Chapter 108

śrīkṛṣṇa uvāca |
śṛṇu tvaṃ rādhike devairdhyāte smṛte narāyaṇe |
kuṃkumavāpikākṣetre bālakṛṣṇaḥ paraḥ pumān || 1 ||
[Analyze grammar]

prāha svānparamān bhaktānṛṣiṃ maṃkaṇakaṃ yatim |
maṃkirayaṃ maharṣiṃ ca kūrmiṇam ṛṣipūjitam || 2 ||
[Analyze grammar]

prācīnabarhaṃ trītaṃ ca prabhūtānarṣimuttamam |
ruśāyinaṃ ca khāsīnaṃ cāṃgaśyāmalakaṃ munim || 3 ||
[Analyze grammar]

ārakarṇaṃ brahmadāsyamanāmayarṣimityapi |
śyāmalarṣiṃ malayarṣiṃ caturdaśarṣimaṇḍalam || 4 ||
[Analyze grammar]

samāhūya hariḥ prāha cā'śvapaṭṭasaraḥsthitān |
śṛṇvantu ṛṣayaḥ saumyā mahābhāgavatā yataḥ || 5 ||
[Analyze grammar]

tāpasā vaiṣṇavāgryāśca mama dhyānaparāyaṇāḥ |
himālayāt pūrvadeśe dakṣiṇe ca pradeśake || 6 ||
[Analyze grammar]

patatkāye ca vartante vimāne pitṛkanyakāḥ |
pradharṣitāstu tā daityaistataḥ pitā tadā'ryamā || 7 ||
[Analyze grammar]

brahmaviṣṇumaheśāśca saṃkarṣaṇo mahān prabhuḥ |
ete daityāśca yuyudhurjaghnurdaityāsurāṃstataḥ || 8 ||
[Analyze grammar]

mṛtānujjīvayāmāsurāruṇān sūryapārṣadān |
vaiṣṇavān śāṃkarāṃścāpi vaiśvasṛjāṃśca koṭiśaḥ || 9 ||
[Analyze grammar]

tebhyo varapradānārthaṃ devairvacanamarpitam |
pārṣadairarthito mokṣaḥ paramo'kṣarataḥ paraḥ || 10 ||
[Analyze grammar]

surā dātumaśattarāstaṃ tataste cā'ruṇādayaḥ |
bodhitā devavargaiśca tādṛṅmokṣapradaṃ ca mām || 11 ||
[Analyze grammar]

tataste dhyānamagnāśca māmidānīṃ smaranti vai |
anādiśrīkṛṣṇanārāyaṇo'haṃ puruṣottamaḥ || 12 ||
[Analyze grammar]

bhavadbhyaśca maharṣibhyo gatebhyo mama dāsatām |
mahābhāgavatebhyo vaścājñāpayāmi sarvathā || 13 ||
[Analyze grammar]

yūyaṃ yāta kṣaṇāttatra patatkāyādritaḥ param |
varṣe kiṃpuruṣe gatvā prāgjyotiṣṣu tathā''darāt || 14 ||
[Analyze grammar]

prācīnā'dripradeśeṣu vicaratā'pi sarvataḥ |
oṃ namaḥ śrīkṛṣṇanārāyaṇāya svāmine svāhā || 15 ||
[Analyze grammar]

mantramimaṃ pradaddhvaṃ ca sarvebhyo vai surājñayā |
kanyārakṣakaśaṃbhvādyāḥ pratīkṣante ca māmapi || 16 ||
[Analyze grammar]

bhavadbhiḥ saḥ pradeśaśca kāryo bhāgavatātmakaḥ |
militvā cāruṇādyaiśca kāraṇīyā hyupāsanā || 17 ||
[Analyze grammar]

pravartanīyā me bhaktirdāsye teṣāmabhīṣṭakam |
vimānairyāta vai sarve mā ciraṃ procya ceti vai || 18 ||
[Analyze grammar]

dadau divyaṃ vimānaṃ ca bhagavān puruṣottamaḥ |
yayuste ṛṣayaścaturdaśa kṣaṇena cāmbarāt || 19 ||
[Analyze grammar]

patatkāye parvatordhve vimānaṃ tat sthiraṃ vyadhuḥ |
apaśyan vyomasaṃsthaṃ ca pitṛkanyāvimānakam || 20 ||
[Analyze grammar]

bhāsvaraṃ koṭisūryābhaṃ vimānaṃ vīkṣya kanyakāḥ |
brahmaviṣṇumaheśādyāstathā cāruṇapārṣadāḥ || 21 ||
[Analyze grammar]

jayaśabdān harṣanādān cakrurutsāhasaṃbhatāḥ |
ṛṣayo'pi tadā kṛṣṇanārāyaṇo jayatviti || 22 ||
[Analyze grammar]

ityevaṃ jayaśabdāṃśca pracakrurvyomasaṃstare |
jaya kṛṣṇa jaya nārāyaṇa śrīpuruṣottama || 23 ||
[Analyze grammar]

jayo'stvanādidevasya kṛṣṇanārāyaṇasya vai |
akṣarātītakṛṣṇasya parabrahmaṇa ā jayaḥ || 24 ||
[Analyze grammar]

evaṃ tu bhajanaṃ cakrustacchrutvā vyomamārgataḥ |
ṛṣīṇāṃ vai vimāne te daśayojanavistare || 25 ||
[Analyze grammar]

yayuḥ sarve tu te nemuḥ paramarṣīn tato muhuḥ |
kanyakābhiḥ pitṛjābhiḥ kumārikābhireva ca || 26 ||
[Analyze grammar]

prathamaṃ pādukāsammārjanaṃ tataśca pādayoḥ |
ṛṣīṇāṃ sevanaṃ pādaprakṣālanaṃ phalārpaṇam || 27 ||
[Analyze grammar]

jalārpaṇaṃ svāgatādi candanādyarghyamityapi |
svāsanādi pradattaṃ ca madhuparkādikaṃ kṛtam || 28 ||
[Analyze grammar]

tatasteṣu ca deśeṣu tatpaddhatyā nirantaram |
prāghūṇikānāṃ sanmānaṃ kumārībhirvidhīyate || 29 ||
[Analyze grammar]

kiṃpuruṣapradeśānāṃ maṃgalaṃ kāryameva ca |
kumārikābhiḥ sarvatra prathamaṃ sampravartyate || 30 ||
[Analyze grammar]

rādhike kanyakādyāste vidhāyarṣisamarcanam |
ninyuratān svaṃ vimānaṃ ca tataste ṛṣayo'malāḥ || 31 ||
[Analyze grammar]

parabrahmapratāpena parabhāvamupāgataḥ |
viṣṇoḥ śaṃbhorbrahmaṇaścāryamṇaḥ pūjāṃ pracakrire || 32 ||
[Analyze grammar]

anādiśrīkṛṣṇanārāyaṇaśiṣaḥ samūcire |
śrīmatāṃ smaraṇādatra preṣitāstena cocire || 33 ||
[Analyze grammar]

mantradānārthamevā'tra preṣitāśceti cocire |
kiṃpuruṣaḥ samantācca kartavyo vaiṣṇavaḥ khalu || 34 ||
[Analyze grammar]

ityājñā śrīkṛṣṇanārāyaṇasyā'stīti cocire |
tato'nādikṛṣṇanārāyaṇaḥ śrībhagavān svayam || 35 ||
[Analyze grammar]

āgamiṣyati sarvātmetyevaṃ tebhyaḥ samūcire |
śrutvā sarve jahṛṣuśca vimānadvayameva tu || 36 ||
[Analyze grammar]

candrāvatīnadītīre śobhane'raṇyasannidhau |
ṛṣīṇāmājñayā cāvatārayāmāsurutsukāḥ || 37 ||
[Analyze grammar]

mīnasthānaṃ vanaṃ ramyaṃ vilokya tatra te janāḥ |
havanaṃ cakrire daivam ṛṣayaste ca vaiṣṇavāḥ || 38 ||
[Analyze grammar]

tato'ryamṇaḥ sevakebhyaścāruṇebhyo maharṣayaḥ |
oṃnamaḥ śrīkṛṣṇanārāyaṇāya svāmine svāhā || 39 ||
[Analyze grammar]

itimantraṃ dadustatra srajaṃ ca taulasīṃ gale |
pitṛputrā vaiṣṇavāste tato'bhavan sahasraśaḥ || 40 ||
[Analyze grammar]

ayutā'yutasaṃkhyāste kṛṣṇanārāyaṇaṃ harim |
bhejire ca tatastatra ṛṣayaste tapodhanāḥ || 41 ||
[Analyze grammar]

viṣṇujebhyaḥ pārṣadebhyo dadurmantraṃ tameva ca |
rudrasya ca gaṇebhyaśca brahmaśiṣyebhya ityapi || 42 ||
[Analyze grammar]

koṭikoṭisahasrebhyo dadurmantraṃ tameva ca |
te sarve vaiṣṇavāstatra bhejire puruṣottamam || 43 ||
[Analyze grammar]

atharṣayastataḥ pitṛkanyābhyaścāpi taṃ manum |
oṃ namaḥ śrīkṛṣṇanārāyaṇāya pataye svāhā || 44 ||
[Analyze grammar]

pradaduśceti kanyāstā bhejire puruṣottamam |
athaivaṃ dīkṣaṇāt paścāt kāmavallīdrumodbhavam || 45 ||
[Analyze grammar]

ṛṣīṇāṃ dānato miṣṭaṃ siddhānnaṃ bhojanādikam |
dadurvai vaiṣṇavebhyaśca kanyābhyaścāpi te dvijāḥ || 46 ||
[Analyze grammar]

bhuktvā candrāvatīnadyāṃ sasnuste vaiṣṇavādayaḥ |
athā'tra mantrayāmāsuḥ ṛṣayo vaiṣṇavāstathā || 47 ||
[Analyze grammar]

brahmaviṣṇumaheśāścāryamā ca kanyakāstathā |
mīnakaṅgūnadītīre kartavyo vaiṣṇavo makhaḥ || 48 ||
[Analyze grammar]

tatra prāgjyotiṣāṃ sarvāḥ prajāḥ samantataḥ kila |
āhūtā āgamiṣyanti āsamudrāddhi sarvataḥ || 49 ||
[Analyze grammar]

kiṃpuruṣasya khaṇḍasyā''gamiṣyanti prajāstathā |
yajñe tābhyaḥ pradeyo vai mantrastu vaiṣṇavo yataḥ || 50 ||
[Analyze grammar]

ityevaṃ śrīharerājñā pūrṇā cātra bhaviṣyati |
brahmā prāha makhe tatra yuddhaṃ cāpi bhaviṣyati || 51 ||
[Analyze grammar]

tāmasyo vai prajāstvatra vartante pārvatā nṛpāḥ |
jalapānaphilīpānavāraṇīyapradeśajāḥ || 52 ||
[Analyze grammar]

vartante tāmasāścāti mānavā rākṣasopamāḥ |
eteṣvapi pradeśeṣu taistu yuddhaṃ bhaviṣyati || 53 ||
[Analyze grammar]

tataḥ syād vaiṣṇavī bhūmiḥ pāvanī tīrtharūpiṇī |
astvevam ṛṣayaḥ prāhurviṣṇuḥ prāha tathā'stviti || 54 ||
[Analyze grammar]

rudraḥ prāha tathā'stvevaṃ cāryamā prāha omiti |
mīnakaṅgūnadīmūle melakāṃgābhuvastale || 55 ||
[Analyze grammar]

makhaḥ prajāyatāṃ sarvadeśānāṃ madhyabhūtale |
itiniścitya te sarve prayayurvai himālayāt || 56 ||
[Analyze grammar]

prāguttare pradeśe vai īśānadigbhave śubhe |
piṃgadeśe kiṃpuruṣe yajñārthaṃ viṣṇusaṃhitāḥ || 57 ||
[Analyze grammar]

menakāṃgāvane tatra mīnakaṅgūnadītaṭe |
piṃgāraṇye pracakruste yajñārthaṃ bhūmiśodhanam || 58 ||
[Analyze grammar]

aṃgasvāṃgāpaścime ca śālāvatyāstu pūrvataḥ |
pañcāśadyojanamāne vartule'raṇyaśobhite || 59 ||
[Analyze grammar]

mīnakaṃgvāḥ paścime ca yajñamaṇḍapamācaran |
mīnakaṃgvāḥ pūrvataścā'vasathān cakruruttamān || 60 ||
[Analyze grammar]

mīnakaṃgūbhayatīre ṛṣyāśramān vyadhustadā |
devāśramān pitṛvāsān siddhāśramān vyadhustathā || 61 ||
[Analyze grammar]

īśvarāṇāmāśramāṃśca śālāvatīnadītaṭe |
cakrurbrahmamaheśādyāḥ pūrvabhāge'tiśobhane || 62 ||
[Analyze grammar]

muktānāṃ vaiṣṇavānāṃ cāśramān ramyānmanoharān |
śālāvatyāḥ paścime ca pracakrurvyomagāminām || 63 ||
[Analyze grammar]

ityevaṃ triṇadaṃ deśaṃ piṃgāraṇyaṃ mahāyatam |
yajñārthaṃ kalpayitvaiva dūtaiḥ sarvān samāhvayan || 64 ||
[Analyze grammar]

muktāṃstatheśvarān sarvānavatārāṃstitheśvarīḥ |
brahmapriyāstathā pitṝnṛṣīndevān digīśvarān || 65 ||
[Analyze grammar]

mānavān devajātīśca pātālasthān satīḥ sataḥ |
gāndharvān kiṃpuruṣāṃśca vidyādhrānapsarogaṇān || 66 ||
[Analyze grammar]

devīśca yoginīścāpi kailāsīyān samagrataḥ |
vaikuṇṭhīyān samastāṃśca satyīyāṃśca samastataḥ || 67 ||
[Analyze grammar]

pitṛgaṇān samastāṃśca sureśvarān surāṃstathā |
dikpālān pṛthivīpālān prajāpālān samagrataḥ || 68 ||
[Analyze grammar]

paśūn pakṣigaṇāṃścāpi kāśyapīrbahulāḥ prajāḥ |
vallīrvṛkṣān tṛṇastambān kandauṣadhikadambakān || 69 ||
[Analyze grammar]

nadān nadīstaṭākāṃśca sarāṃsi sāgarāṃstathā |
parvatān khātabhāgāṃścā'khātānaraṇyabhūmikāḥ || 70 ||
[Analyze grammar]

vanānyupavanādīni vāpīśca dīrghikāḥ prahīn |
tīrthāni sāgārāṃścāpi narānnārīḥ samantataḥ || 71 ||
[Analyze grammar]

gaṇeśān kārtikeyāṃśca hanūmataśca pārṣadān |
hetīn sarvān samūrtāṃśca sudarśanādikā''yu्dhān || 72 ||
[Analyze grammar]

mantrān vedān sarvavidyāḥ kalāḥ sarvā rasāṃstathā |
tattvāni cāpi sarvāṇi caityāni vividhānyapi || 73 ||
[Analyze grammar]

ṛtūn māsān vatsarādīn yugāndināni ca kṣaṇān |
māyāṃ guṇān prakarmāṇi yāmyān pretāṃśca dānavān || 74 ||
[Analyze grammar]

daityānāsurabhāvāṃśca rākṣasān brahmavaṃśajān |
sarvān makhe maheśādyā āhvayāñcakrire tadā || 75 ||
[Analyze grammar]

ājagmuste mahīmānāḥ sarvalokebhya utsukāḥ |
devatrayā'nugāsteṣāmātithyaṃ cakrurutsave || 76 ||
[Analyze grammar]

brahmasthāne svayaṃ brahmā rudrasthāne haraḥ svayam |
viṣṇusthāne svayaṃ viṣṇuḥ pitṛsthāne'ryamā svayam || 77 ||
[Analyze grammar]

mātṛkāścāsane tāsāṃ grahāṇāṃcāsane grahāḥ |
dikpālānāmṛṣīṇāṃ ca sthāneṣu cetanāstu te || 78 ||
[Analyze grammar]

niṣeduścānyadevānāṃ sthāneṣu devayoṣitām |
samūrtāste niṣeduśca devā devyo yathocitam || 79 ||
[Analyze grammar]

mukhyadevaḥ svayaṃ tatrā'nādikṛṣṇanarāyaṇaḥ |
saṃsmṛtastaistadā sākṣānmātāpitṛsamanvitaḥ || 80 ||
[Analyze grammar]

lomaśādisametaśca brahmapriyāsamanvitaḥ |
vimānenā''yayau śīghraṃ bhagavān puruṣottamaḥ || 81 ||
[Analyze grammar]

kalpavallīkalpavṛkṣakalpadhenvādisaṃyutaḥ |
yājñikāḥ svāgataṃ cakrurbahumānapuraḥsaram || 82 ||
[Analyze grammar]

samājo harṣamāpannaḥ parameśvaradarśanāt |
vāsaṃ kṛtvā''plavanaṃ ca yajñabhuvaṃ hariryayau || 83 ||
[Analyze grammar]

kalpavallyādibhistatra ghṛtakulyāstadā''yatāḥ |
dadhikulyā madhukulyā dugdhakulyāstathāvidhāḥ || 84 ||
[Analyze grammar]

rasakulyā rasaśālābhṛtā miṣṭānnakāmṛtaiḥ |
havyasāmagryasaṃkhyāśca bhakṣyasāmagryanantatā || 85 ||
[Analyze grammar]

vinirmitāstadā tatra parameśapratāpataḥ |
anādiśrīkṛṣṇanārāyaṇaśrīpuruṣottamaḥ || 86 ||
[Analyze grammar]

pradhānadevasadane svarṇāsane vyarājata |
yajamānaḥ svapatnīśrīkambharāsahitaḥ pitā || 87 ||
[Analyze grammar]

śrīmadgopālakṛṣṇo vai naijāsane vyarājata |
pārṣado bhagavanhemantakau devaprakāśakaḥ || 88 ||
[Analyze grammar]

svayaṃprakāśo bhagavān vyarājanta sumaṇḍape |
varaṇaṃ dehaśuddhiśca puṇyāhavācanādikam || 89 ||
[Analyze grammar]

aṃgadevasthāpanādi kṛtvā śrīlomaśo muniḥ |
vahniṃ kuṇḍe samantraṃ ca prātiṣṭhipat tataḥ param || 90 ||
[Analyze grammar]

havanaṃ vedamantraiśca prāvartata sukhocitam |
gaṇeśabhūtayakṣādyāḥ surādyāśca nijādanam || 91 ||
[Analyze grammar]

svasvabhāgān vahnimukhājjagṛhurhariṇā'rpitāḥ |
pitṛdevā atṛpyanta ceśvarā muktakoṭayaḥ || 92 ||
[Analyze grammar]

āmantritāśca paritaḥ prāgjyotiṣāṃ ca mānavāḥ |
jīvasumātṛkajanā malayasya janāstathā || 93 ||
[Analyze grammar]

irāvatītaṭasthāśca mīnakaṅgūtaṭasthitāḥ |
śālāvatītaṭasthāśca śikṣāṃgātaṭasaṃsthitāḥ || 94 ||
[Analyze grammar]

aṃgaśikṣāṃgatīrasthā harāṃgātaṭavāsinaḥ |
tārimātaṭavāsaśca mahatītaṭavāsinaḥ || 95 ||
[Analyze grammar]

āmūrataṭavāsāśca saritpradeśavāsinaḥ |
tanmadhyadeśavāsāścā''hūtā yajñe tu mānavāḥ || 96 ||
[Analyze grammar]

deśakalyāṇaheturvai mantro'yaṃ vaiṣṇavottamaḥ |
anādiśrīkṛṣṇanārāyaṇaśrīpatidaivataḥ || 97 ||
[Analyze grammar]

sampadyate'tra gantavyaṃ sarvaiḥ kalyāṇahetave |
ityāmantraṇamāśrutya sāttvikā mānavāstathā || 98 ||
[Analyze grammar]

rājasāścāpi viprādyāḥ kṣatriyā vaiśyajīvinaḥ |
vaiśyottamāstathā śūdrā nāryo narā yayurmakham || 99 ||
[Analyze grammar]

vimānairvyomayānaiśca garuḍaiśca jaṭāyukaiḥ |
ātmānaṃ kṛtakṛtyaṃ te menire vīkṣya vai kratum || 100 ||
[Analyze grammar]

prāpya prāsādikaṃ cā'pyavāpya kṛṣṇamanuṃ tathā |
om anādikṛṣṇanārāyaṇāya svāmine svāhā || 101 ||
[Analyze grammar]

japaṃ mantraṃ tataḥ kṛtvā sākṣācchrīpuruṣottamam |
dṛṣṭvā bhuktvā'mṛtaṃ pītvā divyabhāvaṃ yayuśca te || 102 ||
[Analyze grammar]

kaṇṭhīṃ ca taulasīṃ dhṛtvā'bhavan paramavaiṣṇavāḥ |
koṭiśo mānavā bhaktā mumukṣavo haripriyāḥ || 103 ||
[Analyze grammar]

avabhṛthaṃ tataścakruḥ parihāraṃ makhasya ca |
tāvattāmasabhāvā ye yajñadveṣiṇa eva ye || 104 ||
[Analyze grammar]

surārayo lakṣaśaste saśastrā yajñaghātinaḥ |
satkāryanāśakāḥ krūrā jalapānīyajātayaḥ || 105 ||
[Analyze grammar]

philīpānīyavāsānāṃ sambandhino'tighātakāḥ |
vāraṇīyaprajānāṃ ca jātīyā ādamāninaḥ || 106 ||
[Analyze grammar]

parasparaṃ tu militāḥ kālaprāleyajātikāḥ |
anye tatsuhṛdaścāpi tatsahāyā guṇairapi || 107 ||
[Analyze grammar]

rājāno bodhapāṭhīyāścaityapāṭhakajātikāḥ |
cāṃkaśekāḥ siṃgaliṅgā hāṃgacāudakāstathā || 108 ||
[Analyze grammar]

tūnakīnā hanoyāśca rāyagā baṃgakākinaḥ |
lāśahā māṃgajātīyā mañcarāyāstathā'pare || 109 ||
[Analyze grammar]

ete ca kṣatriyāḥ sarve tāmasā rākṣasā iva |
lakṣāyutāni sainyāni gṛhītvā cāyayustadā || 110 ||
[Analyze grammar]

raṇatūryāṇyavādyanta prājāyanta ca garjanāḥ |
śūrāṇāṃ raṇaśastrāṇi prā'sphurannambare tadā || 111 ||
[Analyze grammar]

ityeva rādhike tatra makhānte yuddhasaṃbhavaḥ |
samabhavaddhi daityānāṃ brahmāṇḍasarjakaiḥ saha || 112 ||
[Analyze grammar]

iti śrīlakṣmīnārāyaṇīyasaṃhitāyāṃ dvitīye tretāsantāne kuṃkumavāpītaḥ ṛṣīṇāṃ preṣaṇāṃ tataḥ pitrādibhyāṃ ca saha hareḥ prāgjyotiṣādideśeṣu vimānena gamanaṃ yajñānte yuddhasaṃbhavaścetyādinirūpaṇanāmā'ṣṭādhikaśatatamo'dhyāyaḥ || 108 ||
[Analyze grammar]