Chapter 44

śrīkṛṣṇa uvāca |
śṛṇu tvaṃ rādhike paścād rājā siddhisamāśritaḥ |
pattanaṃ racayāmāsa somavelāhvayaṃ mahat || 1 ||
[Analyze grammar]

yatra sauvarṇasaudhāṃśca daśasahasrasaṃkhyakān |
raupyasaudhāṃstāvataśca maṇisaudhān sahasraśaḥ || 2 ||
[Analyze grammar]

udyānāni vicitrāṇi vāṭikāḥ padmasārasīḥ |
kārayāmāsa bahudhā vāsayāmāsa devatāḥ || 3 ||
[Analyze grammar]

kalpavallīṃ dadau tatra pratyeke cālaye tataḥ |
yakṣān kiṃpuruṣān bandīn cāraṇān bhūsurāṃstathā || 4 ||
[Analyze grammar]

mānavān vāsayāmāsa koṭiśo devasadṛśān |
evaṃ kṛtvā somavelābhidhaṃ dvādaśagopuram || 5 ||
[Analyze grammar]

nagaraṃ paścime bhāge somatīrthānmanoharam |
tataḥ śrīsomanāthasya sauvarṇaṃ mandiraṃ punaḥ || 6 ||
[Analyze grammar]

kārayāmāsa jīrṇaṃ cottārya vai nūtanaṃ mahat |
sahasrahastocchrāyaṃ ca sāptabhaumaṃ ca gopuram || 7 ||
[Analyze grammar]

pañcāśaddhastavistāraṃ śikharaṃ parvatopamam |
tatra devaḥ somanātho vyomastho rājate'śritaḥ || 8 ||
[Analyze grammar]

suvarṇaśṛṃkhalābodhyo ghaṇṭo yatra virājate |
daśayojanasaṃśrāvaḥ śatabhāragurutvavān || 9 ||
[Analyze grammar]

śatamānavasaṃbodhyo yantramātreṇa śabditaḥ |
yasya śikharakalaśaḥ sauvarṇaḥ saptabhāgavān || 10 ||
[Analyze grammar]

pañcāśaddhastakocchrāyaḥ sūryasannibhabhāsuraḥ |
pañcāśaddhastakadhvajo daṇḍo'sya śatahastakaḥ || 11 ||
[Analyze grammar]

yatrā'bhrāṇi pratiṣṭhanti cāturmāsye nirantaram |
yatra sthito manuṣyaśca haṃsavat pravilokyate || 12 ||
[Analyze grammar]

tatra bhogān brāhmaṇāṃśca yojayāmāsa pūjane |
viśeṣataśca rājā'sāvannasatraṃ babandha ha || 13 ||
[Analyze grammar]

yatrā'yutaṃ ca nārīṇāṃ narāṇāmayutaṃ tathā |
pañcāyutāni bālānāṃ bālikānāṃ tathaiva ca || 14 ||
[Analyze grammar]

bhuñjate miṣṭamiśrāṇi ghṛtānnāni ca nityaśaḥ |
evaṃ raṇegamo rājā yajñapuṇyaprabhāvataḥ || 15 ||
[Analyze grammar]

anādiśrīkṛṣṇanārāyaṇasyopāstivaibhavāt |
lokapāla ivāsīdvai pṛthvyāṃ vimānago'bhavat || 16 ||
[Analyze grammar]

athāyaṃ pauṣapūrṇāyāṃ yayau vai dakṣiṇāṃ diśam |
pāresamudraṃ yānena vaihāyasā pravīkṣitum || 17 ||
[Analyze grammar]

dakṣiṇaṃ tu dhruvaṃ draṣṭuṃ yayau cāgre mahābalaḥ |
bhojyapānaṃ dāsavargaṃ veṣaṃ kalpalatāṃ tathā || 18 ||
[Analyze grammar]

sādhanāni saha nītvā yayau vimānago'mbare |
saurāṣṭrād dakṣiṇaṃ deśaṃ siṃhāraṇyaṃ vilokya ca || 19 ||
[Analyze grammar]

śatayojanakaṃ deśaṃ krāntvā cāgre yayau nṛpaḥ |
samudraṃ ca dadarśā'sau dakṣiṇāṃ diśamāśritam || 20 ||
[Analyze grammar]

tatra dadarśa ca lākṣādīpadvīpaṃ suśobhanam |
tataścāgre yayau vyomnā māladvīpaṃ dadarśa saḥ || 21 ||
[Analyze grammar]

taṃ dṛṣṭvā prayayau vyomnā sveṣṭadvīpaṃ dadarśa saḥ |
taṃ vilokyā'bhitaḥ paścānmuraśeṣābhidhaṃ śubham || 22 ||
[Analyze grammar]

dvīpaṃ cālokayāmāsa yatrā'bhavanmurā'suraḥ |
sa ca yoddhuṃ samāyāto vyomnā raṇaṃgamena vai || 23 ||
[Analyze grammar]

kalpavallyā samutpādya vāruṇaṃ pāśamulbaṇam |
rājñā cā''baddhya ca daityaḥ prakṣiptaḥ sāgare tadā || 24 ||
[Analyze grammar]

yathākañcit prāṇena sahitaḥ svālayaṃ yayau |
atha rājā yayau cāgre dvīpe kurujaṭaṃ tadā || 25 ||
[Analyze grammar]

dadarśa paritastatra jaṭāyūmānavān tataḥ |
yayāvagre vimānena dadarśā''ntarabījakam || 26 ||
[Analyze grammar]

dvīpaṃ śītamayaṃ yatra makarāsyā hi mānavāḥ |
prāyaśo jalavāsāśca rājñā tenāvalokitāḥ || 27 ||
[Analyze grammar]

tato yayau vimānena vaihāyasena dakṣiṇām |
diśaṃ tatra dadarśā'yaṃ pṛthvīṃ śvetāṃ suvartulām || 28 ||
[Analyze grammar]

apkarakāṃ saśaivālāṃ rūpavacca prabhānvitām |
yatra cāpomayībhūśca dehinaḥ śvetabhāsvarāḥ || 29 ||
[Analyze grammar]

apkarakādanāḥ sarve jale śailanivāsinaḥ |
narā nāryo jhaṣākārā jalapāṃśusahāḥ sadā || 30 ||
[Analyze grammar]

pibantaśca jalaṃ śītaṃ khādanto jalaśarkarām |
śaivālaṃ jalapākāṃśca bhuñjanto nirvahanti te || 31 ||
[Analyze grammar]

gṛhāṇi jalapāṣāṇaiḥ kṛtānyatra vasanti ca |
śītacandrasamābhāsā jalotthā'mṛtabhojanāḥ || 32 ||
[Analyze grammar]

evaṃvidhān janān paśyan dadarśa dakṣiṇaṃ dhruvam |
prathamaṃ kārakīṃ bhūmi tato draṣṭuṃ vyavartata || 33 ||
[Analyze grammar]

vimānasthena rājñā sā vartulā vīkṣitā kṣitiḥ |
jalarūpyamayī sarvā vṛkṣahīnā vasundharā || 34 ||
[Analyze grammar]

yatra meghāḥ sadā santi sūryatāpo na vidyate |
sāmudraprastarāḥ santi dhātavaḥ karakāmayāḥ || 35 ||
[Analyze grammar]

rasaścāmṛtamiṣṭo vai jalīyaḥ karakodbhavaḥ |
jalaṃ śaivālapuṭikā jalapatrāṇi vallayaḥ || 36 ||
[Analyze grammar]

śvetavarṇāḥ śvetaphalācandrakhaṇḍanibhāśca tāḥ |
jalaśākāni bhojyāni jalapāṣāṇajā gṛhāḥ || 37 ||
[Analyze grammar]

sāmudrakṣārakarakā jalānāṃ miṣṭaśarkarāḥ |
jalapāṣāṇakandāśca bhojyāstanmānavaiḥ sukhaiḥ || 38 ||
[Analyze grammar]

etat sarvaṃ vilokyaiva vāruṇaṃ bhavanaṃ tathā |
dakṣiṇadhruvagolasya madhyabindvāśrayaṃ sthalam || 39 ||
[Analyze grammar]

vilokya punarāyācca rājā raṇaṃgamastaṭam |
tatra kampapradeśaṃ ca tataḥ kaṭisaraṃ puraḥ || 40 ||
[Analyze grammar]

vilokya sarvataḥ paścād rājasaṃ ca pradeśakam |
dadarśa cāgrato gatvā deśaṃ tu kanyakālayam || 41 ||
[Analyze grammar]

tataścāgre dadarśā'sau kāṇākṣaṃ supradeśakam |
tato'pyagre dadarśā'yaṃ sagrīvaṃ deśamuttamam || 42 ||
[Analyze grammar]

adrighnaṃ ca tato deśaṃ dadarśa jalaśailajam |
yātadeśaṃ ca vīkṣāripradeśaṃ sa dadarśa ha || 43 ||
[Analyze grammar]

grīṣmaśūnyakadeśaṃ ca kusthadeśaṃ tataḥ param |
dhruvabinduṃ vilokyaiva dadarśā'ntārkivartulam || 44 ||
[Analyze grammar]

evaṃ bhūgṛhyadeśaṃ taṃ śītamātrakṛtāspadam |
śītalaṃ saṃvilokyaiva tasmād yāvannivartate || 45 ||
[Analyze grammar]

tāvad bhūtalagarbhācca śvetaparvatasadṛśaḥ |
pumān kaścit samāyāto rādhike vyomamārgagaḥ || 46 ||
[Analyze grammar]

anantavīryo brahmāṇḍodaravāsaḥ kuṭumbavān |
śvetavarṇaḥ śvetavastraḥ śvetatejaprabhānvitaḥ || 47 ||
[Analyze grammar]

śvetaśmaśruḥ śvetarasaḥ śvetaśailagadāyutaḥ |
yanmastake'lagan meghāḥ pādayoḥ śvetaparvatāḥ || 48 ||
[Analyze grammar]

yatkaṭyāṃ śvetaśaivālā yanmukhe stanayitnavaḥ |
yacchabdo dakṣiṇadhruvamabhivyāpya pravartate || 49 ||
[Analyze grammar]

vidyudvegā gatiryasya śvāsaḥ samudrakampanaḥ |
aṭṭahāsaṃ diśāmanteṣvabhivyāpya nivartate || 50 ||
[Analyze grammar]

raṇaṃgamaśca taṃ dṛṣṭvā bhayaṃ cāvāpa vai kṣaṇam |
tāvatsa śuklapuruṣaścā''juhāva raṇaṃgamam || 51 ||
[Analyze grammar]

ehyehi divyadeva tvaṃ vaihāyasavihārakṛt |
kiṃ te bhayaṃ nu matto'sti kalpavallīśritasya vai || 52 ||
[Analyze grammar]

anādiśrīkṛṣṇanārāyaṇo yasya hṛdi sthitaḥ |
tādṛśastvaṃ mahābhakto balavān rājase bhuvi || 53 ||
[Analyze grammar]

dhanyo'si rājanparameśvarāśraya |
stvaṃbhautiko'pīśvaranāthadṛṣṭitaḥ |
virājase devavadīśvaraḥ svayaṃ |
pāraṃgatastvaṃ bhavasāgarasya yat || 54 ||
[Analyze grammar]

āgaccha maddhāma punīhi māmakaṃ |
gṛhaṃ sadā bhūmisugarbhavāsitam |
mayā sadā''rādhyata eva yastvayā |
raṇaṃgamā''rādhyata īśvareśvaraḥ || 55 ||
[Analyze grammar]

ahaṃ hi śeṣasya suvaṃśajo jano |
vasāmi garbhe'tra hi lakṣmaṇābhidhaḥ |
anādinārāyaṇakṛṣṇabālakaṃ |
bhajāmi nityaṃ sasamastabāndhavaḥ || 56 ||
[Analyze grammar]

gṛhāṇa satkāramanuttamaṃ mayā |
kṛtaṃ tathā cārpaya darśanaṃ tava |
nivedayiṣye'rcanayogyakopadā |
stābālakṛṣṇāya ca dātumarhasi || 57 ||
[Analyze grammar]

namo namaste mama nāthabhakta namo namaste paramātmavedin |
namo namaste parameśabhakta mahākratukṛd bhavate namo'stu || 58 ||
[Analyze grammar]

ityevaṃ rādhike tena lakṣmaṇena susatkṛtaḥ |
vāgbhirviśvāsamāpanno raṇaṃgamaḥ sthiro'bhavat || 59 ||
[Analyze grammar]

tāvacchrīlakṣmaṇastatra rūpaṃ kṛtvā tu mānavam |
saumyaṃ surūpaṃ bhaktasya viśvāsyaṃ tilakānvitam || 60 ||
[Analyze grammar]

vaiṣṇavaṃ tulasīyuktaṃ gṛṇantaṃ kṛṣṇanāma ca |
nanāma parayā prītyā raṇaṃgamo'tibhāvataḥ || 61 ||
[Analyze grammar]

lakṣmaṇaścāha paśyātra viśvāsārthaṃ ca me hṛdi |
anādiśrīkṛṣṇanārāyaṇo virājate prabhuḥ || 62 ||
[Analyze grammar]

raṇaṃgamo dadarśā'sya hṛdaye parameśvaram |
anādiśrīkṛṣṇanārāyaṇaṃ cāśvasaraḥsthitam || 63 ||
[Analyze grammar]

rādhāpatiṃ prabheśaṃ pāravatīśaṃ sumañjulam |
lakṣmīśaṃ haṃsanāthaṃ ca śrīmadgopālanandanam || 64 ||
[Analyze grammar]

saguṇeśaṃ kambharālālitaṃ bhaktavinodakam |
divyakaṭakamukuṭormikāhāravibhūṣitam || 65 ||
[Analyze grammar]

koṭikandarpaśobhādhirūparūpānurūpitam |
ujjvalaṃ mandahāsyasthaṃ paśyantaṃ tu raṇaṃgamam || 66 ||
[Analyze grammar]

evaṃvidhaṃ taddhṛdaye vilokya sveṣṭamādhavam |
raṇaṃgamo mahābhakto viśvāsamagamatpunaḥ || 67 ||
[Analyze grammar]

tataḥ sa lakṣmaṇaṃ nāgaṃ naramānavarūpiṇam |
vimāne hastamādāyā''rohayāmāsa satvaram || 68 ||
[Analyze grammar]

tena darśitamārgeṇa vimānaṃ vāhitaṃ nijam |
prāptaṃ pṛthvīguptabinduṃ jalapāṣāṇabhūgatam || 69 ||
[Analyze grammar]

dakṣiṇadhruvagolasya mukhasya sannidhau mahat |
vivaraṃ tatra cāyātaṃ bhūgarbhaṃ gantumeva ca || 70 ||
[Analyze grammar]

vartulaṃ yojanamānaṃ śvetanāgaiḥ surakṣitam |
śītapāṣāṇasopānaṃ śītaprākārarakṣitam || 71 ||
[Analyze grammar]

lakṣmaṇā''diṣṭamārgeṇa vimānaṃ vivarāntare |
viveśa kṣaṇato yatra jayaśabdāstadā'bhavan || 72 ||
[Analyze grammar]

dvārapānāṃ mahāśabdairbhūgarbhe cāntarāmbare |
vidyunmaṇiprakāśānāṃ candraprabhāsamujjvale || 73 ||
[Analyze grammar]

kanyābhirvardhitaṃ lājaiḥ pūjitaṃ puṣparatnakaiḥ |
vimānaṃ cāntare deśe gatvā pṛthvyāmavātarat || 74 ||
[Analyze grammar]

tatra vai pṛthivī ramyā śvetā kṛṣṇā ca pāṇḍurā |
oṣadhayaśca vividhā drumāḥ phalasuśobhitāḥ || 75 ||
[Analyze grammar]

sasyānāṃ smṛddhayaścāpi svarṇavarṇā vilokitāḥ |
nadyo nadā vāṭikāśca dīrghikā jalapūritāḥ || 76 ||
[Analyze grammar]

amṛtaiḥ saṃbhṛtāḥ kūpā raṇaṃgamena lokitāḥ |
gāvaḥ śvetāḥ pāṇḍurāśca sapakṣā vyomagāstathā || 77 ||
[Analyze grammar]

kāmarūpadharāścānye paśavo dugdhadāstadā |
vilokitā narā nāryaḥ sarve bhūṣāvibhūṣitāḥ || 78 ||
[Analyze grammar]

ujjvalāścandrasadṛśā maṇihāravirājitāḥ |
śītāścandranibhāḥ sarve padmapatranibhekṣaṇāḥ || 79 ||
[Analyze grammar]

surūpāḥ piṅganetrāśca raktanakhoṣṭhapattalāḥ |
vahiśuddhāṃ'śukāḥ sarve dṛḍhāḥ śvetānnabhojanāḥ || 80 ||
[Analyze grammar]

yathā bhūpari bhāge'smin vartate sarvathā'tra ca |
tathā tatrā'pi rājā sa vibhūtīn sandadarśa ha || 81 ||
[Analyze grammar]

prāsādāḥ śvetavarṇāśca sarvopakaraṇāni ca |
nagarāṇi surājyāni parvatā jalabhūmayaḥ || 82 ||
[Analyze grammar]

śvetāḥ sarvā manuṣyāścetyālokya vismayaṃ gataḥ |
lakṣmaṇena vimānaṃ tanmahānagarasammukham || 83 ||
[Analyze grammar]

cālitaṃ yatra puṣpāḍhyodyānāni subahūnyapi |
paritaḥ santi saudhāśca prāsādāḥ parvatopamāḥ || 84 ||
[Analyze grammar]

tatrā'syocchrayabhūbhāge prākārāntaraśobhitaḥ |
lakṣmaṇasya tu rājño vai prāsādaḥ parvatopamaḥ || 85 ||
[Analyze grammar]

lakṣmaṇābhidhavarṇā'ṅko'ntarīkṣe dhvajaśobhitaḥ |
śatabhaumo rājate yo dṛṣṭo raṇaṃgamena vai || 86 ||
[Analyze grammar]

vimānaṃ lakṣmaṇenātrodyānāṃgaṇe'vatāritam |
tadā vādyānyavādyanta rājarītyā hi rādhike || 87 ||
[Analyze grammar]

jayaśabdāḥ sainyapālā rājyavaccopatasthire |
rājadhānī svargasamā raṇaṃgamena lokitā || 88 ||
[Analyze grammar]

bhūgolasyāntare bhāge sṛṣṭiṃ dṛṣṭvā'timānuṣīm |
āścaryaṃ paramaṃ prāpa raṇaṃgamo jaharṣa ca || 89 ||
[Analyze grammar]

atha vai lakṣmaṇo ninye raṇaṃgamaṃ sabhāntare |
yatra vai śatarājñyaśca kanyakādvisahasrakam || 90 ||
[Analyze grammar]

kumārāḥ pañcasāhasrā vartante lakṣmaṇasya ha |
lakṣmaṇena sabhāmadhye puṇye siṃhāsane sthitaḥ || 91 ||
[Analyze grammar]

pratiṣṭhito devaharmye kṛṣṇanārāyaṇaḥ prabhuḥ |
svarṇapratimāsvarūpo darśito bhagavān hariḥ || 92 ||
[Analyze grammar]

raṇaṃgamāya ca tato'rghyaṃ madhuparkamuttamam |
dadauvamṛtapānaṃ supuṣpahārādikaṃ dadau || 93 ||
[Analyze grammar]

atha siṃhāsane saumye nyaṣādayacca taṃ tataḥ |
kanyaikā puṣpamālāṃ saṅgṛhya tatra nideśataḥ || 94 ||
[Analyze grammar]

samāyātā dadarśainaṃ raṇaṃgamaṃ śubhāspadam |
svāgatārthaṃ lalāṭe'sya kuṃkumā'kṣatacandrakam || 95 ||
[Analyze grammar]

cakre dadau puṣpamālāṃ kaṇṭhe'sya ca kare dadau |
gucchaṃ sugandhapuṣpāṇāṃ cakre sugandhakokṣaṇam || 96 ||
[Analyze grammar]

yuvānaṃ vaiṣṇava raktavarṇaṃ dṛḍhaṃ ca sundaram |
dṛṣṭvā sā kanyakā nāmnā mālinī yauvanodbharā || 97 ||
[Analyze grammar]

mumoha manasā śreṣṭhaṃ varaṃ mene'nurūpakam |
athā'yaṃ lakṣmaṇo jñātvā dadau raṇaṃgamāya tām || 98 ||
[Analyze grammar]

sāpi bhaktaṃ patiṃ labdhvā mumude hṛdi sarvathā |
athā'yaṃ śrīkṛṣṇanārāyaṇamantraṃ jagāda tām || 99 ||
[Analyze grammar]

oṃ namaḥ śrīkṛṣṇanārāyaṇāya svāmine svāhā |
lakṣmaṇāryastadā kṛṣṇanārāyaṇaṃ punarmudā || 100 ||
[Analyze grammar]

prasasmārā'tibhāvena dhanyaṃ matvā nijaṃ gṛham |
tāvacchrībhagavāṃstatrā'nādikṛṣṇanarāyaṇaḥ || 901 ||
[Analyze grammar]

viditvā bhaktasadbhāvaṃ pratyakṣaḥ saṃbabhūva ha |
divyakiśorarūpaśca sarvalāvaṇyaśevadhiḥ || 102 ||
[Analyze grammar]

yugapatsūryasāhasrādhikatejovirājitaḥ |
rūpānurūpāvayavaḥ sabhāyāṃ prakaṭo'bhavat || 102 ||
[Analyze grammar]

utthitāḥ sahasā sarve nemurnārāyaṇaṃ prabhum |
tejasā channanetrāste kṣaṇaṃ tasthurjaḍā iva || 104 ||
[Analyze grammar]

śīghraṃ tejovimalatve dattāsanaḥ prabhurhariḥ |
lakṣmaṇāryakṛtāṃ pūjāṃ jagrāha divyavastubhiḥ || 105 ||
[Analyze grammar]

niveditānnaṃ miṣṭānnaṃ jalaṃ tāmbūlakaṃ tathā |
jagrāha suhasan kṛṣṇanārāyaṇastu tatkṣaṇam || 106 ||
[Analyze grammar]

svastītyuktvā kuśalaṃ te kalyāṇaṃ śāśvataṃ tava |
vadaṃstiro'bhavacchīghraṃ kanyakāstu sahasraśaḥ || 107 ||
[Analyze grammar]

mugdhāstaṃ śrīhariṃ dṛṣṭvā vavrire manasā patim |
abhiprāyaṃ pitā jñātvā manasā haraye'rpayat || 108 ||
[Analyze grammar]

atha yātrā nimittena prayāṇaṃ pracakāra saḥ |
lakṣmaṇāryaḥ kumāraiśca kanyābhirmātṛbhiḥ saha || 109 ||
[Analyze grammar]

gṛhītvā koṭiratnāni svarṇarūpyadhanāni ca |
maṇimāṇikyamuktāśca raṇaṃgamavimānakam || 110 ||
[Analyze grammar]

adhyāruroha sukhataḥ kṛtvā rājyamamātyasāt |
kāmage saṃkalpamātrād vistṛte yojanāyate || 111 ||
[Analyze grammar]

bhūdvāranirgamayogye raṇaṃgamo ruroha ca |
sabhāsthānaṃ mahāpuṇyaṃ yatra śrībhagavān svayam || 112 ||
[Analyze grammar]

pratyakṣo'bhūtparaṃ tīrthaṃ natvā tūrṇaṃ vihāyasā |
deśaṃ visṛjya bhūdvārānnirgamyā'ntā'rkivartulam || 113 ||
[Analyze grammar]

jalapāṣāṇadeśaṃ taṃ samullaṃghyā'ntarīkṣake |
samadropari dīrghaṃ tadvimānaṃ vegavaddhyabhūt || 114 ||
[Analyze grammar]

yathā sūryaḥ samāyāti yadvā candraḥ prayāti ca |
dṛṣṭaṃ jalasthalāvāsaiḥ rādhike dyotayad diśaḥ || 115 ||
[Analyze grammar]

iti śrīlakṣmīnārāyaṇīyasaṃhitāyāṃ dvitīye tretāsantāne raṇaṃgamasya dakṣiṇadhruvadarśanārthaṃ vimānena gatasya antārkivartuladeśamadhye bhūvivare praviṣṭasya lakṣmaṇāryakṛtasvāgataṃ prabhordarśanaṃ lakṣmaṇasya rājñaḥ sakuṭumbasya tadvimānena yātrārthaṃ pṛthvyāgamanaprayāṇaṃ cetyādinirūpaṇanāmā catuścatvāriṃśo'dhyāyaḥ || 44 ||
[Analyze grammar]