Chapter 109

| śrīkṛṣṇa uvāca |
śṛṇu tvaṃ rādhike teṣāmāsurāṇāṃ tu garjanaiḥ |
vyanadaṃstu digantā cā'mbaraṃ cukṣobha sagraham || 1 ||
[Analyze grammar]

jalapāneyadeśānāṃ rājā makaraketumān |
philīpānāṃ nṛpaścāpi phalajaṃgamanāmakaḥ || 2 ||
[Analyze grammar]

vāraṇīyadvīparājo nāmnā vārdhūṣaketanaḥ |
ārdramānadvīparājo nāmnā kalmāṣakesariḥ || 3 ||
[Analyze grammar]

kālaprāleyakānāṃ ca rājā raṇamadāṃkanaḥ |
prācīnānāṃ ca deśānāṃ nṛpo bodhavihaṃgamaḥ || 4 ||
[Analyze grammar]

cipiṃgānāṃ ca deśānāṃ rājñā piṃgalakastathā |
maṃgūjānāṃ mahārājo nāmnā samaramaṃgalaḥ || 5 ||
[Analyze grammar]

mañcūrāṇāṃ tathā rājā hārakiriṭanāmakaḥ |
lāśahānāṃ mahārājaḥ kṣaṇātmavādanābhidhaḥ || 6 ||
[Analyze grammar]

karvarīprāntajo rājā kāruvarmā'bhidhastathā |
ilādeśanṛpo nāmnā māṇḍalākṣirmahābalaḥ || 7 ||
[Analyze grammar]

pannāmadeśarājaśca nāmnā pādasahā'bhidhaḥ |
prākcayanapradeśānāṃ rājā prācīnaśāyanaḥ || 8 ||
[Analyze grammar]

aṃgaśikṣāṃgadeśānāṃ śṛṃgaśekābhidho nṛpaḥ |
etai cānye ca vai mukhyā rājānau yuddhadurmadāḥ || 9 ||
[Analyze grammar]

lakṣāyutairnijaiḥ sainyairvyomaprasāribhiḥ saha |
vidyudgolairvahniyantraistūrṇasphoṭaiśca puttalaiḥ || 10 ||
[Analyze grammar]

śastrakṣepaiścā''ṇukṣveḍaiḥ suraṃgaśaktibhistathā |
vyomajālaiḥ śataghnībhirmāyājālairviṣāśrubhiḥ || 11 ||
[Analyze grammar]

viṣānilaiḥ kṛtrimāryairyuyudhuḥ suramānavaiḥ |
yuddhaṃ samabhavañcedaṃ śatayojanavartule || 12 ||
[Analyze grammar]

pitṛkanyāvimānaṃ ca brahmapriyāvimānakam |
rarakṣaśaṃkaro devo bālakṛṣṇastathā svayam || 13 ||
[Analyze grammar]

anye ca śāṃkarā brāhmāḥ sauryāśca vaiṣṇavā gaṇāḥ |
koṭiśo yuyudhustatrā''jñayā''suraiḥ samaṃ tadā || 14 ||
[Analyze grammar]

rādhike parvataprāyā yojanordhvembare tu te |
utplutya grahavat sarve yuddhyanti sma tadā'mbare || 15 ||
[Analyze grammar]

anye pañcayojanordhve pañcāśadyojanordhvagāḥ |
sūryavat sahasā gatvā patanti sainyaśaktiṣu || 16 ||
[Analyze grammar]

nakṣatramaṇḍalānīva śobhante yodhino'mbare |
makaraketumān rājā śatasāhasrasaṃkhyakaiḥ || 17 ||
[Analyze grammar]

yoddhṛbhiḥ sahito vyomni yuyudhe cāruṇaiḥ saha |
aryamā taṃ tu rājānaṃ sasainyaṃ sāgaropari || 18 ||
[Analyze grammar]

viṣṇupradattacakreṇa tathā cakraiḥ svakairdrutam |
ghātayitvā'mbare tānapreṣayat sa yamālayam || 19 ||
[Analyze grammar]

sūryaketuśca tatputro hareḥ śaraṇamāgataḥ |
rakṣito hariṇā tatra vaiṣṇavaḥ sa kṛtastataḥ || 20 ||
[Analyze grammar]

philīpānāṃ mahārājo yuyudhe śāṃkarairgaṇaiḥ |
ayutayoddhṛsahito vahnigolaiśca hotibhiḥ || 21 ||
[Analyze grammar]

gaṇāstu śatasāhasrā nijaghnurvidyudastrakaiḥ |
philīparājasahitān yoddhṝnayutasaṃkhyakān || 22 ||
[Analyze grammar]

tatsutaḥ śaraṇaṃ prāptaḥ śrīharerbījajaṃgamaḥ |
anye'pi śataśaḥ putrāḥ śrīhareḥ śaraṇaṃ gatāḥ || 23 ||
[Analyze grammar]

te sarve bījajaṃgādyā vaiṣṇavā hariṇā kṛtāḥ |
vāraṇīyabhuvo rājā dvaipo vārdhūṣaketanaḥ || 24 ||
[Analyze grammar]

pañcalakṣabhaṭopeto yuyudhe viṣṇupārṣadaiḥ |
vahniyantraistūrṇaśastrairambare cakrakaistathā || 25 ||
[Analyze grammar]

pārṣadā nijacakraistān nijaghnuścābdhisaṃgame |
caturlakṣabhaṭā naṣṭā rājāhataḥ sudarśanāt || 26 ||
[Analyze grammar]

tatputraḥ sāraketuśca lakṣayoddhṛsamanvitaḥ |
śrīhareḥ śaraṇaṃ prāpto vaiṣṇavo hariṇā kṛtaḥ || 27 ||
[Analyze grammar]

tadbhaṭā vaiṣṇavāḥ sarve jātāḥ prāṇarirakṣavaḥ |
ārdramānadvīparājo daitya kalmāṣakesarī || 28 ||
[Analyze grammar]

kṛṣṇakrūrāyutasaṃkhyabhaṭaiḥ saha vimānagaḥ |
yuyudhe vyomajālādyairastraśastrairviṣāśrubhiḥ || 29 ||
[Analyze grammar]

kalpavallījanyabhaṭairlakṣasaṃkhyakavaiṣṇavaiḥ |
vaiṣṇavā vyomajālāni cicchiduḥ kartarīgaṇaiḥ || 30 ||
[Analyze grammar]

kalpavallyutthitaistūrṇaṃ cāmbare bahuyatnataḥ |
nijaghnuḥ prāṇataḥ sarvān sudarśanaiśca tadbhaṭān || 31 ||
[Analyze grammar]

kalmāṣakeśaraṃ mūrdhno dvedhā cakraṃ tadā'karot |
hate kalmāṣakeśe ca tatputrāḥ pañca kalmaṣāḥ || 32 ||
[Analyze grammar]

raktakeśaḥ kṛśākeśaścitrakeśo'gnikeśakaḥ |
dhūmrakeśastathā cānye śrīhareḥ śaraṇaṃ yayuḥ || 33 ||
[Analyze grammar]

te'pi mantrapradānena vaiṣṇavā hariṇā kṛtāḥ |
atha kālalayajanyā āsurā ye bhayaṃkarāḥ || 34 ||
[Analyze grammar]

triṃśallakṣāḥ saśastrāste naikarūpadharāḥ khagāḥ |
yuyudhurvaiṣṇavaiḥ sārdhaṃ pārṣadairdaśalakṣakaiḥ || 35 ||
[Analyze grammar]

puttalaiḥ kṛtrimairvyomni tūrṇasphoṭaiśca golakaiḥ |
śarāṇāṃ vṛṣṭibhirvidyutpāśaiḥ kāsāravṛṣṭibhiḥ || 36 ||
[Analyze grammar]

nāgapāśaiḥ śilābhiśca ghanairlohodbhavaistathā |
nijaghnurvaipṇavān krūrā mṛṣāmāyāmadoddhatāḥ || 37 ||
[Analyze grammar]

pārṣadā bhagavadvarma dhārayitvā tu taiḥ saha |
antarīkṣe vimānasthāstadā yuyudhire'strakaiḥ || 38 ||
[Analyze grammar]

kālakāleyajo jyeṣṭhaḥ putro raṇamadāṃkanaḥ |
gadāṃ dhṛtvā mūḍhamāraṃ mamāra vaiṣṇavān bahūn || 39 ||
[Analyze grammar]

mūrchitāstvāpatannurvyāmanye bhagnāśca dudruvuḥ |
kṛpṇanārāyaṇavarma rakṣārthaṃ jepurudvijaḥ || 40 ||
[Analyze grammar]

asya śrīkṛṣṇanārāyaṇavarmaṇaḥ satī ramā |
chando'nuṣṭup tathā kṛṣṇanārāyaṇastadiṣṭadaḥ || 41 ||
[Analyze grammar]

sarvajiṣṇuṃ parabrahma daityadānavanāśanam |
namāmi śrīhariṃ kṛṣṇaṃ lakṣmīśaṃ vallabhaṃ prabhum || 42 ||
[Analyze grammar]

bījaṃ gopālabālaśca bhaktapālo mahāprabhuḥ |
śaktiśca vaiṣṇavīdīkṣā mahābhāgavatī śubhā || 43 ||
[Analyze grammar]

kīlakaḥ śrīkambharāśrīnandano bhaktivardhanaḥ |
viniyukto jape smṛtvā rādhāpāravatīpatiḥ || 44 ||
[Analyze grammar]

dhyānaṃ sarvāvatārāṇāṃ sāmarthyānāṃ prabhāvatām |
prabhavasya saguṇasya mañjuhaṃsaharerhṛdi || 45 ||
[Analyze grammar]

nyāso me mastake cāstu mastakaṃ śrīhareriha |
netrayorbhagavannetre hareḥ karṇau ca karṇayoḥ || 46 ||
[Analyze grammar]

nāsāyāṃ kṛṣṇanāsā'stu mukhe nārāyaṇānanam |
kṛṣṇanārāyaṇakaṇṭho me kaṇṭhe'stvasurakṣakaḥ || 47 ||
[Analyze grammar]

hṛdaye me cakradharturhṛdayaṃ cā'stu śārṅgiṇaḥ |
pṛṣṭhe kuṃkumavāpīsthahareḥ pṛṣṭhaṃ sadā'stu me || 48 ||
[Analyze grammar]

aśvapaṭṭasaraḥsthasyodaraṃ mamodare'stu ca |
nābhyāṃ me bālakṛṣṇasya nābhirastu jagaddharā || 49 ||
[Analyze grammar]

jaghane me hareścā'stu jaghanaṃ balasaṃbhṛtam |
gupte kaṭyāṃ ca me stāṃ ca harerdhātuḥ kaṭīndriye || 50 ||
[Analyze grammar]

sakthnorme sakthinī ca stāṃ daityadānavanāśituḥ |
jānvorme ca harerjānū stāṃ śaktisevituḥ prabhoḥ || 51 ||
[Analyze grammar]

jaṃghayoḥ stāṃ paranārāyaṇajaṃghe jagacchraye |
pādayorme sarvadhātuḥ pādau stāṃ balirakṣakau || 52 ||
[Analyze grammar]

mayyanādikṛṣṇanārāyaṇo'stu mūrtimāniha |
brahmapriyāpatiścāstu maccharīrendriyādiṣu || 53 ||
[Analyze grammar]

ūrdhve māṃ rakṣatu svāmī paramākṣaradhāmagaḥ |
puro māṃ rakṣatu kṛṣṇanārāyaṇaḥ pareśvaraḥ || 54 ||
[Analyze grammar]

pārśvayoḥ rakṣatāṃ kṛṣṇo harirbhrātṛvarāvubhau |
pṛṣṭhe'dhastād rakṣatāṃ me naro nārāyaṇastathā || 55 ||
[Analyze grammar]

pṛthvyāṃ mā'vatu lakṣmīśo jale rakṣatu satpatiḥ |
tejasyavatu śrīkānto'ntarīkṣe tu prabhāpatiḥ || 56 ||
[Analyze grammar]

brahmapriyāpatirvyomni māṇikīśo'nile'vatu |
rādhāpatiraraṇye me rakṣāṃ karotu cakradhṛk || 57 ||
[Analyze grammar]

gadādharo harirmāṃ saṃrakṣatvasurakoṭitaḥ |
śaktidhṛg bālakṛṣṇo māṃ dikṣu vidikṣu rakṣatāt || 58 ||
[Analyze grammar]

golokādhipatiḥ kṛṣṇo'vatu vahnigaṇācca mām |
vaikuṇṭhādhipatirnārāyaṇo rakṣatu cāsurāt || 59 ||
[Analyze grammar]

astraśastravighātebhyo vīryavān māṃ prarakṣatāt |
ākasmikabhayānmāṃ thīhṛdayasthaḥ prarakṣatāt || 60 ||
[Analyze grammar]

kālamāyāpāpakarmaśatruyāmyakuhṛdbhayāt |
śūlamīnadhvajadhanuḥsvastikadhṛk prarakṣatāt || 61 ||
[Analyze grammar]

ityevaṃ kavacaṃ kṛṣṇanārāyaṇasya vaiṣṇavāḥ |
dhṛtavanto'tha divyāste māyāpāraśarīriṇaḥ || 62 ||
[Analyze grammar]

sarvakṛṣṇabalā jātāḥ sarvaśaktisamanvitāḥ |
anādiśrīkṛṣṇanārāyaṇasyaiva hi mūrtayaḥ || 63 ||
[Analyze grammar]

sudarśanairmahācakraiḥ prayukteḥ sarvatodiśi |
cicchiduḥ kālalayajān triṃśallakṣā'surān drutam || 64 ||
[Analyze grammar]

jīvataste mṛtāḥ sarvai raṇe peturmahājale |
kālaprāleyaputro'pi mṛto raṇamadāṃkanaḥ || 65 ||
[Analyze grammar]

tatsutānāṃ śataṃ naṣṭaṃ viṣṇucakreṇa cāmbare |
prācīnānāṃ nṛpo bodhavihaṃgamo'pi cāmbare || 66 ||
[Analyze grammar]

koṭipiśaṅgayoddhṛbhṛt pṛthvyāṃ yuddhaṃ cakāra ha |
āruṇairvaiṣṇavaiḥ raudrairgaṇaiḥ kalpalatodbhavaiḥ || 67 ||
[Analyze grammar]

koṭisaṃkhyaiḥ raṇe deśe śastrāstrairavitarkitaiḥ |
ambare salile pṛthvyāṃ parvate'raṇyabhūmiṣu || 68 ||
[Analyze grammar]

sarvato yuyudhustasya sainyānyanalaśastrakaiḥ |
vidyudgolairvahniyantraistūrṇasphoṭaiśca puttalaiḥ || 69 ||
[Analyze grammar]

aṇukṣveḍaiḥ kṣepaṇaiśca śaraiḥ suraṃgaśaktibhiḥ |
vidyu'ttārairvahnipāśairvyomajālairviṣānalaiḥ || 70 ||
[Analyze grammar]

śataghnībhiḥ sainyahābhiḥ śakaṭībhirvimānakaiḥ |
jalaghātaiḥ kṣitighātairghātayāmāsurulbaṇāḥ || 71 ||
[Analyze grammar]

āruṇādyā gaṇā varma dhārayāmāsuraiśvaram |
nijaghnurbodhasainyāni koṭiprasphoṭakāni vai || 72 ||
[Analyze grammar]

kalpavallyuttharamyā vai puttalā devasadṛśāḥ |
vahniyantraprapūrāścā'mbare jaghnurhi dānavān || 73 ||
[Analyze grammar]

ardhaṃ naṣṭaṃ mahāsainyaṃ puttalaiḥ puttalātmakam |
sacetanaṃ tataḥ sainyamaśītilakṣasaṃkhyakam || 74 ||
[Analyze grammar]

āsurāṇāṃ hi tannaṣṭaṃ daśalakṣāṇi dudruvuḥ |
daśalakṣāṇi śaraṇaṃ śrīharestatra cāyayuḥ || 75 ||
[Analyze grammar]

nāśaṃ prāptastathā rājā piṃgo bodhavihaṃgamaḥ |
tatputrāḥ śatasaṃkhyāśca vijñavihaṃgamādayaḥ || 76 ||
[Analyze grammar]

śaraṇaṃ śrīhareḥ prāptā rakṣitā vaiṣṇavāḥ kṛtāḥ |
daśalakṣabhaṭāścāpi vaiṣṇavā hariṇā kṛtāḥ || 77 ||
[Analyze grammar]

cipiṃgāstrilakṣasaṃkhyā yoddhāro vyomayānagāḥ |
piṃgalakena cā''diṣṭā yuyudhuste vināyakaiḥ || 78 ||
[Analyze grammar]

kalpavallījanaiḥ sarvaiḥ raudraistadā vane'mbare |
katpalatodbhavairvināśakaiste lakṣaśo bhaṭāḥ || 79 ||
[Analyze grammar]

hatāḥ sarve paraśubhirgolakaiḥ kṣepaṇairnagaiḥ |
sarpaiḥ pāśairvajradaṃśaistriśūlaiste jale'mbare || 80 ||
[Analyze grammar]

bhūmau caiva vimāneṣu yatra prāptā hatā hi te |
piṃgalako hataścāpi tatputraḥ piṃgaśekakaḥ || 81 ||
[Analyze grammar]

śaraṇaṃ śrīhareḥ prāpto hariṇā vaiṣṇavaḥ kṛtaḥ |
maṃgūjanapradeśānāṃ rājā samaramaṃgalaḥ || 82 ||
[Analyze grammar]

maṃcūraṇapradeśānāṃ hārakirīṭabhūpatiḥ |
lāśahānā pradeśānāṃ kṣaṇātmavadano nṛpaḥ || 83 ||
[Analyze grammar]

kāruvarmā tathā rājā karvarīdeśajo'pi ca |
ta ete nijasainyaiśca pañcāśallakṣasaṃkhyakaiḥ || 84 ||
[Analyze grammar]

sahitā yuyudhuḥ sarve brahmaṇā parameṣṭhinā |
brahmātvatharvamantraiśca janayāmāsa jāṭikān || 85 ||
[Analyze grammar]

devān daityapṛtanāsu prerayāmāsa satvaram |
vidyutpāśaiḥ sametāste vyomamārgeṇa vai kṣaṇāt || 86 ||
[Analyze grammar]

uḍḍayāñcakrire tūrṇaṃ pañcāśallakṣajāṭikāḥ |
vidyucchastraiśca tatpāśaistriṃśallakṣāṃstu dānavān || 87 ||
[Analyze grammar]

nāśayāñcakrire vidyudvajraiḥ śeṣāśca dudruvuḥ |
ātharvaṇotthaśalabhairmeghavaccāmaradravaiḥ || 88 ||
[Analyze grammar]

viṣāktairdaṃśitā daityāḥ śeṣā ye daśalakṣakāḥ |
mṛtāḥ sarve tataḥ śeṣā daśalakṣāṇi tadbhaṭāḥ || 89 ||
[Analyze grammar]

jīvanārthaṃ ca śaraṇaṃ śrīharestatra cāgatāḥ |
te sarve vaiṣṇavāstatra bālakṛṣṇena vai kṛtā || 90 ||
[Analyze grammar]

mṛto hārakirīṭaśca tathā samaramaṃgalaḥ |
hārakirīṭaputrāśca daśa sarve mahābalāḥ || 91 ||
[Analyze grammar]

jīvanāśā yayuḥ sarve śaraṇaṃ śrīharestadā |
prabhāsakirīṭaśreṣṭhā hariṇā vaiṣṇavāḥ kṛtāḥ || 92 ||
[Analyze grammar]

sahasraputrāḥ samaramaṃgalasyāpi vai hareḥ |
śaraṇaṃ tvāgatāḥ sarve hariṇā vaiṣṇavāḥ kṛtāḥ || 93 ||
[Analyze grammar]

kṣaṇātmavadano rājā yuyudhe śaṃbhunā punaḥ |
lakṣasainyasamāyukto nihataḥ śaṃkareṇa saḥ || 94 ||
[Analyze grammar]

kāruvarmā lakṣasainyayutaḥ punaśca śārṅgiṇā |
yuyudhe hariṇā so'pi sudarśanena ghātitaḥ || 95 ||
[Analyze grammar]

tayoḥ putrāḥ prapautrāśca tatsahāyapradāstathā |
samare nihatāḥ sarve sudarśanairhi viṣṇunā || 96 ||
[Analyze grammar]

ilādeśasya vai rājā maṇḍalākṣirmahābalaḥ |
tathā pādasaho rājā pannāmadeśarakṣakaḥ || 97 ||
[Analyze grammar]

prākcayanabhūpālo nāmnā prācīnaśāyanaḥ |
śatalakṣasainyayutā yuyudhuḥ śaṃbhunā saha || 98 ||
[Analyze grammar]

aṃgaśikṣāṃgadeśānāṃ śṛṃgaśekābhidho nṛpaḥ |
śatalakṣabhaṭaiḥ sārdhaṃ yuyudhe śaṃbhunā saha || 99 ||
[Analyze grammar]

hatāste dviśatalakṣairyoddhṛbhiḥ sahitā raṇe |
hareṇa svagaṇaiḥ sarve nāśitā māritā mṛdhe || 100 ||
[Analyze grammar]

eko'pi nā'vaśiṣṭo'bhūddharasaṃgrāmayāyinām |
evamete vinaṣṭāste catuṣkoṭiraṇaṃgamāḥ || 101 ||
[Analyze grammar]

śeṣā prajāstathā sainyabhaṭāstu vaiṣṇavāḥ kṛtāḥ |
anādiśrīkṛṣṇanārāyaṇena rādhike tadā || 102 ||
[Analyze grammar]

oṃ namaḥ śrīkṛṣṇanārāyaṇāya svāmine svāhā |
mantraṃ dadau haristebhyaḥ ṛṣayaścā''jñayā hareḥ || 103 ||
[Analyze grammar]

itiśrīlakṣmīnārāyaṇīyasaṃhitāyāṃ dvitīye tretāsantāne makaraketumadādipañcadaśabhūbhatāṃ sapādacatuṣkoṭisainyasahitānāṃ śaṃbhvādibhiḥ saha yuddhe maraṇācchiṣṭānāṃ pañcaviṃśatilakṣāṇāṃ śaraṇāgatirityādinirūpaṇanāmā navā'dhikaśatatamo'dhyāyaḥ || 109 ||
[Analyze grammar]