Chapter 87

śrīkṛṣṇa uvāca |
śṛṇu tvaṃ rādhike bhaktā harergṛhṇanti sadguṇān |
duṣṭā guṇeṣu doṣāṃścāropya gṛhṇanti durguṇān || 1 ||
[Analyze grammar]

viśravasastu putrasya kharasya rākṣasasya vai |
khacaryāmabhavat putro hyadharmajīvasaṃjñakaḥ || 2 ||
[Analyze grammar]

kaṭyāṃ vakro bhagnapṛṣṭho gaṇḍe godhākhyadūṣaṇaḥ |
kapardākṣaḥ sadā śvāse durgandhāḍhyaḥ śiśupriyaḥ || 3 ||
[Analyze grammar]

sakalmaṣo'tikāpaṭyācāro viśvāsaghātakaḥ |
janmanā tāḍitā padbhyāṃ mātā mṛteti mātṛhā || 4 ||
[Analyze grammar]

ghūkasvaraḥ kṛṣṇavarṇaḥ picchatulyaśiroruhaḥ |
pṛṣṭhaliṅgī kuṇṭhakarṇo bahirdaṃṣṭro'timatsaraḥ || 5 ||
[Analyze grammar]

utpannamātraduḥkhakṛdbālānāṃ dharṣako'bhavat |
ekadā sa yayau nadyāstaṭe rantuṃ sabālakaḥ || 6 ||
[Analyze grammar]

carmakārasya vāseṣu cāntyajānāṃ gṛheṣu ca |
rikteṣu bālarakṣeṣu jyeṣṭhāstu karmaṇe gatāḥ || 7 ||
[Analyze grammar]

tatra bālāṃstāḍayitvā bhakṣayāmāsa tadgṛhe |
śvamāṃsaṃ madyapānaṃ ca pracakāra papau jalam || 8 ||
[Analyze grammar]

tadā bālairmilitvā ca dhṛtvā baddhvā'ntyajairbalāt |
kṣārakuṇḍe vinikṣipto durgandhe svalpakardame || 9 ||
[Analyze grammar]

śilayā chāditastatra kuṇḍyāṃ kṣārapaṭasya saḥ |
divāniśaṃ sa vai kuṇḍyāṃ kuṇḍīgandhaṃ samagrahīt || 10 ||
[Analyze grammar]

māsārdhaṃ prāṇarakṣārthaṃ ubhukṣitastṛṣākulaḥ |
carmakṣālanajaṃ vāri cārmakardamamityapi || 11 ||
[Analyze grammar]

sūkṣmakīṭodbhavaṃ kuṇḍyāṃ bhakṣayāmāsa pāpakṛt |
rākṣaso jātijo yaśca cāṇḍālagṛhabhojanaḥ || 12 ||
[Analyze grammar]

carmakuṇḍakṛtāvāsaścarmakardamabhakṣakaḥ |
mātṛhāḥ śiśumāraśca ko'smātpāpataro bhavet || 13 ||
[Analyze grammar]

rādhike tādṛśo'dharmajīvo nāmnā mahāsuraḥ |
antyajaiścarmakāraiśca āvalīrañjanāmbaraḥ || 14 ||
[Analyze grammar]

niṣkāsya kuṇḍito duṣṭastāḍitaḥ ṣaṇḍhitastathā |
siṃhale dvīpake tasthau raṇānte vanibhakṣakaḥ || 15 ||
[Analyze grammar]

paśūn pakṣigaṇāṃścāpi kvacit kuṭumbajā'rbhakān |
dhṛtvā karoti tadghātaṃ bhakṣayatyeva tānapi || 16 ||
[Analyze grammar]

ekadā bhaktarāṭ tatra vibhīṣaṇo hareḥ priyaḥ |
gṛṇan rāmeti kṛṣṇeti nārāyaṇeti sañcaran || 17 ||
[Analyze grammar]

vihartuṃ tena mārgeṇa yayau vanāni vīkṣitum |
tatrainaṃ vīkṣayāmāsā'dharmajīvaṃ mahāsuram || 18 ||
[Analyze grammar]

uvāca tvaṃ kathamatra vartase nirjane suta |
ehi gṛhaṃ hariṃ kṛṣṇaṃ bhaja nārāyaṇaṃ sukham || 19 ||
[Analyze grammar]

mā duḥkhaṃ vaha śuṣke'trā'raṇye raṇe tu nirjane |
śrutvā vibhīṣaṇaṃ prāha pitṛjyeṣṭhaṃ sagarvakaḥ || 20 ||
[Analyze grammar]

ko hariḥ kaśca kṛṣṇo'sti nārāyaṇo'pi ko'sti vai |
nainaṃ jānāmi kaścāste kasmād bhaje'vicāritam || 21 ||
[Analyze grammar]

bhakto vibhīṣaṇaḥ prāha harirduḥkhaharo'sti saḥ |
parabrahma svayaṃ divyo divyākṣaranivāsakṛt || 22 ||
[Analyze grammar]

rākṣaso'dharmajīvastu prāha dhanāpahārakaḥ |
dravyāpahārako nāryādyapahāraka eva saḥ || 23 ||
[Analyze grammar]

hārakastvanyasamṛddheścauraḥ kaścid bhavet hariḥ |
kṛṣṇaṃ pāpaṃ duṣṭakarma tatkṛt kṛṣṇo bhaveddhi saḥ || 24 ||
[Analyze grammar]

nārāsvapsvayanaḥ kaścit nadīstho dhīvaro bhavet |
jalahārakabhṛtyo vā kiṃkaraḥ kasyacidbhavet || 25 ||
[Analyze grammar]

jale vāsakaro vā'yaṃ sarpo matsyo'thavā bhavet |
paraḥ śatrurbrahma mahān mahāśatrurbhaveddhi saḥ || 26 ||
[Analyze grammar]

divyo dhūrto dyūtavettā vyasanī kaścideva saḥ |
akṣaiḥ pāśaiḥ ramate ca rāti gṛhṇāti nāṇakam || 27 ||
[Analyze grammar]

dyūtagṛhe nivāsī ca bhavet kaścidaghātmakaḥ |
vibhīṣaṇastu taṃ prāha paramātmā pareśvaraḥ || 28 ||
[Analyze grammar]

puruṣottama evā'yaṃ bhagavānīśvareśvaraḥ |
muktā'dhipaḥ pare dhāmni rājamāno'sti putraka || 29 ||
[Analyze grammar]

rākṣaso'dharmajīvaśca prāha nā'yaṃ tathā pitaḥ |
paṃ pānaṃ madyajaṃ tatra ramate tvātmanā svayam || 30 ||
[Analyze grammar]

madyapānādilubdhaḥ sa madyapaḥ paramo bhavet |
parasya dīnalokasya duḥkhakṛcceśvaro bhavet || 31 ||
[Analyze grammar]

puru sinoti pāpāni cā'dhikaṃ tamasā''vṛtaḥ |
tāmasaḥ pāpakṛccā'yaṃ bhavet sa puruṣottamaḥ || 32 ||
[Analyze grammar]

bhagaṃ guhyaṃ ca vā tasya nārīcihnaṃ bhavet khalu |
bhagavān guptanārī sā bhavet puruṣaveṣiṇī || 33 ||
[Analyze grammar]

īśvarāṇāṃ mādṛśānāṃ yoddhṝṇāmiśubhirhataḥ |
na rakṣituṃ svayaṃ śaktaḥ svaṃ bhavedīśvareśvaraḥ || 34 ||
[Analyze grammar]

muktā yāḥ patibhirnāryo gṛhānniṣkāsitāśca yāḥ |
tāsāmadhipaḥ sa bhaved vyabhicāriśiromaṇiḥ || 35 ||
[Analyze grammar]

pare dhāmni gṛhe nityaṃ vasati parabhūsthitaḥ |
gṛhadvāravihīnaḥ sa bhavedvā bhikṣukaḥ pitaḥ || 36 ||
[Analyze grammar]

vibhīṣaṇaśca taṃ prāha putra vyūhasvarūpadhṛk |
sarvāvatārahetuḥ sa sarvaśaktidharaḥ prabhuḥ || 37 ||
[Analyze grammar]

golokeśaḥ sa vaikuṇṭhadhāmeśo vai paraḥ pumān |
yogigamyo'ntarātmā ca mokṣadaśceti taṃ bhaja || 38 ||
[Analyze grammar]

adharmajīvarakṣo'pi prāha manye sa vañcakaḥ |
vañcanārthaṃ tu lokānāṃ vyūhya vyūhya tu veṣadhṛk || 39 ||
[Analyze grammar]

kvacinnaṭaḥ kvacidgopaḥ kacidrājakumāravat |
kvacidvipro bhavatyeva vañcako vyūhavān bhavet || 40 ||
[Analyze grammar]

sarveṣāmavatārāṇāṃ loke vai nimnakarmaṇām |
hetuḥ kartā nimnavarṇo bhavet kaścid vivarṇajaḥ || 41 ||
[Analyze grammar]

sarveṣu prāṇiṣu śastraśaktyākhyasya prayojakaḥ |
bhavet sa ghātakī kaściditi manye pitaḥ khalu || 42 ||
[Analyze grammar]

prasahya bhavati kaṣṭapradaḥ kaścid bhavedaghī |
gavāṃ sa vṛṣabhāṇāṃ vai loke samūhake mahān || 43 ||
[Analyze grammar]

mahāvṛṣabho vā kaścid bhavedvā vṛṣavāhakaḥ |
kuṇṭhitaṃ dhāmavāsādi gṛhakuṭyādivarjitaḥ || 44 ||
[Analyze grammar]

paraḥ śatrusvarūpo vā pumān bhaveddhi rakṣasām |
samaśīlairyogavadbhirgamya sāptapadīnakam || 45 ||
[Analyze grammar]

tasmādasajjanaḥ kaściditi manye pitaḥ khalu |
antaraṃ bhinnatā yasya kāme manasi cātmani || 46 ||
[Analyze grammar]

vāci vā bhinnatā tasmād viśvāsaghātako bhavet |
mokṣaṃ sarvaṃ samācchidya durbalasya vināśanam || 47 ||
[Analyze grammar]

manye karoti kaścit sa hiṃsro durbalaghātakaḥ |
kastaṃ bhajedasantaṃ vai guṇāgryaiśca vivarjitam || 48 ||
[Analyze grammar]

vibhīṣaṇastu taṃ prāha sa tu vidvān guṇāśrayaḥ |
vedavid vedaśāstrādikartā śīlavratādimān || 49 ||
[Analyze grammar]

sarvadharmāśrayaḥ sādhukarmakaḥ śāntisaṃbhṛtaḥ |
adharmajīvo rakṣo'tha prāha vidvānna cāsti saḥ || 50 ||
[Analyze grammar]

na raṃbhaṇaṃ vijānāti gītiṃ jānāti naiva ca |
abhicārānna jānāti māyāṃ jānāti naiva ca || 51 ||
[Analyze grammar]

ato naiva bhavedvā sa vidvān pitaḥ kadācana |
guṇo rajjurgavāṃ dohakāryārthaṃ yasya vidyate || 52 ||
[Analyze grammar]

skandhe tasmād bhaved gopo guṇāśrayaḥ pitaḥ khalu |
vedaṃ vā vedikāṃ grāmacatuṣke nirmitāṃ janaiḥ || 53 ||
[Analyze grammar]

pāṣāṇānāṃ mṛdāṃ vā tāṃ kartuṃ jānāti kuṃbhakṛt |
kubhakāro bhaved vā'yaṃ vedikāśilpavit khalu || 54 ||
[Analyze grammar]

śaṃ śātanaṃ hi keśānāṃ karotyastreṇa mastake |
nāpito'yaṃ bhavedvā ca romaśatrupraśastravān || 55 ||
[Analyze grammar]

śīlaṃ cā'skhalanaṃ dharmo vrataṃ kṛcchrādi yattapaḥ |
atti khādati cobhaṃ tat tādṛgdharmavighātakaḥ || 56 ||
[Analyze grammar]

śīlavratādanaścāyaṃ bhavet kaściddhi bhāṇḍakaḥ |
sarve dharmāḥ paśudharmāstadvān vā sa paśurbhavet || 57 ||
[Analyze grammar]

sādhoḥ karma gṛhasthānāṃ viruddhaṃ gṛhabhañjanam |
sanyāsādisvarūpaṃ tatkārako'yaṃ yatirbhavet || 58 ||
[Analyze grammar]

jaḍo vā syād vicitto vā śāntisaṃbhṛta ekalaḥ |
vibhīṣaṇaśca taṃ prāha putra vipro'sti mādhavaḥ || 59 ||
[Analyze grammar]

yajñopavītasandhartā kleśatāpapraśāmakaḥ |
mahāvidyāśrayaḥ śāstraracanākārakaḥ svayam || 60 ||
[Analyze grammar]

eka evā'dvitīyo'yaṃ tīrthayātrākaro'cyutaḥ |
adharmajīvo rakṣastu prāha vipro bhavenna saḥ || 61 ||
[Analyze grammar]

viṃ pakṣiṇaṃ tu yaḥ prāti gṛhṇāti mṛgayūryathā |
tasmād vyādho bhavet kaścit pakṣimāro'thavā paśuḥ || 62 ||
[Analyze grammar]

mādhavo mātṛgāmī vā bhavet kaścit paśuprajaḥ |
yasya niyāmako nāsti yasya nāsti dhavastathā || 63 ||
[Analyze grammar]

mātṛhīnaḥ pitṛhīno bhavet kaścid vanecaraḥ |
itaḥ prāptaśca viḥ pakṣī taṃ yajñasyaiva sannidhau || 64 ||
[Analyze grammar]

san dhārayati bhakṣyārthaṃ śakunādo bhaveddhi saḥ |
kleśaistāpaiḥ prakarṣaiśca śāmako lokanāśakaḥ || 65 ||
[Analyze grammar]

tasmād viplavakartā sa bhavet kaścittu ghātakī |
mahāvidyāḥ kāmavidyāścoccāṭanīṃ vināśinīm || 66 ||
[Analyze grammar]

māriṇīṃ mohinīṃ cedvā jānātyayaṃ tadā pitaḥ |
śvapāko vā'tha cāṇḍālo malino vā bhaveddhi saḥ || 67 ||
[Analyze grammar]

śāstreṣu racanāṃ cāyaṃ pratāraṇasya kārakaḥ |
pratārako bhavet kaścit nahi śāstrasya kārakaḥ || 68 ||
[Analyze grammar]

ekākī tu vane'raṇye bhraman kuṭumbahīnakaḥ |
advitīyo vidhuro'yaṃ tīrthamuṇḍī ca vā bhavet || 69 ||
[Analyze grammar]

na cyavate dhanaṃ dāne daridraḥ sa bhavet pitaḥ |
sādhudharmavihīnaśca kapaṭī nindakaḥ khalaḥ || 70 ||
[Analyze grammar]

pracchannacauro nārīṇāṃ cāñcalyasya pravardhakaḥ |
asaṃkhyavāranārīṇāṃ bhrāmako veṣadhārakaḥ || 71 ||
[Analyze grammar]

gopīnāmadṛśyakartā siddhamantrakaro bhavet |
kāminīnāṃ kāmanāyāḥ pūrako'nyāyakārakaḥ || 72 ||
[Analyze grammar]

dharmaloptā kulaloptā hyāsakto grāmyadarśane |
krodhalobhādidoṣāṇāmākaro'jñānaśevadhiḥ || 73 ||
[Analyze grammar]

vyavahāravidhuraśca buddhihīno'titāmasī |
paśupāśo bhavet kaścit kanyāharaḥ śiśupriyaḥ || 74 ||
[Analyze grammar]

yādṛśastādṛśo vāpi bhavenme kiṃ prayojanam |
tadguṇānna sahe divyānadivyān vā kathañcana || 75 ||
[Analyze grammar]

nāsti kaścit tato dhyeyo bhajanīyo'pi me pitaḥ |
ahaṃ śreṣṭhastataścā'smi nāsti śreṣṭho'pi kaścana || 76 ||
[Analyze grammar]

vibhīṣaṇastataḥ prāha mā putra taṃ vimānaya |
anādiśrīkṛṣṇanārāyaṇaḥ śrīkamalāpatiḥ || 77 ||
[Analyze grammar]

sarvapatiḥ parameśaścāntaryāmī niyāmakaḥ |
kartumakartumanyathākartuṃ śaktaḥ sa vai hariḥ || 78 ||
[Analyze grammar]

vartate bālarūpastaṃ bhaja sarvātmanā suta |
divyāḥ santi guṇāstasminnekaiko mokṣado hi yaḥ || 79 ||
[Analyze grammar]

satyaṃ śaucaṃ dayā kṣāntistyāgaḥ santoṣa ārjavam |
śamo damastapaḥ sāmyaṃ titikṣoparatiḥ śrutam || 80 ||
[Analyze grammar]

jñānaṃ viraktiraiśvaryaṃ śauryaṃ tejo balaṃ smṛtiḥ |
svātantryaṃ kauśalaṃ kāntidhairyaṃ ca mārdavaṃ tathā || 81 ||
[Analyze grammar]

prāgalbhyaṃ praśrayaḥ śīlaṃ saha ojo balaṃ bhagaḥ |
gāṃbhīryaṃ sthairyamāstikyaṃ kīrtirmāno'nahaṃkṛtiḥ || 82 ||
[Analyze grammar]

kṛtopakāraścādroho'nīhā'kiñcanatā tathā |
maitrī sārvajñyamevaite guṇāḥ santi parātmani || 83 ||
[Analyze grammar]

adharmajīvano rakṣaḥ prāha manye na tān guṇān |
ahaṃ napuṃsakaṃ manye kāryotsāhavivarjitam || 84 ||
[Analyze grammar]

dhamārthakāmanāhīnaṃ niṣkriyaṃ nirbalaṃ ca tam |
parabhāgyopajīvitvaṃ parasampadvikarṣaṇam || 85 ||
[Analyze grammar]

amārgavāhitā cāpi manye tatraiva santi hi |
tasmāt pitarna me vaktuṃ guṇānarhasi tasya vai || 86 ||
[Analyze grammar]

rādhike evamevāyamadharmajīvano'suraḥ |
śatādhikān harau doṣān jagāda pitaraṃ prati || 87 ||
[Analyze grammar]

vibhīṣaṇastu taṃ kruddho jaghāna gadayā tadā |
amṛtaśca vidudrāva siṃhaladvīpatastataḥ || 88 ||
[Analyze grammar]

kapaṭī mānavo bhūtvā saurāṣṭre cājagāma saḥ |
śatrujayānadītīre trivaṭākhye bhuvastale || 89 ||
[Analyze grammar]

uvāsa kṛtaketaśca dviṣan kṛṣṇanarāyaṇam |
yativeṣadharo bhūtvā satāṃ vidveṣakaḥ khalaḥ || 90 ||
[Analyze grammar]

duṣṭo dharmadhvajo bhūtvā'pratārayan janān bahūn |
anādiśrīkṛṣṇanārāyaṇe śrīparameśvare || 91 ||
[Analyze grammar]

vairaṃ kurvan vacobhiśca loke nāstikyamādadhan |
āyayau kuṃkumavāpīkṣetraṃ naṣṭāyureva saḥ || 92 ||
[Analyze grammar]

lomaśasyā''śrame gatvā nininda parameśvaram |
tadā śrīśaṃkaraḥ śrutvā bhairavaṃ prāha sevakam || 93 ||
[Analyze grammar]

yāhi bhairava duṣṭaṃ tamadharmajīvanā'suram |
ghātayainaṃ piśācaistvaṃ nārakiṇaṃ hi karmaṇā || 94 ||
[Analyze grammar]

ityukto bhairavaḥ śūlaṃ dhṛtvā gatvā piśācakaiḥ |
jīvagrāhaṃ gṛhītvā taṃ baddhvā cārmaṇarajjubhiḥ || 95 ||
[Analyze grammar]

nicikṣepa malasthāne viṣṭāvyāptakṣitau tadā |
tanmakhe mūtrayāmāsurviṣṭhāṃ cakruḥ piśācakāḥ || 96 ||
[Analyze grammar]

mūḍhamāraṃ dṛḍhaṃ sarve mārayāmāsurāsuram |
aṅgāni chedayāmāsuścikṣipurlāvaṇaṃ jalam || 97 ||
[Analyze grammar]

anādiśrīkṛṣṇanārāyaṇadveṣiṇameva te |
tato rajjuprabandhena gṛdhravāsadrumāntare || 98 ||
[Analyze grammar]

śākhāyāṃ bandhayāmāsurlambate so'pyadhomukhaḥ |
gṛdhrakākādiviṣṭhā ca patatyeva tu tanmukhe || 99 ||
[Analyze grammar]

evaṃ māsadvayaṃ daṇḍaṃ cakre śrībhairavo'sure |
tataḥ kṣudhātṛṣāvyāpto mamāra prāṇato hi saḥ || 100 ||
[Analyze grammar]

yayau yamālayaṃ so'yamasuro'dharmajīvanaḥ |
kuṃbhīpāte'patattatra sahasravatsaraṃ hiṃ saḥ || 101 ||
[Analyze grammar]

athā'tra bhairavo devaḥ sasnau cāśvasarovare |
tasya saṃsargadoṣotthapāpaprakṣālanāya vai || 102 ||
[Analyze grammar]

evaṃ vināśamāpanno'suro'dharmaprajīvanaḥ |
śiśupriyaḥ svapāpena mṛto'sadgatimārgagaḥ || 103 ||
[Analyze grammar]

rādhike me'parādhasya kartṝṇāṃ nāsti sadgatiḥ |
yadi syāccharaṇāpannastadā gatiṃ dadāmyaham || 104 ||
[Analyze grammar]

atha śaraṇaṃ nā''yāto mṛto'pi parameśvaram |
tataḥ koṭyarbudavarṣerapyasya sadratirna vai || 105 ||
[Analyze grammar]

āṣāḍhe sa mṛto daityasamo rakṣo'tinindakaḥ |
atha vibhīṣaṇaḥ śrutvā'dharmajīvamṛtiṃ tataḥ || 106 ||
[Analyze grammar]

nītvā tanmātaraṃ tatra saurāṣṭre vyomamārgataḥ |
āyayau cārthayāmāsa sadgatiṃ parameśvarāt || 107 ||
[Analyze grammar]

harirjanmāntare prāha tasya gatirbhaviṣyati |
mama hastena mṛtyuṃ sa labdhvā yāsyati sadgatim || 108 ||
[Analyze grammar]

tasya mātre dadau mantraṃ lomaśarṣistataḥ param |
vibhīṣaṇāya mantraṃ sa dadau śrīpārameśvaram || 109 ||
[Analyze grammar]

oṃ namaḥ śrīkṛṣṇanārāyaṇāya svāmine svāhā |
māsaṃ sthitvā yayatustau rādhike vai nijālayam || 110 ||
[Analyze grammar]

bhejāte śrīkṛṣṇanārāyaṇaṃ śrīpuruṣottamam |
vibhīṣaṇaśca khacarī tvante divyau babhūvatuḥ || 111 ||
[Analyze grammar]

iti śrīlakṣmīnārāyaṇīyasaṃhitāyāṃ dvitīye tretāsantāne kharaputrasyā'dharmajīvanasya nāstikyaṃ harerguṇeṣvaguṇakalpanāḥ harau dveṣo'sadgatistataḥ kālāntare sadgativaradānamityādinirūpaṇanāmā saptāśītitamo'dhyāyaḥ || 87 ||
[Analyze grammar]