Chapter 156

śrīkṛṣṇa uvāca |
tataḥ śrībhagavānāha devāyatanakāya yat |
snānavidhyādikaṃ sarvaṃ tad rādhe kathayāmi te || 1 ||
[Analyze grammar]

guruḥ snānasya śālāyāṃ kṛtvā tu vedikātrayam |
kṛtvottarottaraṃ cātha snapanadravyasaṃbhṛtim || 2 ||
[Analyze grammar]

kṛtvā ca pañcagavyena bhūmiṃ saṃprokṣya vedikāḥ |
vālukāyuktavedyāṃ vai dakṣiṇāyāṃ tadā'kṣataiḥ || 3 ||
[Analyze grammar]

svastikaṃ tu samullikhya bhadrapīṭhaṃ vidhāya ca |
paścācca vedikāyāstu kalaśān ṣaḍ nidhāpayet || 4 ||
[Analyze grammar]

vāripūrṇān pallavāḍhyān tathā pañcā'parānapi |
mṛtpallavavṛkṣīyakaṣāyagomūtragomayaiḥ || 6 ||
[Analyze grammar]

bhasmagandhodakairbhṛtvā pañcadevaprasaṃjñakān |
udaksaṃ'sthapaṃktirītyā ghaṭān nidhāpayet tataḥ || 6 ||
[Analyze grammar]

antyasthapatikalaśam vedyāḥ paśce hyekādaśa |
sthāpyaitān bhadrapīṭhasyottaravedyāṃ ghaṭāṣṭake || 7 ||
[Analyze grammar]

paritaḥ pūrvakramaśaḥ kṣīraṃ dadhiṃ ghṛtaṃ surām |
ikṣurasaṃ dūrvodakaṃ darbhodakaṃ nidhāya ca || 8 ||
[Analyze grammar]

hiraṇyagarbhādimantrairvinyasyet tadghaṭāṣṭakam |
tato'nye paścime vedyā daśa mṛtikayā kramāt || 9 ||
[Analyze grammar]

gomūtreṇa gomayena bhasmanā pañcagavyakaiḥ |
kṣīreṇa dadhnā ghṛtena madhunā khaṇḍayā yutāḥ || 10 ||
[Analyze grammar]

ghaṭāḥ sthāpyāstathā tatra caturdaśaghaṭāḥ punaḥ |
śuddhajalairbhṛtāścānye'pyatha pañcatriṃśadghaṭāḥ || 11 ||
[Analyze grammar]

sthāpanīyāsteṣu madhye pañca pañcāmṛtairyutāḥ |
pañcajalayutāścātha pañca patrakaṣāyiṇaḥ || 12 ||
[Analyze grammar]

punardaśa kramāt puṣpaiḥ phalai sauvarṇavāribhiḥ |
gavāṃ śṛṃgodakaiścāpi dhānyaiḥ sahasrachidrakaiḥ || 13 ||
[Analyze grammar]

sarvauṣadhibhiśca pañcapallavaidūrvayā tathā |
navaratnairyutā kāryā aviśiṣṭā daśā'tha tu || 14 ||
[Analyze grammar]

pūraṇīyā svacchavāribhiḥ kadambādipallavaiḥ |
tatrā''vāhya lokapālān ājighrakalaśaṃ dharet || 15 ||
[Analyze grammar]

kādambaṃ śālmalīpatraṃ jāmbavaṃ cā'pyaśokajam |
plakṣapatramudumbaradalaṃ vaṭadalaṃ tathā || 16 ||
[Analyze grammar]

bilvapatraṃ nāgavallīpatraṃ palāśapatrakam |
tathā'nyānyapi vastūni sūkṣmavastraṃ sugandhi ca || 17 ||
[Analyze grammar]

sutailaṃ yavacūrṇaṃ codvartanārthaṃ tathā'param |
sugandhāmalakīcūrṇaṃ jaṭāmāṃsyādikaṃ śubham || 18 ||
[Analyze grammar]

sarvamāsādayettatra vedīmadhye ghaṭeṣu ca |
antyasthapatisaṃjñaṃ ca ghaṭaṃ tīrthodakānvitam || 19 ||
[Analyze grammar]

kṛtvā devasamīpe ca tīrthānyāvāhayejjale |
gaṃge ca yamune sarasvati cerāvati tathā || 20 ||
[Analyze grammar]

menakāṃge brahmaputri nārāyaṇi tathorale |
kaṃgo nāye ca vālge caime kāruliṃgike maki || 21 ||
[Analyze grammar]

dīnāp nīpe tathārthe ca narmade gaṇḍaki hare |
svarṇarekhe puṣkaraṃ ca mānasaṃ cāśvapaṭṭakam || 22 ||
[Analyze grammar]

bālakṛṣṇaṃ tathā nārāyaṇaṃ cāpi sarovaram |
sāgarāścāpi tīrthāni viśantvatra ghaṭe śubhāḥ || 23 ||
[Analyze grammar]

tato jalena devaṃ vai snāpayed vedamantrakaiḥ |
yajamānaḥ pradadyācca śilpibhyaḥ pāritoṣikam || 24 ||
[Analyze grammar]

athācāryo baliṃ dadyāt siddhārthaghṛtapāyasaiḥ |
dikpālebhyaḥ sarvadikṣu pūrvādikramato bahiḥ || 25 ||
[Analyze grammar]

ācamanaṃ prakuryācca pūrve indrāya vai balim |
arpayāmi diśaṃ rakṣa yajamānodayaṃ kuru || 26 ||
[Analyze grammar]

āgneyyāmagnaye sāṃgāyā'rpayāmi baliṃ namaḥ |
dakṣiṇe yamadevāya cārpayāmi baliṃ namaḥ || 27 ||
[Analyze grammar]

nairṛtye nirṛtaye cārpayāmi baliṃ namaḥ |
paścime varuṇāyaivā'rpayāmi ca baliṃ namaḥ || 28 ||
[Analyze grammar]

vāyavyāṃ vāyave cārpayāmi baliṃ ca te namaḥ |
uttare ca kuberāya arpayāmi baliṃ namaḥ || 29 ||
[Analyze grammar]

īśāne ceśadevāya cārpayāmi baliṃ namaḥ |
baliṃ datvā''camya devaṃ prasnāpayed vidhānataḥ || 30 ||
[Analyze grammar]

agnirmūrddheti ca mṛdā yajñāyeti kaṣāyakaiḥ |
gomūtreṇa ca gāyatryā gandheti gomayena ca || 31 ||
[Analyze grammar]

bhasmanā mānastoketi gāyatryā gandhavāriṇā |
pañcadaivatyakalaśaiḥ snāpayecca tataḥ param || 32 ||
[Analyze grammar]

namaḥśiveticādyena haṃsetidvitīyena ca |
yāteti tṛtīyenāpi viṣṇoścaturthakena ca || 33 ||
[Analyze grammar]

brahmeti pañcamenāpi śuddhodakena vai tataḥ |
puṣpākṣatādyaiḥ saṃpūjyā''cchādya pitāmbareṇa ca || 34 ||
[Analyze grammar]

dvitīyāyāṃ ca vai vedyāṃ bhadrāsanaṃ nidhāya ca |
prāgagragān kuśānāstīrya ca devaṃ nidhāya ca || 35 ||
[Analyze grammar]

udaṅmukho mahācāryaḥ kuṃkumasūtrakeṇa ha |
mūrtimāveṣṭya ca tato hiraṇyagarbhamantrataḥ || 36 ||
[Analyze grammar]

pātre madhughṛtaṃ miśriṃ madhuvātetimantrayet |
tato madhughṛtāktāṃ ca śalākāṃ kānakīṃ dharet || 37 ||
[Analyze grammar]

oṃ citraṃ devānāmudagādanīkaṃ |
cakṣurmitrasya varuṇasya agneḥ |
oṃ agnirjyotirjyotiragniḥ svāhā |
sūryyo jyotirjyotiḥ sūryaḥ svāhā || 38 ||
[Analyze grammar]

oṃ agnirvarco jyotirvarcaḥ svāhā |
sūryo varcojyotirvarcaḥ svāhā |
jyotiḥ sūryaḥ sūryo jyotiḥ svāheti |
kalpayet pratimāyāstu netrake || 39 ||
[Analyze grammar]

oṃ ākṛṣṇena rajasā vartamāno niveśayannamṛtaṃ martyaṃ ca |
hiraṇmayena savitā rathenādevo yāti bhuvanāni paśyan || 40 ||
[Analyze grammar]

ityanena padmapuṭadvaye kuryāt kanīnikām |
netronmīlanakāle na draṣṭavyaṃ devasanmukhe || 41 ||
[Analyze grammar]

ādarśasvarṇabhakṣyapāyasaphalāni darśayet |
saumyā śubhā bhaved dṛṣṭirdevasya tu tathākṛte || 42 ||
[Analyze grammar]

śilpī śastreṇa ca rekhāmullekhayed vidhānataḥ |
gururabhyujya madhunā ghṛtenābhyukṣya mantrataḥ || 43 ||
[Analyze grammar]

snāpayenmṛdgomayena śastradoṣanivṛttaye |
svarṇapātraśalākādi vastrādi śilpine'rpayet || 44 ||
[Analyze grammar]

godānaṃ gurave cāpi datvā kuṇḍe havaṃ caret |
dikpālebhyo baliṃ datvā brāhmaṇān caturaḥ śubhān || 45 ||
[Analyze grammar]

bhojayitvā dakṣiṇādi pradatvā tān visarjayet |
iti netrāñjanaṃ kṛtvā saṃkīrtya deśakālakau || 46 ||
[Analyze grammar]

mahāsnānaṃ kārayecca devasya paramātmanaḥ |
bhadrāsanāt pratimāmutthāpayenmantrakaṃ gṛṇan || 47 ||
[Analyze grammar]

oṃ uttiṣṭha brahmaṇaspate devayaṃtastvemahe |
upaprayantu marutaḥ sudānava indra prāsūrbhavā sacā || 48 ||
[Analyze grammar]

ityutthāpya bhadraṃ karṇebhīti vedyām udaṅdiśi |
bhadrāsane sthāpayitvā pādapīṭhaṃ prakalpayet || 49 ||
[Analyze grammar]

oṃ samudretimantraiśca snāpayeccaturbhirghaṭaiḥ |
dadhidūrvā'kṣatādyaiḥ sampūjyā''rārtrikamācaret || 50 ||
[Analyze grammar]

namaste'rce sureśāni prakṛte viśvakarmaṇaḥ |
prabhāvitā'śeṣajagaddhātri tubhyaṃ namo namaḥ || 51 ||
[Analyze grammar]

tvayi sampūjayāmīśaṃ nārāyaṇaṃ parātparam |
haritāśeṣadoṣe tvam ṛddhiyuktā sadā bhava || 52 ||
[Analyze grammar]

tato dakṣe kare caurṇasūtraṃ vitastimātrakam |
yadā vaghnannitimantrairbadhnīyātpraṇamettathā || 53 ||
[Analyze grammar]

idamāpetimantraiśca prasnāpayeccaturghaṭaiḥ |
agnirmūrddheti ca mṛdā tataḥ śuddhodakena ca || 54 ||
[Analyze grammar]

gomayena gomūtreṇa bhasmanā śuddhavāriṇā |
pañcagavyena śuddhādbhiḥ kṣīreṇa śuddhavāriṇā || 55 ||
[Analyze grammar]

dadhnā śuddhajalenāpi madhunā ca jalena ca |
śarkarayā jalenāpi snāpayenmārjayettataḥ || 56 ||
[Analyze grammar]

pañcāmṛtānāṃ mantrāṃścoccārayet snānakārakaḥ |
yajñāyeti sugandhena tailena cābhiyojayet || 57 ||
[Analyze grammar]

oṃ drupadādiva mumucānaḥ svinnaḥ snāto malādiva |
pūtaṃ pavitreṇevā''jyamāpaḥ śundhantu mainasaḥ || 58 ||
[Analyze grammar]

yavaśāligodhūmādimasūrabilvacūrṇakaiḥ |
udvartya oṃ yāteti ca limpayed yakṣakardamaiḥ || 59 ||
[Analyze grammar]

kastūryaṃśadvayaṃ kuṃkumāṃśatrayaṃ śaśyekakam |
candanāṃśatrayaṃ yakṣakardamaḥ so'yamucyate || 60 ||
[Analyze grammar]

jaṭāmāṃsyā'nusaṃlipya ghaṭadvayena snāpayet |
mānastokapratadviṣṇumantradvayaṃ samuccaret || 61 ||
[Analyze grammar]

pañcanadya itipañcāmṛtena ca pṛthakapṛ'thak |
tattanmantreṇa saṃsnāpya śuddhodakena vai tataḥ || 62 ||
[Analyze grammar]

gandhodakena ca pañcapatrakaṣāyavāriṇā |
oṣadhīkalaśenāpi sitapuṣpodakena ca || 63 ||
[Analyze grammar]

śāntighaṭodakenāpi phalaghaṭodakena ca |
svarṇodakaghaṭenāpi hiraṇyetimanuṃ gṛṇan || 64 ||
[Analyze grammar]

tataḥ śṛṃgodakenāpi tato dhanyodakena ca |
sahasradhārākalaśaiḥ sarvauṣadhījalena ca || 65 ||
[Analyze grammar]

patrodakena ca dūrvodakena ca ratnavāribhiḥ |
tīrthodakena ca vārdhighaṭaiḥ saṃsnāpayettataḥ || 66 ||
[Analyze grammar]

kṣārodakena ca kṣīrakuṃbhodakena vai tataḥ |
dadhikuṃbhena ca ghṛtenekṣurasena vai tataḥ || 67 ||
[Analyze grammar]

surodakena ca tataḥ svādūdakena vai tataḥ |
nārikelajalenāpi lokapālaghaṭaistataḥ || 68 ||
[Analyze grammar]

kadambapatrakuṃbhena śālmalīkuṃbhakodakaiḥ |
jambūpatraghaṭenāpi cāśokapatravāriṇā || 69 ||
[Analyze grammar]

plakṣapallavasalilaiścūtapatraghaṭena ca |
vaṭapatrodakenāpi bilvapatrodakena ca || 70 ||
[Analyze grammar]

nāgavallīdalenāpi pālāśapallavena ca |
rudrākṣavāriṇā cāpi saṃsnāpya cāvamārjayet || 71 ||
[Analyze grammar]

devamāvāhayenmantrairehi cātra sthiro bhava |
yajñabhāgaṃ gṛhāṇemaṃ parameśa namostu te || 72 ||
[Analyze grammar]

hiraṇyapātrapādyaṃ ca dadyādarghyaṃ tathā śubham |
ācamanaṃ candanādi dadyāttathopavītakam || 73 ||
[Analyze grammar]

vedāhametamiti sūtra yuvāsviti tathā'mbaram |
vedāhetyuttarīyaṃ ca idaṃ viṣṇuḥ supuṣpakam || 74 ||
[Analyze grammar]

dhūrasīti tato dhūpaṃ candramā iti dīpakam |
annapate ca naivedyaṃ karodvartanamācamam || 75 ||
[Analyze grammar]

tāmbūlakaṃ phalaṃ yajñeneti puṣpāñjaliṃ tathā |
datvā ca śilpine pātravastrādi sarvamarpayet || 76 ||
[Analyze grammar]

annādhivāsanaṃ kuryāt koṇe tu maṇḍapasya vai |
saptasu dhānyaśṛṃgeṣu devānāmupaveśanam || 77 ||
[Analyze grammar]

kṛtvā deveśvaraṃ śayyāyāṃ tu samadhivāsayet |
brāhmaṇādīn bhojayecca dvādaśa prīyatāmiti || 78 ||
[Analyze grammar]

godānaṃ ca tataḥ kṛtvā prāsādamukhadakṣagām |
koṇagāṃ śayanīṃ kṛtvā stutvā devamutthāpayet || 79 ||
[Analyze grammar]

rathe tvāropayeccāpi prādakṣiṇyena mandirāt |
ānīya yāgamaṇḍakṣmāṃ niveśya dvāri paścime || 80 ||
[Analyze grammar]

madhyavedyāḥ paścapīṭhe prāṅmukhaṃ taṃ nidhāya ca |
dadyānmantrairmadhuparkaṃ puruṣa evedamitinā || 81 ||
[Analyze grammar]

pādyaṃ cārghyaṃ madhuparkaṃ mantrairdadyāttataḥ param |
madhyavedyāṃ dhānyapuñje kāṣṭhaśayyāṃ tu prākśirām || 82 ||
[Analyze grammar]

āstīrya śuklavasane'kṣatasvastikamālikhet |
prāgagragān kuśānāstīrya pūrvādiṣu pūjayet || 83 ||
[Analyze grammar]

pūrve namo viṣṇave dakṣe madhusūdanāya ca |
paścime trivikramāyottare vāmanakāya ca || 84 ||
[Analyze grammar]

āgneyyāṃ śrīdharāyeti ṛṣikeśāya nirṛtau |
vāyavye padmanābhāyeśānyāṃ dāmodarāya ca || 85 ||
[Analyze grammar]

namaḥ sampūjayāmīti tatastān triḥparikramet |
devaṃ ca śayane kṛtvā tribhiḥ paṭṭadukūlakaiḥ || 86 ||
[Analyze grammar]

ācchādya ca śirodeśe nidrākalaśamānyaset |
sahiraṇyāmbaram āpodevīmantreṇa sannyaset || 87 ||
[Analyze grammar]

āpo asmānmātaraścetimantraiḥ pratiṣṭhāpayet |
āpyāyasveti madhunā ghṛtenā'bhyaṃjayettataḥ || 88 ||
[Analyze grammar]

yā te rudretimanunopalipettailasarṣapaiḥ |
gandhādyairabhyarcya sitaṃ paridhānaṃ samarpayet || 89 ||
[Analyze grammar]

bṛhaspateti manunā kare dadyāttu kaṃkaṇam |
viśvateti pādanābhivakṣaḥśirassvālambhanam || 90 ||
[Analyze grammar]

purataḥ pāduke pārśvayoḥ śāntikuṃbhakau tathā |
dakṣe chatraṃ vyajane ca purataścāsanaṃ tathā || 91 ||
[Analyze grammar]

ghaṇṭāṃ bhakṣyaṃ jalaṃ darpaṇādikaṃ sthāpayettataḥ |
samantād bhasmanā darbhatilaiḥ prākārakatrayam || 92 ||
[Analyze grammar]

kṛtvā ca maṇḍapād bāhye lokapebhyo'rpayed balim |
dikṣu datvā valiṃ kuṇḍamāgatya homamācaret || 93 ||
[Analyze grammar]

oṃ parāya viṣṇavātmane namaḥ svāhedaṃ viṣṇave |
aṣṭottaraśataṃhomaṃ kuryāt tilayavādibhiḥ || 94 ||
[Analyze grammar]

nyāsān kuryād yathā yaṃ pādayoḥ ūṃ hṛdaye tathā |
maṃ lalāṭe iti rītyā mūrtau praṇavamarpayet || 95 ||
[Analyze grammar]

bhūḥ pādayorbhuvau hṛdi svarbhāle vyāhṛtīrnyaset |
aṃ tālau āṃ mukhe iṃ dakṣe īṃ vāme ca netrake || 96 ||
[Analyze grammar]

uṃ dakṣe ūṃ vāmakarṇe kaṃ dakṣiṇagaṇḍake |
ṛṃ vāmagaṇḍake laṃ dakṣiṇanāsāpuṭe tathā || 97 ||
[Analyze grammar]

lūṃ vāme nāsikāpatre eṃ ūrdhve oṣṭhake tathā |
aiṃ adharoṣṭhe oṃ danteṣu auṃ danteṣu adhaḥsu ca || 98 ||
[Analyze grammar]

aṃ lalāṭe aḥ jihvāyāṃ yaṃ tvaci raṃ tu cakṣuṣoḥ |
laṃ nāsāyāṃ vaṃ daśaneṣu śaṃ śrotrayoḥ ṣaṃ codare || 99 ||
[Analyze grammar]

saṃ karau haṃ hṛdi kṣaṃ nābhyāṃ laṃ liṃge nyasettathā |
paphababhama dakṣiṇe bāhau taṃthaṃdaṃdhaṃnaṃ vāmake || 100 ||
[Analyze grammar]

ṭaṃṭhaṃḍaṃḍhaṃṇaṃ dakṣāyāṃ jaṃghāyāṃ caṃchaṃjaṃjhaṃñaṃ vāmāyām |
kaṃkhaṃgaṃghaṃṅaṃ cāṃguliṣu mātṛkānyāsamācaret || 101 ||
[Analyze grammar]

oṃ ravicandrābhyāṃ netrayorbhaumāya hṛdaye tathā |
skandhe budhāya jihvāyāṃ bṛhaspataye vai tathā || 102 ||
[Analyze grammar]

liṃge śukrāya ca śanaiścarāya tu lalāṭake |
rāhave pādayoścāpi keśeṣu ketave tathā || 103 ||
[Analyze grammar]

rohiṇībhyo'pi hṛdaye mṛgaśirase mastake |
ārdrāyai cāpi keśeṣu punarvasave bhālake || 104 ||
[Analyze grammar]

puṣyāya tu mukhe āśleṣābhyo nāsāpuṭe tathā |
maghābhyo dantavargeṣu nyāsān samācarettathā || 105 ||
[Analyze grammar]

dakṣakarṇe tu pūrvāphālgunībhyo vāmakarṇake |
uttarāphālgunībhyaśca hastāya hastayostathā || 106 ||
[Analyze grammar]

citrāyai dakṣiṇabhuje svātyai ca vāmabāhuke |
viśākhānurādhābhyāṃ stanayo dakṣiṇe tvatha || 107 ||
[Analyze grammar]

kukṣau jyeṣṭhābhyo mūlāya vāmakukṣau tatastathā |
kaṭyāṃ ca pārśvayoḥ pūrvāṣāḍhābhyo liṃgake tathā || 108 ||
[Analyze grammar]

uttarāṣāḍhābhya eva vṛṣaṇe śravaṇāya tu |
dhaniṣṭhāyai tathā netre śatabhiṣābhya eva ca || 109 ||
[Analyze grammar]

ūrvoḥ pūrvābhādrapadottarābhādrapadābhyāṃ tathā |
revatībhyo'śvinībhyaśca nābhyāṃ dhruvāya vai namaḥ |
saptarṣibhyaḥ kaṇṭhadeśe mātṛkābhyaḥ kaṭyāṃ namaḥ || 110 ||
[Analyze grammar]

viṣṇupadebhyaḥ pādayostārābhyo romakūpiṣu |
nāgavīthyai cāṃgavīthyai vanamālāyāṃ namaḥ || 111 ||
[Analyze grammar]

kaustubhe'gastimunaye namo grahebhya ityapi |
hariḥ rādhe nyāsabhedānāha proktā mayā'pi te || 112 ||
[Analyze grammar]

iti śrīlakṣmīnārāyaṇīyasaṃhitāyāṃ dvitīye tretāsantāne snānakalaśasthāpanadikpālabalisvarṇaśalākānetrāṃjanabahughaṭasnānapatrasnānapū janā''bharaṇanaivedyahomapraṇavanyāsamātṛkānyāsanakṣatranyāsādinirūpaṇanāmā ṣaṭpaṃcāśadadhikaśatatamo'dhyāyaḥ || 156 ||
[Analyze grammar]