Chapter 85

śrīkṛṣṇa uvāca |
ailavilā pulastyasya patnī tapaścacāra ha |
dustaraṃ putraputrārthaṃ caturyugavṛṣānvitam || 1 ||
[Analyze grammar]

anādiśrīsvāminārāyaṇakṛṣṇanarāyaṇaḥ |
sahyādriśikhare tasyā āśrame viprarūpadhṛk || 2 ||
[Analyze grammar]

jaṭāvalkalabhasmāḍhyo mālājapaparāyaṇaḥ |
tasthāvāgatya nikaṭe drumā'dhaśchāyite sthale || 3 ||
[Analyze grammar]

kandamūlaphalāhāro nityaṃ triṣavaṇastathā |
bālarūpaḥ ṛṣiputro yathā kaścin manoharaḥ || 4 ||
[Analyze grammar]

āgatya tiṣṭhati tatra kvacit prayāti līnatām |
kvacid vṛkṣe śuko bhūtvā bhūtvā kokilakastathā || 5 ||
[Analyze grammar]

mayūraścāpi haṃsaśca hariṇaḥ kvacideva vā |
kvacidrūpamagastyasya dhṛtvā paśyati tattapaḥ || 6 ||
[Analyze grammar]

kvacid bhūtvā viśravāśca kvacit pulaspyayoṣitām |
pulastyasya sutānāṃ ca dhṛtvā rūpāṇi vai kvacit || 7 ||
[Analyze grammar]

tapo nirīkṣate svāmikṛṣṇanārāyaṇo muhuḥ |
rādhikovāca he kṛṣṇa kiṃ puṇyaṃ yoṣitāṃ tathā || 8 ||
[Analyze grammar]

kathaṃ vai bhagavāṃstasyāḥ sannidhau vividhāni ca |
rūpāṇi dhṛtavān svāmikṛṣṇanārāyaṇaḥ prabhuḥ || 9 ||
[Analyze grammar]

śrīkṛṣṇaḥ prāha vai rādhe brahmā putraṃ pulastyakam |
oṃ namaḥ śrīsvāmikṛṣṇanārāyaṇāya te svāhā || 10 ||
[Analyze grammar]

ityārpayanmahāmantraṃ tataḥ so'pi nijāṃ priyām |
ailavilāṃ cārpayattaṃ mantraṃ jajāpa sā'niśam || 11 ||
[Analyze grammar]

tajjāpā''kṛṣṭahṛdayaḥ svāmikṛṣṇanarāyaṇaḥ |
bhaktivaśyaḥ samīpe'syāstathārūpo'bhavaddhariḥ || 12 ||
[Analyze grammar]

rādhike sa mayā dṛṣṭastadā kṛṣṇamṛgātmakaḥ |
aṭamāno harikṛṣṇo vallabhaḥ śrīpatiḥ patiḥ || 13 ||
[Analyze grammar]

ailavilātapaḥ paśyan śṛṇvan jāpaṃ virājate |
sāpi pulastyapatnī vai jaṭāvalkaladhāriṇī || 14 ||
[Analyze grammar]

parameśvaralabdhyarthaṃ yatate tāpasī satī |
ākāśavāsinī pṛthvyāṃ kṛtvā tu vedikāṃ mṛdaḥ || 15 ||
[Analyze grammar]

vahniṃ tatra nidhāyaiva prātaḥ pūjāṃ karoti sā |
tato rudraṃ satīṃ kṛṣṇaṃ lakṣmīṃ cājaṃ savitṛjām || 16 ||
[Analyze grammar]

sūryaṃ prabhāṃ gaṇeśaṃ ca sādhvīṃ sadvastubhiḥ surān |
nityaṃ prapūjya ca mālājapaṃ karoti vai śatam || 17 ||
[Analyze grammar]

tataḥ phalādi cāhṛtya madhyāhne haraye svayam |
naivedyaṃ sajalaṃ cārpya tapaḥ karoti tiṣṭhati || 18 ||
[Analyze grammar]

ekapādena vai sūryaṃ dṛṣṭvā sthirā pratiṣṭhati |
āsāyaṃ ca tataścārārtrikaṃ snātvā karoti ca || 19 ||
[Analyze grammar]

rātrau karoti bhajanaṃ kṛṣṇanārāyaṇeti ca |
ardharātrottaraṃ nidrāṃ ghaṭikāmātramṛcchati || 20 ||
[Analyze grammar]

samutthāya hariṃ dhyātvā brāhme snātvā'rcanaṃ hare |
nityavat prakarotyeva kandamūlaphalāśanā || 21 ||
[Analyze grammar]

varṣamātraṃ tathā kṛtvā tato vāryaśanā'bhavat |
sūryodayaṃ samārabhyā''sāyaṃ tiṣṭhati nityadā || 22 ||
[Analyze grammar]

aṅguṣṭhaikasthirā caivaṃ varṣamātraṃ tapo'karot |
tato divāniśaṃ sthairyaṃ samālambya sthitā'bhavat || 23 ||
[Analyze grammar]

vāyvāhārā hṛdayena pūjikā śrīharestadā |
śarīraṃ varṣamātreṇa jaḍavat kāṣṭhatāṃ gatam || 24 ||
[Analyze grammar]

pakṣiṇo yatra tiṣṭhanti kīṭāḥ kurvanti mṛdgṛham |
evaṃ valmīkachannā sā varṣe catuṣṭaye'bhavat || 25 ||
[Analyze grammar]

varṣe tu pañcame tasyā mastake stambarohaṇam |
tṛṇodgamaśca sañjāto dṛśyate sā na mānavī || 26 ||
[Analyze grammar]

tato brahmā haro viṣṇuḥ sūryo gaṇapatiḥ striyaḥ |
āyayurdevadevyādyāḥ satītapaḥprakarṣitāḥ || 27 ||
[Analyze grammar]

devyaḥ stambatṛṇādīni dūrīcakrurmṛdāṃ cayāt |
gaṇeśaścāpi sūryaśca mṛdo dūrīpracakratuḥ || 28 ||
[Analyze grammar]

brahmā jalaṃ dadau tatrā'ñjalinā prokṣaṇaṃ śubham |
rudraḥ prāṇapracāraṃ cā'kārayat prokṣaṇena tu || 29 ||
[Analyze grammar]

viṣṇustasyāścetanaṃ cā''vāhyat sarvavarṣmaṇi |
tataḥ sā tūtthitā bodhaṃ prāptā'namat surān puraḥ || 30 ||
[Analyze grammar]

oṃ namaḥ śrīsvāmikṛṣṇanārāyaṇāya te svāhā |
uvāca sādhvī cā'vyagrā rakṣantaṃ svāṃ nijaṃ prabhum || 31 ||
[Analyze grammar]

sasmāra devadeveśaṃ śrīmatkṛṣṇanarāyaṇam |
devā ūcurvada sādhvi kiṃ te manasi vartate || 32 ||
[Analyze grammar]

dadmaste'bhīṣṭamatraiva varaṃ vṛṇvadya mā ciram |
ityuktā sā prajagāda varaṃ kṛṣṇanarāyaṇāt || 33 ||
[Analyze grammar]

vṛṇomyeva na cānyasmād devāḥ svastyastu vaḥ sadā |
bhavantaḥ pūjitā nityaṃ mayā dharmo yato hi saḥ || 34 ||
[Analyze grammar]

lokasaṃgraharakṣārthaṃ svati vo'stu yadāgatāḥ |
devyaḥ svasti ca yuṣmākaṃ sadā'stu kuśalaṃ tathā || 35 ||
[Analyze grammar]

ityuktvā svāgataṃ cakre hṛdayena sutuṣyatā |
jajāpa śrīsvāmikṛṣṇanārāyaṇaṃ śriyaḥ patim || 36 ||
[Analyze grammar]

tāvacchrībhagavāṃstatra ya āsīt stambasaṃsthitaḥ |
vṛkṣarūpaḥ sa valmīke prāvirāsa hariḥ svayam || 37 ||
[Analyze grammar]

dvibhujaścampakavarṇaḥ svarṇabhūṣāvirājitaḥ |
koṭikoṭyarkatejobhirvyāpto divyākṛtiḥ patiḥ || 38 ||
[Analyze grammar]

divyasauvarṇabhūṣāḍhyo divyāmbaravirājitaḥ |
divyaratnālimālābhiḥ śobhamānaḥ śrīvallabhaḥ || 39 ||
[Analyze grammar]

divyakaṭakaśobhāḍhyo divyamukuṭakuṇḍalaḥ |
divyakaustubharaśanormikāyaṣṭivirājitaḥ || 40 ||
[Analyze grammar]

rādhāramāprabhāpārvatīhaṃsāmañjulā'rcitaḥ |
saguṇāmāṇikīśāntāvijayālalitārcitaḥ || 41 ||
[Analyze grammar]

hemantabhagavaddevaprakāśakeśavādibhiḥ |
pārṣadaiḥ sahitastatra suyuvā saṃsthito'bhavat || 42 ||
[Analyze grammar]

rūpānurūpā'vayavaḥ kare naktakamādadhan |
tāmbūlacarvaṇaṃ kurvan hasan hariḥ sthito'bhavat || 43 ||
[Analyze grammar]

karābhyāṃ sa spṛśaṃstasyā mastake cāśiṣaṃ vadan |
varārthaṃ ca prayuñjaṃstāṃ devān prati vyalokayat || 44 ||
[Analyze grammar]

devaiḥ sākṣāddharirdṛṣṭaḥ stutaḥ stotraistu sāmagaiḥ |
pūjitaḥ parayā bhaktyā tatastasthuḥ sureśvarāḥ || 45 ||
[Analyze grammar]

pupūja sā svāmikṛṣṇaparabrahmapareśvaram |
patraṃ puṣpaṃ jalaṃ bhāvaṃ dadau śrīpataye satī || 46 ||
[Analyze grammar]

varaṃ samārthayat tasmāccaturyugaguṇāśrayāḥ |
pautrā me santu bhagavan yena yogo bhavettava || 47 ||
[Analyze grammar]

pautrāṇāṃ ca kuṭumbasya bhaktyā cānanyalabdhayā |
yugadoṣeṇa doṣaiśca dveṣeṇāpi drutaṃ tava || 48 ||
[Analyze grammar]

bhaved bhaktiḥ smṛtirnityā snehādapyadhikā yataḥ |
tava yogaṃ vinā mokṣo naiva bhavati dehinām || 49 ||
[Analyze grammar]

ānyopāyaiściraṃlabhyo dveṣairlabhyo drutaṃ bhavān |
tava hastena maraṇaṃ mokṣadaṃ niścitaṃ bhavet || 50 ||
[Analyze grammar]

ityevaṃ matkuṭumbārthe samicchāmi varaṃ prabho |
dehi me ceti śrutvaiva tathā'stvityāha keśavaḥ || 51 ||
[Analyze grammar]

atha haryājñayā devāḥ satkṛtā prayayuśca te |
ailavilā tapastyaktvā prasādaṃ bubhuje hareḥ || 52 ||
[Analyze grammar]

jalaṃ phalaṃ rasaṃ madhu snātvā śuddhiṃ vidhāya ca |
svāmikṛṣṇaṃ samapṛcchat pulastyasya priyā satī || 53 ||
[Analyze grammar]

ailavilovāca |
bhagavan saṃśayānme'tra chettumarhasi sarvavit |
nāryāstu saṃśayān kaścidanyaśchettuṃ na cārhati || 54 ||
[Analyze grammar]

kecid dhyānaṃ vṛṣaṃ cānye vivekaṃ yogasādhanām |
brahmacaryaṃ tapaḥ pātivratyaṃ patnīvrataṃ pare || 55 ||
[Analyze grammar]

satyaṃ tyāgamahiṃsāṃ satītvaṃ sanyāsamityapi |
dānaṃ dayāṃ cādhyayanaṃ praśaṃsanti tathetare || 56 ||
[Analyze grammar]

tīrthayātrāṃ cendriyāṇāṃ nigrahaṃ satsamāgamam |
sarvārpaṇaṃ prapattiṃ vā gurvarpaṇaṃ virāgitām || 57 ||
[Analyze grammar]

jñānaṃ brahmamayaṃ caiṣāṃ kiṃ śreyo brūhi me prabho |
yadi vā vidyate cānyad guptaṃ tadvaktumarhasi || 58 ||
[Analyze grammar]

śrutvā cailavilāvākyaṃ svāmikṛṣṇanarāyaṇaḥ |
prāha divyaṃ paraṃ tattvaṃ śreyaḥpradaṃ parātparam || 59 ||
[Analyze grammar]

hitāya sarvajīvānāṃ pūrvaiḥ pūrvataraiḥ sṛtam |
avācyaṃ sarvagūḍhārthaṃ jñānamajñairbahiṣkṛtam || 60 ||
[Analyze grammar]

śrīkṛṣṇanārāyaṇasvāmyuvāca |
paraṃ guhyatamaṃ kṣetraṃ paradhāmapradaṃ param |
mamā'kṣarāhvayaṃ kṣetraṃ yatra kuṃkumavāpikā || 61 ||
[Analyze grammar]

sarveṣāṃ dehināṃ vāsāt saṃsārārṇavatāriṇī |
aśvapaṭṭasaroramyā lomaśāśramaśobhitā || 62 ||
[Analyze grammar]

tatra bhaktā ailavile madīyaṃ vratamāsthitaḥ |
nivasanti mahātmānaḥ parāṃ bhaktiṃ mamāśritāḥ || 63 ||
[Analyze grammar]

uttamaṃ sarvatīrthānāṃ kṣetrāṇāmuttamaṃ ca yat |
sthānānāmuttamaṃ sthānaṃ kṣetraṃ me'kṣarasaṃjñitam || 64 ||
[Analyze grammar]

bhūtale naiva saṃlagnaṃ cidākāśasthitaṃ hi tat |
adivyā nahi paśyanti muktāḥ paśyanti tad hṛdā || 65 ||
[Analyze grammar]

sthānaṃ priyatamaṃ me tad guptaṃ śīghraṃ pramuktidam |
madbhaktā yatra vartante māmeva ca bhajanti vai || 66 ||
[Analyze grammar]

tatra yānti narā nāryaste'pi prayānti matpadam |
anyadhāmāni dṛṣṭvaiva māmeva praviśanti te || 67 ||
[Analyze grammar]

dattaṃ japtaṃ kṛtaṃ ceṣṭaṃ taptaṃ dhyātaṃ hutaṃ śrutam |
sevitaṃ bhojitaṃ jñātaṃ sarvaṃ tatrā'kṣayaṃ bhavet || 68 ||
[Analyze grammar]

janmāntarasahasreṣu kṛtaṃ pāpaṃ tu sañcitam |
kṣetre'kṣare praviṣṭasya sarvaṃ drāg yāti saṃkṣayam || 69 ||
[Analyze grammar]

mānavāstu narā nāryaḥ saṃkarāścātipāpinaḥ |
pāpayonigatā duṣṭāḥ striyaḥ saṃkīrṇayogajāḥ || 70 ||
[Analyze grammar]

mlecchāścaṇḍālajāścāpi kīṭāḥ pipālikā mṛgāḥ |
paśavaḥ pakṣiṇaḥ sarīsṛpāstṛṇāni pādapāḥ || 71 ||
[Analyze grammar]

vallayo jaḍajātāśca yadi kṣetre'kṣare mṛtāḥ |
te tu sacandratilakā mahāhastyādivāhanāḥ || 72 ||
[Analyze grammar]

ramye mamā'kṣare divyāste prayānti pramokṣaṇam |
akṣare tu mṛtaḥ kaścinna yāti narakaṃ hyaghī || 73 ||
[Analyze grammar]

mamā'nugrahamāptāste sarve yāntyakṣaraṃ padam |
kiṃ vaktavyaṃ bhavedatra cailavile mama sthale || 74 ||
[Analyze grammar]

mokṣaṃ sudurlabhaṃ jñātvā saṃsāraṃ cātibhīṣaṇam |
gatiṃ jñānena hatvā'pi vaset kṣetre'kṣare mama || 75 ||
[Analyze grammar]

yatra tatra vipannasya gatistvatra hi mokṣadā |
prasādād dahyati pāpaṃ vāsāttu divyatā bhavet || 76 ||
[Analyze grammar]

darśanānmama muktiśca jāyate tvakṣare pade |
mama yogānmahāmuktirjāyate me pare pade || 77 ||
[Analyze grammar]

apuṇyā nahi paśyanti māyāpaṭalacakṣuṣaḥ |
tamovṛttā na paśyanti divyaṃ kṣetraṃ mamā'kṣaram || 78 ||
[Analyze grammar]

te tu viṇmūtraretobhṛddehe viśanti vai muhuḥ |
hanyamāno'pi yo dehī viśed vighnaśatairapi || 79 ||
[Analyze grammar]

akṣaraṃ paramaṃ kṣetraṃ cā'śvapaṭṭasaro'bhitaḥ |
sa yāti paramaṃ dhāma yatra gatvā na śocati || 80 ||
[Analyze grammar]

janmamṛtyujarāmuktaṃ paraṃ kṣetraṃ mamāspadam |
apunarmaraṇānāṃ tad gaditaṃ mokṣakāṃkṣiṇām || 81 ||
[Analyze grammar]

na dānairna tapobhiśca na yajñairnāpi vidyayā |
prāpyate gatirutkṛṣṭā yā'kṣare labhyate parā || 82 ||
[Analyze grammar]

nānāvarṇā vivarṇāśca caṇḍālādyā jugupsitāḥ |
kilbiṣaiḥ pūrṇadehāśca nikṛṣṭaiḥ pātakairyutāḥ || 83 ||
[Analyze grammar]

teṣāṃ tīkṣṇaṃ bheṣajaṃ cākṣaraṃ kṣetraṃ paraṃ padam |
akṣaraṃ tatparaṃ jñānamakṣaraṃ tatparaṃ padam || 84 ||
[Analyze grammar]

akṣaraṃ tatparaṃ vattvamakṣaraṃ puruṣottamaḥ |
dhṛtvā vai naiṣṭhikīṃ dīkṣāmakṣare ye vasanti te || 85 ||
[Analyze grammar]

matto labdhvā paraṃ jñānaṃ yānti me paramaṃ padam |
prabhāsaṃ svarṇanagarī vastrāpathaṃ ca narmadā || 86 ||
[Analyze grammar]

nārāyaṇasaraccāpi puṣkaraṃ kauravaṃ sthalam |
gaṃgā badarikā śālagrāmaṃ śrīśaila ityapi || 87 ||
[Analyze grammar]

himālayaśca kedāro gayā gokarṇamityapi |
kṛṣṇā godāvarī sindhurgomatī brahmaputrikā || 88 ||
[Analyze grammar]

nārāyaṇīsariccāpi vijñaturīyakaṃ saraḥ |
tūṃgānīkasaro nyāsasaraścaṇḍasarastathā || 89 ||
[Analyze grammar]

naṣṭajarānadī raktavārdhirnīlābdhirityapi |
nīparā dīnayūpā ca senā mahābṛhatsaraḥ || 90 ||
[Analyze grammar]

antārkivartulaṃ cāpi sūparyuparikaṃsaraḥ |
pannāmnī kālimā cāpi yāneśī śvetavāridhiḥ || 91 ||
[Analyze grammar]

uralādrirmānasaṃ ca saro brahmasarovaram |
bālakṛṣṇasaraścāpi dvikalaṃ ca sarastathā || 92 ||
[Analyze grammar]

aṃgaśikṣāṃgikā cāpi murānadī turunadī |
aitānadī mikāṃgā ca irāvatī nadī tathā || 93 ||
[Analyze grammar]

hutalīnā ca gaṃgā'pi sābharākhyaṃ mahat saraḥ |
etāni puṇyasthānāni pṛthivyāṃ viśrutāni tu || 94 ||
[Analyze grammar]

tāni tvāyānti satataṃ cāśvapaṭṭasarovaram |
tanmṛtāḥ paramaṃ mokṣaṃ na yānti te yathā'kṣare || 95 ||
[Analyze grammar]

kuṃkumavāpikākṣetre sākṣādahaṃ pareśvaraḥ |
brahmahradaṃ samādāya vartāmyeva nirantaram || 96 ||
[Analyze grammar]

brahmahrado'nantajanmakṛtapāpāni nāśayet |
anyatra sulabhā gaṃgā śrāddhaṃ dānaṃ japo vratam || 97 ||
[Analyze grammar]

kuṃkumavāpikākṣetre tatsarvaṃ tvatidurlabham |
yadi pāpo yadi śaṭho yadi tvadhārmiko janaḥ || 98 ||
[Analyze grammar]

akṣaraṃ tatpadaṃ prāpya punāti kulasaptakam |
yajeta juhuyānnityaṃ dadātyarcayate tathā || 99 ||
[Analyze grammar]

kṣetre'kṣare tu māṃ bhaktastasyā'nantaguṇaṃ phalam |
tatra gatvā tu ye bhaktā arcayanti stuvanti mām || 100 ||
[Analyze grammar]

sarvapāpavinirmuktāste jñeyā mama pārṣadāḥ |
anyatra yāgājjñānādvā sanyāsādatha yogataḥ || 101 ||
[Analyze grammar]

prāpyate tatparaṃ sthānaṃ sahasreṇa tu janmanām |
akṣare ye vasantyete vindantyekena janmanā || 102 ||
[Analyze grammar]

tatra yogastapo jñānaṃ vrataṃ cāhaṃ nirantaram |
māṃ samāsādya bhaktānāṃ gantavyaṃ nā'sti cā'param || 103 ||
[Analyze grammar]

tadeva guhyaṃ guhyānāṃ paraṃ śreyaḥpradaṃ matam |
jñānadhyānaniviṣṭānāṃ paramānandamicchatām || 104 ||
[Analyze grammar]

tatra dadāmyahaṃ mantraṃ tvakṣare kṣetrake mama |
yattatparataraṃ tattvaṃ so'haṃ kṣetraṃ ca tanmama || 105 ||
[Analyze grammar]

bhrūmadhye nābhimadhye ca hṛdaye'pi ca mūrddhani |
yasmāt kasmād yāti cā'sustvakṣare'tra pramucyate || 106 ||
[Analyze grammar]

anādiśrīkṛṣṇanārāyaṇasvāmī vasāmyaham |
māmāsādyā'tipāpāśca prayānti paramāṃ gatim || 107 ||
[Analyze grammar]

nārāyaṇānāṃ sarveṣāṃ śreṣṭho'haṃ parameśvaraḥ |
nārāyaṇāstathā cānye śaṃbhvādyā vaiṣṇavā api || 108 ||
[Analyze grammar]

dhāmānyapi ca sarvāṇi dhāmasthā muktakoṭayaḥ |
brahmāṇḍeśvaravaryāśca devādyāstīrthakoṭayaḥ || 109 ||
[Analyze grammar]

vasāmastatra me kṣetre'kṣare cāśvasaro'bhitaḥ |
kuṃkumavāpikā brahmarūpiṇī muktasatpurī || 110 ||
[Analyze grammar]

pāpopahatamatayo naiva paśyanti divyatām |
na teṣāṃ vīkṣituṃ śakyaṃ cā'kṣaraṃ mama bhūtalam || 111 ||
[Analyze grammar]

puṇyavāsāḥ smarantyenāṃ purīṃ divyena cakṣuṣā |
paśyanti yogasiddhā ca lokāntare'pi vāsinaḥ || 112 ||
[Analyze grammar]

āgacchatāmidaṃ sthānaṃ sevituṃ mokṣakāṃkṣiṇām |
mṛtānāṃ pathi cetteṣāṃ punarjanma na vidyate || 113 ||
[Analyze grammar]

yogī vā'pyathavā'yogī pāpī vā puṇyakṛttamaḥ |
na lokavacanāt pitrorna cāpi guruvādataḥ || 114 ||
[Analyze grammar]

matiṃ cotkramayet sākṣādakṣarakṣetragāṃ śubhām |
kuṃkumavāpikāvāsaṃ cā'śvasarojalāplavam || 115 ||
[Analyze grammar]

rādhike bhagavānevaṃ cailavilāṃ prabodhya ca |
virarāma kṣaṇaṃ sā'pi śrutvā''ścaryamavāpa ha || 116 ||
[Analyze grammar]

iti śrīlakṣmīnārāyaṇīyasaṃhitāyāṃ dvitīye tretāsantāne'nādiśrīkṛṣṇanārāyaṇasvāminā ailavilāyai kathitamakṣaramāhātmyamitināmā pañcāśītitamo'dhyāyaḥ || 85 ||
[Analyze grammar]