Chapter 125

śrīkṛṣṇa uvāca |
evaṃ bālakṛṣṇasarastaṭe kṛtvā kratuṃ hariḥ |
bālakṛṣṇaḥ svanāmnaiva vālakṛṣṇasaro'karot || 1 ||
[Analyze grammar]

asaṃkhyadehadhāribhyo datvā manuṃ ca darśanam |
kṛtvā tānpāvanānpaścādbhojayitvā janānapi || 2 ||
[Analyze grammar]

tṛtīyāyāṃ janān sāyaṃ cājijñapatprabhuḥ svayam |
śibidevo mahārājo muktavad vartate bhuvi || 3 ||
[Analyze grammar]

śibirājyaṃ vaiṣṇavaṃ ca matkṛpāvaśato'bhavat |
śrīsampaddravyabhogyādisaṃbhṛtāśca śibeḥ prajāḥ || 4 ||
[Analyze grammar]

bhavantu sukhapātrāṇi mā tāsāṃ syāddhi nimnatā |
mā syād duḥkhaṃ kvaciccāpi syāt sadā'bhyudayaḥ kila || 5 ||
[Analyze grammar]

bhavatīnāṃ prajānāṃ ca rājño'pi bhavatāt sadā |
rājavaṃśe prajānāṃ ca mama bhaktiḥ sadā'stu ca || 6 ||
[Analyze grammar]

atha kartuṃ dvitīyaṃ tu makhaṃ yāntu prajājanāḥ |
sevakāḥ ṛṣayaścāpi tharkūṭasthanṛpādayaḥ || 7 ||
[Analyze grammar]

tharkūṭasthabhūparājye sāhāyyārthaṃ prayāntu ca |
naijo dharmaḥ pālanīyo bhavadbhirbhaktisaṃyutaiḥ || 8 ||
[Analyze grammar]

satāṃ guṇāścārjanīyāḥ sukhadā divyaśāntidāḥ |
svasvarūpe brahmarūpe sthitiḥ kāryā hi sarvadā || 9 ||
[Analyze grammar]

satyaṃ yathārthavaktṛtvaṃ pālanīyaṃ hitapradam |
śaucaṃ sadātmanaḥ śuddhiścāntarāṇāṃ praśuddhitaḥ || 10 ||
[Analyze grammar]

pālanīyā sadā bhaktairakāluṣyaṃ tu pāpakaiḥ |
dayā kāryā tu jīveṣu teṣāṃ duḥkhanivārikā || 11 ||
[Analyze grammar]

kṣāntiḥ rakṣyā sāparādhajaneṣvapi sahiṣṇutā |
cittasaṃyamarūpā ca sadā'nudvegaśālinī || 12 ||
[Analyze grammar]

tyāgo rakṣyaḥ sadā dānaṃ pūrṇakāmatvayogataḥ |
māyikeṣu tu bhogyeṣu tvanādaraḥ praśāntidaḥ || 13 ||
[Analyze grammar]

arthiṣu muktakaratā prāpteṣvapi na lubdhatā |
santoṣaśca nijānandaparipūrṇatvamityapi || 14 ||
[Analyze grammar]

yathālabdheṣvalaṃbhāvastṛṣṇārāhityamityapi |
kleśarāhityamevā'pi rakṣaṇīyaṃ sadā janaiḥ || 15 ||
[Analyze grammar]

ārjavaṃ cāpi sāralyaṃ trayāṇāmekarūpatā |
manovāṇīśarīrāṇāṃ bhāvānāṃ caikarūpatā || 16 ||
[Analyze grammar]

rakṣaṇīyā prayatnena bhaktairbhāgavataiḥ sadā |
śamaḥ śāśvatikī śāntirviṣayebhyo nivartanam || 17 ||
[Analyze grammar]

atiprākṛtasaṃjñebhyo duḥkhadebhyo nirantaram |
damaścendriyaniyamaḥ kartavyaḥ śreyase sadā || 18 ||
[Analyze grammar]

tapo vijñānalabdhyarthaṃ yatnaḥ kāryaḥ sadā janaiḥ |
vratopavāsarūpaṃ ca kartavyaṃ vṛddhasevanam || 19 ||
[Analyze grammar]

sāmyaṃ rakṣyaṃ śubhe duṣṭe'nādaro māyike sadā |
titikṣā sahanaṃ rakṣyaṃ dvandvākhyairduḥkhasaṃsthitau || 20 ||
[Analyze grammar]

ātmarūpeṇa vai stheyaṃ cā'pratikṣatibhāvataḥ |
uparamaḥ sadā rakṣyo vyarthavyāpāravarjanam || 21 ||
[Analyze grammar]

śrutaṃ jñānaṃ prāpaṇīyaṃ śāstrasadgurudevataḥ |
svayaṃ cāpi paraścāpi vedanīyo viśeṣataḥ || 22 ||
[Analyze grammar]

vairāgyaṃ sarvaviṣaye nispṛhatvaṃ tathā sadā |
anākṛṣṭamanastvaṃ ca rakṣaṇīyaṃ viśeṣataḥ || 23 ||
[Analyze grammar]

aiśvaryaṃ bhagavadyogāt sārṣṭi prāpyaṃ hareḥ puraḥ |
śauryaṃ svabhāvavijayaḥ kartavyaḥ sarvathā janaiḥ || 24 ||
[Analyze grammar]

tejo rakṣyaṃ bhaktajanairanyaiḥ pradhṛṣyaśūnyatā |
balaṃ cātmabalaṃ sarvaniyantṛyogataḥ sadā || 25 ||
[Analyze grammar]

rakṣaṇīyaṃ hi sāmarthyaṃ bālakṛṣṇasya me kṛpā |
smṛtiḥ kartavyaviṣaye'nusandhānaṃ śubhāśraye || 26 ||
[Analyze grammar]

rakṣaṇīyaṃ prayatnena parameśaprasaṃgataḥ |
svātantryaṃ ca parā'napekṣatā rakṣyā tu sātvataiḥ || 27 ||
[Analyze grammar]

kauśalaṃ sarvakāryeṣu naipuṇyaṃ rakṣyamuttamam |
kāntiḥ rakṣyā brahmacaryabalajā śobhanātmikā || 28 ||
[Analyze grammar]

dhairyaṃ viṣamabhāve'pi vyākulatvavivarjanam |
mārdavaṃ sarvadā rakṣyaṃ rokṣyakāṭhinyavarjanam || 29 ||
[Analyze grammar]

prāgalbhyaṃ pratibhā rakṣyā mokṣavicāradāyinī |
praśrayo vinayo rakṣyaḥ sadvṛttiḥ śīlakāriṇī || 30 ||
[Analyze grammar]

sahanaṃ manasā kāryaṃ sarvaghāte'pyaghātitā |
ojaḥ rakṣyaṃ cakṣurādau jñānendriyeṣu sarvathā || 31 ||
[Analyze grammar]

prabhāvaśca balaṃ rakṣyaṃ karmendriyeṣu vai tathā |
bhago rakṣyo maddaiśvaryaṃ sarvotkarṣādisaṃsthitiḥ || 32 ||
[Analyze grammar]

gāmbhīryaṃ rakṣaṇīyaṃ ca durgāhyā''ntaramantraṇam |
sthairyaṃ rakṣyaṃ sadā bhaktaiścāñcalyena vihīnatā || 33 ||
[Analyze grammar]

āstikyaṃ dharmamokṣādau harau mayi sthirā matiḥ |
śāstrokte'rthe ca viśvāsaḥ śraddhā ca paramātmani || 34 ||
[Analyze grammar]

kīrtiḥ prāpyā śubhā bhaktiḥ khyātirdhāmapradā janaiḥ |
maunaṃ rakṣyaṃ vṛthālāpavarjanaṃ sāttvataiḥ sadā || 39 ||
[Analyze grammar]

garvābhāvaḥ sadā rakṣyo guṇādyahantvahīnatā |
mānābhāvastathā rakṣyo'vṛthāsvarūpahānitā || 36 ||
[Analyze grammar]

daṃbhābhāvastathā rakṣyo vañcakatvavihīnatā |
yogyāhārastathā kāryo yo mokṣe phalado bhavet || 37 ||
[Analyze grammar]

dākṣyaṃ rakṣyaṃ hitavākyopadeṣṭṛtvaṃ na cetarat |
maitrī rakṣyā ca viśvāsādhāratā sarvadehinām || 38 ||
[Analyze grammar]

upakāraśca sarveṣāṃ kartavyo'tivāñcchayā |
akṣobhaśca sadā rakṣyo vegena tṛṣṇayā'pi vā || 39 ||
[Analyze grammar]

kṣubdhavyaṃ naiva viṣaye sāttvikairbhaktiyogibhiḥ |
pīḍanaṃ prāṇināṃ naiva kartavyaṃ vaiṣṇavaiḥ kvacit || 40 ||
[Analyze grammar]

sarvasatkārakāritvaṃ grahaṇīyaṃ samantataḥ |
aniṣṭāptaparābhūtirāhityaṃ kāryameva ca || 41 ||
[Analyze grammar]

brahmajñānāṃ sahavāsaḥ kartavyaśca satāmapi |
sādhutā rakṣaṇīyā ca śaraṇāgatapālitā || 42 ||
[Analyze grammar]

phalecchāśūnyatā rakṣyā parigrahavivarjitā |
anādiśrīkṛṣṇanārāyaṇe mayi parātmani || 43 ||
[Analyze grammar]

sarvasvārpaṇabhaktiśca kartavyā mama sāttvatai |
yathā bhaktirmama kāryā tathā kāryā satāṃ mama || 44 ||
[Analyze grammar]

nirdaṃbhapremabhāvena guroḥ śuśrūṣaṇaṃ tathā |
guroḥ sevā mama sevā bhuktimuktipradā sadā || 45 ||
[Analyze grammar]

mama pūjā prakartavyā satāṃ mamā'rcanaṃ tathā |
bhuktimuktipradaṃ caitat sarvapāpapraṇāśakam || 46 ||
[Analyze grammar]

patnī rakṣyā sadā saukhye pīḍanīyā na vai kvacit |
patiḥ pūjyaḥ sadā patnyā pīḍanīyo na vai kvacit || 47 ||
[Analyze grammar]

vṛddhāḥ sevyāḥ sadā madhyāvasthaiḥ putrādibhiḥ khalu |
gāvaḥ santaḥ sadā rakṣyā bhaktibodhakarā api || 48 ||
[Analyze grammar]

devā rakṣyā gṛhe mūrtisvarūpā dṛṣṭipāvanāḥ |
guravaśca sadā rakṣyā gehe saṃsāratārakāḥ || 49 ||
[Analyze grammar]

bhajanaṃ ca sadā kāryaṃ mama nārāyaṇasya vai |
śaraṇaṃ ca mama grāhyaṃ puruṣottamaśārṅgiṇaḥ || 50 ||
[Analyze grammar]

gurorājñā sadā pālyā śubhā vā mokṣadāyinī |
sveṣāṃ śāntikarī mānyā vāco guroḥ sadā'nujaiḥ || 51 ||
[Analyze grammar]

pūjanaṃ sarvadā kāryaṃ kṛṣṇanārāyaṇasya me |
parabrahma evā'tra mūrtau me bhaktapuṃgavaiḥ || 52 ||
[Analyze grammar]

snānaṃ sarovare cātra kartavyaṃ bālakṛṣṇake |
mārgaikādaśikāyāṃ cā'māyāṃ dvitīyake dine || 53 ||
[Analyze grammar]

saptāheṣu prakartavyaṃ sarvapāpapraṇāśanam |
atra dānaṃ prakartavyaṃ gavāṃ mokṣapradāyakam || 54 ||
[Analyze grammar]

mama mūrteḥ pradānaṃ ca bhavet sarvārthasādhakam |
istidānaṃ cāśvadānaṃ vṛṣabhasya pradānakam || 55 ||
[Analyze grammar]

mahiṣīdānamārpyaṃ ca reṇḍīvṛṣabhadānakam |
śakaṭasya ca yānasya vimānasya pradānakam || 56 ||
[Analyze grammar]

śibikāyāḥ pradānaṃ ca vāhanānāṃ pradānakam |
vastrāṇāṃ kambalānāṃ ca śāṭīnāṃ ca pradānakam || 57 ||
[Analyze grammar]

kartavyaṃ kañcukīnāṃ ca dāna koṭiguṇārthakam |
svarṇadānaṃ rūpyadānaṃ tāmradānaṃ śriyaḥpradam || 58 ||
[Analyze grammar]

pātradānaṃ prakartavyaṃ cānnadānaṃ mahattamam |
jaladānaṃ miṣṭadānaṃ ceṣṭadānaṃ śubhāvaham || 59 ||
[Analyze grammar]

śākadānaṃ prakartavyaṃ kanyādānaṃ divaspadam |
jñānadānaṃ tathā yajñopavītasya pradānakam || 60 ||
[Analyze grammar]

gṛhadānaṃ tathā dānaṃ gṛhopakaraṇādijam |
prakartavyaṃ vāṭikāyā dānaṃ kṣetrapradānakam || 61 ||
[Analyze grammar]

yadyat sveṣṭaṃ bhavettasya dānaṃ kartavyamatra vai |
sādhubhyo bhojanaṃ deyaṃ maharṣibhyaśca pūjanam || 62 ||
[Analyze grammar]

bhojanaṃ valkalādyaṃ ca dātavyaṃ śreya icchatā |
pitṝṇāṃ piṇḍadānādi kartavyaṃ pitṛtṛptaye || 62 ||
[Analyze grammar]

bālakṛṣṇasarasyeva śāśvatītṛptidaṃ bhavet |
devānāṃ pūjanaṃ kāryaṃ bālakṛṣṇasarastaṭe || 64 ||
[Analyze grammar]

mandirāṇi surāṇāṃ ca kāraṇīyāni tattaṭe |
muktānāmavatārāṇāmīśvarāṇāṃ tathā''layāḥ || 65 ||
[Analyze grammar]

ṛṣīṇāṃ cāpi pitṝṇāṃ prāsādā mokṣadāḥ śubhāḥ |
kāraṇīyā dharmaśālā bhaktiśālāḥ śubhāvahāḥ || 66 ||
[Analyze grammar]

udyānāni vāṭikādyāḥ kāraṇīyā hareḥ kṛte |
mandiraṃ kārayitvā'tra mama mūrtyā samaṃ surān || 67 ||
[Analyze grammar]

sthāpayiṣyanti ye bhaktāstebhyo dhāma dadāmyaham |
jīvikāṃ vṛttikāṃ cāpi pūjāyāśca pravāhikām || 68 ||
[Analyze grammar]

kārayiṣyanti ye bhaktāsteṣāṃ puṇyamanantakam |
sarvaṃ dāsye'hamevā'smai dhāmni me puruṣottamaḥ || 69 ||
[Analyze grammar]

sarve devāstathā muktā īśvarāśca narāyaṇāḥ |
avatārā īśvarāṇyo muktānyo devapuṃgavāḥ || 70 ||
[Analyze grammar]

devyo devāḥ ṛṣayaśca tīrthāni ca vasantviha |
bālakṛṣṇaḥ parabrahma svayaṃ vasāmi cātra hi || 71 ||
[Analyze grammar]

mārgaśīrṣakṛṣṇapakṣaikādaśikādine'niśam |
pratisamvatsaraṃ sarvatīrthaiṃrdevaiśca sādhubhiḥ || 72 ||
[Analyze grammar]

muktaistatheśvaraiścātrā''gantavyaṃ lokahetave |
sarvapāvitryalābhārthaṃ saptāhaṃ tīrthabhāvataḥ || 73 ||
[Analyze grammar]

koṭiśaśca janāstvatra snāsyanti hi sarovare |
teṣāṃ pāpavināśaśca puṇyaṃ syādapyanantakam || 74 ||
[Analyze grammar]

etattīrthavaraṃ śreṣṭhaṃ sarvatīrthottamottamam |
mayā sampādyate cātra vāsaṃ kṛtvā tu śāśvatam || 75 ||
[Analyze grammar]

atra tīrthaprakartṝṇāṃ rogā yāsyanti vai kṣayam |
dāridryaṃ nāśamāyācca durbhāgyaṃ nāśamāpnuyāt || 76 ||
[Analyze grammar]

lakṣmīsteṣāṃ gṛhe syācca saubhāgyaṃ vardhayettathā |
putrapautrādivaṃśaśca tairthikānāṃ bhavediha || 77 ||
[Analyze grammar]

yatheṣṭaḥ syāttasya lābhaḥ puruṣārthacatuṣṭaye |
mārgaśīrṣātirikte'pi māse tīrthavidhāyinām || 78 ||
[Analyze grammar]

praṇaśyanti ca pāpāni puṇyaṃ svargapradaṃ bhavet |
atra vārdhau mṛtānāṃ vai bhasmā'sthikṣepaṇe'pi ca || 79 ||
[Analyze grammar]

sarvapāpavināśo'pi muktiśca śāśvatī bhavet |
etatsarojalasyāpi kaṇaṃ pāsyati yo janaḥ || 80 ||
[Analyze grammar]

mṛtyavasthāgatasyāpi muktistasya tu śāśvatī |
sarasaścāsya saṃbhūtaḥ svāmyahaṃ parameśvaraḥ || 81 ||
[Analyze grammar]

anādiśrīkṛṣṇanārāyaṇaḥ śrībālakṛṣṇakaḥ |
sarojalasya yogena mama yogo dhruvo bhavet || 82 ||
[Analyze grammar]

snānāt pānād darśanāccā''camanāt sparśanādapi |
smaraṇādasya yajñasya sarasaśca pramokṣaṇam || 83 ||
[Analyze grammar]

bhavatyeva na sandeho dāsye'haṃ puruṣottamaḥ |
tapastīrthaṃ vrataṃ homaḥ kāryāścātra mumukṣubhiḥ || 84 ||
[Analyze grammar]

samarpaṇaṃ kriyāṇāṃ ca kartavyaṃ mayi śārṅgiṇi |
śāśvataṃ puṇyameva syādarpitasya mayi dhruvam || 85 ||
[Analyze grammar]

muktatīrthaṃ brahmatīrthaṃ brahmapriyāditīrthakam |
avatārāditīrthāni bhūmatīrthaṃ tathā'tra ca || 86 ||
[Analyze grammar]

vāsudevā'bhidhaṃ tīrthaṃ prādyumnaṃ tīrthamityapi |
devāyatanakaṃ tīrthaṃ vairājatīrthamityapi || 87 ||
[Analyze grammar]

kṛṣṇatīrthaṃ tathā rādhātīrthaṃ śrītīrthamityapi |
nārāyaṇaṃ paraṃ tīrthaṃ lakṣmītīrthaṃ śubhaṃ param || 88 ||
[Analyze grammar]

brahmatīrthaṃ viṣṇutīrthaṃ śivatīrthaṃ satīyutam |
rudratīrthaṃ rāśitīrtham ṛṣitīrthaṃ tathottamam || 89 ||
[Analyze grammar]

pitṛtīrthaṃ devatīrthaṃ dikpālānāṃ ca tīrthakam |
indratīrthaṃ vahnitīrthaṃ dharmatīrthaṃ śubhottamam || 90 ||
[Analyze grammar]

vāyutīrthaṃ yamatīrthaṃ kuberatīrthamuttamam |
īśānatīrthamutkṛṣṭaṃ bṛhaspatipratīrthakam || 91 ||
[Analyze grammar]

lomaśākhyaṃ śubhaṃ tīrthaṃ yajñatīrthaṃ śubhottamam |
kambharātīrthamevā'pi santoṣātīrthamityapi || 92 ||
[Analyze grammar]

śrīmadgopālatīrthaṃ ca māṇikītīrthamityapi |
sabhātīrthaṃ tathā pāravaśaṃtīrthaṃ śubhaṃ priyam || 93 ||
[Analyze grammar]

vedatīrthaṃ ca gāyatrītīrthaṃ sāvitrikāhvayam |
kuṃkumavāpikātīrthaṃ bālakṛṣṇapratīrthakam || 94 ||
[Analyze grammar]

kalpavallīmahātīrthaṃ śubhaṃ sarveṣṭadāyakam |
grahatīrthaṃ sūryatīrthaṃ devāyatanatīrthakam || 95 ||
[Analyze grammar]

vasutīrthaṃ sādhyatīrthaṃ viśvetīrthaṃ śubhāspadam |
sāmudratīrthamevāpi kailāsatīrthamityapi || 96 ||
[Analyze grammar]

vaikuṇṭhatīrthamevāpi gaṇeśatīrthamityapi |
gaṇatīrthaṃ satītīrthaṃ sādhvītīrthottamottamam || 97 ||
[Analyze grammar]

vratatīrthaṃ vimānākhyatīrthaṃ ca śibitīrthakam |
avabhṛthaṃ mahattīrthaṃ sarvatīrthā'dhivāsitam || 98 ||
[Analyze grammar]

etānyanyāni sarvāṇi mūrtānyatra vasanti hi |
mamā''jñayā'dyā'rabhyaiva pāvanāni tu dehinām || 99 ||
[Analyze grammar]

dharmakāryaṃ sadā cātra kartavyaṃ mānavaistataḥ |
atha sarve prayāntyeva tharkūṭasthasya rājyake || 100 ||
[Analyze grammar]

yatra yaśaḥ prakartavyastatra kurvantu tatsthitim |
ahaṃ tatrāgamiṣyāmi śvo vā paraśca eva tu || 101 ||
[Analyze grammar]

ityuktāstīrthadevāśca kṛtvā rūpaṃ dvitīyakam |
tatra tīrthasvarūpeṇa sthitāḥ sadā hi rādhike || 102 ||
[Analyze grammar]

atha sarve yayustatra dvikalākhyasarovare |
tharkūṭasthamahārājarājye yajñārthameva ha || 103 ||
[Analyze grammar]

vyomayānena vai sarve īśā devāśca mānavāḥ |
koṭyarbudābjasaṃkhyā hi satīsādhvīharipriyāḥ || 104 ||
[Analyze grammar]

bālakṛṣṇaḥ samuvāsa śibirājagṛhe dinam |
viśrāntyarthaṃ tathā rājñaḥ sevāsvīkaraṇāya vai || 105 ||
[Analyze grammar]

iti śrīlakṣmīnārāyaṇīyasaṃhitāyāṃ dvitīye tretāsantāne bālakṛṣṇamūrtinā śrīhariṇā pradattopadeśāśiṣo dvitīyayajñārthamājñā bālakṛṣṇasarastīrthāni cetinirūpaṇanāmā pañcaviṃśatyadhikaśatatamo'dhyāyaḥ || 125 ||
[Analyze grammar]