Chapter 107

śrīkṛṣṇa uvāca |
śṛṇu tvaṃ rādhike cānyaṃ camatkāraṃ harestataḥ |
bhaktasāhāyyakṛtkṛṣṇanārāyaṇo'bhavad yathā || 1 ||
[Analyze grammar]

ekadā bhūtalaṃ draṣṭuṃ pitṝṇāṃ janavāsinām |
mānasyaḥ kanyakā bahvyo vimānena samāgatāḥ || 2 ||
[Analyze grammar]

brahmaputrī lavahītā candrāvatī irāvatī |
śālāvatī mīnakaṅgū lāṭiśā kāniśā tathā || 3 ||
[Analyze grammar]

māpīṃgā cāpi śīkyāṃgā aṃgasvāṃgā harāṃgahā |
mauktikā tārimā cāpi pannāmā tvāṃgahā tathā || 4 ||
[Analyze grammar]

mīnāmī tānasarimā sīnā gāndharvavedikā |
nṛtyagāyanakuśalārāgarāgiṇyabhijñikāḥ || 5 ||
[Analyze grammar]

surūpā yauvanabharāścandrāsyāḥ sūryabhāsurāḥ |
vahniśuddhāṃśukavastrā divyabhūṣāḥ prabhānvitāḥ || 6 ||
[Analyze grammar]

viṃśatisaṃkhyakāḥ kanyāstāsāṃ dāsyaḥ sahasraśaḥ |
kāmarūpadhārāḥ siddhaiśvaryasāmarthyarājitāḥ || 7 ||
[Analyze grammar]

astraśastradhārikāśca devyo'pradhṛṣyasadbalāḥ |
nijalokāttu divyena vimānena śubhāṃganāḥ || 8 ||
[Analyze grammar]

yayuḥ satyaṃ namaskṛtya viṣṇuṃ śaṃbhumajaṃ tathā |
brahmasabhāsthitān devān natvā kṛtasumaṃgalāḥ || 9 ||
[Analyze grammar]

meroḥ śikharāt prathamaṃ merudroṇīmupāyayuḥ |
meruṃ pradakṣiṇāṃ kṛtvā dṛṣṭvā devālayān bahūn || 10 ||
[Analyze grammar]

brahmalokālayasamān saudhodyānamahālayān |
svargātisvargaśobhāḍhyān dikpālānāṃ tathālayān || 11 ||
[Analyze grammar]

prāsādān grahanakṣatratārakāṇāṃ mahojjvalān |
yogināṃ ca ṛṣīṇāṃ ca gāndharvāṇāṃ tathā''layān || 12 ||
[Analyze grammar]

daityadānavasaudhāni kinnarāṇāṃ gṛhāṇi ca |
sthānāni kiṃpuruṣāṇāṃ tāpasānāṃ tathā''śramān || 13 ||
[Analyze grammar]

vilokyailāvṛtaṃ paścāt viyuktāṃ jāmbavīṃ bhuvam |
pṛthvyāṃ samāyayurvyomnā tāḥ kiṃpuruṣakhaṇḍakam || 14 ||
[Analyze grammar]

āpatāyīparvataṃ ca gopīraṇaṃ tathā'kṣigam |
parvataṃ kunalīnādriṃ kārukoraṃ triyānaśam || 15 ||
[Analyze grammar]

cipiṃgaṃ prācīnabhāga dṛṣṭvā pītasamudrakam |
aṃgaśikṣāṃgasaritaṃ śikṣāṃgikāṃ nadīṃ tathā || 16 ||
[Analyze grammar]

jalapānapradeśāṃśca phullipānapradeśakān |
vāraṇīyadvīpagaṇān dṛṣṭvā sumātṛkāṃ yayuḥ || 17 ||
[Analyze grammar]

tataḥ parāvṛttya yayurmīnakaṅgūnadīṃ prati |
irāvatīṃ candravīnāṃ patatkāyādrimāyayuḥ || 18 ||
[Analyze grammar]

tāvat kanyāvimānaṃ ca vīkṣya sāmudrarākṣasāḥ |
jalapānapradeśasthā vyomayānavihāriṇaḥ || 19 ||
[Analyze grammar]

piśaṃgavarṇā dīrghāśca parvataśṛṃgasadṛśāḥ |
saśastrā stvāyayurhartuṃ kanyāratnāni cāmbare || 20 ||
[Analyze grammar]

evaṃ phullipānadeśaprajātā dānavā api |
vyomamārgeṇa yānena kanyā hartuṃ samāyayuḥ || 21 ||
[Analyze grammar]

māyāvino vikarālā yatheṣṭarūpadhāriṇaḥ |
astraśastradharā vyomni vihārāścābdhivartinaḥ || 22 ||
[Analyze grammar]

parvataprāyadehāśca vidyucchastrā bhayaṃkarāḥ |
nirdayāḥ piṅgavarṇāśca rūkṣadehāḥ pradāhakāḥ || 23 ||
[Analyze grammar]

evamanye vāraṇīyadvīpadaityā bhayaṃkarāḥ |
nirghṛṇā mānuṣādāśca vahnipāṣāṇaśastriṇaḥ || 24 ||
[Analyze grammar]

vrajakṣepaṇabāṇādyairyuktā vyomavihāriṇaḥ |
kanyakānāṃ vimānaṃ tad ramyaṃ krośāyataṃ śubham || 25 ||
[Analyze grammar]

sūryaprabhaṃ vilokyaite hartuṃ kanyāḥ samāyayuḥ |
ādamanadvīpataśca kṛṣṇānāgāśca kaṣmalāḥ || 26 ||
[Analyze grammar]

āyayustaṃ pravijñāya kanyāgaṇaṃ surūpiṇām |
evaṃ te rākṣasāḥ pañcaśatāni ca sahasraśaḥ || 27 ||
[Analyze grammar]

daityāśca dānavāḥ kṛṣṇanāgāścāpi sahasraśaḥ |
sarve te pañcasāhasrāḥ paritaścāyayustadā || 28 ||
[Analyze grammar]

patatkāye mahāśaile vimānaṃ rurudhuśca te |
sarvāḥ śaraṇamāyāntvanyathā naṅkṣyatha vai drutam || 29 ||
[Analyze grammar]

ityuktvā cāsurāḥ sarve vimānaṃ pravivikṣavaḥ |
praviṣṭuṃ tvaramāṇāśca dudruvuḥ parito yadā || 30 ||
[Analyze grammar]

vimāna puṇyatattvasya pāpināṃ sparśavarjitam |
rakṣodānavadaityānāmapradhṛṣyaṃ tadā'mbare || 31 ||
[Analyze grammar]

nirodhaṃ nā''pa ca yadā tadā te cāsurāḥ punaḥ |
māyāṃ vai nijapāpānāṃ kṛtvā dhṛtvā ca tatkṣaṇam || 32 ||
[Analyze grammar]

pāpatattvasya rūpāṇi pāpātattvāyudhāni ca |
pāpāstrāṇi ca pāpānāṃ śastrāṇi pāpapāśakān || 33 ||
[Analyze grammar]

pāpamantritanārācān dhanuḥkhaḍgādikāṃstathā |
vahnipāṣāṇabāṇāṃśca gadātomaramudgalān || 34 ||
[Analyze grammar]

golakān vahnicūrṇāḍhyān visphoṭakāṃstathāvidhān |
vimānaṃ cā'varurudhustāsāṃ jivṛkṣavo hi te || 35 ||
[Analyze grammar]

pāpatattvena meghena gatiṃ rurudhureva te |
dvārāṇyuparurudhuśca viviśuśca vimānakam || 36 ||
[Analyze grammar]

hāhākāro mahānāsīdvimāne kanyakāgaṇe |
na kaścid vidyate trātā vimāne sannidhāvapi || 37 ||
[Analyze grammar]

bhūtale cā'mbare vā'pi parvate vāridhāvapi |
kanyakā duḥkhamāpeduraryamāṇaṃ ca sasmaruḥ || 38 ||
[Analyze grammar]

pitaraṃ rakṣakaṃ naijaṃ janakaṃ duḥkhavārakam |
tāvacchīghraṃ samāyātastvaryamā svagaṇaiḥ saha || 39 ||
[Analyze grammar]

smṛtamātro vimāne'sāvadṛśyata śataprabhaḥ |
sahasraśaravarṣābhirvārayāmāsa rākṣasān || 40 ||
[Analyze grammar]

rākṣasā dānavā daityāḥ kṛṣṇanāgāśca vai tadā |
parito bāṇavarṣābhirardayāmāsurāryakam || 41 ||
[Analyze grammar]

aryamā vahnimutpādya preṣayāmāsa sarvataḥ |
rākṣasādīn pradagdhuṃ sa dadāha sarvato diśaḥ || 42 ||
[Analyze grammar]

jalapānīyarakṣāṃsi jalānyutpādya māyayā |
śāntayāmāsuranalaṃ tato'yamaryamā pitā || 43 ||
[Analyze grammar]

aruṇānayutān sṛṣṭvā preṣayāmāsa sarvataḥ |
tīkṣṇajvālā'ṇuśastrāste dāhayāmāsurīśvarāḥ || 44 ||
[Analyze grammar]

rākṣasān dānavān daityān kṛṣṇanāgāṃśca sarvaśaḥ |
tadā'surā mṛṣārūpadharāḥ svamāyayā'bhavan || 45 ||
[Analyze grammar]

mūlarūpāṇi cācchādya yuyudhuścāruṇaiḥ samam |
āruṇā aryamadūtāstīkṣṇoṣṇaraśmihetibhiḥ || 46 ||
[Analyze grammar]

anviṣyā'nviṣya daityādīn dāhayāmāsurāsurān |
dagdhāstu bahavastatra navotpannāśca bhasmataḥ || 47 ||
[Analyze grammar]

ayutā'yutalakṣāṇi rākṣasā abhavaṃstadā |
yuddhaṃ taccāmbare sarvaṃ sarvasvadhvaṃsakārakam || 48 ||
[Analyze grammar]

āruṇānāṃ rakṣasāṃ cā'bhavattarkaparaṃ mahat |
aryamṇā sūryamantraiścotpādyante'ruṇakoṭayaḥ || 45 ||
[Analyze grammar]

rakṣobhiḥ rākṣasairmantrairutpādyante ca rākṣasāḥ |
nāntastvāyāti sainyānāṃ vardhante sainyakoṭayaḥ || 50 ||
[Analyze grammar]

āyudhānyapi vardhante vardhante śastrarāśayaḥ |
vibhidyante vichidyante mriyante ca patanti ca || 51 ||
[Analyze grammar]

raktaṃ raktamayaṃ jātaṃ cāmbaraṃ bhūtalaṃ tathā |
kāyavyūhāḥ patantyatra lakṣaśo vai samantataḥ || 52 ||
[Analyze grammar]

āruṇānāṃ rākṣasānāmadriśṛṃgasamā hatāḥ |
dehāḥ kāyāḥ patantaśca sañcayā ucchrayāstathā || 53 ||
[Analyze grammar]

meghānullaṃghya gagane sañjātāḥ parvatā yathā |
śatayojanavistāre bhūtale parvatocchrayāḥ || 54 ||
[Analyze grammar]

nagnānāṃ vai śavānāṃ te parvatā vai tadā'bhavan |
patatkāyāḥ parvatāste nagnaśailā hi te'bhavan || 55 ||
[Analyze grammar]

piṃgoccayāḥ samabhavan ye naṣṭā yuddhakovidāḥ |
āsaptāhaṃ mahāyuddhaṃ divāniśaṃ tvavartata |
na virāmo'bhavattatra tadā'ryamā svayaṃ raviḥ || 56 ||
[Analyze grammar]

pitṛkakṣaḥ prasasmāra viṣṇuṃ śivamajaṃ trayam |
rakṣārthaṃ devadeveśān pitṛrūpān pitāmahān || 57 ||
[Analyze grammar]

rakṣārthaṃ devadeveśāḥ samāyāntu drutaṃ kṣaṇāt |
rakṣantu kanyakāḥ sarvā nāśayantvasurāniti || 58 ||
[Analyze grammar]

tāvattatra samāyātā brahmaviṣṇumaheśvarāḥ |
vimānatrayamārūḍhā divyasainyasamanvitāḥ || 59 ||
[Analyze grammar]

etasminneva kāle tu daityadānavarākṣasāḥ |
sasmaruśca mahādaityaṃ mahāmāyāviśāradam || 60 ||
[Analyze grammar]

kālaprāleyanāmānaṃ koṭisainyasamanvitam |
mahākālasamaṃ mahāmāyotthaṃ merusadṛśam || 61 ||
[Analyze grammar]

sahasramastakaṃ pratyānane śatā'jacarvaṇam |
drāgeva sa samāyātaḥ kampayan bhuvanāni vai || 62 ||
[Analyze grammar]

yasyāṭṭahāsyamātreṇa nipeturgrahasañcayāḥ |
cukṣubhuḥ sāgarāḥ sarve medinī cā'pyakampata || 63 ||
[Analyze grammar]

śikharāṇi nipetuśca bhūtāni tatyajurdhruvam |
mahāvajranipātena samā jātāśca garjanāḥ || 64 ||
[Analyze grammar]

mandarasya śikharaṃ vai hastenaikena saṃdhṛtam |
kālaprāleyakenā'nyakareṇa ketavo dhṛtāḥ || 65 ||
[Analyze grammar]

etādṛśo mahākāyo'suro yasyā''nanaṃ tadā |
vyāttaṃ samabhavad vikāsitaṃ tu daśayojanam || 66 ||
[Analyze grammar]

evaṃ sahasravadano dṛṣṭvā'javiṣṇuśaṃkarān |
sakthisphoṭairājuhāvā'mbare koṭisurānvitān || 67 ||
[Analyze grammar]

atha devāstu taṃ vīkṣya vairājapratirūpakam |
saṃkarṣaṇaṃ mahākāyaṃ sasmaruḥ kālanāśakam || 68 ||
[Analyze grammar]

tūrṇaṃ saṃkarṣaṇo devastatrāmbare samāyayau |
tuṣṭuvuste trayo devā rakṣārthaṃ sagadaṃ prabhum || 69 ||
[Analyze grammar]

saṃkarṣaṇo gadāṃ tasya mūrdhni balānnyapātayat |
kālaprāleyakaḥ śīghraṃ vañcayitvā tu tāṃ gadām || 70 ||
[Analyze grammar]

saṃkarṣaṇaṃ sa gadayā tatāḍa mastakopari |
saṃkarṣaṇaḥ svagadayā cūrṇayāmāsa tadgadām || 71 ||
[Analyze grammar]

kālaprāleyakaṃ mūrdhni tatāḍa vegatastataḥ |
gadā bhagnā'bhavad daṇḍād daityamūrdhā babhaṃja na || 72 ||
[Analyze grammar]

daityastriśūlamādāya hantuṃ dudrāva tatkṣaṇam |
saṃkarṣaṇaḥ svaśūlenā'bhinad vakṣasi kālakam || 73 ||
[Analyze grammar]

nipapāta tadā pūrvasamudre parvatocchrayaḥ |
śaktyā hatastataḥ kaṇṭhe vajreṇa ca tathodare || 74 ||
[Analyze grammar]

marditaḥ parvataiścāpi kūrcitaḥ pattalaistathā |
vyasuryathā tathā jātaḥ kṣaṇānmūrchāmavāpya saḥ || 78 ||
[Analyze grammar]

utthāya jīvarakṣārtha cakāra sa palāyanam |
meruṃ pradakṣiṇaṃ kṛtvā dudrāva ca bahiryadā || 76 ||
[Analyze grammar]

saṃkarṣaṇastu taṃ lokā'lokācalā'vadhiṃ yayau |
pṛṣṭhadeśe yayau yenā'suraḥ sa kālakālayaḥ || 77 ||
[Analyze grammar]

lokālokaṃ vihāyaivā'lokaṃ vyoma yayau bahiḥ |
sakarṣaṇabhayāt so'pyanantā'saṃkhyāmbare yayau || 78 ||
[Analyze grammar]

saṃkarṣaṇo'pi devastu śaṃbhvādīn sūkṣmarūpataḥ |
nirbhayaṃ saṃpradatvaiva yayāvīśvaradhāma ca || 79 ||
[Analyze grammar]

atha daityairdānavaiśca yuyudhuḥ śaṃkarādayaḥ |
nijaghnuḥ sarvato daityān kālaprāleyapakṣakān || 80 ||
[Analyze grammar]

triśūlaiścakrakairvidyutpāśaiḥ pāśaiśca tomaraiḥ |
khaḍgaiḥ prakṣepaṇaiḥ śailairasibhiḥ śaktibhistathā || 81 ||
[Analyze grammar]

vāyvastraiḥ parvatāstraiśca meghāstrairanalāstrakaiḥ |
nāgāstrairgaruḍāstraiśca siṃhāstraiḥ śarabhāstrakaiḥ || 82 ||
[Analyze grammar]

vārāhāstraiḥ kṛkalāstraiḥ karkastrairvṛścikāstrakaiḥ |
yamāstrai rākṣasāstraiśca makarāstrairjalāstrakaiḥ || 83 ||
[Analyze grammar]

vyāghrāstraidīpakāstraiśconmādāstrairmūrcchanāstrakaiḥ |
kṣudhāstraiśca tṛṣāstraiśconmattāstrairjaghnurāmithaḥ || 84 ||
[Analyze grammar]

brahmādīnāṃ ca sainyāni daityadānavarākṣasān |
ardayāmāsuratyarthaṃ nāśayāmāsurantataḥ || 85 ||
[Analyze grammar]

koṭisaṃkhyā āsurāste hatā yuddhe samantataḥ |
kṛtrimāścā'kṛtrimāśca māyikāścāpyamāyikāḥ || 86 ||
[Analyze grammar]

āruṇānāṃ ca sainyāni brāhmānāṃ pṛtanāstathā |
śāṃkarāṇāṃ gaṇāścāpi vaiṣṇavānāṃ ca pārṣadāḥ || 87 ||
[Analyze grammar]

hatā yuddhe koṭiśaśca tān sarvāṃste'surāstrayaḥ |
jīvayāmāsurāmnāyamantraiḥ saṃkalpasiddhibhiḥ || 88 ||
[Analyze grammar]

brahmādyāścāhuretebhyo varadānārthamiṣṭadāḥ |
vavruste paramaṃ mokṣaṃ ye sarve jīvitāśca te || 89 ||
[Analyze grammar]

brahmādyāstu tadā prāhurvṛṇutā'nyaddhi mokṣaṇāt |
jīvitāścāruṇādyāste mokṣānyaṃ naiva vavrire || 90 ||
[Analyze grammar]

viṣṇuḥ prāha tatastāṃśca mokṣāḥ santi hyanekaśaḥ |
naranārāyaṇalokaṃ badrikāśramamityuta || 91 ||
[Analyze grammar]

payonidhiṃ vā yuṣmabhyaḥ śvetadvīpaṃ dadāmi vā |
te prāhurnaiva taddhāma śāśvataṃ na tato vayam || 92 ||
[Analyze grammar]

samicchāmaḥ kintu cecchāmaḥ śreṣṭhaṃ śāśvataṃ param |
viṣṇuḥ prāha tu vaikuṇṭhaṃ jalasyāvaraṇopari || 93 ||
[Analyze grammar]

vartate tad dadāmyeva vairājaṃ dhāma vottamam |
te prāhurnahi vaikuṇṭhaṃ vairājaṃ vā'pi śāśvatam || 94 ||
[Analyze grammar]

tasmādicchāma evānyaddhāma mokṣābhidhaṃ param |
viṣṇuḥ prāhā'mṛtaṃ dhāma bhūmno dadāmi caiva vaḥ || 95 ||
[Analyze grammar]

yadvā'vyākṛtasaṃjñaṃ ca vaikuṇṭhaṃ vā dadāmi vaḥ |
te prāhurnaiva cecchāmastaddhāma kintu tatparam || 96 ||
[Analyze grammar]

viṣṇuḥ prāha dadāmyeva golokaṃ parama padam |
te prāhurnaiva vāñcchāmo vāñcchāmastu tataḥ param || 97 ||
[Analyze grammar]

śāśvataṃ cā'kṣarabrahmapadaṃ vedāntabodhitam |
sarvadhāmnāṃ paraṃ dhāmopaniṣadvarṇitaṃ śubham || 98 ||
[Analyze grammar]

yatsamaṃ yatparaṃ nāsti taddhāma paramaṃ hareḥ |
icchāmo dehi taddhāma parabrahmasamāśritam || 99 ||
[Analyze grammar]

viṣṇuḥ prāha na me śaktirvidyate'rpayituṃ tu tat |
anādiśrīkṛṣṇanārāyaṇaḥ śrīpuruṣottamaḥ || 100 ||
[Analyze grammar]

paramātmā parabrahma sarvāvatāradhārakaḥ |
dātuṃ śakto'sti taddhāma sa vai dāsyati tatpadam || 101 ||
[Analyze grammar]

ityuktāḥ sasmarustūrṇaṃ taṃ vai śrīpuruṣottamam |
anādiśrīkṛṣṇanārāyaṇasvāmipumuttamam || 102 ||
[Analyze grammar]

dhyānamagnāśca sahasā hyabhavaṃstatkṣaṇe tu te |
ātmātmanyavagāhyaivā'smaran sarvāvatāriṇam || 103 ||
[Analyze grammar]

iti śrīlakṣmīnārāyaṇīyasaṃhitāyāṃ dvitīye tretāsantāne pitṛkanyakānāṃ kimpuruṣakhaṇḍe rākṣasādikṛtasya nirodhasya nivṛttaye brahmādidevakṛtayuddhaṃ mṛtānāṃ prāṇadānaṃ jīvitairmokṣo yācitaḥ paramamokṣadastu anādiśrīkṛṣṇanārāyaṇa evetyādinirūpaṇanāmā saptādhikaśatatamo'dhyāyaḥ || 107 ||
[Analyze grammar]