Chapter 76

śrīkṛṣṇa uvāca |
ākarṇaya tato rādhe tvavaśiṣṭāni yānyapi |
pañcasahasrarakṣāṃsi mahābalāni vegataḥ || 1 ||
[Analyze grammar]

vyomayuddhaṃ pracakruśca tarupāṣāṇaparvataiḥ |
prajagmuḥ rākṣasāste ca vimānaṃ paritastadā || 2 ||
[Analyze grammar]

śaṃbhuṃ gaṇapatiṃ sudarśanaṃ ca vīrabhadrakam |
vimāne sampraviśyaiva prajaghnustomarādibhiḥ || 3 ||
[Analyze grammar]

tato vīro gaṇeśaśca sudarśanaṃ śivastathā |
vimānāntargatān daityān dhṛtvā dhṛtvā triśūlakaiḥ || 4 ||
[Analyze grammar]

nijaghnuḥ prāṇataḥ sarvān vīrabhadro mukhe ca tān |
nikṣipya carvayāṃcakre jīvato rakṣasāṃ gaṇān || 5 ||
[Analyze grammar]

mṛtebhyo ye ca jāyante mṛṣārūpāśca tān haraḥ |
mahāmāyotthavaḍavānalairbhasmīcakāra ha || 6 ||
[Analyze grammar]

catuḥsahasradaityāste naṣṭā vai bhasmatāṃ gatāḥ |
atha sahasrasaṃkhyāste dudruvurvyomamārgataḥ || 7 ||
[Analyze grammar]

viviśuḥ saptapuṭake parvate gahvarādiṣu |
kalpalatāsamutpannā yoddhārastadanukramāḥ || 8 ||
[Analyze grammar]

viviśurgahvarādau ca jagṛhustān samantataḥ |
sudarśanaṃ mahācakraṃ kakarta kaṇṭhadeśataḥ || 9 ||
[Analyze grammar]

agnistān parito vīkṣya bhasmīcakāra sarvathā |
evaṃ hatā mahādaityāḥ saptapaṭṭādrivāsinaḥ || 10 ||
[Analyze grammar]

tato bhītā daityapatnyaḥ sāpatyāḥ śaraṇaṃ hareḥ |
āyayurvai rudantyastāḥ prāṇarakṣārthamityatha || 11 ||
[Analyze grammar]

dayāluḥ śrīharistatra cakraṃ sudarśanaṃ svakam |
vārayāmāsa tābhyaśca dadau jīvapradānakam || 12 ||
[Analyze grammar]

mṛtānāṃ viprabālānāṃ khāditānāṃ tu rākṣasaiḥ |
asthīni darśayāmāsurgartakṣiptāni tāstadā || 13 ||
[Analyze grammar]

ṣaṭśatānāṃ dvijānāṃ ca tathā sahasrayoṣitām |
daśasāhasrasaṃkhyākapuruṣāṇāṃ ca pakṣiṇām || 14 ||
[Analyze grammar]

paśūnāṃ bālakānāṃ ca nā'sthisaṃkhyā pravidyate |
krośasaṃsthe mahāgarte tāni vīkṣya samantataḥ || 15 ||
[Analyze grammar]

lakṣmīmājñāpayāmāsa tatrasthāṃ kalpavallikām |
sañjivanyādividyāśca jīvayituṃ tadasthitaḥ || 16 ||
[Analyze grammar]

tato lakṣmīḥ kṛṣṇanārāyaṇapādajalaṃ śubham |
jagrāha svaghaṭe svarṇanirmite tvakṣaye svayam || 17 ||
[Analyze grammar]

haṃsasthā'tha vimānāt sā sā'mṛtakalaśā yayau |
gartaṃ sarvaṃ bhramitvā tu vyomnā'sthīni punaḥ punaḥ || 18 ||
[Analyze grammar]

cakre saṃprokṣaṇaṃ tasya jalasyāmṛtabindubhiḥ |
asthīnyāpyāyitānyeva saprāṇāni tadā'bhavan || 19 ||
[Analyze grammar]

kalpavallī tato yātā rasān bhṛtvā ghaṭe'kṣaye |
cakre saṃprokṣaṇaṃ tasya rasasyā'mṛtabindubhiḥ || 20 ||
[Analyze grammar]

tena dehāḥ samutpannā māṃsamajjātvaganvitāḥ |
bālakāśca narā nāryaḥ paśavaḥ pakṣiṇastathā || 21 ||
[Analyze grammar]

ye ye mṛtā bhakṣitāśca lakṣādhikā hi dehinaḥ |
tān sajīvān tataḥ kartuṃ vidyā saṃjīvanī svayam || 22 ||
[Analyze grammar]

ājñaptā vṛṣṭirūpā sā papāta sarvadehiṣu |
vṛṣṭikaṇā jīvarūpāścetanā viviśustataḥ || 23 ||
[Analyze grammar]

utthitā ghoranidrātaḥ sarve gartā'sthisaṃbhavāḥ |
yathā dehasvabhāvāśca yathāvatsaraśālinaḥ || 24 ||
[Analyze grammar]

yathāyonisvabhāvāśca narā nāryo'nyayonayaḥ |
sañjātā jīvavantaste tadāścaryamabhūnmahat || 25 ||
[Analyze grammar]

paśavaḥ pakṣiṇaḥ sarve yayurvanāntaraṃ prati |
anādiśrīkṛṣṇanārāyaṇaṃ natvā muhurmuhuḥ || 26 ||
[Analyze grammar]

mānavāśca narā nāryo bālā kanyāśca te tataḥ |
gartānnimnoccadeśena niryayurbahirāyayuḥ || 27 ||
[Analyze grammar]

śrīharistatra vai deśe vimānaṃ cāvatārayat |
dadau bhojyaṃ tatastebhyo jalaṃ sutṛptikārakam || 28 ||
[Analyze grammar]

vastrāṇyapi dadau tebhyo'pekṣyavastūni yāni tu |
pradadau smaraṇaṃ tebhyo yajjanmagrāmabāndhavāḥ || 29 ||
[Analyze grammar]

yeṣāṃ yatra bhavantyeva teṣāṃ prasphuritaṃ tu tat |
śrībhagavānāha kauśāmbikāya yogine || 30 ||
[Analyze grammar]

ebhyaḥ pradehi me mantraṃ paramaṃ vaiṣṇavam ṛṣe |
kauśāmbiko dadau mantraṃ śrīkṛṣṇasya tadājñayā || 31 ||
[Analyze grammar]

oṃ namaḥ śrīkṛṣṇanārāyaṇāya svāmine svāhā |
hiraṇyakeśo mantraṃ taṃ jagrāha ṛṣitastadā || 32 ||
[Analyze grammar]

atha śrībhagavān sarvān samagṛhya vimānake |
viśāle śaṃkaraṃ prāhu śaṃbho hyetān nijaṃ sthalam || 33 ||
[Analyze grammar]

anenaiva vimānena prāpaya kṣaṇamātrataḥ |
śabhurdhyānaparo bhūtvā dṛṣṭvā teṣāṃ tu bhūmikāḥ || 34 ||
[Analyze grammar]

lakṣagaṇān samutpādya tattadvyomavicāriṇaḥ |
sarvān vai kṣaṇamātreṇa prāpayāmāsa tadgṛhān || 35 ||
[Analyze grammar]

kuṭumbinaśca te jātā hṛṣṭāḥ svajanalābhataḥ |
camatkāraṃ paraṃ śrutvā jātāste vaiṣṇavāstataḥ || 36 ||
[Analyze grammar]

hiraṇyakeśaśiṣyāśca prāpitā vai tadāśramam |
āśramaḥ sukhito jāto vaiṣṇavo bhagavanmayaḥ || 37 ||
[Analyze grammar]

atha rākṣasakanyāśca pañcasāhasrakanyakāḥ |
bālakṛṣṇaṃ vilokya vavrire tadrapamohitāḥ || 38 ||
[Analyze grammar]

tanmātṛbhiḥ pradattā sañjagrāha bhagavāṃstu tāḥ |
rakṣasāṃ bālakān dārān mantramaśrāvayanmuniḥ || 39 ||
[Analyze grammar]

oṃ namaḥ śrīkṛṣṇanārāyaṇāya svāmine svāhā |
tataścāsuradārāṇāmājñāṃ cakre svayaṃ prabhuḥ || 40 ||
[Analyze grammar]

adyaprabhṛti kasyāpi hiṃsanaṃ kāryameva na |
kṛṣiṃ kṛtvā'tra vai kṣetre jīvantu nivasantu ca || 41 ||
[Analyze grammar]

dātā'haṃ bhavatīnāṃ vai jalānnāmbarasampadām |
ityuktvā cā'bhayaṃ datvā nītvā kanyāstadarpitāḥ || 42 ||
[Analyze grammar]

snātvā tatra tapatyāṃ ca kṛtvā tīrthaṃ taduttamam |
yayau tīrthanimittena śrīharirdakṣiṇāṃ diśam || 43 ||
[Analyze grammar]

pūrṇāyāṃ tvakarot snānaṃ cāmbikāyāṃ tataḥ param |
sahyādrau tu vimānena bhramitvā vai tataḥ param || 44 ||
[Analyze grammar]

mahābaleśvaraṃ gatvā bhīmāyāṃ snānamācarat |
kṛṣṇāyāṃ tu tataḥ sasnau tuṃgabhadrājale tataḥ || 45 ||
[Analyze grammar]

paścimaghaṭṭake vārdhau snātvā śrīparvataṃ yayau |
nīlagiriṃ vilokyā'tha elādriṃ vai tato yayau || 46 ||
[Analyze grammar]

akhāte'pi tataḥ snātvā siṃhalaṃ dvīpakaṃ yayau |
tatra puṣpanadīṃ spṛṣṭvā kāveryāṃ snānamācarat || 47 ||
[Analyze grammar]

kaṭunadyāṃ tataḥ snātvā pannārīsnānamācarat |
droṇācalaṃ tato gatvā kṛṣṇāyāṃ snānamācarat || 48 ||
[Analyze grammar]

kolārasarasi snātvā tato godāvarīṃ yayau |
mañjirāyāṃ tataḥ snātvā tataścandrāvatīṃ yayau || 49 ||
[Analyze grammar]

indrāvatyāṃ tataḥ snātvā tataścilasaro yayau |
mahānadyāṃ tataḥ snātvā huhūgalyāṃ tato yayau || 50 ||
[Analyze grammar]

gaṃgānadyāṃ tataḥ snātvā brahmaputrāṃ tato yayau |
snātvā kaṃcanagaṃgāyāṃ kuśyāṃ snātvā tataḥ param || 51 ||
[Analyze grammar]

gṇḍakyāṃ vai tataḥ snātvā gogarāsnānamācarat |
nandāyāṃ tu tataḥ snātvā yamunāyāṃ tataḥ param || 52 ||
[Analyze grammar]

cambalāyāṃ tataḥ snātvā snātvā sarasi śaṃbhare |
śatalājājale snātvā rāvyāṃ snātvā tataḥ param || 53 ||
[Analyze grammar]

cīnāpāyāṃ tataḥ snātvā jhelamāsnānamācarat |
kābilāyāṃ tataḥ snātvā sindhusnānaṃ samācarat || 54 ||
[Analyze grammar]

luṇīsnānaṃ tataḥ kṛtvā gatvā nārāyaṇaṃ saraḥ |
akhātaṃ samatīpyaiva gomatīsnānamācarat || 55 ||
[Analyze grammar]

bhadrāvatyāṃ tataḥ snātvā cāśvapaṭṭasaro yayau |
kuṃkumavāpikākṣetre lomaśasyā''śrame hariḥ || 56 ||
[Analyze grammar]

vimānaṃ sthāpayāmāsa guruṃ natvā tataḥ param |
gṛhaṃ gatvā svapitarau praṇamyā''bhāṣya yatkṛtam || 57 ||
[Analyze grammar]

nivedayāmāsa kanyāḥ pañcasāhasrasaṃkhyakāḥ |
bhojayāmāsa tāścopakaraṇāni hyadāpayat || 58 ||
[Analyze grammar]

lomaśasyā''śrame tāstu sthāpayāmāsa mādhavaḥ |
śaṃkaraśca gaṇeśaśca vīrabhadro nijālaye || 59 ||
[Analyze grammar]

yayuḥ sudarśanaṃ cāpi vimānaṃ ca tiro'bhavat |
lakṣmyādyāḥ śrīhareḥ kṣetre tīrthe naije ca mandire || 60 ||
[Analyze grammar]

yayuḥ prasādamābhuktvā bālakṛṣṇo nijālaye |
viśaśrāma sukhaṃ rādhe sarvabhaktaiḥ prasevitaḥ || 61 ||
[Analyze grammar]

cāndre māghe kṛṣṇapakṣe caturthyāṃ parameśvaraḥ |
rakṣayitvā jīvayitvā kṛtvā tīrthāni bhūtale || 62 ||
[Analyze grammar]

ājagāma nije kṣetre sarvaprāṇapradaḥ prabhuḥ |
paṭhanācchravaṇāccāsya bhuktirmuktirbhaved dhruvam || 63 ||
[Analyze grammar]

iti śrīlakṣmīnārāyaṇīyasaṃhitāyāṃ dvitīye tretāsantāne santāpanadaityamāritānāṃ hiraṇyakeśaśiṣyāṇāṃ sajīvīkaraṇaṃ daityānāṃ nāśaḥ dakṣiṇanadīnāṃ tīrthīkaraṇaṃ cetyādinirūpaṇanāmā ṣaṭsaptatitamo'dhyāyaḥ || 76 ||
[Analyze grammar]