Chapter 45

śrīkṛṣṇa uvāca |
rādhike tadvimānaṃ ca samudropari cottarām |
diśaṃ prati prayātaṃ kampayaccānilamaṇḍalam || 1 ||
[Analyze grammar]

jalaṃ cukṣobha sāmudraṃ dṛṣṭvā candranibhaṃ tadā |
ghaṭikāmātratastattu dvīpaṃ kurujaṭātmakam || re |
samullaṃghya samāyātaṃ dvīpaṃ rūpyāyanāhvayam |
tathā pārśvasthitaṃ dvīpaṃ muraśeṣaṃ parākramīt || 3 ||
[Analyze grammar]

śrutvā tu paścime daityo mātrāgaskaranāmakaḥ |
śailatulyaḥ svagadayā sahitaḥ sanmukho'bhavat || 4 ||
[Analyze grammar]

kruddho mlecchasvarūpaśca kaṭimātrasamudrakaḥ |
mā'jā'mbikāyā rākṣasyāḥ putrastimiṃgilāśanaḥ || 5 ||
[Analyze grammar]

śrīrādhikovāca |
kathaṃ cāsīdayaṃ mātrāgaskaro rākṣaso mahān |
ko'parādhaḥ kṛtastena māturme vada mādhava || 6 ||
[Analyze grammar]

śrīkṛṣṇa uvāca |
saurāṣṭre tu talājāyā rākṣasyāḥ kiṃkarī śubhā |
moṃ ajā nāmataḥ khyātā kāmarūpadharā satī || 7 ||
[Analyze grammar]

āsīdaraṇyavāsā cāraṇyavihārakāriṇī |
paśvadā ca phalādā ca surūpā dṛḍhayauvanā || 8 ||
[Analyze grammar]

ekadā sā mahāraṇye bhakṣyārthaṃ samupāgatā |
paścime somatīrthe'syā gatiryadṛcchayā'bhavat || 9 ||
[Analyze grammar]

sā hi tatra pavitrāṃśca tairthikān vīkṣya śobhanān |
tairthikaiḥ saha saṃgatya mānavīrūpadhāriṇī || 10 ||
[Analyze grammar]

samuvāsaikadivasaṃ kathāṃ śuśrāva pāvanīm |
kathāyāṃ rādhike cādhyātmikaṃ tattvaṃ samāgatam || 11 ||
[Analyze grammar]

jaḍānāṃ cetanānāṃ ca rakṣako'sti pareśvara |
paramātmā pare dhāmni divyairmuktaiḥ prasevitaḥ || 12 ||
[Analyze grammar]

sarvānandanidhiḥ sarvasaukhyasamṛddhibhājanaḥ |
tasya nārāyaṇanāmnā bhajanena sukhaṃ bhavet || 13 ||
[Analyze grammar]

sa tu nārāyaṇanāmno bhaktyā tuṣyati sarvadā |
nārāyaṇeti satataṃ japanīyaṃ tato'niśam || 14 ||
[Analyze grammar]

kīrtanīyaṃ ca satataṃ nārāyaṇa hare prabho |
prāṇasvāmin sukhadātaḥ sarvasaubhāgyado bhava || 15 ||
[Analyze grammar]

evaṃ vai bhajitaḥ samyak sarvaṃ dadāti vāñchitam |
nāryaḥ saukhyaṃ susaubhāgyaṃ rājyaṃ dhānyaṃ dhanādikam || 16 ||
[Analyze grammar]

patiṃ yaśasvinaṃ śreṣṭhaṃ putrapautrādikaṃ tathā |
āpnuvanti na sandeho vimānavāhanānyapi || 17 ||
[Analyze grammar]

jagat sarvaṃ tasya vaśe sa ca samrāṭ virājate |
tasya rājyaṃ hi trailokye tadāśrayī sukhī bhavet || 18 ||
[Analyze grammar]

kaiṃkaryaṃ tasya kartavyaṃ puruṣeṇa vijānatā |
yadicchet paramaṃ svargaṃ kāmabhogasamanvitam || 19 ||
[Analyze grammar]

tasyāśrayeṇa sadbhāgyaṃ vardhate nityamuttamam |
durbhāgyā subhagā syācca rājñī syād dāsikā hyapi || 20 ||
[Analyze grammar]

pṛthvī ca nirmitā yena jalaṃ yena kṛtaṃ tathā |
agniryena kṛtaścāste vāyuryena vinirmitaḥ || 21 ||
[Analyze grammar]

tebhyo dehāḥ kṛtā yena yenātmā varṣmaṇi dhṛtaḥ |
yena vṛkṣaphalānyatrotpāditāni ca bhuktaye || 22 ||
[Analyze grammar]

annāni śarkarā dugdhaṃ rasā yena vinirmitāḥ |
yena nārī kṛtā ramyā yena vai nirmito naraḥ || 23 ||
[Analyze grammar]

indriyāṇi prabhogārthaṃ kṛtāni yena dehinām |
yena buddhiḥ pradattā ca vicāro yena nirmitaḥ || 24 ||
[Analyze grammar]

yena nidrā virāmaśca kṛtā yena divā niśā |
yena kṣudhā tṛṣā tṛptiḥ kṛtā yena sarasvatī || 25 ||
[Analyze grammar]

snehaḥ putraḥ sutā lakṣmīḥ smṛddhiryena divaṃ kṛtam |
svargaṃ bhūstārakāḥ sūryaścandro yena vinirmitāḥ || 26 ||
[Analyze grammar]

samudrāḥ ṛtavo meghāḥ suvarṇaṃ yena nirmitāḥ |
taṃ bhajeccet prasannaḥ sa jāyeta parameśvaraḥ || 27 ||
[Analyze grammar]

dadāti bhajate nityaṃ rājyaṃ dhanaṃ priyaṃ sukham |
mumukṣavo bhajantyenaṃ śrīpatiṃ bahudhā muhuḥ || 28 ||
[Analyze grammar]

bubhukṣavo'pi naijārthaṃ bhajantyenaṃ priyaṃ prabhum |
nārāyaṇe bhavet snehaḥ puṣpaistu bahujanmanām || 29 ||
[Analyze grammar]

snehavanto bhaveyuśca devāścānye tu rākṣasāḥ |
madyamāṃsapriyā hiṃsāparāḥ paravighātakāḥ || 30 ||
[Analyze grammar]

sukhino na bhavantyete nātihīnāḥ parārtidāḥ |
ātmā na rākṣasaḥ kaścinna vā devo bhavatyapi || 31 ||
[Analyze grammar]

karmaṇā rākṣaso devaḥ kathyate viśado'pi saḥ |
nārīdehaḥ sadā mlāno duḥkhadaḥ paravaśyagaḥ || 32 ||
[Analyze grammar]

nārāyaṇāśrayātpāpaṃ duḥkhaṃ tarati bhāminī |
udarasya tu poṣārthaṃ pāpaṃ kvacinna cācaret || 33 ||
[Analyze grammar]

na vai mokṣasya janmedaṃ punaḥ punaravāpyate |
kathaṃ tatra samunneyā pāpadā pāśavī kriyā || 34 ||
[Analyze grammar]

pāpī cātmā yadārabhya parameśaṃ samāśrayet |
tata ārabhya evā'sau puṇyavān saṃprajāyate || 35 ||
[Analyze grammar]

kathāyāḥ śravaṇenā'sya saṃkalpaśca śubho bhavet |
tato matiśca satsaṃge jijñāsā mokṣadāyinī || 36 ||
[Analyze grammar]

tataścāsya daivaguṇāḥ sāttvikāḥ saṃbhavanti vai |
dharmakāryaṃ puṇyakāryaṃ parakāryaṃ śubhapradam || 37 ||
[Analyze grammar]

svabhāvājjāyate tena yaśaḥ kīrtiḥ pravardhate |
śāntiśca vardhate nityaṃ bhāgyarekhā prakāśate || 38 ||
[Analyze grammar]

paropakāro dānaṃ ca satyaṃ cā'hiṃsanaṃ vratam |
śīlaṃ santoṣaṇaṃ śaucaṃ tapo vṛddhasya sevanam || 39 ||
[Analyze grammar]

antaryāmiśravaṇaṃ cā'steyaṃ cānindanaṃ tathā |
guṇāstvasya bhaveyurvai bhāgyarekhāpraṇoditāḥ || 40 ||
[Analyze grammar]

taistu lakṣmīrdhanaṃ dhānyaṃ gṛhaṃ kṣetraṃ suvāhanam |
kuṭumbaṃ sutapautrādi sarvaṃ svargaṃ pravartate || 41 ||
[Analyze grammar]

śāśvataṃ susukhaṃ loke pare loke prajāyate |
tasmādvai mānavaṃ dehaṃ labdhvā mā rākṣaso bhavet || 42 ||
[Analyze grammar]

karmaṇā rākṣasaḥ paścād dehe'pi rākṣaso bhavet |
deharākṣasakarmā'sau kadāpi naiva mucyate || 43 ||
[Analyze grammar]

rākṣaso'pi tyajeddhiṃsākarma cānyāyabṛṃhitam |
tena śuddhiḥ śanaistasya jāyate sattvagāminī || 44 ||
[Analyze grammar]

dehaḥ śuddhyati tīrthena satsamāgamatastathā |
antaḥ śuddhyati tapasā ātmā guṇaiḥ suśuddhyati || 45 ||
[Analyze grammar]

daihyaṃ rākṣasabhāvaṃ sa vihāya mānase'pi ca |
viśārado bhavecchīghraṃ tataścātmā'pi śuddhyati || 46 ||
[Analyze grammar]

nityaśuddho'pyasatsaṃgapāśaṃ tyajati śuddhyati |
tena daivo bhavetpaścānmokṣamārge prayāti vai || 47 ||
[Analyze grammar]

tasmātpāpāni sandahya gurvāśrayaṃ samācaret |
gurvāśrayeṇa ca hareḥ prāptirbhavati naityikī || 48 ||
[Analyze grammar]

tasmānnaro'thavā nārī pāpaṃ tyaktvā prabhuṃ śrayet |
daśajanmakṛtaṃ pāpaṃ naradehaṃ dadāti vai || 49 ||
[Analyze grammar]

śatajanmakṛtaṃ pāpaṃ nārīdehaṃ dadāti vai |
punaḥ pāpaṃ punarjanma nārī vai nārakī vyathā || 50 ||
[Analyze grammar]

malamūtrabharā śaśvanmalamūtrakriyāguṇā |
malamūtrā'patyavatī malamūlarajasvalā || 51 ||
[Analyze grammar]

malamūtrāśrayagarbhā malamūtrādivāṭikā |
malamūtraphalotpādā malamūtrāvahā sadā || 52 ||
[Analyze grammar]

kathaṃ pāpād vimucyeta yadīśaṃ bhajate na sā |
tasmānnārāyaṇaḥ kṛṣṇo bhajanīyaḥ sadaiva ha || 53 ||
[Analyze grammar]

yadā jñānaṃ gurorlabdhaṃ tadaiva gurumāśrayet |
gataṃ dinaṃ kṛtaṃ karma na cā''yāsyati vai punaḥ || 54 ||
[Analyze grammar]

gataṃ kṛtaṃ sarāgaṃ yajjñāne sati tataḥ param |
virāgāya bhavatyeva śocyaṃ tyaktvā śubhaṃ śrayet || 55 ||
[Analyze grammar]

oṃ namaḥ śrīkṛṣṇanārāyaṇāya pataye svāhā |
japenmantraṃ sadā yaḥ sa pāpāya naiva kalpate || 56 ||
[Analyze grammar]

gṛhṇāti tulasīmālāṃ sarvapāpāt pramucyate |
sevate sādhuvaryān sa muktaye jāyate sadā || 57 ||
[Analyze grammar]

bhajate śrīhariṃ yaḥ sa śāśvatānandamṛcchati |
śvaḥ kartavyaṃ caredadya cādyatanaṃ kṣaṇe'tra ca || 58 ||
[Analyze grammar]

kālo naiva vipaśyettu kāryaṃ yadasya śiṣyate |
sā hāniryo gataḥ kālaścātmaśreyo vinā kṣaṇaḥ || 59 ||
[Analyze grammar]

sa lābho yaḥ kṛtaḥ kālaḥ svātmaśreyo'rthakaḥ kṣaṇaḥ |
śāstraṃ dadāti panthānaṃ yāntu śreyo'rthakā janāḥ || 60 ||
[Analyze grammar]

nityaṃ prāptastathā madhye sāyaṃ niśi kṣaṇe kṣaṇe |
mriyante cātha jāyante kīravanmānavādayaḥ || 61 ||
[Analyze grammar]

jīvantaste prapaśyanti garbhe nāśaṃ mṛtodbhavam |
jīvodbhavasya māse vā nāśaṃ varṣe vināśanam || 62 ||
[Analyze grammar]

bālye kaumārake nāśaṃ kaiśore yauvane layam |
vārdhakye nirjane nāśaṃ naṣṭe kiñcinna śiṣyate || 63 ||
[Analyze grammar]

naṣṭe śreyaḥ kathaṃ syācca jīvanneva prasādhayet |
janmahāniṃ ca maraṇaṃ mṛtyuśūnyaṃ ca jīvanam || 64 ||
[Analyze grammar]

arjayantu mahābhāgāḥ kālaṃ mṛtyuṃ tyajantu ca |
kālakālādhikālaṃ ca parameśaṃ śrayantviha || 65 ||
[Analyze grammar]

svārthamātraparā lokāḥ paralokanirodhakāḥ |
mṛṣā snehaṃ pradarśyaiva śreyovighātakāḥ sadā || 66 ||
[Analyze grammar]

mātā mokṣe janmadātrī pitā śreyaḥprapālakaḥ |
patnī patitaṃ rakṣecca patiḥ pātīndrajālataḥ || 67 ||
[Analyze grammar]

bhrātā bhāsāṃ harerdadyānputraḥ pūtastu tārayet |
svasā supuṇyaṃ dadyācca śvaśuraḥ śāntimarpayet || 68 ||
[Analyze grammar]

yadyete na guṇāsteṣu te mṛṣāsnehadarśakāḥ |
sambandhaḥ sarvathā loke pratāraṇaphalodayaḥ || 69 ||
[Analyze grammar]

jñātvā caivaṃ mṛṣā sarvaṃ cāniṣṭaphaladaṃ tathā |
vicāryaiva hariṃ śritvā bhajeta kṛṣṇanarāyaṇam || 70 ||
[Analyze grammar]

dehena manasā vācā karmaṇā snehatastathā |
saṃsevya śrīhariṃ kṛṣṇaṃ nārāyaṇaṃ gatiṃ labhet || 71 ||
[Analyze grammar]

ityādikāṃ kathāṃ rādhe śrutvā mumukṣutāvatī |
māṃajārākṣasī bheje kṛṣṇanārāyaṇaṃ tataḥ || 72 ||
[Analyze grammar]

somanāthaṃ paraṃ tīrthaṃ kṛtvā bhaktā'bhavattadā |
tasyai sonāyanarṣirvai dadau mantraṃ ca tūlasīm || 73 ||
[Analyze grammar]

oṃ namaḥ śrīkṛṣṇanārāyaṇāya pataye svāhā |
iti jagrāha mantraṃ sā tato yātā nijālayam || 74 ||
[Analyze grammar]

talājāyāśca sā dāsyaṃ sakhyaṃ karoti nityadā |
vane ca parvate nityaṃ vanyaphalārthayāyinī || 75 ||
[Analyze grammar]

bhramate nirbhayā nāmajapaṃ karoti sarvadā |
atha tāṃ nirjane dṛṣṭvā surūpā yauvanānvitām || 76 ||
[Analyze grammar]

sāmudro rākṣaso ninye nāmnā jhāṃjhīvaro nṛpaḥ |
nairṛtyāṃ vai dvisāhasrakrośebhyo'ti murālaye || 77 ||
[Analyze grammar]

muraśeṣo jhāṃjhīvaro bhrātarau dvau babhūvatuḥ |
dvīpatraye murasyaiva rājyaṃ hyabhūttadā'lpakam || 78 ||
[Analyze grammar]

tato sākṣīvaro naije rājye tasmāttu paścime |
pṛthvyāṃ cābdhitaṭe mo'jā ninye mahotsavāt nṛpaḥ || 79 ||
[Analyze grammar]

tasyāṃ jātaḥ suto daityaścotatpannamātrayauvanaḥ |
kāmago vyomagaścāpi māyāchālādivedanaḥ || 80 ||
[Analyze grammar]

sarvanāśakaraḥ sarvadveṣī lokārttivardhanaḥ |
sadodvegakaro mātuḥ pituvīkye tvanādaraḥ || 81 ||
[Analyze grammar]

parakanyāharo naijaṃ rākṣasaṃ dhārpamāśritaḥ |
paradravyaharo yuddhe rucimān nityayodhanaḥ || 82 ||
[Analyze grammar]

ekadā sa samudrasyarajalamānavaputrikām |
prasahya cānināyā'tha patnīṃ tāṃ vidadhe nijām || 83 ||
[Analyze grammar]

jalasthāyāḥ sthale vāso rogārtha hi vyajāyata |
rogagrastāṃ durbalāṃ ca jvaravyāptāṃ kṣayānvitām || 84 ||
[Analyze grammar]

iti tenā'ramamāṇāṃ paśumāramamārayat |
ākrośanaṃ tu sā cakre kranditaṃ jananī tadā || 85 ||
[Analyze grammar]

mī'jā śrutvā samāyātā dayayā bhatamānasā |
śikṣayāmāsa putraṃ svaṃ mā putra hiṃsanaṃ kuru || 86 ||
[Analyze grammar]

abalāyā balaṃ nāsti rugṇāyāstu viśeṣata |
nirbalā tāḍyate tatte śreyo naiva bhaviṣyati || 87 ||
[Analyze grammar]

patnyāṃ pratāraṇaṃ patyustathā krodhena tāḍanam |
prasahya bhogakaraṇaṃ patyāyuṣyavināśakam || 88 ||
[Analyze grammar]

sagarbhāyāṃ ca rugṇāyāṃ śramitāyāṃ tathā suta |
skanditāyāmaraktāyāṃ na gāntavyaṃ kadācana || 89 ||
[Analyze grammar]

akālagamane hānirlābho naiva ca naiva ca |
patnī svāṃgaṃ nijātmā ca kathaṃ tāṃ pīḍayet sudhīḥ || 90 ||
[Analyze grammar]

ahiṃsāṃ kuru śaucaṃ ca dayāṃ rakṣa sukhāya vai |
satye vartaya cāsteye vrate tiṣṭha sukhāya vai || 91 ||
[Analyze grammar]

guṇe śīle ca santoṣe niyame saṃyame vraja |
parameśe bhava bhaktaḥ śraddhāvān viṣayāṃstyaja || 92 ||
[Analyze grammar]

ātmā pāpairyadā channastadā rākṣasatāṃ gataḥ |
parātmaduḥkhakāritvaṃ rākṣasatvaṃ sphuṭaṃ suta || 93 ||
[Analyze grammar]

madyamāṃsādanaṃ nītivarjyaṃ rakṣaṣṭvameva tat |
nītiḥ pavitrabhojyaṃ ca parasantoṣavartanam || 94 ||
[Analyze grammar]

vrataṃ śāntiprayogaśca daivatā''pādakaṃ hi tat |
tasmād daivo bhava putra mā guṇānāsurān vraja || 95 ||
[Analyze grammar]

mṛte dehe punarnaiva śubhalābho bhaviṣyati |
tasmācchreyaḥ pare loke yathā syāttatprasādhaya || 96 ||
[Analyze grammar]

bhajā'nādikṛṣṇanārāyaṇaṃ svātmani saṃsthitam |
mayā kathā śrutā pūrvaṃ tenā'haṃ sukhinī sadā || 97 ||
[Analyze grammar]

rājyasampatsamṛddhyādyaiḥ paripūrṇā'smi putraka |
tvaṃ nītyā kṛtakarmā san puṇyaṃ vardhaya śāśvatam || 98 ||
[Analyze grammar]

mātraivaṃ tu samādiṣṭo rākṣaso duṣṭamānasaḥ |
krodhena yaṣṭimādāya mātaraṃ cā'pyatāḍayat || 99 ||
[Analyze grammar]

evaṃ nityaṃ tu putreṇa tāḍyate jananī tathā |
patnī ca śātravī ceti matvā santāḍyate muhuḥ || 100 ||
[Analyze grammar]

nahi vai śarkarāvāri nimbe karoti miṣṭatām |
kupātre sūpadeśo'pi kāluṣyamupagacchati || 101 ||
[Analyze grammar]

jananī jalakanyāyāḥ pakṣaṃ karoti nityaśaḥ |
rākṣaso jananī tena tāḍayatyeva nityaśaḥ || 102 ||
[Analyze grammar]

athā'yaṃ janakenāpi bodhito'pi na cādade |
sūpadeśaṃ ca janakaṃ tāḍayituṃ samudyataḥ || 103 ||
[Analyze grammar]

ekadā mātaraṃ patnīṃ rajjubhyāṃ sudṛḍhaṃ sa ca |
babandha cāpi cikṣepa samudre puṇyavarjitaḥ || 104 ||
[Analyze grammar]

mātrā smṛtastadā kṛṣṇanārāyaṇaḥ svayaṃprabhuḥ |
śīghraṃ tatra samāgatya rarakṣa karayośca te || 109 ||
[Analyze grammar]

uddhṛtya mātaraṃ cāpi snuṣāṃ kṛṣṇanarāyaṇaḥ |
bhaktāṃ svagaruḍe nītvā tadgṛhaṃ pratyapādayat || 106 ||
[Analyze grammar]

tāvad deśāntaraṃ yāto jhaṃjhīvaraḥ samāyayau |
dṛṣṭvā śrutvā ca vṛttāntaṃ krodhaṃ tvavāpa duḥsaham || 107 ||
[Analyze grammar]

muraśeṣaṃ bhrātara sa samāhūya tato'nayam |
putrasyā''vedayāmāsa bhrātā bodhayituṃ yayau || 108 ||
[Analyze grammar]

bhrātaryevamanayena vartanaṃ sa samācarat |
tataḥ kruddho muraśeṣo jhaṃjhīvarastathā'nugāḥ || 109 ||
[Analyze grammar]

matvā duṣṭaṃ ghātanīyaṃ ghātayituṃ samudyatāḥ |
mātrāgaskaraduṣṭo'yaṃ pitrādidveṣakārakaḥ || 110 ||
[Analyze grammar]

mṛtyubhayena dudrāva sāmudre tu jalāntare |
tatra vai dharṣayāmāsuḥ jāmātāraṃ tu taṃ ripum || 111 ||
[Analyze grammar]

krūraṃ duṣṭaṃ cā'nayasthaṃ sarve'pi jalamānavāḥ |
dvīpe nikṣipya taṃ sarve paśumāreṇa roṣataḥ || 112 ||
[Analyze grammar]

pitrādyairmilitā daityaṃ tāḍayāmāsurulbaṇāḥ |
tatyajurdayayā taṃ ca tatra dvīpe ca te janāḥ || 113 ||
[Analyze grammar]

tatra vivāsitaścā'yaṃ vāsaṃ namraścakāra ha |
mātrāgaskaranāmā''sau yatra dvīpe uvāsa ca || 114 ||
[Analyze grammar]

so'pi balī ca mahatā valena cā'nayena ca |
asthāpayannijaṃ rājyaṃ tato dvīpaḥ samudrake || 115 ||
[Analyze grammar]

mātrāgaskaranāmnaiva khyātiṃ jagāma laukikīm |
jhaṃjhīvarasya rājyaṃ ca jhaṃjhīvārābhidhaṃ hyabhūt || 116 ||
[Analyze grammar]

māṃjā ca rakṣitā kṛṣṇanārāyaṇena sasnuṣā |
bhaktā sā kīrtimāpannā nārāyaṇapratāpataḥ || 117 ||
[Analyze grammar]

māṃ'jā'mbiketināmnā sā prasiddhimagamattataḥ |
tannāmnā rājyabhūmiśca māṃjāmbiketi cā'bhavat || 118 ||
[Analyze grammar]

tannāmnā tvālayastatra devī tatra ca rājate |
daityā mlecchā rākṣasāśca dānavāstāmupāsate || 119 ||
[Analyze grammar]

ityetatkathitaṃ rādhe mātrāgaskaraceṣṭitam |
mātrāgaskaradaityo'yaṃ raṇaṃgamavimānakam || 120 ||
[Analyze grammar]

lakṣmaṇāryakuṭumbena saṃyuktaṃ vyomnyarodhayat |
aṭṭahāsaṃ muhuḥ kṛtvā yoddhuṃ samupacakrame || 121 ||
[Analyze grammar]

iti śrīlakṣmīnārāyaṇīyasaṃhitāyāṃ dvitīye tretāsantāne madhye rodhayato mātrāgaskararākṣasasya svastrīmātṛprabhṛtitāḍanātmakaduṣṭavṛttāntaḥ māṃjāmbikāyāḥ sasnuṣāyāḥ samudre kṣiptāyāḥ śrīkṛṣṇanārāyaṇakṛtarakṣaṇaṃ cetyādinirūpaṇanāmā pañcacatvāriṃśo'dhyāyaḥ || 45 ||
[Analyze grammar]