Chapter 67

śrīkṛṣṇa uvāca |
śrīmatkṛṣṇasya ca rādhe yajñopavītakottaram |
mahīmānā nivāseṣu yayustasmāt sabhāsthalāt || 1 ||
[Analyze grammar]

tato gopālakṛṣṇo vai tathā śrīkambharāsatī |
guṇātītāstathā muktāstathā kanyā hyasaṃkhyakaḥ || 2 ||
[Analyze grammar]

ṛṣayastannivāsāśca tīrthāni mūrtavallayaḥ |
tattvānyapi ca divyāni śrīmukhyāḥ śaktayastathā || 3 ||
[Analyze grammar]

bhojanāvasare jāte dvārapaṃ brahmanādakam |
sūcayāmāsurevā'tra āhvānārthaṃ kṣaṇācca saḥ || 4 ||
[Analyze grammar]

brahmaghaṇṭāṃ miṣṭaravāṃ sṛṣṭitrayāptanādinīm |
nādayāmāsa madhurasvarāṃ bhojanabodhikām || 5 ||
[Analyze grammar]

avatāreśvarāṇāṃ ca bhagavatāṃ ca paṃktayaḥ |
muktānāṃ dhāmasaṃsthānāṃ muktānīnāṃ tadā'bhavan || 6 ||
[Analyze grammar]

vāsudevaprabhṛtīnāṃ vairājāntakadehinām |
divyānāmīśvarīṇāṃ ca paṃktayaḥ śataśo'bhavan || 7 ||
[Analyze grammar]

divyā'rbudā'bjapadmāni kanyānāṃ vidadhustadā |
dhāmānītātmabhojyādyamṛtānāṃ pariveṣaṇam || 8 ||
[Analyze grammar]

bhakṣyabhojyāni divyāni lehyacośyāni tattathā |
miṣṭapeyāni cānyāni pākaśākāni tāni ca || 9 ||
[Analyze grammar]

rasān divyān cāranālān dravān divyān tathāvidhān |
yogyān brahmahradodbhūtān brahmavāṭīsamudbhavān || 10 ||
[Analyze grammar]

brahmapriyābhiḥ pakvāśca tābhiḥ susaṃskṛtān śubhān |
apārāṇi ca tāḥ pariveṣayāmāsurādarāt || 11 ||
[Analyze grammar]

sthāleṣu svarṇapātreṣu copapātreṣu vai śubham |
ghṛtaṃ dadhi payo dugdhapākaṃ madhu ca śarkarām || 12 ||
[Analyze grammar]

odanāni dvidalāśca sūpaṃ miṣṭānnakāni ca |
pāyasānnāni sarvāṇi meśubhānyapi sarvathā || 13 ||
[Analyze grammar]

mohasthālāni miṣṭāni tathā'pūpāni mauktikān |
sūtraphenīṃ laḍḍukāṃśca catuṣkān śaṣkulīṃstathā || 14 ||
[Analyze grammar]

śāṭakān ghṛtapūrāṃśca miṣṭāntaḥpolikāstathā |
phulavaṭīḥ rājatṛptān kvathikā bharjikāstathā || 15 ||
[Analyze grammar]

kalikā sevikāścāpi saṃyāvaṃ bhājikāstathā |
caṭanīrvividhāścāpi tiktalāvaṇyasaṃbhṛtān || 16 ||
[Analyze grammar]

rukṣasaṃskṛtabhakṣyāṃśca bhojayāmāsurādarāt |
jalāni miṣṭapeyāni takrāṇi navanītakam || 17 ||
[Analyze grammar]

phalāni phalabījāni saugandhikadalāni ca |
dadustato'timagnāśca cakrurbhājanamīśvarāḥ || 18 ||
[Analyze grammar]

īśvarāṇyatha tā muktā muktasya parameśvarāḥ |
brahmasakhyaḥ prasahyaiva dadurbhojyādikāni tu || 19 ||
[Analyze grammar]

ākaṇṭhaṃ bhojayāmāsustṛptāśculukamādadhuḥ |
jalapānaṃ pracakruśca tāmbūlāni ca jagṛhuḥ || 20 ||
[Analyze grammar]

mukhamiṣṭāni cūrṇāni jagṛhuste tataḥ param |
yayurnaijanivāsāṃśca brahmasṛṣṭīśasṛṣṭikāḥ || 21 ||
[Analyze grammar]

atha brahmāṇamārabhya viṣṇuśaṃkaratatprajāḥ |
devā devyaḥ pitaraśca satyādibhuvarāntakāḥ || 22 ||
[Analyze grammar]

sādhyā viśve ca dikpālā sureśvarādayastathā |
surāṇyaḥ kanyakā sarvā niṣedustatra paṃktiṣu || 23 ||
[Analyze grammar]

tebhyastābhyo brahmakanyāḥ kārṣṇyaścāpi mudā muhuḥ |
āsanāni daduḥ pariveṣaṇaṃ vidadhurmuhuḥ || 24 ||
[Analyze grammar]

satyodbhavāni miṣṭānnapānapātrāṇi vai daduḥ |
miṣṭānnānyamṛtānnāni bhakṣyabhojyāni tāni ca || 25 ||
[Analyze grammar]

lehyacoṣyāṇi sarvāṇi svādyapeyāni vai tathā |
annaśākarasacūrṇaprabhṛtīni dadau muhuḥ || 26 ||
[Analyze grammar]

bhuktavantaśca te devā jalaṃ papustataḥ param |
tāmbūlādimukhā''vāsaṃ jagṛhuścā''layaṃ yayuḥ || 27 ||
[Analyze grammar]

atharṣayo manuṣyāśca pārthivāsanadehinaḥ |
catuḥkhanisamutpannā niṣeduḥ paṃktiṣu drutam || 28 ||
[Analyze grammar]

divyā'divyāstathā mūrtā'mūrtāścarā'carāstathā |
niṣedurbhojanapaṃktivartuleṣu mudānvitāḥ || 29 ||
[Analyze grammar]

lomaśāśramakanyāśca pātrāṇi cāsanāni ca |
dadustebhyo'pi pariveṣayāmāsuḥ samutsukāḥ || 30 ||
[Analyze grammar]

aṣṭakalpasya daivasya sargasya kanyakāstadā |
aṣṭadaivaprasargāśca cakrurbhojanamutsukāḥ || 31 ||
[Analyze grammar]

amṛtāni hyanantāni miṣṭānnāni dyumanti ca |
rasān bhojyān bhakṣyacoṣyānlehyān peyān rasānvitān || 32 ||
[Analyze grammar]

tattaddevanikāyebhyo yogyān daduśca tāstadā |
tṛptā bhuktvā tu te pānaṃ papuśca mukhavāsakam || 33 ||
[Analyze grammar]

tāmbūlakādi jagṛhuryayuścā''vāsamutsukāḥ |
athā'talādilokānāṃ vāsināṃ paṃktayastadā || 34 ||
[Analyze grammar]

daityānāṃ dānavānāṃ cāsurāṇāṃ rakṣasāṃ tathā |
nāgānāṃ bhogināṃ jaleśayānāṃ paṃktayo'bhavan || 35 ||
[Analyze grammar]

tattallokārhabhojyāni bhakṣyāṇi vividhāni ca |
lehyānyapi ca coṣyāṇi āsvādyānyapi sarvathā || 36 ||
[Analyze grammar]

vyañjanāni ca peyāni rasasārāṇi kanyakāḥ |
yogyapātrādiṣu pariveṣayāmāsurutsukāḥ || 37 ||
[Analyze grammar]

mūrtānāṃ cā'mūrtatattvottamānāṃ guṇaśālinām |
guṇānāṃ karmaṇāṃ sarvatīrthānāṃ pāvanārthinām || 38 ||
[Analyze grammar]

dīnā'ndhakṛpaṇānāṃ ca naranārīnapuṃjuṣām |
śreṇyaścarā'carāṇāṃ cā'bhavan yogyāśca dāsikāḥ || 39 ||
[Analyze grammar]

dāsā viprāśca tān pariveṣayāmāsuratyati |
bhojayāmāsuratyarthaṃ peyaṃ daduḥ suśītalam || 40 ||
[Analyze grammar]

vanasārān jalasārān vahnisārān kṣiteḥ rasān |
dhenusārāṃstṛṇasārān kandasārān pramedakān || 41 ||
[Analyze grammar]

dehasārān paṃkasārān puṣpasārān rasādikān |
patrasārān mūlasārān kṛtisārān samudbhavān || 42 ||
[Analyze grammar]

jarāsārān kośasārān bījasārān phalottamān |
mañjarīsārakān stambasārān nālodbhavāṃstathā || 43 ||
[Analyze grammar]

khanisārān vyomasārān meghasārān ṛtūdbhavān |
vṛṣṭisārān puṇyasārān śraddhāsārān hṛdudbhavān || 44 ||
[Analyze grammar]

svāpnasārān kālasārān dravyasārān guṇodbhavān |
karmasārān yogasārānaiśvaryakṛtavigrahān || 45 ||
[Analyze grammar]

sarvavidhān bhojyasārān yogyebhyaḥ kanyakā daduḥ |
lakṣmīḥ śrīḥ kamalā haṃsā ramā yatra pradāyikāḥ || 46 ||
[Analyze grammar]

tatra kā nyūnatā rādhe bhojyapānopakāriṣu |
satrī yatra svayaṃ kṛṣṇaḥ lakṣmīryatrābhidāyinī || 47 ||
[Analyze grammar]

kalpavallyaḥ samāhartryastatra kā nāma nimnatā |
sarvadhāmāni lokāśca mūrtā bhajanta eva ca || 48 ||
[Analyze grammar]

yatra tattvāni tiṣṭhanti tatra kā nāma nimnatā |
yatra vahniḥ svayaṃ paktā tṛptiryatpariveṣikā || 49 ||
[Analyze grammar]

amṛtā'kṣarabhojyāni tatra kā nāma nimnatā |
nityānandamahātṛptā yanmahe parameśvarāḥ || 50 ||
[Analyze grammar]

sarvaiśvaryacamatkārasiddhayaḥ kalpapādapāḥ |
cintāmaṇayo vartante tatra kā nāma nimnatā || 51 ||
[Analyze grammar]

ityevaṃ rādhike bhojyaparihārottaraṃ svayam |
lomaśo bhojanaṃ cakre tataśca bālakṛṣṇakaḥ || 52 ||
[Analyze grammar]

sūdāśca pariveṣādikartryaśca bubhujustataḥ |
kārṣṇyastato'tha bubhujustato gopālabāndhavāḥ || 53 ||
[Analyze grammar]

bubhoja ca tataḥ śrīmadgopālakṛṣṇa eva tu |
tataśca bubhuje śrīmatkaṃbharāśrīḥ sutānvitā || 54 ||
[Analyze grammar]

dāsebhyaḥ pradadau mātā bhojanānyuttamāni ca |
kīṭamatsyapataṃgebhyo bhāgyajīvibhya ityapi || 25 ||
[Analyze grammar]

aniścitā'danebhyaśca dadau bhojyāni kambharā |
suvarṇarūpyaratnāni koṭiśo dakṣiṇā dadau || 56 ||
[Analyze grammar]

kṣaṇaṃ viśramyā'parāhṇe sabhā tu mānavardhinī |
parameśvaradevānāṃ samastadehināṃ hyabhūt || 57 ||
[Analyze grammar]

suvarṇāsanasaṃdiptā koṭiktavādipūritā |
madhye śrīśaḥ kṛṣṇanārāyaṇo virājate'mbare || 58 ||
[Analyze grammar]

ucchraye gajaśobhāḍhyāsane pārśve pitā tathā |
mātā kṛṣṇastathā rādhā śrīśca nārāyaṇastathā || 59 ||
[Analyze grammar]

hemanto bhagavāṃścobhau sthitau dhṛtvā'sya cāmare |
avatārā avatāriṇya īśā īśanīgaṇāḥ || 60 ||
[Analyze grammar]

devā devyaḥ pitaraśca pitryo munaya ārṣikāḥ |
asurā asurāṇyaśca mānavā yoṣitastathā || 61 ||
[Analyze grammar]

paśavaḥ pakṣiṇaḥ stambā nāgā daityāśca tastriyaḥ |
rājante sā sabhā dīrghā viśālā jaḍacetanaiḥ |
tattvairuccāvacairyuktā divyā'divyaiḥ sudehibhiḥ || 62 ||
[Analyze grammar]

tato nṛtyaṃ nartakīnāṃ prāvartata suśobhanam |
apsarasāṃ gītayaśca gandharvāṇāṃ suvādanam || 63 ||
[Analyze grammar]

prāvartata śubhaṃ gandharvīṇāṃ nṛtyaṃ samuttamam |
nṛtye parihṛte mallā yuddhakauśalyamāvahan || 64 ||
[Analyze grammar]

darśayāmāsuratyarthaṃ samarāṃgaṇabhūmikāḥ |
tato dṛśyā naṭānāṃ ca nāṭyayogena khelitāḥ || 65 ||
[Analyze grammar]

prāvartantā'mbararajjukauśalyālambanādayaḥ |
uḍḍayanaṃ svargayuddhaṃ cendrajālikadarśanam || 66 ||
[Analyze grammar]

vidyudvaibhavadṛśyāni nirvartitāni vai tataḥ |
gāyanāni samabhavan kṛṣṇayaśobharāṇi ca || 67 ||
[Analyze grammar]

vidyādhrāṇāṃ samabhavan vyākhyānānyuttamāni ca |
siddhānāmupadeśāścā'bhavaṃstatrātihṛdgamāḥ || 68 ||
[Analyze grammar]

bhāṭacāraṇabandijñāḥ praśaṃsakāḥ kaviprathāḥ |
varṇayāsurevainamutsavaṃ prajaguḥ striyaḥ || 69 ||
[Analyze grammar]

nāradaḥ śrīsanatkumārājñayā praśaśaṃsa ha |
utsavaṃ paramaṃ divyaṃ na bhūtaṃ bhāvi naiva ca || 70 ||
[Analyze grammar]

anādiśrīkṛṣṇanārāyaṇo yatra pareśvaraḥ |
yajñasūtrasya pātraṃ cā'vatārā mahīmānakāḥ || 71 ||
[Analyze grammar]

sṛṣṭitrayaṃ yanmahe'sti sambhūtaṃ satkṛtipradam |
sarvarasāḥ sarvagandhā yatrā''nandāśca sarvaśaḥ || 72 ||
[Analyze grammar]

sarvasatyo yatra santi śrībhūlīlāvibhūtayaḥ |
naitādṛśo maho bhāvī maho'yaṃ sarvato'dhikaḥ || 73 ||
[Analyze grammar]

kartavyaṃ smaraṇaṃ cā'sya śravaṇaṃ mananaṃ tathā |
nididhyāsanamasyaiva sākṣānmuktirhareḥ pade || 74 ||
[Analyze grammar]

tadeva loke kartavyaṃ yatkṛte mokṣamāviśet |
kṛtena yena saṃsāre bandhanaṃ naiva jāyate || 75 ||
[Analyze grammar]

anādiśrīkṛṣṇanārāyaṇasyaite mahotsavāḥ |
kartavyāḥ sarvadā bhaktairyena bandhād vimucyate || 76 ||
[Analyze grammar]

bhavajaladhimagnānāṃ kuṭumbibhāramajjatām |
śaraṇaṃ śrīhareratra tārakaṃ nausvarūpakam || 77 ||
[Analyze grammar]

saṃśritā ye hariṃ nārāyaṇaṃ guruṃ pareśvaram |
kamaleśaṃ na te yānti dharmarājapradeśakam || 78 ||
[Analyze grammar]

sā jihvā yā hariṃ stauti taccittaṃ mādhave'rpitam |
tau ślāghyau tu karau bodhyau yau śrīkṛṣṇārcane ratau || 79 ||
[Analyze grammar]

anyathā stambaśākhākhyau śuṣkau sevāvivarjitau |
kaṇṭhaḥ sa jambukakaṇṭho yo na gāyati mādhavam || 80 ||
[Analyze grammar]

rogo mahān sa evā'sti yatra nāsti hareḥ smṛtiḥ |
sa eva śocyaḥ sajīvo na yo'rcayati keśavam || 81 ||
[Analyze grammar]

anādiśrīkṛṣṇanārāyaṇo'yaṃ parameśvaraḥ |
sarvā'vatārapūjyo'yaṃ pūjanīyaḥ pumuttamaḥ || 82 ||
[Analyze grammar]

pūjakā nahi śocyāste mṛtā api hi muktigāḥ |
sarvaṃ carācaraṃ cātra bālakṛṣṇe virājate || 83 ||
[Analyze grammar]

asya pūjā kṛtā yena tenā'rcitaṃ carācaram |
ratnākaraguṇā yadvadasaṃkhyāḥ śrīharerguṇāḥ || 84 ||
[Analyze grammar]

rādhāprabhāpāravatīlakṣmīpatiṃ śriyaḥ patim |
samāśritā na saṃsāre duḥkhitā mokṣagā yataḥ || 85 ||
[Analyze grammar]

śūladhvajadhanurbāṇamīnasvastikacakravān |
pūjyate yena bālo'yaṃ kare saptakacihnitaḥ || 86 ||
[Analyze grammar]

ūrdhvarekhā'dhikaiścihnaiḥ ṣoḍaśākhyaiḥ padābjayoḥ |
sahitaḥ pūjyate yena bālakṛṣṇo'yamīśitā || 87 ||
[Analyze grammar]

sarvāyudhadharaḥ sarvakalākauśalyavāridhiḥ |
pūjyate yena bālo'yaṃ mokṣabhāk sa na saṃśayaḥ || 88 ||
[Analyze grammar]

yadantaḥkaraṇe kṛṣṇo yadātmani narāyaṇaḥ |
kṛṣṇanārāyaṇavyāpto na mṛtyorbhayavān kvacit || 89 ||
[Analyze grammar]

parāyaṇaṃ prapannānāṃ bālakṛṣṇajuṣāṃ kvacit |
nimnāyanaṃ na caivā'sti paradhāmno'dhikāriṇām || 90 ||
[Analyze grammar]

anādiśrīkṛṣṇanārāyaṇabhaktāḥ parātparam |
satāṃ mokṣaṃ cāpnuvanti rādhāramādiśaṃsitam || 91 ||
[Analyze grammar]

saṃgrāmiṇāṃ dhārmikāṇāṃ sāttvikānāṃ mahātmanām |
gateḥ parā gatiścāste bhagavadvedināṃ śubhā || 92 ||
[Analyze grammar]

sūkṣmaṃ sarvagataṃ kṛṣṇaṃ bhaktāḥ paśyanti netare |
tathā paśyanti taṃ kṛṣṇaṃ mahātmānaḥ kṛpālayāḥ || 93 ||
[Analyze grammar]

sarvāḥ kriyāḥ kṛṣṇaparā yasya bhavanti cārpitāḥ |
sarvakartā'pyakartā sa na badhyate pramucyate || 94 ||
[Analyze grammar]

hariryeṣāṃ priyo nityaṃ te priyāśca hareḥ sadā |
hariṃ dhyāyecca yastaṃ dhyāyati hariḥ padāśritam || 95 ||
[Analyze grammar]

kalyamutthāya bhaktyā'yaṃ smartavyo bālakṛṣṇakaḥ |
śravaṇīyaḥ śrāvaṇīyo durgāṇāṃ tārako hi saḥ || 96 ||
[Analyze grammar]

asya kṛṣṇasya tu kathāmṛtapānāstaranti hi |
atra śrībālakṛṣṇe ye bhaktiravyabhicāriṇīm || 97 ||
[Analyze grammar]

kariṣyanti gamiṣyanti te yatrā''ste hariḥ svayam |
kṛṣṇasevāprasaktānāṃ yā gatiḥ paradhāmani || 98 ||
[Analyze grammar]

sā tu janmasahasreṇa tapobhirnahi labhyate |
kiṃ japaiḥ kiṃ mantravāgbhiḥ kimāśrayaiḥ prayatnakaiḥ || 99 ||
[Analyze grammar]

kiṃ yajñaiḥ kiṃ pradānaiśca kiṃ dharmaiḥ kīrtibhiśca kim |
kiṃ tasya bahubhiścā'nyairyenā''ptaḥ śrīhariryadi || 100 ||
[Analyze grammar]

oṃ namaḥ śrīkṛṣṇanārāyaṇāya pataye svāhā |
mantraḥ sarvārthadātā cejjaptaḥ kiṃ tasya vidyayā || 101 ||
[Analyze grammar]

hariryeṣāṃ jayasteṣāṃ mokṣasteṣāṃ parātparaḥ |
lābhasteṣāṃ ca māṃgalyaṃ yeṣāṃ hṛtsthaḥ paraḥ prabhuḥ || 102 ||
[Analyze grammar]

tīrthakoṭisahasrāṇi dānakoṭiśatāni ca |
kṛṣṇanārāyaṇanateḥ kalāṃ nā'rhanti ṣoḍaśīm || 103 ||
[Analyze grammar]

kṛṣṇanārāyaṇanāmnā sarvatīrthaphalaṃ bhavet |
kṛṣṇanārāyaṇadhyānād yogito gatiruttamā || 104 ||
[Analyze grammar]

kṛṣṇanārāyaṇapūjāṃ kurvanti jalamātrataḥ |
te'pi yāsyanti sādhūnāṃ sthānaṃ puṇyakṛtāṃ param || 105 ||
[Analyze grammar]

trisandhyaṃ śrīkṛṣṇanārāyaṇaṃ smaranti yāḥ patim |
tāsāṃ dehasthitānāṃ ca mokṣa eva na saṃśayaḥ || 106 ||
[Analyze grammar]

narā nāryaḥ surā devā īśā īśānya ityapi |
sevamānā bālakṛṣṇaṃ parāṃ gatimavāpsyatha || 107 ||
[Analyze grammar]

dhanyā rādhāramādyāśca dhanyāḥ kāruḥ kumārikāḥ |
dhanyā kuṃkumavāpī ca yatkānto bhagavān svayam || 108 ||
[Analyze grammar]

dhanyā vayaṃ mahīmānā yanmahe'sya samāgamaḥ |
ityukatvā nāradaḥ śrīmān praṇanāma punaḥ punaḥ || 109 ||
[Analyze grammar]

bhagavantaṃ bālakṛṣṇaṃ śukaṃ śrīvallabha tathā |
mālā ratnamayī kaṇṭheṣvārpya nanāma nāradaḥ || 110 ||
[Analyze grammar]

punarvilokya ca sabhāṃ dirghakaṇṭhena nāradaḥ |
hastamutkṣipya ca prāha śṛṇvatāṃ yāvatāṃ punaḥ || 111 ||
[Analyze grammar]

mahīmānāḥ praśvṛṇvantu satyaṃ satyaṃ vadāmyaham |
loke kṛṣṇāvatārāstu bhaviṣyanti sahasraśaḥ || 112 ||
[Analyze grammar]

paraṃ tvetādṛśaḥ kṛṣṇanārāyaṇaḥ pareśvara |
avatārī paripūrṇatamottamottamaḥ kvacit || 113 ||
[Analyze grammar]

adya jātaḥ samārambhe punarnaiva bhaviṣyati |
anye kṛṣṇā asya līlāmāśrayiṣyanti bhaktitaḥ || 18 ||
[Analyze grammar]

ānaravāttu śikhāṃ yāvat asya mūrtau sthale sthale |
sahasraśastu cihnāni vidyante paramātmanaḥ || 115 ||
[Analyze grammar]

śataikaṃ pādayorasya daśake jaṃghayostathā |
viṃśakaṃ ca tathā sakṣmolige ca pañcakaṃ tathā || 116 ||
[Analyze grammar]

triṃśattu jaghane cāsyodare tu pañcaviṃśatiḥ |
vakṣasi śatakaṃ cāsya pṛṣṭhe pārśve śatatrayam || 117 ||
[Analyze grammar]

kaṇṭhe skande dviśataṃ ca mukhe śataṃ gale trayam |
hastayoḥ śatacihnāni pachāśattalayostathā || 118 ||
[Analyze grammar]

prakoṣṭhe daśakaṃ cāpi netrayoḥ pañcaviṃśakam |
gaṇḍayoḥ ṣoḍaśa bhāle pañca ṣaṭ karṇayostathā || 119 ||
[Analyze grammar]

jihvāyāṃ coṣṭhayoścāsya kramād daśa ca viṃśatiḥ |
nāsikāyāṃ daśarekhā bhrukuṭī śatasadguṇāḥ || 120 ||
[Analyze grammar]

keśeṣu viṃśatiścāpi cibuke tu catuṣṭayam |
romasu sarvataḥ santi hairaṇyaguṇarāśayaḥ || 121 ||
[Analyze grammar]

yāvadguṇāḥ svabhāvāśca rekhāstilāśca sandhayaḥ |
saṃyogāścāpi saṃsthānā ghaṭanāḥ suvyavasthitiḥ || 122 ||
[Analyze grammar]

ekaikāṃgasya ca mayā varṇayituṃ na śakyate |
sarvaṃ sarvātmakaṃ śraiṣṭhyaṃ vidyate'tra samantataḥ || 123 ||
[Analyze grammar]

etanmūrteḥ samādāya khaṇḍāṃśān mūrtayaḥ parāḥ |
bhaviṣyantītare devā īśvarāḥ parameśvarāḥ || 124 ||
[Analyze grammar]

nā'smānmayā'dhikaṃ vācyaṃ pramāṇaṃ sadasi sthitāḥ |
avatārāstathā muktā bhavantaḥ parameśvarāḥ || 125 ||
[Analyze grammar]

vāmane viśvarūpe tu madhye romṇordvayordvayoḥ |
koṭicihnāni tiṣṭhanti naiṣāṃ syād gaṇanārhatā || 126 ||
[Analyze grammar]

sṛṣṭitrayasvarūpaṃ hi mūrtau bhagavataḥ sthitam |
sarvasṛṣṭestu cihnāni vartante'syaiva varṣmaṇi || 127 ||
[Analyze grammar]

kaṇṭhopari cottamāṃge sūkṣmasūṣṭiḥ pratiṣṭhitā |
kaṇṭhādadhaḥ karerūrdhva kāryasṛṣṭirvyavasthitā || 128 ||
[Analyze grammar]

kaṭeradho nikṛṣṭā ca ānakhāntaṃ vyavasthitā |
koṭyarbudā'bjacihnāni vartante'sya tu varṣmaṇi || 129 ||
[Analyze grammar]

ityuktvā virarāmā'sau nāradaḥ sanadājñayā |
rādhike ca tataḥ pāritoṣikānyarpayat pitā || 130 ||
[Analyze grammar]

itiśrīlakṣmīnārāyaṇīyasaṃhitāyāṃ dvitīye tretāsantāne mahīmānānāṃ bhojanadānaṃ tataḥ sabhāyojanā nāradoktaparāvidyopadeśaścetyādinirūpaṇanāmā saptaṣaṣṭi |
tamo'dhyāyaḥ || 67 ||
[Analyze grammar]