Chapter 148

śrīkṛṣṇa uvāca |
śṛṇu tvaṃ rādhike'nādikṛṣṇanārāyaṇastataḥ |
devāyatanakāyā''ha pañca tatte vadāmi ca || 1 ||
[Analyze grammar]

tato vāyavīyapīṭhe yoginīkṣetrapālakān |
pūjayed vidhinā samāvāhya śoḍaśavastubhiḥ || 2 ||
[Analyze grammar]

oṃ divyayoginīmāvāhayāmi sthāpayāmi ca |
oṃ divyayoginīṃ naumi kṣetrarakṣaṇakāriṇīm || 3 ||
[Analyze grammar]

oṃ mahāyoginīmāvāhayāmi sthāpayāmi ca |
pūjayāmi ca gandhādyaistāṃ tasyai te namo namaḥ || 4 ||
[Analyze grammar]

oṃ siddhayoginīmāvāhayāmi sthāpayāmi ca |
pūjayāmi ca gandhādyaistāṃ tasyai te namo namaḥ || 1 ||
[Analyze grammar]

oṃ śrīgaṇeśvarīmāvāhayāmi sthāpayāmi ca |
pūjayāmi ca gandhādyaistāṃ tasyai te namo namaḥ || 6 ||
[Analyze grammar]

oṃ pretākṣīṃ ḍākinīṃ ca kālīṃ ca kālarātrikām |
āvāhayāmi sthāpayāmi pūjayāmi ca vo namaḥ || 7 ||
[Analyze grammar]

niśācarīmo hūṃkārī siddhivetālinīṃ tathā |
āvāhayāmi sthāpayāmi pūjayāmi ca vo namaḥ || 8 ||
[Analyze grammar]

oṃ hrīṃkārīṃ bhūtaḍāmarīmūrdhvakeśīṃ ca oṃ tathā |
āhvayāmi sthāpayāmi pūjayāmi ca vo namaḥ || 9 ||
[Analyze grammar]

virūpākṣīṃ ca śuṣkāṃgīṃ narabhojanāṃ ca oṃ tathā |
āhvayāmi sthāpayāmi pūjayāmi ca vo namaḥ || 10 ||
[Analyze grammar]

oṃ kaṃkārīṃ vīrabhadrāṃ dhūmrākṣīṃ oṃ kalipriyām |
āhvayāmi sthāpayāmi pūjayāmi ca vo namaḥ || 11 ||
[Analyze grammar]

rākṣasīṃ ghorarākṣasīṃ virūpākṣīṃ bhayaṃkarīm |
āhvayāmi sthāpayāmi pūjayāmi ca vo namaḥ || 12 ||
[Analyze grammar]

viśālākṣīṃ kāmarīṃ ca caṇḍīṃ vārāhinīṃ tathā |
āhvayāmi sthāpayāmi pūjayāmi ca vo namaḥ || 13 ||
[Analyze grammar]

muṇḍadhartrīṃ bhairavīṃ cakriṇīṃ krodhāṃ ca durmukhīm |
āhvayāmi sthāpayāmi pūjayāmi ca vo namaḥ || 14 ||
[Analyze grammar]

pretavāhanāṃ kuraṃgīṃ pralambauṣṭhīṃ mālinīṃ tathā |
āhvayāmi sthāpayāmi pūjayāmi ca vo namaḥ || 15 ||
[Analyze grammar]

mantrayoginīṃ kālāgnīṃ mohinīṃ vakrikāṃ tathā |
āhvayāmi sthāpayāmi pūjayāmi ca vo namaḥ || 16 ||
[Analyze grammar]

kuṇḍalinīṃ bālakīṃ ca kaumārīṃ yamadūtikām |
āhvayāmi sthāpayāmi pūjayāmi ca vo namaḥ || 17 ||
[Analyze grammar]

auṃ karālīṃ kauśikīṃ ca yakṣiṇīṃ bhakṣiṇīṃ tathā |
āhvayāmi sthāpayāmi pūjayāmi ca vo namaḥ || 18 ||
[Analyze grammar]

kumārikāṃ yantravāhāṃ viśālākṣīṃ ca kāmukīm |
āhvayāmi sthāpayāmi pūjayāmi ca vo namaḥ || 19 ||
[Analyze grammar]

oṃ vādhrīṃ rākṣasīṃ pretabhakṣiṇīṃ dhūrjaṭīṃ tathā |
āhvayāmi sthāpayāmi pūjayāmi ca vo namaḥ || 20 ||
[Analyze grammar]

oṃ vikaṭāṃ ca ghorāṃ ca kapālīṃ vimalāṃ tathā |
āhvayāmi sthāpayāmi pūjayāmi ca vo namaḥ || 21 ||
[Analyze grammar]

oṃ mālāṃ sarvasiddhāṃ cā''vāhayāmi ca vāṃ namaḥ |
sthāpayāmi pūjayāmi sarvāḥ santu ca siddhidāḥ || 22 ||
[Analyze grammar]

anayā pūjayā ṣoḍaśopacārādibhiriha |
prīyantāṃ pāyasabaliṃ dadāmi yoginīgaṇāḥ || 23 ||
[Analyze grammar]

atha kṣetrapālapīṭhadevatāḥ saṃprapūjayet |
omajaramāvāhayāmi sthāpayāmi ca te namaḥ || 24 ||
[Analyze grammar]

pūjayāmi baliṃ cārpayāmi namo'jarāya te |
indracoram āhvayāmi sthāpayāmi ca te namaḥ || 25 ||
[Analyze grammar]

vyāpakaṃ cendramūrtiṃ cokṣṇaṃ kūṣmāṇḍaṃ varuṇakam |
āhvayāmi sthāpayāmi pūjayāmi ca vo namaḥ || 26 ||
[Analyze grammar]

vāmukaṃ ca vimuktaṃ ca līlālopaṃ ca śaptakam |
āhvayāmi sthāpayāmi pūjayāmi ca vo namaḥ || 27 ||
[Analyze grammar]

airāvataṃ caikadaṃṣṭram oṣadhighnaṃ ca bandhanam |
āhvayāmi sthāpayāmi pūjayāmi ca vo namaḥ || 28 ||
[Analyze grammar]

divyakaraṃ kambalaṃ ca gavayavaṃ ca kṣobhaṇam |
āhvayāmi sthāpayāmi pūjayāmi ca vo namaḥ || 29 ||
[Analyze grammar]

kālaṃ baladharaṃ cā'ṇḍaṃ candravāraṇakaṃ tathā |
āhvayāmi sthāpayāmi pūjayāmi ca vo namaḥ || 30 ||
[Analyze grammar]

phaṭāṭopaṃ ca jaṭilam ṛtuṃ ghaṇṭeśvaraṃ tathā |
āhvayāmi sthāpayāmi pūjayāmi ca vo namaḥ || 31 ||
[Analyze grammar]

vikaṭaṃ cāṇimaṃ guṇatrandhaṃ ca ḍāmaraṃ tathā |
āhvayāmi sthāpayāmi pūjayāmi ca vo namaḥ || 32 ||
[Analyze grammar]

ṭhaṃṭhaphaṇaṃ sthavilaṃ ca danturaṃ dhanadaṃ tathā |
āhvayāmi sthāpayāmi pūjayāmi ca vo namaḥ || 33 ||
[Analyze grammar]

nāgakarṇaṃ photkaraṃ ca mahādalaṃ ca cīrakam |
āhvayāmi sthāpayāmi pūjayāmi ca vo namaḥ || 34 ||
[Analyze grammar]

oṃ siṃhaṃ ca mṛgaṃ yakṣaṃ meghavāhanamityapi |
āhvayāmi sthāpayāmi pūjayāmi ca vo namaḥ || 35 ||
[Analyze grammar]

oṃ tīkṣṇauṣṭhamanalaṃ sukratuṃ yudhāpaṃ vakrakam |
āhvayāmi sthāpayāmi pūjayāmi ca vo namaḥ || 36 ||
[Analyze grammar]

oṃ vātaṃ yāpanaṃ cāvāhayāmi sthāpayāmi ca |
pūjayāmi baliṃ cārpayāmi vā praṇamāmi ca || 37 ||
[Analyze grammar]

pañcāśatkṣetrapālāścehāgacchatātra tiṣṭhata |
āsanaṃ ca tathā pādyamarghyamācamanīyakam || 38 ||
[Analyze grammar]

pañcāmṛtāplavanaṃ cābhiṣekaṃ cāmbarāṇi ca |
bhūṣāścandanagandhādi cākṣatān kuṃkumādikam || 39 ||
[Analyze grammar]

puṣpahārān kajjalaṃ ca dhūpaṃ dīpaṃ nivedanam |
bhojanaṃ jalapānaṃ ca phalaṃ tāmbūlakādikam || 40 ||
[Analyze grammar]

nīrājanādikaṃ samarpayāmi santu rakṣakāḥ |
oṃ hrāṃ hrīṃ hruṃ svāhā baṭukāya prabhūtabalimarpayet || 41 ||
[Analyze grammar]

yoginyaḥ kṣetrapālāśca sarve yatra vasanti hi |
tataścātra samāgatya baliṃ gṛhṇantu me'mṛtam || 42 ||
[Analyze grammar]

balidānena santuṣṭāḥ prayacchantu mamepsitam |
yajñe kāryāṇi kurvantu doṣāṃśca ghnantu me makhe || 43 ||
[Analyze grammar]

iti datvā'rthayityā ca praṇamet sarvadevatāḥ |
tataḥ śrīmaṇḍapapūjāṃ kuryāt ṣoḍaśavastubhiḥ || 44 ||
[Analyze grammar]

ṛtvibhirguruṇā cāpi snāpito yajamānakaḥ |
sarvauṣadhisalilena śuklamālyāmbarastathā || 45 ||
[Analyze grammar]

śuklagandhānulepaśca sapatnīputrapautrakaḥ |
sā''cāryartvik kare pūrṇakalaśastūryanādane || 46 ||
[Analyze grammar]

mukhyadevaṃ dhyāyamāno maṇḍapadhyānatatparaḥ |
vedaghoṣān praśṛṇvāno maṇḍapaṃ pūjayet sudhīḥ || 47 ||
[Analyze grammar]

oṃ bhadraṃ karṇebhiḥ śṛṇuyāma devā bhadraṃ paśyemā'kṣabhiryajatrāḥ |
sthirairaṃgaistuṣṭuvāṃsastanūbhirvyaśemahi devahitaṃ yadāyuḥ || 48 ||
[Analyze grammar]

ācamya prāṇānāyamya deśakālau prakīrtya ca |
mukhyadevapratiṣṭhāne yajñāṃgaṃ pūjanaṃ śubham || 49 ||
[Analyze grammar]

gaṇeśasya devatānāṃ maṇḍapasya karomyaham |
āvāhanaṃ sthāpanaṃ ca namanaṃ prakaromi ca || 50 ||
[Analyze grammar]

oṃ śrīgaṇeśvaramāvāhayāmi sthāpayāmi ca |
ṣoḍaśavastubhiḥ sampūjayāmi praṇamāmi ca || 51 ||
[Analyze grammar]

evaṃ gaṇeśaṃ sampūjya datvā naivedyakaṃ tathā |
stambhapūjāṃ tataḥ kuryādīśānādikramānmakhī || 52 ||
[Analyze grammar]

omīśānyāṃ brahmamūrtimāvāhayāmi vedhasam |
sthāpayāmi pustakā'kṣasūtraśūlakamaṇḍalūn || 53 ||
[Analyze grammar]

dadhāna devatāyuktaṃ haṃsasthaṃ taṃ pitāmaham |
āgaccha sṛṣṭikṛd brahman prathamastaṃbhavāsakṛt || 54 ||
[Analyze grammar]

oṃ vrahma yajñānaṃ prathamaṃ purastād |
visīmataḥ suruco vena āvaḥ |
sabudhnyāḥ upamā asya viṣṭhāḥ |
sataśca yonimasataśca vivaḥ || 55 ||
[Analyze grammar]

oṃ oṃ bhūrbhuvaḥ svarbrahmannihāgaccha ca tiṣṭha ca |
nama oṃ brahmaṇe ṣoḍaśopacārān dadāmi te || 56 ||
[Analyze grammar]

athā''gneye śubhe staṃbhe viṣṇumāvāhayāmi ca |
śaṃkhacakragadāpadmacaturbāhuṃ ramāpatim || 57 ||
[Analyze grammar]

garuḍasthaṃ kamalāśrīlakṣmīgaṇaprasevitam |
āgaccha bhagavan viṣṇo dvitīyastaṃbhavāsakṛt || 58 ||
[Analyze grammar]

sthāpayāmi prabhuṃ tvāṃ ca pūjayāmi namāmi ca |
oṃ oṃ bhūrbhuvaḥ svaḥ viṣṇo ihāgaccha ca tiṣṭha ca || 59 ||
[Analyze grammar]

nama oṃ viṣṇave ṣoḍaśopacārān dadāmi te |
om idaṃ viṣṇurvicakrame tredhā ca nidadhe padam || 60 ||
[Analyze grammar]

samūḍhamasya pāṃsure ā viṣṇave te namo namaḥ |
atha nairṛtyakastaṃbhe śivamāvāhayāmi ca || 61 ||
[Analyze grammar]

vṛṣabhasthaṃ candrabhālaṃ śūlinaṃ muṇḍamālinam |
umāgaṇasamājuṣṭaṃ nāgayajñopavītakam || 62 ||
[Analyze grammar]

āgaccha bhagavan śaṃbho tṛtīyastaṃbhavāsakṛt |
sthāpayāmi haraṃ tvāṃ ca pūjayāmi namāmi ca || 63 ||
[Analyze grammar]

oṃ bhūrbhuvaḥ svaḥ śaṃbho ihāgaccha ca tiṣṭha ca |
nama oṃ śaṃbhave ṣoḍaśopacārān dadāmi te || 64 ||
[Analyze grammar]

oṃ namaste rudramanyava utota iṣave namaḥ |
bāhubhyāmuta te namaḥ oṃ śaṃbhave te namo namaḥ || 65 ||
[Analyze grammar]

atha vāyukoṇastaṃbhe indramāvāhayāmi ca |
sahasrākṣaṃ gajārūḍhaṃ vajriṇaṃ ca śacīpatim || 66 ||
[Analyze grammar]

āgaccha bhagavannindra caturthastambhavāsakṛt |
sthāpayāmi mahendraṃ tvāṃ pūjayāmi namāmi ca || 67 ||
[Analyze grammar]

oṃ bhūrbhuvaḥ svaḥ indra ihāgaccha ca tiṣṭha ca |
nama indrāya oṃ ṣoḍaśopacārān dadāmi te || 68 ||
[Analyze grammar]

oṃ trātāramindramavitāramindraṃ have have suhavaṃ śūramindram |
hvayāmi śakraṃ puruhūtamindraṃ svasti no maghavā dhātvindraḥ || 69 ||
[Analyze grammar]

oṃ indrāya namastato dvādaśastaṃbhapūjanam |
bāhyabhāge maṇḍapasya karomīśānataḥ kramāt || 70 ||
[Analyze grammar]

atheśāne sūryamāvāhayāmi sthāpayāmi ca |
saptāśvarathasaṃrūḍhaṃ raktāṃgaṃ tigmatejasam || 71 ||
[Analyze grammar]

sapadmaṃ pūjayāmyatra pañcamastaṃbhasaṃsthitam |
trailokyanetrarūpaṃ caṃ kuṇḍalādivirājitam || 72 ||
[Analyze grammar]

oṃ ākṛṣṇena rajasā vartamāno niveśayannamṛtaṃ martyaṃ ca |
hiraṇmayena savitā rathenādevo yāti bhuvanāni paśyan || 73 ||
[Analyze grammar]

oṃ bhūrbhuvaḥ svaḥ sūrya ihāgaccha ca tiṣṭha ca |
ṣoḍaśavastusaṃbhūtāṃ pūjāṃ gṛhṇa ca te namaḥ || 74 ||
[Analyze grammar]

atheśānapūrvayostu madhye staṃbhe gaṇeśakam |
āhayāmi sthāpayāmi vighnaharaṃ gajānanam || 75 ||
[Analyze grammar]

siddhibuddhipradātāraṃ praṇamāmi vināyakam |
āgaccha gaṇanātha tvaṃ ṣaṣṭhastaṃbhe ca tiṣṭha ca || 76 ||
[Analyze grammar]

oṃ gaṇānāṃ tvā gaṇapatiṃ havāmahe |
oṃ priyāṇāṃ tvā priyapatiṃ havāmahe |
oṃ nidhīnāṃ tvā nidhipatiṃ havāmahe |
vaso mama āhamajānirgarbhadhamātvāmajāsigarbhadham || 77 ||
[Analyze grammar]

oṃ bhūrbhuvaḥ svaḥ gaṇapate ihāgaccha ca tiṣṭha ca |
ṣoḍaśavastusaṃbhūtāṃ pūjāṃ gṛhna ca te namaḥ || 78 ||
[Analyze grammar]

atha pūrvā'gnyantarālastambhe yamaṃ yamādhipam |
āhvayāmi sthāpayāmi sarvajantubhayaṃkaram || 79 ||
[Analyze grammar]

raudramūrtiṃ kṛṣṇavarṇaṃ praṇamāmi sadaṇḍakam |
māhiṣavāhanaṃ karmasākṣiṇaṃ dharmamūrtikam || 80 ||
[Analyze grammar]

āgaccha dharmarāja tvaṃ saptamastaṃbhake viśa |
oṃ yamāya tvā makhāya tvā sūryasya tvā tapase || 81 ||
[Analyze grammar]

devastvā savitāmaddhānaktupṛthivyāḥ saṃspṛśaspāhi |
arcirasi śocirasi tapo'si brahmamūrtikaḥ || 82 ||
[Analyze grammar]

oṃ bhūrbhuvaḥ svaḥ yama ihāgaccha ca tiṣṭha ca |
ṣoḍaśavastusaṃbhūtā pūjā gṛhṇa ca te namaḥ || 83 ||
[Analyze grammar]

athā'gnikoṇake staṃbhe śeṣaṃ pātālavāsinam |
āhvayāmi sthāpayāmi sahasraśirasaṃ śubham || 84 ||
[Analyze grammar]

svastikarekhayā yuktaphaṇāmaṇivibhūṣitam |
nārāyaṇāsanaṃ devaṃ praṇamāmi viṣānvitam || 85 ||
[Analyze grammar]

āgaccha śeṣarāja tvaṃ cāṣṭamastaṃbhake viśa |
o namo'stu sarpebhyo ye ke ca pṛthivīmanu || 86 ||
[Analyze grammar]

ye'ntarikṣe ye ca divi tatsarpebhyo namo namaḥ |
oṃ bhūrbhuvaḥ svaḥ śeṣa ihāgaccha ca tiṣṭha ca || 87 ||
[Analyze grammar]

ṣoḍaśavastusaṃbhūtāṃ pūjāṃ gṛhṇa ca te namaḥ |
athā'gnidakṣamadhyasthe stambhe skandaṃ tu ṣaṇmukham || 88 ||
[Analyze grammar]

āhvayāmi sthāpayāmi kārtikeyaṃ hi śāṃkaram |
sarvatattvabrahmavidaṃ mayūrasthaṃ namāmi ca || 89 ||
[Analyze grammar]

āgaccha śarajanma tvaṃ navame stambhake viśa |
devasenāpate gāgeyaka vāhneyaka prabho || 90 ||
[Analyze grammar]

oṃ yadakrandaḥ prathamaṃ jāyamāna udyansamudrāduta vā purīṣāt |
śyenasya pakṣā hariṇasya bāhu upastutyaṃ mahi jātaṃ te'rvan || 91 ||
[Analyze grammar]

oṃ bhūrbhuvaḥ svaḥ skanda ihāgaccha ca tiṣṭha ca |
ṣoḍaśavastusaṃbhūtāṃ pūjāṃ gṛhṇa ca te namaḥ || 92 ||
[Analyze grammar]

dakṣanairṛtyāntarālastaṃbhe vāyuṃ prāṇaṃ dehinām |
kṛṣṇamṛgasamārūḍhaṃ sarvādhāraṃ dhvajāyudham || 93 ||
[Analyze grammar]

āhvayāmi sthāpayāmi praṇamāmi sadāgatim |
āgacchātra vāyudeva daśame staṃbhake viśa || 94 ||
[Analyze grammar]

oṃ vāyo ye te sahasriṇo rathāsastebhirāgahi |
niyutvānsomapītaye prāṇītyadabhramātmasu || 95 ||
[Analyze grammar]

oṃ bhūrbhuvaḥ svaḥ vāyo ihāgaccha ca tiṣṭha ca |
ṣoḍaśavastusaṃbhūtāṃ pūjāṃ gṛhṇa ca te namaḥ || 96 ||
[Analyze grammar]

nairṛtyakoṇake staṃbhe somaṃ vai rātrināyakam |
śaśinaṃ rudraśīrṣasthaṃ śvetaṃ kṣīrodaputrakam || 97 ||
[Analyze grammar]

āhvayāmi sthāpayāmi praṇamāmi suśītalam |
āgacchātra somadevaikādaśastaṃbhake viśa || 98 ||
[Analyze grammar]

oṃ āpyāyasva sametu te viśvataḥ soma vṛṣṇyam |
bhavāvvājasya saṃgathe'mṛtavarṣī prapoṣitā || 99 ||
[Analyze grammar]

oṃ bhūrbhuvaḥ svaḥ somadeva ihāgaccha ca tiṣṭha ca |
ṣoḍaśavastusaṃbhūtāṃ pūjāṃ gṛhṇa ca te namaḥ || 100 ||
[Analyze grammar]

nirṛtipaścamadhyasthe staṃbhe tu varuṇaṃ suram |
kuṃbhīrathasamārūḍhaṃ pāśahastaṃ samujjvalam || 101 ||
[Analyze grammar]

āhvayāmi sthāpayāmi praṇamāmi jaleśvaram |
āgacchātra varuṇeśa dvādaśastaṃbhake viśa || 102 ||
[Analyze grammar]

om imamme varuṇa śrudhī havamadyā ca mṛḍaya |
tvāmavasyurācake tṛṭprabhāhan vipāśakṛt || 103 ||
[Analyze grammar]

oṃ bhūrbhuvaḥ svaḥ varuṇa ihāgaccha ca tiṣṭha ca |
ṣoḍaśavastusaṃbhūtāṃ pūjāṃ gṛhṇa ca te namaḥ || 104 ||
[Analyze grammar]

paścavāyvorantarāle staṃbhe'ṣṭavasusattamān |
aśvasthān puṣpamālādyairdhanasmṛddhyā samanvitān || 105 ||
[Analyze grammar]

āhvayāmi sthāpayāmi praṇamāmi vasubhṛtān |
atrāgacchata vasavo viśantu ca trayodaśe || 106 ||
[Analyze grammar]

oṃ vasoḥ pavitramasi śatadhāraṃ |
vasoḥ pavitramasi sahasradhāram |
devastvā savitā punātu vasoḥ |
pavitreṇa śatadhāreṇa supvā kāmadhukṣaḥ || 107 ||
[Analyze grammar]

oṃ bhūrbhuvaḥ svaḥ vasavo ihāgacchata tiṣṭhata |
ṣoḍaśavastusaṃbhūtāṃ pūjāṃ gṛhṇantu vo namaḥ || 108 ||
[Analyze grammar]

vāyustaṃbhe dhanadaṃ sayakṣaṃ narayānaṃ gadādharam |
āhvayāmi sthāpayāmi praṇamāmi kuberakam || 109 ||
[Analyze grammar]

atrāgaccha ca dhanada viśa staṃbhe caturdaśe |
oṃ vayaṃ somavrate tava manastanūṣu bibhrataḥ || 110 ||
[Analyze grammar]

prajāvantaḥ sacemahi svarṇavantoḥ bhavemahi |
oṃ bhūrbhuvaḥ svaḥ dhanada ihāgaccha ca tiṣṭha ca || 111 ||
[Analyze grammar]

ṣoḍaśavastusaṃbhūtāṃ pūjāṃ gṛhṇa ca te namaḥ |
vāyūttarāntarālasthastaṃbhaṃ bṛhaspatiṃ gurum || 112 ||
[Analyze grammar]

āhvayāmi sthāpayāmi praṇamāmi girāṃ nidhim |
atrāgaccha bṛhaspate staṃbhe pañcadaśe viśa || 113 ||
[Analyze grammar]

oṃ bṛhaspate atiyadaryo arhādyumadvibhāti kratumajjaneṣu |
yaddīdayacchavasa ṛtapprajāta tadasmāsu draviṇaṃ dhehi citram || 114 ||
[Analyze grammar]

oṃ bhūrbhuvaḥ svaḥ bṛhaspate ihāgaccha ca tiṣṭha ca |
ṣoḍaśavastusaṃbhūtāṃ pūjāṃ gṛhṇa ca te namaḥ || 115 ||
[Analyze grammar]

uttareśānayormadhyestaṃbhe tu viśvakarmakam |
āhvayāmi sthāpayāmi praṇamāmi sutejasam || 116 ||
[Analyze grammar]

śvetaṃ śilpakalāḍhyaṃ ca sarvajñaṃ ca sanātanam |
atrāgaccha viśvakarman staṃbhe ṣoḍaśake viśa || 117 ||
[Analyze grammar]

oṃ viśvakarman haviṣā vardhanena trātāramindramakṛṇoravarddhayam |
tasmai viśaḥ samanamantapūrvīrayamugro vihavyo yathāsat || 118 ||
[Analyze grammar]

o bhūrbhuvaḥ svaḥ viśvakarmannihāgaccha ca tiṣṭha ca |
ṣoḍaśavastusaṃbhūtāṃ pūjāṃ gṛhṇa ca te namaḥ || 119 ||
[Analyze grammar]

ityevaṃ ṣoḍaśastaṃbhān pūjayed rādhike dharān |
yadāha bhagavān kṛṣṇastatte proktaṃ mayātra ca || 120 ||
[Analyze grammar]

iti śrīlakṣmīnārāyaṇīyasaṃhitāyā dvitīye tretāsantāne devapratiṣṭhāne catuṣṣaṣṭiyoginīpañcāśatkṣetrapālamaṇḍapī ṣoḍaśastaṃbhadevāvāhanapūjanādinirūpaṇanāmā'ṣṭacatvāriṃśadadhikaśatatamo'dhyāyaḥ || 148 ||
[Analyze grammar]