Chapter 64

śrīrādhikovāca |
parabrahma kṛpāsindho gopanāthāhvayaṃ śubham |
tīrthaṃ saurāṣṭrasāmudratīre proktaṃ tvayā hare || 1 ||
[Analyze grammar]

kathaṃ kadā tu tajjātaṃ kathaṃ tannāma sārthakam |
vada mahyaṃ yathāvattu kṛṣṇa kānta pareśvara || 2 ||
[Analyze grammar]

śrīkṛṣṇa uvāca |
śṛṇu tvaṃ rādhike divyāṃ kathāṃ tu mama gocarām |
pūrvapūrveṣu kalpeṣu śrīkṛṣṇā bahavo'bhavan || 3 ||
[Analyze grammar]

pūrvāhṇe brahmaṇastatra prātarevā''dyavatsare |
ādye dine tu golokādahaṃ rādhe tvayā saha || 4 ||
[Analyze grammar]

utpannaṃ tvetadaṇḍaṃ vai prārthanayā tu vedhasaḥ |
draṣṭuṃ samāgatastatra yatra mayā maṇirmama || 5 ||
[Analyze grammar]

nikṣiptaścātra gole sa saurāṣṭraviṣayo'bhavat |
tatrāgatya mayā divyavimānaṃ svarṇanirmitam || 6 ||
[Analyze grammar]

gopagopīgaṇairjuṣṭaṃ gobhiryuktaṃ manoharam |
vistṛte ca maṇerdeśe vyomno mayā'vatāritam || 7 ||
[Analyze grammar]

gopā gopyaśca rādhe tvamahaṃ nyūṣurjalāntikam |
bhuktavantaścāmṛtāni dugdhāni ca gavāṃ tathā || 8 ||
[Analyze grammar]

gāvastatra viharanti gopāḥ krīḍanti tadvane |
gopyo gopā ramante ca divye mannirmite sthale || 9 ||
[Analyze grammar]

tatrā'haṃ tu tvayā sākaṃ rādhe vṛkṣeṣu sarvataḥ |
gobhirgopairgopībhiśca vyacaraṃ vāsamācaran || 10 ||
[Analyze grammar]

tadā sanatkumārādyāḥ ṛṣayastatra cāyayuḥ |
jñātvā śrīśaṃkaro bhakto viṣṇuścāyayatustadā || 11 ||
[Analyze grammar]

gopairmayā tvayā cāpi gopībhistau susatkṛtau |
pūjitau vandito miṣṭaṃ bhojitau sevitau mudā || 12 ||
[Analyze grammar]

yatra sthāne kṛtāvāsau śrīviṣṇuśaṃkarau surau |
gopaiḥ sampūjitau tatra surau hariharātmakau || 13 ||
[Analyze grammar]

tāvat tatra samāyāto brahmā vijñāya satvaram |
so'pi saṃpūjito gopairmayā tvayā ca satkṛtaḥ || 14 ||
[Analyze grammar]

athā'nye pārṣadā jñātvā viṣṇorharasya vedhasaḥ |
devyo dāsyaḥ samāyātāstasthustatra same sthale || 15 ||
[Analyze grammar]

tato'haṃ pṛṣṭavāṃstebhyo mayā pṛthvyāṃ śubhe sthale |
prākaṭyamiṣyate śīghraṃ lokakalyāṇahetave || 16 ||
[Analyze grammar]

tāvat tatra samāyātau dharaṇimeruparvatau |
prārthayāmāsatustau māṃ putrārthaṃ śṛṇvatāṃ satām || 17 ||
[Analyze grammar]

mayā tathā'stviti proktaṃ tau tadā brahmaṇaḥ śubham |
mānasaṃ yugalaṃ jātaṃ mānavaṃ tu surāṣṭrake || 18 ||
[Analyze grammar]

nāmnā merudharo gopaḥ kṣamādevī ca gopikā |
somanāthasamīpe tau divyaṃ vāsaṃ pracakratuḥ || 19 ||
[Analyze grammar]

gopā gopyastathā gāvaḥ sampūjya tu hariṃ haram |
yayuḥ sarve kṣamādevyā sākaṃ ca meruṇā saha || 20 ||
[Analyze grammar]

siṃhāraṇye kṛtāvāsāstiṣṭhanti sma ca moditāḥ |
śaṃbhuḥ śrīgopanāthaśca viṣṇurgopīśvarastathā || 21 ||
[Analyze grammar]

yatsthāne pūjitau tatra mūrtyātmānau babhūvatuḥ |
tatra gopāśca gopyaśca nityamāyānti yānti ca || 22 ||
[Analyze grammar]

gopanāthaṃ tu tattīrthaṃ jātaṃ hariharātmakam |
pāvanaṃ paramaṃ rādhe tava me pādapāvitam || 23 ||
[Analyze grammar]

yatra meruḥ svayaṃ cāste kṣamā ca jananī mama |
tatrā'haṃ rādhike jātaḥ śrīkṛṣṇo mānasaḥ sutaḥ || 24 ||
[Analyze grammar]

tvaṃ mayā saha gopyaśca mānasyaścetarā api |
vyajāyanta ca tatraiva merukoṭītipattane || 25 ||
[Analyze grammar]

hiraṇyā vidyate yatra yatra prācī sarasvatī |
someśo vidyate yatra sā bhūmirmerukoṭikā || 26 ||
[Analyze grammar]

pradeśaḥ sa ca me līlāmayaḥ pūrvaprage'bhavat |
rādhe tvaccaraṇavyāpto mokṣadvāramapāvṛtam || 27 ||
[Analyze grammar]

sanatkumāro bhagavān gururme tatra cā'bhavat |
gopā gopāṃganā gāvastatra nyūṣuḥ sadā mama || 28 ||
[Analyze grammar]

gopālo'haṃ tadā cāsaṃ mūlamādyaṃ sthalaṃ mama |
mūlā sā dvārikā me'tra merukoṭītiviśrutā || 29 ||
[Analyze grammar]

pūrve śatruṃjitā yāvat paścime tu sarasvatī |
uttare tu mahābhadrānadī kṣetraṃ purā mama || 30 ||
[Analyze grammar]

kṛtasmaraḥ parvataśca siṃhāraṇyaṃ mahadvanam |
vyāghrāraṇyaṃ cāśvapaṭṭasaraśceti ca bhūrmama || 31 ||
[Analyze grammar]

vihārasya parā bhūmiścāsīd rādhe vinodinī |
yatra gopāśca gopyaśca gāvaśca vyomamārgagāḥ || 32 ||
[Analyze grammar]

viharanti sma nityaṃ vai merudevapratāpataḥ |
tatra me pārṣadā devā devyaśca kṛtaketanāḥ || 33 ||
[Analyze grammar]

nyūṣuḥ sthale sthale sarve mama sevecchayā sadā |
saurāṣṭraṃ kṛṣṇabhaktābhirgopībhiḥ pūritaṃ tadā || 34 ||
[Analyze grammar]

āsīd rādhe ca gopaiśca golokaṃ dhāma tattathā |
gāruḍī saṃhitā cāsīnmamaiśvaryavivecinī || 35 ||
[Analyze grammar]

madhuvatyāstaṭe tatra mamāsīt kuñjabhūmikā |
siṃhāraṇyasya madhye ca divyālayaḥ purā mama || 36 ||
[Analyze grammar]

parikhāveṣṭitaścāsīdakhātamadhyaśobhitaḥ |
yojanadvayavistārodyānamadhye vyavasthitaḥ || 37 ||
[Analyze grammar]

yatra patnyo mama sarvā rājñyaścāsan suśobhanāḥ |
vaihāyasā vimānena sarvayātrākarāḥ priyāḥ || 38 ||
[Analyze grammar]

pārṣadā mama vai sarve saurāṣṭre vividhe sthale |
devā devyastadā nyūṣurmamājñayā ca rādhike || 39 ||
[Analyze grammar]

ādityā dvādaśa rudrā ekādaśā'śvināvubhau |
vasavo'ṣṭau nidhayo'pi navā'ṣṭasiddhayastathā || 40 ||
[Analyze grammar]

saptarṣayo daśabāṇā manavastithidevatāḥ |
kalāstattvāni nakṣatramaṇḍalaṃ guṇakoṭayaḥ || 41 ||
[Analyze grammar]

maruto yoginīcakraṃ kalā nāḍyaśca dāsikāḥ |
vālakhilyāḥ pūrvasṛṣṭibhavā nyūṣurmamāśraye || 42 ||
[Analyze grammar]

virajā kamalā gaṃgā ramā lakṣmīḥ sarasvatī |
durgā rādhā padminī ca pārvatī mañjulā prabhā || 43 ||
[Analyze grammar]

saguṇā śāradā haṃsā suśīlā subhagā śriyaḥ |
ityādyā mama golokādāgatya ca mamālaye || 44 ||
[Analyze grammar]

vāsaṃ cakrustathā nadyastīrthāni divyabhūmikāḥ |
kalpavṛkṣāḥ kalpavallyaḥ kalpastambatṛṇādayaḥ || 45 ||
[Analyze grammar]

kalpayānāni ca kalpamaṇayaḥ kalpamālikāḥ |
kalpapātrāṇi ca kalpopaskaraṇāni yānyapi || 46 ||
[Analyze grammar]

kalpapāvaṭikāḥ kalpagūṭikāḥ kalpakaṇṭhikāḥ |
kalpormikāśca divyāstā mūrtimatyo vasanti hi || 47 ||
[Analyze grammar]

evaṃ vai rādhike tubhyaṃ smāritaṃ prāgudantakam |
gurjare ca marau kacche dakṣiṇe cottare tathā || 48 ||
[Analyze grammar]

pūrve'pi mama janmāni hyanantāni bhavanti hi |
kvacid deve kvacit tvārṣe kvacicca mānave kule || 49 ||
[Analyze grammar]

dvije vā'nyakule cāsmi saṃjātaḥ kāryakāṃkṣayā |
tvaṃ māṃ naiva kadācicca tyajasyeva hṛdi sthitā || 50 ||
[Analyze grammar]

yatra kvāpi sthitaścā'smi tvayā sahaiva rādhike |
goloke gomaṇḍale ca gopījane'pi sarvadā || 51 ||
[Analyze grammar]

gopeṣvapi ca rādhe tvāṃ jahāmyeva na karhicit |
yathā''tmā'haṃ tathā tvaṃ ca mama śaktiḥ parā matā || 52 ||
[Analyze grammar]

evaṃ māṃ bhajamānāstu saśaktikaṃ pareśvaram |
yānti dhāma tu golokaṃ mama pārśve vasanti te || 53 ||
[Analyze grammar]

ityevaṃ kathitaṃ rādhe mama janmādi prāgbhavam |
smaraṇācchravaṇāccāpi bhuktirmuktiḥ prajāyate || 54 ||
[Analyze grammar]

jīrṇoddhāraṃ kariṣyanti kārayiṣyanti matsthale |
te malloke mama pārśve nivatsyanti na saṃśayaḥ || 55 ||
[Analyze grammar]

itiśrīlakṣmīnārāyaṇīyasaṃhitāyāṃ dvitīye tretāsantāne gopanāthamāhātmye saurāṣṭre śrīkṛṣṇasya sarvādikṣetratīrthakṣetranirūpaṇanāmā catuḥṣaṣṭitamo'dhyāyaḥ || 64 ||
[Analyze grammar]