Chapter 126

śrīkṛṣṇa uvāca |
śṛṇu tvaṃ rādhike tatra camatkāro'bhavanmahān |
sabhāyāḥ sannidhau tatra kṛśāṃgāśca sahasraśaḥ || 1 ||
[Analyze grammar]

rukṣavarṇā narā nāryaḥ kṛṣṇāstejovihīnakāḥ |
duḥkhinaścāśrayahīnā dīnā iva samāyayuḥ || 2 ||
[Analyze grammar]

prārthayantaḥ svamokṣaṃ vai duḥkhasāgarabandhanāt |
dṛṣṭvā tāṃstu prajānāṃ ca tadā''ścaryamabhūnmahat || 3 ||
[Analyze grammar]

ka ime kuta āyātā jijñāsāṃ cakrire prajāḥ |
jñātvā ca hariṇā hārdaṃ pṛṣṭāste yūyamatra ke || 4 ||
[Analyze grammar]

te rudantastadā prāhuḥ śṛṇvatāṃ narayoṣitām |
vayaṃ pretā mṛtāḥ pūrve pūrvajāḥ pretayonayaḥ || 5 ||
[Analyze grammar]

asadgatiṃ gatāḥ sarve sahasraśaḥ sarastaṭe |
vasāmo'tra mahāraṇye kṣudhitā duḥkhitāstathā || 6 ||
[Analyze grammar]

prajānāṃ pitaraḥ smo'tra manyante na ime tu naḥ |
uddhāraṃ tvaṃ bhagavannaḥ kurvatra jaladānataḥ || 7 ||
[Analyze grammar]

ītyuktavadbhyastebhyaḥ śrīkṛṣṇanārāyaṇo jalam |
prāsādikaṃ nijaṃ kṛtvā dadau pānārthameva ca || 8 ||
[Analyze grammar]

miṣṭaṃ prasāda datvā ca tṛptān kṛtvā punaḥ punaḥ |
dadau muktiṃ brahmalokagāminīṃ paramottamām || 9 ||
[Analyze grammar]

sarve te divyadehā vai muktāstatrā'bhavan śubhāḥ |
muktatulyā vimānaiśca yayuste brahma śāśvatam || 10 ||
[Analyze grammar]

ityevaṃ sarasastīre muktiṃ tebhyo dadau hariḥ |
āścaryaṃ parama dṛṣṭvā prajāḥ śrāddhāni cācaran || 11 ||
[Analyze grammar]

pitṝṇāṃ tena muktiśca tṛptiścāpi vyajāyata |
ityevaṃ rādhike pitṛtīrthaṃ tat samavartata || 12 ||
[Analyze grammar]

śibidevena codyāne bhūpaveṣe prapūjitaḥ |
anādiśrībālakṛṣṇaḥ sainyādiparivāritaḥ || 13 ||
[Analyze grammar]

bhūpaveṣasuśobhāḍhyaścāmbālikāsamanvite |
caturdantagaje śukle niṣāditaḥ pareśvaraḥ || 14 ||
[Analyze grammar]

svāmipālāśanāmnyāṃ vai gatvā vimānakena tu |
rājadhānyāṃ nijāyāṃ ca caturdantagajopari || 15 ||
[Analyze grammar]

punaśca bhrāmitaḥ kṛṣṇo rājamārgādibhistataḥ |
prajābhirvardhitaḥ puṣpākṣatalājābhiracyutaḥ || 16 ||
[Analyze grammar]

pūjito vanditaḥ kṛṣṇo bahubhāvena cārthitaḥ |
rājñyā bhūprabhayā sākaṃ rājñā bhūpālaye ciram || 17 ||
[Analyze grammar]

tatastāmrakaśāyāṃ ca gatvā vimānamārgataḥ |
datvā svadarśanaṃ rājñyāḥ pitṛbhyāṃ pūjitaḥ prabhuḥ || 18 ||
[Analyze grammar]

vimānena yayau rājñā śibinā saha mādhavaḥ |
tharkūṭasthanṛparājye dvikalākhyasarastaṭe || 19 ||
[Analyze grammar]

paścime bhūtale bīnānadīparyantameva ha |
kṛtāṃśca maṇḍapān dṛṣṭvā śibirāṇi navāni ca || 20 ||
[Analyze grammar]

sarovaraṃ bhrāmayitvā'vā'tārayad vimānakam |
paścime sarasastīre maṇḍapasya samīpataḥ || 21 ||
[Analyze grammar]

avādyanta suvādyāni tadā māṃgalikāni hi |
jayaghoṣā hyabhavaṃśca sādhuvādāstathā'bhavan || 22 ||
[Analyze grammar]

puṣpacandanalājābhiścā'kṣataiḥ kuṃkumādibhiḥ |
vardhayanti sma janatāḥ śrīkṛṣṇasvāminaṃ harim || 23 ||
[Analyze grammar]

koṭiśo mānavāstatra dvikalasya taṭe'bhavan |
anādiśrīkṛṣṇanārāyaṇasya darśanotsukāḥ || 24 ||
[Analyze grammar]

pāvitryā''kāṃkṣayā yajñaṃ draṣṭuṃ cāpi samāgatāḥ |
narā nāryaḥ koṭiśaste ābālavṛddhamānavāḥ || 25 ||
[Analyze grammar]

sūryavat kāśamānaṃ taṃ bālakṛṣṇaṃ prabhuṃ tathā |
mātaraṃ pitaraṃ cāpi bhrātarau bhaginīṃ snuṣām || 26 ||
[Analyze grammar]

śibidevaṃ ca bhaktā'gryaṃ dṛṣṭvā jahṛṣurutsukāḥ |
devatāyatanaścāpi lomaśaḥ patnikāvrataḥ || 27 ||
[Analyze grammar]

vaśiṣṭhādyāḥ ṛṣayaśca hārān śrīharaye daduḥ |
tharkūṭastho nṛpatiśca rājñyaścatasra ityapi || 28 ||
[Analyze grammar]

dadurhārān gale viṣṇormeṣādyāḥ ṛṣayo'pi ca |
pañcāśadyojane tatra maṇḍapo vidyate mahān || 29 ||
[Analyze grammar]

tanmadhye śrībālakṛṣṇo yayau snātvā sarovare |
madhyapīṭhe tu sauvarṇe nyaṣīdacca vyarājata || 30 ||
[Analyze grammar]

pañcamyāṃ mārgaśuklasya prātareva hariḥ svayam |
nyayuṃkta yajñakāryārthaṃ yathāyogyarṣimaṇḍalam || 31 ||
[Analyze grammar]

devān deveśvarān muktānavatārān dvijādikān |
satīḥ sādhvīrdāsadāsīryathā vai prathame makhe || 32 ||
[Analyze grammar]

tharkūṭastho mahārājo yajamānaḥ priyāyutaḥ |
vavre prakoṣṭhabandhena brahmādīn yājñikāṃstataḥ || 33 ||
[Analyze grammar]

lomaśaśca nṛpaṃ bālakṛṣṇaṃ ca yajamānakam |
prakoṣṭhe'bandhayat kṛṣṇo lomaśaṃ cā'pyabandhayat || 34 ||
[Analyze grammar]

ācāryaṃ gauṇamevā'pi patnīvrataṃ haridvijam |
anyān pāresahasraṃ ca pārelakṣaṃ hyabandhayat || 35 ||
[Analyze grammar]

śuddhiśca svastivācaśca devānāṃ sthāpanādikam |
pūjanaṃ havanaṃ dānaṃ pūrvakratau yathā'bhavat || 36 ||
[Analyze grammar]

arcanaṃ bhojanaṃ dānaṃ dakṣiṇāḥ svāgatādikam |
yathā pūrvakratau tadvat sarvaṃ pūrṇaṃ tvapadyata || 37 ||
[Analyze grammar]

saptāho yajña evā'yaṃ vaiṣṇavaḥ pūrṇatāṃ gataḥ |
dakṣiṇāścānnavastrādisvarṇarūpyakadānakam || 38 ||
[Analyze grammar]

sarvaṃ pūrvavadevātra kṛtaṃ tharkūṭakena vai |
avabhṛthaṃ ca mārgasya sitaikādaśikādine || 39 ||
[Analyze grammar]

dvikale sarasi tatra paścime cakrurutsukāḥ |
muktā īśā avatārā devāśca pitṛmānavāḥ || 40 ||
[Analyze grammar]

pātālasthāstathā cānye jaḍacetanadehinaḥ |
bīnāmūle tathā sasnuḥ kṛṣṇayuktā janāḥ punaḥ || 41 ||
[Analyze grammar]

evaṃ ca dvikale kṛṣṇo bīnānadyā jale'pi ca |
snātvā tīrthāni vai kṛtvā mahīmānānabhojayat || 42 ||
[Analyze grammar]

dīnā'nāthadaridrādīnabhojayacca tatparaḥ |
prajāḥ sarvāstataścābhojayanmiṣṭānnajātibhiḥ || 43 ||
[Analyze grammar]

abhojayaddhariḥ paścāt pariveṣaṇakārakān |
jaḍacetanavargāścātarpayāccannavāribhiḥ || 44 ||
[Analyze grammar]

mantrān tatrāgatasarvamumukṣebhyo dadau ṛṣiḥ |
lomaśaḥ śrīhariścāpi nijān manūn svayaṃ dadau || 45 ||
[Analyze grammar]

evaṃ nirvartito yajñaḥ tharkūṭasthena bhūbhṛtā |
tasmai rājñe harirnaije pādābje pradadau hṛdi || 46 ||
[Analyze grammar]

rājyaṃ cā'vicalaṃ tvastu prajā te cāstu modinī |
sarvasampadbharā cāstu bhavān vaṃśadharo'stu ca || 47 ||
[Analyze grammar]

bālakṛṣṇasarastoye yathā tīrthāni santi ca |
tathā tīrthāni sarvāṇi sarasyatra vasantvapi || 48 ||
[Analyze grammar]

muktā īśā avatārā rādhālakṣmīramādikāḥ |
brahmaviṣṇumaheśādyāḥ pitaro munayastathā || 49 ||
[Analyze grammar]

devā devyo mānavāśca yatra sasnustadantare |
te sarve divyarūpeṇa vasantu divyarūpiṇaḥ || 50 ||
[Analyze grammar]

ityevaṃ hariṇā''jñaptā ūṣustatra nirantaram |
tāni tīrthāni sarvāṇi kṛtāni paramātmanā || 51 ||
[Analyze grammar]

snānadānajapayajñahomopakārakāṇi ca |
koṭyanantaphaladāni bhaviṣyantītyuvāca saḥ || 52 ||
[Analyze grammar]

śrāddhaṃ kāryaṃ tvatra tīrthe yajñasaptāhake śubhe |
sarvatīrthanivāse'tra mokṣadaṃ ceṣṭadaṃ bhavet || 53 ||
[Analyze grammar]

mārgaśīrṣe site pakṣe pañcamyekādaśīkṣaṇe |
samājastatra kartavyaḥ saraso vai taṭe śubhe || 54 ||
[Analyze grammar]

mandiraṃ cātra kartavyaṃ mūrtirme kānakī śubhā |
abhayadānadātrī ca mālikāsahitā tathā || 55 ||
[Analyze grammar]

sthāpanīyā mandire'tra ṣaḍdāsīsahitā varā |
rādhālakṣmībrahmavidyāramāśrīmāṇikīyutā || 56 ||
[Analyze grammar]

yajñāstvatraiva kartavyāḥ sarvamedhādivaiṣṇavāḥ |
yathā'yaṃ vaiṣṇavo yajñaḥ kṛtaḥ sarvasurārcanaḥ || 57 ||
[Analyze grammar]

tathā bhaktaiḥ prakartavyā yajñā yathādhanaṃ śubhāḥ |
asadgatīnāṃ mokṣo'tra bhavitā tarpaṇāt khalu || 58 ||
[Analyze grammar]

śrāddhadānādi kartavyaṃ tīrthe'tra pitṛnāmataḥ |
pāpānāṃ pravināśārthaṃ snātavyaṃ tvatra sarvathā || 59 ||
[Analyze grammar]

atrā''sannamṛtyubhistu vāsaḥ kāryaḥ sarastaṭe |
ahaṃ nārāyaṇasvāmī mantraṃ dāsyāmi mokṣaṇam || 60 ||
[Analyze grammar]

kathā divyā vācanīyā mama sāmarthyabodhikāḥ |
lakṣmīnārāyaṇasaṃhitākathā tattvavedibhiḥ || 61 ||
[Analyze grammar]

mokṣadā vācanīyā'tra sarvādibodhadāyinī |
mama śāstraṃ veda eva lakṣmyā śrutaṃ ca rādhayā || 62 ||
[Analyze grammar]

māṇikyayā ca ramayā vidyayā ca śrutaṃ tathā |
maṃjulayā haṃsayā ca śrutaṃ sadguṇayā tathā || 63 ||
[Analyze grammar]

jayālalitābhūlīlādyābhirmuktaistathā śrutam |
ṛṣipitṛsuranārāyaṇabhūvāsibhiḥ śrutam || 64 ||
[Analyze grammar]

atalādisthitairanyaiḥ śrutaṃ yasmād bahirna vai |
caritrāṇi pūrvapūrvaṃkṛtāni tanubhirmayā || 65 ||
[Analyze grammar]

tacchravyaṃ śrāvaṇīyaṃ ca śrotavyaṃ ca punaḥ punaḥ |
bālakṛṣṇaḥ parabrahmā'hamasmi puruṣottamaḥ || 66 ||
[Analyze grammar]

bhajanīyaḥ sa evāhaṃ cāntarātmā parātparaḥ |
evaṃ me niścayaḥ kāryo vikalpavarjito dhruvaḥ || 67 ||
[Analyze grammar]

mama bhaktiḥ sadā kāryā sarvasvārpaṇapūrvikā |
mama bhaktāḥ sadā divyatayā mānyā yathā nvaham || 68 ||
[Analyze grammar]

bhaktadroho na kartavyo drohaḥ svarūpakhaṇḍanam |
kartavyastu tathā nityo mama bhaktasamāgamaḥ || 69 ||
[Analyze grammar]

darśanaṃ me sadā kāryaṃ prātaḥ snātvā ca mandire |
dāsabhaktirbhṛtyabhaktistathā kāryā satāṃ mama || 70 ||
[Analyze grammar]

mama vāse pravastavyaṃ duḥkhadoṣanivṛttaye |
hiṃsā kāryā na kasyāpi bhoktavyā na parastriyaḥ || 71 ||
[Analyze grammar]

māṃsādanaṃ na kartavyaṃ pātavyaṃ madirādi na |
śīlabhaṃgo na kartavyo hyayogye dehini kvacit || 72 ||
[Analyze grammar]

ātmaghāto'pi kāryo na cauryaṃ kāryaṃ na vai kvacit |
mithyāropakalaṃkādi deyaṃ naiva parāya ca || 73 ||
[Analyze grammar]

nindanīyā na vai devā devyo vā dehino'pi vā |
pāpasyotpādikā nindā tataḥ puṇyavināśinī || 74 ||
[Analyze grammar]

abhakṣyaṃ naiva bhakṣyaṃ cā'peyaṃ pātavyameva na |
devaprasādahīnaṃ cā'bhakṣyā'peyaṃ yato matam || 75 ||
[Analyze grammar]

nāstikānāṃ prasaṃgo na kartavyo mokṣarodhakaḥ |
satāṃ sevā sadā kāryā santo vai mama mūrtayaḥ || 76 ||
[Analyze grammar]

naro vā yadi vā nārī sevayā mucyate hyaghāt |
mama ye sādhavaḥ santi te santi mokṣadāyakāḥ || 77 ||
[Analyze grammar]

taddehaḥ sarvathā puṇyaḥ puṇyadaḥ pāvanaḥ paraḥ |
bhāgatyāgo na tatrā'sti yathā mayi tathā sati || 78 ||
[Analyze grammar]

mātāpitṛsevanaṃ tu kartavyaṃ sarvathā bhuvi |
mamā''jñāṃ pālayiṣyanti dhruvāsteṣāṃ hi siddhayaḥ || 79 ||
[Analyze grammar]

kalpavidyutpravāhāśca kalpatattvāṇavastathā |
kalpavallīrasāsteṣāṃ bhaviṣyanti gṛhe sadā || 80 ||
[Analyze grammar]

kāmāvasāyitāśālāḥ saṃkalpavaṃśavistarāḥ |
sarve kāmadughāstattvasamūhāḥ sārvabhaumikāḥ || 81 ||
[Analyze grammar]

bhaviṣyanti gṛhe teṣāṃ ye madājñāpravartinaḥ |
teṣāmahaṃ sadā dātā yatheṣṭasyākṣare yathā || 82 ||
[Analyze grammar]

bhogāḥ kāryā na cā'tyarthaṃ bhaktiḥ kāryā'tiśāyinī |
nidrā kāryā na cātyarthaṃ sevā kāryā'tiśāyinī || 83 ||
[Analyze grammar]

manaḥ kāryaṃ nā'pakṛṣṭaṃ kāryā māyā vimūlinī |
tṛṣṇā kāryā na cātyarthaṃ vāñcchā kāryā mamā'tigā || 84 ||
[Analyze grammar]

āgraho neha kartavyaḥ kartavyo'mutra mokṣadaḥ |
udvegaḥ sarvathā tyājyaḥ śāntiḥ prāpyā tu śāśvatī || 85 ||
[Analyze grammar]

nā''yāso bahudhā kāryo vijñāne kārya uttamaḥ |
parādhīnena no bhāvyaṃ bhāvyaṃ tu sattayā''tmanaḥ || 86 ||
[Analyze grammar]

dehātmanā na vai vṛttyaṃ vartitavyaṃ nijātmanā |
lagnatā na gṛhe kāryā kāryā susvāmini dhruvā || 87 ||
[Analyze grammar]

svāmī cāhaṃ hi bhaktānāṃ sarveṣāmapi sarvathā |
bhavāmyeva paraḥ svāmī parameśvarasaṃjñakaḥ || 88 ||
[Analyze grammar]

jalaṃ tīrthaṃ sthalaṃ tīrthaṃ cātmatīrthaṃ sadottamam |
sādhujanaḥ sadā tīrthaṃ svāmī tīrthamahaṃ hariḥ || 89 ||
[Analyze grammar]

yatrā'haṃ mama mūrtiśca tattīrthaṃ divyamokṣadam |
ityevaṃ sarvathā yūyaṃ tharkūṭasthaprajājanāḥ || 90 ||
[Analyze grammar]

vittaṃ kuruta bhaktiṃ me bhajatā'nvahamādarāt |
ādatta mama mantrāṃśca matta eva sumuktidān || 91 ||
[Analyze grammar]

ityupadiṣṭā bhaktāste koṭiśo manulabdhaye |
āyayuḥ śrīhareḥ pārśvaṃ dadau tebhyo manūn hariḥ || 12 ||
[Analyze grammar]

oṃ namaḥ śrīkṛṣṇanārāyaṇāya svāmine svāhā |
śaraṇaṃ śrīkṛṣṇanārāyaṇo'stu mama sarvadā || 93 ||
[Analyze grammar]

kālamāyāpāpakarmaśatruyāmyakuhṛdbhayāt |
śūlamīnadhvajadhanuścakrasvastikavānava || 94 ||
[Analyze grammar]

brahmā'haṃ śrīkṛṣṇanārāyaṇabhakto'smi śāśvataḥ |
anādiśrīkṛṣṇanārāyaṇaḥ svāmī patiśca me || 95 ||
[Analyze grammar]

bālakṛṣṇaḥ parabrahma mama vai śāśvataḥ patiḥ |
pitā bandhuḥ suhṛnmitraṃ rakṣakaḥ pālako'stu saḥ || 96 ||
[Analyze grammar]

śrīkṛṣṇavallabhasvāmī śrīhariḥ śaraṇaṃ mama |
ityevaṃ pradadau kṛṣṇastebhyo manūn hi rādhike || 97 ||
[Analyze grammar]

parihāraṃ tataścakre viśrāntyarthaṃ yayau gṛham |
tharkūṭasthamahārājastathā rājñyaḥ sutāḥ sutāḥ || 98 ||
[Analyze grammar]

pādasaṃvāhanaṃ cakrurbālakṛṣṇasya vai tadā |
rājñā sarve pūjitāśca bhojitāśca viśaśramuḥ || 99 ||
[Analyze grammar]

rājadhānyāṃ dvitīye ca dine tvabhrāmayanmudā |
hastisthaṃ bālakṛṣṇaṃ vai prajā dadṛśurutsukāḥ || 100 ||
[Analyze grammar]

vardhayāmāsuratyarthaṃ pupūjurutsukāstathā |
āgatya rājabhavane sabhāyāmāha keśavaḥ || 101 ||
[Analyze grammar]

śvaḥ prayāntu prabhuktvaiva obīrātrīśasaṃgamam |
vīrajāramahārājarājye yajñastṛtīyakaḥ || 102 ||
[Analyze grammar]

pauṣakṛṣṇatṛtīyāto yajñāraṃbho bhaviṣyati |
saptāhaḥ kāraṇīyo'sti yāvannavamikātithim || 103 ||
[Analyze grammar]

ahaṃ tatrā''gamiṣyāmi dvitīyāprātareva ha |
ityuktā vyomayānairvai sarve deveśvararṣayaḥ || 104 ||
[Analyze grammar]

sarvasṛṣṭimahīmānā yayuścaubīnadītaṭam |
śrīhariṃ svāsthyamāpannaścovāsa tharkuṭasthakam || 105 ||
[Analyze grammar]

sukhayan tadgṛhe tāvad rādhike mokṣakṛddhariḥ |
sarvakāmanidhiḥ svāmī sarvasaṃkalpapūrakaḥ || 106 ||
[Analyze grammar]

paṭhanācchravaṇāccāsya śrāvaṇānmananādapi |
dvikalasnānapuṇyaṃ ca yaśapuṇyaṃ labhejjanaḥ || 107 ||
[Analyze grammar]

iti śrīlakṣmīnārāyaṇīyasaṃhitāyāṃ dvitīye tretāsantāne tharkūṭasthamahārājarājye dvikalasarovare dvitīyaviṣṇuyāgakaraṇaṃ prajābhyo mantropadeśadānādi cetyādinirūpaṇanāmā ṣaḍviṃśatyadhikaśatatamo'dhyāyaḥ || 126 ||
[Analyze grammar]