
viprācāryakuṭumbānāṃ sādhvīnāṃ brahmacāriṇām || 20 ||
[Analyze grammar]

atha kalaśasānnidhye mānastaṃbho'tidārḍhyavān |
tatra ca dhvajastaṃbho'pi pratiṣṭheyo vidhānataḥ || 21 ||
[Analyze grammar]

vṛkṣasāramayaścāśmasārajo lohajo'pi vā |
śīṃśapāstāmrapatrāḍhyo mānastaṃbho mataḥ khalu || 22 ||
[Analyze grammar]

vartulaḥ śṛṃgavaddī'rgho'dhiko vā ca yathocitaḥ |
śilpamānena vai kāryo daṇḍaśca kalaśo dhvajaḥ || 23 ||
[Analyze grammar]

navatriṃśacchatādhyāye mānameṣāṃ nirūpitam |
atra tu pūjanamātraṃ phaloddeśaśca sammataḥ || 24 ||
[Analyze grammar]

maṇḍapasya dhvajamantrā boddhavyāścātra pūjane |
pūjanaṃ havanaṃ cāpi tatratyavidhinā matam || 25 ||
[Analyze grammar]

dhvajo vai parameśasya cihnaṃ tu sārvadaivatam |
yad dṛṣṭvā duṣṭasattvānāṃ bhavecchāsanavartitā || 26 ||
[Analyze grammar]

satāṃ bhaved bhaktivṛttirāsurāṇāṃ bhayantathā |
dhvajahīnaṃ mandiraṃ na kartavyaṃ tu kvacid bhuvi || 27 ||
[Analyze grammar]

tantuvarṣasahasrāṇi svarge dātā mahīyate |
dhvajadhūnanaśastreṇa dātuḥ pāpaṃ vinaśyati || 28 ||
[Analyze grammar]

yatra grāme nagare ca rāṣṭre rājye dhvajo'sti ca |
nā'kālamṛtyustatrā'sti nā'lakṣmīḥ pāpakṛtsvapi || 29 ||
[Analyze grammar]

nopasargabhayaṃ tatra na rogā na hyupadravāḥ |
viparītāni no tatra subhikṣaṃ sasyasampadaḥ || 30 ||
[Analyze grammar]

svakālavarṣī parjanyaḥ payasvinyaḥ payobhṛtaḥ |
dhvajavandanakartāraḥ puṇyavanto bhavanti ca || 31 ||
[Analyze grammar]

dhvajasya darśanaṃ sarvamaṃgalaṃ kalaśasya ca |
śikharasyāpi ca tathā maṃgalaṃ puṇyadāyakam || 32 ||
[Analyze grammar]

pāpināṃ pāpaśāntiśca dhvajādidarśanād bhavet |
prāsādapratimāvedīkuṇḍadhvajaghaṭeṣu vai || 33 ||
[Analyze grammar]

yāvantaḥ santi aṇavastāvadvarṣasahasrakam |
svarge ca śāśvate svarge mokṣe modanta eva ca || 34 ||
[Analyze grammar]

yajamānādayaḥ sarve devasyānugrahāditi |
calamūrteḥ pratiṣṭhāṃ ca vacmi saṃkṣepato yathā || 35 ||
[Analyze grammar]

śucau deśe maṇḍapaṃ ca kṛtvā kuṇḍaṃ ca vedikām |
pratiṣṭhādivase mūrtiṃ cānīya maṇḍape tataḥ || 36 ||
[Analyze grammar]

nidhāya cāsane prāṇānāyamyollikhya vai dinam |
saṃkalpya ca pratiṣṭhārthaṃ gaṇeśaṃ pūjayettataḥ || 37 ||
[Analyze grammar]

puṇyāhavācanaṃ mātṛkārcanaṃ kārayettathā |
nāndīśrāddhaṃ vidhāyā'tha guruṃ vṛtvā ca ṛtvijaḥ || 38 ||
[Analyze grammar]

caturo vā pūjayecca maṇḍapasthāpanaṃ guruḥ |
agnisthāpanakaṃ vāstupūjanaṃ grahayajñakam || 3 ||
[Analyze grammar]

sarvatobhadrake brahmādikānāvāhayettataḥ |
pūjayet sthāpayed daivatya naivāraṃ caruṃ tadā || 40 ||
[Analyze grammar]

śrapayitvā''jyabhāgānte grahahomaṃ vidhāya ca |
pālāśādisamidbhiśca pratyekaṃ śatamaṣṭakam || 41 ||
[Analyze grammar]

pratidaivatamevāpi lokapālādimantrakaiḥ |
vyāhṛtibhirjuhuyādvā cā''jyahomaṃ tathā caret || 42 ||
[Analyze grammar]

sthāpitānāṃ tu devānāṃ samittilājyakāhutīḥ |
daśa daśa tathā sviṣṭakṛtaṃ hutvā'ṣṭakaṃ śatam || 43 ||
[Analyze grammar]

pradhānadevatāmantrairjuhuyācca namet prabhum |
svāgataṃ sarvadeveśa kurmaste'treti vai vadet || 44 ||
[Analyze grammar]

uttiṣṭhetisumantraiścotthāpya vedyāṃ nidhāya ca |
pañcagavyaiścāmṛtaiḥ paṃcabhiḥ saṃsnāpya mantrakaiḥ || 45 ||
[Analyze grammar]

ghṛtābhyaṃgodvartanādi kalaśaiḥ snapanādi ca |
kṛtvā'bhiṣicya taṃ pīṭhe hyupāveśya samantataḥ || 46 ||
[Analyze grammar]

jalakuṃbhānavasthāpya kṣiptvā gandhasumā'kṣatān |
prathame kuṃbhake saptamṛdo'nye pallavān śubhān || 47 ||
[Analyze grammar]

tṛtīye saptadhānyāni kuśāṃścātha caturthake |
śāntyudakaṃ pañcaratnaṃ pañcame tu phalāni ca || 48 ||
[Analyze grammar]

pravaṇodakaṃ puṣpāṇi kṣipet ṣaṣṭhe yavān tathā |
saptame tu kṣipet sampātodakaṃ cāṣṭame tu vai || 49 ||
[Analyze grammar]

sarvauṣadhīḥ sunikṣipya āpohiṣṭhetimantrakaiḥ |
hiraṇyavarṇāmantraiśca pavamānena cāpi ca || 50 ||
[Analyze grammar]

saṃsnāpya vāsasī copavītaṃ datvā prapūjayet |
gandhapuṣpairdhūpadīpairnīrājya piṣṭadīpakaiḥ || 51 ||
[Analyze grammar]

svarṇapātre tu madhvājyaṃ dhṛtvā svarṇaśalākayā |
mantrānuccāryā'tha netre likhed dakṣiṇasavyake || 52 ||
[Analyze grammar]

oṃ citraṃ devānāmudagādanīkaṃ |
cakṣurmitrasya varuṇasyā'gneḥ |
oṃ tejo'si śukramasyamṛtamasi dhāmanāmāsi |
priyaṃ devānāmanādhṛṣṭaṃ devayajanamasi || 53 ||
[Analyze grammar]

añjanti tvāmadhvaramitimantroga mūrtimañjayet |
punarmadhughṛtenāpi śarkarayā'pi cāñjayet || 54 ||
[Analyze grammar]

devasya tvā savituścamantreṇāñjanamañjayet |
bhakṣyabhojyādarśakāṃśca darśayet na vilokayet || 55 ||
[Analyze grammar]

dakṣiṇāṃ ca pradāyaiva dvijādibhyaḥ stuvīta ca |
vaṃśapātre pañcavarṇānvitānnaṃ nyasya vahninā || 56 ||
[Analyze grammar]

devaṃ nīrājayedannaṃ rudrāya tu catuṣpathe |
dadyād oṃ namo rudrāya svāhā karmā'stu vai śivam || 57 ||
[Analyze grammar]

bhūtebhyaśca namo'śvatthaparṇe samarpya vai balim |
ācamya maṇḍaladevān prapūjya madhyamaṇḍale || 58 ||
[Analyze grammar]

pratiṣṭhito bhavetyuktvā devaṃ niveśya pūjayet |
devānāṃ nāmabhiḥ kuṇḍe tilājyairjuhuyād daśa || 59 ||
[Analyze grammar]

puṣpāñjaliṃ pradāyaiva natvā maṇḍalakottarāt |
svastike mañcake śayyāṃ kṛtvottiṣṭhetimantrakaiḥ || 60 ||
[Analyze grammar]

upaviśya tu śayyāyāṃ sahasrasūktamāgṛṇan |
nyāsān kuryāt namo brahmarandhre tu puruṣātmane || 61 ||
[Analyze grammar]

prāṇātmane namo mukhe kaṇṭhe prakṛtirūpiṇe |
buddhitattvāya hṛdaye'haṃkārāyodare namaḥ || 62 ||
[Analyze grammar]

manastattvāya guptādau cittāya pādayornamaḥ |
rasatattvāya bastau ca gandhatattvāya vai nasi || 63 ||
[Analyze grammar]

śabdatattvāya vai karṇe sparśatattvāya varṣmaṇi |
rūpatattvāya netre ca rasatattvāya rāsane || 64 ||
[Analyze grammar]

vāktattvāya namo vāci pāṇitattvāya hastayoḥ |
pādatattvāya caraṇe pāyutattvāya pāyuke || 65 ||
[Analyze grammar]

upasthāya namaścopasthake pṛthvyai tu pādayoḥ |
aptattvāya namo bastau tejastattvāya vai hṛdi || 66 ||
[Analyze grammar]

vāyutattvāya vai ghrāṇe vyomatattvāya cāmbare |
guṇatattvāya vai mūrtau karaṇebhyo namonamaḥ || 67 ||
[Analyze grammar]

pauruṣeṇa ca sūktena kṛtvā nyāsāṃstato vadet |
sukhaśāyī bhavetyeva śayyāyāṃ svāpayet prabhum || 68 ||
[Analyze grammar]

saṃpūjyā'dhivāsayecca devopahāramarpayet |
brahmaṇe tatra sarvānnaṃ ghṛtānnaṃ vajriṇe jalam || 69 ||
[Analyze grammar]

ājyānnamagnaye māṣānnaṃ ca yamāya cārpayet |
nirṛtaye kṛṣṇavrīhyannaṃ saghṛtaṃ samarpayet || 70 ||
[Analyze grammar]

varuṇāya navanītaudanaṃ vāyave yavaudanam |
praiyaṃgavaṃ kuberāya īśānāya tu pāyasam || 71 ||
[Analyze grammar]

sarvebhyaḥ pāyasaṃ dadyāt naivāraṃ carumityapi |
sthāpayitvā maṇḍalasya devatābhyo'rpayed balim || 72 ||
[Analyze grammar]

rātriṃ nayettataḥ prātaścotthāya mūlamantrakaiḥ |
śrapayitvā caruṃ ghṛtenābhighāryoṣṭayukśatam || 73 ||
[Analyze grammar]

mūlamantreṇa vai hutvā devanāmabhirityapi |
svāhā'gnaye ca somāya dhanvantarisvarūpiṇe || 74 ||
[Analyze grammar]

kuhvai svāhā'numatyai ca prajānāṃ pataye svāhā |
parameṣṭhisvarūpāya brahmaṇe svāhā'gnaye || 7 ||
[Analyze grammar]

somāya agnaye svāhā svāhā annāya agnaye |
agnaye'nnapataye svāhā prajāpataye ca svāhā || 76 ||
[Analyze grammar]

viśvadevatābhyaḥ svāhā sarvabhūtebhyaśca svāhā |
bhūrbhuvaḥ svaścāgnaye sviṣṭakṛte svāhā namama || 77 ||
[Analyze grammar]

sūryodaye gururvedyāṃ devaṃ cābhimukhaṃ tadā |
vidhāya ratnapuṣpādimūlaphalauṣadhīstathā || 78 ||
[Analyze grammar]

darśayitvā tāmrapātre śāntijalaṃ pragṛhya ca |
pradhānadevamantreṇa daśavāraṃ pramantrayet || 79 ||
[Analyze grammar]

abhiṣicya devamūrdhni oṃ uttiṣṭhetyutthāpayet |
viśvataścakṣurityādi japennamet punaḥ punaḥ || 80 ||
[Analyze grammar]

brahmaviṣṇumaheśebhyo dikpālebhyo namonamaḥ |
vasubhyaśca namo rudrādityebhyaśca namonamaḥ || 81 ||
[Analyze grammar]

aśvibhyāṃ ca marudbhyaśca kuberāya namonamaḥ |
mahānadībhyo'gnīṣomābhyāṃ dyāvāpṛthvībhyāṃ namaḥ || 82 ||
[Analyze grammar]

indrāgnibhyāṃ dhanvantaraye sarveśāya ca namaḥ |
brahmaṇe viśvadevebhyo namaśca parabrahmaṇe || 82 ||
[Analyze grammar]

japtvaivaṃ yajamānaṃ cābhiṣicya devatāṃ smaret |
pratiṣṭhitāya devāya dattvā puṣpāñjaliṃ tataḥ || 84 ||
[Analyze grammar]

puruṣasūktagāyatryā vyāhṛtibhiśca mantrakaiḥ |
devaṃ tu pratimāyāṃ vai pratiṣṭhāpya tataḥ param || 851 ||
[Analyze grammar]

prāṇapratiṣṭhāṃ kuryācca tadyathā rādhike śṛṇu |
asya prāṇapratiṣṭhākhyamantrasya ṛṣayastrayaḥ || 86 ||
[Analyze grammar]

devā vedāstrayaśchandāṃsa kriyātmavapustathā |
prāṇākhyā devatā āṃ bījaṃ krauṃ śaktiniyojanam || 87 ||
[Analyze grammar]

prāṇapratiṣṭhāyāṃ tathāhi ṛṣibhyo mastake namaḥ |
chandobhyaścānane devatāyai tu hṛdaye namaḥ || 88 ||
[Analyze grammar]

āṃ bījāya namo guhye krauṃ śaktyai pādayornamaḥ |
oṃ kaṃkhaṃgaṃghaṃṅaṃ āṃ pañcabhyo bhūtebhya āṃ hṛde namaḥ || 89 ||
[Analyze grammar]

oṃ caṃchaṃjaṃjhaṃñaṃ īṃ tanmātrebhyo namo īṃ ca ke svāhā |
oṃ ṭaṃṭhaṃḍaṃḍhaṃṇaṃ oṃ jñānakṛdbhyo namo oṃ śikhāyai vauṣaṭ || 90 ||
[Analyze grammar]

o taṃthaṃdaṃdhaṃnaṃ eṃ karmakṛdbhyo namo eṃ kavacāya hum |
oṃ paṃphaṃbaṃbhaṃmaṃ auṃ karmabhyo namo auṃ netratrayāya vauṣaṭ || 91 ||
[Analyze grammar]

oṃ yaṃraṃlaṃvaṃśaṃṣaṃsaṃhaṃlaṃkṣaṃ oṃ āntarebhyo |
namo aḥ astrāya phaṭ |
evamātmani deve ca nyāsān kṛtvā |
spṛṣṭvā devaṃ tato japet || 92 ||
[Analyze grammar]

oṃ āṃ hrīṃ krauṃ yaṃraṃlaṃvaṃśaṃṣaṃsaṃhaṃsaḥ |
devasya prāṇā iha prāṇāḥ |
oṃ āṃ hrīṃ krauṃ yaṃraṃlaṃvaṃśaṃṣaṃhaṃsaḥ |
devasya jīva iha sthitaḥ || 93 ||
[Analyze grammar]

oṃ āṃ hrīṃ krauṃ yaṃraṃlaṃvaṃśaṃṣaṃsaṃhaṃsaḥ |
devasya sarvendriyāṇi |
oṃ āṃ hrīṃ krauṃ yaṃraṃlaṃvaṃśaṃṣaṃsaṃhaṃsaḥ devasyāntaḥ |
karaṇāni prāṇā iha sthitāḥ || 94 ||
[Analyze grammar]

ihāgatya svastaye ca ciraṃ tiṣṭhatu vai svāhā |
hṛdyaṃguṣṭhena vai spṛṣṭvā pratimāyā japed yathā || 96 ||
[Analyze grammar]

asyai prāṇāḥ pratiṣṭhantu asyai prāṇāścarantu ca |
asyai devatvamarcāyai māmaheti ca kaścana || 96 ||
[Analyze grammar]

sanniruddhya praṇavena dhyātvā sajīvameva ca |
oṃ dhruvā dyauḥ ṛcaṃ japtvā gāyatrīṃ karṇake manum || 97 ||
[Analyze grammar]

pādanābhiśirāṃsyeva spṛṣṭvā pauruṣasūktakaiḥ |
svāgataṃ parameśā'tra kurmaściraṃ sthiro bhava || 98 ||
[Analyze grammar]

yāvaccandrāvanisūryāstiṣṭhantyapratighātinaḥ |
tāvat tvayā'tra deveśa stheyaṃ bhaktānukampayā || 99 ||
[Analyze grammar]

pauruṣeṇa tu sūktena ṣoḍaśopasuvastubhiḥ |
ārcya kaṃkaṇaṃ visṛjya mūrtau bhūṣāyudhāni ca || 100 ||
[Analyze grammar]

vāhanaṃ parivāraṃ ca dhyātvā mudrāṃ pradarśya ca |
saṃpūjya mūlamantreṇa japitvāṣṭottaraṃ śatam || 101 ||
[Analyze grammar]

stutvā natvā''camya sviṣṭakṛtpūrṇāhutikāntakam |
karmasamāpya godānaṃ dakṣiṇāṃ sampradāya ca || 102 ||
[Analyze grammar]

ārārtrikotsavaṃ kṛtvā naivedyānte ca bhojanam |
kārayitvā janān kṛtvā svayaṃ pariharet kriyām || 103 ||
[Analyze grammar]

evaṃ calapratiṣṭhāṃ vai kārayed calamādhave |
ityevaṃ bhagavānāha devāyatanakāya vai || 104 ||
[Analyze grammar]

jīrṇaraṃgādinoddhāre vidhiḥ saṃkṣepato mataḥ |
dakṣiṇasyāṃ tu veśānyāṃ paścimadvārakaṃ śubham || 105 ||
[Analyze grammar]

ekatoraṇakaṃ kṛtvā maṇḍapaṃ madhyake tataḥ |
vartulāṃ vā caturasrau vedīṃ kṛtvā tu paścime || 106 ||
[Analyze grammar]

vāstu pīṭhaṃ cottare tu vālukāsthaṇḍilaṃ tathā |
deśakālau prasaṃkīrtya jīrṇadoṣaviśuddhaye || 107 ||
[Analyze grammar]

uddhāranimittakarma karomīti vicintayet |
gaṇeśasyārcanaṃ svastivācanaṃ mātṛkārcanam || 108 ||
[Analyze grammar]

nāndīśrāddhaṃ guruṃ vṛtvā'rcayitvā tāṃstataḥ param |
maṇḍapasya pratiṣṭhāṃ ca vāstupūjāṃ tathā tataḥ || 109 ||
[Analyze grammar]

sarvatobhadrake devān nyasya pīṭhe tadāsanam |
sampūjyaihi devadeva vyāpakeśvara te namaḥ || 110 ||
[Analyze grammar]

hṛdayāya namaḥ svāhā śirase śikhāyai vaṣaṭ |
kavacāya huṃ astrāya phaṭ vyāpakaśārṅgiṇe || 111 ||
[Analyze grammar]

mūlamantreṇā'rcayecca japedaṣṭottaraṃ śatam |
agniṃ saṃsthāpyājyabhāgāntakaṃ hutvā'rpayed balim || 112 ||
[Analyze grammar]

jīrṇaṃ devaṃ praṇavena sampūjya prārthayettataḥ |
jīrṇa bhagna devadeva jīrṇatvak jīrṇamūrtika || 113 ||
[Analyze grammar]

jīrṇāṃgaṃ proddharāmyatra kṣamāṃ kuru kṛpāṃ kuru |
yāyāstvaṃ sammataṃ sthānaṃ pārśvemūrtau ca vā'kṣare || 114 ||
[Analyze grammar]

jīrṇoddhārottaraṃ punaścāgamāya prayāhi vai |
ārārtrikaṃ bhojanaṃ ca pūjanaṃ jalapānakam || 115 ||
[Analyze grammar]

sarvaṃ nītvā pravāhyanyatra sthale cānukampayā |
sveṣṭasthānaṃ yāhi viṣṇo sarvadevānvito'thavā || 116 ||
[Analyze grammar]

ityuktvā cārpayet vidhāyāñjaliṃ kusumākṣataiḥ |
punaḥ prāṇapratiṣṭhādi kṛtvā saṃpūjayettataḥ || 117 ||
[Analyze grammar]

bhojayed brāhmaṇādīṃśca jīrṇasaṃskārakarmasu |
bhuktiṃ muktimavāpnoti devālayābhivṛddhikṛt || 118 ||
[Analyze grammar]

ityevaṃ rādhike'nādikṛṣṇanārāyaṇo hariḥ |
devāyatanakāyāha mayoditaṃ ca te tathā || 119 ||
[Analyze grammar]

etasya śravaṇātpāṭhātprāsādanirmiteḥ phalam |
uddhārasya kratoścāpi pratiṣṭhāyāḥ phalaṃ labhet || 120 ||
[Analyze grammar]

iti śrīlakṣmīnārāyaṇīyasaṃhitāyāṃ dvitīye tretāsantāne kalaśārohaṇaṃ mānastaṃbhadhvajāropaṇaṃ calamūrtipratiṣṭhāvidhiḥ jīrṇoddhāraścetyādinirūpaṇanāmā ṣaṣṭyadhikaśatatamo'dhyāyaḥ || 2160 ||
[Analyze grammar]