Chapter 65

śrīkṛṣṇa uvāca |
athāpi tvaṃ śṛṇu rādhe sarvapāvanapāvanam |
ārṣaṃ vidhānaṃ kṛṣṇasya lokaṃ cānusṛtasya ha || 1 ||
[Analyze grammar]

svayaṃ vedapraṇetā yo brahmāṇaṃ śāsti vai purā |
so'yaṃ lokaṃ samāśritya pālayitvā vidhiṃ nijam || 2 ||
[Analyze grammar]

gṛhṇāti brahmasaṃskāraṃ prākṛto brahmapā yathā |
dvijatvaṃ yena sṛṣṭyādau nirmitaṃ śreyase sadā || 3 ||
[Analyze grammar]

sa tu sūtraṃ samagṛhya dvijo bhavati cā'dvijaḥ |
yasya saṃsparśanānnāryo narā vṛkṣāśca vallayaḥ || 4 ||
[Analyze grammar]

paśupretapiśācādyāḥ śuddhyanti cātmadarśinaḥ |
yasya yogena kāmādyā bhajante divyatāṃ sadā || 5 ||
[Analyze grammar]

yadyogaṃ prāpya yakṣā vā rākṣasā mlecchayonayaḥ |
divyā bhavanti ca kṣaṇāt so'yaṃ brahmagraho'bhavat || 6 ||
[Analyze grammar]

rādhike lomaśaḥ prāha pitaraṃ mātaraṃ hareḥ |
yajñopavītayogyo'yaṃ vartate yajñapāvanaḥ || 7 ||
[Analyze grammar]

deyaṃ cāsmai brahmasūtraṃ sūtrayitre parātmane |
śrutvaivaṃ śobhanaṃ vākyaṃ lomaśasya mukhāttataḥ || 8 ||
[Analyze grammar]

prasannau pitarau yogyaṃ praṇematurmuniṃ tadā |
bhaktyā gopālakṛṣṇaśca divyaṃ gajāsanaṃ dadau || 9 ||
[Analyze grammar]

madhuparkaṃ dadau hārān miṣṭānnaṃ salilaṃ dadau |
tāmbūlaṃ pradadau cāpi phalaṃ vastraṃ śubhaṃ dadau || 10 ||
[Analyze grammar]

uvāca lomaśaṃ śubhotsavakṣaṇaṃ kuru prabho |
vaiśākho'yaṃ samāyāti bhavate rocate yadi || 11 ||
[Analyze grammar]

kartavyaścotsavastatra mama bhātyeva sarvathā |
yajñopavītayogyaṃ ca dinaṃ śasyaṃ pradarśaya || 12 ||
[Analyze grammar]

lomaśastu tataḥ prāha śrīmadgopālakṛṣṇakam |
akṣayā cottamā cāste tṛtīyā'kṣayadāyinī || 13 ||
[Analyze grammar]

candrarkṣabalaśuddhyādi sarvaṃ śubhaṃ pravartate |
āmantraṇaṃ ca trailokye sarvebhyo dehi tattathā || 14 ||
[Analyze grammar]

saṃbhārān divyabhogāṃśca sañcinuhyatidurlabhān |
bhinnalokanivāsānāṃ yogyān sevyottamottamān || 15 ||
[Analyze grammar]

lomaśasya vacaḥ śrutvā śrīmadgopālakṛṣṇakaḥ |
preṣayāmāsa sarvatra divyā maṃgalapatrikāḥ || 16 ||
[Analyze grammar]

aśvapaṭṭasarovāsaiḥ pārṣadaiḥ sevakaistathā |
vimānasthairdivyayānaiḥ preṣayāmāsa sarvaśaḥ || 17 ||
[Analyze grammar]

janmā'ṣṭame'bde vaiśākhe śukle'kṣayatithau mama |
putrasya śrīhareryajñopavītaṃ vai bhaviṣyati || 18 ||
[Analyze grammar]

avatāraistathā muktairmuktābhirdhāmabhiḥ saha |
brahmabhiḥ pārṣadaiḥ pārṣadānībhiḥ saha sarvathā || 19 ||
[Analyze grammar]

satībhiḥ sevikābhiścā'vatāriṇībhirityapi |
īśābhirīśvaraiścāpi ṛṣibhiśca kuṭumbibhiḥ || 20 ||
[Analyze grammar]

sādhubhiryatibhiścāpi bhaktairbhāgavataiḥ saha |
bhāgavatābhirbhaktābhiḥ samāgantavyamādarāt || 21 ||
[Analyze grammar]

pitṛbhiḥ patnikāyuktairdevairdevīsamanvitaiḥ |
dikpālairlokapālaiśca grahanakṣatramaṇḍalaiḥ || 22 ||
[Analyze grammar]

tārābhiśca tathā tattvairbhuvarvāsibhirityapi |
mānavairdrumavallyādyaiḥ kalpapādapavaṃśajaiḥ || 23 ||
[Analyze grammar]

tṛṇaiḥ stambaiḥ samudbhijjairaṇḍajairgāyakairjanaiḥ |
vidyādhraiḥ kinnaraiścāpi kimpuṃbhirnṛtyavedibhiḥ || 24 ||
[Analyze grammar]

nartakībhiścāraṇaiśca dharmā'dharmādivaṃśajaiḥ |
surā'surakuṭumbaiśca digīśvaraiḥ samantataḥ || 25 ||
[Analyze grammar]

āgantavyaṃ yajñasūtrotsave madbālakasya vai |
tīrthairnadanadībhiścā'raṇyairvanaiḥ sarovaraiḥ || 26 ||
[Analyze grammar]

samudrā'khātakūpādyairnagaiḥ khagaiḥ samantataḥ |
vasundharāsthitaiḥ sarvairāgantavyaṃ ca pakṣibhiḥ || 27 ||
[Analyze grammar]

guṇairguṇāśrayaiścāpi mūrtā'mūrtaiḥ samādarāt |
kālaiḥ ṛtubhirādyābhiḥ śaktibhiḥ sahavatsaraiḥ || 28 ||
[Analyze grammar]

kāmadhenubhirevāpi vasubhiḥ siddhibhistathā |
nidhibhirviṣṇurudrādyairbrahmādyairbahumastakaiḥ || 29 ||
[Analyze grammar]

indrādirājavaryaiśca mānavairmunibhistathā |
vipraiḥ kṣatriyavaryaiśca vaiśyaiśca sevakaistathā || 30 ||
[Analyze grammar]

sāttvikaiḥ rājasaiścāpi tāmasairmāyikaistathā |
māyābhiḥ prakṛtibhiścā''gantavyaṃ copavītake || 31 ||
[Analyze grammar]

atalādisthitairdaityairdānavaiścāsurairapi |
nāgaiḥ sarpaiḥ sahabandhumitrakuṭumbidehibhiḥ || 32 ||
[Analyze grammar]

āgantavyaṃ vāhanaiśca sādhanaiśca rasaistathā |
divyā''divyābhirevā'tra vidyābhiśca kalādibhiḥ || 33 ||
[Analyze grammar]

bhavatāṃ tejasā sārairāśīrbhirmama bālakaḥ |
vardhito yajñavat puṇyarāśiḥ sampatsyate dhruvam || 34 ||
[Analyze grammar]

ityevaṃ preṣayitvā ca patrikāḥ sevakaistataḥ |
śuddhasattvavibhūteśca yāni bhojyāni dhāmasu || 35 ||
[Analyze grammar]

pare brahmaṇyakṣare ca goloke ca vikuṇṭhake |
amṛte ceśvaraloke satyaloke'mṛtāni ca || 36 ||
[Analyze grammar]

brahmajalāni divyāni lehyacoṣyāṇi yānyapi |
teṣāṃ ca sañcayāṃstatra kārayāmāsa satvaram || 37 ||
[Analyze grammar]

bhuvarmaharjanalokādiṣvapi yāni yāni ca |
khādyapeyopakāryāṇi teṣāṃ ca sañcayāṃstathā || 38 ||
[Analyze grammar]

svarge tapasi mervādau pṛthvyāṃ pātālasaptake |
bhojyakhādyaprapeyāni copakāryāṇi yāni ca || 39 ||
[Analyze grammar]

mṛdyasevyopabhogyāni dehiyogyāni yāni ca |
calasthāvarayogyāni mūrtā'mūrtā'rthakāni ca || 40 ||
[Analyze grammar]

teṣāṃ sarvapravastūnāṃ sañcayānavyayāṃstathā |
kārayāmāsa bahudhā śrīmadgopālakṛṣṇakaḥ || 41 ||
[Analyze grammar]

brahmahadān kalpahradān kalpavṛkṣarasādikān |
akṣayāṇi ca pātrāṇi āpūrakadalāṃstathā || 42 ||
[Analyze grammar]

avyayān kośapadmāṃśca siddhipātrottamāni ca |
sañcayāmāsa paritaḥ siddhayaṣṭīśca gūṭikāḥ || 43 ||
[Analyze grammar]

sahasrapradapātrāṇi cintāmaṇīn bahūṃstathā |
camatkārakṛtāṃścāpi brahmapuṣpottamāni ca || 44 ||
[Analyze grammar]

devamāyāprakāṇḍāni devīsūtrāṇi yāni ca |
aindrajālikapāśāṃśca maṇikān lakṣadāṃstathā || 45 ||
[Analyze grammar]

mantrayantrāṇi tantrāṇi camatkārakaṇāṃstathā |
yogaiśvaryā'mṛtanālīḥ sañcayāmāsa sarvaśaḥ || 46 ||
[Analyze grammar]

yogacullīryogadarvīryogakaṭāhavāṭikāḥ |
yogasthālīryogadīpān sañcayāmāsa sarvaśaḥ || 47 ||
[Analyze grammar]

yogāsanāni sarvāṇi sārvabhaumā'mṛtāni ca |
kalpartūn kalpakaṇṭhīśca kalpavalayakormikāḥ || 48 ||
[Analyze grammar]

sañcayāmāsa bahudhā yāvadātithyahetave |
bhautikāni ca bhojyāni peyāni bhautikāni ca || 49 ||
[Analyze grammar]

sūkṣmabhūtajabhojyāni peyāni sūkṣmajānyapi |
vyaktajanyāni bhojyāni peyāni vyaktajāni ca || 50 ||
[Analyze grammar]

avyaktajāni bhojyāni peyānyavyaktajāni ca |
māyājanyāni sarvāṇi tathā brāhmāṇi yāni ca || 51 ||
[Analyze grammar]

ākṣarāṇyapi divyāni ātmamayāni yāni ca |
snehajānyapi sarvāṇi puṇyatattvodbhavāni ca || 52 ||
[Analyze grammar]

sarvāṇyapi ca bhogyāni sañcayāmāsa sarvataḥ |
rasakulyā ghṛtakulyā dadhikulyā manoharāḥ || 53 ||
[Analyze grammar]

madhukulyā guḍakulyāḥ śarkarākhaṇḍikāhradān |
ikṣukulyā amṛtānāṃ hradān miṣṭasarāṃsi ca || 54 ||
[Analyze grammar]

sañcayāmāsa paritaḥ śrīmadgopālakṛṣṇakaḥ |
upahārasahasrāṇāṃ parvatān pracakāra saḥ || 55 ||
[Analyze grammar]

ratnānāṃ ca maṇīnāṃ ca mauktikānāṃ samucchrayān |
suvarṇānāṃ rūpyakāṇāṃ hīrakāṇāṃ ca parvatān || 56 ||
[Analyze grammar]

māṇikyānāṃ ca muktānāṃ vibhūṣāṇāṃ ca parvatān |
vastrālaṃkārarāśīṃśca kārayāmāsa vai tadā || 57 ||
[Analyze grammar]

cūrṇānāṃ gandhasārāṇāṃ tailānāṃ ca sugandhinām |
lepānāṃ kajjalānāṃ ca raṃgānāṃ sañcayāṃstathā || 58 ||
[Analyze grammar]

candanānāṃ kuṃkumānā kesarāṇāṃ ca saṃcayān |
kastūrīṇāṃ cauṣadhānāṃ rāśīn cakāra cāvyayān || 59 ||
[Analyze grammar]

darpaṇānāṃ kaṃkatīnāṃ śuddhidravyamṛdāṃ tathā |
śayanānāṃ ca dolānāmāsanānāṃ ca cakriṇām || 60 ||
[Analyze grammar]

yānānāṃ vāhanānāṃ cā'saṃkhyasañcayakān vyadhāt |
evaṃ sarvopabhogyādau sampanne pūrṇatāṃgate || 61 ||
[Analyze grammar]

anādiśrīkṛṣṇanārāyaṇaḥ sasmāra vai kramāt |
paradhāmasthamuktāṃśca muktānīrapi sarvaśaḥ || 62 ||
[Analyze grammar]

akṣarasthān muktavargān muktānīrapi cākṣaram |
avatārānavatāriṇīśca pārṣadapuṃgavān || 63 ||
[Analyze grammar]

pārṣadānīśca vai bhaktān bhaktānīrapi sarvaśaḥ |
caturviṃśativiṣṇūṃśca caturvyūhāṃstathā kramāt || 64 ||
[Analyze grammar]

parameśānīśvarāṃśca īśvarāṇīśca sarvaśaḥ |
vairājān brahmaśaṃbhūṃśca rudrān viṣṇūn ṛṣīṃstathā || 65 ||
[Analyze grammar]

sādhūn sādhvīḥ satīḥ patnīḥ priyā devī ramādikāḥ |
rādhāṃ lakṣmīṃ pārvatīṃ ca prabhāṃ haṃsāṃ ca māṇikīm || 66 ||
[Analyze grammar]

dvādaśottaraśatamukhyāśca patnīrnijāḥ parāḥ |
koṭidāsīstathā dāsān golokasthān gavādikān || 67 ||
[Analyze grammar]

caturvaikuṇṭhasaṃsthāṃśca badaryāśramavāsinaḥ |
satyasthān svargavāsāṃśca parasvargagatāṃstathā || 68 ||
[Analyze grammar]

pitṛn siddhān cāraṇāṃśca munīndrān suramānavān |
sasmāra ca diśāṃ pālān nṛpatīn surapālakān || 69 ||
[Analyze grammar]

bhuvaḥsthān pṛthivīsthāṃśca saptapātālavāsinaḥ |
jalasthalasthitān sarvān sthāvarān jaṃgamāṃstathā || 70 ||
[Analyze grammar]

brahmasarasastathā cāpsarasaḥ kanyakottamāḥ |
bhāṭacāraṇagandharvān kiṃpuṃkinnaramāgadhān || 71 ||
[Analyze grammar]

cāraṇān vādakāṃścāpi gāyakān nartakāṃstathā |
naṭān nāṭakakartṝṃśca nāṭyasaṃghapradarśakān || 72 ||
[Analyze grammar]

mallān kalākarāṃścāpi mahendrajālikāṃstathā |
svādakarāṃstathā sūdān pākinaḥ pariveṣakān || 73 ||
[Analyze grammar]

yajñīyān yajñavetṝṃśca karmakāṇḍaparāṃstathā |
brāhmaṇāṃśca maharṣīṃśca kṣetradvārādipālakān || 74 ||
[Analyze grammar]

sasmāra divyatattvāni divyā'mūrtikamānavān |
jalasthalanivāsāṃśca daityadānavarākṣasān || 75 ||
[Analyze grammar]

dīnān raṃkān sataḥ sāṃkhyayoginīśca pativratāḥ |
kanyā devīśca kulajāḥ kulapūjyāśca yoginīḥ || 76 ||
[Analyze grammar]

kailāsabadarīvāsān kṣīraśvetanivāsinaḥ |
pṛthvīsthakhaṇḍavāsāṃśca sasmāra śrīharistadā || 77 ||
[Analyze grammar]

bhaktān gopān gopikāśca koṭyarbudābjaśevadhīn |
sasmāra vālakhilyāṃśca yatīn jñānāśrayān nijān || 78 ||
[Analyze grammar]

anādiśrīkṛṣṇanārāyaṇaḥ svāminarāyaṇaḥ |
sasmāra divyamanasā bhaktāṃśca bhaktavatsalaḥ || 79 ||
[Analyze grammar]

akṣayāyāṃ tṛtīyāyāṃ prātaḥ sarve samāyayuḥ |
brahmavadgatikā yānairvaihāyasaiśca mānasaiḥ || 80 ||
[Analyze grammar]

ātmayānairyogayānaiḥ samādhivāhanaistathā |
vāyuvāhaiścāmbarātmavāhanaiśca samāyayuḥ || 81 ||
[Analyze grammar]

garuḍaiśca tathā haṃsaiḥ śukairmayūramūṣakaiḥ |
vināyakā gaṇeśāśca vighneśāstatra cāyayuḥ || 82 ||
[Analyze grammar]

gajairaśvairanalaiśca kuṃjakaiḥ sārasādibhiḥ |
meghairgrahaistathā vidyullatābhiḥ kiraṇaistathā || 83 ||
[Analyze grammar]

sūryacandrādayastūrṇaṃ tejovāhāḥ samāgatāḥ |
manovāhāḥ kalpavāhā vegavāhāḥ samāyayuḥ || 84 ||
[Analyze grammar]

muktāścāpyavatārāśca vyūhāścāpīśvarāstathā |
brahmadhāmagatāḥ sarve īśadhāmagatāstathā || 85 ||
[Analyze grammar]

kṛṣṇanārāyaṇo lakṣmīrādhāramādikāstathā |
koṭikoṭyarbujābjādiśevadhiśrīsakhīyutāḥ || 86 ||
[Analyze grammar]

koṭikoṭyarbujābjādisevakaiḥ sahitāstathā |
rāmamādhavagovindā gopālā gopikāstathā || 87 ||
[Analyze grammar]

viṣṇavo vaiṣṇavīśaktipramukhā bhūmadevatāḥ |
vairājā brahmarudrādyāḥ śatakoṭipramastakāḥ || 88 ||
[Analyze grammar]

satyasthāḥ sādhavo devā yataya brahmacāriṇaḥ |
vedā vidyāstathā mantrā yajñā havīṃṣi yāni ca || 89 ||
[Analyze grammar]

samāyayurdivyarūpā vahnayo marutastathā |
tejāṃsi cāpi sarvāṇi pitaraḥ ṛṣayo'marāḥ || 90 ||
[Analyze grammar]

pramunīndrāḥ satpuruṣāḥ satyaḥ sādhvyaḥ pativratāḥ |
brahmapriyāḥ kṛṣṇapriyā devapriyāḥ samantataḥ || 91 ||
[Analyze grammar]

caturdaśabhuvanānāṃ rājñyo rājāna ityapi |
brahmakanyāḥ ṛṣikanyā jalakanyāḥ samudrajāḥ || 92 ||
[Analyze grammar]

devakanyā nāgakanyā rājakanyāśca koṭiśaḥ |
kumārikāśca gāndharvyo vidyādharyaśca sarvaśaḥ || 93 ||
[Analyze grammar]

vādikā vādakāścāpi yaśogāyāḥ samāyayuḥ |
bhāṇḍakāścāraṇādyāśca bhāṭā naṭāśca nartakāḥ || 94 ||
[Analyze grammar]

caiṣṭikā aitihikāḥ kathakā hāsakā api |
brāhmaṇā bhikṣukāḥ sanyāsārthā muṇḍadharāstathā || 95 ||
[Analyze grammar]

avadhūtā brahmacārā yogacārāḥ samāyayuḥ |
svastrībāndhavabālādyairyutā dvitīyaviśramāḥ || 96 ||
[Analyze grammar]

patnīvratasya vaṃśāśca pativratākuṭumbinaḥ |
bandhubāndhavayogāśca tadyogāstatsuyoginaḥ || 97 ||
[Analyze grammar]

naikakṣityudbhavāḥ sarve varṣmadhrā hi samāyayuḥ |
viṣṇugaṇā rudragaṇā brahmagaṇā asaṃkhyakāḥ || 98 ||
[Analyze grammar]

dīpāvalyo nālamedhyaḥ ṣaṣṭhīdevyastalājikā |
gokumāryastathā'rjantyā yuvatyaḥ śatakanyakāḥ || 99 ||
[Analyze grammar]

koṭiśaḥ kandarā kanyāstathā krodhanikā satī |
lakṣaṃ ca rākṣasīkanyāḥ kaṃkatālyaśca pañcaṣaḥ || 100 ||
[Analyze grammar]

kaṃkatālikakanyāśca sahasraśo hyupasthitāḥ |
brahmakanyā jalakanyā'ryamakanyāḥ sahasraśaḥ || 101 ||
[Analyze grammar]

kuberakanyakāścendrakanyā yamasutāstathā |
vāyukanyāḥ ṛtukanyā viśvakarmasutāstathā || 102 ||
[Analyze grammar]

drumakanyā dānavādikanyāpañcasahasrakam |
vasantasya tathā patnyaḥ ṣoḍaśāpi hyupasthitāḥ || 103 ||
[Analyze grammar]

vahnikanyāstathā sālamālakanyāsahasrakam |
śravaṇakanyakāḥ śāvadīnakanyāsahasrakam || 104 ||
[Analyze grammar]

aindrajālikaraudryaśca sahasrakanyakāstathā |
vidyākanyāḥ kiśoryaśca ṣaṣṭikanyā hyupasthitāḥ || 105 ||
[Analyze grammar]

samvatsarasya kanyāśca vārkṣyaḥ kanyā asaṃkhyakāḥ |
khanijāḥ kanyakāścāpi sopakuṃbhā hyupasthitāḥ || 106 ||
[Analyze grammar]

upasthitā lakṣmaṇasya sahasradvayaputrikāḥ |
upasthitā viśvāvasostadā triśataputrikāḥ || 107 ||
[Analyze grammar]

dvāsaptatisahasrāṇi vedhaḥkanyā upasthitāḥ |
jumāsemlānṛpasyāpi tasthuḥ sahasrakanyakāḥ || 108 ||
[Analyze grammar]

kārṣṇyaḥ kumārikāḥ śatottaradvādaśasaṃkhyakāḥ |
māgalyārthaṃ harestasya kāntasyā'rthamupasthitāḥ || 109 ||
[Analyze grammar]

cakrustāḥ śrīkṛṣṇanārāyaṇasya kīrtanāni vai |
āgatebhyaśca saṃghebhyaścāvāsān pradadau pitā || 110 ||
[Analyze grammar]

satkārān madhuparkādi yathārhaṃ bahudhā dadau |
athāpi rādhike tatra samāyānti maharṣayaḥ || 111 ||
[Analyze grammar]

itiśrīlakṣmīnārāyaṇīyasaṃhitāyāṃ dvitīye tretāsantāne prabhoraṣṭame varṣe vaiśākhe yajñopavītamahotsave āmantraṇapatrikādvārā sarveṣāmāgamanādinidarśananāmā pañcaṣaṣṭi |
tamo'dhyāyaḥ || 65 ||
[Analyze grammar]