Chapter 147

śrīkṛṣṇa uvāca |
śṛṇu tvaṃ rādhike'nādikṛṣṇanārāyaṇo vibhuḥ |
āha devāyatanakaṃ yattad vacmi ca te tataḥ || 1 ||
[Analyze grammar]

vāstudevārcanaṃ kāryaṃ pratiṣṭhā'nantaraṃ yataḥ |
tadaṅgātmā sthāpanīyastāmrasya kalaśo navaḥ || 2 ||
[Analyze grammar]

om ājighra kalaśaṃ mahyā tvā viśantu cendavaḥ |
sahasradhārāḥ payasvatvastvāṃ viśantu tiṣṭha ca || 3 ||
[Analyze grammar]

iti kalaśaṃ sthāpayitvā jalaṃ tatra prapūrayet |
varuṇasya sukhaṃ sthānaṃ cottaṃbhanaṃ jalaṃ tvayi || 4 ||
[Analyze grammar]

ṛtaṃ ca sadanaṃ tvaṃ vai jalamādhatsva pāvanam |
iti vāri pūrayitvā kaṇṭhe vastraṃ praveṣṭayet || 5 ||
[Analyze grammar]

vasoḥ pavitramasi śatadhāraṃ sahasradhāravat |
itivastraṃ veṣṭayitvā pūgīphalaṃ ghaṭe'rpayet || 6 ||
[Analyze grammar]

oṃ phalinī puṣpiṃṇī syādaphalā'puṣpāpi te yujeḥ |
pūgi tvaṃ ca ghaṭe tiṣṭha phaladā bhava dehinaḥ || 7 ||
[Analyze grammar]

iti pūgīphalaṃ datvā pañcaratnāni cārpayet |
svarṇaṃ raupyaṃ hīrakaṃ ca māṇikyaṃ mauktikaṃ tathā || 8 ||
[Analyze grammar]

parivājapatiḥ kaviragnirhavyāni cākramīt |
iti ratnāni datvaiva hiraṇyaṃ prakṣiped ghaṭe || 9 ||
[Analyze grammar]

agnerapatyaṃ devena vidhṛtaṃ śirasā purā |
hiraṇyaṃ hariṇā nītaṃ kalaśe pradadāmi tat || 10 ||
[Analyze grammar]

iti hiraṇyaṃ dattvaiva gandhaṃ kalaśe prakṣipet |
kauṃkumaṃ kaisaraṃ gandhaṃ cāndanaṃ pradadāmi te || 11 ||
[Analyze grammar]

itigandhaṃ pradāyaivā'rpayedoṣadhikāstataḥ |
rasaplutā madhusrāvāḥ purā jātā harestanau || 12 ||
[Analyze grammar]

tāstvapi prakṣipāmyeva śataṃ sapta ca rughghanāḥ |
iti sarvauṣadhīrdatvā saptamṛdaḥ samarpayet || 13 ||
[Analyze grammar]

gajāśvagosthalījātāṃ valmīkacatvarodbhavām |
rājacatvaralabdhāṃ cārpayet tulasīmūlajām || 14 ||
[Analyze grammar]

pṛthivī sarvarūpā tvaṃ śarmadā bhava vāsade |
iti saptamṛdo datvā dūrvāṃ ghaṭe samarpayet || 15 ||
[Analyze grammar]

kāṇḍātkāṇḍātprarohantī paruṣaḥ paruṣaḥ pari |
evaṃ no dūrve pratanoḥ sahasreṇa śatena ca || 16 ||
[Analyze grammar]

iti dūrvāṃ ghaṭe datyā'rpayedvai pañcapallavān |
aśvatthevo niṣadanaṃ parṇe vo vasatiḥ kṛtā || 17 ||
[Analyze grammar]

gobhāja itkilā'tha yat sa navatha pūruṣam |
oṃ namaḥ kalaśe mukhe'śvatthasya ca vaṭasya ca || 18 ||
[Analyze grammar]

cūtasyodumbarasyā'pi plakṣasyāpi navāni vai |
patrāṇi sthāpayāmyatra sasyavad rāṣṭrakaṃ tava || 19 ||
[Analyze grammar]

oṃ pavitraṃ pavitrākhyaṃ punātu sūryaraśmivat |
pavitrapate kalaśe'rpayāmyatra pavitrakam || 20 ||
[Analyze grammar]

oṃ namaste pavitrāya kuśajanyāya vedhase |
ghaṭe tvāṃ ca nikṣipāmi pavitraṃ kuru vāri tat || 21 ||
[Analyze grammar]

iti datvā pavitraṃ ca ghaṭoparyakṣatabhṛtām |
sthālīṃ nyasennavāṃ śarkarādiyuktāṃ sukāṃcanīm || 22 ||
[Analyze grammar]

pūrṇā darvī parāpata supūrṇā punarāpata |
vasneva vikrīṇāvahā iṣamūrjaḥ śatakrato || 23 ||
[Analyze grammar]

iti taṇḍulapātraṃ ca natvā śrīphalamarpayet |
śrīśca lakṣmīḥ ramā rādhā brahmavidyāsatīratiḥ || 24 ||
[Analyze grammar]

suguṇā mañjulā haṃsā lalitā kambharā satī |
santoṣā māṇikī durgā'mṛtā'mbā śāradā imāḥ || 25 ||
[Analyze grammar]

śrīphale saṃvasantvatra sampajjuṣyo bhavantu naḥ |
iti śrīphalamāsthāpya śrīdaṃ taṃ praṇamenmakhī || 26 ||
[Analyze grammar]

oṃ manojutirjuṣatāmājyasya bṛhaspatiḥ kratum |
imaṃ tanotvariṣṭaṃ yajñaṃ samimaṃ dadhātu ca |
viśvedevā iha ghaṭe mādayantāmoṃ pratiṣṭha || 27 ||
[Analyze grammar]

iti ghaṭaṃ pratiṣṭhāpyā''vāhayed varuṇaṃ tataḥ |
jalaṃ sarvarasāḍhyaṃ vai pāvanaṃ ca kratorhitam || 28 ||
[Analyze grammar]

tattvāyāmi brahmaṇā vandamānastadāśāste yajamāno havirbhiḥ |
aheḍamāno varuṇeha boddhyuruśaṃsamāna āyuḥ pramoṣī || 29 ||
[Analyze grammar]

oṃ bhurbhuvaḥ svaḥ varuṇa ihāgaccha ca tiṣṭha ca |
ityāvāhya varuṇaṃ cārcayet ṣoḍaśavastubhiḥ || 30 ||
[Analyze grammar]

sarve samudrāḥ saritastīrthāni ca sarāṃsi ca |
āyāntu ca makhīyānāṃ duritakṣayahetave || 31 ||
[Analyze grammar]

kalaśasya mukhaṃ kṛṣṇaḥ kaṇṭhaḥ sadāśivaḥ smṛtaḥ |
mūlaṃ brahmā svayaṃ bodhya udaraṃ mātaraḥ smṛtāḥ || 32 ||
[Analyze grammar]

kukṣayaḥ sāgarāḥ santi pṛthvī kalaśarūpiṇī |
vedāḥ sāṃgāśca kalaśāvayavātmāna eva ca || 33 ||
[Analyze grammar]

āvāhayāmi tīrthāni cāgacchata ca tiṣṭhata |
amṛtonmathane jātaḥ kalaśo viṣṇuhastagaḥ || 34 ||
[Analyze grammar]

tīrthaprāṇasurabhūtavāso'si phalado'si ca |
ādityā vasavo rudrā viśvedevāḥ sapitṛkāḥ || 35 ||
[Analyze grammar]

aśvinau tvayi tiṣṭhantu yajñārthaṃ sannidhiṃ kuru |
ityevaṃ kalaśaṃ prārthya tasyopari tu kānakīm || 36 ||
[Analyze grammar]

vāstumūrti kṛkalāsarūpāṃ tatra nidhāpayet |
agnyuttāraṇakaṃ kuryād vastrairācchādayet paṭaiḥ || 37 ||
[Analyze grammar]

tata uttānakaṃ vāstumīśānaśirasaṃ naram |
dhyāyedagnyuttāraṇe ca deśakālau prakīrtya ca || 38 ||
[Analyze grammar]

avaghātādidoṣāṇāṃ parihārārthameva ca |
agnyuttāraṇakaṃ prāṇapratiṣṭhāṃ ca samācaret || 39 ||
[Analyze grammar]

mūrtiṃ pātre nidhāyaiva dugdhadhārā prapātayet |
jaladhārāṃ tataḥ kuryāt sūktaṃ paṭhet punaḥ punaḥ || 40 ||
[Analyze grammar]

oṃ samudrasya tvāvakayāgne parivyayāmasi |
sarvadevottāraṇaḥ pāvako'smabhyaḥ śivo bhava || 41 ||
[Analyze grammar]

oṃ himasya tvā jarāyuṇā'gne parivyayāmasi |
sarvadevottāraṇaḥ pāvako'smabhyaḥ śivo bhava || 42 ||
[Analyze grammar]

omapāmidaṃ nyayanaṃ samudrasya niveśanam |
vighnarūpāṃstathā'nyāṃste hyasmattapantu hetayaḥ || 43 ||
[Analyze grammar]

sarvadevottāraṇaḥ pāvako'smabhyaḥ śivo bhava |
namaste harase śociṣe namaste astvarciṣe || 44 ||
[Analyze grammar]

vighnarūpāṃstathā'nyāṃste hyasmattapantu hetayaḥ |
sarvadevottāraṇaḥ pāvako'smabhyaḥ śivo bhava || 45 ||
[Analyze grammar]

prāṇadā'pānadā vyānadā varcodā variṣṭhadāḥ |
vidhnarūpāṃstathā'nyāṃste hyasmattapantu hetayaḥ || 46 ||
[Analyze grammar]

sarvadevottāraṇaḥ pāvako'smabhyaḥ śivo bhava |
evamagnyuttāraṇaṃ ca kṛtvā pañcabhiramṛtaiḥ || 47 ||
[Analyze grammar]

saṃsnāpya vāstupuruṣaṃ kalaśopari vinyaset |
dhyāyed vāstusvarūpaṃ ca parabrahmodbhavaṃ purā || 48 ||
[Analyze grammar]

tataḥ śaṃbhoḥ śarīrāccā'bhavat putro balī mahān |
yajñāpakārakaḥ so'yaṃ devaiḥ parājito mṛdhe || 49 ||
[Analyze grammar]

nipātyā'dhomukho baddhaḥ samantād devatāgaṇaiḥ |
īśāne mastakaṃ nyastaṃ nairṛtye pādasaṃpuṭam || 50 ||
[Analyze grammar]

jānunī kūrparīkṛtya bāhuyugmaṃ tathāvidham |
vāyavyāgnyostato jānuṃ hṛdaye cāṃjalistathā || 51 ||
[Analyze grammar]

padīkṛtya ca tasyordhvaṃ sarve surāśca rohitāḥ |
taṃ sarvasukhāsaṃ cāvāhayāmi ca vāstukam || 52 ||
[Analyze grammar]

oṃ bhūrbhuvaḥ saḥ vāstunaraṃ cāvāhayāmi naumi ca |
sammānayāmi cāgaccha mahābalaparākrama || 53 ||
[Analyze grammar]

sarvadevāśritavapurbrahmaputra namo'stu te |
sarvabrahmāṇḍadhṛgasi tvāgaccha bhagavanniha || 54 ||
[Analyze grammar]

āgaccha bhagavan vāsto sarvadevānvitastviha |
tiṣṭhātra kuru kalyāṇaṃ yajñe'smin sannidho bhava || 55 ||
[Analyze grammar]

oṃ vāstoṣpate pratijānīhyasmān svāveśo anamīvo bhavā naḥ |
yattvemahe prati tanno juṣasva śanno bhava dvipadeśaṃ catuṣpade || 56 ||
[Analyze grammar]

ityāvāhyā'kṣatapuṣpaiścandanāmbarabhūṣaṇaiḥ |
sampūjya prārthayed rakṣāṃ rakṣa saṃkaṭaviplavāt || 57 ||
[Analyze grammar]

naivedyaṃ dhūpadīpau ca nīrājanādi cārpayet |
svāhetyuccārya ca tato'gadavān vidhinā'rcayet || 58 ||
[Analyze grammar]

oṃ namaḥ śikhine ceśānāya pādyaṃ tathā'rdhakam |
ācamanaṃ snapanaṃ cāmbaraṃ gandhaṃ tathā'kṣatān || 59 ||
[Analyze grammar]

puṣpāṇi dhūpadīpau ca naivedyaṃ ca jalaṃ phalam |
tāmbūlaṃ śayanaṃ dakṣiṇāṃ dadāmi gṛhāṇa śam || 60 ||
[Analyze grammar]

parjanyāya namaḥ pādyādikaṃ gṛhāṇa śaṃ kuru |
jayantāya namaḥ pādyādikaṃ gṛhāṇa śaṃ kuru || 61 ||
[Analyze grammar]

omindrāya namaḥ pādyādikaṃ gṛhāṇa śaṃ kuru |
oṃ sūryāya namaḥ pādyādikaṃ gṛhāṇa śaṃ kuru || 62 ||
[Analyze grammar]

oṃ satyāya namaḥ pādyādikaṃ gṛhāṇa śaṃ kuru |
oṃ bhṛśāya namaḥ pādyādikaṃ gṛhāṇa śaṃ kuru || 63 ||
[Analyze grammar]

oṃ ākāśāya namaśca oṃ vāyave ca namo namaḥ |
oṃ pūṣṇe ca namaḥ oṃ vitathāyāpi namo namaḥ || 64 ||
[Analyze grammar]

gṛhakṣatāya nama oṃ oṃ yamāya namo namaḥ |
oṃ gandharvāya ca namo bhṛṃgarājāya oṃ namaḥ || 65 ||
[Analyze grammar]

oṃ mṛgāya nama oṃ ca pitṛbhyo'pi namo namaḥ |
pādyādīni ca gṛhṇantu kurvantu śaṃ namo namaḥ || 66 ||
[Analyze grammar]

oṃ nandine nama oṃ ca sugrīvāya namo namaḥ |
oṃ puṣpadantāya namo varuṇāya ca oṃ namaḥ || 67 ||
[Analyze grammar]

omasurāya ca namaḥ śeṣāya ca namo namaḥ |
namaḥ pāpāya rogāya oṃ nāmaścāhaye namaḥ || 68 ||
[Analyze grammar]

oṃ mukhyāya namo bhallāṭāya oṃ ca namo namaḥ |
oṃ somāya ca nāgāyā'ditaye ditaye namaḥ || 69 ||
[Analyze grammar]

omadabhyaśca namaścāpavapsāya namo namaḥ |
pādyādīni ca gṛhṇantu kurvantu śaṃ namo namaḥ || 70 ||
[Analyze grammar]

omaryamṇe nama oṃ sāvitrāya ca namaśca om |
oṃ savitre namo vivasvate cendrāya oṃ namaḥ || 71 ||
[Analyze grammar]

oṃ jayantāya nama oṃ mitrāya nama oṃ namaḥ |
rājayakṣmaṇe nama oṃ oṃ rudrāya namo namaḥ || 72 ||
[Analyze grammar]

oṃ pṛthivīdharāya ca nama oṃ brahmaṇe namaḥ |
pādyādīni ca gṛhṇantu kurvantu śaṃ namo namaḥ || 73 ||
[Analyze grammar]

oṃ carakyai nama oṃ ca vidāryai ca namaśca om |
pūtanāyai nama oṃ ca pāpāyai ca namaśca om || 74 ||
[Analyze grammar]

oṃ skandāya namaścāryamṇe namo jṛṃbhakāya om |
nama oṃ pilipicchāya omindrāya namaśca om || 75 ||
[Analyze grammar]

agnaye oṃ namo yamāya oṃ nirṛtaye namaḥ |
nama oṃ ca varuṇāya oṃ vāyave namo namaḥ || 76 ||
[Analyze grammar]

oṃ kuberāya nama omīśānāya oṃ namaḥ |
oṃ brahmaṇe namaśca omanantāya namo namaḥ || 77 ||
[Analyze grammar]

pādyādīni ca gṛhṇantu kurvantu śaṃ namo namaḥ |
bhavantaścāṃgadevādyā gṛhṇantu gandhamakṣatān || 78 ||
[Analyze grammar]

puṣpadhūpau dīpavastre pratipātrasthabhojanam |
jalaṃ phalaṃ dalaṃ tāmbūlakaṃ ca dakṣiṇādikam || 79 ||
[Analyze grammar]

ārārtrikaṃ cārpayāmi gṛhṇantu vitarantu śam |
atha vāstupuruṣaṃ ca pūjayettu punastathā || 80 ||
[Analyze grammar]

kuryātprāṇapratiṣṭhāṃ vai bījapraṇavabṛṃhitām |
ekāgraṃ hṛdayaṃ kṛtvā dhyātvā devaṃ samuccaret || 81 ||
[Analyze grammar]

oṃ āṃ hrī krau yaṃ raṃ laṃ vaṃ śaṃ ṣaṃ saṃ haṃ kṣaṃ haṃ saḥ so'ham |
asya devasya vai prāṇā iha prāṇā vasantu ca || 82 ||
[Analyze grammar]

oṃ āṃ hrīṃ krauṃ yaṃ raṃ laṃ vaṃ śaṃ ṣaṃ saṃ haṃ kṣaṃ haṃ saḥ so'ham |
asya devasya vai jīva iha jīvaḥ sthitaśca om || 83 ||
[Analyze grammar]

oṃ āṃ hrīṃ krauṃ yaṃ raṃ laṃ vaṃ śaṃ ṣaṃ saṃ haṃ kṣaṃ haṃ saḥ so'ham |
asya devasya vāṅmanastvakcakṣuḥśrotramityapi || 84 ||
[Analyze grammar]

jihvā ghrāṇaṃ pāṇipādāḥ pāyūpasthāni cāntaram |
asminnāgatya ca ciraṃ sukhaṃ tiṣṭhantu vai svāhā || 85 ||
[Analyze grammar]

oṃ manojūtirjuṣatāmājyasya bṛhaspatiryajñam |
imaṃ tanotvariṣṭaṃ ca yajñaṃ samimaṃ dadhātu || 86 ||
[Analyze grammar]

viśvedevāsa iha mādayantāmoṃ pratiṣṭhata |
evaṃ pratiṣṭhāyajñena yajante vai pratiṣṭhitān || 87 ||
[Analyze grammar]

tava vāsto mahāpūjāṃ karomyanugrahaṃ kuru |
oṃ vāstupuruṣāya ca namo'rpayāmi pādyakam || 88 ||
[Analyze grammar]

arghyaṃ cācamanaṃ pañcāmṛtasnānaṃ dadāmi ca |
śuddhodakaṃ yajñasūtraṃ cārpayāmi ca te namaḥ || 89 ||
[Analyze grammar]

vastraṃ gandhaṃ kusumaṃ ca dhūpaṃ dīpaṃ tathā'ttaram |
naivedyaṃ phalatāmbūle cārpayāmi ca te namaḥ || 90 ||
[Analyze grammar]

dakṣiṇāṃ prāñjaliṃ cārghyaṃ samarpayāmi te namaḥ |
oṃ pūjyo'si trilokeṣu yajñarakṣārthahetave || 91 ||
[Analyze grammar]

tvadarcanaṃ vinā naiva siddhyanti kratusatkriyāḥ |
ayone bhagavan śaṃbhulalāṭasvedasaṃbhava || 92 ||
[Analyze grammar]

gṛhāṇā'rghyaṃ mayā dattaṃ vāsto svāminnamo'stu te |
evamarthaṃ pradatvaiva balidānaṃ samarpayet || 93 ||
[Analyze grammar]

oṃ vahnaye nama eṣa pāyasabalirnamama |
oṃ parjanyāya nama eṣa pāyasabalirnamama || 94 ||
[Analyze grammar]

oṃ jayantāya nama eṣa pāyasabalirnamama |
omindrāya nama eṣa pāyasabalirnamama || 95 ||
[Analyze grammar]

oṃ sūryāya nama eṣa pāyasabalirnamama |
oṃ satyāya nama eṣa pāyasabalirnamama || 96 ||
[Analyze grammar]

evaṃ vai vāstudevebhyaḥ pratyekāya punaḥ punaḥ |
omamukāya nama eṣa pāyasabalirnamama || 97 ||
[Analyze grammar]

iti dadyād baliṃ tataścarakyādibhya ityapi |
dikpālebhyo māṣabhaktabalīn dadyācca tadyathā || 98 ||
[Analyze grammar]

oṃ carakyai nama eṣa māṣabhaktabalirnamama |
oṃ vidāryai nama eṣa māṣabhaktabalirnamama || 99 ||
[Analyze grammar]

pūtanāyai nama eṣa māṣabhaktabalirnamama |
oṃ pāpāyai nama eṣa māṣabhaktabalirnamama || 100 ||
[Analyze grammar]

oṃ skandāya nama eṣa māṣabhaktabalirnamama |
aryamṇe jṛmbhakāyāpi pilipicchāya cārpayet || 101 ||
[Analyze grammar]

indrāgniyamanirṛtavaruṇavāyave namaḥ |
kubereśājānantebhyo māṣabhaktabalirnamama || 102 ||
[Analyze grammar]

tato vāstupuruṣāya baliṃ dadyāddhi mantrataḥ |
nānāsugandhipakvānnaṃ pāyasādyaṃ vibhinnakam || 103 ||
[Analyze grammar]

baliṃ gṛhāṇa vāsto tvaṃ kṣudhādoṣaṃ praṇāśaya |
oṃ nama eṣa vāstupuruṣāya balirnamama || 104 ||
[Analyze grammar]

ye devāḥ pāyasabhujo gṛhṇantu pāyasaṃ hi te |
ye devāścānnabhoktāro gṛhṇantvannaṃ śubhaṃ madhu || 105 ||
[Analyze grammar]

ye devā rasabhoktāro gṛhṇantvete rasān bahūn |
ye devāḥ kṛśarādāste gṛhṇantu kṛśarānnakam || 106 ||
[Analyze grammar]

ye devā māṣabhoktāro gṛhṇantu māṣajaṃ balim |
ye devāścāmṛtabhujo gṛhṇantvamṛtameva te || 107 ||
[Analyze grammar]

ye devāḥ piṣṭacūrṇādā gṛhṇantu piṣṭacūrṇakam |
ye devāḥ phalabhoktāro gṛhṇantvete phalāni ca || 108 ||
[Analyze grammar]

ye devāḥ kaṇabhoktāraḥ sarṣapādāśca ye surāḥ |
śākādā havyabhoktāro yeṣāṃ yogyaṃ tu yadbhavet || 109 ||
[Analyze grammar]

tattanmayārpitaṃ devā gṛhṇantviṣṭabaliṃ namama |
mantrahīnaṃ kriyāhīnaṃ bhaktiśraddhāvihīnakam || 110 ||
[Analyze grammar]

yadarpitaṃ mayā deva paripūrṇaṃ vidhīyatām |
namaste vāstudeveśa sarvavighnaharo bhava || 111 ||
[Analyze grammar]

śāntiṃ kuru sukhaṃ dehi sarvān kāmān prayaccha me |
oṃ śrīvāstupuruṣāyā'rpayāmi nārikelakam || 112 ||
[Analyze grammar]

suvarṇaṃ cārpayāmyatra praṇamāmi sukhaṃ kuru |
śrīṃ lakṣmīṃ ca ramāṃ rādhāṃ brahmavidyāṃ ca padmajām || 113 ||
[Analyze grammar]

suguṇāṃ maṃjulāṃ padmāṃ lalitāṃ kaṃbharāṃ satīm |
santoṣāṃ māṇikīṃ durgā'mṛtā'mbāḥ śāradāmimāḥ || 114 ||
[Analyze grammar]

arcayet sāttvikairdravyaiḥ pāyasādyaiśca toṣayet |
tato vai maṇḍapaṃ veṣṭayet trisūtryā samantataḥ |
sūktena pavamānena rakṣaghnena ninādayan || 115 ||
[Analyze grammar]

oṃ pavamānaḥ suvarjanaḥ pavitreṇa vicarṣaṇiḥ |
yaḥ potā sa punātu māṃ punantu māṃ devajanāḥ || 116 ||
[Analyze grammar]

punantu manavo dhiyā punantu viśva āyavaḥ |
jātavedaḥ pavitravat pavitreṇa punīhi mām || 117 ||
[Analyze grammar]

śukreṇa devadīdyat agne kratvā kratūranu |
yatte pavitramarciṣi agne vitatamantarā || 118 ||
[Analyze grammar]

brahma tena punīmahe ubhābhyāṃ devasavitaḥ |
pavitreṇa savena ca idaṃ brahma punīmahe || 119 ||
[Analyze grammar]

vaiśvadevī punatī devyāgād yasyaistanuvo vītapṛṣṭhāḥ |
tayā madantaḥ sadhamādyeṣu vayaṃ syāma patayo rayīṇām || 120 ||
[Analyze grammar]

vaiśvānaro raśmibhiryā punāttu vātaḥ prāṇeneṣiro mayobhūḥ |
dyāvāpṛthivī payasā payobhiḥ ṛtāvarī yajñiye mā punītām || 121 ||
[Analyze grammar]

bṛhadbhiḥ savitastṛbhiḥ vaśiṣṭhairdeva |
manmabhiḥ agne dakṣai punīhi mā |
yena devā apunata yenāpo divyaṃ kaśaḥ |
tena divyena brahmaṇā idaṃ brahma punīmahe || 122 ||
[Analyze grammar]

oṃ rakṣohaṇaṃ valagahanaṃ vaiṣṇavī |
midamahantaṃ valagamutkirāmi |
yaṃ me'niṣṭyo yamamātyo |
nicakhānedamahantaṃ balagamutkirāmi || 123 ||
[Analyze grammar]

yaṃ me samāno yamasamāno |
nicakhānedamahantaṃ valagamutkirāmi |
yaṃ me sabandhuryamasabandhu |
rnicakhānedamahantaṃ valagamutkirāmi || 124 ||
[Analyze grammar]

yaṃ me sajāto yamasajāto |
nicakhānotkṛtyā kirāmi |
oṃ kuṇuṣvapājaḥ prasitiṃ na |
pṛthivīṃ yāhi rājevāmavāṃ ibhena || 125 ||
[Analyze grammar]

tṛṣvīmanuprasitiṃ druṇānostā |
si viddhyarakṣasastapiṣṭhaiḥ |
punantu māṃ devajanā manasā dhiyo |
viśvābhūtāni jātavedo'pi mām || 126 ||
[Analyze grammar]

ityevaṃ rādhike maṇḍapaṃ trisūtryā praveṣṭayet |
maṇḍape ca tataścāgatyāsane tata āviśet || 127 ||
[Analyze grammar]

evaṃ nārāyaṇaḥ kṛṣṇo jagāda devatāyanam |
tattathaiva mayoktaṃ te yadyapi nāti vistaram || 128 ||
[Analyze grammar]

iti śrīlakṣmīnārāyaṇīyasaṃhitāyāṃ dvitīye tretāsantāne pratiṣṭhotsave kalaśasthāpanaṃ vāstoḥ pratiṣṭhānaṃ pūjanaṃ vāstudevānāṃ pūjanaṃ naivedyaṃ balistrisūtryā maṇḍapaveṣṭanaṃ mantrāścetyādikathananāmā saptacatvāriṃśadadhikaśatatamo'dhyāyaḥ || 147 ||
[Analyze grammar]