Chapter 48

śrīkṛṣṇa uvāca |
śṛṇu tvaṃ rādhike ramyāṃ camatkāramayīṃ kathām |
caitre śrībālakṛṣṇasya pūjātmikāṃ vadāmi te || 1 ||
[Analyze grammar]

pitāmahasutā nityayauvanā vratasaṃsthitāḥ |
brahmacaryaparā nityaॆ sāmavedasya pāṭhikāḥ || 2 ||
[Analyze grammar]

sūryavadrūpasampannāḥ suṣumṇeḍā ca piṅgalā |
tisraḥ kanyāḥ kumāryaścā'nujñayā vedhaso bhuvi || 3 ||
[Analyze grammar]

mānasyastā manovegāścāyayustīrthavāñcchayā |
śrutaṃ tābhiḥ purā satye nāradasya mukhānnanu || 4 ||
[Analyze grammar]

pṛthvyāṃ nārāyaṇaḥ kṛṣṇo rājate kamalāpatiḥ |
anādiśrīkṛṣṇanārāyaṇaḥ śrīpārvatīpatiḥ || 5 ||
[Analyze grammar]

tato jijñāsayāmāsuḥ papracchurnāradaṃ tu tāḥ |
kīdṛgguṇaḥ sa bhagavān yatpraśaṃsāparo bhavān || 6 ||
[Analyze grammar]

nārado hi tadā prāha bhaginyo bhagavān hi saḥ |
asmatpituḥ pitā yaśca vairājastasya yaḥ pitā || 7 ||
[Analyze grammar]

mahāviṣṇustasya pitā pradhānapuruṣastu yaḥ |
tasya pitā prakṛtīśastatpitā śrīhariḥ svayam || 8 ||
[Analyze grammar]

anādiśrīkṛṣṇanārāyaṇaḥ so'sti kumārakaḥ |
pṛthvyāṃ śrīkambharāputraḥ śrīmadgopālanandanaḥ || 9 ||
[Analyze grammar]

asmallokaḥ sapyalokastatparo dharaṇistaraḥ |
tasmātparaṃ jalasyāstyāvaraṇaṃ ca tataḥ param || 10 ||
[Analyze grammar]

vaikuṇṭhaṃ rājate tasmātparaṃ tejaḥkaṭaṃ matam |
vairājā nāma lokāśca yatra vairājanāmakaḥ || 11 ||
[Analyze grammar]

īśvaro rājate tasmād yanmahāvaiṣṇavaṃ padam |
mahāviṣṇustatra cāste cātha pradhānadhāma vai || 12 ||
[Analyze grammar]

tatrā'vyākṛtasaṃjñaṃ ca yatra bhūmā virājate |
tadvai vaikuṇṭhamaparaṃ lakṣmīnārāyaṇāśritam || 13 ||
[Analyze grammar]

tataḥ prakṛtisātloke dhāmagolokamuttamam |
śrīkṛṣṇo'tra vāsudevo'vyākṛte rājate prabhuḥ || 14 ||
[Analyze grammar]

tatparaṃ tvakṣaraṃ dhāma yatra brahma virājate |
anantamuktasahitaṃ divyaiśvaryavirājitam || 15 ||
[Analyze grammar]

tasmātparaṃ bṛhatproktaṃ paraṃ dhāma hareḥ śubham |
śāśvataṃ sarvaśobhāḍhyaṃ sarvadhāmaparaṃ mahat || 16 ||
[Analyze grammar]

paradhāmasthito'nādiśrīkṛṣṇaśrīnarāyaṇaḥ |
anādiśrīkṛṣṇanārāyaṇo yo bhagavān svayam || 17 ||
[Analyze grammar]

yasmād bhavanti vai vyūhā vāsudevādayastathā |
avatārā īśvarāśca devā ṛṣivarāstathā || 18 ||
[Analyze grammar]

anantāḥ śaktayo yasya rādhāramāprabhāśriyaḥ |
lakṣmīpāravatīhaṃsākṛṣṇāvṛndājayādikāḥ || 19 ||
[Analyze grammar]

śataṃ ca dvādaśa caiva śreṣṭhāstatrāpi pārśvagāḥ |
prabhāpāravatīrādhālakṣmyaścatasra eva tāḥ || 20 ||
[Analyze grammar]

sadā svamūrtyabhinnāstā rādhā hṛdantare sthitā |
lakṣmīḥ rekhāsvarūpeṇa vakṣasyupari saṃsthitā || 21 ||
[Analyze grammar]

prabhā kṛṣṇānane tejaḥparidhirūpiṇī sthitā |
pāravatī padmacihnātmikā vāme'sya sakthini || 22 ||
[Analyze grammar]

vartante evamanyāśca śarīrāvayavātmikāḥ |
koṭyarbudāśca yāstvanyāstāstu romasu sarvaśaḥ || 23 ||
[Analyze grammar]

tanmūrtau saṃsthitā devyo mugdhā bhajanti taṃ patim |
sarvalāvaṇyasaundaryā''nandasaubhāgyaśevadhim || 24 ||
[Analyze grammar]

bhajante brahmavāsinyaḥ koṭyarbudakumārikāḥ |
nālamedhyaścaturdaśasahasrāṇi bhajanti tam || 25 ||
[Analyze grammar]

dīpāvalyaḥ koṭiśaśca ṣaṣṭistatkanyakāstathā |
talājā daityakanyā ca gokanyāścārcayanti tam || 26 ||
[Analyze grammar]

ārjantyādyāḥ śatasaṃkhyā bhajante taṃ pareśvaram |
kanyā krodhanikānāmnī bhajate taṃ narāyaṇam || 27 ||
[Analyze grammar]

kandarāḥ kanyakāścāpi bhajante koṭisaṃkhyakāḥ |
brahmaputrī tathā sūcī vanadevaśca lakṣakam || 28 ||
[Analyze grammar]

rākṣasīkanyakā lakṣasaṃkhyā bhajanti taṃ patim |
kaṃkatālīyajātīyāḥ paṃcaṣāścāyutaṃ tathā || 29 ||
[Analyze grammar]

brahmasaraso'psarasaḥ kanyakā devakoṭikāḥ |
aryamṇaḥ kanyakāścāpi kuberakanyakāstathā || 30 ||
[Analyze grammar]

indrakanyā yamakanyā vāyukanyāḥ sahasraśaḥ |
ṛtukanyā viśvakarmakanyāśca drumakanyakāḥ || 31 ||
[Analyze grammar]

daityadānavakanyāśca pañcasāhasrasaṃkhyakāḥ |
bhajante śrīkṛṣṇanārāyaṇaṃ taṃ parameśvaram || 32 ||
[Analyze grammar]

vasantasya tathā patnyo bhajante taṃ ca ṣoḍaśa |
pañcaśataṃ sālamālakanyakāśca bhajanti tam || 33 ||
[Analyze grammar]

nāgakanyāyutaṃ śāvadīnakanyāsahasrakam |
aindrajālikaraudryaśca kanyāḥ sahasrasaṃkhyakāḥ || 34 ||
[Analyze grammar]

ṣaṣṭikanyāḥ kiśoryaśca vidyātmikāścaturdaśa |
vahneḥ putryaḥ śravaṇānāṃ putryaḥ saṃvatsarā''tmajāḥ || 35 ||
[Analyze grammar]

vārkṣīkanyāśca khanijāstaṃ bhajanti pareśvaram |
dvesahasre kanyakāśca lakṣmaṇasya bhajanti tam || 36 ||
[Analyze grammar]

yogīśaṃ cā'saṃkhyarūpaṃ kiśoraṃ śāśvataṃ prabhum |
tasya yogena muktiścā''nandavārdhisamarjanam || 37 ||
[Analyze grammar]

sarvadā vartate yasmāttaṃ bhajanti mumukṣavaḥ |
ahaṃ taddarśanaṃ kartuṃ nityaṃ prātaḥ prayāmi ca || 38 ||
[Analyze grammar]

tasya guṇān pragāyāmi gāyatyenaṃ sarasvatī |
ityuktā nāradenaitāḥ svasārastisra eva tu || 39 ||
[Analyze grammar]

tadgatamānasāḥ satyād vimānena samāyayuḥ |
mandākinyā panthānaṃ tvanusṛtya himālayam || 40 ||
[Analyze grammar]

avateruḥ śrībadarīpatiṃ dṛṣṭvā prapūjya ca |
kurukṣetraṃ puṣkaraṃ cārbudaṃ sarasvatīṃ tathā || 41 ||
[Analyze grammar]

dṛṣṭvā catuṣṭilādriṃ ca aśvapaṭṭasarovaram |
āyayustā vimānena kṛṣṇadarśanalālasāḥ || 42 ||
[Analyze grammar]

ākāśamārgād bhāminyo dadṛśurujjvalāṃ kṣitim |
caitrasya pūrṇimāsāyaṃ candrodayakṣaṇe hi tāḥ || 43 ||
[Analyze grammar]

vyomnā tat kuṃkumavāpīkṣetraṃ sūryamivā'param |
bhrājamānaṃ vyapaśyaṃśca timiraṃ na manāgapi || 44 ||
[Analyze grammar]

tatastāstarkayāmāsuḥ kṣetraṃ tatpauruṣottamam |
sarovaraṃ ca nagaraṃ viśālaṃ dadṛśuśca tāḥ || 45 ||
[Analyze grammar]

madhye tu kānakaṃ śreṣṭhaṃ prāsādaṃ sūryavarculam |
sūryabimbamivā''tmānaṃ khyāpayantaṃ ca dadṛśuḥ || 46 ||
[Analyze grammar]

udyānāni vicitrāṇi devapuṣpamayāni ca |
devagṛhāṇi ramyāṇi ṛṣyāśramān sahasraśaḥ || 47 ||
[Analyze grammar]

divyāśca devatāścāpi dadṛśurvanadevatāḥ |
avatārāśramāṃścāpi tatheśvaragṛhāṇi ca || 48 ||
[Analyze grammar]

lomaśasyāśramaṃ divyaṃ śubhaṃ candravadujjvalam |
divyauṣadhipravitataṃ dadṛśuḥ kanyakāśritam || 49 ||
[Analyze grammar]

tīrthasetuṃ ca parito dadṛśuśca vihāyasā |
catuḥpradakṣiṇānyasya kṣetrasya saṃvidhāya tāḥ || 50 ||
[Analyze grammar]

pratarkya sūryasadṛśaṃ kṛṣṇanārāyaṇālayam |
jayaśabdena sahitāḥ puṣpāṇāṃ varṣaṇaṃ vyadhuḥ || 51 ||
[Analyze grammar]

jayaśabdastu devīnāṃ vyomno'vyāpnot samantataḥ |
śrutvā śabdān jayamiśrān lokā vyomni vyalokayan || 52 ||
[Analyze grammar]

candravatkaumudīvyāptaṃ cākṛtyā padmasannibham |
netrānandakaraṃ gandhasugandhāḍhyaṃ vimānakam || 53 ||
[Analyze grammar]

tejobhūtaṃ vicitraṃ ca raṃgānuraṃgaśobhitam |
antaḥpraviśya ca cakṣurdṛśyaṃ kanyāśritaṃ śubham || 54 ||
[Analyze grammar]

samṛddhaṃ divyavastvāḍhyaṃ vastratoraṇavardhitam |
sauvarṇakalaśairyuktaṃ triśṛṃgaṃ tryāsanānvitam || 55 ||
[Analyze grammar]

dadṛśurmānavādyāśca paramāścaryamāgatāḥ |
vimānaṃ śrīkṛṣṇanārāyaṇadevālayopari || 56 ||
[Analyze grammar]

sthiraṃ cābhūdambare ca tatra tisrastu kanyakāḥ |
śuśruvuḥ sarvato jātān nīrājanasamudbhavān || 57 ||
[Analyze grammar]

ninadānnaikasaṃghoṣān stotrottamānasaṃkhyakān |
tallīnāstāstadā jātā āpuḥ śāntiṃ parāṃ tadā || 58 ||
[Analyze grammar]

atha jñātvā śrīkṛṣṇastā bhaktā brahmasutā ratāḥ |
svayaṃ kiśorarūpaśca vimāne prādurāsa ha || 59 ||
[Analyze grammar]

divyadarśanajaṃ saukhyaṃ sparśānandaṃ parātparam |
dadau kṣaṇaṃ ca tābhyaśca saṃśleṣajaṃ mahāsukham || 60 ||
[Analyze grammar]

vimānaṃ śrīharistatrā'vatārayat nijālaye |
adṛśyo'bhūttadā yāne svarṇasaudhe gato'bhavat || 61 ||
[Analyze grammar]

kanyakāstā vimānāccā'vateruḥ kṛṣṇamandire |
candraśālopari kṣaṇaṃ tasthurvimānasannidhau || 62 ||
[Analyze grammar]

upadāstā vimānācca saṃgṛhya divyabhāsurāḥ |
candraśālopari nyadhuḥ pratīkṣantyo'bhimārgadam || 63 ||
[Analyze grammar]

kiṃkaraṃ kiṃkarīṃ cāpi jānatī cāvarohaṇam |
antaḥpraveśanārthaṃ ca pratīhārīpratīkṣakāḥ || 64 ||
[Analyze grammar]

tasthustāścandraśālāyāṃ tāvacchrīkambharāsutā |
santoṣānāmikā tūrṇaṃ sakhyā suśīlayā saha || 65 ||
[Analyze grammar]

bhrāturbhagavataḥ pratnyā'mṛtayā ca sahā''yayau |
candraśālāsthitā divyāḥ kanyāstejaḥśarīriṇīḥ || 66 ||
[Analyze grammar]

nemurvilokya ca śīghraṃ svāgataṃ jagaduḥ sukham |
āgacchata mahābhāgāḥ kṛṣṇanārāyaṇaṃ prati || 67 ||
[Analyze grammar]

mātaraṃ pitaraṃ cāpi saptamabhvāṃ virājitam |
ityuktāstāḥ suṣumṇā ca iḍā ca piṅgalā tathā || 68 ||
[Analyze grammar]

puṣpahārān candanāni karpūraṃ cā'kṣatāṃstathā |
kuṃkumaṃ gandhasārāṃśca kaisarāṇyuttamāni ca || 69 ||
[Analyze grammar]

ratnahārān ratnabhūṣā makuṭaṃ kuṇḍale tathā |
divyatāmbūlakaṃ divyaphalānyapyavalepanam || 70 ||
[Analyze grammar]

divyaṃ ca kajjalaṃ ramyaṃ tailaṃ brāhmaṃ samattamam |
saugandhikavārisārān vahniśuddhāṃśukāni ca || 71 ||
[Analyze grammar]

sadratnahīrakahārān pātrāṇi kānakāni ca |
ādarśān divyadṛśyāṃśca divyasammardacūrṇakān || 72 ||
[Analyze grammar]

divyanaivedyayogyāṃśca miṣṭabhojyānnapācitān |
amṛtān dugdhasārāṃścā'saṃkhyabījaphalāni ca || 73 ||
[Analyze grammar]

divyapeyāḍhyapātrāṇi samādāya tathā punaḥ |
divyaśayyāstaraṇāni divyadhāryāmbarāṇi ca || 74 ||
[Analyze grammar]

gṛhītvā pātrahastāstāścāvateruḥ śanaiḥ śanaiḥ |
bhavyasopānā'varohamārgairbhūmyantaraṃ ca tāḥ || 75 ||
[Analyze grammar]

santoṣā kanyakā cāgre madhye tisro'jakanyakāḥ |
pṛṣṭhe cā'pyamṛtā bhrātṛjāyā suśīlikā tataḥ || 76 ||
[Analyze grammar]

ekāṃ bhūmimavatīrya viśāle bhūmisaṃstare |
viviśuḥ saptamabhūmau yatra kṛṣṇanarāyaṇaḥ || 77 ||
[Analyze grammar]

tathā śrīkambharālakṣmīrmātā virājate satī |
mātaraṃ tāḥ sampraṇamya bālakṛṣṇaṃ praṇamya ca || 78 ||
[Analyze grammar]

divyāsaneṣu datteṣu niṣedustā yathocitam |
ābhāṣitāśca tā mātrā maṃgalaṃ kuśalaṃ prati || 79 ||
[Analyze grammar]

prayojanaṃ tathā tāsāṃ janakaṃ jananīṃ prati |
ūcuḥ paricayaṃ sarvaṃ brahmaṇastu sutā vayam || 80 ||
[Analyze grammar]

suṣumṇā ca iḍā cāpi piṃgalā nāma kanyakāḥ |
kumārikā nijabhrāturnāradasyopadeśataḥ || 81 ||
[Analyze grammar]

vijñāya śrīmatīputraṃ tvanādiparameśvaram |
kṛṣṇanārāyaṇaṃ cainaṃ kiśoraṃ kāntamacyutam || 82 ||
[Analyze grammar]

draṣṭuṃ vayaṃ samāyātā dhanyāḥ smo'syā'dya darśanāt |
adya naḥ saphalaṃ janma kaumāryaṃ saphalaṃ ca naḥ || 83 ||
[Analyze grammar]

devītvaṃ saphalaṃ cāpi mātaste'pi ca darśanāt |
ityuktvā cā'mṛtāṃ pṛṣṭvā santoṣāṃ ca suśīlikām || 84 ||
[Analyze grammar]

pūjāṃ cakruḥ keśavasya bālakṛṣṇasya sammatāḥ |
prathamaṃ kṛṣṇacaraṇau pupūjurgāṃgavāribhiḥ || 89 ||
[Analyze grammar]

nyadhurmukhe ca śirasi śrīkāntacaraṇāmṛtam |
tataścandanabindvādi bhāle cakurharestataḥ || 86 ||
[Analyze grammar]

sugandhilepanaṃ cakrurdaduḥ sugandhavāri ca |
gandhasārāndaduścāpi kajjalaṃ kuṃkumādikam || 87 ||
[Analyze grammar]

puṣpahārān ratnahārān vibhāṣā mukuṭaṃ tathā |
kaṭake kuṇḍale cāpi daduścānyavibhūtikam || 88 ||
[Analyze grammar]

ambarāṇi śayanāni phalānnapeyakāni ca |
upadāśca nyadhustasya purataścāmarādikam || 89 ||
[Analyze grammar]

naivedyāni daduścāpi miṣṭapeyāni yāni ca |
tāmbūlakaṃ daduścāpi cakrurnīrājana tataḥ || 90 ||
[Analyze grammar]

pradakṣiṇaṃ pracakruśca mālikāṃ mahatīṃ gale |
daduścāntarabhāvānāṃ jñāpayitrīṃ tu śāśvatīm || 91 ||
[Analyze grammar]

kāntaḥ kāntākṛtāṃ pūjāṃ gṛhītvā pāṇinā ca tāḥ |
pasparśa tatkarān kṛṣṇo bhāvajño bhāvi bodhayan || 92 ||
[Analyze grammar]

vihasan lokayan tāsāmānanāni muhurmuhuḥ |
tāścāti jahṛṣuḥ rādhe bālakṛṣṇāptihetunā || 93 ||
[Analyze grammar]

atha tā mātaraṃ tadvat santoṣāṃ cāmṛtāṃ tathā |
amlānāḥ puṣpamālāścārpayāmāsurgalāntare || 94 ||
[Analyze grammar]

nemustābhyo vinamrāśca bhojitā viśramīkṛtāḥ |
pāyitāḥ śāyitāścāpi saṃvāhitāśca varṣmasu || 95 ||
[Analyze grammar]

sakhībhiḥ kiṃkarībhiśca sevitā nidritāśca tāḥ |
prātarutthāya ca snātvā tvaśvapaṭṭasarovare || 96 ||
[Analyze grammar]

tīrthavidhiṃ paraṃ kṛtvā gatvā śrīlomaśāśramam |
oṃ namaḥ śrīkṛṣṇanārāyaṇāya pataye svāhā || 97 ||
[Analyze grammar]

mantraṃ mālāṃ taulasīṃ ca gṛhītvā vīkṣya koṭyarbudam |
kanyakānāṃ maṇḍalaṃ ca prasannāḥ pūjyabhāvataḥ || 98 ||
[Analyze grammar]

natvā śīghraṃ punaḥ kṛṣṇakāntaṃ prati samāyayuḥ |
darśanaṃ prāpya tṛptāstāḥ kṛṣṇavaśyāḥ punaḥ punaḥ || 99 ||
[Analyze grammar]

atṛptā iva paśyanti hṛdi kṛtvā patiṃ prabhum |
śrīkṛṣṇena hṛdā cāṃgīkṛtāstāḥ svagṛhaṃ prati || 100 ||
[Analyze grammar]

gantuṃ necchāṃ yadā cakrustadā prāha narāyaṇaḥ |
punarājñāṃ piturnītvā samāyātā'tra satvaram || 101 ||
[Analyze grammar]

bhavatīnāṃ mānasāni pūrayiṣye na saṃśayaḥ |
ityuktāstā hareragre samarpya sarvavastukam || 102 ||
[Analyze grammar]

vimāna vastuśūnyaṃ ca kṛtvā gopālakṛṣṇakam |
pūjayitvā tato natvā''gṛhyā''jñāṃ bhojanottaram || 103 ||
[Analyze grammar]

prasādya śrīhariṃ kāntaṃ natvā rādhe punaḥ punaḥ |
prasādajaṃ phalaṃ puṣpaṃ prāpya vimānamāsthitāḥ || 104 ||
[Analyze grammar]

aśvapaṭṭasaro natvā natvā kuṃkumavāpikām |
kāntadevālayaṃ natvā vyomnā yānena cāmbare || 105 ||
[Analyze grammar]

tiro'bhavan kṣaṇānmuktvā jayaśabdān punaḥ punaḥ |
paṭhanācchravaṇādasya kṛṣṇasaubhāgyavān bhavet || 106 ||
[Analyze grammar]

iti śrīlakṣmīnārāyaṇīyasaṃhitāyāṃ dvitīye tretāsantāne vedhasastisraḥ putryaḥ suṣumṇeḍāpiṃgalā vimānenā''gatya prabhuṃ patiṃ matvā saṃpūjya yayurityādinirūpaṇanāmā'ṣṭacatvāriṃśo'dhyāyaḥ || 48 ||
[Analyze grammar]