Chapter 70

śrīrādhikovāca |
kathaṃ rājā jyāmaghastu pūrvasvabhāvapūritaḥ |
paścādārādhanalābhānmuktimavāpa tadvad || 1 ||
[Analyze grammar]

śrīkṛṣṇa uvāca |
śṛṇu rādhe kathāṃ purātanīṃ vairāgyadāyinīm |
jyāmaghasya kathayāmi bahujanmasamudbhavām || 2 ||
[Analyze grammar]

dhanurmaghasya tu ṛṣeḥ putro'bhūt kauśikābhidhaḥ |
tasya putro'bhavannāmnā jāḍyamagho jaḍākṛtiḥ || 3 ||
[Analyze grammar]

na brūte mūrkhavaccāsau nāsau paśyati cā'ndhavat |
enaṃ mātā gṛhadvāri dyoṭikāyāṃ prarakṣya ca || 4 ||
[Analyze grammar]

yayau jalaṃ samāhartuṃ grāmakūpāt tadā khalu |
kākākṣī rākṣasī bālaṃ preṃkhāto vijahāra ha || 5 ||
[Analyze grammar]

surūpaṃ komalaṃ bālaṃ nītvā svarakṣase dadau |
rākṣaso vīkṣya papraccha kimānītaṃ tvayā priye || 6 ||
[Analyze grammar]

sā'bravīt bālakaścā'yaṃ kauśikasyā''hṛto mayā |
rākṣasaḥ prāha ca bhadre tvayā bhadraṃ na vai kṛtam || 7 ||
[Analyze grammar]

samarthaḥ kauśikaścāsmān tūrṇaṃ śapsyati kūpitaḥ |
tasmādenaṃ tu dolāyāṃ tadgṛhe prāpaya drutam || 8 ||
[Analyze grammar]

yadvā jalāharaṇārthaṃ tanmātrā yatra gacchati |
tatra sthāpaya gatvaiva mātā dṛṣṭvā grahīṣyati || 9 ||
[Analyze grammar]

rākṣasī tūrṇamevainaṃ gṛhītvā vāpikāṃ yayau |
tatrāgatāṃ satīṃ dṛṣṭvā bālaṃ tvavāsṛjat puraḥ || 10 ||
[Analyze grammar]

sā'pi satī sutaṃ prāpya jalaṃ bhṛtvā gṛhaṃ yayau |
bhāgyaṃ matvā sutasyeyaṃ grahapūjāṃ vyadhāpayat || 11 ||
[Analyze grammar]

vighnaśāntiṃ ca dānāni kārayāmāsa bhāvataḥ |
rākṣasīkarayogena rākṣasīdugdhapānataḥ || 12 ||
[Analyze grammar]

bāle vai rākṣasabhāvo vartate sparśatastataḥ |
vardhito bālakaścāyaṃ yajñasūtramavāpa ha || 13 ||
[Analyze grammar]

vedādhītyai jāḍyamagho pitrā gṛhe niyojitaḥ |
mūrkhatvānna papāṭhā'sau pitā śikṣāṃ karoti ca || 14 ||
[Analyze grammar]

tāḍanādibhayenā'sau kūpe sīmni papāta ha |
tatrā'styāmalakīvṛkṣaḥ poṣāya phalito'bhavat || 15 ||
[Analyze grammar]

bhakṣayitvā''malakāni kūpe gatvā jalaṃ śubham |
pibatyeva sadā vṛkṣamūlenā''yāti yāti ca || 16 ||
[Analyze grammar]

vṛkṣavallīsamāchanne kūpe mūlāvarohaṇe |
sukhenā'yaṃ vartate ca bālako'jñātavartanaḥ || 17 ||
[Analyze grammar]

evaṃ puṣṭo'bhavaccāpi rātrau sasyādijānyapi |
kaṇakandaphalādīni bahirgatvā'tti nityaśaḥ || 18 ||
[Analyze grammar]

pitrādibhistato jñātaṃ mṛto vā naṣṭa eva ca |
kintu mātā kadācidvai yajñakāṣṭhā'bhilāṣukī || 19 ||
[Analyze grammar]

yayau tvāmalakīkāṣṭhānyānetuṃ sīmni tatra vai |
vṛkṣaśākhāḥ samāgṛhya tīre karoti sañcayam || 20 ||
[Analyze grammar]

tāvat kūpe mūlamadhye kṣuto'kasmāddhi bālakaḥ |
kṣuvanaṃ mānuṣaṃ śrutvā yāvad draṣṭumupāyayau || 21 ||
[Analyze grammar]

tāvat putraṃ nijaṃ vīkṣya cātiharṣamupāgamat |
kūpā'ntaḥsthaṃ sutaṃ mātā vihvalā tvājuhāva ha || 22 ||
[Analyze grammar]

sutaḥ premṇā mātaraṃ saṃdṛṣṭvā gadgadatāṃ gataḥ |
kūpāduttīrya mūlaiśca mātuḥ pādau vavanda ca || 23 ||
[Analyze grammar]

sā svaputraṃ samāsādya nītvā kāṣṭhāni satvaram |
putrayuktā yayau naijaṃ gṛhaṃ patiṃ nanāma ca || 24 ||
[Analyze grammar]

kathayāmāsa tatsarvaṃ ceṣṭitaṃ svasutasya tu |
tato'pṛcchacca vipro'sau prasannaḥ prāpya putrakam || 25 ||
[Analyze grammar]

kathaṃ tvaṃ nirgato gehāt kathaṃ cā'dyāpi jīvasi |
kathaṃ na vadasi putra hetuṃ kathaya sarvathā || 26 ||
[Analyze grammar]

jāḍyamaghastataḥ prāha vṛttāntaṃ pūrvajaṃ nijam |
śrūyatāṃ kāraṇaṃ tāta yena mūkatvamāśritam || 27 ||
[Analyze grammar]

andhatvaṃ ca jaḍatvaṃ ca kathayāmi yathātatham |
pūrvamāsamahaṃ vipro jyotirviddhastarekhavid || 28 ||
[Analyze grammar]

nārīṇāṃ hastarekhāṇāṃ parīkṣayā prasaṃgataḥ |
mohamāptaḥ paradāraruciścā''saṃ punaḥ punaḥ || 29 ||
[Analyze grammar]

kadācicca janaiścāhaṃ kaṭubhāṣātiraskṛtaḥ |
mṛto hyu'dbandhanenā'haṃ yamapurīṃ tato gataḥ || 30 ||
[Analyze grammar]

tasmād varṣasahasrānte bhuktaśiṣṭe tadāgasi |
araṇye prāptavān janma vyāghrasya naradehavat || 31 ||
[Analyze grammar]

rājñā tu bālato dhṛtvā pañjare pūritastataḥ |
baddhasya pañjarasthasya vyāghratve'pi sthitasya ca || 32 ||
[Analyze grammar]

pūrvajñānaṃ na me naṣṭaṃ kāmanā'pi vyavardhata |
vyāghro'haṃ na ca hiṃsāmi na ca krauryaṃ karomyapi || 33 ||
[Analyze grammar]

rājñā rājñyā samaṃ nityamudyāne viharāmi ca |
siṃhāsanā'gre tiṣṭhāmi cānugacchāmi pṛṣṭhataḥ || 34 ||
[Analyze grammar]

ramayāmi bālavacca tadudyāne vasāmi ca |
evaṃ yāte dine cā'haṃ yauvanaṃ prāptavān yadā || 35 ||
[Analyze grammar]

śānto bhūtvā niṣīdāmi rājñyāḥ snānahradāntike |
rājā rājñī yadā snātastadā paśyāmi bhāvataḥ || 36 ||
[Analyze grammar]

rājñī snāntīṃ viharantīṃ vivastrāṃ ca jale muhuḥ |
tena me kāmanā pūrvasaṃskārotthā hyabhūnmuhuḥ || 37 ||
[Analyze grammar]

rājā sudarśanaḥ snātvā rājyakāryārthameva tu |
yayau svanagare rājñīmudyāne parihāya ca || 38 ||
[Analyze grammar]

sakhībhiḥ sahitā ceyaṃ māṃ vyāghraṃ ruciraṃ śubham |
pālitaṃ putrasadṛśaṃ rāmayāmāsa vai muhuḥ || 39 ||
[Analyze grammar]

udyāne'haṃ vyacaraṃ ca tābhiḥ sākaṃ punaḥ punaḥ |
ārohanti sma tāḥ kvāpi mama pṛṣṭhopari drutam || 40 ||
[Analyze grammar]

ahaṃ kadācit pārśvastho mukhena sakthicumbanam |
karomyevaṃ kāmanā me rājñyāṃ vyavardhata drutam || 41 ||
[Analyze grammar]

rātrau sakhīṣu sarvāsu nidritāsu tadālaye |
rātryāḥ paryaṃkapārśvasthaścintayāmi nṛpapriyām || 42 ||
[Analyze grammar]

tāṃ prati vavṛdhe citte pūrvābhyāsānmanobhavaḥ |
tasyā api mama sparśād rajobhāvo vyavardhata || 43 ||
[Analyze grammar]

mayoktā rājaputri tvaṃ navayauvanaśālinī |
cittaṃ harasi me rājñi vada kāmavaśaṃ gataḥ || 44 ||
[Analyze grammar]

sā'bravīttu manuṣyāyāṃ paśudehasya te priya |
kathamatrā''vayorvyāghra ratiyoga upaiṣyati || 45 ||
[Analyze grammar]

tato'vocamahaṃ rājñi kauśalyena bhaviṣyati |
atha sā māṃ samāśliṣya pravṛttā rantumeva ca || 46 ||
[Analyze grammar]

tāvat kayācid sakhyā cā'valokito'hameva ca |
dvārapālān śanairgatvā saśastrān sā śaśaṃsa ha || 47 ||
[Analyze grammar]

evaṃ pravartitāṃ vārtā śrutavān nṛpatiḥ svayam |
rājñā tu māritaścā'haṃ yamalokaṃ gato'bhavam || 48 ||
[Analyze grammar]

tato varṣaśatānte'haṃ tvabhavaṃ śvetagardabhaḥ |
bhāravāhī janānāṃ tu kuṃbhakāreṇa yojitaḥ || 49 ||
[Analyze grammar]

tatrāpi pūrvavijñānaṃ sarvaṃ me pratyabhāsata |
ekadā tu mahīmānāḥ kuṃbhakārasya cāgatāḥ || 50 ||
[Analyze grammar]

kanyāḥ striyaḥ surūpāśca dinadvayaṃ sthitāstataḥ |
tāsāmekā surūpā ca yuvatī ca gṛhe pituḥ || 51 ||
[Analyze grammar]

gantumaicchatpārśvasaṃsthe grāme krośavidūrake |
tāmuvāca patirgaccha āruhyainaṃ sugardabham || 52 ||
[Analyze grammar]

śva evā''gamanaṃ kāryaṃ na stheyaṃ paratastataḥ |
ityevamuktā sā bhartrā tanvī tvāruhya gardabham || 53 ||
[Analyze grammar]

yayau śīghraṃ tvardhapathi nadī tatra samāgatā |
sajalā tatra sā snātuṃ matpṛṣṭhāt samavātarat || 54 ||
[Analyze grammar]

kuṃbhakāro'pi ca sārthaḥ śaucārthaṃ prayayau taṭam |
sarvairaṃgaiḥ rūpavatīṃ caikalāmārdravastrikām || 95 ||
[Analyze grammar]

dṛṣṭvā'haṃ jalapānasya miṣeṇa sannidhau gataḥ |
snāntīṃ tāmupari gatvā patitvā''śliṣya kāmataḥ || 56 ||
[Analyze grammar]

pūrvasaṃskāravaśagoliṅgasparśamakārayam |
dṛṣṭo'bhavaṃ tadā tasyāḥ sārthajanena vai tadā || 57 ||
[Analyze grammar]

tāḍitaśca bhṛśaṃ yaṣṭyā patito'haṃ jalāntare |
kṣaṇādutthāya ca bhayāt pradruto dakṣiṇāmukhaḥ || 58 ||
[Analyze grammar]

tato'bhidravataḥ kaṇṭhe rajjudārḍhyaṃ gatā bahu |
galapāśenā'rdharātrādabhūnme jīvitakṣayaḥ || 59 ||
[Analyze grammar]

tato'smi narake bhūyastasmānmukto'bhavaṃ śukaḥ |
mahāraṇye tato baddhaḥ śabareṇa durātmanā || 60 ||
[Analyze grammar]

pañjare nyasya vikrīto vaṇikputrāya tatra ca |
gṛhe vasāmi satataṃ yuvatīnāṃ samīpataḥ || 61 ||
[Analyze grammar]

tāstaruṇyaḥ poṣayanti phalaudanādibhiḥ sadā |
ekadā tu vaṇikputrī yuvatī candrikā'bhidhā || 62 ||
[Analyze grammar]

karābhyāṃ māṃ prajagrāha reme vācā punaḥ punaḥ |
śayane vakṣasi kṛtvā māṃ vācayati gītikām || 63 ||
[Analyze grammar]

tato'haṃ stanayoḥ sparśāt pūrvasaṃskāravegataḥ |
kāmabhāvena tāṃ guhye pasparśoḍḍīya vai muhuḥ || 64 ||
[Analyze grammar]

pannakhaiḥ kṣatamāpannaṃ jaghanaṃ sā cukopa ha |
tatāḍa māṃ sūkṣmayaṣṭyā bhayācca pradrutastataḥ || 65 ||
[Analyze grammar]

daivāttasyā dṛḍhaṃ nīvīdorakaṃ me gale'bhavat |
granthirjātā dṛḍhā tena kṣaṇānmṛto'bhavaṃ tataḥ || 66 ||
[Analyze grammar]

yamaloke mahākaṣṭaṃ bhuktvā tu vṛṣabho'bhavam |
cāṇḍālasya gṛhe tvāsaṃ kāṣṭhaśakaṭavāhakaḥ || 67 ||
[Analyze grammar]

vane kāṣṭhāni cānetuṃ dampatī yayatustadā |
madhyāhne jalamānetuṃ cāṇḍālastu nadīṃ yayau || 68 ||
[Analyze grammar]

cāṇḍālī yuvatī cāste chāyāyāṃ śakaṭāntike |
ahaṃ tāmalihaṃ kāmāt pūrvasaṃskāravegataḥ || 69 ||
[Analyze grammar]

nadītīre sadā tvevaṃ kāṣṭhā''dānārthameva tau |
prayātaḥ pratiyātaśca varṣartustatra cāgataḥ || 70 ||
[Analyze grammar]

ekadā tu jvaravyāpto'bhavaccaṇḍālako gṛhe |
cāṇḍālī tadvane yātā kāṣṭhā''nayanahetave || 71 ||
[Analyze grammar]

pūrvasañcitakāṣṭhāni bhṛtvā gantryā tatastu sā |
jalaṃ pāyayituṃ māṃ ca nadyāṃ tatrā'nayat tataḥ || 72 ||
[Analyze grammar]

sā snātā rūpasampannā mayā dṛṣṭā digambarā |
pūrvasaṃskārabhāvena kāmo me hṛdi saṃsthitaḥ || 73 ||
[Analyze grammar]

sā vastrāṇi paridhāya baddhaṃ raśanayā ca mām |
dhure śakaṭyā yuyuje yoktreṇā''badhya yāvatā || 74 ||
[Analyze grammar]

dhurasyā'gre sthitā cāste kṣaṇaṃ tāvadahaṃ tadā |
uḍḍīya sadhuraścā'haṃ tasyā upari cāpatam || 75 ||
[Analyze grammar]

sā madagrapadā''ghātāt patitā dūratastadā |
ahaṃ yoktreṇa saṃyukto gantryā nimnena karṣitaḥ || 76 ||
[Analyze grammar]

cakrābhyāṃ nimnagābhyāṃ ca prakṣipto gartake tadā |
śakaṭyā saha patito'gādhe gartevaśastataḥ || 77 ||
[Analyze grammar]

yoktreṇa baddha evā'smi pañcatvamagamaṃ tataḥ |
sā'pi cotthāya tu śanairgṛhaṃ gatā hi bhāminī || 78 ||
[Analyze grammar]

tato nimagno narake dharmarājānuśāsanāt |
jātastava gṛhe tāta jātismaro'smi sarvathā || 79 ||
[Analyze grammar]

tāvantyevā'dya janmāni smarāmi tvānupūrvaśaḥ |
pūrvābhyāsācca duḥkhāni prāptānyati mayā tataḥ || 80 ||
[Analyze grammar]

janmanyatra na vai vacmi na śṛṇomi na kāmaye |
yena pāpaṃ bhavet tattu nācariṣye kathaṃcana || 81 ||
[Analyze grammar]

mūkatve ca badhiratve hetuḥ pūrvasmṛtirmama |
jaḍatve'pi ca vijñānaṃ heturevā'sti netarat || 82 ||
[Analyze grammar]

pāpāni ghorarūpāṇi manasā karmaṇā girā |
śubhaṃ vā'pyaśubhaṃ vāpi bandhanaṃ vā vadho'pi vā || 83 ||
[Analyze grammar]

pūrvābhyāsena jāyante kāmanādikamityapi |
tasmādvijñānavān jānan tatra muhyati naiva tu || 84 ||
[Analyze grammar]

paurvikīṃ tu yadā jātiṃ smaratyatra tu mānavaḥ |
tadā sa tebhyaḥ pāpebhyo nivṛttiṃ hi gamiṣyati || 85 ||
[Analyze grammar]

dānaṃ tapo'dhyayanaṃ ca steyaṃ pāpaṃ yaśo vṛṣaḥ |
artho jñānaṃ cāgnidāhaḥ pūrvābhyāsavaśā hi te || 86 ||
[Analyze grammar]

ahiṃsā bhagavadbhaktiḥ sthairyaṃ śāntiśca kāmanā |
kleśastāpo mithunāptiḥ pūrvābhyāsavaśā hi te || 87 ||
[Analyze grammar]

snehaḥ prakṛtirāstikyaṃ sevā vidyā kalā dhanam |
kuṭumbitā guruḥ śiṣyaḥ pūrvābhyāsavaśā hi te || 88 ||
[Analyze grammar]

tasmād yāmi vanaṃ tāta śubhārthaṃ pāpanuttaye |
ityuktvā ca yayau natvā vanaṃ jāḍyamaghastataḥ || 89 ||
[Analyze grammar]

kurukṣetraṃ gataḥ pūrvaṃ tato badarikāśramam |
tapaścakāra bahudhā rādhike pāpanuttaye || 90 ||
[Analyze grammar]

kālena nidhanaṃ prāpto gaṃgāyāṃ tu tadā punaḥ |
tapobhiḥ kṣīṇapāpaḥ sa puṇyavārdhiḥ savāsanaḥ || 91 ||
[Analyze grammar]

gaurjare śrīnagare'yaṃ rajiputro'bhavattataḥ |
karkamaghasya rājñaḥ sa jyāmagho dhārmikaḥ śuciḥ || 92 ||
[Analyze grammar]

paśujātīyasaṃskārāstāpasī prakṛtistathā |
nārāyaṇasya bhaktiśca jyāmaghe'pi tadā'bhavan || 93 ||
[Analyze grammar]

jātismaro'bhavad rājaputro vakti na kiṃcana |
na śṛṇoti na hasati na cittaṃ vidadhāti ca || 94 ||
[Analyze grammar]

nirmanasko bhojanaṃ ca bhuṃkte pāti jalaṃ tathā |
vastrālaṃkārabhūṣādi dhatte nirmānaso yathā || 95 ||
[Analyze grammar]

rājyaṃ ca rājyabhogāśca dravyaṃ bhṛtyāśca kiṃkarāḥ |
dāsā dāsyo gajāśvāśca sarvaṃ tvasya samaṃ hyabhūt || 96 ||
[Analyze grammar]

śayyā puṣpamayī cāpi pṛthvī rūkṣā'sya vai samā |
miṣṭaṃ mṛṣṭaṃ sugandhāḍhyaṃ bhojyaṃ rūkṣaṃ ca vā samam || 97 ||
[Analyze grammar]

praśaṃsā cā'prasaṃśā vā mānaṃ tiraḥ samaṃ tathā |
namaskāro'thavā pṛṣṭhakāro'sya samatāṃ gataḥ || 98 ||
[Analyze grammar]

evaṃ vai vartamānasya yauvanaṃ samupāgatam |
pitrā suyojitaścāyaṃ vivāhena gṛhāśrame || 91 ||
[Analyze grammar]

kā patnī kaḥ patiśceti jijñāsā'sya na vidyate |
kaḥ kāmaḥ kaśca saṃkalpaḥ kā ratirviratistathā || 100 ||
[Analyze grammar]

samaṃ cā'syā'bhavat sarvamekadā dayitā patim |
prapaccha kāraṇaṃ tasmai audāsīnye niśāntare || 101 ||
[Analyze grammar]

tataḥ sa rādhike smṛtvā patnīṃ jagāda śāntitaḥ |
yatka rtavyaṃ bhavedatra mānave durlabhe śubham || 102 ||
[Analyze grammar]

iti śrīlakṣmīnārāyaṇīyasaṃhitāyāṃ dvitīye tretāsantāne pūrvasvabhāvānuvartanaṃ jāḍyamaghadṛṣṭāntena ṣaḍbhirjanmabhirvivecitamityādinirūpaṇanāmā saptatitamo'dhyāyaḥ || 70 ||
[Analyze grammar]