Chapter 84

śrīkṛṣṇa uvāca |
śṛṇu tvaṃ rādhike camatkṛtiṃ nārāyaṇasya ca |
brahmaputrapulastyasya bhāryāyā bhaktigocarām || 1 ||
[Analyze grammar]

pulastyasya priyā bhāryā tṛṇabindoḥ sutā śubhā |
ailavilā'bhavannāmnā tasyāṃ vai viśravāḥ sutaḥ || 2 ||
[Analyze grammar]

abhavad bahuśāstrāṇāṃ jñātā dharmaparāyaṇaḥ |
pulastyaṃ tvekadā cailavilā'pṛcchad vṛṣān prati || 3 ||
[Analyze grammar]

yugadharmāḥ purā cāsan kīdṛśā vada me pate |
pulastyastu tataḥ prāha sarvān saṃkṣepato vṛṣān || 4 ||
[Analyze grammar]

kṛtaṃ tretā dvāparaśca kaliśceti caturyugam |
dhyānaṃ tapaḥ kṛtayuge tretāyāṃ jñānamadhvaraḥ || 5 ||
[Analyze grammar]

dvāpare yajña eveti dānamekaṃ kalau yuge |
brahmā kṛtayuge devaḥ sarvatra gatimānabhūt || 6 ||
[Analyze grammar]

tretāyāṃ gatimān sūryaścā'bhavanmelanakṣamaḥ |
dvāpare daivataṃ viṣṇuḥ sākṣācca gatimānabhūt || 7 ||
[Analyze grammar]

kalau kālasvarūpaśca devo rudraḥ pravartate |
yatra tatra mahān kleśaḥ kalau vināśako yataḥ || 8 ||
[Analyze grammar]

kṛte tu samasaṃkhyākāḥ kanyāścātha kumārakāḥ |
āsan samānayugalā vṛttisteṣāmalolupā || 9 ||
[Analyze grammar]

prajāstṛptāḥ sadā sarvāḥ sarvānandāḥ sukhāśrayāḥ |
uttamā'dhamatā nāsti nirviśeṣāḥ purandhrikāḥ || 10 ||
[Analyze grammar]

tulyamāyuḥ sukhaṃ rūpaṃ balaṃ tuṣṭiḥ sthirā matiḥ |
viśokā jñānabahulā ekāntabahulāstathā || 11 ||
[Analyze grammar]

dhyānaniṣṭhāstaponiṣṭhāḥ parabrahmaparāyaṇāḥ |
sadā niṣkāmacāriṇyo nityaṃ muditamānasāḥ || 12 ||
[Analyze grammar]

parvatodadhivāsinyo hyaniketāḥ kṣitiśrayāḥ |
saṃkalpajanyabhojyāśca saṃkalpotthajalādanāḥ || 13 ||
[Analyze grammar]

saṃkalpajanyasurasāḥ sadā śāntā yatheśvarāḥ |
sarvamāsāmātmalabhyaṃ tadāsīd brahmasātkṛtam || 14 ||
[Analyze grammar]

rasollāsāḥ sadā hyāsan kṛtakṛtyāḥ kṛte yuge |
catuḥsahasravarṣāṇāṃ vigame sandhirāgataḥ || 15 ||
[Analyze grammar]

aṣṭaśatābdastatraiva rasollāso na vegavān |
rāgaścāpi vilāsaśca samudbhavati vai śanaiḥ || 16 ||
[Analyze grammar]

satyasiddhau prakṣīṇāyāmanyā siddhiḥ pravartate |
apāṃ saukhye hirīsamāpte tadā meṣātmanā'mbarāt || 17 ||
[Analyze grammar]

meghebhyaḥ stanayitnubhyaḥ pravṛttaṃ vṛṣṭisarjanam |
sakṛdeva tayā vṛṣṭyā saṃpṛkto pṛthivītale || 18 ||
[Analyze grammar]

jalaṃ dvādaśamāsāṃśca vartate sma sthalabhṛtam |
tatra vṛkṣā vallikāśca prādurāsan rasabhṛtāḥ || 19 ||
[Analyze grammar]

sarve pratyupabhogāśca tadā tebhyo bhavanti vai |
vartayanti sma kalpākhyavṛkṣādibhyastadā prajāḥ || 20 ||
[Analyze grammar]

vṛkṣāstadā prajānāṃ ca nivāsāḥ ketanāni ca |
āsan bhittivihīnāni sarvāṇyapi gṛhāṇyapi || 21 ||
[Analyze grammar]

vṛkṣāśritāḥ prajāḥ sarvā rāgalobhādidharṣitāḥ |
svakīyatve ca pārakye vivādamāśrayan kvacit || 22 ||
[Analyze grammar]

rāgalobhodbhavaḥ kleśastadā sthānamavāptavān |
tena daivāstu te kalpadrumā nāśamatho gatāḥ || 23 ||
[Analyze grammar]

tatasteṣu praṇaṣṭeṣu vibhrāntāḥ śokitāḥ prajāḥ |
kalpadrumān balahīnān sevājanyaphalapradān || 24 ||
[Analyze grammar]

avāpuḥ pṛthivītastā bījādyudbhavagocarān |
vastrāṇi valkalākhyāni phalāni bhojanāni ca || 25 ||
[Analyze grammar]

puṣpāṇi tvābharaṇāni prasūyante sma yatnataḥ |
teṣveva jāyate tāsāṃ gṛdhno raso'tha bhojanam || 26 ||
[Analyze grammar]

amākṣikaṃ mahāvīryaṃ puṭake puṭake madhu |
phalebhyaḥ prasravantyeva rasā miṣṭāśca dhārayā || 27 ||
[Analyze grammar]

taiḥ prajā vartayanti sma duṣṭāstuṣṭā gatajvarāḥ |
atha tretottare kāle prajā lobhāvṛtāstadā || 28 ||
[Analyze grammar]

viśeṣataḥ samabhavan balāt kṛtvā nijān drumān |
paryagṛhṇanta ca madhu mākṣikaṃ ca phalādikam || 29 ||
[Analyze grammar]

evaṃ kleśo nirbalānāṃ madhulābhe vinā'bhavat |
vṛkṣā vilokya tu pakṣapātaṃ prajākṛtaṃ tadā || 30 ||
[Analyze grammar]

praṇaṣṭā madhunā sārdhaṃ bījodbhavā api drumāḥ |
tadā śītātapavarṣābhiḥ pīḍā jāyate nṛṣu || 31 ||
[Analyze grammar]

dvandvaiḥ sampīḍyamānāstu cakrurāvaraṇāni hi |
gṛhabhittīḥ parṇakuṭīrvārtopāyānacintayan || 32 ||
[Analyze grammar]

vṛṣṭijanyajalānyeva nimnagāni tu yatra ca |
srotaḥsthāneṣu tiṣṭhanti garteṣu ca saraḥsu ca || 33 ||
[Analyze grammar]

tatra vāsān pracakruśca vṛkṣasasyādijīvikāḥ |
apāṃ bhūmeśca saṃyogādoṣadhayastadā'bhavan || 34 ||
[Analyze grammar]

akṛṣṭapacyā api tāścānuptāśca kvacit kvacit |
kvaciduptāśca sakaṇāḥ saphalāśca tadā'bhavan || 35 ||
[Analyze grammar]

ṛtupuṣpaphalāstatra vṛkṣagulmāśca jajñire |
tretānte rāgalobhāḍhyāścāhaṃmamatvasaṃbhṛtāḥ || 36 ||
[Analyze grammar]

avaśyaṃbhāvitārthena prajāścāsan sakalmaṣāḥ |
prasahya sattayā paryagṛhṇanta sasyavāṭikāḥ || 37 ||
[Analyze grammar]

vṛkṣagulmauṣadhīścāpi prasahya tu yathābalam |
naijāṃścakruḥ prajā rāgānnadīkṣetrāṇi parvatān || 38 ||
[Analyze grammar]

tatrāpi prabalā jātāḥ kṣatriyā rakṣakāḥ purā |
brahmaṇā vai niyuktāste dīnarakṣākriyādiṣu || 39 ||
[Analyze grammar]

varṇāśramavyavasthāṃ ca tretāyāṃ kṛtavānajaḥ |
maryādāyāḥ pratiṣṭhārthaṃ daṇḍaṃ tadā samasṛjat || 40 ||
[Analyze grammar]

yajñapravartanaṃ cāpi paśuhiṃsāvivarjanam |
tretānte tāṃ vyavasthāṃ ca brāhmaṇāḥ kṣatriyānvitāḥ || 41 ||
[Analyze grammar]

samarakṣan yathāyogyāṃ materbhedastato'bhavat |
rāgo lobhaḥ pakṣapāto yuddhaṃ sampadviluṇṭhanam || 42 ||
[Analyze grammar]

dvāpare tvāgate sarvaṃ prāvartata prajāsu vai |
nagarāṇi ca rājyāni sīmakṣetrāṇi vāṭikāḥ || 43 ||
[Analyze grammar]

kṛṣṭapacyāḥ kaṇāścāpi prāvartanta tadā priye |
avṛṣṭirmaraṇaṃ caiva tathaiva vyādhyupadravāḥ || 44 ||
[Analyze grammar]

vāṅmanaḥkāyajāḥ kleśā abhavaṃśca gṛhe gṛhe |
prajāśca mithunotpādyāstretārdhottarakālataḥ || 45 ||
[Analyze grammar]

kvacit kvacittu saṃkalpaprajāścāsaṃstadā priye |
dvāpare sarvathā kāmabījodbhavāḥ prajāḥ khalu || 46 ||
[Analyze grammar]

sāśrayāśca mṛṣāvīryā mṛṣāphalāstathā'bhavan |
vāsanābalasaṃvyāptāścātmavīryavihīnakāḥ || 47 ||
[Analyze grammar]

siddhiśūnyāḥ prajāḥ sarvā vyavardhanta madārditāḥ |
duḥkhānāṃ dvāpare cākasmikatā maraṇasya ca || 48 ||
[Analyze grammar]

tadbhayājjāyate tāsāṃ duḥkhamokṣavicāraṇā |
vicārāccāpi vairāgyaṃ jñānaṃ bhaktiśca mokṣaṇam || 49 ||
[Analyze grammar]

evaṃ dvāparadharmāśca varṇānāmabhavaṃstadā |
āśramāṇāṃ tathā dharmāḥ pṛthak pṛthak tato'bhavan || 50 ||
[Analyze grammar]

prāpte kalau kleśalābhe kleśavyākulitāḥ prajāḥ |
tiṣye māyāmasūyāṃ ca vadhaṃ cāpi tapasvinām || 51 ||
[Analyze grammar]

sādhayanti janā nityaṃ tamasā madagarvitāḥ |
kalau prabhārako rogaḥ satataṃ kṣudbhayaṃ tathā || 52 ||
[Analyze grammar]

anāvṛṣṭibhayaṃ ghoraṃ deśānāṃ ca viparyayaḥ |
adhārmikā anācārā mahākopā'lpatejasaḥ || 53 ||
[Analyze grammar]

anṛtaṃ bruvate lubdhāstiṣye janāḥ suduṣprajāḥ |
duriṣṭairduradhītaiśca durācārairdurāgamaiḥ || 54 ||
[Analyze grammar]

viprāṇāṃ karmadoṣaiśca prajānāṃ jāyate bhayam |
na dharmo vedadharmo hi kintu kalpita eva saḥ || 55 ||
[Analyze grammar]

śūdradharmāścaikavarṇāḥ śayanāsanabhojanaiḥ |
bhavantyeva prajāḥ sarvā varṇāśramavivarjitāḥ || 56 ||
[Analyze grammar]

rājānaścaurakarmāṇo viprāḥ kāpaṭyabhoginaḥ |
guravaḥ śiṣyahārāśca bhavantyeva kalipriyāḥ || 57 ||
[Analyze grammar]

bhrūṇahatyā vīrahatyā nārīhatyā nareśvare |
sādhuhatyā satīhatyā dharmahatyā prajāsu ca || 58 ||
[Analyze grammar]

snānaṃ homo japo dānaṃ surārcanaṃ hareḥ smṛtiḥ |
tyajyante mānavaistiṣye kāmalobhaparāyaṇaiḥ || 59 ||
[Analyze grammar]

devānsādhūn vṛṣān mokṣaṃ nindantyapi śriyaḥ patim |
kurvantyanyāyakarmāṇi nikṛṣṭācārapanthinaḥ || 60 ||
[Analyze grammar]

kuśīlacaryāḥ pākhaṇḍairvṛthācāraiḥ samāvṛtāḥ |
bahuyācanakāḥ sarve bhavantyeva kalau janāḥ || 61 ||
[Analyze grammar]

deśā rūkṣā aṭavīvat grāmā rūkṣāstu ghoṣavat |
narā nāryastathā rūkṣāḥ premahīnāḥ parāśrayāḥ || 62 ||
[Analyze grammar]

sasyacaurāḥ kaṇacaurā vastracaurāḥ prahāriṇaḥ |
caurāścaurasya hartāro harturhantā tathā'paraḥ || 63 ||
[Analyze grammar]

duḥkhabahulā rugṇāścotsādāścālpāyuṣo janāḥ |
adharmābhiniveśitvāt tamovyāptāḥ kalau prajāḥ || 64 ||
[Analyze grammar]

uccanīcāsanabhedo yogyatā pūjyatā nayaḥ |
naranārīgauravādi naśyatyeva kalau yuge || 65 ||
[Analyze grammar]

rājā prajāḥ kapaṭasya nartakā iva tiṣyake |
dvijāḥ śūdrā bhavantyeva śūdrāścāṇḍālakāstathā || 66 ||
[Analyze grammar]

sarvadharmastveka eva bhojyānnavāsalagnake |
peyāpeyavibhāgo na bhogyābhogyavihīnatā || 67 ||
[Analyze grammar]

satyā'satyaviveko na grāhyāgrāhyātilaṃghitā |
kalpanākuladharmāṃśca kāmānukūlayoṣitaḥ || 68 ||
[Analyze grammar]

mohānukūlakāntaśca yatayo dhūrtadharmiṇaḥ |
lokagānairdevatānāṃ kīrtanaṃ dharmavarjitam || 69 ||
[Analyze grammar]

jñānaṃ karma vinaṣṭaṃ ca bhavatyeva kalau sadā |
kīṭamūṣakasarpāṇāṃ daṃśā bhavanti tiṣyake || 70 ||
[Analyze grammar]

sarve duṣṭavratācārāḥ svārthamātrasuyoginaḥ |
mohayanti janān sarvān darśayitvā phalāni hi || 71 ||
[Analyze grammar]

mantrakarmakarāścābhicārakā mārakāstathā |
nirdayāśca śaṭhā dhūrtā ghātakā mānavāḥ kalau || 72 ||
[Analyze grammar]

māṃsādā madirāpāśca yonisambandhamātrakāḥ |
liṃgasambandhamātrāśca dhanārthakṛtaghātakāḥ || 73 ||
[Analyze grammar]

veṣācārasamāścāpi netrasatkāravarjitāḥ |
viśvāsaghnāśca mitradhnā āśritaghnāḥ kalau yuge || 74 ||
[Analyze grammar]

gṛhaghnāśca kuṭumbaghnāḥ svīyaghnāśca kalau yuge |
dharmaghnāścāpi dharmighnā mātṛghnāḥ pitṛghātakāḥ || 75 ||
[Analyze grammar]

snuṣāghnāḥ kanyakāghnāśca svasṛghnā bhrātṛghātakāḥ |
ṣoḍaśādikasaṃskārairhīnāḥ sūtakavarjitāḥ || 76 ||
[Analyze grammar]

śaucahīnāḥ snānahīnā vratahīnāḥ kalau yuge |
sūtrahīnā vivāhādividhivarjyā narāḥ striyaḥ || 77 ||
[Analyze grammar]

agnihīnā maṇḍapādihīnā homavivarjitāḥ |
sadācāravihīnāśca gṛhācāravihīnakāḥ || 78 ||
[Analyze grammar]

abhakṣyabhakṣaṇāḥ sarve sarvabhakṣāḥ kalau yuge |
rākṣasā brāhmaṇā yakṣā gandharvāḥ kinnarāḥ surāḥ || 79 ||
[Analyze grammar]

śvapacāśca piśācāśca samā bhavanti vai kalau |
anyonyabhayakartāro'nyonyanāśavidhāyakāḥ || 80 ||
[Analyze grammar]

alajjāścāpi nirlajjāḥ sarvagauravavarjitāḥ |
yatheṣṭabhogavantaśca kumārāḥ kanyakāḥ striyaḥ || 81 ||
[Analyze grammar]

keśayonistanadarśakā'mbarāḍhyāstu kanyakāḥ |
kartryaścāpi ca kartāraḥ prakāśe guptakarmaṇām || 82 ||
[Analyze grammar]

hastamātraśarīrāśca romapaṭalavastrakāḥ |
pañcahastadrumāścānte bhavantyeva kalau yuge || 83 ||
[Analyze grammar]

na rājā na prajābhāvo na śāsyaḥ śāsako na ca |
na gṛhāṇi nivāsā na na śālāḥ pākasiddhaye || 84 ||
[Analyze grammar]

na gṛhe tvannacayitā na gṛhe vāripeyitā |
na gṛhe śayanaṃ nāryā na patyurgṛhavāsitā || 85 ||
[Analyze grammar]

patipatnīkṛto yogo nahi tiṣṭhati vai kalau |
aṣṭavarṣā madhyavegā dvādaśānte mṛtiḥ kalau || 86 ||
[Analyze grammar]

pañcottaraṃ sagarbhāśca vinā grāmaṃ nivāsitā |
vānarīva tadā nārī sūtikā dūtikāṃ vinā || 87 ||
[Analyze grammar]

vinā khaṣṭvāṃ sūyate ca pṛthivyāṃ bālakaṃ tadā |
varṣadvaye tadā gaurī dvivarṣānte tu rohiṇī || 88 ||
[Analyze grammar]

varṣatraye bhavet kanyā caturvarṣā rajasvalā |
ata ūrdhvaṃ sagarbhā ca māsaṣaṭke prasūyate || 89 ||
[Analyze grammar]

varṣe dve vai prasūtī ca rajaḥ sakṛt kṣaṇasthiram |
maraṇaṃ ghaṭikākāle prāṇo naiva cirāyate || 90 ||
[Analyze grammar]

apatyāni mṛgaśāvādivaccaranti bhūtale |
sasyarasaiḥ prapuṣyante pakṣadugdhāstu mātaraḥ || 91 ||
[Analyze grammar]

pitṛnāma na caivāsti māturnāma kvacit kalau |
dīkṣālopo gurorlopo mantralopo na cotsavāḥ || 92 ||
[Analyze grammar]

devānāṃ mānavānāṃ vā samājo na kalau yuge |
idṃ kulamiti khyātiḥ kalau nāsti kuṭumbakam || 93 ||
[Analyze grammar]

pitṛśabdo guruśabdaḥ kalāvante na tiṣṭhati |
na rājā rājyaniyamā daṇḍā vā śāsakastadā || 94 ||
[Analyze grammar]

na devo mandiraṃ sampradāyaḥ śāstraṃ purāvratam |
brahmacaryaṃ na vai tatra yatitvaṃ gṛhasammatam || 95 ||
[Analyze grammar]

sanyāso vidyate naiva śīlaṃ dharmo na vai tadā |
vaidhavyaṃ vā vidhuratvaṃ dharmo naiva kalau yuge || 96 ||
[Analyze grammar]

sādhvītvaṃ ca satītvaṃ ca dharmo naiva kalau tadā |
kāmadharmaḥ paro dharmaḥ pākhaṇḍastatra saṃyamaḥ || 97 ||
[Analyze grammar]

narā nāryaḥ samarūpāḥ samaveṣāḥ samakriyāḥ |
samapradhānabhāvāśca samadāyādabhāginaḥ || 98 ||
[Analyze grammar]

na tadā varṣagaṇanā na cāṃkagaṇanā'pi ca |
na vidyābhyāsa evāpi tamovṛttijanāḥ kalau || 99 ||
[Analyze grammar]

kalāvante hi bhagavān prādurbhavati svāmirāṭ |
kalerbalaṃ vināśyaiva kṛtasthitiṃ karoti saḥ || 100 ||
[Analyze grammar]

evamuktā mayā patni dharmā yugacatuṣṭaye |
yathā bhavanti te sarve kālayogena dehiṣu || 101 ||
[Analyze grammar]

divasānte vedhasastu dhṛṣyamāṇo hi golakaḥ |
svalpatāṃ yāti vegācca bhramaṇena ca pārthivaḥ || 102 ||
[Analyze grammar]

divasā rātrya evāpi hrasvatāṃ yānti vai tadā |
ghaṭikāśca kalāḥ kāṣṭhā māsāḥ kālā hrasanti ca || 103 ||
[Analyze grammar]

sarvaṃ hrasvagatikaṃ ca kṣīṇāyuḥ parivartate |
tato hrāsaḥ pralayaśca sampadyate dinātyaye || 104 ||
[Analyze grammar]

ailavile vayaṃ yāmastadā satyaṃ tvajā''śrayam |
ityevaṃ rādhike prāha pulastyo nijabhāminīm || 105 ||
[Analyze grammar]

ailavilā tu tān dharmān śrutvā prāha patiṃ satī |
yatra sarve yugadharmā vidyante pautramīdṛśam || 106 ||
[Analyze grammar]

draṣṭumicchāmi cātraiva caturyugāśrayam ṛṣe |
pulastyaḥ prāha ca tathāstvityeva yoṣitaṃ nijām || 107 ||
[Analyze grammar]

pautrasyāpi prasaṃgena bhagavān sammiliṣyati |
lābhamevaṃ viditvaiva sutaṃ viśravasaḥ satī || 108 ||
[Analyze grammar]

kṛṣṇayogapradaṃ vavre yaṃ so'bhūd rāvaṇastathā |
ailavilā tapastepe kṛṣṇanārāyaṇopari || 109 ||
[Analyze grammar]

anādiśrīkṛṣṇanārāyaṇaḥ śrībhagavān svayam |
ailavilātapo draṣṭumāyayau sahyaparvate || 110 ||
[Analyze grammar]

iti śrīlakṣmīnārāyaṇīyasaṃhitāyāṃ dvitīye tretāsantāne pulastyoktacaturyugadharmāḥ ailavilāyai varadānaṃ tapaścaryā cetinirūpaṇanāmā caturaśītitamo'dhyāyaḥ || 84 ||
[Analyze grammar]