Chapter 66

śrīkṛṣṇa uvāca |
śṛṇu tvaṃ rādhike divyamaharṣayaḥ samāyayuḥ |
samīraṇaḥ pavamānaḥ santāraṇaśca barburaḥ || 1 ||
[Analyze grammar]

voḍhuśca ghanabhedaśca dyuviśrāmaśca paṃkilaḥ |
nīlakarṇastathā'larkaḥ puṇḍarīkaḥ kalāyanaḥ || 2 ||
[Analyze grammar]

vītihotraśca camasaḥ parṇakutso'śvapāṭalaḥ |
bhāllaveyaścorjavrataścā''śvalāyana ityapi || 3 ||
[Analyze grammar]

pārṣṇiradaḥ sumantuśca hyaśokākṣo'bhayākṣakaḥ |
brahmastambaḥ kūpyavālaścetanabrahma ityapi || 4 ||
[Analyze grammar]

mṛtadaṇḍaścopatasthustatratyāstanmahotsave |
sadāraputrakanyādyāḥ sabhṛtyadāsadāsikāḥ || 5 ||
[Analyze grammar]

kauṇḍinyaḥ kauśikaḥ pautimāṣyo gaupavanastathā |
śāṇḍilyo gautamaścāgniveśyaścāmlāna ityapi || 6 ||
[Analyze grammar]

saitavaḥ prācīnayogyo dhārāśaryaśca maindavaḥ |
bhāradvājo vaijavāpāyanaśca kauśikāyaniḥ || 7 ||
[Analyze grammar]

ghṛtakauśikayāskau cā''surāyaṇaśca traivaṇiḥ |
jātūkarṇya aupajaghanyāsurī māṇṭivātsyakau || 8 ||
[Analyze grammar]

kaiśoryaḥ kāpya ātreyaḥ kumārahāritastathā |
vaidarbhī vatsanapāto gālavaḥ saubharistathā || 9 ||
[Analyze grammar]

panthā ayāsya ābhūtistvāṣṭro'śvinau dadhīcakaḥ |
viśvarūpo vipracitiḥ prādhvaṃsana ātharvaṇaḥ || 10 ||
[Analyze grammar]

sanārurvyaṣṭirekarṣiḥ sanagaśca sanātanaḥ |
uddālakāyano jābālāyanaḥ parameṣṭhikaḥ || 11 ||
[Analyze grammar]

mādhyandināyanaḥ kāṣāyaṇaśca saukarāyaṇaḥ |
aupajaṃghaniryāskaśca sāṃkṛtiḥ sāyakāyanaḥ || 12 ||
[Analyze grammar]

ete cānye vālakhilyāstathā'nye ṛṣipuṃgavāḥ |
āyayuḥ śrīkṛṣṇanārāyaṇasūtramahotsave || 13 ||
[Analyze grammar]

śauṅgī sukṛtirālambī jāyantī maṇḍukāyanī |
śāṇḍilī pautimāṣī ca kātyāyanī ca gautamī || 14 ||
[Analyze grammar]

dhārāśarī aupasvatī bhāradvājī ca kauśikī |
kāpī vaiyāghrapadī cā''lambī vātsī ca saubhagī || 15 ||
[Analyze grammar]

vārkāruṇī prajāyantī cātreyī cārtabhāginī |
kāṇvī ālambāyanī ca māṇḍukī bhālukī tathā || 16 ||
[Analyze grammar]

rāthītarī krauṃcikī ca vaidabhṛtyā surāyaṇī |
sāñjivī prācīnayogī prāśnī ca kārśakeyikā || 17 ||
[Analyze grammar]

satīśā'maraduhitā dhanyeśvarī ca rāṇikī |
ityetāḥ ṛṣipatnyaśca tatrotsave samāyayuḥ || 18 ||
[Analyze grammar]

divyā divyavibhūṣāśca vahniśuddhāṃ'śukā'nvitāḥ |
tapastejobhirāpūrṇāḥ puṇyapuñjanibhāḥ śubhāḥ || 19 ||
[Analyze grammar]

atrirvaśiṣṭhaścyavano bharadvājo mahātapāḥ |
gargo gārgyo yājñavalkyaḥ śvetavyāsaśca bhīmakaḥ || 20 ||
[Analyze grammar]

dharmo vatsaḥ pulahaśca jaigīṣavyaḥ pulastyakaḥ |
agastyaḥ saubhariścāpi sanakaśca sanātanaḥ || 21 ||
[Analyze grammar]

sanandaśca sanaccāpi sujātaśca kumārakaḥ |
ketuḥ pañcaśikhaścāpi durvāsāścāṃgirāstathā || 22 ||
[Analyze grammar]

śuko rāmaḥ kuśikaśca ṛṣyaśṛṃgo vibhāṇḍakaḥ |
vāmadevastathā śṛṃgī kraturyatistathā''ruṇiḥ || 23 ||
[Analyze grammar]

śukro bṛhaspatiścāpi vāmanaḥ pāribhadrakaḥ |
aṣṭāvakraśca pailaśca vālmīkī madhujittathā || 24 ||
[Analyze grammar]

pracetāḥ purujiccāpi bhṛgurmarīcirekakaḥ |
dvītaścāpyatha trītaśca kātyāyanaḥ sumantukaḥ || 25 ||
[Analyze grammar]

mārkaṇḍeyaḥ kaśyapaśca dakṣaḥ sūryaḥ śaśī tathā |
saṃvarttaścāpyutathyaśca naro nārāyaṇastathā || 26 ||
[Analyze grammar]

viśvāmitraḥ śatānando jābālistaitilastathā |
upamanyurgauramukho maitreyaśca kaṭhaḥ kacaḥ || 27 ||
[Analyze grammar]

aditiśca ditiścāpi kṛttikāśca pativratāḥ |
kuṭumbaśiṣyasahitāḥ śrīkṛṣṇasyā''śramaṃ yayuḥ || 28 ||
[Analyze grammar]

śrīmadgopālakṛṣṇastān vavande daṇḍavat bhuvi |
atha haṃsasthito brahmā sāvitrīsahito yayau || 29 ||
[Analyze grammar]

divyayānasthitaḥ śaṃbhurvyomnā satīyuto yayau |
nandī kālo vīrabhadraḥ subhadramaṇibhadrakau || 30 ||
[Analyze grammar]

pāribhadro gaṇeśaśca skando rudraḥ samāyayuḥ |
kuberaśca varuṇaśca mahendro'gnistathā'nilaḥ || 31 ||
[Analyze grammar]

yamaśca grahavasava ādityāḥ śeṣabhoginaḥ |
evaṃ sarve mahadbhāvāḥ pūjyā mānyāḥ samāyayuḥ || 32 ||
[Analyze grammar]

gopālakṛṣṇo bhaktyā tān vavande śirasā bhuvi |
tuṣṭāva parayā prītyā tattatsṛṣṭīśvarāṃstadā || 33 ||
[Analyze grammar]

śrīgopālakṛṣṇa uvāca |
parabrahma pare dhāmni rājamānaḥ pareśvaraḥ |
parātparaḥ svayaṃmuktaiḥ sahitaḥ puruṣottamaḥ || 34 ||
[Analyze grammar]

adya vai madgṛhe cāste jagatāṃ parameśvaraḥ |
aho bhāgyaṃ mama kṛṣṇo nārāyaṇo'tra cāgataḥ || 35 ||
[Analyze grammar]

aho bhāgyaṃ mama vāsudevādayaḥ samāgatāḥ |
aho bhāgyaṃ cāvatārāḥ parameśāḥ samāgatāḥ || 36 ||
[Analyze grammar]

īśvarā dhāmamuktāśca muktānyaśca samāgatāḥ |
bhūmā virāṭ svayaṃ viṣṇurvidhātā viśvasṛṭ prabhuḥ || 37 ||
[Analyze grammar]

patnīvrato mahāvipraścāpi madgṛhamāgataḥ |
siddhasādhvīyatiyogipūjyo gurorguruḥ svayam || 38 ||
[Analyze grammar]

brahmā mama gṛhe tvāste mahābhāgyaṃ mamā'dya vai |
yaṃ prapūjya jano yāti bhuktermukteḥ salokatām || 39 ||
[Analyze grammar]

sarvasaṃkaṭanāśaśca yatpratāpād bhavedapi |
śrīmatkṛṣṇasvarūpo'yaṃ gaṇeśo mama cālaye || 40 ||
[Analyze grammar]

devānāmagragaḥ pūjyo dhanyo'haṃ bhuvi sarvathā |
śaṃkaro bhagavāṃścāpi viṣṇurlakṣmīsamanvitaḥ || 41 ||
[Analyze grammar]

jagatāṃ jananī rādhā pārvatī cādirūpiṇī |
mūlaprakṛtirādyā ca parabrahmasvarūpiṇī || 42 ||
[Analyze grammar]

yatpādau samparipūjya vāñchitaṃ labhate vratī |
sā sākṣānmadgṛhe cā'dya vidyate jananī śubhā || 43 ||
[Analyze grammar]

dhāmakanyā dhāmamuktottamāḥ sādhyo mama gṛhe |
dhanyeyaṃ kambharālakṣmīryasyāścaitadvilokanam || 44 ||
[Analyze grammar]

sampannaṃ cādya sākṣādvai brahmasṛṣṭestu yoṣitām |
īśasṛṣṭeśca sādhvīnāmīśānāmapi darśanam || 45 ||
[Analyze grammar]

dhanyaṃ saraścāśvapaṭṭaṃ dhanyā kuṃkumavāpikā |
dhanyaḥ saurāṣṭradeśaśca yatra śrīparameśvarāḥ || 46 ||
[Analyze grammar]

pitaraḥ ṛṣayo devā devyastattvāni madgṛhe |
sarvapātālavāsāśca mūrtā'mūrtaṃ gṛhe mama || 47 ||
[Analyze grammar]

adya me saphalaṃ janma saphalo'yaṃ kṛto yugaḥ |
saphalaṃ sarjanaṃ cādya saphalaṃ jīvanaṃ mama || 48 ||
[Analyze grammar]

yadgehe ca mahīmānāstrisṛṣṭivāsino'dya vai |
brahmasṛṣṭirīśasṛṣṭirjīvasṛṣṭirgṛhe mama || 49 ||
[Analyze grammar]

evaṃ sarvānabhivandya yogyakiṃhāsaneṣu tān |
vāsayāmāsa vidhinā śātabhaume mahālaye || 50 ||
[Analyze grammar]

pūjayāmāsa vidhivat krameṇa daśayojane |
kāmarūpadharaḥ koṭyarbudarūpadharaḥ pitā || 51 ||
[Analyze grammar]

pratyekaṃ varayāmāsa parameśān surādikān |
munivargān ṛṣīn sādhūnmuktāndevāndvijāṃstathā || 52 ||
[Analyze grammar]

lomaśaṃ ca muniṃ bhaktyā vavre naijaṃ purohitam |
ratnaiḥ pravālaihāraiśca kalpamuktāvibhūṣaṇaiḥ || 53 ||
[Analyze grammar]

vasanairgandhamālyaiśca maṇimāṇikyahīrakaiḥ |
gandhasāraiścandanaiśca ratnasiṃhāsanasthitam || 94 ||
[Analyze grammar]

sarvamadhye śrīgaṇeśaṃ varayāmāsa pūjane |
śubhakārye sthitaṃ devaṃ gajānanaṃ tu vāribhiḥ || 55 ||
[Analyze grammar]

brāhmahṛdā''hṛtaiścāpi virajāhṛtavāribhiḥ |
jalāvaraṇavārbhiśca svargagāmeruvāribhiḥ || 56 ||
[Analyze grammar]

saptasāmudravārbhiśca sarvatīrthajalaistathā |
puṣpacandanasaugandhyāmṛtayuktaiḥ praśītalaiḥ || 57 ||
[Analyze grammar]

tathā dugdhena dadhnā ca ghṛtena madhunā'pi ca |
śarkarābhiḥ pañcagavyaiḥ snapayāmāsa bhaktitaḥ || 58 ||
[Analyze grammar]

gaṇeśaṃ śrīkṛṣṇarūpaṃ sarvavighnavināśakam |
sarvamāṃgalyadṃ devaṃ pūjayāmāsa vastubhiḥ || 69 ||
[Analyze grammar]

pārijātasya puṣpaiśca brāhmaiśca kamalaistathā |
vaikuṇṭhasya tu durvābhistathā ratnendrabhūṣaṇaiḥ || 60 ||
[Analyze grammar]

vahniśuddhāṃśukaiścāpi brāhmasindūrakaistathā |
gandhacandanapuṣpaiśca sauvarṇāṅgulabhūṣaṇaiḥ || 61 ||
[Analyze grammar]

evaṃ sampūjya vidhivad gaṇeśaṃ ca tataḥ param |
rādhāṃ lakṣmīṃ pārvatīṃ ca prabhāṃ śrīṃ māṇikīṃ ramām |
mañjulāṃ saguṇāṃ haṃsāṃ jayāṃ ca lalitāṃ dayām || 62 ||
[Analyze grammar]

tathā'nyāḥ śrīsatīḥ sādhvīrdhāmadhāmanivāsinīḥ |
kārṣṇīścāpi mahālakṣmīḥ sāvitrīṃ ca sarasvatīm || 63 ||
[Analyze grammar]

gaṃgāṃ ditiṃ cāditiṃ ca ṛṣipatnīḥ pativratāḥ |
devīścāpīśvariṇīśca pitṛpatnīśca bhāminīḥ || 64 ||
[Analyze grammar]

yoginīḥ sāṃkhyayoginīrlopāmudrādikāstathā |
pativratā mahīmānīḥ pūjayāmāsa kambharā || 65 ||
[Analyze grammar]

tathā'rbudā'bjakanyāśca saubhāgyaśobhitā api |
kambharā'rbudarūpaiśca samāśliṣya punaḥ punaḥ || 66 ||
[Analyze grammar]

parasparaṃ ca sambhāṣya sarvāḥ saṃśliṣya vai mithaḥ |
tāḥ sarvāḥ kambharālakṣmīrveśayāmāsa mandire || 67 ||
[Analyze grammar]

varayāmāsa mālyaiśca vāsobhiḥ ratnabhūṣaṇaiḥ |
brahmavṛkṣasya puṣpaiśca pārijātasya puṣpakaiḥ || 68 ||
[Analyze grammar]

sindūrabindukaiścāpi sīmante śobhitaistathā |
bhāle sucandrapatraiśca bindubhiścāndanaistathā || 69 ||
[Analyze grammar]

kastūrīkuṃkumālaktaprabhṛtibhiḥ sugandhikaiḥ |
sampūjya bhojayāmāsa miṣṭānnaistattadarhakaiḥ || 70 ||
[Analyze grammar]

amṛtaṃ vāri tāmbūlaṃ karpūrādisuvāsitam |
pradadau kambharāśrīśca munipatnīḥ krameṇa tu || 71 ||
[Analyze grammar]

pūjayāmāsa vidhivat patiputravatīḥ satīḥ |
dhāmakanyā īśakanyāḥ pitṛkanyā manoharāḥ || 72 ||
[Analyze grammar]

devakanyā nāgakanyā manukanyā vṛṣāśritāḥ |
bandhukanyā bhaktakanyā gāndharvā'surajāstathā || 73 ||
[Analyze grammar]

pūjayāmāsa vidhinā bhojayāmāsa sādaram |
vāsayāmāsa saudheṣu mahodyānānviteṣu ca || 74 ||
[Analyze grammar]

vādyāni vādayāmāsurvādakā maṃgalāni hi |
maṃgalaṃ kārayāmāsa bhojayāmāsa bhūsurān || 75 ||
[Analyze grammar]

śrīdevī pūjayāmāsa kuṃkumavāpikeśvarīm |
sarvaiḥ sa vastubhiḥ ṣaṣṭhīṃ tathā maṃgaladevatām || 76 ||
[Analyze grammar]

grāmadevān sarodevān pūjayāmāsa bhāvataḥ |
mahīmānān sarvabhāvaiḥ pūjayāmāsa vai pitā || 77 ||
[Analyze grammar]

tataḥ puṇyaṃ svastyayanaṃ kārayāmāsa maṃgalam |
vedāṃśca pāṭhayāmāsa gāpayāmāsa gītikāḥ || 78 ||
[Analyze grammar]

suvarṇakalaśasthaiśca gāṃgavāribhiracyutam |
snāpayāmāsa mātā ca śrīmatkṛṣṇanarāyaṇam || 79 ||
[Analyze grammar]

vastracandanamālyādyairveṣaṃ ramyaṃ cakāra sā |
divyāmbaravibhūṣābhirdivyalepanacandanaiḥ || 80 ||
[Analyze grammar]

tataḥ sabhā'vatārāṇāmīśvarāṇāṃ tapasvinām |
ṛṣīṇāṃ ca surāṇāṃ ca mānavānāṃ ca dehinām || 81 ||
[Analyze grammar]

sṛṣṭitrayā''gatānāṃ ca sampannā tatra vai hariḥ |
āyayau ca yadā kṛṣṇanarāyaṇaḥ sapitṛkaḥ || 82 ||
[Analyze grammar]

tadā'vatārā īśāśca devā manavo mānavāḥ |
ṛṣayo'nye samuttasthurvavandire pareśvaram || 83 ||
[Analyze grammar]

tvaṃ parabrahma sākṣādvai bālakṛṣṇo virājase |
avatāradharastvaṃ vai sākṣī kṛpāptavigrahaḥ || 84 ||
[Analyze grammar]

nirlepaścātmaśayanaḥ sarvasṛṣṭayādikāraṇam |
mahāviṣṇurvirāḍ bhūmā brahmā śeṣādayastvayi || 89 ||
[Analyze grammar]

vartāmaḥ śrīpate kṛṣṇa brahmāṇḍe maśakā iva |
tvadaṃśāśca vayaṃ santo devāḥ sma sarvasṛṣṭiṣu || 86 ||
[Analyze grammar]

brahmāṇḍāni hyasaṃkhyāni śeṣabhoge vasanti ca |
śeṣastiṣṭhati kūrme ca kūrmo jale pravartate || 87 ||
[Analyze grammar]

jalaṃ tejobalādūrdhvaṃ tvabhravad vartate sadā |
tejo vāyukṛtādhāraṃ vāyurākāśavartanaḥ || 88 ||
[Analyze grammar]

ākāśo'yaṃ cidākāśe cidākāśaśca cākṣare |
akṣaraṃ brahmabhāve ca parameśe virājate || 89 ||
[Analyze grammar]

ayaṃ śrīparameśastvaṃ vartase kambharāsutaḥ |
gopālabālakaḥ sākṣādasmadtagocaro hyasi || 90 ||
[Analyze grammar]

ityevaṃ vandito bālasvarūpaḥ kṛṣṇa eva ha |
sabhāmadhye'tiśuśubhe rādhāramāprabhāpatiḥ || 91 ||
[Analyze grammar]

dvibhujaḥ śvetakāntyāḍhyaḥ svarṇavarṇo manoharaḥ |
īṣaddhāsyaprasannāsyo vibhūṣābhirvirājitaḥ || 92 ||
[Analyze grammar]

dehaśuddhyarthamevādau kṛtakṛcchratrayo'cyutaḥ |
atha maṃgalasamaye śubhalagne samāgate || 92 ||
[Analyze grammar]

saumyagrahaiḥ paridṛṣṭe jāgrallagnādhipe sthite |
asaumyagrahadṛṣṭyādyaviṣaye karma cārabhat || 94 ||
[Analyze grammar]

kāmacārāśanapānadoṣaśuddhyarthameva saḥ |
dhenutrayaṃ dadau dāne svastivācamavācayat || 91 ||
[Analyze grammar]

lomaśasyājñayā svarṇasahasraṃ maṇiśevadhim |
dadau dāne brāhmaṇebhyo namaścakāra devatāḥ || 96 ||
[Analyze grammar]

viṣṇuṃ śivaṃ gaṇeśaṃ pārvatīṃ sūryaṃ prapūjya ca |
vahniṃ sampūjya vidhinā śrīmadgopālakṛṣṇakaḥ || 97 ||
[Analyze grammar]

putrādhivāsanaṃ cakre vedamantraiśca saṃsadi |
devān grahān diśāṃ pālān sampūjya mātṛkāstathā || 98 ||
[Analyze grammar]

nāndīśrāddhaṃ mahāśāntiṃ vidhāpya tadanantaram |
sthaṇḍile ca samudbhavā'nale homaṃ cakāra saḥ || 99 ||
[Analyze grammar]

pradatvā vasudhārāṃ ca saptavāraṃ ghṛtaistataḥ |
vṛddhiśrāddhaṃ daivaśrāddhaṃ cakre pitṛpratarpaṇam || 100 ||
[Analyze grammar]

kṣauritasnātamuktāyā'laṃkṛtabrahmacāriṇe |
kaṭisūtraṃ ca kaupīnaṃ yajñasūtraṃ dadau pitā || 101 ||
[Analyze grammar]

mauñjīṃ badhvā triraśanāṃ kaṭyāṃ karṇe ca lomaśaḥ |
mantraṃ dadau ca gāyatryāstrivāraṃ dakṣiṇaśrutau || 102 ||
[Analyze grammar]

ājyahomaṃ kārayitvā munirdharmānupādiśat |
tato bhikṣāṃ dadāvasmai śrīramārādhikāprabhāḥ || 103 ||
[Analyze grammar]

īśvarāṇyaśca muktānyaḥ sādhyo devyaśca kanyakāḥ |
mahālakṣmīḥ prakṛtiśca haṃsā lakṣmīśca pārvatī || 104 ||
[Analyze grammar]

mañjulā saguṇā dhāmakanyā īśasutāstathā |
devanāganṛpakanyāḥ sṛṣṭitrayasutādikāḥ || 105 ||
[Analyze grammar]

kārṣṇyaḥ sarvā lomaśasyāśramasthā divyavigrahāḥ |
kaṃbharāśrīścāmṛtā ca devadaityādimātaraḥ || 106 ||
[Analyze grammar]

munipatnyo brahmaviṣṇumaheśānāṃ ca yoṣitaḥ |
kāminyodikprapālānāṃ dadurbhikṣāḥ pṛthak pṛthak || 107 ||
[Analyze grammar]

amūlyaratnasannaddhadivyasvarṇasupātrake |
bhikṣāṃ gṛhītvā bhagavān lomaśāya dadau manāk || 108 ||
[Analyze grammar]

āmaulibrahmadaṇḍaṃ cā'jinamuttaravastrakam |
pūjāṃ sandhyāṃ dadau kamaṇḍaluṃ śīlaṃ ca lomaśaḥ || 109 ||
[Analyze grammar]

anye sarve bhagavanto dadustasmai mahārhaṇām |
bhikṣāṃ ratnāvalihārān maṇīn kāñcanavikṛtīn || 110 ||
[Analyze grammar]

amṛtāni vicitrāṇi copabhogyāni yāni ca |
daduścāsmai nijalokāhṛtāni devayonayaḥ || 111 ||
[Analyze grammar]

athaivaṃ karma nirvāpya dakṣiṇāṃ lomaśāya ca |
svarṇahīrakaratnāni dadau gopālakṛṣṇakaḥ || 112 ||
[Analyze grammar]

putrāya hīrahāraṃ ca dadau rakṣākaraṃ pitā |
devyaḥ saubhāgyavatyaśca kanyāśca mātarastathā || 113 ||
[Analyze grammar]

śubhāśiṣaṃ pradaduśca śuklapuṣpaiśca durvayā |
ye ye samāyayuryajñe tai tai śubhāśiṣo daduḥ || 114 ||
[Analyze grammar]

gītikāścāpyagāyantā'vādyanta tūryakāṇi ca |
gotraṃ ca pravarān vedaṃ śākhāṃ cā'śikṣayat pitā || 115 ||
[Analyze grammar]

parabrahmātmakaṃ gotraṃ pravarāstraya ityamī |
akṣarabrahma śrīkṛṣṇaḥ śrīnārāyaṇa eva te || 116 ||
[Analyze grammar]

vedaḥ sarvātmakaścaikaḥ sāmaḥ śrīmukhanirgataḥ |
śākhā patnīvratīyā ca śākhī tvaṃ parameśvaraḥ || 117 ||
[Analyze grammar]

ityevaṃ rādhike karma samāpya mahīmānakān |
saṃsadaḥ parihāraṃ ca cakre gopālakṛṣṇakaḥ || 118 ||
[Analyze grammar]