Chapter 52

śrīkṛṣṇa uvāca |
śṛṇu tvaṃ rādhike tvevaṃ daśakoṭyasurakṣaye |
hāhākāro mahānāsīdasurāṇāṃ kuleṣu vai || 1 ||
[Analyze grammar]

deśeṣvapi durādharṣastrāsastadā vyajāyata |
rājā no dharmahīno vai nyāyavarjyaṃ pragṛhya ca || 2 ||
[Analyze grammar]

nāśaṃ nimantrayatyajño deśarāṣṭrakuṭumbinām |
dhanaṃ rājyaṃ dvayaṃ tvāste garvasthānaṃ hi dehinām || 3 ||
[Analyze grammar]

nyāyena garvaḥ sukhadaścānyāyajastu nāśakaḥ |
aho māyā hi devasya vaicitryaṃ kīdṛśaṃ yayā || 4 ||
[Analyze grammar]

padmāvadhidhane rājye cāsamudrāntavartini |
satyapyajñasya nṛpateḥ satīṣvapi priyāsu ca || 5 ||
[Analyze grammar]

paradāradhanasampadgṛdhnā tasya vivardhate |
śaktirvā balamaiśvaryaṃ vastutaḥ śatruvanmatam || 6 ||
[Analyze grammar]

duḥkhadāḥ śatravo bodhyāḥ śaktyādyāstādṛśā yadi |
garvaḥ kālasya dūto'sti putro dhanasya vartate || 7 ||
[Analyze grammar]

balasya dattakaścāsti śiṣyaḥ parijanasya ca |
dhanaṃ balaṃ parijano vartante yatra vai sthale || 8 ||
[Analyze grammar]

tatra garvāḥ samāyānti kālasya kāryasiddhaye |
jano jānāti garveṇa jeṣyāmi sakalānapi || 9 ||
[Analyze grammar]

kālaḥ paśyati garviṣṭhe sāntatvaṃ satvaraṃ kṣaṇāt |
anyāyo garvapārśvastha uttejayati mānavān || 10 ||
[Analyze grammar]

parastrīdravyaharaṇe tato nāśe juhoti ca |
śvā svarathyāgṛhasthairhi dattā'nnabhojanādinā || 11 ||
[Analyze grammar]

tṛpto'pi tṛṣṇayā cānyarathyāyāṃ yāti garvataḥ |
tataścānyaiḥ śvabhirdantaiḥ pāṭhyate'bhita ulbaṇaiḥ || 12 ||
[Analyze grammar]

mahiṣaḥ kṣetrabhūmyādau labdhvā tṛptiṃ tṛṇādibhiḥ |
tṛṣṇayā cāpi garveṇā''raṇyadanecchukaḥ || 13 ||
[Analyze grammar]

vidāryate vane siṃhaistṛṣṇāgarvau hi nāśadau |
garvāndhastārakairhīnastaraṇaṃ naiva vettyapi || 14 ||
[Analyze grammar]

madāviṣṭaḥ pravāhe ca kṣipatyātmānamekalaḥ |
nimagno bhramaraistūrṇaṃ mariṣyati na saṃśayaḥ || 15 ||
[Analyze grammar]

bhojanaṃ vasanaṃ chāyā jalaṃ bhogyaṃ hi dehinām |
tadādhārā prāṇayātrā sā ced gacchati saukhyataḥ || 16 ||
[Analyze grammar]

vṛthā''yāsaḥ kathaṃ vijñaḥ kuryānmṛṣā'vamohitaḥ |
kṣaṇaṃ vittaṃ kṣaṇaṃ cittaṃ kṣamaṃ gṛhaṃ ca bāndhavāḥ || 17 ||
[Analyze grammar]

kṣaṇaṃ rājyaṃ jīvanaṃ ca kṣaṇaṃ dehavirāgitā |
vijñāyaivaṃ paraṃ śreyaḥ sādhayenna patedadhaḥ || 18 ||
[Analyze grammar]

patanaṃ jāyate garvāt tṛṣṇayā bhogalipsayā |
aśaktyārabdhabhāvācca tāṃśca tṛptyā parityajet || 19 ||
[Analyze grammar]

rādhike bahavo naṣṭā nāśameṣyanti cāpare |
naśyantyapi vartamānāḥ kṣitirnaibhiḥ samaṃ yayau || 20 ||
[Analyze grammar]

dhanaṃ sampad gṛhaṃ dārāḥ patiḥ putraḥ kuṭumbakam |
nāsti vāstaviko bandho bandhastu teṣu vāsanā || 21 ||
[Analyze grammar]

bhoktuḥ sā vartate nityamaśāntasyā'virāgiṇaḥ |
rāgo'śāntiśca jāyete vardhete jñānahīnake || 22 ||
[Analyze grammar]

yatra jñānasya vai śūnyaṃ rājate tatra sarvadā |
kāmakrodhādisaṃkhyā prapūryate vasatiṃ gatā || 23 ||
[Analyze grammar]

kāmaḥ krodhastathā lobho moho madaśca garvakaḥ |
ta ete bhrātaraḥ sarve gṛheśasyāpi bhakṣakāḥ || 24 ||
[Analyze grammar]

anyeṣāṃ bhakṣaṇe tatra kā kathā khalu rādhike |
māṃsānāṃ piṇḍikāḥ sarvā gṛdhrāstudanti cañcubhiḥ || 25 ||
[Analyze grammar]

samāṃsa gṛdhrān balinastudanti ca haranti tāḥ |
piṇḍikāḥ sarvalokeṣu tulyā devena nirmitāḥ || 26 ||
[Analyze grammar]

svaparyāptāśca devena pradattāstoṣalabdhaye |
asantuṣṭāstatra ye te naśyantyagnau pataṃgavat || 27 ||
[Analyze grammar]

śuddhāhāravivekānāmayaṃ sañjāyate śubhaḥ |
vicāraḥ śāntiphaladastāmasānāṃ na sā kathā || 28 ||
[Analyze grammar]

tamo'dhikā hi asurā daityā mlecchāśca dānavāḥ |
tāmasīṃ vṛttimāśrityodvejayanti jagat sthiram || 29 ||
[Analyze grammar]

udvegāgnau prahutāśca mṛtyumāmantrayanti te |
rādhike rājyamityuktaṃ yatra dharmeṇa rājate || 30 ||
[Analyze grammar]

prajā yasya sadā śāntāḥ sukhā annadhanādibhiḥ |
yuddhetayo na vidyante deśe varṣati sadvasau || 31 ||
[Analyze grammar]

parehāḥ pāpamevoktaṃ phalaṃ duḥkhaṃ ca tanmatam |
yuddhaṃ kāryaṃ rakṣaṇārthaṃ na parāskandanāya tu || 32 ||
[Analyze grammar]

pārakyaṃ yuddhamūlaṃ ca yuddhaṃ vināśakārakam |
dharmo'rthaḥ kāma evaite mokṣadāścet pumarthakāḥ || 33 ||
[Analyze grammar]

yadi śreyaskarāste na nārakāste gṛhe sthitāḥ |
yeṣāṃ patnyāṃ ca patyau vā santoṣo nāsti te gṛhe || 34 ||
[Analyze grammar]

nārakā eva mantavyā asantuṣṭāḥ sadā''tapāḥ |
yeṣāṃ vāṭyāṃ gṛhe kṣetre dhane sampadi godhane || 35 ||
[Analyze grammar]

anne vastre yathālabdhe dehanirvāhakāriṇi |
nāsti santoṣaṇaṃ te tu tṛṣṇāvaitaraṇīsthitāḥ || 36 ||
[Analyze grammar]

jīvatsvapi na śāntyāsthā mṛtā kā śāntireṣyati |
rasanāyāṃ ca vā sparśe yeṣāṃ tṛṣṇā vivardhate || 37 ||
[Analyze grammar]

teṣāṃ vai narakaṃ dehe kṛtasthānaṃ virājate |
kāmatṛṣṇā yugalākhye nigaḍe kṣipati drutam || 38 ||
[Analyze grammar]

lobhatṛṣṇā prayāsākhye pravāhe kṣipati drutam |
mohatṛṣṇā cā'rjanākhye pravāse kṣipati drutam || 39 ||
[Analyze grammar]

krodhatṛṣṇā vivādākhye kleśe kṣipati prāṇinam |
madatṛṣṇā'haṃmamatvakleśe kṣipati dehinam || 40 ||
[Analyze grammar]

janakīṭapataṃgānāṃ viṣayāḥ sarvathā samāḥ |
adhikāyāsamagnā ye te vināśāya yanti vai || 41 ||
[Analyze grammar]

dūtī rājānamāsādya naijaṃ jayaṃ samicchati |
dūtā dūtyaḥ samā bodhyāḥ sadehā vā'pyadehinaḥ || 42 ||
[Analyze grammar]

naijaṃ jayaṃ samicchanti parābhavaṃ tu bhūbhṛtaḥ |
mūrkho mugdho na jānāti nijā'ntā''mantraṇāvimān || 43 ||
[Analyze grammar]

śreṣṭhī jānāti vai lābhaṃ kusīdātmakamuttamam |
śaṭho jānāti ca dhanaṃ mūla deyaṃ na vai kvacit || 44 ||
[Analyze grammar]

kusīdaṃ cāpi ca mūlānnyūnaṃ deyaṃ na vai samam |
tato nādānatā khyāpyā''gṛhya cāpi punaḥ punaḥ || 45 ||
[Analyze grammar]

evaṃ śaṭhastu jayati śreṣṭhī saṃhriyate sadā |
śaṭhā vai bhuñjate śraiṣṭhyaṃ śreṣṭhī śaṭhāṃśca lambate || 46 ||
[Analyze grammar]

lambamānaḥ patatyeva nirlambe patanaṃ kutaḥ |
dhāvamānaḥ patatyeva niṣaṇṇe patanaṃ kutaḥ || 47 ||
[Analyze grammar]

yoddhā naśyati yuddhyaṃśca bhogān kṛtvā mṛṣāsamān |
magnaḥ prāṇān vimuñcet santaran prāṇānna muñcati || 48 ||
[Analyze grammar]

yadarthaṃ yuddhyate yadvā yadarthaṃ ca nimajjanam |
yadarthaṃ patanaṃ tadvai kiyanmameti cintayet || 49 ||
[Analyze grammar]

evaṃ vivekaḥ kartavyo rājñā vā prajayā priye |
svadehendriyarājyasya rājā kroḍo'pi vartate || 50 ||
[Analyze grammar]

kīṭādyāḥ sarva evaite rājānaḥ svakṛtau matāḥ |
gṛhe tiṣṭhanti manujāstānanādṛtya kīṭakāḥ || 51 ||
[Analyze grammar]

kurvanti nilayaṃ bhittau lūtāḥ koṇeṣu jālakān |
cakravākā nalikādhobhittichidreṣu cā''layān || 52 ||
[Analyze grammar]

mūṣakā gṛhanāleṣu bhūmau kīṭā vasanti ca |
kākāḥ pārāvatāścordhvaṃ gṛhocchraye vasantyapi || 53 ||
[Analyze grammar]

kasyedaṃ vai gṛhaṃ jñeyaṃ yatsarvairbhujyate samam |
manyante tu balāt svān vai te sarve gṛhasvāminaḥ || 54 ||
[Analyze grammar]

mugdhāścāpi bhavantyeva gṛhanāśe tu te'khilāḥ |
yasya yādṛṅmamatvaṃ ca duḥkhaṃ tādṛk tadīyakam || 55 ||
[Analyze grammar]

ahaṃmamatāhīnasya paragṛhādhivāsinaḥ |
mūṣikāgṛhavāsasya nirbandhasya ca bhoginaḥ || 56 ||
[Analyze grammar]

gṛhanāśe'pi śokāṃśo nāgasyeva na jāyate |
evaṃ jānāti ced rājā kathaṃ nāśāya vai svayam || 27 ||
[Analyze grammar]

miṣamudbhāvya jāyeta rājadharmaṃ mṛṣā vidan |
rādhike sarvathā sarvaṃ mṛṣā vai kleśadaṃ matam || 58 ||
[Analyze grammar]

mṛṣā tu parihartavyaṃ satyaṃ grāhyaṃ suvedinā |
vināśārthaṃ na yoddhavyaṃ yoddhavyaṃ śāśvatārthakam || 59 ||
[Analyze grammar]

viṣayārthaṃ ca dehārthaṃ yuddhyanti paśavo'pi tu |
ajñānā jñānināṃ yuddhaṃ tadarthaṃ tu samaṃ bhavet || 60 ||
[Analyze grammar]

jñānino jñānamāsādya yuddhyanti viṣayāya cet |
jñānaṃ tat tuṣatulyaṃ vai kaṇahīnaṃ ca niṣphalam || 61 ||
[Analyze grammar]

rājā yadvā prajā vāpi devo vā mānavo'pi vā |
viṣaṃ yātīti viṣayaḥ ātmā tatra viṣāyate || 62 ||
[Analyze grammar]

visinvantīti viṣayāḥ sveṣu badhnanti ye matim |
tādṛṅmatyāśritaścātmā viṣayīti nigadyate || 63 ||
[Analyze grammar]

citraketoḥ purā koṭistriyastvāsaṃstathāpi saḥ |
tṛṣṇāṃ bhogena siñcanvai tṛptiṃ nā'vāpa cāntataḥ || 64 ||
[Analyze grammar]

koṭyarbudāni me patnyo madviyogaṃ na sehire |
koṭyarbudasvarūpaiśca bhogastābhyo'rpito'niśam || 65 ||
[Analyze grammar]

mayaivaṃ dīyamāne'pi sarvadā''nandaśevadhau |
na tāstṛptā mayā jñātāḥ kadācit kṣobhayogataḥ || 66 ||
[Analyze grammar]

yayātirnahi santṛpto vavre tu yauvanaṃ sutāt |
nahuṣo'pi na santṛpto paulomyāmakaronmanaḥ || 67 ||
[Analyze grammar]

naranārāyaṇau tṛptau sadā''sete tapaḥsthitau |
dattātreyaśca kapilo lomaśaḥ sanakādikāḥ || 68 ||
[Analyze grammar]

nityatṛptā na vāñcchantīndriyasāhāyyamalpakam |
satī tṛptā sadā śaṃbhuṃ vinā nā'nyaṃ samicchati || 69 ||
[Analyze grammar]

santaḥ sādhvyaḥ sadā tṛptā harau muhyanti netare |
yadarthaṃ yatate dehī sa deho yadi naśyati || 70 ||
[Analyze grammar]

yatnaḥ kīdṛk sa vai prokto vṛścikībālasadṛśaḥ |
yenā'yaṃ śobhate rājā tadrāṣṭraṃ yadi naśyati || 71 ||
[Analyze grammar]

kīdṛg rājyaṃ kṛtaṃ tena kārpāse'gnikaṇādivat |
divyāstārāḥ patantyeva paśyanti nityamakṣibhiḥ || 72 ||
[Analyze grammar]

sveṣāṃ pātaṃ na paśyanti śākhāsthā mūlaghātinaḥ |
deyaṃ dūraṃ kṛtaṃ yena leyaṃ yena dhṛtaṃ puraḥ || 73 ||
[Analyze grammar]

iṣṭaṃ svalpaṃ bahvaniṣṭaṃ leyaṃ dvedhā sa eṣyati |
leyaṃ dūraṃ kṛtaṃ yena deyaṃ yenāgrataḥ kṛtam || 74 ||
[Analyze grammar]

iṣṭaṃ phalaṃ tu vipulaṃ tasyāgre svayameṣyati |
rādhike tvekadā viśvāvasuḥ kanyāśatatrayam || 75 ||
[Analyze grammar]

svayaṃprakāśaṛṣaye'rpayitu sa samāyayau |
nanāma parayā prītyā sūryābhaṃ munisattamam || 76 ||
[Analyze grammar]

avāpya svāgataṃ viśvāvasuḥ prāha manogatam |
ṛṣe bhavān mahāyogī vartate'nekarūpadhṛk || 77 ||
[Analyze grammar]

ūrdhvaretāstathā cāste kṛṣṇanārāyaṇānugaḥ |
etatkanyāśatānyatra tava yogyāni santi hi || 78 ||
[Analyze grammar]

gṛhāṇa tāsāṃ paramaṃ śreyaḥ syād yadi manyase |
tejasvināṃ na durdharṣaṃ lālanaṃ pālanādikam || 79 ||
[Analyze grammar]

svayaṃprakāśastaṃ prāha satyaṃ te mānasaṃ tu yat |
kanyāśreyo vidhātavyaṃ pitṝṇāṃ dharma eṣa vai || 80 ||
[Analyze grammar]

yogyāya tu pradātavyā tadicchāśāline sadā |
anicchave tu taddānaṃ kanyākleśāya jāyate || 81 ||
[Analyze grammar]

ahamanicchuḥ kanyānāṃ dehyanyasmai maharṣaye |
ahamātmā dvandvahīno dveho dvandvabharo'dhikaḥ || 82 ||
[Analyze grammar]

prātaḥ sāyaṃ madhyasūrye madhye ca praharādike |
mūtraṃ malaṃ tathā lālāṃ liṭrūpaṃ svedamityapi || 83 ||
[Analyze grammar]

ṣṭhīvanaṃ chikkanaṃ vāyusaraṇaṃ mehanādikam |
akasmāt prakaṭītya svavaśaṃ māṃ karoti hi || 84 ||
[Analyze grammar]

tasya sevā praśuddhyarthaṃ mayā nirvartyate sadā |
pariśramasya śāntyarthaṃ prasvāpo dīyate mayā || 85 ||
[Analyze grammar]

yāne ca bhojane pāne home jape tathā''sane |
pārśvabhāve sthitau vakrībhāve vā gamanādike || 86 ||
[Analyze grammar]

pariśramaṃ paraṃ prāpya gururbhavatyabhīkṣṇaśaḥ |
tacchāntyarthaṃ na me kālaścādhikaḥ samapadyate || 87 ||
[Analyze grammar]

bhavattriśatakanyānāṃ kṛte gāndharvarāṭ kutaḥ |
samayaṃ prāpya sevādyaiḥ prīṇayeyaṃ sukhārthinīḥ || 88 ||
[Analyze grammar]

ekadehasya sevāṃ vai kartuṃ na pārayāmīha |
śatatrayaikadehānāṃ sevanaṃ pāraye kutaḥ || 89 ||
[Analyze grammar]

tasmānmayā na ceṣṭavyā dātavyā na tvayā'nagha |
apūrṇaṃ brahma tad bodhyaṃ yadanyasmāt sukheṣaṇā || 90 ||
[Analyze grammar]

pūrṇaṃ brahma tu tad bodhyaṃ yadātmānandapūrṇatā |
parebhyaḥ sukhalaulyena pravartante tadāptaye || 91 ||
[Analyze grammar]

madhye eva vinaśyanti sāmudramauktikehukāḥ |
tato viśvāvasuḥ kanyāśatatrayaṃ tu śārṅgiṇe || 92 ||
[Analyze grammar]

anādiśrīkṛṣṇanārāyaṇāya pradadau tadā |
nirañjanāya kṛṣṇāya pumuttamāya bhāvataḥ || 93 ||
[Analyze grammar]

tāḥ sarvāḥ śrīpatiḥ kṛṣṇo dadau lomaśakālaye |
rakṣituṃ cājñayā divyo lomaśastā rarakṣa ha || 94 ||
[Analyze grammar]

tasmājjñānayutā naiva sajjante kleśamūrtiṣu |
rādhike dhanadāraśrīrājyādyāḥ kleśamūrtayaḥ || 95 ||
[Analyze grammar]

tatrā''saktasya tu rājño jumāsemlābhidhasya vai |
sarvanāśaḥ samutpannaḥ pratīkṣate kṣaṇāntaram || 96 ||
[Analyze grammar]

kadā vimānaṃ gṛhṇāmi spṛśāmi kanyakāḥ kadā |
kadā vimānamāruhya pṛthvīṃ vaśe karomyapi || 97 ||
[Analyze grammar]

ityabhūd bahudhā tṛṣṇā sā na jīryati jīryataḥ |
bhūtvā yuvatī rājānaṃ pracakarṣa pramantraṇe || 98 ||
[Analyze grammar]

rājā cājñāpayāmāsa sainyādhipāṃstadā muhuḥ |
vicārārthaṃ vināśasya vimānasya vaśasya vā || 99 ||
[Analyze grammar]

mantraṇābodhakaṃ śīghraṃ bigulaṃ samanādayat |
nirdhāritāśca vai sainyā'dhipāstūrṇaṃ samāyayuḥ || 100 ||
[Analyze grammar]

yānaṃ nāśayitavyaṃ vā vaśīkartavyameva vā |
tadupāyān racayantu rakṣakā'nalanāśakān || 101 ||
[Analyze grammar]

antimo raṇasaṃgrāmaścā'yaṃ kāryo hitā'hitaḥ |
vayaṃ smo vā na vā smo vā bhetavyaṃ nātra dhīvaraiḥ || 102 ||
[Analyze grammar]

ityuktā mantrayāmāsuḥ raktavārdhyādayo'surāḥ |
dvyaśītisaṃkhyakāḥ śūrā ye yuddhe na hatāśca te || 103 ||
[Analyze grammar]

dūrataḥ sainyavāhāśca sainyayodhanadarśakāḥ |
saināpatyapadabhūṣā vicāraṃ tvācaraṃstadā || 104 ||
[Analyze grammar]

itiśrīlakṣmīnārāyaṇīyasaṃhitāyāṃ dvitīye tretāsantāne śrīkṛṣṇarādhikākṛtavivekāvivekādivijñānavarṇananāmā dvipañcāśattamo'dhyāyaḥ || 52 ||
[Analyze grammar]