Chapter 146

śrīkṛṣṇa uvāca |
śṛṇu tvaṃ rādhike caivaṃ nāndīśrāddhottaraṃ tu yat |
bhaktāya bhagavānāhā''cāryādivaraṇaṃ yathā || 1 ||
[Analyze grammar]

ometasyāṃ pratiṣṭhāyāṃ kartavyāyāṃ tu karmasu |
ācāryatvena vipraṃ tvā vṛṇe gandhā'kṣatādibhiḥ || 2 ||
[Analyze grammar]

puṣpatāmbūlamudrābhirvāsobhiścāsmi oṃ vṛtaḥ |
taṃ prapūjya tato brahmavaraṇaṃ saṃvidhāpayet || 3 ||
[Analyze grammar]

ometasyāṃ pratiṣṭhāyāṃ kartavyāyāṃ tu karmasu |
kṛtā'kṛtekṣātmasu brahmasthāne tvāmahamāvṛṇe || 4 ||
[Analyze grammar]

gandhapuṣpākṣatatāmbūlakamudrā'mbarādibhiḥ |
brahmatvena vṛto'smīti brahmā'smi vai kratau tava || 5 ||
[Analyze grammar]

taṃ prapūjya ṛtvijo'ṣṭau caturo vṛṇuyācca vā |
asya devasya ca pratiṣṭhāyāṃ vedavido'tra ca || 6 ||
[Analyze grammar]

amukān vo vṛṇe ṛtviktvena gandhādibhistviha |
oṃ vṛttāḥ sma iti tān saṃpūjya gandhākṣatādibhiḥ || 7 ||
[Analyze grammar]

aṣṭau vā caturo dvārapālān saṃvṛṇuyānmakhī |
ekaikavedinau dvau dvau jāpakau vṛṇuyānmakhī || 8 ||
[Analyze grammar]

bhavanti ṛtvijaścaivaṃ pañcaviśaṃtisaṃkhyakāḥ |
yadvā'śaktau vṛṇuyādvai tathā hotraṣṭakaṃ punaḥ || 9 ||
[Analyze grammar]

jāpakān caturo dvārapālacatuṣṭayaṃ gurum |
evaṃ vai ṛtvijaḥ saptadaśāpyapi bhavanti hi || 10 ||
[Analyze grammar]

yadvā hotṝṃśca caturo jāpakāṃścaturastathā |
caturo dvārapālāṃśca guruṃ ceti trayodaśa || 11 ||
[Analyze grammar]

yadvā''cāryaṃ tathā brahmāṇameva vṛṇuyānmakhī |
dvābhyāṃ sarvaṃ yajñakarma nivartate na saṃśayaḥ || 12 ||
[Analyze grammar]

rājā tu śatasāhasrān vṛṇuyācca yathābalam |
tato'rcayecca vidhinā gurvādīn varaṇakramāt || 13 ||
[Analyze grammar]

madhuparkeṇā'rcayedvai miṣṭena pāyasādinā |
bhaghuparko bahuvidho miṣṭāmblapāyasādijaḥ || 14 ||
[Analyze grammar]

atha viprān prārthayecca makhī prāñjalirutthitaḥ |
brāhmaṇāḥ santu me śāntāḥ sarvapāpanivārakāḥ || 15 ||
[Analyze grammar]

dānayajñajapahomairyājakāstṛptidāyakāḥ |
pitṝṇāṃ ca surāṇāṃ ca vedamūrtaya eva te || 16 ||
[Analyze grammar]

rakṣantu jāpakā māṃ ca ṛddhiṃ vṛddhiṃ dadatvapi |
yāganiṣpattaye viprā vṛtāḥ kurvantu śāntikam || 17 ||
[Analyze grammar]

pauṣṭikaṃ ca prakurvantu niyame saṃsthitāḥ dvijāḥ |
evaṃ viprān susamprārthyā''cāryaṃ saṃprārthayenmakhī || 18 ||
[Analyze grammar]

mantramūrtirbhavānāste kuru dharmonnatiṃ mama |
tvatprasādena yajño'yaṃ nirvighno vai samāpyatām || 19 ||
[Analyze grammar]

evaṃ samprārthya ca tataḥ sasutthāya makhī svayam |
gṛhītvā yogyasambhārān kṛtvā'grataḥ suvāsinīḥ || 20 ||
[Analyze grammar]

viprāṃstathā'grataḥ kṛtvā tūryaghoṣe pravartite |
pūrṇakuṃbhasamāyukto yajamāno hi maṇḍapam || 21 ||
[Analyze grammar]

kṛtvā pradakṣiṇaṃ prāpya paścimadvārameva tu |
pāṇibhyāṃ cārghapātraṃ vai samādāya sthito bhavet || 22 ||
[Analyze grammar]

sārgho dvāre pṛthivīṃ ca dhyātvā kūrmoparisthitām |
śuklāṃ padmaśaṃkhacakraśūlayuktacaturbhujām || 23 ||
[Analyze grammar]

savatsāṃ gorūpadharāṃ cāgaccha vasudhe tviha |
gṛhāṇa phalapuṣpāṇi pūjāṃ gṛhāṇa matkṛtām || 24 ||
[Analyze grammar]

yajñārthaṃ bhagavatpatnīṃ tvāṃ vṛṇomīha vaiṣṇavīm |
saubhāgyaṃ dehi putrāṃśca dhanaṃrūpaṃ pradehi ca || 25 ||
[Analyze grammar]

gṛhāṇārghyaṃ ca me devi susaubhāgyaṃ prayaccha me |
ityaṣṭāṃgaṃ mahārghyaṃ ca datvā natvā tato makhī || 26 ||
[Analyze grammar]

paścimadvāramārgeṇa praviśed yajamānakaḥ |
homadravyapraveśastu pūrvadvāreṇa vai mataḥ || 27 ||
[Analyze grammar]

dānadravyapraveśastu dakṣadvāreṇa vai mataḥ |
dānārthān dakṣiṇārthāṃśca pratiṣṭhārthān supāvanān || 28 ||
[Analyze grammar]

saṃbhārānuttaradvāreṇaiva praveśayenmakhī |
ācāryastu tato vāme haste vai gaurasarṣapān || 29 ||
[Analyze grammar]

lājāyuktān gṛhītvā ca kuryādvai dikprarakṣaṇam |
oṃ rakṣohaṇaṃ valagaṃ cotkirāmi samantataḥ || 30 ||
[Analyze grammar]

aniṣṭānutkhana sarvān valaga tvāṃ kirāmi ca |
rakṣohaṇo valagāḥ prokṣayāmi vaiṣṇavān balān || 31 ||
[Analyze grammar]

tṛṇāmyupadadhāmyatroparyūhāmi samantataḥ |
rakṣobhāgo nirasto'sti rakṣobādho na vai bhavet || 32 ||
[Analyze grammar]

rakṣohā viśvacarṣaṇirabhiyonimayohate |
droṇesadhaḥ sthalaṃ puṣṭaṃ samāsadat vinirbhayam || 33 ||
[Analyze grammar]

bhūmibhūtā vighnarūpā asarpantvitaḥ sthalāt |
apakramantu bhūtāni piśācāḥ sarvato diśaḥ || 34 ||
[Analyze grammar]

yajñakarmavirodhyatra bhūtaṃ sthitaṃ sthale'tra vai |
sthānaṃ vihāya cānyatra prayāntvastu ca śāntidam || 35 ||
[Analyze grammar]

pretādyāścāpagacchantu svīkaromi bhuvaṃ tvimām |
karomi śāntikaṃ cātra kirāmīśānataḥ kramāt || 36 ||
[Analyze grammar]

āyāntvatra surā yātudhānādyā apayāntu ca |
devayajanaṃ kṣetraṃ tvaṃ rakṣa viṣṇo'ntare sthita || 37 ||
[Analyze grammar]

iti rakṣāṃ vidhāyaiva pañcagavyena satkuśaiḥ |
prokṣayenmaṇḍapabhūmiṃ yajñasaṃbhārakāṃstathā || 38 ||
[Analyze grammar]

hiraṇyavarṇāḥ śucayaḥ pāvikā lokapāvikāḥ |
agniṃ yā dadhire garbhe tā āpaḥ pāvayantu naḥ || 39 ||
[Analyze grammar]

vāruṇyo madhusrāviṇyaḥ śaṃsya apo bhavanti yāḥ |
yatspṛṣṭaṃ bhakṣyameva syād devānāṃ tāḥ punantu naḥ || 40 ||
[Analyze grammar]

antarīkṣe pṛthivyāṃ ca śukraṃ yadudbhavaṃ rasam |
puṣṭidaṃ sarvadevānāṃ tā āpo naḥ punantviha || 41 ||
[Analyze grammar]

śivena cakṣuṣā paśyatāpo māṃ spṛśatā'pi ca |
śivayā tanuvā māṃ ca balatejonvitaṃ tathā || 42 ||
[Analyze grammar]

punātu yajñasaṃbhārān pavamāno jalānvitaḥ |
punantu manavo devāḥ punantu viśvaāyavaḥ || 43 ||
[Analyze grammar]

agne salila śaktyā te idaṃ brahma punīmahe |
vaiścānaro raśmibhirmāṃ vātaḥ prāṇena varcasā || 44 ||
[Analyze grammar]

dyāvāpṛthivī payasā savitā kiraṇairihā |
punantu māṃ ca saṃbhārānidaṃ brahma punīmahe || 45 ||
[Analyze grammar]

pāvamānyā pavitraṃ yat tadaśnantyeva devatāḥ |
pāvamānyā tu saṃbhārāḥ saṃmatāḥ sadrasaiḥ sadā || 46 ||
[Analyze grammar]

tasmai rasavatī duhe sarvamaśnanti devatāḥ |
ṛṣibhiḥ saṃbhṛtarasaṃ kṣīraṃ sarpirmadhūttamam || 47 ||
[Analyze grammar]

brāhmaṇeṣvamṛtaṃ hitaṃ nihitaṃ tacca vastuṣu |
pavamānyā pavitreṇa devāścāśnanti bhāvataḥ || 48 ||
[Analyze grammar]

indraḥ somo varuṇaśca yamo rājā pūnantvidam |
brahmajātaṃ vastujātaṃ pūtaṃ brahma punīmahe || 49 ||
[Analyze grammar]

ityevaṃ cābhiṣicyaiva āpohiṣṭhāmayo bhuvaḥ |
tā na ūrje dadhātana maheraṇāya cakṣase || 50 ||
[Analyze grammar]

yo vaḥ śreṣṭhatamo miṣṭo rasastadbhājanaṃ vayam |
āpastadbhājanaṃ sarvam āpo janayathā rasam || 51 ||
[Analyze grammar]

ityevaṃ sarvasaṃbhārān prokṣya kṛtāñjalirmakhī |
tiṣṭhed vipro vadet svastimaśvinau kurutaṃ tava || 52 ||
[Analyze grammar]

aditiste svastimeva pūṣā svastiṃ dadhātu te |
dyauḥ kṣitiste svastimeva cinutaḥ svastimaryamā || 53 ||
[Analyze grammar]

vāyuḥ svastiṃ guruḥ svastiṃ vahniḥ svastiṃ karotu te |
devyaḥ svastiṃ tathā devāḥ svastiṃ kurvantu te sadā || 54 ||
[Analyze grammar]

svasti na indro vṛddhaśravāḥ svasti naḥ pūṣā viśvavedāḥ |
svasti nastārkṣyo'riṣṭanemiḥ svasti no bṛhaspatirdadhātu || 55 ||
[Analyze grammar]

ityevaṃ svasmimādhatya maṇḍapasyā'rcanaṃ tathā |
kuryādvai vāstupūjāṃ copaviśya vāstusannidhau || 56 ||
[Analyze grammar]

maṇḍapanairṛtyakoṇe prāṅmukho yajamānakaḥ |
upaviśyā''camya prāṇānāyamya ca samāhitaḥ || 57 ||
[Analyze grammar]

deśakālau prasaṃkīrtya vāstupūjāṃ carenmakhī |
vāstoścaturṣu koṇeṣu catuḥśaṃkūn praropayet || 58 ||
[Analyze grammar]

oṃ viśantu bhūbhāge nāgāśca lokaprapālakāḥ |
maṇḍape'trā'vatiṣṭhantu balāyuṣyapradāḥ sadā || 59 ||
[Analyze grammar]

balidānaṃ māṣabhaktadadhyodanena cārpaye |
śaṃkavaḥ pratigṛhṇantu bhavatpārśve samarpitam || 60 ||
[Analyze grammar]

rudrebhyaścāpi sarpebhyo baliṃ dadāmi śobhanam |
gṛhṇantvīśānabhāgasthā ye cānye tatsamāśritāḥ || 61 ||
[Analyze grammar]

om agnibhyo'tha sarpebhyo ye cānye tatsamāśritāḥ |
āgneyyāṃ vo baliṃ gṛhṇantvodanaṃ pradadāmi yat || 62 ||
[Analyze grammar]

nairṛtyādhipatiścaiva nairṛtyāṃ rākṣasāśca ye |
baliṃ tebhyaḥ prayacchāmi gṛhṇantu mantritaṃ balim || 63 ||
[Analyze grammar]

vāyavyādhipatiścaiva vāyavyāṃ ye ca rākṣasāḥ |
baliṃ dadāmi gṛhṇantvodanaṃ puṇyaṃ samarpitam || 64 ||
[Analyze grammar]

vāstupīṭhe kuṃkumādyaiḥ svarṇaśalākayā tathā |
ratnena rajatenāpi phalena kusumena vā || 65 ||
[Analyze grammar]

navarekhāḥ prakartavyāstatra lakṣmyai namaśca om |
yaśovatyai namaśceti oṃ kāntāyai namastathā || 66 ||
[Analyze grammar]

supriyāyai namaśceti vimalāyai namaśca om |
oṃ śriyai nama oṃ subhagāyai namaśca omiti || 67 ||
[Analyze grammar]

oṃ sumatyai nama om iḍāyai namaśca omiti |
evaṃ vai sthāpayitvaiva kṛtvā rekhāḥ punarnava || 68 ||
[Analyze grammar]

oṃ dhānyāyai namastatra oṃ prāṇāyai namastathā |
viśālāyai namaścāpi oṃ sthirāyai namastathā || 69 ||
[Analyze grammar]

oṃ bhadrāyai namaśceti oṃ jayāyai namastathā |
oṃ niśāyai namaśceti virajāyai namaśca om || 70 ||
[Analyze grammar]

vibhavāyai namaśceti sthāpayitvā prapūjayet |
aiśāne ca pade devamīśānaṃ śikhinaṃ haram || 71 ||
[Analyze grammar]

dhyātvā cā''vāhayāmyatra śaṃbhavāya namo namaḥ |
bhavāya śaṃbhave śivatarāya ca namo namaḥ || 72 ||
[Analyze grammar]

oṃ bhūrbhuvaḥ svaḥ śikhinnihā''gaccha tiṣṭha ca te namaḥ |
taddakṣiṇe ca parjanyaṃ dhyātvā cāvāhayāmyaham || 73 ||
[Analyze grammar]

abhivarṣatu parjanyaḥ parjanyāya namo namaḥ |
oṃ bhūrbhuvaḥ svaḥ parjanya ihāgaccha ca tiṣṭha ca || 74 ||
[Analyze grammar]

tato dakṣe jayantaṃ ca dhyātvā cāvāhayāmyaham |
jayanta varmaṇā channa cāmṛtena samāplutā || 75 ||
[Analyze grammar]

urasā balamāpanna tvāṃ mṛndantu surā iha |
oṃ bhūrbhuvaḥ svaḥ jayanta ihāgaccha ca tiṣṭha ca || 76 ||
[Analyze grammar]

jayantāya namaste'stu jayaṃ tanotu sarvathā |
tato dakṣe mahendraṃ ca dhyātvā cāvāhayāmyaham || 77 ||
[Analyze grammar]

om āyātvindro vasatvatra stutaḥ śūraśca vardhanaḥ |
oṃ bhūrbhuvaḥ svaḥ mahendra ihāgaccha ca tiṣṭha ca || 78 ||
[Analyze grammar]

mahendrāya namo vajradharāya dyuprabhāviṇe |
tato dakṣe sūryadevaṃ dhyātvā cāvāhayāmyaham || 79 ||
[Analyze grammar]

savitre brahmarūpāya tejaḥkośāya te namaḥ |
oṃ bhūrbhuvaḥ svaḥ sūrya tvamihāgaccha ca tiṣṭha ca || 80 ||
[Analyze grammar]

tataśca dakṣiṇe satyaṃ dhyātvā cāvāhayāmyaham |
satyena dīkṣā phalati saśraddhā dakṣiṇātmikā || 81 ||
[Analyze grammar]

tatsarvaṃ satyakādhāraṃ satyāya te namo namaḥ |
oṃ bhūrbhuvaḥ svaśca satya ihāgaccha tiṣṭha ca || 82 ||
[Analyze grammar]

tato dakṣe bhṛśaṃ dhyātvā cāvāhayāmi bhāvataḥ |
ātvā hārṣamantarabhrurdhruvastiṣṭhā'vicācaliḥ || 83 ||
[Analyze grammar]

viśastvāṃ sarve vāñcchantu mā tvadrāṣṭradhidbhraśat |
oṃ bhūrbhuvaḥ svaḥ bhṛśa ihāgaccha tiṣṭha ca te namaḥ || 84 ||
[Analyze grammar]

tato dakṣe mahākāśaṃ dhyātvā cāvāhayāmi ca |
svarā nādā dhvanayaśca sunṛtā mādhvya eva ca || 85 ||
[Analyze grammar]

tvayi santi mahākāśa tubhyaṃ divyāya vai namaḥ |
au bhūrbhuvaḥ svaḥ ākāśa ihāgaccha ca tiṣṭha ca || 86 ||
[Analyze grammar]

tato dakṣe koṇabhāge'nalamāvāhayāmi ca |
vāyusakhaṃ tathā vāyuṃ dhyātvā cāvāhayāmi ca || 87 ||
[Analyze grammar]

agne saptasahasrātyajivha tubhyaṃ namo namaḥ |
vāyo sahasrarathavan vahnimitra ca te namaḥ || 88 ||
[Analyze grammar]

oṃ bhūrbhuvaḥ svaśca vahne vāyo cāgaccha tiṣṭha ca |
tataḥ paśce pūṣaṇaṃ ca dhyātvā cāvāhayāmi ca || 89 ||
[Analyze grammar]

pūṣan tava vrate vayaṃ na riṣyema kadācana |
oṃ bhūrbhuvaḥ svaśca pūṣannihāgaccha ca tiṣṭha ca || 90 ||
[Analyze grammar]

pūṣṇe namastava stotāro vayaṃ smaḥ sukhaṃ kuru |
tataḥ paśce ta vitathaṃ dhyātvā cāvāhayāmi ca || 91 ||
[Analyze grammar]

vitatha tvaṃ sūryamahastubhyaṃ namaḥ punaḥ punaḥ |
oṃ bhūrbhuvaḥ svaḥ vitatha ihāgaccha ca tiṣṭha ca || 92 ||
[Analyze grammar]

tataḥ paśce gṛhakṣataṃ dhyātvā cāvāhayāmi ca |
om akṣannamīmadaṃtahyavapriyā adhūṣata || 93 ||
[Analyze grammar]

oṃ bhūrbhuvaḥ svaḥ gṛhakṣata namaścāgaccha tiṣṭha ca |
tataḥ paśce yamaṃ dhyātvā cāvāhayāmi te namaḥ || 94 ||
[Analyze grammar]

te yamāya pitṛmate svadhā dharmāya te namaḥ |
oṃ bhūrbhuvaḥ svaḥ yamaścehāgaccha ca tiṣṭha ca || 95 ||
[Analyze grammar]

tataḥ paścime gandharvaṃ dhyātvā cāvāhayāmi ca |
gandharva tvāṃ viśvāvasuḥ paridadhātu bhūtaye || 96 ||
[Analyze grammar]

oṃ bhūrbhuvaḥ svaḥ gandharva namaścāgaccha tiṣṭha ca |
tatpaśce bhṛṃgarājaṃ ca dhyātvā cāvāhayāmi ca || 97 ||
[Analyze grammar]

bhṛṃgarājāya ca namaḥ sūriṇe ca saromate |
oṃ bhūrbhuvaḥ svaḥ bhṛṃgarāja ihāgaccha ca tiṣṭha ca || 98 ||
[Analyze grammar]

tataḥ paśce mṛgaṃ dhyātvā cāvāhayāmi te namaḥ |
viśatruṃ kuru mṛgarāṭ durge'pi sahado bhava || 99 ||
[Analyze grammar]

oṃ bhūrbhuvaḥ svaḥ mṛgā'tra samāgaccha ca tiṣṭha ca |
tatpaśce nairṛtakoṇe pitṝnāvāhayāmi ca || 100 ||
[Analyze grammar]

pitṛbhyaśca namaḥ sarvapitṝn samabhidhīmahi |
oṃ bhūrbhuvaḥ svaḥ pitara ihāgacchata tiṣṭhata || 101 ||
[Analyze grammar]

taduttare dvārapaṃ nandinaṃ cāvāhayāmi ca |
bahurakṣādhara nandin namaste'stu prarakṣaya || 102 ||
[Analyze grammar]

oṃ bhūrbhuvaḥ svaḥ nandiṃstvamihāgaccha ca tiṣṭha ca |
taduttare sugrīvakaṃ dhyātvā cāvāhayāmi ca || 103 ||
[Analyze grammar]

sugrīvāya namo rudropāśritāya gaṇāya te |
oṃ bhūrbhuvaḥ svaḥ sugrīva ihāgaccha ca tiṣṭha ca || 104 ||
[Analyze grammar]

taduttare puṣpadantaṃ dhyātvā cāvāhayāmi ca |
śaṃbhusāmavidhātre te puṣpadantāya vai namaḥ || 105 ||
[Analyze grammar]

oṃ bhūrbhuvaḥ svaḥ puṣpadanta ihāgaccha ca tiṣṭha ca |
taduttare ca varuṇaṃ dhyātvā cāvāhayāmi ca || 106 ||
[Analyze grammar]

raseśāya namo miṣṭahavyavāsāya dyumate |
oṃ bhūrbhuvaḥ svaḥ varuṇa ihāgaccha ca tiṣṭha ca || 107 ||
[Analyze grammar]

taduttare'suraṃ dhyātvā cāvāhayāmi te namaḥ |
oṃ bhūrbhuvaḥ svaśca asura ihāgaccha ca tiṣṭha ca || 108 ||
[Analyze grammar]

taduttare śeṣamāvāhayāmi te namo namaḥ |
oṃ bhūrbhuvaḥ svaḥ śeṣākhya ihāgaccha ca tiṣṭha ca || 109 ||
[Analyze grammar]

taduttare ca vai pāpaṃ dhyāyāmyāvāhayāmi ca |
o bhūrbhuvaḥ svaḥ pāpa te namaścāgaccha tiṣṭha ca || 110 ||
[Analyze grammar]

taduttare vāyukoṇe rogamāvāhayāmi ca |
oṃ bhūrbhuvaḥ svaḥ roga te namaścāgaccha tiṣṭha ca || 111 ||
[Analyze grammar]

pāparogau prajānāṃ mā syātāṃ namāmyubhāvapi |
tatpūrve nāganāmānaṃ cāhirbudhnyaṃ namāmi ca || 112 ||
[Analyze grammar]

āvāhayāmi cāgaccha tiṣṭhā'tra bhūrbhuvaḥ svaśca |
tatpūrve mukhyanāmānaṃ dhyātvā cāvāhayāmi ca || 113 ||
[Analyze grammar]

oṃ bhūrbhuvaḥ svaḥ mukhyā'trā''gaccha tiṣṭha ca te namaḥ |
tatpūrve ca namo bhallāṭāya cāvāhayāmi tam || 114 ||
[Analyze grammar]

oṃ bhūrbhuvaḥ svaḥ bhallāṭa ihāgaccha ca tiṣṭha ca |
tatpūrve tu kuberāya nama āvāhayāmi tam || 115 ||
[Analyze grammar]

somāya oṃ bhūrbhuvaḥ sva āgaccha tiṣṭha te namaḥ |
tatpūrve tu ca śailāya nama āvāhayāmi tam || 116 ||
[Analyze grammar]

sarpāya oṃ bhūrbhuvaḥ sva āgaccha tiṣṭha te namaḥ |
tatpūrve'ditaye nama āgaccheha ca tiṣṭha ca || 117 ||
[Analyze grammar]

oṃ bhūrbhuvaḥ sva adite mayi kalpapradā bhava |
tatpūrve ca ditiṃ dhyātvā cāvāhayāmi te namaḥ || 118 ||
[Analyze grammar]

oṃ bhūrbhuvaḥ svaḥ dite'tra samāgaccha ca tiṣṭha ca |
vāstoḥ kaṇṭhe apo dhyātvā cāvāhayāmi vai namaḥ || 119 ||
[Analyze grammar]

āpo hiṣṭhāmayo bhuvastāna'ūrjedadhātana |
oṃ bhūrbhuvaḥ svaḥ āpo vai ihāgacchata tiṣṭhata || 120 ||
[Analyze grammar]

skandhe dhyātvā cā''pavatsaṃ cāvāhayāmi te namaḥ |
oṃ bhūrbhuvaḥ svaḥ āpavatsa ihāgaccha ca tiṣṭha ca || 121 ||
[Analyze grammar]

dakṣe pārśve cāryamāṇaṃ namāmyāvāhayāmi ca |
oṃ bhūrbhuvaḥ svaḥ aryaman ihāgaccha ca tiṣṭha ca || 122 ||
[Analyze grammar]

tato dakṣe kare sāvitrakamāvāhayāmi ca |
oṃ bhūrbhuvaḥ svaḥ sāvitrāgaccha tiṣṭha ca te namaḥ || 123 ||
[Analyze grammar]

sāvitrapārśvake savitāramāvāhayāmi ca |
kaphoṇikāyāḥ sānnidhye namāmi saṃsmarāmi ca || 124 ||
[Analyze grammar]

oṃ viśvāni devasavitarduritāni parāsuva |
oṃ bhūrbhuvaḥ svaḥ savitoścehāgaccha ca tiṣṭha ca || 125 ||
[Analyze grammar]

tatpaśce dakṣasakthina vivasvantaṃ saṃsmarāmi ca |
āvāhayāmi ca namaste vivasvan sudhāṃ kuru || 126 ||
[Analyze grammar]

dampatī cāśnutaścātrāgaccha tiṣṭha ca te namaḥ |
oṃ bhūrbhuvaḥ svaḥ vivasvantaṃ devaṃ saṃpradhīmahi || 127 ||
[Analyze grammar]

tatpaśce meḍhradeśe ca indramāvāhayāmi ca |
vasudo bhava cāgaccha namaste tiṣṭha svaḥpate || 128 ||
[Analyze grammar]

oṃ bhūrbhuvaḥ sva indrāya vibudheśāya te namaḥ |
tadadho gudabhāge ca jayantaṃ prasmarāmi ca || 129 ||
[Analyze grammar]

āvāhayāmi auṃ bhūrbhuvaḥ sva ehi ca tiṣṭha ca |
jayantāya nama aṣāḍhāya namo jayāya te || 130 ||
[Analyze grammar]

taduttare vāmasakthni mitramāvāhayāmi ca |
oṃ bhūrbhuvaḥ svaḥ mitra tvamāgaccha tiṣṭha te namaḥ || 131 ||
[Analyze grammar]

taduttare vāmakare rājayakṣmāṇameva ca |
āvāhayāmi te namo yakṣmaṇā viprakarṣakṛt || 132 ||
[Analyze grammar]

oṃ bhūrbhuvaḥ svaḥ rājayakṣmannihāgaccha ca tiṣṭha ca |
kaphoṇīsannidhau haste vāme rudraṃ smarāmi ca || 133 ||
[Analyze grammar]

āvāhayāmi ca rudra namāmi śreyase bhava |
auṃ bhūrbhuvaḥ svaḥ rudrātra samāgaccha ca tiṣṭha ca || 134 ||
[Analyze grammar]

tataḥ pūrve vāmapārśve pṛthvīdhara smarāmi ca |
āvāhayāmi pṛthivīdhṛk śreyase namāmi ca || 135 ||
[Analyze grammar]

oṃ bhūrbhuvaḥ svaḥ pṛthivīdharāgaccha ca tiṣṭha ca |
vāstūdare ca brahmāṇaṃ smarāmyāvāhayāmi ca || 136 ||
[Analyze grammar]

brahmarūpa namaste'stu sato yoniṃ pradehi naḥ |
auṃ bhūrbhuvaḥ svaḥ brahmaṃstvamāgacchātra ca tiṣṭha ca || 137 ||
[Analyze grammar]

īśāne koṇake bāhye carakīṃ ca smarāmi ca |
āvāhayāmi carakīṃ namāmi pāśanāśinīm || 138 ||
[Analyze grammar]

oṃ bhūrbhuvaḥ svaḥ caraki cehāgaccha ca tiṣṭha ca |
agnau koṇe bahirvidārikāmāvāhayāmi ca || 139 ||
[Analyze grammar]

mṛtyunāśakari vidārike namāmi yogini |
oṃ bhūrbhuvaḥ svaḥ vidārike cāgaccha tiṣṭha ca || 140 ||
[Analyze grammar]

rakṣaḥkoṇe pūtanāṃ cāvāhayāmi namāmi ca |
bandhahantri pūtane tvaṃ nirṛtiduritāpahe || 141 ||
[Analyze grammar]

oṃ bhūrbhuvaḥ svaḥ pūtane cāgaccha tiṣṭha cātra ca |
vāyukoṇe pāpinīṃ cāvāhayāmi namāmi ca || 142 ||
[Analyze grammar]

oṃ bhūrbhuvaḥ svaḥ pāpe tvaṃ cehāgacchātra tiṣṭha ca |
pūrve skandaṃ namāmyāvāhayāmi saṃsmarāmi ca || 143 ||
[Analyze grammar]

bāṇebhyo rakṣa senāni śarma yacchatu duṣṭahan |
oṃ bhūrbhuvaḥ svaḥ skandā'tra samāgaccha ca tiṣṭha ca || 144 ||
[Analyze grammar]

dakṣe'ryamāṇaṃ ca naumyāvāhayāmi smarāmi ca |
oṃ bhūrbhuvaḥ svaḥ aryaman samāgaccha ca tiṣṭha ca || 145 ||
[Analyze grammar]

paścime jṛṃbhakaṃ naumyāvāhayāmi smarāmi ca |
hiṃkṛte prothate śayānāya svāhā ca valgate || 146 ||
[Analyze grammar]

svapate jāgrate svāhā jṛṃbhamāṇāya kūjate |
oṃ bhūrbhuvaḥ svaḥ jṛmbhaka samāgaccha ca tiṣṭha ca || 147 ||
[Analyze grammar]

uttare pilipicchaṃ naumyāvāhayāmi cintaye |
pilippilākyai piśāṃginyai svāhā te namo'stviha || 148 ||
[Analyze grammar]

oṃ bhūrbhuvaḥ svaḥ pilipiccha samāgaccha ca tiṣṭha ca |
pūrve cendraṃ smarāmyāvāhayāmi ca namāmi ca || 149 ||
[Analyze grammar]

oṃ bhūrbhuvaḥ svaḥ indra cāgaccha ceha ca tiṣṭha ca |
agnāvagniṃ smarāmyāvāhayāmi ca namāmi ca || 150 ||
[Analyze grammar]

oṃ bhūrbhuvaḥ svaḥ agne cāgaccha ceha tiṣṭha ca |
yāmye yamaṃ smarāmyāvāhayāmi ca namāmi ca || 151 ||
[Analyze grammar]

oṃ bhūrbhuvaḥ svaḥ yama cāgaccha ceha ca tiṣṭha ca |
nairṛte nirṛtiṃ smarāmyāvāhayāmi naumi ca || 152 ||
[Analyze grammar]

oṃ bhūrbhuvaḥ svaḥ nirṛta cāgacchātra ca tiṣṭha ca |
paścime varuṇaṃ smarāmyāvāhayāmi naumi ca || 153 ||
[Analyze grammar]

oṃ bhūrbhuvaḥ svaḥ varuṇa cāgacchātra ca tiṣṭha ca |
smarāmi vāyuṃ vāyavye naumi cāvāhayāmi ca || 154 ||
[Analyze grammar]

oṃ bhūrbhuvaḥ svaḥ vāyo cāgacchātra ca tiṣṭha ca |
kuberamuttare smarāmyāvāhayāmi naumi ca || 155 ||
[Analyze grammar]

oṃ bhūrbhuvaḥ svaḥ kubera ihāgaccha ca tiṣṭha ca |
īśānyāmīśānadevamāvāhayāmi naumi ca || 156 ||
[Analyze grammar]

oṃ bhūrbhuvaḥ svaḥ īśāna ihāgaccha ca tiṣṭha ca |
īśānapūrvamadhye vai brahmāṇaṃ prasmarāmi ca || 157 ||
[Analyze grammar]

āvāhayāmi naumyenaṃ devā avantu sarvataḥ |
o bhūrbhuvaḥ svaḥ brahmā'tra samāgacchātra tiṣṭha ca || 158 ||
[Analyze grammar]

varuṇanirṛtimadhye'nantaṃ smarāmi naumi ca |
āvāhayāmyanantaṃ ca viṣarakṣākaraṃ harim || 159 ||
[Analyze grammar]

oṃ bhūrbhuvaḥ sva ananta ihāgaccha ca tiṣṭha ca |
ityāvāhya vāstupīṭhadevān praṇamya rādhike || 160 ||
[Analyze grammar]

kuryād devapratiṣṭhāṃ vai sāṃgopāṃgāṃ kratau tataḥ |
buhaspatistanotvenaṃ viśvedevāḥ pratiṣṭhata || 161 ||
[Analyze grammar]

ityeva śrīkṛṣṇanārāyaṇaścāha tu daivatam |
tadeva tu mayā te'tra vāstudhyānaṃ prakīrtitam || 162 ||
[Analyze grammar]

iti śrīlakṣmīnārāyaṇīyasaṃhitāyāṃ dvitīye tretāsantāne pratiṣṭhotsave ācāryaṛtvigādivaraṇaṃ saṃbhāraprokṣaṇaṃ svastivāco maṇḍapapūjā vāstupīṭhadevāvāhananamanādi cetinirūpaṇanāmā ṣaṭcatvāriṃśadadhikaśatatamo'dhyāyaḥ || 146 ||
[Analyze grammar]