Chapter 94

śrīkṛṣṇa uvāca |
śṛṇu tvaṃ rādhike vāsudevavākyaiḥ prabodhitāḥ |
māhātmyajñānavantaste trayo'ṇḍastadagrajam || 1 ||
[Analyze grammar]

pūrvotsaveṣu kṛṣṇasya darśanārthaṃ vayaṃ gatāḥ |
idānīṃ taddarśanārthaṃ māhātmyajñānasaṃyutāḥ || 2 ||
[Analyze grammar]

jigamiṣāmo bhavatā sārdhaṃ bālasvarūpiṇaḥ |
līlākaivalyavīkṣārthaṃ tadvijñānena rañjitāḥ || 3 ||
[Analyze grammar]

ityevaṃ bhrātṛbhiḥ prokto vāsudevo hariḥ prabhuḥ |
bhrātṛbhiḥ saha tallokād brahmāṇḍodaramāyayau || 4 ||
[Analyze grammar]

vāsudevasya lokātte vairājasadṛśāṇavaḥ |
bhūtvā vairājalokāṃścāviviśuśca tato'pi ca || 5 ||
[Analyze grammar]

bhūtvā cāṇutarāḥ satye loke cāviviśustataḥ |
tato'pyaṇava evaite bhūtvā divaṃ samāyayuḥ || 6 ||
[Analyze grammar]

tato'pyaṇutamā bhūtvā mānavaṃ lokamāyayuḥ |
yatpūrvaṃ śrīvāsudevamūrtirvai svasya dhāmani || 7 ||
[Analyze grammar]

tasyā romṇastu pārārdhyabhāgo'tra mānuṣe sthale |
tasyāpi koṭibhāgena mānuṣaṃ dehamāsthitāḥ || 8 ||
[Analyze grammar]

tejasā bhāsurāste ca catvāro vyūhasaṃjñakāḥ |
bālakāḥ sadṛśā bhutvā cā'śvapaṭṭasaro'mbare || 9 ||
[Analyze grammar]

āyayurdivyahaṃsānāṃ vimāne cātibhāsurāḥ |
vāsudevo'bhavattatra caturbhujo'tibhāsuraḥ || 10 ||
[Analyze grammar]

śaṃkhacakragadāpadmahetimān mukuṭojjvalaḥ |
anye trayo dvibhujāścā'bhavaṃścakragadāyudhāḥ || 11 ||
[Analyze grammar]

kiśorā divyarūpāśca vāsudevasamāḥ śubhāḥ |
anekasūryasaṃkāśāḥ svarṇakuṇḍalabhūṣaṇāḥ || 12 ||
[Analyze grammar]

vanamālākaustubhādidharā mukuṭaśobhanāḥ |
divyadehā divyasiddhyaiśvaryasāmarthyarājitāḥ || 13 ||
[Analyze grammar]

sahasnakoṭidevānāṃ tejāṃsi bhāsurāṇi ca |
yeṣāṃ romasu vidyante tādṛśāste vimānake || 14 ||
[Analyze grammar]

vyadṛśyantā'mbarasthe te sāyaṃ madhyāhnavaddhyabhūt |
saurāṣṭrasya prajāḥ sarvā vilokya divasādapi || 15 ||
[Analyze grammar]

cātipramāṇatejāṃsi vyatarkayan prabhuḥ svayam |
vimānena vihārārthaṃ vyomnā yāti sthalāntaram || 16 ||
[Analyze grammar]

yadvā devāḥ samāyānti pūjanārthaṃ harermuhuḥ |
tathaivete samāyātā bhaveyuścetyatarkayan || 17 ||
[Analyze grammar]

atha kuṃkumavāpyāśca prajā bhāgavatāstadā |
niryayuḥ svagṛhebhyaśca tūrṇaṃ darśanahetave || 18 ||
[Analyze grammar]

tāvad vimānaṃ ruciraṃ hyavātatāra cāmbarāt |
aśvapaṭṭasarastīre lomaśāśramasannidhau || 19 ||
[Analyze grammar]

catvāraste vyūhakṛṣṇā vimānādvahirāyayuḥ |
koṭicandrojjvalakāntivyāptāmṛtābdhimūrtayaḥ || 20 ||
[Analyze grammar]

padbhyāṃ vihṛtya ca śanairaśvapaṭṭasarojale |
sasnurmānuṣarūpāste prayayurlomaśāśramam || 21 ||
[Analyze grammar]

ṛṣiścakāra satkāraṃ svāgataṃ mānanādikam |
madhuparkaṃ dadau pūjāṃ cakāra candanādibhiḥ || 22 ||
[Analyze grammar]

divyadṛṣṭyā vyūhatattvaṃ jñātvā cakāra daṇḍavat |
ārārtrikaṃ tataścakre vyūhānāṃ lomaśo muniḥ || 23 ||
[Analyze grammar]

brahmapriyāḥ ṛṣayaśca cakrarnamaḥkriyāṃ tataḥ |
utthāya te ṛṣīnnatvā bālakṛṣṇālayaṃ yayuḥ || 24 ||
[Analyze grammar]

bālakṛṣṇaḥ pitarau ca prāha vyūhāgamaṃ tadā |
sotsāhau pitarau tūrṇaṃ mānārthaṃ cābhijagmatuḥ || 25 ||
[Analyze grammar]

śrutvā tvanye surāścāpi munayaśceśvarā api |
tīrthāni tattvasaṃghātāḥ santaḥ sādhvyo maharṣayaḥ || 26 ||
[Analyze grammar]

sanmānārthaṃ cābhijagmuryatraite vyūhamūrtayaḥ |
akṣataiścandanaiḥ puṣpairjayaśabdaiḥ punaḥ punaḥ || 27 ||
[Analyze grammar]

vardhitāḥ satkṛtāste ca bālakṛṣṇālayaṃ yayuḥ |
bālakṛṣṇastadā naijaṃ rūpaṃ dadhāra dhāmagam || 28 ||
[Analyze grammar]

vāsudevasamūhāstu yanmūrtau yānti līnatām |
koṭigolokavaikuṇṭhādhipāḥ prayānti līnatām || 29 ||
[Analyze grammar]

tādṛśaṃ paradhāmasthaṃ divyarūpaṃ dadhāra saḥ |
divye gajāsane'nādikṛṣṇanārāyaṇo hariḥ || 30 ||
[Analyze grammar]

koṭimuktagaṇairjuṣṭaḥ tatsthamūrtirvyarājata |
tadā vyūhān vihāyā'nyacakṣūṃṣi śrīharau kṣaṇāt || 31 ||
[Analyze grammar]

na prāvartanta vai parābhūtāni haritejasā |
parābhūtākṣikamalāḥ surādyā niryayustataḥ || 32 ||
[Analyze grammar]

svasvasthānaṃ yayuḥ sarve tato vyūhān haristathā |
pitarau svāgataṃ premṇā cakraturbhavanāṃgaṇe || 33 ||
[Analyze grammar]

bālakṛṣṇasya bhavane viviśuste sadīśvarāḥ |
gajāsanasthitaṃ sveṣṭaṃ vavandire ca nemire || 34 ||
[Analyze grammar]

kṛtvā ca daṇḍavad bhūmau pūjanaṃ cakrire mudā |
vāsudevo dadau divyaṃ mukuṭaṃ mastake hareḥ || 35 ||
[Analyze grammar]

lalāṭe candanaṃ tailasāraṃ saṃkarṣaṇo dadau |
tilakaṃ candrakaṃ gandhasāraṃ pradyumna ārpayat || 36 ||
[Analyze grammar]

netrayoḥ kajjalaṃ ramyaṃ rañjanādi samārpayat |
karṇayoḥ kuṇḍale gucchau karṇapūrā'vataṃsakān || 37 ||
[Analyze grammar]

vāsudevo dadau kaṇṭhe sauvarṇamālikāḥ śubhāḥ |
hārān hīrakamāṇikyamuktāñcitān sakaustubhān || 38 ||
[Analyze grammar]

dadau saṃkarṣaṇo ramyān kaṭakān śṛṃkhalāstathā |
ūrmikāṅgūlīyakāni prakoṣṭhaśṛṃkhalāstathā || 39 ||
[Analyze grammar]

raśanāṃ ca sumañjīre dadau svarṇe'niruddhakaḥ |
pāduke divyamṛdule cāmare cātapatrakam || 40 ||
[Analyze grammar]

yaṣṭiṃ ca kānakīṃ ratnanaddhāṃ kare tu naktakam |
saugandhaṃ puṣpapatrādigranthiṃ saṃkarṣaṇo dadau || 41 ||
[Analyze grammar]

pradyumnaścārpayāmāsa sauvarṇasthālikāṃ śubhām |
miṣṭānnāmṛtasampūrṇaphalabījādisaṃbhṛtām || 42 ||
[Analyze grammar]

aniruddho'mṛtapānaṃ dadau tāmbūlakaṃ tathā |
ārārtrikaṃ cakārā'sau vāsudevaḥ svayaṃ prabhuḥ || 43 ||
[Analyze grammar]

pradakṣiṇaṃ namaskāraṃ daṇḍavat cakrurīśvarāḥ |
puṣpāñjalīn daduḥ kṛṣṇaṃ tuṣṭuvuḥ parameśvarāḥ || 44 ||
[Analyze grammar]

tvamanādikṛṣṇanārāyaṇaḥ śrīpuruṣottamaḥ |
rājamānaḥ pare dhāmni dvibhujo'kṣarasevitaḥ || 45 ||
[Analyze grammar]

tanmuktaistava muktaiśca sevitaḥ parameśvaraḥ |
parabrahma paramātmā parastvaṃ bhagavānprabhuḥ || 46 ||
[Analyze grammar]

tvatto muktāḥ prakāśante līyante vigrahe tava |
tavāntike ca tiṣṭhanti tavānandātinanditāḥ || 47 ||
[Analyze grammar]

asaṃkhyā brahmabhāvāśca brahmapriyā bhavatsamāḥ |
aiśvaryaśaktayaste ca tava vigrahajā hi tāḥ || 48 ||
[Analyze grammar]

tava sevāṃ prakurvanti muktānyo brahmavigrahāḥ |
tvatto jātā vayaṃ vyūhā avatārāstatheśvarāḥ || 49 ||
[Analyze grammar]

īśvarāṇyastathā māyā pūruṣāḥ kālavatsarāḥ |
vairājā vaiṣṇavāścāpi brāhmaṇāḥ śāṃbhavāstathā || 50 ||
[Analyze grammar]

vigrahāstava mūrtervai samutpannā maharṣayaḥ |
pitaro munayaḥ siddhāḥ sādhavaḥ śīlayoginaḥ || 51 ||
[Analyze grammar]

satyaḥ sādhvyaḥ sāṃkhyayogavratinyaḥ kāntayoṣitaḥ |
pativratā tathā patnīvrato lakṣmīrnarāyaṇaḥ || 52 ||
[Analyze grammar]

pitaro divyavāsāśca naro nārāyaṇastathā |
pātālasthābhūgṛhāśca kṣīre śeṣo narāyaṇaḥ || 53 ||
[Analyze grammar]

śrīrlīlā bhūḥ satī padmā gaṃgā prabhā sarasvatī |
māṇikyā saguṇā premā pāravatī ca mañjulā || 54 ||
[Analyze grammar]

vibhūtiḥ rādhikā sītā'mṛtā santoṣikā ramā |
haṃsā ca duḥkhahālakṣmīrdayā jayā ca tūlasī || 55 ||
[Analyze grammar]

haimī śāntā ca sāvitrī vṛndāstvetāstu śaktayaḥ |
campā lalitā kastūrī ojasvatyādikāstathā || 56 ||
[Analyze grammar]

kapilo datta īśāno nṛsiṃho vāmano hariḥ |
haṃso matsyastathā kūrmo varāho jiṣṇurityapi || 57 ||
[Analyze grammar]

hariḥ pṛthuśca gopālo haṃsaḥ ṛṣabha īśitā |
rāmaḥ paraśurāmaśca balaśca bhagavān śukaḥ || 58 ||
[Analyze grammar]

vallabhaścāpi hemanto devaprakāśa ityamī |
yajñaḥ kumārayogāśca tavaivāṃśavibhūtayaḥ || 59 ||
[Analyze grammar]

tattvāni tattvacaitanyaṃ guṇaśaktirasādayaḥ |
tavāṃśā bhagavan sarve yeṣu tvamota eva ca || 60 ||
[Analyze grammar]

tvayi protaṃ tathā sarvaṃ tvameva patiruttamaḥ |
tava darśanalābhārthaṃ bālaṃ vīkṣitumutsukāḥ || 61 ||
[Analyze grammar]

darśanaṃ prāptavantaśca kṛtakṛtyā vayaṃ prabho |
ityuktvā praṇatāḥ puṣpāñjaliṃ datvā sukhasthitāḥ || 62 ||
[Analyze grammar]

bālakṛṣṇastu taṃ rādhe tadā''hā'rthayituṃ varam |
vāsudevastadā prāha vāsaṃ te caraṇe sadā || 63 ||
[Analyze grammar]

dehi nātha kṛpāsindho vyūhecchāṃ samprapūraya |
tathāstviti prabhuḥ prāha cakāraiṣāṃ tanudvayam || 64 ||
[Analyze grammar]

kuṃkumavāpyāṃ vāsārhaṃ vyūhatīrthe'vasaddhi tat |
dvitīyaṃ mūlarūpaṃ ca vyūhacatuṣṭayaṃ tu yat || 65 ||
[Analyze grammar]

śrīharerājñayā tattu yayau dvīpaṃ sitaṃ tataḥ |
tasmād yayau satyalokaṃ tato'vyākṛtadhāma ca || 66 ||
[Analyze grammar]

evaṃ te vāsudevādyā vyūhasaṃjñā maheśvarāḥ |
jīveśasṛṣṭiśāstāro rādhike śrīhareḥ puraḥ || 67 ||
[Analyze grammar]

sarvadā vāsamācakruścāśvapaṭṭasarovare |
tīrthatoyataṭe teṣāṃ mandiraṃ paramaṃ śubham || 68 ||
[Analyze grammar]

vāsudevālayākhyaṃ ca nirmitaṃ viśvakarmaṇā |
śrīharerājñayā tatra rājante bhrātaraśca te || 69 ||
[Analyze grammar]

anādiśrīkṛṣṇanārāyaṇasya paṭṭaśiṣyake |
svayaṃprakāśe līnāśca vartante vyūhasaṃjñakaḥ || 70 ||
[Analyze grammar]

bhagavantaśca catvāraścaitanyamūrtirūpiṇaḥ |
vyūhasyaivā'vatāraḥ sa svayaṃprakāśa īśapaḥ || 71 ||
[Analyze grammar]

vāsudevaḥ svayaṃ cāste caturguṇasamanvitaḥ |
divyaṃ caturbhujaṃ cainaṃ svayaṃprakāśaṃ mānavāḥ || 72 ||
[Analyze grammar]

ye'rcayiṣyanti te puṇyaṃ lapsyante vyūhajaṃ phalam |
śṛṇu tvaṃ rādhike vāsudevaṃ svayaṃ prakāśakam || 73 ||
[Analyze grammar]

pūjanārthaṃ sadā prātaḥ prayāntyeva ca tatpriyāḥ |
vāsudevasya vai patnī lakṣmīrmā hariṇī tu yā || 74 ||
[Analyze grammar]

saṃkarṣaṇasya yā patnī sunandā sā mahāsatī |
pradyumnasya priyā dhīśca sarvapoṣaṇakāriṇī || 75 ||
[Analyze grammar]

aniruddhasya suśīlā catasrastāḥ striyaḥ khalu |
catuḥśriyo vimānena nityaṃ yānti ca rādhike || 76 ||
[Analyze grammar]

paśyā'yaṃ samayaścāste brāhmastāsāṃ pravāsayuk |
tāvattāsāṃ vimānaṃ ca niryātaṃ rādhikāpuraḥ || 77 ||
[Analyze grammar]

rādhikā tāḥ pravīkṣyaiva vimānādavarohayan |
rādhikā tu samutthāya natvā cāśliṣya bhāvataḥ || 78 ||
[Analyze grammar]

prasannā svāgataṃ cakre madhuparkaṃ tathāsanam |
dadau pūjāṃ pracakārā''tithyaṃ pūrṇaṃ cakāra ca || 79 ||
[Analyze grammar]

kuśalaṃ paripapraccha tā api rādhikāṃ tathā |
rādhā''ha kva prayāṇaṃ vaḥ prātaḥ sañjāyate priyāḥ || 80 ||
[Analyze grammar]

tāḥ prāhurnaḥ patiḥ śrīśaḥ svayaṃprakāśanāmataḥ |
vyūhāvatāro bhagavān vartate'śvasarovare || 81 ||
[Analyze grammar]

anādiśrīkṛṣaganārāyaṇaśiṣyo mahāprabhuḥ |
asmatpatīnāmaṃśāśca catvārastatra santi hi || 82 ||
[Analyze grammar]

vartate mānave bhāve bālabrahmavratānvitaḥ |
kumārastasya pūjārthaṃ gacchāmo nityameva vai || 83 ||
[Analyze grammar]

tvayā smṛtāstato rādhe tvāgatāstvatra harṣitāḥ |
ityuktvā rādhikāṃ tāstu pūjayāmāsurutsukāḥ || 84 ||
[Analyze grammar]

sarvaśṛṃgāradravyāṇi rādhikāyai dadurhi tāḥ |
ājñāmādāya ca tūrṇaṃ yayuścāśvasarovaram || 85 ||
[Analyze grammar]

hariṇī ca sunandā ca dhīḥ suśīlā ca tā imāḥ |
patyaṃśaṃ samprapūjyaiva kusumākṣatacandanaiḥ || 86 ||
[Analyze grammar]

patyaṃguṣṭhajalaṃ pītvā bhojayitvā ca taṃ tataḥ |
ārārtrikādikaṃ kṛtvā prasādamāpya tasya ca || 87 ||
[Analyze grammar]

pādasaṃvāhanaṃ kṛtvā tataḥ śrīkaṃbharāśriyam |
natvā sammilya ca pūjāṃ datvā prāpya śubhāṃ giram || 88 ||
[Analyze grammar]

anādiśrīkṛṣṇanārāyaṇaṃ prati yayustataḥ |
pūjayitvā pareśeśaṃ natvā stutvā punaḥ punaḥ || 89 ||
[Analyze grammar]

ārārtrikaṃ hareḥ kṛtvā tasthurdadhyuḥ kṣaṇaṃ harim |
prabhuḥ prāha prasanno'smi varaṃ vṛṇuta cepsitam || 90 ||
[Analyze grammar]

tadā tāḥ prāharasmākaṃ vāsastvatra yathā bhavet |
pātivratyaṃ prarakṣyeta tathobhayatra sevane || 91 ||
[Analyze grammar]

vāñcchāpūrtiṃ sadā kṛṣṇanārāyaṇa vidhāpaya |
tathāstviti hariḥ prāha rūpadvayaṃ vidhāya ca || 92 ||
[Analyze grammar]

tīrtharūpāṇi catvāri vyūhatīrthe nyavāsayat |
mandire pratimāsvāsāṃ vāsaṃ cākārayat prabhuḥ || 93 ||
[Analyze grammar]

yathā divyasvarūpairhi svayaprakāśasevanam |
bhavettathā kṛtaṃ tābhiḥ kṛte nārāyaṇena vai || 94 ||
[Analyze grammar]

anyāni mūlarūpāṇi cājñāmādāya vai tataḥ |
yayustvavyākṛtaṃ dhāma vāsudevādisaṃśritam || 95 ||
[Analyze grammar]

ityevaṃ rādhike duṣṭaṃ bhavatyā cākṣigocaram |
anādiśrīkṛṣṇanārāyaṇāyasyaiśvaryamadbhutam || 96 ||
[Analyze grammar]

kimahaṃ tasya vakṣyāmi pratāpaṃ parameśituḥ |
yadguṇānāṃ kīrtanena bhuktirmuktirdhruvā sadā || 97 ||
[Analyze grammar]

yatraiśvaryāṇi satataṃ vartante divyavigrahaiḥ |
yatreśvareśvarāścāpi vartante divyavigrahaiḥ || 98 ||
[Analyze grammar]

yatrāvatāraharayo vartante divyavigrahaiḥ |
yatra sṛṣṭīśvarāḥ sarve surāśca divyavigrahaiḥ || 99 ||
[Analyze grammar]

yatra brahmapriyā muktā vartante divyavigrahaiḥ |
anādiśrīkṛṣṇanārāyaṇaprasannatāptaye || 100 ||
[Analyze grammar]

tasya kṣetrasya mahimā varṇayituṃ na śakyate |
jyeṣṭhasya pūrṇimāyāṃ tad vyūhatīrthaṃ sarasyabhūt || 101 ||
[Analyze grammar]

āṣāḍhadvitīyāyāṃ ca śrīcatuṣṭayatīrthakam |
svayaṃprakāśatīrthaṃ ca pāvanaṃ tadabhūt tadā || 102 ||
[Analyze grammar]

iti śrīlakṣmīnārāyaṇīyasaṃhitāyāṃ dvitīye tretāsantāne vyūhacatuṣṭayaśrīcatuṣṭayayoḥ kuṃkumavāpītīrthāgamanaṃ svayaṃprakāśatīrthaṃ vyūhacatuṣṭayatīrthaṃ cetyādinirūpaṇanāmā caturnavatitamo'dhyāyaḥ || 94 ||
[Analyze grammar]