Chapter 155

śrīkṛṣṇa uvāca |
atha śrībhagavānāha devāyatanakāyavat |
yūpāropaṇakarmādi rādhike tadvadāmi te || 1 ||
[Analyze grammar]

ācāryaḥ pūrvakuṇḍādvai pūrvato maṇḍapācca vā |
pādatrayamitāṃ bhūmiṃ vihāya ca tataḥ param || 2 ||
[Analyze grammar]

yūpasthānaṃ prakurvīta prāsāde śānake ca vā |
ṣoḍaśa vā daśa hastān bhūbhāgān pravihāya vai || 3 ||
[Analyze grammar]

yūpasthānaṃ prakurvīta pūjanaṃ tasya vai tataḥ |
kāṣṭhenā'ratnimātraṃ tu khātaṃ kṛtvā tataḥ param || 4 ||
[Analyze grammar]

yūpastutiṃ prakuryādvai yūpa tvaṃ nirmitaḥ purā |
yajñabhāgātmako devaḥ prāsādarakṣakaḥ śubhaḥ || 5 ||
[Analyze grammar]

pūjāṃ puṣpabaliṃ dhṛtvā sthiro naścodayaṃ kuru |
ityabhyarcya haridrātailāktaṃ yūpaṃ tataḥ param || 6 ||
[Analyze grammar]

śāntikuṃbhodakaiḥ snāpayitvā'bhbhujya ghṛtena ca |
puṣpamālādinā'bhyarcya badhnīyāt poṭalīṃ tataḥ || 7 ||
[Analyze grammar]

dūrvāguggulasarṣapanimbapatragorocanaiḥ |
sahitāṃ yūpamābadhnan mantraṃ vadenmakhī tadā || 8 ||
[Analyze grammar]

oṃ yadā badhnaṃ dākṣāyaṇā hiraṇyaṃ śatānīkāya sumanasyamānāḥ |
tanma ābadhnāmi śataśāradāyuṣmāṃ jaradaṣṭiryathāsam || 9 ||
[Analyze grammar]

oṃ yuvā suvāsāḥ parivīta u śreyān bhavati jāyamānaḥ |
taṃ dhīrāsaḥ kavaya unnayanti svādhyāyo manasā devayantaḥ |
iti vastreṇa cāveṣṭya tataścālambayenmakhī || 10 ||
[Analyze grammar]

oṃ yūpavraskā uta ye yūpavāhāścaṣālaṃ ye aśvayūpāya takṣati |
ye cārvate pacanaṃ saṃbharantyutasteṣāmābhigūrtirna invatu || 11 ||
[Analyze grammar]

oṃ ucchrayasva vanaspata ityucchritya ca gartake |
akṣatapuṣpadarbhāṃśca prakṣipya prokṣya vāriṇā || 12 ||
[Analyze grammar]

oṃ dhruvāsītimantreṇa ropayed yūpadaivatam |
supratiṣṭhaściraṃ sthiraścāyudaḥ saukhyado bhava || 13 ||
[Analyze grammar]

oṃ dhruvāsi dhruvo'yaṃ yajamāno'sminnāyata |
prajayā paśubhirbhūyāt |
ghṛtena dyāvāpṛthivī pūryyethāmindrasya |
cchadirasi viśvajanasyacchāyā || 14 ||
[Analyze grammar]

iti gartaṃ mṛdā''pūrya dṛḍhīkurvanna vai calet |
yajñāyajñāvo agnaye girāgirā ca dakṣase || 15 ||
[Analyze grammar]

prapravayamamṛtaṃ jātavedasaṃ priyaṃ mitraṃ na śaṃsiṣam |
iti mūle jalaṃ datvā yūpaṃ kuṃkumarañjitam || 16 ||
[Analyze grammar]

kṛtvā dhūpadīpapuṣpagandhanaivedyasatphalaiḥ |
dakṣiṇābhiśca saṃpūjya tadṛkṣe maṇḍalaṃ śubham || 17 ||
[Analyze grammar]

kuryād yūpadevatārthaṃ hastamātre hi sthaṇḍile |
śubhravastraṃ samāstīrthaṃ pañcaviṃśatikoṣṭhavat || 18 ||
[Analyze grammar]

pūvottarābhiḥ rekhābhiḥ ṣaḍbhiḥ ṣaḍbhiḥ sukoṣṭhakam |
kṛtvā ca vrīhibhiḥ ramyaṃ maṇḍapaṃ pūjayet surān || 19 ||
[Analyze grammar]

brahmāṇaṃ madhyakoṣṭhe tu saumaṃ tathottare'rcayet |
aiśe śiva ca prāgindramāgneyyāmagnimarcayet || 20 ||
[Analyze grammar]

dakṣe yamaṃ ca nairṛtyāṃ nairṛtiṃ ca samarcayet |
paścime varuṇaṃ vāyau vāyuṃ tathā samarcayet || 21 ||
[Analyze grammar]

vāyusomāntarāle'ṣṭavasūn saṃpūjayenmakhī |
someśānāntarāle caikādaśarudradevatāḥ || 22 ||
[Analyze grammar]

īśānapūrvayormadhye dvādaśādityadevatāḥ |
indrāgnayoścāntarāle'śvinau devau samarcayet || 3 ||
[Analyze grammar]

āgneyadakṣiṇamadhye saptamātṝḥ samarcayet |
yāmyanairṛtyayormadhye gaṇeśaṃ ca samarcayet || 24 ||
[Analyze grammar]

varuṇanirṛtimadhye nāgān bhūtāni cārcayet |
varuṇavāyvantarāle yakṣarakṣāṃsi cārcayet || 25 ||
[Analyze grammar]

brahmatastu udīcyāḥ prādakṣiṇyena madhyagān |
vṛṣabhadhvajakaṃ sādhyānnārāyaṇaṃ ca pitṛkān || 26 ||
[Analyze grammar]

yamaṃ ca mṛtyurogāṃśca marutaścitraguptakam |
aṣṭau saṃsthāpya ca devān pūjayettu tataḥ param || 27 ||
[Analyze grammar]

brahmaṇaḥ pādamūle tu pṛthivīṃ vai samarcayet |
abhiṣekaṃ prakurvīta tattannāmāni vai gṛṇan || 28 ||
[Analyze grammar]

oṃ asaṃkhyātāḥ sahasrāṇi ye rudrā adhibhūmyāṃ vai |
teṣāṃ sahasrayojane 'vadhanvānitanmasīti || 29 ||
[Analyze grammar]

oṃ imaṃ me gaṃge yamune sarasvati |
śatadrustomaṃ sa ca tāparuṣṇyā |
asiknyāmahadvidhevitattayārjīkīye |
śṛṇu hyāśiṣo mayā || 30 ||
[Analyze grammar]

oṃ imaṃ me brahmaputre irāvati sāle |
candre menakāṃgeṃ'gaśikṣāṃge corale |
balo dīnāp kaṅgo nīpe nāyije |
narāyaṇi meke cārthe kaliṃgini ceme || 31 ||
[Analyze grammar]

oṃ ekā ca me tisraśca me tisraśca me |
pañca ca me pañca ca me |
sapta ca me sapta ca me |
nava ca me nava ca me |
ekādaśa ca me ekādaśa ca me |
trayodaśa ca me trayodaśa ca me |
pañcadaśa ca me pañcadaśa ca me |
saptadaśa ca me saptadaśa ca me |
navadaśa ca me navadaśa ca me |
ekaviṃśatiśca me ekaviṃśatiśca me |
trayoviṃśatiśca me trayoviṃśatiśca me |
pañcaviṃśatiśca me pañcaviṃśatiśca me |
saptaviṃśatiśca me saptaviṃśatiśca me |
navaviṃśatiśca me navaviṃśatiśca me |
ekatriṃśaśca me ekatriṃśaśca me |
trayastriṃśacca me trayastriṃśacca me |
yajñena kalpantām || 32 ||
[Analyze grammar]

catasraśca me'ṣṭau ca me'ṣṭau ca me |
dvādaśa ca me dvādaśa ca me |
ṣoḍaśa ca me ṣoḍaśa ca me |
viṃśatiśca me viṃśatiśca me |
caturviṃśatiśca me caturviṃśatiśca me |
'ṣṭāviṃśatiśca me'ṣṭāviṃśatiśca me |
dvātriṃśacca me dvātriṃśacca me |
ṣaṭtriṃśacca me ṣaṭtriṃśacca me |
catvāriṃśacca me catvāriṃśacca me |
catuścatvāriṃśacca me catuścatvāriṃśacca me |
'ṣṭācatvāriṃśacca me'ṣṭācatvāriṃśacca me |
yajñena kalpantām || 33 ||
[Analyze grammar]

oṃ ye tīrthāni pracaranti sṛkāhastā niṣaṅgiṇaḥ |
teṣāṃ sahṛsrayojane 'vadhannvāni tannmasi || 34 ||
[Analyze grammar]

iti yūpamabhiṣicya yūpanyāsān samācaret |
yūpasya śirasi namo brahmaṇe cakṣuṣostvatha || 35 ||
[Analyze grammar]

sūryaśaśibhyāṃ ca namaḥ keśavāya namo hṛdi |
namo nābhāvagnaye ca kaṭiguhyoruṣu nvimān || 36 ||
[Analyze grammar]

namāmyekādaśarudrān jaṃghayormerave namaḥ |
pādayornāgadevāṃśca namāmi cātha vai punaḥ || 37 ||
[Analyze grammar]

oṃ athetasttha rāṣṭadā rāṣṭraṃ me datta |
svāhā'rthetasttha rāṣṭradā rāṣṭramamuṣmai datta |
ojasvatīsttha rāṣṭradā rāṣṭraṃ me datta |
svāhaujasvatīsttha rāṣṭradā rāṣṭramamuṣmai datta |
āpaḥ parivāhiṇīsttha rāṣṭradā rāṣṭraṃ me datta |
svāhāpaḥ parivāriṇīsttha rāṣṭradā rāṣṭraṃ me datta |
apāṃ patirāsi rāṣṭadārāṣṭramme dehi |
svāhāpāmpatirami rāṣṭadā rāṣṭramamuṣmai dehi |
apāṃ garbho'si rāṣṭadā rāṣṭramme dehi |
svāhāpāṃgarbhosi rāṣṭradā rāṣṭramamuṣmai dehi |
sūryatvacasasttha iti śikhāyām || 38 ||
[Analyze grammar]

oṃ viśvataścakṣuruta viśvatomukho |
viśvatobāhuruta viśvataspāt |
sambāhubhyāṃ dhamati patattrairdyāvābhūmī |
janayan deva eka iti cakṣuṣoḥ || 39 ||
[Analyze grammar]

oṃ vārāhāya nama iti nāsikābhyāṃ namo namaḥ |
omagniṃ dūtaṃ purodadhe havyāvāhamupabruve |
devānāsādayādiha ceti mukhe namo namaḥ || 40 ||
[Analyze grammar]

oṃ nīlagrīvāḥ śitikaṇṭhā divaṃ rudrā upaśritāḥ |
teṣāṃ sahasrayojane vadhannvāni tanmasīti grīvāyām || 41 ||
[Analyze grammar]

oṃ bāhvorme balamastu ceti bāhvoścāpi namo namaḥ |
oṃ hṛde tvā manase tvā dive tvā sūryāya tvā |
ūrdhvamimamadhvaraṃ divi deveṣu hotrā yaccheti hṛdaye || 82 ||
[Analyze grammar]

oṃ samudrādūrmirmadhumāṃ udāradupāṃśunā samamṛtatvamānaṭ |
ghṛtasya nāma guhyaṃ yadasti jihvā devānāmamṛtasya nābhirityudare || 43 ||
[Analyze grammar]

oṃ vāmadya savituriti kaṭidvayoḥ namo namaḥ |
oṃ nābhirme cittaṃ vijñānaṃ pāyurme'pacitirbhasat || 44 ||
[Analyze grammar]

ānandanandāvāṃṇḍau me bhagaḥ saubhāgyaṃ pasaḥ |
jaṃghābhyāṃ padbhyāṃ dharmo'smi viśi rājā pratiṣṭhitaḥ iti jaṃghayoḥ || 45 ||
[Analyze grammar]

oṃ āyaṃ gauḥ pṛragnirakramīdasadanmātarampuraḥ |
pitaraṃ ca prayaṃtsvaḥ iti pādayoste namo namaḥ || 46 ||
[Analyze grammar]

evaṃ yūpe nyāsamāptvā''pūjya paṃcopacārakaiḥ |
pūjāṃ baliṃ pradadyācca yūpāyaiṣa baliṃ namama || 47 ||
[Analyze grammar]

ehyehi dharmadhvaja yajñanātha trayīmayo vedaśarīrayūpa |
dadhātu devādhvarayajñarakṣāṃ valiṃ gṛhāṇāpi namonamaste || 688 ||
[Analyze grammar]

oṃ somaparvateti kuṃkumāktasūtreṇa veṣṭayet |
oṃ parvatasyeti parvatān varuṇaṃ dikprapālakān || 49 ||
[Analyze grammar]

yūpe gandhādyaiḥ sampūjya dhyātvā codaṅmukhaḥ paṭhet |
mūlacchedena ca bhūmighātena pātakādikam || 50 ||
[Analyze grammar]

yūpa vyāpohya sarva yūpaspṛṣṭaḥ śuciḥ sadā |
oṃ yā oṣadhīḥ pūrvā jātā devebhyastriyugaṃ purā || 51 ||
[Analyze grammar]

manai nu babhraṇāmahaṃ śataṃ dhāmāni sapta ca |
badhvaivaṃ puṣpamālāṃ ca yūpaṃ kṛtvā pradakṣiṇam || 52 ||
[Analyze grammar]

gāḍhamāliṅgya ca sarvaṃ namaskuryāt kuṭumbakam |
pālāśo brāhmaṇasyokto naiyyagrodhastu bhūbhujaḥ || 53 ||
[Analyze grammar]

bailvo vaiśyasya yūpaḥ syācchūdrasyaudumbaraḥ smṛtaḥ |
śiraḥpramāṇo viprasya ākaṇṭhaṃ kṣatriyasya ca || 54 ||
[Analyze grammar]

uraḥpramāṇo vaiśyasya śūdrasya nābhimātrakaḥ |
prācyāṃ tu padamātrānte iti nārāyaṇaṃ namet || 55 ||
[Analyze grammar]

athā'dhivāsanaṃ kāryaṃ sāyaṃ mukhyasurasya vai |
ācāryo yajamānaśca ṛtvik suvāsinī tathā || 56 ||
[Analyze grammar]

gaccheyuḥ śilpiśālāṃ ca devāgre sthāpayed ghaṭam |
tīrthānyāvāhayet tatra gaṃgāṃ yamīṃ sarasvatīm || 57 ||
[Analyze grammar]

cerāvatīṃ brahmaputrāṃ nārāyaṇīṃ ca gaṇḍakīm |
samudrān prataṭākāṃśca kṣetrāṇyaśvasarovaram || 58 ||
[Analyze grammar]

puṣkaraṃ bālakṛṣṇaṃ ca mānasaṃ badarīvanam |
āvāhayed ghaṭe tāni viśantu brahmaśāsanāt || 59 ||
[Analyze grammar]

kuṃbhasya tu caturdikṣu nama indrāya omiti |
namo yamāya ca varuṇāya kuberakāya ca || 60 ||
[Analyze grammar]

pūjayāmi ca gandhādyaistathā homaṃ karomi ca |
pratimāyāḥ śilāyāstu doṣavāraṇahetave || 61 ||
[Analyze grammar]

ghaṭanādau jantunāśotthādipāpanivṛttaye |
sthaṇḍilaṃ pratimāyogyaṃ kṛtvā ca bhūtasaṃskṛtim || 62 ||
[Analyze grammar]

agniṃ nyasya prakuryācca homaṃ tilairvṛtādinā |
hutvā cā''ghārājyabhāgau devamantreṇa vai tathā || 63 ||
[Analyze grammar]

ājyāhutīḥ śatadvayaṃ hutvā pūrṇāhutiṃ tathā |
prārthayenmūrtirūpastvaṃ smṛddhiyuktaḥ sadā bhava || 64 ||
[Analyze grammar]

kuśaiḥ sammṛjya madhvājyābhyaṃgena vraṇanāśanam |
kartavyaṃ karaṇīyaṃ ca mṛdā snānaṃ viśuddhayā || 65 ||
[Analyze grammar]

gomayena gomūtreṇa bhasmanā payasā pṛthak |
madhye madhye jalenā'pi tato'bhiṣecanaṃ caret || 66 ||
[Analyze grammar]

gandhādyaiḥ sitapuṣpaiścā''pūjya kuṃbhodakena ca |
saṃsnāpya yajamānaḥ saḥ śilpine cāmbarādikam || 67 ||
[Analyze grammar]

dadyāccāpi tadācāryo mūrtiṃ vilokya sarvataḥ |
devasya dakṣiṇe haste sitorṇādivinirmitam || 68 ||
[Analyze grammar]

sarvauṣadhimanaḥphalayutaṃ vitastimātrakam |
dorakaṃ mūlamantreṇa badhnīyāt pratimāṃ tataḥ || 69 ||
[Analyze grammar]

rathe cāropayed gītavādyaiḥ śṛṃgāraśobhitām |
āropayed rathe brahmā vedamantrān samuccaran || 70 ||
[Analyze grammar]

oṃ rathe tiṣṭhannayati vājinaḥ puro |
yatra yatra kāmayate sukhārathiḥ |
abhīśūnāṃ mahimānaṃ panāyatamanaḥ |
paścādanuyacchanti raśmayaḥ || 71 ||
[Analyze grammar]

nadyāṃ vā sarasi kuṇḍe nītvā tāmadhivāsayet |
puṇyāhavācanaṃ kuryāt svastivācastato'pi ca || 72 ||
[Analyze grammar]

oṃ ā no bhadrāḥ kratavo yantu |
viśvatodabdhāso aparītāsa udbhidaḥ |
devā no yathā sadamidvṛdhe asanna |
prāyuvo rakṣitāro dive dive || 73 ||
[Analyze grammar]

ā devānāṃ bhadrā sumatirṛjūyatāṃ |
devānāṃ rātirabhino nivartatām |
devānāṃ sakhyamupasedimā vayaṃ devā na |
āyuḥ pratirantu jīvase || 74 ||
[Analyze grammar]

oṃ tamīśānaṃ jagatastasthuṣaḥ |
patiṃ dhiyaṃ jinvamavase hūmahe vayam |
pūṣā no yathā vedasāmasad |
vṛdhe rakṣitā pāyuradabdhaḥ svastaye || 75 ||
[Analyze grammar]

ityādi śāntipāṭhādi proccārya saritastaṭam |
pañcagavyena samprokṣya nyasya pūjādravādikān || 76 ||
[Analyze grammar]

vastrācchāditamūrtiṃ ca manunā'psvadhivāsayet |
udaṅamukho yajamāno deśakālau prakīrtya ca || 77 ||
[Analyze grammar]

varuṇasya gaṇeśasya mātṛkṣetrapaprabhṛteḥ |
pūjanaṃ ca kariṣye'tra gaṇānāṃ tvā vadan tataḥ || 78 ||
[Analyze grammar]

bhūrbhuvaḥ svaḥ gaṇeśa tvamihāgaccha ca tiṣṭha ca |
siddhibuddhisahitaṃ tvāṃ pūjayāmi namāmi ca || 79 ||
[Analyze grammar]

idaṃ dīpamāṣabhaktabaliṃ samarpayāmi te |
jalamātṝrjale tadvadarcayeccārpayedbalim || 80 ||
[Analyze grammar]

namo matsyai ca kacchapyai kūrmyaiṃ vārāhyai namama |
daduryai śiśumāryai ceśvaryye namaḥ prapūjanam || 81 ||
[Analyze grammar]

akṣateṣu ca rekhāsu jīvamātṛḥ prapūjayet |
matsyai hṛdyai ca godhāyai makaryai ḍuṃḍubhyai namaḥ || 82 ||
[Analyze grammar]

daduryyai ca namo jalyai gandhādyaiḥ pūjanaṃ tathā |
catuṣṣaṣṭiyoginīnāṃ kuṃkumādyairjale'rcanam || 83 ||
[Analyze grammar]

vāyavyāṃ kṣetrapālaṃ kuṃkumādyairarcayennaram |
bhūrbhuvaḥ svaḥ kṣetrapāla ihāgaccha ca tiṣṭha ca || 84 ||
[Analyze grammar]

kuṃkumaṃ dīpakaṃ māṣadadhibhaktabaliṃ gṛhṇa |
atha kuryājjalapūjāṃ nama oṃ adbhya eva ca || 85 ||
[Analyze grammar]

sāgarebhyaḥ sarobhyaśca tīrthebhyo nadībhyo namaḥ |
gandhākṣatān jale kṣiptvā varuṇaṃ cāpi pūjayet || 86 ||
[Analyze grammar]

bhūrbhuvaḥ svaḥ varuṇa tvamihāgaccha ca tiṣṭha ca |
māṣabhaktabaliṃ gṛhṇa varuṇāya namo namaḥ || 87 ||
[Analyze grammar]

pañcāmṛtaṃ kare dhṛtvā tanmantraiśca jale kṣipet |
jaladevaṃ prārthayecca mūrtiṃ jale prarakṣayet || 88 ||
[Analyze grammar]

sapta pañca trirātraṃ caikarātraṃ yāmameva vā |
ācāryāya hiraṇyaṃ cā'nyebhyaśca bhūridakṣiṇām || 89 ||
[Analyze grammar]

dadyānmūrtiṃ brāhmakāle ghaṭikādvayayāpite |
jalānniṣkāsya tīre saṃsnāpya sampūjya saddravaiḥ || 90 ||
[Analyze grammar]

uttiṣṭha śrīkṛṣṇanārāyaṇa rādhāramāpate |
uttiṣṭha brahmaṇaspate devayantastvemahe || 91 ||
[Analyze grammar]

upaprayantu marutaḥ sudānava indraprāśurbhavā sacā |
iti mantraiḥ samutthāpya sarvābharaṇabhūṣitām || 92 ||
[Analyze grammar]

vādyagītaiḥ rathe nyasya mārge ca vasatau nayet |
śilpiśālājale nītvā devamaṇḍapa dakṣiṇāt || 93 ||
[Analyze grammar]

bhrāmayitvā''nayet snānamaṇḍapaṃ ca tataḥ param |
vedikāyāṃ bhadrake cāsane prāṅānanaṃ prabhum || 94 ||
[Analyze grammar]

sthāpayed bhadramantraiśca tataḥ snānaṃ prakārayet |
rādhe tubhyaṃ mayoktaṃ tad daivatāyā''ha yaddhariḥ || 95 ||
[Analyze grammar]

iti śrīlakṣmīnārāyaṇīyasaṃhitāyāṃ dvitīye tretāsantāne yūpāropaṇaṃ taddevādipūjanaṃ pratimāyā jalādhivāsanaṃ nagarabhrāmaṇaṃ maṇḍapānayanaṃ cetyādinirūpaṇanāmā pañcapañcāśadadhika śatatamo'dhyāyaḥ || 155 ||
[Analyze grammar]