Chapter 131

śrīkṛṣṇa uvāca |
śṛṇu tvaṃ rādhike kṛṣṇanārāyaṇo bhuvaḥpatim |
śaktyakṣināmakaṃ prāha tṛtīyāyāṃ prage hitam || 1 ||
[Analyze grammar]

yajñastvayā kṛtaḥ samyak toṣitāḥ sarvadehinaḥ |
tuṣṭo'haṃ śrīhariḥ sākṣāt toṣaṇīyaṃ na śiṣyate || 2 ||
[Analyze grammar]

santuṣṭe śrīharau kṛṣṇe tuṣṭā bhavanti dehinaḥ |
sarvāntarātmā bhagavān santuṣyāmi hṛdi sthitaḥ || 3 ||
[Analyze grammar]

vada te vāñcchitaṃ cātra dadāmi cottamottamam |
bhaktyā te'smi prasanno'haṃ dadāmi manasepsitam || 4 ||
[Analyze grammar]

ityukto bhūpatiḥ prāha sadā'tra mandire vasa |
kāraye'haṃ suvarṇānāṃ mandiraṃ kānakaṃ śubham || 5 ||
[Analyze grammar]

tatra tvaṃ pratimāprakhyo vasa me śreyase sadā |
hariḥ prāha tathā'stvevaṃ nivatsye mandire tava || 6 ||
[Analyze grammar]

mūrtiṃ me ramaṇīyāṃ vai tatra sthāpaya kānakīm |
rādhālakṣmīramābrahmavidyāśrīmāṇikīyutām || 7 ||
[Analyze grammar]

vāsaṃ kurvan sadā mūrtau grahiṣye sevanādikam |
sākṣād yathā tathā tatra tava snehaparāyaṇaḥ || 8 ||
[Analyze grammar]

yathā varte sadā hṛtsu janānāmantarātmakaḥ |
tathā mūrtau cāntarātmā nivatsye gocaro yathā || 9 ||
[Analyze grammar]

yathā'kṣare mahākṣetre dhāmni cā'kṣarasaṃjñake |
yathā kuṃkumavāpyāṃ ca bhaviṣyāmyatra gocaraḥ || 10 ||
[Analyze grammar]

mūrtirme'ntaryāmiṇo yā sā divyā sevanārthikā |
bhaktecchādhīnasāmarthyā śreyase jagatāṃ matā || 11 ||
[Analyze grammar]

yuge'tra prathame mūrtiṃ saptatālasamocchrayām |
yathā vai mānavā dīrghāstathā me tvaṃ prakāraya || 12 ||
[Analyze grammar]

yugāntareṣu kāleṣu yathā hrāso hi dehinām |
tathā tanmānasāreṇa mūrtirme teṣu sammatā || 13 ||
[Analyze grammar]

yathā vai pūjane yāne vihāre rathavāhane |
susṛpyā syāttathā kāryā naramānānna cā'dhikā || 14 ||
[Analyze grammar]

naikaṃ mānaṃ manuṣyāṇāṃ kālabhedena saṃbhavet |
saptavitastikāyaḥ svaḥ svasyaiveti vinirṇayaḥ || 15 ||
[Analyze grammar]

yathā dīrgho bhaved dehastathā dīrgho bhaved bhujaḥ |
bhujavattasya vai dīrghā bhavantyaṅgulikāstadā || 16 ||
[Analyze grammar]

aṅgulo'pi tathā dīrghastattaddehānusārataḥ |
bālye bālyāṅgulo hrasvo yauvane yauvanādivat || 17 ||
[Analyze grammar]

asmyahaṃ cā'dya te gehe mamāṅgulaiḥ pramāpitaḥ |
sārdhapañcaṣaṣṭibhirvai ūrdhvamānaḥ surūpavān || 18 ||
[Analyze grammar]

svarṇacampakaśuklābhastathā''jānukarā'nvitaḥ |
ākarṇāntā''yatanetrakoṇavakrabhruvānvitaḥ || 19 ||
[Analyze grammar]

sukundakalikātulyadantapaṃktivirājitaḥ |
viśālabhālatilakaḥ puṣṭisaṃbhṛtavigrahaḥ || 20 ||
[Analyze grammar]

viśālonnatavakṣāśca puṣṭasakthyādaśobhitaḥ |
tathā mūrtirmama rājan kāraṇīyā tvayā śubhā || 21 ||
[Analyze grammar]

mama pārśve tu vai dakṣe lakṣmīḥ brahmavidyā ramā |
lakṣmīḥ ṣaṣṭyaṃgulā saptapañcāśat brahmavidyikā || 22 ||
[Analyze grammar]

ramātatastṛtīyā vai catuṣpañcāśadaṃgulā |
prejjvalāḥ svarṇavarṇābhāḥ sarvāḥ ṣoḍaśahāyanāḥ || 23 ||
[Analyze grammar]

atha vāme mama pārśve rādhā māṇikī śrīstathā |
rādhā ṣaṣṭyaṃgulā saptapañcāśanmāṇikī matā || 24 ||
[Analyze grammar]

śrīstṛtīyā suśobhāḍhyā catuṣpaṃcāśadaṃgulā |
mamāṃgulaistā māpanīyāḥ kartavyāścandraśobhitāḥ || 25 ||
[Analyze grammar]

surūpāḥ kṛśakaṭyaśca pūjāpātrādihastakāḥ |
projjvalāḥ svarṇavarṇābhāḥ sarvāḥ ṣoḍaśahāyanāḥ || 26 ||
[Analyze grammar]

sarvasaubhāgyaśobhāḍhyāḥ sarvāṃgaparipūrṇikāḥ |
puṣṭāḥ prasannavadanā dravabhūṣāvibhūṣitāḥ || 27 ||
[Analyze grammar]

caturbhujo'haṃ madhye ca sthāpanīyastvayā hariḥ |
śaṃkhacakragadāpadmaśrīvatsakaustubhānvitaḥ || 28 ||
[Analyze grammar]

rājacihnadharo ramyo yuvā'ṣṭādaśahāyanaḥ |
sarvacihnāṃgasampūrṇaḥ kāraṇīyo na cā'nyathā || 29 ||
[Analyze grammar]

ityevaṃ māṃ pratiṣṭhāpya kuru me madhyamandire |
pūjanaṃ nityadā rājannatha dakṣe tu mandire || 30 ||
[Analyze grammar]

bālakṛṣṇaṃ ghanaśyāmaṃ dvādaśavarṣaśobhanam |
pratiṣṭhāpaya me pitrā mātrā ca sahitaṃ tu mām || 31 ||
[Analyze grammar]

śrīmadgopālakṛṣṇo'yaṃ pitā me'tra virājate |
mātā me kaṃbharālakṣmīrvirājate'tra lokaya || 32 ||
[Analyze grammar]

tathā śilpakalādvārā mūrtitrayaṃ prakāraya |
atha vāme mandire me śayyāṃ kāraya śobhanām || 33 ||
[Analyze grammar]

svarṇagendukaśobhāḍhyāṃ sarvopakaraṇānvitām |
hastigaruḍau kāraya madhyamandirasannidhau || 34 ||
[Analyze grammar]

agragolasusaudhe vai madhye sthāpaya tau tathā |
catvare chatrikāmadhye mama vai caraṇau śubhau || 35 ||
[Analyze grammar]

pratiṣṭhāpaya rājendra gopure mama pārṣadam |
devāyatanabhaktaṃ ca bhaktaṃ raṇaṃgamābhidham || 36 ||
[Analyze grammar]

sarvaśastrayutau tau ca prakāraya śubhottamau |
hemantaṃ ca vasantaṃ ca dvārapālau vidhāpaya || 37 ||
[Analyze grammar]

svaprakāśaṃ dyuprakāśaṃ sevakau ca prakāraya |
mandirāgrasukhaṇḍeṣu vijayadhvanikārakān || 38 ||
[Analyze grammar]

santoṣāṃ bhagavantaṃ ca śukaṃ ca vallabhaṃ tathā |
pārśvakhaṇḍe samasthāpayārghapātrayutān śubhān || 39 ||
[Analyze grammar]

rāśayo dvādaśaivā'pi mandiropari kāraya |
ṛṣimūrtipratimāste tāpasā vaiṣṇavāḥ śubhāḥ || 40 ||
[Analyze grammar]

brahmapriyāṇāṃ mukhyānāṃ catvāriṃśattathā śatam |
sarvāsāṃ mama patnīnāṃ narāṇāṃ ca pṛthak pṛthak || 41 ||
[Analyze grammar]

rāsarūpeṇa madhyordhve golasaudhe prakāraya |
vāditrāṇi samādāya maṇḍalaṃ madhyagaṃ kuru || 42 ||
[Analyze grammar]

śilpināṃ vidyayā vāpi caitrāṇāṃ vidyayā'pi vā |
madhye'haṃ pārśvataḥ patnīcaturviṃśatidviśatam || 43 ||
[Analyze grammar]

evaṃ rājan sadā saumyaṃ prakāraya prasevanam |
tatrā'haṃ gocaraste'tra nivatsyāmi na saṃśayaḥ || 44 ||
[Analyze grammar]

atha rājā'ha kṛṣṇaṃ taṃ divyadarśanakāṃkṣayā |
divyaṃ te darśanaṃ dehi prāsāde sthāpitasya vai || 45 ||
[Analyze grammar]

ṣaṭpatnīsahitaṃ ramyaṃ tathā dṛṣṭvā karomi hi |
pitṛmūrtīṃstathā rāsaṃ dṛṣṭvā śayyāṃ karomyapi || 46 ||
[Analyze grammar]

ityukto bhagavān kṛṣṇanārāyaṇo hi rādhike |
drāgeva darśayāmāsa pratimā mandirāṇi ca || 47 ||
[Analyze grammar]

anekakoṭisūryābhastejo vyāptasumūrtikaḥ |
bhagavān ṣoḍaśavarṣapatnībhiḥ sahitaḥ śubhaḥ || 48 ||
[Analyze grammar]

darśayitvā svarūpāṇi divyadhāmagatāni vai |
rājānaṃ toṣayāmāsa kuṭumbaṃ nṛpatestathā || 49 ||
[Analyze grammar]

nṛpakanyāḥ ṣaṣṭisaṃkhyāstathā śatakumārakāḥ |
rājñī ca mumuhurdṛṣṭvā pratyakṣaṃ puruṣottamam || 50 ||
[Analyze grammar]

rājā vijñāya kanyānāṃ mānasāni harau tadā |
ākṛṣṭāni patiprāptyai rājñī vijñāya tattathā || 51 ||
[Analyze grammar]

dadau śrīharaye kanyāḥ ṣaṣṭireva kumārikāḥ |
tāḥ sarvāḥ kṛtakṛtyā vai jātāḥ prāpya hariṃ patim || 52 ||
[Analyze grammar]

jāmātāraṃ hariṃ prāpya rājā rājñī mudaṃ gatau |
menāte kṛtakṛtyau ca viśeṣeṇa tadā punaḥ || 53 ||
[Analyze grammar]

pūjanaṃ śrīhareścakruḥ kanyakāḥ premavihvalāḥ |
varamālā hareḥ kaṇṭhe tvarpayāmāsurutsukāḥ || 54 ||
[Analyze grammar]

bhojanādyairhariṃ tatra sevayāmāsurādarāt |
rājā'pi yautakaṃ divyaṃ dadāvatarkitaṃ bahu || 55 ||
[Analyze grammar]

divyaratnādihārośca koṭyarbudādisaṃkhyakān |
divyadāsīrdadau cāpi ṣaṣṭisaṃkhyāstathottamāḥ || 56 ||
[Analyze grammar]

caturdantā gajāḥ śvetā rājñā samarpitāstadā |
vimānaṃ bahuvegaṃ ca divyaṃ sahasramānavaiḥ || 57 ||
[Analyze grammar]

adhiṣṭheyaṃ dadau dāne kanyāvihārahetave |
śrīhariścaivamāsādya dānaṃ sukhaṃ nyuvāsa ha || 58 ||
[Analyze grammar]

caturthīṃ tatra kṛtvaiva sāyaṃ prāha narādhipam |
sāyaṃ pañcamayajñārthaṃ gantavyaṃ kālimākṣitau || 59 ||
[Analyze grammar]

āgaccha sakuṭumbastvaṃ yajñe sākaṃ mayā nṛpa |
ityukto bhūpatiḥ sajjo babhūva meyabhṛtyakaḥ || 60 ||
[Analyze grammar]

jalapānaṃ hariścakre tāvattatra samāyayau |
piśācyekā śatabhṛtyāsahitā durdaśāṃ gatā || 61 ||
[Analyze grammar]

ruroda bahudhā tatra sannidhau śrīharestadā |
bhagavān śrīhariḥ prāha kā tvaṃ kasmācca rodiṣi || 62 ||
[Analyze grammar]

kiṃ te duḥkhaṃ ca kāḥ sakhyo vada saukhyaṃ karomi te |
tadā sā lajjayā yuktā novācāpi tu kiṃcana || 63 ||
[Analyze grammar]

tāvattatra samāyātaḥ śaktyakṣiḥ purato hareḥ |
taṃ dṛṣṭvā punarevaiṣā rurodākrandanaṃ muhuḥ || 64 ||
[Analyze grammar]

rājā dṛṣṭvā ca papraccha kā tvaṃ kathaṃ nu rodiṣi |
sā tadā pūrvajanmīyaṃ rūpaṃ kṣaṇaṃ dadhāra ha || 65 ||
[Analyze grammar]

rājño yā bhaginī jyeṣṭhā kanyakā yuvatī mṛtā |
vāsanāviṣadoṣeṇa piśācītvamupāgatā || 66 ||
[Analyze grammar]

samuvāca nṛpaṃ cā'haṃ vinā yajñopavītakam |
vivāhamantarā rugṇā mṛtā yauvanadarśinī || 67 ||
[Analyze grammar]

vāsanāyuktahṛdayā puruṣaṃ prati tṛṣṇayā |
pretabhāvaṃ gatā śīghraṃ tvaraṇye'tra vasāmi hi || 68 ||
[Analyze grammar]

anyāśca kanyakā yā yā vāsanāhṛdayānvitāḥ |
prāpnuvanti tu maraṇaṃ tā imāḥ santi yoṣitaḥ || 69 ||
[Analyze grammar]

piśācinyo hi me sakhyaḥ piśācapatnikāḥ kila |
piśācāḥ patayo'smākaṃ bhuktvā yajñaprasādakam || 70 ||
[Analyze grammar]

dhūtapāpā gatāḥ muktiṃ svargaṃ vā tatparaṃ padam |
vayaṃ prasādahīnāśca gṛhe eva sthitā yataḥ || 71 ||
[Analyze grammar]

piśācānāṃ nirodhena yajñe nā'tra samāgatāḥ |
na prāptaṃ darśanaṃ cāpi kratoḥ prāsādikaṃ hyapi || 72 ||
[Analyze grammar]

piśācītvaṃ tadasmākaṃ na naṣṭaṃ cedṛśe makhe |
piśācāste gatā muktiṃ śiṣyāmahe'śubhā'balāḥ || 73 ||
[Analyze grammar]

abalānāṃ valaṃ nāsti vinā trātāramacyutam |
apatyapatiśūnyāśca jātāstato'tra cāgatāḥ || 74 ||
[Analyze grammar]

mokṣecchayā harekṛṣṇa rājan bhrātaḥ śubhaṃ kuru |
sā'haṃ te bhaginī cemāḥ prajākanyā mṛtāstu yāḥ || 75 ||
[Analyze grammar]

tā vayaṃ devadevasya mokṣārthaṃ śaraṇāgatāḥ |
kurvasmākaṃ mahāmokṣaṃ yathā duḥkhaṃ bhavenna vai || 76 ||
[Analyze grammar]

rājā prāha piśācinyaścemā vai kena karmaṇā |
saṃbhūtā vada me cātra svasaste'stu śubhaṃ tataḥ || 77 ||
[Analyze grammar]

svasā prāha ca rājānaṃ śṛṇu piśācikodbhavam |
yā kanyā nirdayā cāste pitṛgṛhe'tikrodhinī || 78 ||
[Analyze grammar]

kalahasyā'tikartrī ca mṛtā syāt sā piśācinī |
avamanya svajananīṃ svatantrā śīlanāśinī || 79 ||
[Analyze grammar]

pāpakarmanimagnā ca mṛtā syāt sā piśācinī |
pravṛttā guptapāpeṣu puṇyadharmavivarjitā || 80 ||
[Analyze grammar]

mātuḥ sevāparā nāsti nāsti gṛhasya śodhinī |
kṛṣṇabhaktiparā yā na sā mṛtā syāt piśācinī || 81 ||
[Analyze grammar]

yathā codvejitā mātā bhaginī bhrātṛbhāminī |
kalaṃkinaṃ kuṭumbaṃ ca sā mṛtā syāt piśācinī || 82 ||
[Analyze grammar]

snānapūjāvihīnā ca rājasvalyānvitā tathā |
aśuddhā paśugamyā ca mṛtā syāt sā piśācinī || 83 ||
[Analyze grammar]

ātmaghātakarī yā ca yā ca kuṭumbaghātinī |
pitrādighātinī yā ca sā mṛtā syāt piśācinī || 84 ||
[Analyze grammar]

arbhakān yā krodhavaśā tāḍayatyeva vai muhuḥ |
gṛhe cauryakarī kanyā mṛtā syāt sā piśācinī || 85 ||
[Analyze grammar]

jantūnāṃ mārayitrī yā keśeṣu cāmbareṣu ca |
jānatyapi ca cullyāṃ yā mṛtā sā syāt piśācinī || 86 ||
[Analyze grammar]

mūṣakāṇāṃ viḍālānāṃ ghātinī prāṇināṃ tu vā |
govatsānāṃ ghātayitrī mṛtā sā syāt piśācinī || 87 ||
[Analyze grammar]

mahiṣībālakebhyo yā dugdhaṃ pāyayatīva na |
tanmātuścāpi takraṃ vā mṛtā sā syāt piśācinī || 88 ||
[Analyze grammar]

pakṣiṇāṃ ca paśūnāṃ ca hiṃsikā jīvaghātinī |
svairiṇī puṃścalī yā ca kāminī gaṇikā tathā || 89 ||
[Analyze grammar]

madyamāṃsādanā garbhahantrī syādvai piśācinī |
jale mṛtā tathā vahnau kṣutpipāsānvitā yadi || 90 ||
[Analyze grammar]

pṛthvyāṃ magnā vivarādau mṛtā sā syāt piśācinī |
asaṃskṛtā mṛtā yā syādakṣatā vā kṣatā'pi vā || 91 ||
[Analyze grammar]

bhaktihīnā rāgayuktā mṛtā sā syāt piśācinī |
ityevaṃ doṣayuktā vai imā jātāḥ piśācikāḥ || 92 ||
[Analyze grammar]

uddhāraṃ kuru rājendra hareḥ prasādadānataḥ |
yajñastvayā kṛtaścātra kanyādānaṃ kṛtaṃ tathā || 93 ||
[Analyze grammar]

tena puṇyena naḥ pāpaṃ naṣṭaṃ bhāgena bhautikam |
mānasaṃ tu prasādena nāśameṣyati dehi naḥ || 94 ||
[Analyze grammar]

tato muktiṃ harirdadyāt sarvaprāṇapatiḥ prabhuḥ |
ityevaṃ rādhike tābhiścārthito bhūpatiḥ svayam || 95 ||
[Analyze grammar]

dadau hareḥ prasādaṃ sa jalaṃ ca pādasaṃspṛśam |
papustā bhakṣayāmāsuḥ prematastatkṣaṇātkhalu || 96 ||
[Analyze grammar]

divyarūpāstadā jātā yathā devyaḥ sureśituḥ |
tāḥ pavitrāḥ kanyakāśca nipetuḥ pādayorhareḥ || 97 ||
[Analyze grammar]

śrīhariśca dayāmagno dadau mantrān nijānanāt |
oṃ namaḥ śrīkṛṣṇanārāyaṇāya svāmine svāhā || 98 ||
[Analyze grammar]

śaraṇaṃ śrīkṛṣṇanārāyaṇo'stu mama sarvadā |
kālamāyāpāpakarmaśatruyāmyakuhṛdbhayāt || 99 ||
[Analyze grammar]

śūlamīnadhvajadhanuścakrasvastikavānava |
brahmā'haṃ śrīkṛṣṇanārāyaṇabhakto'smi śāśvataḥ || 100 ||
[Analyze grammar]

anādiśrīkṛṣṇanārāyaṇaḥ svāmī patiśca me |
bālakṛṣṇaḥ parabrahma mama vai śāśvataḥ patiḥ || 101 ||
[Analyze grammar]

pitā bandhuḥ suhṛnmitraṃ rakṣakaḥ pālako'stu saḥ |
śrīkṛṣṇavallabhasvāmī śrīhariḥ śaraṇaṃ mama || 102 ||
[Analyze grammar]

ityetān pradadau mantrān dadau yajñopavītakam |
sarvān pradarśya pitrāhīn kuṭumbaṃ ca tadīyakam || 103 ||
[Analyze grammar]

tāḥ sarvāḥ śrīhariryāvat sampreṣayati cākṣaram |
tāvat sarvā harau mugdhā gantuṃ naicchaṃstadākṣaram || 104 ||
[Analyze grammar]

vihāya sundaraṃ kāntaṃ patiṃ śrīpuruṣottamam |
vavrire tā harikṛṣṇabālakṛṣṇanarāyaṇam || 105 ||
[Analyze grammar]

kanyakāḥ śatasaṃkhyāstāstathā ca rājanyakāḥ |
mālāḥ kareṣu saṃgṛhya koṭicandranibhānanāḥ || 106 ||
[Analyze grammar]

surūpāḥ sūjjvalāḥ sarvāṃstadā ṣoḍaśavatsarāḥ |
premṇā kṛṣṇagale ramye nyadhuḥ patnītvakāmyayā || 107 ||
[Analyze grammar]

hariṇā svīkṛtāḥ sarvāstāsāṃ priyacikīrṣayā |
ityevaṃ rādhike tāśca gṛhītvā svavimānake || 108 ||
[Analyze grammar]

rājakanyā gṛhītvā ca sāyaṃ tvambaravartmanā |
parihārottaraṃ śīghraṃ yayau kālimabhūtalam || 109 ||
[Analyze grammar]

anādiśrīkṛṣṇanārāyaṇo maṃgalasūtradaḥ |
ityevaṃ rādhike kṛṣṇasvāmyanādipumuttamaḥ || 110 ||
[Analyze grammar]

pāvayannijabhaktānāṃ hṛdayāni tadāmbarāt |
kālimāśanṛparājye gatvā dadarśa bhūtalam || 111 ||
[Analyze grammar]

paṭhanācchravaṇādasya mokṣasya phalabhāgbhavet |
pāṭhayecchrāvayedyaṃ ca so'pi mokṣaphalaṃ labhet || 112 ||
[Analyze grammar]

iti śrīlakṣmīnārāyaṇīyasaṃhitāyāṃ dvitīye tretāsantāne śaktyakṣinṛparājye yajñottaraṃ devarṣīṇāṃ pañcamayajñārthaṃ preṣaṇaṃ rājñā ṣaṣṭikanyā haraye'rpitāḥ piśācītve kāraṇāni ekādhikaśatapiśācinīmokṣakaraṇaṃ cetyādinirūpaṇanāmaikatriṃśadadhikaśatatamo'dhyāyaḥ || 131 ||
[Analyze grammar]