Chapter 121

śrīkṛṣṇa uvāca |
rāseśvari mahādevi rādhe golokakaumudi |
ākarṇaya kathāṃ devāyatanasya tataḥ parām || 1 ||
[Analyze grammar]

parabrahmabalenā'sau muktatāṃ tu samarjayan |
parabrahmasamaṃ kāryaṃ karotyeva nideśataḥ || 2 ||
[Analyze grammar]

mārgā'sitasya pratipaddine kṛṣṇanarāyaṇaḥ |
prāha bhaktaṃ pūjayantaṃ bahuvastubhirādarāt || 3 ||
[Analyze grammar]

bālakṛṣṇo'hamevā'smi parabrahmaparātparaḥ |
parameśaḥ sarvanārāyaṇānāmīśitā prabhuḥ || 4 ||
[Analyze grammar]

sarve nārāyaṇā mattaḥ prāvirbhavanti sarvadā |
sarvasṛṣṭiṣu bhaktendra me'vatārā asaṃkhyakāḥ || 5 ||
[Analyze grammar]

mama rūpāṇyasaṃkhyāni guṇaiśvaryamayānyapi |
teṣāṃ yogena jīvānāṃ karomi śreya uttamam || 6 ||
[Analyze grammar]

mama bhaktāḥ pārṣadāśca satyo brāhmyo'pi me priyāḥ |
āvirbhavanti lokeṣu tārayanti ca dehinaḥ || 7 ||
[Analyze grammar]

tvaṃ sadā mama mukto'si mamā''layo'si vai hṛdi |
mannivāso'si bhaktendra matkāryaṃ kriyate tvayā || 8 ||
[Analyze grammar]

jīvā yāmyā aiśvarāśca devā uddhāritāstvayā |
athā'pi kṣitiloke'tra yāhi kiṃpuruṣottarān || 9 ||
[Analyze grammar]

himālayāt pare pāre prajākalyāṇahetave |
sindhumullaṃghya śailaṃ ca paramindukuśaṃ tataḥ || 10 ||
[Analyze grammar]

kaśyapāyanavārdhiṃ ca tathā ca urulāṃ nadīm |
urulaṃ parvataṃ cāpi kārusamudramityapi || 11 ||
[Analyze grammar]

trimuraṃ dvīpakalpaṃ ca tandrāpradeśamityapi |
śāntalāriṃ pradeśaṃ ca kāmacāṭakadeśakān || 12 ||
[Analyze grammar]

stenāvāsaṃ parvataṃ ca tathā śailaṃ prabhānulam |
dvikalaṃ ca saraścāpi samānaṃ parvataṃ tathā || 13 ||
[Analyze grammar]

kīragarjanabhūbhāgaṃ śibirājapradeśakān |
obīnadīpradeśaṃśca yāneśīsarito bhuvam || 14 ||
[Analyze grammar]

bīnāṃ nadīṃ piṃgadeśān yātu tvaṃ raśanābhuvam |
uttarān raśanāsaṃjñān bhāgān kiṃpuruṣasya vai || 19 ||
[Analyze grammar]

tatratyamānavān sarvān vaiṣṇavān kuru bhaktarāṭ |
bhajanaṃ ca manuṃ nāmnāṃ kīrtanaṃ śrāvayā'niśam || 16 ||
[Analyze grammar]

vimānaṃ sacamatkāraṃ mahāścaryamayaṃ mahat |
kalpavallīkalpavṛkṣacintāmaṇisamanvitam || 17 ||
[Analyze grammar]

gṛhīpvā ca prayāhyevaṃ jīvānuddhartumādarāt |
pradyumnaṃ mama rūpaṃ ca sāhāyyaṃ te dadāmyapi || 18 ||
[Analyze grammar]

ityuktvā suvimānaṃ ca datvā pradyumnamityapi |
preṣayāmāsa bhagavān mārgaśīrṣe'sita dale || 19 ||
[Analyze grammar]

yathoktena tu mārgeṇa devāyatanabhaktarāṭ |
indukuśaṃ cābhivīkṣya mumude manasā muhuḥ || 20 ||
[Analyze grammar]

bhajanaṃ coccakaiścakre bālakṛṣṇa harehare |
kṛṣṇanārāyaṇasvāmin śrīmadgopālanandana || 21 ||
[Analyze grammar]

parabrahma harekṛṣṇanārāyaṇa śriyaḥpate |
rādhākṛṣṇa prabhākṛṣṇa māṇikīkṛṣṇa mādhava || 22 ||
[Analyze grammar]

lakṣmīnārāyaṇa svāminnārāyaṇa narāyaṇa |
jaya muktapate satāṃpata śrīpārvatīpata || 23 ||
[Analyze grammar]

sarvāvatāradhartastvaṃ jayaśrīkṛṣṇavallabha |
anādiśrīkṛṣṇanārāyaṇa śrīpuruṣottama || 24 ||
[Analyze grammar]

harekṛṣṇa harekṛṣṇa kṛṣṇa kṛṣṇa hare hare |
haresvāmin rāmakṛṣṇa sītāpate satīpate || 255 ||
[Analyze grammar]

rāmakṛṣṇa harekṛṣṇa kṛṣṇarāmajanārdana |
kaṃbharānandana śrīmadgopālabāla keśava || 26 ||
[Analyze grammar]

aśvapaṭṭasaraḥsūrya akṣarakṣetracandramaḥ |
śrīmatkuṃkumavāpīstha jayakṛṣṇanarāyaṇa || 27 ||
[Analyze grammar]

harekṛṣṇa harekṛṣṇa kṛṣṇakṛṣṇa harehare |
anādiśrīkṛṣṇanārāyaṇa śrīparameśvara || 28 ||
[Analyze grammar]

brahmapriyāpate kṛṣṇakṛṣṇa kṛṣṇaharehare |
padmāpate ca kamalāpate śrītulasīpate || 29 ||
[Analyze grammar]

vṛndāpate tathā cātmapate kṛṣṇaharehare |
bhārgavīkānta lalitākānta gopīpatehare || 30 ||
[Analyze grammar]

ityevaṃ kīrtanaṃ nāmnāṃ kurvan saṃgarjayan muhuḥ |
ninādayan diśaḥ sarvāḥ prajābhyaḥ śrāvayan muhuḥ || 31 ||
[Analyze grammar]

vimānena yayau tvagre kaśyapāyanavārnidhim |
tasya pūrvapradeśeṣu prajāḥ saṃśrāvayan tataḥ || 32 ||
[Analyze grammar]

ūrulāsaritaḥ pūrvapradeśeṣu punaḥ punaḥ |
saṃśrāvayan harernāmakīrtanaṃ vyomamārgataḥ || 33 ||
[Analyze grammar]

urulāt parvatāt pūrvadeśān kārusamudrataḥ |
pūrvadakṣiṇadeśāṃśca śrāvayannabhidhā hareḥ || 34 ||
[Analyze grammar]

trimuraṃ dvīpakalpaṃ ca yayau tandrāprajāsu ca |
śrāvayāmāsa tannāma himaśaityasahāḥ prajāḥ || 35 ||
[Analyze grammar]

śāntalāripradeśāṃśca tato vai kāmacāṭakān |
stenāvāsaṃ giriṃ cāpi dvikalaṃ ca sarovaram || 36 ||
[Analyze grammar]

prabhālunagiriṃ cāpi samānaṃ parvataṃ yayau |
bālakṛṣṇasaraścāpi kīragarjanabhūtalam || 37 ||
[Analyze grammar]

śibirājapradeśāṃśca obīṃ yāneśakīṃ nadīm |
bīnāṃ pigapradeśāṃśca sarvāṃ ca raśanābhuvam || 38 ||
[Analyze grammar]

rāśiyānapradeśāṃśca bhramitvā tu punaḥ punaḥ |
śrāvayāmāsa vai sarvān janān nāmāni vai hareḥ || 39 ||
[Analyze grammar]

saptakṛtvo dadau cakraṃ rāśiyāneṣu rāśivat |
uktasthalīyalokeṣu bhūśailaraṇavāriṣu || 40 ||
[Analyze grammar]

vanāraṇyahimadvīpopadvīpāntarabhūmiṣu |
vimānena dadau cakraṃ śrāvayāmāsa kīrtanam || 41 ||
[Analyze grammar]

bālakṛṣṇaṃ harikṛṣṇaṃ parabrahma bhajantviha |
anādiśrīkṛṣṇanārāyaṇa kurvantu vai hṛdi || 42 ||
[Analyze grammar]

karṇābhyāṃ tatkathāṃ ramyāṃ pāpatāpapraṇāśinīm |
śṛṇvantu cakṣuṣā tvasya kurvantu darśanaṃ sadā || 42 ||
[Analyze grammar]

kaṇṭhe tasyaiva tulasīmālāṃ gṛhṇantu mānavāḥ |
bhakṣayantu prasādaṃ ca pibantu tajjalaṃ śubham || 44 ||
[Analyze grammar]

kīrtayantu ca nāmāni bālakṛṣṇasya sarvadā |
spṛśantu tasya caraṇau jighrantu gandhamasya ca || 45 ||
[Analyze grammar]

pūjayantu hariṃ nityaṃ śrīmadgopālabālakam |
smarantu śrībālakṛṣṇaṃ kurvantu tasya vai stutim || 46 ||
[Analyze grammar]

śaraṇaṃ tasya kṛṣṇasya gṛhṇantu mokṣahetave |
bhuktimuktipradaścāsya caraṇaḥ saṃ prasevyatām || 47 ||
[Analyze grammar]

dhāryatāṃ hṛdye mūrtiḥ kṛṣṇanārāyaṇasya vai |
parabrahmasvarūpaḥ sa vartate puruṣottamaḥ || 48 ||
[Analyze grammar]

saurāṣṭre kambharāgehe śrīpatiḥ puruṣottamaḥ |
aho lokā dehanāśe saha nāyānti kiñcana || 49 ||
[Analyze grammar]

sarvaṃ cātraiva tiṣṭhatyāvināśaṃ ca mṛṣā tataḥ |
tadbandhanaṃ vihāyaiva bhajantu parameśvaram || 50 ||
[Analyze grammar]

ahaṃ tasyaiva bhakto'smi sākṣānnārāyaṇasya ha |
tannāmāni raṭantvatra smarantvarthaṃ hariṃ prabhum || 51 ||
[Analyze grammar]

brahmadhāmeśvaraṃ sādhupatiṃ śrīmāṇikīpatim |
muktanāthaṃ cātmanāthaṃ smarantu narayoṣitaḥ || 52 ||
[Analyze grammar]

mānuṣasya tu deho'yaṃ durlabho durlabhā gatiḥ |
mokṣasyā'nena dehena prāpyate sādhanaiḥ śubhaiḥ || 53 ||
[Analyze grammar]

haresvāmin harekṛṣṇa bālakṛṣṇa janārdana |
dharmaputra hare brahmapara śrīparameśvara || 54 ||
[Analyze grammar]

rādhāramāsatīsvāmin prabhāpāravatīpate |
lakṣmīśrīmaṃgalākānta śrījayālalitāpate || 55 ||
[Analyze grammar]

bhagavan sarvalokeśa sarvanārāyaṇeśvara |
avatāreśa dhāmeśa tattveśvara prabho hare || 56 ||
[Analyze grammar]

evaṃ saṃkīrtayantveva bhuktirmuktirbhaveddhi vaḥ |
ityevaṃ saptavāraṃ sa bhaktarāḍ rādhike muhuḥ || 57 ||
[Analyze grammar]

rāśiyāneṣu deśeṣu śrāvayāmāsa kīrtanam |
janāḥ śrutvā vimāna ca dṛṣṭvā divyaṃ sukhapradam || 58 ||
[Analyze grammar]

āścaryaṃ paramaṃ prāptā ābālavṛddhamānavāḥ |
draṣṭuṃ sambhūya ca bahiḥ samāyānti sma cāmbare || 59 ||
[Analyze grammar]

vilokayanti bahudhā kīrtayanti hariṃ tathā |
bālakṛṣṇa harekṛṣṇasvāmin kṛṣṇa hare hare || 60 ||
[Analyze grammar]

praśaṃsanti guruṃ bhaktaṃ devāyatanamīśavat |
aho mātā pitā bandhurbhagavannāmadāyakaḥ || 61 ||
[Analyze grammar]

patiḥ patnī priyo mitraṃ harernāmnāṃ pradāyakaḥ |
sutaḥ putrī sakhā saṃśrāvako nāmnāṃ harerhi saḥ || 62 ||
[Analyze grammar]

sutādayastu ye bhaktiṃ naivā'tra bodhayanti vai |
te tu svārthaparā loke nāmamātrasya dhārakāḥ || 63 ||
[Analyze grammar]

durlabho mānuṣo deho dehināṃ kṣīṇadharmakaḥ |
akṣīṇaṃ tvakṣaraṃ dhāma prāptavyaṃ tena dhīmatā || 64 ||
[Analyze grammar]

parameśvarabhaktau ye nirodhayanti mānavāḥ |
na te sambandhino mānyāḥ sambandhino hi bhaktidāḥ || 65 ||
[Analyze grammar]

vimāne yaḥ sthito devaḥ kṛṣṇabhaktipradarśakaḥ |
so'tra deśe gṛhe no'tra samāyātu pratāpavān || 56 ||
[Analyze grammar]

vayaṃ bhaktiṃ kariṣyāmo bālakṛṣṇasya devate |
āruhyā'smadgṛhān deva pāvayā'smadgṛhāṇi ca || 67 ||
[Analyze grammar]

ityevaṃ te janāḥ sarve rāśiyānapradeśakāḥ |
śrutvā śrutvā harernāma prārthayāmāsurādarāt || 68 ||
[Analyze grammar]

atha tatrā'bhavanmukhyāḥ ṛṣayo dvādaśottamāḥ |
bhinnasthāneṣu tiṣṭhantastrikālajñā virāgiṇaḥ || 69 ||
[Analyze grammar]

rādhike te harerbhaktaṃ vimānaṃ bhaktiśobhitam |
vijñāya vyomamārgeṇa vimānaṃ prati cāyayuḥ || 70 ||
[Analyze grammar]

meṣāyano maharṣiśca vṛṣabhāyana yogirāṭ |
mithunāyananāmarṣiḥ karkāyanaśca tāpasaḥ || 71 ||
[Analyze grammar]

siṃhāyanastathā kanyāyanastulāyanastathā |
vṛścikāyananāmarṣirdhanāyanaśca vai ṛṣiḥ || 72 ||
[Analyze grammar]

makarāyanasaṃjñarṣiḥ kuṃbhāyanastathāṛṣiḥ |
mīnāyanaṛṣiścāpi sarve yogaparāyaṇāḥ || 73 ||
[Analyze grammar]

rāśiyānapradeśeṣu labdhasthānā maharṣayaḥ |
brahmadhyānaparāścāsan sarve bhinnanivāsinaḥ || 74 ||
[Analyze grammar]

brahmajñānaparāścāpi samādhisthitivartinaḥ |
jñātvā yogena ca devāyatanaṃ harideśitam || 75 ||
[Analyze grammar]

bodhayantaṃ janān loke kīrtanaṃ śrīhareḥ śubham |
draṣṭuṃ vyomni vimāne te tvāyayurharṣavihvalāḥ || 76 ||
[Analyze grammar]

prathamaṃ te tu ṛṣayaḥ prajārūpeṇa bhaktakam |
nemulauṃkikarītyaiva satkṛtā bhaktakena ca || 77 ||
[Analyze grammar]

vanditāḥ pūjitāḥ praśaṃsitā dhanyavacāyitāḥ |
niṣāditāśca bhaktena jijñāsitāḥ pratīṣṭakam || 78 ||
[Analyze grammar]

pṛṣṭāḥ paricayārthaṃ ca jagaduste nijodbhavam |
vayaṃ sarve bhrātaraḥ sma rudraputrā hi rudrajāḥ || 79 ||
[Analyze grammar]

brahmaṇā prathamaṃ sṛṣṭirlalāṭād yā kṛtā tadā |
rudro jātaḥ krūraputro vṛddhaye viniyojitaḥ || 80 ||
[Analyze grammar]

tenā'saṃkhyāḥ samā svena rudrā vai prakaṭīkṛtāḥ |
krūrāste brahmaṇā dṛṣṭāḥ saṃhāriṇo'vamāninaḥ || 81 ||
[Analyze grammar]

teṣāṃ saṃharaṇārthaṃ vai brahmā rudraṃ jagād ha |
rudrasteṣāṃ ca sarveṣāṃ yadā saṃhāramācarat || 82 ||
[Analyze grammar]

tadā vayaṃ bhayaṃ prāptā dvādaśa rudraputrakāḥ |
rudrā eva svakaṃ rūpaṃ pravivṛttya jalāntare || 83 ||
[Analyze grammar]

gahvare ca guhāyāṃ ca khanyāṃ droṇyāṃ yathāyatham |
guptā jīvanavāñcchāḍhyā līnabhāvamupāgatāḥ || 84 ||
[Analyze grammar]

bahuvarṣasahasrānte brahmā tapastato'karot |
rudrasṛṣṭervināśānte dundubhyādīn sasarja saḥ || 85 ||
[Analyze grammar]

mandirasthān pārṣadān vai tataśca sanakādikān |
tato yogeśvarāṃścāpi tato maharṣimaṇḍalam || 86 ||
[Analyze grammar]

rājarṣīṃśca tato brahmā sasarja pitṛdevatāḥ |
kaśyapācca tataḥ sūryacandrādyā subhavestadā || 87 ||
[Analyze grammar]

asmābhiḥ svaprakāśatvaṃ kṛtaṃ devasabhāsu tu |
brahmaṇā ca tathā devaiḥ sammāntitā maharṣayaḥ || 88 ||
[Analyze grammar]

yogino mānave loke sṛṣṭyarthamupakāriṇaḥ |
niyuktā brahmaṇā devaiḥ saha kṛtvā vinirṇayam || 89 ||
[Analyze grammar]

rāṃ lakṣmīṃ sampadaṃ śobhām aśnumo vayamādarāt |
dadmaścāpi prasannāśca rāśayastena vai vayam || 90 ||
[Analyze grammar]

niyuktāḥ phaladānārtha karmiṇāṃ kṛtakarmaṇām |
tato vayaṃ sthitā yatra tatra te naḥ pradeśakāḥ || 91 ||
[Analyze grammar]

rāśiyānā ime santi vayaṃ vai rāśisaṃjñakāḥ |
ājñāṃ saṃpālayantaśca brahmaṇaḥ parameṣṭhinaḥ || 92 ||
[Analyze grammar]

dhruvadeśaṃ vicaranto vasāmastvatra sarvadā |
sūryacandrādibhiḥ sarvairnavagrahaiḥ sahāyatām || 92 ||
[Analyze grammar]

asmākaṃ tu samagṛhya pacyate sṛṣṭimaṇḍalam |
te vayam ṛṣayastvatra vasāmo rudraputrakāḥ || 94 ||
[Analyze grammar]

rudrasṛṣṭyavaśeṣā vai yathākarmaphalapradāḥ |
tato brahmā dadau varṇān nastu sārasvatān pṛthaka || 95 ||
[Analyze grammar]

meṣāyanāya pradadau alaivarṇakān ajaḥ |
vṛṣabhāya dadau brahmā vavauvarṇakān tadā || 96 ||
[Analyze grammar]

mithunāya dadau brahmā kachaghavarṇakāṃstadā |
karkāyanāya pradadau ḍahākṣarau pitāmahaḥ || 97 ||
[Analyze grammar]

siṃhāyanāya pradadau maṭavarṇau pitāmahaḥ |
kanyāyanāya pradadau paṭhaṇavarṇakān ajaḥ || 98 ||
[Analyze grammar]

tulāyanāya pradadau ratavarṇau pitāmahaḥ |
vṛścikāya dadau brahmā nayavarṇau tadā tataḥ || 99 ||
[Analyze grammar]

dhanāyanāya bhamaphaḍhavarṇān pradadāvajaḥ |
makarāya dadau brahmā khajavarṇau tadā tataḥ || 100 ||
[Analyze grammar]

kuṃbhāyanāya pradadau gaśavarṇau pitāmahaḥ |
mīnāyanāya dacajhayavarṇān pradadāvajaḥ || 101 ||
[Analyze grammar]

tattadvarṇān jīvakarmabodhakān vidadhe hyajaḥ |
asmadyoge tu candrādau yasya janma tu dehinaḥ || 102 ||
[Analyze grammar]

tattadvarṇakṛtanāmnā tatkarmāyurbhavediti |
lokatantrapravāhārthaṃ brahmaṇā parameṣṭhinā || 103 ||
[Analyze grammar]

niyuktāḥ smo vaya raudrāḥ sṛṣṭyupakṛtaye sadā |
adya vai kṛtakṛtyāḥ smo nārāyaṇaparāyaṇaḥ || 104 ||
[Analyze grammar]

bhavānatra samāyāto lokakalyāṇahetave |
vayaṃ guptasvarūpeṇa meṣādinā purā tadā || 105 ||
[Analyze grammar]

jīvanārthaṃ tvabhavaṃśca tāni nāmāni santi naḥ |
vastuto vai vayaṃ divyā raudrāḥ smo brahmapautrakāḥ || 106 ||
[Analyze grammar]

āyāhyasmadgṛhān bhakta viśrāntiṃ labha sarvathā |
kīrtanaṃ saṃkariṣyāmaḥ sūbhūya śrīharermuhuḥ || 107 ||
[Analyze grammar]

ityukto bhaktarāṭ devāyatanarṣirjaharṣa ha |
omityāha tadā rādhe vimānaṃ cāvatārayat || 108 ||
[Analyze grammar]

iti śrīlakṣmīnārāyaṇīyasaṃhitāyāṃ dvitīye tretāsantāne kiṃpuruṣakhaṇḍe rāśiyānapradeśeṣu harināmakīrtanabodhārthaṃ preṣitena devāyatanarṣiṇā dvādaśameṣāyanādimaharṣisamāgamanāmaikaviṃśatyadhikaśatatamo'dhyāyaḥ || 121 ||
[Analyze grammar]