Chapter 149

śrīkṛṣṇa uvāca |
śṛṇu tvaṃ rādhike paścād bhagavān puruṣottamaḥ |
devāyatanabhaktāya yajjagāda vadāmi te || 1 ||
[Analyze grammar]

oṃ nāgamātre nama iti balikāṣṭhāni pūjayet |
candanaṃ kusumaṃ dhūpaṃ dīpaṃ naivedyamarpayet || 2 ||
[Analyze grammar]

oṃ sarvebhyo nama iti śākhodbandhanamarcayet |
candanaṃ kusumaṃ dhūpaṃ dīpaṃ naivedyamarpayet || 3 ||
[Analyze grammar]

nirgatya paścimadvārāt pūrvadvārasya toraṇam |
pūjayenmaṇḍapātpūrve hastamātre bahiḥśubham || 4 ||
[Analyze grammar]

aśvatthaṃ sudṛḍhākhyaṃ sindūravarṇaṃ hi toraṇam |
mahendraparvatayutaṃ śaṃkhākitaṃ hi pūjayet || 5 ||
[Analyze grammar]

oṃ aśvatthatoraṇaṃ cainaṃ yajñaṃ rakṣa prarakṣya ca |
sarvān vighnān vārayā'tra sthitaṃ sthiraṃ namāmi te || 6 ||
[Analyze grammar]

oṃ agnimīle purohitaṃ yajñasya devamṛtvijam |
hotāraṃ ratnadhātamaṃ rakṣa maṇḍapasārthakam || 7 ||
[Analyze grammar]

oṃ ṛgvedādhiṣṭhitāya sudṛḍhatorāṇāya ca |
namaḥ sudṛḍhatoraṇa cāvāhayāmi te namaḥ || 8 ||
[Analyze grammar]

gandhaṃ puṣpaṃ dhūpadīpau naivedyaṃ ca phalaṃ jalam |
tāmbūlaṃ dakṣiṇāṃ gṛhṇa dṛṇatoraṇa te namaḥ || 9 ||
[Analyze grammar]

omatra tiṣṭhate kṛtayugāya ca namo namaḥ |
kṛtaṃ yugaṃ toraṇe cāvāhayāmi ca te namaḥ || 10 ||
[Analyze grammar]

gandhaṃ puṣpaṃ dhūpadīpau naivedyaṃ ca phalaṃ jalam |
tāmbūlaṃ dakṣiṇāṃ gṛhṇa satyayuga ca te namaḥ || 11 ||
[Analyze grammar]

tatraiva rāhave nama āvāhayāmi rāhukam |
gandhaṃ puṣpaṃ dhūpadīpau naivedyaṃ ca phalaṃ jalam || 12 ||
[Analyze grammar]

tāmbūlaṃ dakṣiṇāṃ gṛhṇa rāho deva ca te namaḥ |
bṛhaspataye nama āvāhayāmi bṛhaspatim || 13 ||
[Analyze grammar]

gandhaṃ puṣpaṃ dhūpadīpau naivedyaṃ ca phalaṃ jalam |
tāmbūlaṃ dakṣiṇāṃ gṛhṇa bṛhaspate ca te namaḥ || 14 ||
[Analyze grammar]

tatraikaṃ kalaśaṃ dhṛtvā mahīṃ spṛṣṭvā manuṃ vadet |
oṃ mahī dyauḥ pṛthivī ca naḥ imaṃ yajñaṃ mimikṣatām || 15 ||
[Analyze grammar]

pipṛtānno bharīmabhiḥ samṛddhānno rasādibhiḥ |
tatra cauṣadhayaḥ kṣepyā yavāḥ kṣepyā manuplutāḥ || 16 ||
[Analyze grammar]

oṃ oṣadhayaḥ samavadante somena saha rājñā |
yasmai kṛṇoti brāhmaṇastaṃ rājan pārayāmasi || 17 ||
[Analyze grammar]

kalaśaṃ bhūtale cātha nidhāya ca manu vadet |
oṃ ājighra kalaśaṃ mahyā tvā viśantvindavaḥ || 18 ||
[Analyze grammar]

punarūrjā nivartasva śānaḥ sahasraṃ dhukṣva |
urudhārā payasvatī punarmā viśatādrayiḥ || 19 ||
[Analyze grammar]

jalenā''pūrya kalaśaṃ tīrthaṃ smṛtvā manu vadet |
oṃ varuṇasyottambhanamasi varuṇasya skaṃbhasarjanīsthaḥ || 20 ||
[Analyze grammar]

varuṇasya ṛtasadanyasi varuṇasya ṛtasadanamasi |
varuṇasya ṛtasadanamāsīda sarvatīrthamṛto bhava || 21 ||
[Analyze grammar]

atha gandhaṃ prakṣipecca kalaśe tīrthavāriṣu |
oṃ gandhadvārāṃ durādharṣāṃ nityapuṣṭāṃ kariṣiṇīm || 22 ||
[Analyze grammar]

īśvarīṃ sarvabhūtānāṃ tāmihopahvaye śriyam |
sarvauṣadhīstatra tataḥ kṣipettāsāṃ manūn gṛṇan || 23 ||
[Analyze grammar]

oṃ yā oṣadhīḥ pūrvā yātā devebhyastriyugaṃ purā |
manainu babhrūṇāmahaḥ śataṃ dhāmāni sapta ca || 24 ||
[Analyze grammar]

atha dūrvāḥ kṣipet tatra dūrvāyāśca manuṃ gṛṇan |
oṃ kāṇḍātkāṇḍātprarohantī paruṣaḥ paruṣaspari || 25 ||
[Analyze grammar]

evā no dūrve pratanu sahasreṇa śatena ca |
atha tatra kṣipet pañcapallavān tanmanuṃ gṛṇan || 26 ||
[Analyze grammar]

oṃ aśvatthe vo niṣadanaṃ parṇe vo vasatiḥ kṛtā |
gobhāja it kilāsatha yatsanavatha pūruṣam || 27 ||
[Analyze grammar]

atha saptamṛttikāścārpayet tāsāṃ manuṃ gṛṇan |
oṃ syonā pṛthivī no bhavānṛkṣarā niveśinī || 28 ||
[Analyze grammar]

yacchā naḥ śarma saprathāḥ puṣṭidā bhavatheha ca |
atha pūgīphalaṃ dadyāt tasyāpi ca manuṃ gṛṇan || 29 ||
[Analyze grammar]

oṃ yāḥ phalinīryā aphalā apuṣpā yāśca puṣpiṇīḥ |
bṛhaspatiprasūtāstā no muñcantvaṃhasaḥ || 30 ||
[Analyze grammar]

atha pañcaiva ratnāni nyasetteṣāṃ manuṃ gṛṇan |
oṃ pari vājapatiḥ kaviragnirhavyānyakramīt || 31 ||
[Analyze grammar]

dadhad ratnāni dāśuṣe sarvaratnāni cāvaha |
atha kṣipeddhiraṇyaṃ ca hiraṇyagarbhakaṃ gṛṇan || 32 ||
[Analyze grammar]

oṃ hiraṇyagarbhaḥ samavartatāgre bhūtasya jātaḥ patireka āsīt |
sa dādhāra pṛthivīṃ dyāmutemāṃ kasmai devāya haviṣā vidhema || 33 ||
[Analyze grammar]

atha vastraṃ veṣṭayecca yuvāsumantramuccaran |
tejovāsāṃsi ramyāṇi datsva svarṇāni dhāraya || 34 ||
[Analyze grammar]

oṃ yuvā suvāsāḥ parivīta āgātsa |
u śreyān bhavati jāyamānaḥ |
taṃ dhīrāsaḥ kavayaṃ unnayanti |
svādhyo manasā devayantaḥ || 35 ||
[Analyze grammar]

atha dhānyādinā pūrṇaṃ pātraṃ nidhāya tacchiraḥ |
oṃ pūrṇā darvi parāpata supūrṇā punarāpata || 36 ||
[Analyze grammar]

vasneva vikrīṇāvahā iṣamūrjjaṃ śatakrato |
itimantreṇa saṃskṛtya kalaśe dhruvamāhvayet || 37 ||
[Analyze grammar]

o dhruvaṃ cāvāhayāmi sthāpayāmi namaśca te |
gandhaṃ puṣpaṃ dhūpadīpau naivedyaṃ cārpayāmi te || 38 ||
[Analyze grammar]

pūjayāmi makhe cātra dhruvo dhruvataro bhava |
tataśca dakṣiṇe gatvā audumbaraṃ ca toraṇam || 39 ||
[Analyze grammar]

vikaṭākhyaṃ cakracihnaṃ vindhyanāmā'drisaṃyutam |
dhūmravarṇaṃ toraṇaṃ cāvāhayāmyarcayāmi ca || 40 ||
[Analyze grammar]

ehi vikaṭatoraṇa tvaṃ yajñaṃ rakṣa prarakṣa ca |
vighnānnivārayetastāt rasān smṛddhiṃ pradāpaya || 41 ||
[Analyze grammar]

oṃ iṣe tvorje tvā vāyava sttha devo vaḥ |
savitā prārpayatu śreṣṭhatamāya karmaṇaḥ |
āpyāyaddhamaghnyā indrāya bhāgaṃ prajāvatīranamīvā ayakṣmā || 42 ||
[Analyze grammar]

māvastena īśatamā'ghaśaṃso dhruvā asmin |
gopatau syāta bahvīḥ yajamānasya paśūn pāhi |
gomahiṣīḥ gajāśvān gavayān pāhi govṛṣāṃśca || 43 ||
[Analyze grammar]

oṃ yajurvedādhiṣṭhitāya vikaṭatoraṇāya te |
namastvāmāvāhayāmi sthāpayāmi ca te namaḥ || 44 ||
[Analyze grammar]

gandhaṃ puṣpaṃ dhūpadīpau naivedyaṃ ca phalaṃ jalam |
tāmbūlaṃ dakṣiṇāṃ gṛhṇa vikaṭatoraṇa te namaḥ || 45 ||
[Analyze grammar]

omatra tiṣṭhate tretāyugāya ca namo namaḥ |
tretāyugaṃ toraṇe cāvāhayāmi ca te namaḥ || 46 ||
[Analyze grammar]

gandhaṃ puṣpaṃ dhūpadīpo naivedyaṃ ca phalaṃ jalam |
tāmbūlaṃ dakṣiṇāṃ gṛhṇa tretāyugaṃ ca te namaḥ || 47 ||
[Analyze grammar]

tatraiva sūryāya nama āvāhayāmi sūryakam |
aṃgārakāya ca nama āhvayāmi cāṃgārakam || 48 ||
[Analyze grammar]

gandhaṃ puṣpaṃ dhūpadīpau naivedyaṃ ca phalaṃ jalam |
tāmbūlaṃ dakṣiṇāṃ gṛhṇataṃ yuvābhyāṃ namo namaḥ || 49 ||
[Analyze grammar]

tatraikaḥ kalaśaḥ sthāpyaḥ pūrvoktavidhibhiśca saḥ |
pūjanīyastatra dharāmāhvayāmi ca te namaḥ || 50 ||
[Analyze grammar]

gandhaṃ puṣpaṃ dhūpadīpau naivedyaṃ ca phala jalam |
tāmbūlaṃ dakṣiṇāṃ gṛhṇaṃ dhare sampaddharā bhava || 51 ||
[Analyze grammar]

tata ācamya ca paśce gatvā plākṣaṃ hi toraṇam |
subhīmākhyaṃ svarṇarūpaṃ gandhamādanaśobhitam || 52 ||
[Analyze grammar]

gadāṃkitaṃ ca vinyasya pūjayettanmanuṃ gṛṇan |
ehyehi subhīmatoraṇa yajñaṃ rakṣa prarakṣa ca || 53 ||
[Analyze grammar]

sarvavighnānnivāraya rasān sarvān samāhvaya |
oṃ agna āyāhi vītaye gṛṇāno havyadātaye || 54 ||
[Analyze grammar]

nihotā satsi barhiṣi sāmasaukhyaṃ vidhehi naḥ |
oṃ sāmavedādhiṣṭhitāya subhīmatoraṇāya te || 55 ||
[Analyze grammar]

namaḥ āvāhayāmi tvāṃ tasmai te ca namo namaḥ |
tadatra dvāparayugamāhvayāmi namo'stu ca || 56 ||
[Analyze grammar]

gandhaṃ puṣpaṃ dhūpadīpau naivedyaṃ ca phalaṃ jalam |
tāmbūlaṃ dakṣiṇāṃ gṛhṇa dvāparāya ca te namaḥ || 57 ||
[Analyze grammar]

tatra śukrāya ca namaḥ śukramāvāhayāmi ca |
tatra budhāya ca namo budhamāvāhayāmi ca || 58 ||
[Analyze grammar]

gandhaṃ puṣpaṃ dhūpadīpau naivedyaṃ ca phalaṃ jalam |
tāmbūlaṃ dakṣiṇāṃ gṛhṇa taṃ yuvābhyāṃ namo namaḥ || 59 ||
[Analyze grammar]

tatraikaḥ kalaśaḥ sthāpyaḥ pūrvoktavidhibhiśca saḥ |
pūjyastatra vākpatiṃ cāvāhayāmi ca te namaḥ || 60 ||
[Analyze grammar]

gandhaṃ puṣpaṃ dhūpadīpau naivedyaṃ ca phalaṃ jalam |
tāmbūlaṃ dakṣiṇāṃ gṛhṇa vākpate vākprado bhava || 61 ||
[Analyze grammar]

tata ācamyottare ca gatvā vaṭātmatoraṇam |
suprabhākhyaṃ śvetavarṇaṃ himādriśobhitaṃ śubham || 62 ||
[Analyze grammar]

padmāṃkitaṃ ca vinyasya pūjayet tanmanuṃ gṛṇan |
ehyehi suprabhatoraṇa yajñaṃ rakṣa prarakṣa ca || 63 ||
[Analyze grammar]

sarvavighnān nivāraya prabhāḥ sarvāḥ samānaya |
oṃ śanno devīrabhiṣṭaya āpo bhavantu prītaye || 64 ||
[Analyze grammar]

śaṃyyorabhi sravantu naḥ tejāṃsi vardhayantu naḥ |
o atharvavedā'dhiṣṭhitāya suprabhātoraṇāya te || 65 ||
[Analyze grammar]

nama āvāhayāmi tvāṃ tasmai te ca namo namaḥ |
tadatra ca kaliyugamāhvayāmi namo'stu ca || 66 ||
[Analyze grammar]

gandhaṃ puṣpaṃ dhūpadīpau naivedyaṃ ca phalaṃ jalam |
tāmbūlaṃ dakṣiṇāṃ gṛhṇan kaliyugāya te namaḥ || 67 ||
[Analyze grammar]

tatra somāya ca namaḥ somamāvāhayāmi ca |
ketave tatra ca namaḥ ketumāvāhayāmi ca || 68 ||
[Analyze grammar]

śanaiścarāya namaḥ śanimāvāhayāmi ca |
gandhaṃ puṣpaṃ dhūpadīpau naivedyaṃ ca phalaṃ jalam || 69 ||
[Analyze grammar]

tāmbūlaṃ dakṣiṇāṃ gṛhṇataitebhyaśca namo namaḥ |
tatraikaḥ kalaśaḥ sthāpyaḥ pūrvoktavidhibhiśca saḥ || 70 ||
[Analyze grammar]

pūjyastatra ca vighneśamāhvayāmi ca te namaḥ |
gandhaṃ puṣpaṃ dhūpadīpau naivedyaṃ ca phalaṃ jalam || 71 ||
[Analyze grammar]

tāmbūlaṃ dakṣiṇāṃ gṛhna vighneśa siddhido bhava |
tataḥ pūrve ca gatvaiva mahīdyauriti saṃgṛṇan || 72 ||
[Analyze grammar]

sthāpayecca pratidvāraśākhaṃ tu kalaśadvayam |
āvartanīyā mantrāste tattaddikkalaśaprathāḥ || 73 ||
[Analyze grammar]

pūrvadvāre kalaśobhayake cairāvatābhidham |
diggajaṃ cāvāhayāmi airāvatāya te namaḥ || 74 ||
[Analyze grammar]

gandhādyaṃ tāmbūlakāntaṃ cārpayāmi ca pūjanam |
kalaśopari sandeyo ghṛtadīpaḥ suśobhanaḥ || 75 ||
[Analyze grammar]

tatra ṛgvidhinā prāthyo ṛtvijau brahmadaivatau |
ṛgvedaḥ padmapatrākṣo gāyatraḥ somadaivataḥ || 76 ||
[Analyze grammar]

atrigotrastu viprendra ṛtvik tvaṃ me bhava |
oṃ agnimīḷe purohitaṃ yajñasya devamṛtvijam || 77 ||
[Analyze grammar]

hotāraṃ ratnadhātamaṃ gandhādyaiḥ pūjayāmi ca |
śrīsūktaṃ pāvamānaṃ ca somasūktaṃ sumaṃgalam || 78 ||
[Analyze grammar]

pauruṣaṃ rudrasūktaṃ ca vāmadevyaṃ ca vai vadet |
sahasrākṣaṃ gajasthaṃ sapītakirīṭakuṇḍalam || 79 ||
[Analyze grammar]

dakṣavāmakaravajrotpalaṃ dhyāyenmahendrakam |
āgacchāmarasaṃstutya rakṣa yajña ca te namaḥ || 80 ||
[Analyze grammar]

o bhūrbhuvaḥ svaḥ indra ihāgaccha ca tiṣṭha ca |
sāṃgaṃ saparivāraṃ sāyudhaṃ tathā saśaktikam || 81 ||
[Analyze grammar]

indraṃ ca dvārakalaśe hvayāmi pūjayāmi ca |
samucchreyetpītavarṇau patākāṃ dhvajakau tathā || 82 ||
[Analyze grammar]

oṃ trātāramindramavitāramindraṃ have have suhavaṃ śūramindram |
hvayāmi śakraṃ puruhūtamindraṃ svasti no maghavā dhātvindraḥ || 83 ||
[Analyze grammar]

śākhāyāṃ dakṣiṇe dhātre vidhātre cottare namaḥ |
dvāraśriyai namaścordhvaṃ gaṇādhipataye namaḥ || 84 ||
[Analyze grammar]

tadūrdhve ca namo vāstupuruṣāya sutejase |
namaścādho nu dehalyai kṣamāśaktyai namo namaḥ || 85 ||
[Analyze grammar]

vāme staṃbhe gaṇeśāya dakṣe skandāya vai namaḥ |
kalaśayośca gaṃgāyai yamunāyai namo namaḥ || 86 ||
[Analyze grammar]

indrādibhyaḥ surabhyaśca gandhaṃ puṣpaṃ jala phalam |
dhūpaṃ dīpaṃ ca naivedyaṃ dakṣiṇāmarpayāmi ca || 87 ||
[Analyze grammar]

sāṃgāyendrāya saparivārāya sāyudhāya ca |
saśaktikāya ca māṣabaliṃ dadāmi te namaḥ || 88 ||
[Analyze grammar]

iti datvā baliṃ cācāmeccāgneyīṃ diśaṃ tataḥ |
gatvā ca pūrvavat nyasya kalaśaṃ sarva daivatam || 89 ||
[Analyze grammar]

tatra ca puṇḍarīkāya nama āvāhayāmi tam |
amṛtāya nama amṛtaṃ cāhvayāmi vai tataḥ || 90 ||
[Analyze grammar]

gandhādyaiḥ parisampūjya pradātavyaśca dīpakaḥ |
tataścāgniṃ chāgapṛṣṭhasthitaṃ raktaṃ tajihvakam || 91 ||
[Analyze grammar]

dakṣe śaktiṃ kare vāme kamaṇḍaluṃ śiraḥśikhām |
yajñasūtradadhānaṃ ca dhyāyedāvāhayenmakhī || 92 ||
[Analyze grammar]

oṃ ehyehi sarvāmarahavyavāha munipravaryairabhito'bhijuṣṭa |
tejovatā lokagaṇena sārdhaṃ mamādhvaraṃ pāhi kave namaste || 93 ||
[Analyze grammar]

oṃ bhūrbhuvaḥ svaḥ agne ihāgaccha ca tiṣṭha ca |
kalaśe'tra samāgaccha tiṣṭha cāvāhayāmi vai || 94 ||
[Analyze grammar]

oṃ tvanno agne tava devapāyubhirmaghono rakṣa tanvaśca vaṃdya |
trātā tokasya tanaye gavāmasya nimeṣaṃ rakṣamāṇastava vrate || 95 ||
[Analyze grammar]

evamabhyarcya ca gandhādibhirnaivedyakāntakaiḥ |
oṃ agniṃ dūtaṃ purodadhe havyavāhamupabruve || 96 ||
[Analyze grammar]

devān āsādayādihetyuktvā raktāṃ dhvajāṃ tathā |
raktāṃ patākāṃ samucchrayet praśaṃprārthayet tataḥ || 97 ||
[Analyze grammar]

āgneyaḥ puruṣo raktaḥ sarvadevamayo'vyayaḥ |
dhūmraketurajo'dhyakṣastasmāt kṣamāṃ samarthaye || 98 ||
[Analyze grammar]

sāṃgāya agnaye parivārā''yudhayutāya ca |
māṣabhaktabaliṃ cārpayāmi saśaktikāya ca || 99 ||
[Analyze grammar]

iti datvā baliṃ cācāmecca yāyācca dakṣiṇām |
tatra pratidvāraśākhaṃ saṃsthāpya kalaśadvayam || 100 ||
[Analyze grammar]

tatraiva vāmanākhyaṃ diggajaṃ cāvāhayettataḥ |
pūjayet supradīpaṃ ca dadet saṃpraṇamettathā || 101 ||
[Analyze grammar]

yajurvedidvārapālau vṛṇuyād vai manuṃ gṛṇan |
kātarākṣo yajurvedastraiṣṭubho viṣṇudaivataḥ || 102 ||
[Analyze grammar]

kāśyapeyastu viprendra ṛtvik tvaṃ me makhe bhava |
iti vṛtvā tu pratyekaṃ gandhādibhiḥ prapūjayet || 103 ||
[Analyze grammar]

ā no bhadrānuvākaśca āśuḥ śiśānakastathā |
yaddevā trīṇi ca paṭhet tato'ṣṭau ca punantu mām || 104 ||
[Analyze grammar]

mahiṣasthaṃ yamaṃ dakṣavāmayoḥ daṇḍapāśinam |
kṛṣṇaṃ vahnisamanetraṃ dhyātvā namo manuṃ vadet || 105 ||
[Analyze grammar]

ehyehi vaivasvata dharmarāja sarvāmarairarcitadharmamūrte |
śubhāśubhānandaśucāmadhīśa śivāya naḥ pāhi makhaṃ namaste || 106 ||
[Analyze grammar]

oṃ bhūrbhuvaḥ svaḥ yama ihāgaccha ca tiṣṭha ca |
yama sāṃgaṃ sakuṭumbaṃ cāvāhya kalaśe tataḥ || 107 ||
[Analyze grammar]

oṃ yamāya tvāṃ girasvate pitṛmate ca svāhā |
svāhā gharmāya svāhā gharmaḥ pitre yamāya namaḥ || 108 ||
[Analyze grammar]

gandhādibhistaṃ saṃpūjyaśca kṛṣṇapatākikādhvajau |
ucchrayecca makhī gṛṇan mantraṃ yamāya vai namaḥ || 109 ||
[Analyze grammar]

om āyaṅgauḥ praśnīrakramīdasadanmātarampuraḥ |
pitaraṃ ca prayantsvaḥ tataḥ saṃprārthayenmakhī || 110 ||
[Analyze grammar]

vaivasvata mahādeva namaste dharmasākṣika |
śivājñāpihito deva diśaṃ rakṣa bhavāniha || 111 ||
[Analyze grammar]

balāya sabalāya ca namo vai dvāraśākhayoḥ |
śriyai cordhvaṃ namo gaṇapataye ca namo namaḥ || 112 ||
[Analyze grammar]

namo'dhastāñca dehalyai vāstupuṃse namo namaḥ |
staṃbhayoḥ puṣpadantāya kapardine namo namaḥ || 113 ||
[Analyze grammar]

godāvaryai ca kṛṣṇāyaiḥ namo'stu kalaśadvaye |
yamāya sakuṭumbāya māṣabhaktabaliṃ dade | || 114 ||
[Analyze grammar]

ācamya ca tato gacchenairṛtyāṃ kalaśaṃ dadet |
kumudaṃ durjayaṃ cāvāhayāmi vo namo namaḥ || 115 ||
[Analyze grammar]

dīpaṃ datvā narasthaṃ nairṛtiṃ nīlaṃ sakhaḍgakam |
rakṣoyutaṃ pītabhūṣaṃ dhyātvā cāvāhayecca tam || 116 ||
[Analyze grammar]

rakṣaḥpiśācavetālairyutaścaihi kratuṃ hyava |
oṃ bhūrbhuvaḥ svaḥ nirṛte ihāgaccha ca tiṣṭha ca || 117 ||
[Analyze grammar]

oṃ asunvaṃtamayajamānamicchastenasyetyāmanvihistaskarasya |
annyamasmmadicchasātaityānamo devinirṛte tubhyamastu || 118 ||
[Analyze grammar]

iti natvā ca saṃpūjya ghaṭe nairṛtameva ca |
oṃ moṣuṇaḥ parāparānirṛtirdurhaṇāvadhīt || 119 ||
[Analyze grammar]

padīṣṭhatṛṣṇayā saha nīlapatākādhvajāvucchrayet |
śavasthastvaṃ yajñarakṣāṃ kuru rakṣobhya eva ca || 120 ||
[Analyze grammar]

nirṛtaye sāṃgaparivārāya pradadāmi ca |
māṣabhaktabaliṃ natvā gatvā ca paścime tataḥ || 121 ||
[Analyze grammar]

sthāpayecca pratiśākhaṃ pūrvavat kalaśadvayam |
tatrāṃjanābhidhaṃ cāvāhayāmi diggajaṃ tataḥ || 122 ||
[Analyze grammar]

pūjayāmi tataḥ sāmavedinau dvārapālakau |
sāmavedastu piṃgākṣo jāgrataḥ śakradaivataḥ || 123 ||
[Analyze grammar]

bhāradvājastu viprendra ṛtvik tvaṃ me makhe bhava |
vṛtveti omagne āyāhi vītaye gṛṇāno havyadātaye || 124 ||
[Analyze grammar]

nihotā satsi barhiṣi iti gandhādibhistadā |
sampūjyendrāya ca sāma gāyato dvau sugītikam || 125 ||
[Analyze grammar]

ahamasmi prathamajā setūṃ starā svadiṣṭyā |
gāyanti tvā gāyatriṇaḥ dvārapālajapo bhavet || 126 ||
[Analyze grammar]

makarasthaṃ pāśahastaṃ dhyātvā ca varuṇaṃ sitam |
ehi yādo'psaromeghavidyādhraiḥ pāhi te namaḥ || 127 ||
[Analyze grammar]

oṃ bhūrbhuvaḥ svaḥ varuṇa ihāgaccha ca tiṣṭha ca |
kalaśayoḥ sāṃgamāvāhayāmi tvāṃ namāmi ca || 128 ||
[Analyze grammar]

tattvā yāmi brahmaṇā vandamānastadāśāste yajamāno havirbhiḥ |
aheḍamāno varuṇeha boddhyuruśaṃsaḥ mā na āyuḥ pramoṣīḥ || 129 ||
[Analyze grammar]

varuṇāya namaḥ saṃpūjayāmi gandhavastubhiḥ |
imamme varuṇa śrudhī havamadyā ca mṛḍaya || 130 ||
[Analyze grammar]

tvāmavasyurācake śvetapatākādhvajāvucchrayet |
natvā ca varuṇaṃ jayaṃ vijayaṃ dvāraśākhayoḥ || 131 ||
[Analyze grammar]

ūrdhvaṃ śriyaṃ gaṇapatim adhaśca dehalīṃ tathā |
vāstupuṃsaṃ staṃbhayornandinaṃ candraṃ namāmi ca || 132 ||
[Analyze grammar]

revāyai narmadāyai ca kalaśayornamāmi ca |
pūjayāmi varuṇaṃ sakuṭumbaṃ māṣayugbalim || 133 ||
[Analyze grammar]

arpayāmi tato gatvā vāyavyāṃ kalaśaṃ dade |
puṣpadantaṃ ca siddhārthaṃ cāhvayāmi namāmi ca || 134 ||
[Analyze grammar]

pūjayāmi pradīpaṃ ca dadāmi cintaye'nilam |
mṛgasthaṃ dhūmravarṇaṃ ca citrāmbaraṃ ca cañcalam || 135 ||
[Analyze grammar]

varadhvajadharaṃ dakṣavāmayoḥ karayostataḥ |
ehi yajñe rakṣaṇāya pūjāṃ gṛhṇa ca te namaḥ || 136 ||
[Analyze grammar]

oṃ bhūrbhuvaḥ svaḥ vāyo ihāgaccha ca tiṣṭha ca |
praṇamāmi vahnisakhaṃ pūjayāmi manuṃ gṛṇan || 137 ||
[Analyze grammar]

oṃ āno niyudbhiḥ śatinībhiradhvaraṃ |
sahasriṇībhirupayāhi yajñam |
vāyo asmin savane mādayasva |
yūyaṃ pāta svastibhiḥ sadā naḥ || 138 ||
[Analyze grammar]

oṃ vāyo ye te sahasriṇo rathāsastebhirāgahi |
niyutvānsomapītaye dhūmrapatākādhvajāvucchrayet || 139 ||
[Analyze grammar]

vāyuṃ namāmi sāṃgāya dadāmi māṣayugbalim |
gatvottare pratiśākhaṃ nidhāya kalaśadvayam || 140 ||
[Analyze grammar]

tatra sārvabhaumadiggajamāhvayāmi te namaḥ |
dīpaṃ dadāmi cātharvavedinau dvārapālakau || 141 ||
[Analyze grammar]

bṛhannetro'tharvavedo hyanuṣṭup rudradaivataḥ |
vaṃśapāyana viprendra ṛtvik tvaṃ me makhe bhava || 142 ||
[Analyze grammar]

vṛtveti śanno devīrabhiṣṭaya āpo bhavantu prītaye |
śaṃyyorabhisravantu naḥ gandhādyairarcayāmi ca || 143 ||
[Analyze grammar]

atharvāgirasaṃ caiva atharvaśirasaṃ tathā |
śāntyādhyāyamityādidvārapālajayo bhavet || 144 ||
[Analyze grammar]

narayānasthamābhūṣaṃ vastragadākaradvayam |
haritābhaṃ kuberaṃ ca dhyāyāmi pūjayāmi ca || 145 ||
[Analyze grammar]

ehi vidhatsva rakṣāṃ no nakṣatrauṣadhipitṛbhiḥ |
oṃ bhūrbhuvaḥ svaḥ kubera ihāgaccha ca tiṣṭha ca || 146 ||
[Analyze grammar]

oṃ vayarṭha somavrate tava manastanūṣu bibhrataḥ |
prajāvantaḥ sacemahi namāmi pūjayāmi ca || 147 ||
[Analyze grammar]

oṃ āpyāyasva sametu te viśvataḥ soma vṛṣṇyam |
bhavā vājasya saṃgathe haritau patākādhvajāvucchrayet || 148 ||
[Analyze grammar]

kuberāya tu somāya namāmi dvāraśākhayoḥ |
pracaṇḍāya ca caṇḍāya namo dvāraśriyai namaḥ || 149 ||
[Analyze grammar]

gaṇeśāya namaścādho dehalyai ca namo namaḥ |
vāstupuṃse stambhayostu mahākālāya bhṛṃgiṇe || 150 ||
[Analyze grammar]

namaḥ kalaśayorvāruṇyai veṇyai ca namo namaḥ |
namaḥ śrīkalaśāyā'stu tatsthasurebhya oṃ namaḥ || 151 ||
[Analyze grammar]

kuberasomarūpāya sāṃgāya māṣayugbalim |
dadāmi yāmi caiśānyāṃ kalaśaṃ sthāpayāmi ca || 152 ||
[Analyze grammar]

supratīkāya ca tatra maṃgalāya namo'rcaye |
dadāmi dīpakaṃ vṛṣārūḍhaṃ vastriśūlakam || 153 ||
[Analyze grammar]

dakṣavāmakarayośca dadhataṃ tryakṣamujjvalam |
dhyāyāmīśānadevaṃ cāvāhayāmi namāmi ca || 154 ||
[Analyze grammar]

ehi yajñasya siddhyarthaṃ pūjāṃ gṛhṇa namo'stu te |
oṃ bhūrbhuvaḥ svaḥ īśāna ihāgaccha ca tiṣṭha ca || 155 ||
[Analyze grammar]

oṃ tamīśānaṃ jagatastasthuṣaspatiṃ |
dhiyaṃ jinvamavase hūmahe vayam |
pūṣā no yathā vedasāmasadvṛddhe |
rakṣitā pāyuradabdhaḥ svastaye || 156 ||
[Analyze grammar]

iti saṃpūjya ca natvā śūlapāṇiṃ trinetrakam |
tamīśāneti mantreṇa pañcavarṇapatākādhvajāvucchrayet || 157 ||
[Analyze grammar]

sāṃgāyeśānakāyemaṃ māṣayugbalimarpaye |
īśānapūrvayormadhye ūrdhvamuddiśya vai ghaṭam || 158 ||
[Analyze grammar]

nidhāya tatra brahmāṇaṃ pūjayed gandhavastubhiḥ |
akṣasūtrakuśamuṣṭidharadakṣiṇahastakam || 159 ||
[Analyze grammar]

sruvakamaṇḍaludharavāmakaraṃ caturmukham |
śmaśrulaṃ jaṭilaṃ cājaṃ dhyāyāmi pūjayāmi ca || 160 ||
[Analyze grammar]

ehi sarvapitaryajñe śivaṃ vidhehi no makhe |
oṃ bhūrbhuvaḥ svaḥ brahmannihāgaccha ca tiṣṭha ca || 161 ||
[Analyze grammar]

oṃ brahmayajñānaṃ prathamaṃ purastād |
visīmataḥ suruco vena āvaḥ |
savudhnyā upamā asya viṣṭhāḥ |
santaśca yonirasataśca vivaḥ || 162 ||
[Analyze grammar]

pūjayāmi ca gandhādyaiḥ raktapatākādhvajāvucchrayet |
natvā taṃ brahmaṇe māṣabhaktabaliṃ dadāmi ca || 163 ||
[Analyze grammar]

tato nirṛtivaruṇāntarāle nyasya vai ghaṭam |
tatrā'dho'nantaśayanāsīnaṃ phaṇābhimaṇḍitam || 164 ||
[Analyze grammar]

padmaśaṃkhadharordhvādhodakṣiṇahastakadvayam |
nīlaṃ cānantakaṃ dhyātvā ehītyāvāhayet tataḥ || 165 ||
[Analyze grammar]

rakṣa nāgābhipūjyāṃ'ghre'dhvaraṃ nastaladhṛk prabho |
oṃ bhūrbhuvaḥ svaḥ ananta ihāgaccha ca tiṣṭha ca || 166 ||
[Analyze grammar]

āvāhayāmi sāṃgaṃ saparivāraṃ saśaktikam |
oṃ āyaṃ gauḥ praśnirakramīdasadanmātaraṃ puraḥ || 167 ||
[Analyze grammar]

pitaraṃ ca priyaṃssvaḥ anantāya namo namaḥ |
āyaṃgauriti dhūmrau patākādhvajau samucchrayet || 168 ||
[Analyze grammar]

anantāya ca sāṃgāya māṣayugbalimarpayet |
tato maṇḍapamadhye cāmarakiṃkiṇikāyutaḥ || 169 ||
[Analyze grammar]

ṣoḍaśahastako daṇḍo daśahastamito'pi vā |
trihastalambahastāyapañcavarṇadhvajānvitaḥ || 170 ||
[Analyze grammar]

omindrasya vṛṣṇo iti mantreṇordhvaṃ dhṛto bhavet |
brahmayajñānamiti ca brahmāṇaṃ pūjayet tataḥ || 171 ||
[Analyze grammar]

namet ṣoḍaśastambhasthadevān dhyātvā punaḥ punaḥ |
vaṃśeṣu kinnarebhyaḥ pannagebhyaḥ pṛṣṭhake namaḥ || 172 ||
[Analyze grammar]

pūjayitvā ca tān pūrvadiśi bhūmiṃ vilipya ca |
maṇḍapād bahiretasyāmupaviśya vadenmakhī || 173 ||
[Analyze grammar]

caturdaśastaravāsā jāḍāścetanavargakāḥ |
brahmaviṣṇuharavyāptā rakṣantu ca makhaṃ hi naḥ || 174 ||
[Analyze grammar]

siddhāḥ ṛṣayaḥ pitaro devā āsurarākṣasāḥ |
dānavā yakṣagandharvā bhūtāḥ piśācakādayaḥ || 175 ||
[Analyze grammar]

mānavāḥ paśavaḥ pakṣiṇaśca pādapajātayaḥ |
sūkṣmadehāḥ sarpagaṇā makhaṃ rakṣantu nastathā || 176 ||
[Analyze grammar]

sarve devā īśvarāśca īśvarāṇyaśca bhūmipāḥ |
kṣetrapā lokapāḥ sarve makhaṃ rakṣantu maṇḍapam || 177 ||
[Analyze grammar]

ghnantu vighnān duritāṃśca virodhinaśca vai makhe |
sthāvarāṇi carāṇyāvāhayāmi pūjayāmi ca || 178 ||
[Analyze grammar]

namāmi saṃsmarāmyeva brahmaṇe viṣṇave namaḥ |
devebhyo dānavebhyaśca gandharvebhyo namo namaḥ || 179 ||
[Analyze grammar]

siddharṣibhyaśca pitṛbhya āsurebhyo namo namaḥ |
rākṣasebhyaśca yakṣebhyo bhūtebhyaśca namo namaḥ || 180 ||
[Analyze grammar]

piśācebhyo mānavebhyaḥ paśupakṣibhya ityapi |
śākhibhyaḥ sūkṣmadehebhyaḥ sarpebhyaśca namo namaḥ || 181 ||
[Analyze grammar]

īśebhyaśceśvarāṇībhyo bhūmipebhyo namo namaḥ |
kṣetrapebhyo lokapebhyo namaḥ sthiracarādaye || 182 ||
[Analyze grammar]

mātṛbhyo brahmasatībhyo namaścāvāhayāmi tān |
pūjayāmi smarāmyetān dadāmi yogyabhājanam || 183 ||
[Analyze grammar]

māṣabaliṃ pāyasādīn phalā'mṛtādikaṃ tathā |
iti pūjāṃ vidhāyaiva sarvebhyo vai namo namaḥ || 184 ||
[Analyze grammar]

yajamānastathā''cāryaḥ ṛtvik dhautāṃghrihastakāḥ |
ācāntāḥ pūrvadvāreṇa praviśeyurhi maṇḍapam || 185 ||
[Analyze grammar]

itiśrīlakṣmīnārāyaṇīyasaṃhitāyāṃ dvitīye tretāsantāne toraṇakalaśadvāraśākhādehalītaddevādīnāṃ ṣoḍaśopacārapūjanādinirūpaṇanāmā navacatvāriṃśadadhikaśatatamo'dhyāyaḥ || 149 ||
[Analyze grammar]