Chapter 117

śrīkṛṣṇa uvāca |
śṛṇu tvaṃ rādhike cānyad vārāhaṃ tīrthamityapi |
kuṃkumāyā aśvapaṭṭasarasyeva purā'bhavat || 1 ||
[Analyze grammar]

akṣarādhipatiḥ śrīmān sarveśaḥ puruṣottamaḥ |
parabrahma svayaṃ sṛṣṭiṃ yadā''rebhe svamūrtitaḥ || 2 ||
[Analyze grammar]

tattvāni cintayato'sya maravādagnirajāyata |
divyo divyākṣaramukto divyamuktasvarūpadhṛk || 3 ||
[Analyze grammar]

dvibhujaḥ śvetavarṇaśca śītalasparśavāṃstadā |
mūrtitejomayaḥ so'yamabhavad rūpavān śubhaḥ || 4 ||
[Analyze grammar]

bhagavānaikṣata vahniṃ kartuṃ tattvātmakaṃ tadā |
vahniśceṅgitamājñāya tasthau puroharestadā || 5 ||
[Analyze grammar]

hariścājñāṃ cakārā'sya yāhi tvaṃ ceśvarādiṣu |
mayā vai sṛjyamāneṣu tejastattvaṃ sadā bhava || 6 ||
[Analyze grammar]

ityāśāṃ sa samādāya mahāmāyāṃ viveśa ha |
garbharūpastadā māyā kṣobhaṃ tvavāpa vahnivat || 7 ||
[Analyze grammar]

yathā yathā tu sā māyā guṇatrayātmikā tadā |
sūkṣmā sāmyasvarūpā'pi kṣobhaṃ tvavāpa vai muhuḥ || 8 ||
[Analyze grammar]

tathā tathā ca māyāyā mauṣṇyaṃ kāryaṃ vyavartata |
tāmaso vai sa bhāgastu vyavardhata harīcchayā || 9 ||
[Analyze grammar]

māyayā tattvasaṃghāto vairājaḥ samapadyata |
tatroṣṇabhāvamāsādyoṣmātmako vai mahānalaḥ || 10 ||
[Analyze grammar]

mukhato bahirāyātaśceśvaro vahnināmakaḥ |
vaṃ vairājaṃ samāśritya haṃ hanuṃ mukhamārgataḥ || 11 ||
[Analyze grammar]

abhito nirgato devo vahnirityeva so'bhavat |
divyo'yaṃ śubhravadanaḥ śubhravarṇaḥ samujjvalaḥ || 12 ||
[Analyze grammar]

brahmabhāvaṃ tu visṛjyeśvarabhāvamupāgataḥ |
vairājo nijaputraṃ taṃ vahniṃ puruṣarūpiṇam || 13 ||
[Analyze grammar]

prāha putrān sṛṣṭiyogyān sṛja putra samān tvayā |
omityājñāṃ śirasyeva dhṛtvā vahnirvyatarkayat || 14 ||
[Analyze grammar]

putrā me sṛṣṭiyogyā vai bhavantu matsvarūpiṇaḥ |
saṃkalpamātrajātā vai pāvanāḥ pavamānakaḥ || 15 ||
[Analyze grammar]

paviḥ trayaḥ samutpannā pavirvajraṃ tu vaidyutam |
indrāya cārpitaḥ putro brahmaṇā parameṣṭhinā || 16 ||
[Analyze grammar]

pāvakākhyastu lokebhyaścārpitaḥ pākakarmaṇe |
pavamāno mahājvālāyutaścātīva cañcalaḥ || 17 ||
[Analyze grammar]

vegavān hānidaśceti dāhako'pi maholbaṇaḥ |
iti jñātvā janāste tu nā'gṛhṇanta yadā tadā || 18 ||
[Analyze grammar]

kruddho'raṇyaṃ jagāmā'yaṃ bhojanārthaṃ mahāvane |
babhrāma sa mahāraṇyaprabhṛtiṣu mahābalaḥ || 19 ||
[Analyze grammar]

evaṃ saurāṣṭraviṣaye pavamānaḥ svayaṃ bhraman |
anveṣayan bhojanaṃ cā'labhamāno'tiduḥkhitaḥ || 20 ||
[Analyze grammar]

vyāghrāraṇyaṃ dadāhā'sau kṣudhayā'tīva bādhitaḥ |
jvālāmālāsamāvyāptaṃ vanaṃ jātaṃ bhayaṃkaram || 21 ||
[Analyze grammar]

dahyamānaṃ duṣpraveśaṃ durnirgamyaṃ samantataḥ |
hariṇā paśavaḥ pakṣyādayo mṛgāḥ sarīsṛpāḥ || 22 ||
[Analyze grammar]

dahyante vahninā tatra nibiḍe vṛkṣasaṃkule |
tṛṇavallīghaṭāvyāpte'dṛśyabhūtalabhūmike || 23 ||
[Analyze grammar]

dhāvanti hariṇāḥ sarve dhūmāndhāḥ pakṣiṇastathā |
aśaktā'patyabālādyā vanyānāṃ tiryagātmanām || 24 ||
[Analyze grammar]

sahasraśaḥ prāṇadhārā aśaktā vahnisaṃkulāḥ |
dagdhāstatra vahniputrapavamānena vai mṛtāḥ || 25 ||
[Analyze grammar]

vṛkṣā dagdhāḥ sajīvāśca vallikā bhasmatāṃ gatāḥ |
tṛṇānāṃ ca latānāṃ ca stambānāṃ gaṇanā tu kā || 26 ||
[Analyze grammar]

śikharāṇi vilokyante vṛkṣāṇāṃ vahniśailavat |
ucchrayā bhūpradeśāśca vane vahnimayāstadā || 27 ||
[Analyze grammar]

alpaśṛṃgāstathā śailā vukṣāraṇyāmbarāstadā |
dahyanti vahninā jvālāmukhāḥ śailā yathā'bhavan || 28 ||
[Analyze grammar]

evaṃ kraurye saṃpravṛtte vanavāsivināśane |
vyāpake cānale jāte pavamāne'nilānvite || 29 ||
[Analyze grammar]

nadītīre'pi vṛkṣāṇāṃ dagdhabhāve hyupasthite |
āśramaḥ picchalarṣeśca dāhavegena dharṣitaḥ || 30 ||
[Analyze grammar]

picchalarṣirbahuvarṣapurāṇastapasi sthitaḥ |
dhyāyannārāyaṇaṃ devaṃ śvetavārāharūpiṇam || 31 ||
[Analyze grammar]

tepe tapo mahāghoraṃ cāraṇye vanavāsiṣu |
yatra kāmadughā gāvo pravasanti tadāśrame || 32 ||
[Analyze grammar]

gopālāstatra tiṣṭhanti pārśve vṛkṣāśraye'pi ca |
te tā vahnipravegena dudruvuśca nadījale || 32 ||
[Analyze grammar]

nipeturjīvarakṣārthe gopālāḥ peturapsu ca |
athāyaṃ tu maharṣirvai picchalākhyo dvijeśvaraḥ || 34 ||
[Analyze grammar]

vilokya pavamānasya ceṣṭitaṃ krūratāmayam |
dayāparaḥ svayaṃ bhūtvā pavamānamuvāca ha || 35 ||
[Analyze grammar]

re re vahne mahākrūra mahāhiṃsakato'dhika |
kṣudhayā pīḍitaścaitadvanaṃ mamāśramaṃ tathā || 36 ||
[Analyze grammar]

gāḥ paśūn prāṇinaḥ pakṣigaṇān sarīsṛpāṃstathā |
vinā'parādhaṃ dahasi dīnaṃ cāpi na muñcasi || 37 ||
[Analyze grammar]

bubhukṣitaḥ pāpabuddhirbhavatyeveti tattathā |
kathaṃ vihāya maryādāṃ sarvaṃ nāśayase balāt || 38 ||
[Analyze grammar]

paśyā'patyāni pakṣyādijantūnāmapi niṣpadāḥ |
apakṣāścāpi dahyanti paśyataste ghṛṇā'pi na || 39 ||
[Analyze grammar]

kathaṃ tvaṃ krūratāṃ prāptaḥ śāntiṃ naivā'dhigacchasi |
parvato bhūcchrayāścāpi dagdhāstava prabhāvataḥ || 40 ||
[Analyze grammar]

bhojyaṃ svaṃ vai labdhavatā dagdhaṃ sarvā'nyabhojanam |
kṣayaṃ nītaṃ mamāraṇyaṃ kṣīṇāḥ sarve hi jīvinaḥ || 41 ||
[Analyze grammar]

tasmāttvāṃ kṣayakartāraṃ śapāmyatra na saṃśayaḥ |
ityeva vahninā kliṣṭaḥ picchalarṣistu rādhike || 42 ||
[Analyze grammar]

śaśāpa pavamāna tvaṃ kṣayamāpnuhi vai drutam |
ityuktvā svakarasthaṃ ca jalaṃ mumoca bhūtale || 43 ||
[Analyze grammar]

yāvattāvaccānalasya jvālā māndyamupāgatāḥ |
dāhaśaktirvinaṣṭā ca pākaśaktirlayaṃ gatā || 44 ||
[Analyze grammar]

rasādanasya sāmarthyaṃ līnaṃ kṣaṇāntare tathā |
śvaityaṃ vahnervinaṣṭaṃ ca tathauṣṇyaṃ vilayaṃ gatam || 45 ||
[Analyze grammar]

naisargavardhanaṃ cāpi hrāsaṃ yātaṃ tadā svayam |
dhūmrabhāvaḥ pravṛddhaścā'ṅgārā nistejasā'sitāḥ || 46 ||
[Analyze grammar]

aprakāśāḥ kṛṣṇavarṇāḥ kāṣṭhakūrcāstadā'bhavan |
vinā prayatnaṃ vahnirvai śamitaḥ śāpakāraṇāt || 47 ||
[Analyze grammar]

bhakṣitāstu rasāḥ sarve bījāni paśupakṣiṇaḥ |
pavamānasya jaṭharādapakvā niryayurbahiḥ || 48 ||
[Analyze grammar]

mandodaro mandatejā mandaśvāso babhūva saḥ |
maraṇonmukhatāṃ prāptaḥ pādaśaktivihīnakaḥ || 49 ||
[Analyze grammar]

jvālāśūnyaścendriyāṇāṃ vṛttiśūnyo babhūva ca |
śuśoca bahudhā karmaphalaṃ prāpto ruroda ca || 50 ||
[Analyze grammar]

kiṃ kartavyaṃ kva gantavyaṃ kathaṃ śāpo maharṣikṛt |
nivarteta kathaṃ so'pi prasannaḥ syād vyacintayat || 51 ||
[Analyze grammar]

athāyaṃ pavamānaśca nirmānastamṛṣiṃ prati |
yayau hṛdā daṇḍavacca patitvā manasā girā || 92 ||
[Analyze grammar]

tuṣṭāva brahmarūpaṃ taṃ duḥkhamokṣasya kāṃkṣayā |
he sādho tvaṃ dayālurvai nirdayo'haṃ tu hiṃsrakaḥ || 55 ||
[Analyze grammar]

satyavrato bhavān sādho na satyaṃ vidyate mayi |
niṣpāpastvaṃ sadā tvāste pāpiṣṭho'haṃ tu duḥkhadaḥ || 54 ||
[Analyze grammar]

asantuṣṭo'smi vai lubdhastvaṃ santoṣī na lubdhakaḥ |
parigrahaparaścā'haṃ tva virāgo'parigrahaḥ || 59 ||
[Analyze grammar]

tāpano'haṃ tu jīvānāṃ tvaṃ tapasvī na tāpanaḥ |
brahmabhūtaḥ sadā tvaṃ tu bhramātmā'haṃ tu māyikaḥ || 56 ||
[Analyze grammar]

kṣamāśūnyo bhavāmyeva tvayi kṣamā sadā'sti ca |
siddhīnāṃ mayi leśo na siddhyāśrayo bhavāniha || 57 ||
[Analyze grammar]

pāpināṃ pāpanāśārthaṃ nā'haṃ śakto bhavāniva |
tīrtharūpo bhavānāste nā'haṃ tīrthaṃ tarāmi na || 58 ||
[Analyze grammar]

ahamāvidyako jīvo bhavān vidyāśrayaḥ sadā |
brahmatanurbhavānasti māyātanurbhavāmyaham || 59 ||
[Analyze grammar]

divyamokṣapradastvaṃ ca janmado'haṃ vināśakaḥ |
śāntiprado bhavānāste'hamudvegaprado'smi tu || 60 ||
[Analyze grammar]

nityaṃ brahma paraṃ saumyaṃ cintayāno bhavāniha |
kartumuddhāramevā''ste samartho dīnadehinām || 61 ||
[Analyze grammar]

ajñānāmaparādhānāṃ kṣamāṃ kuru mahāmate |
mayā prajvālitaṃ yattajjīvayituṃ prabhurbhavān || 62 ||
[Analyze grammar]

tapasā dyotamānastvaṃ samujjīvaya jaṅgalam |
paśūn prāṇigaṇāṃścāpi pakṣiṇaśca vanaspatīn || 63 ||
[Analyze grammar]

jīvān sarīsṛpādīṃśca māmuddhara tapodhana |
śāpapātraṃ punaḥ syācca sādhūnāṃ toṣapātrakam || 64 ||
[Analyze grammar]

śikṣā prāptā mayā sādho maraṇaṃ mā vidhehi me |
mṛtyoḥ sānnidhyamāpto'smi māmujjīvaya cārtihan || 65 ||
[Analyze grammar]

sādhūnāṃ kṛṣṇabhaktānāṃ sādhutvaṃ tvetadeva yat |
kṣāntvā''parādhān jīvasya tasmai guṇān dadāti ca || 66 ||
[Analyze grammar]

vṛścikaḥ kaṇṭakaṃ yuṃkte sādhustaṃ na vimuñcati |
mūṣakaḥ kṛntati pakṣaṃ haṃsastaṃ na vimuñcati || 67 ||
[Analyze grammar]

rakṣakāḥ kurvanti rakṣāṃ duṣṭānāmapi dehinām |
māmujjīvaya viprendra kṣamāsārā hi sādhavaḥ || 68 ||
[Analyze grammar]

naivaṃ punaḥ kariṣye'haṃ cāparāddhaṃ kadācana |
satyaṃ satyaṃ punaḥ satyaṃ patitastava pādayoḥ || 69 ||
[Analyze grammar]

ityevaṃ sa hṛdā rādhe pavamāno muhurmuhuḥ |
ṛṣiṃ taṃ picchalaṃ tatra tuṣṭāva patito vane || 70 ||
[Analyze grammar]

dhyānavṛttyā maharṣistajjñātvā tatstavanaṃ tataḥ |
prasannaḥ karuṇāvārdhirdrāgevotthāya cāsanāt || 71 ||
[Analyze grammar]

pavamānaṃ stuvantaṃ svaṃ yayau śīghraṃ śubhāśrayaḥ |
pavamāna śubhaṃ te'stu mā śokaṃ kuru vahnija || 71 ||
[Analyze grammar]

bhavān devo vahniputro yadi naivaṃ karoti cet |
jīvayāmi bhavantaṃ vai mā pradahyatu dehinaḥ || 73 ||
[Analyze grammar]

ityuktvā jalamādāya kare sammantrya pātrataḥ |
gṛhītvā pavamānasyopari cikṣepa yāvatā || 74 ||
[Analyze grammar]

pavamānaḥ saśakto'bhūduttasthau ca nanāma ca |
tejoyukto daṇḍavacca cakāra tam ṛṣiṃ tadā || 75 ||
[Analyze grammar]

pavamānaśca taṃ prāha śāpamokṣaṃ kuru prabho |
ṛṣiḥ prāha mayā śaktirdattā gantuṃ vihāyasā || 76 ||
[Analyze grammar]

yāhi śrīśailasaṃjñaṃ ca parvataṃ yatra sūkaraḥ |
āste mokṣapradaḥ śrīmān dharaṇiprāṇarakṣakaḥ || 77 ||
[Analyze grammar]

sarvarakṣākaraḥ kroḍaḥ sa te rakṣāṃ kariṣyati |
ityuktaḥ pavamānaḥ sa yayau śrīśailamādarāt || 78 ||
[Analyze grammar]

valmīkasannidhau tiṣṭhan smaratyeva ca taṃ tadā |
rādhike bhagavāṃstasmād valmīkādutthito'bhavat || 79 ||
[Analyze grammar]

śvetavarṇaḥ sundaraśca pavamānastamānamat |
sukhī bhaveti bhagavānāha vahnisutaṃ tadā || 80 ||
[Analyze grammar]

papraccha kāraṇaṃ tatrāgamanasya tato'nalaḥ |
akhilaṃ kathayāmāsa kāraṇaṃ śāpamityapi || 81 ||
[Analyze grammar]

samuddhāraṃ mama viṣṇo kurvityāha vibhāvasuḥ |
tejaḥ śaktiṃ balaṃ rūpaṃ divyatāṃ vyāpitāṃ tathā || 82 ||
[Analyze grammar]

guṇān purā bhavān me'tra dadātu parameśvara |
ityuktaḥ śrīvarāhaśca prāha taṃ pavamānakam || 83 ||
[Analyze grammar]

āyāhi pavamāna tvaṃ mayā saha surāṣṭrakam |
kuṃkumavāpikākṣetraṃ cā'śvapaṭṭasarovaram || 84 ||
[Analyze grammar]

sarvāvatāradhartā yaḥ sākṣāt svāmī pumuttamaḥ |
anādiśrīkṛṣṇanārāyaṇaḥ śrīpuruṣottamaḥ || 85 ||
[Analyze grammar]

virājate'kṣarakṣetre sa te sarvaṃ pradāsyati |
mokṣaṃ caiśvarabhāvaṃ ca sarvaṃ sa te pradāsyati || 86 ||
[Analyze grammar]

ityuktvā śrīvarāhastaṃ nināyā'kṣarabhūmikām |
sahasā vyomamārgeṇa tathā cā'śvasarovare || 87 ||
[Analyze grammar]

snapayāmāsa taṃ śīghraṃ darśanārthaṃ hareḥ puraḥ |
taṃ nītvā prayayau śrīmān vārāho bhagavānprabhuḥ || 88 ||
[Analyze grammar]

cakāra daṇḍavat bhūmau pavamānastamādarāt |
anādiśrīkṛṣṇanārāyaṇaścotthāpya vahnijam || 86 ||
[Analyze grammar]

niṣādya tvāsane kroḍaṃ samāślikṣattu vakṣasi |
siṃhāsanaṃ dadāvasmai varāhāya nijātmane || 90 ||
[Analyze grammar]

tasmācca kāraṇaṃ jñātvā mānuṣyaṃ nāṭayan hariḥ |
ṛṣeḥ śāpanivṛttyarthaṃ prasādaṃ pradadau prabhuḥ || 91 ||
[Analyze grammar]

pavamānaḥ prasādaṃ taṃ bubhuje cā'mṛtaṃ phalam |
jalaṃ papau ca yāvadvai tāvat sarvaguṇānvitaḥ || 92 ||
[Analyze grammar]

samapadyata viśvātmā yathāpūrvaguṇāśrayaḥ |
sarvaśāpavinirmukto'bhavat sukhyatiharṣitaḥ || 93 ||
[Analyze grammar]

varāhaṃ pūjayāmāsa tathā kṛṣṇanarāyaṇām |
pavamāno hareryogāttīrtharūpo'bhavattataḥ || 94 ||
[Analyze grammar]

tīrthe vāsaṃ cakārā'sau varāho'pi sarovare |
anādiśrīkṛṣṇanārāyaṇasyaivā''jñayā prabhoḥ || 95 ||
[Analyze grammar]

evaṃ vārāhatīrthaṃ tat samabhūt tatra nityadā |
varāho bhagavānāste pavamānayutaḥ prabhuḥ || 96 ||
[Analyze grammar]

tatra snānaṃ kariṣyanti ye janāste virogiṇaḥ |
bhaviṣyanti hareryogāt secanāt tīrthavāriṇām || 97 ||
[Analyze grammar]

muktiṃ bhuktiṃ gamiṣyanti yāsyanti divyatāṃ tathā |
paṭhanād vācanādasyā''rogyaṃ syātsarvadā priyam || 98 ||
[Analyze grammar]

rādhike bhagavānevaṃ tvāha vārāharūpiṇam |
phālgune pūrṇimāyāṃ vai prātarvai pavamānakam || 99 ||
[Analyze grammar]

dadau vāsaṃ yajñabhūmau tathā'raṇye mahājale |
vṛṣṭyāścāpi jale vāsaṃ pavamānāya vai dadau || 100 ||
[Analyze grammar]

bhūgarbhe ca tathā''vāsaṃ dadau kṛṣṇanarāyaṇaḥ |
pradadau nirbhayatvaṃ c vaiṣṇavatvaṃ dadau tathā || 101 ||
[Analyze grammar]

kaṇṭhīṃ ca taulasīṃ cāpi tilakaṃ candrakaṃ tathā |
oṃ namaḥ śrīkṛṣṇanārāyaṇāya svāmine svāhā || 102 ||
[Analyze grammar]

evaṃ mantraṃ dadau cātha praṇamya pavamānakaḥ |
prapūjya ca hariṃ tīrthe vāsārthaṃ prayayau saraḥ || 103 ||
[Analyze grammar]

varāho'pi pradattaṃ satkāraṃ jagrāha sarvathā |
vārāhe tanmahattīrthe vāsaṃ cakāra rādhike || 104 ||
[Analyze grammar]

itiśrīlakṣmīnārāyaṇīyasaṃhitāyāṃ dvitīye tretāsantāne picchalarṣidttaśāpanivṛttaye varāhaṃ prabhuṃ gṛhītvā'śvapaṭṭasarovaraṃ prati pavamānasya gamanaṃ hareryogācchāpamuktiḥ |
varāhatīrthaṃ pavamānatīrthaṃ cetyādinirūpaṇanāmā |
saptadaśādhikaśatatamo'dhyāyaḥ || 117 ||
[Analyze grammar]