Chapter 38

śrīkṛṣṇa uvāca |
śṛṇu tvaṃ rādhike kṛṣṇanārāyaṇo hi pañcame |
varṣe vaiśākhamāse ca dhavale pūrṇimātithau || 1 ||
[Analyze grammar]

sāyaṃ brahmavāṭikāyāṃ pūrvasyāṃ diśi saṃyayau |
kundakusumasaugandhyā'nilodyāne vayasyayuk || 2 ||
[Analyze grammar]

itastato viharati ramate yāti bālakaiḥ |
prāyaḥ sāyaṃ samayasya sannidhau parameśvaraḥ || 3 ||
[Analyze grammar]

vāṭikāyāṃ samudbhūtāṃ makāyīṃ jārikāṃ tathā |
paśyan haridrasapatrāṃ ḍoḍikākaṇaśobhanām || 4 ||
[Analyze grammar]

gṛhṇana taḍḍoḍikāstāsāṃ vahnau sekaṃ vidhāya ca |
bālakaiḥ saha saṃbhukte ḍoḍikānāṃ kaṇāṃstadā || 5 ||
[Analyze grammar]

atha pārśve pavanaiśca pakvānyāmraphalānyapi |
patitāni samādāya bhuṅkte vayasyakaiḥ saha || 6 ||
[Analyze grammar]

nāraṅgisantarāmiṣṭamusambikharjurādakān |
bhuṃjate bālakāḥ sarve vāṭikāyāṃ mudā'nvitā || 7 ||
[Analyze grammar]

athā''yayustadā tatra trayo ve rākṣasāḥ khalāḥ |
bālarūpā babhūvuste sahacoṣyaṃ pracakrire || 8 ||
[Analyze grammar]

remire bubhujustatra vahante vāhayantyapi |
dhāvanti cāpi kūrdanti hasanti hāsayanti ca || 9 ||
[Analyze grammar]

dhyenādiśrīkṛṣṇanārāyaṇaṃ hantuṃ samicchukaḥ |
eko vai rākṣasastatrā'bhavacchakaṭarūpadhṛk || 10 ||
[Analyze grammar]

vāṭikāyāṃ plakṣavṛkṣasyā'dho vāsaṃ vidhāya saḥ |
bālakṛṣṇaṃ nāśayituṃ samīkṣate'tirāgataḥ || 11 ||
[Analyze grammar]

dvitīyo rākṣasastatra vārāhaṃ rūpamāsthitaḥ |
bālakā yatra vai kṣetre krīḍāṃ kurvanti tatpuraḥ || 12 ||
[Analyze grammar]

gatvā dantaṃ viniṣkāsya ghūṇaṃ krūraṃ pradarśayan |
pucchaṃ vidhunvan naijāṃ sa garjanāṃ sampravartayan || 13 ||
[Analyze grammar]

dhāvaṃstataścātivegānmārayituṃ samāyayau |
bālāste vikarālaṃ vai dṛṣṭvā gantrīṃ vilokya ca || 14 ||
[Analyze grammar]

plakṣaṃ pratyeva śīghraṃ tu dhāvanti sma bhayānvitāḥ |
cakruśuḥ śīghramevaitāḥ śakaṭaṃ prāpya vai drutam || 15 ||
[Analyze grammar]

cakrād dhurād yathāmārga gantrī tvāruruhustadā |
kṛṣṇastatra prasasmāra kālīkesariṇaṃ drutam || 16 ||
[Analyze grammar]

kālyāḥ śrīkṣetrapālinyā vāhanaṃ siṃha eva saḥ |
tūrṇaṃ tatrā''yayau divyo diśo ninādayan dṛḍhaḥ || 17 ||
[Analyze grammar]

garjanāṃ paritaḥ kṛtvā śakaṭasthān praṇamya ca |
utplutya sūkara taṃ ca rākṣasaṃ dhṛtavān balāt || 18 ||
[Analyze grammar]

sūkaro'pi tu siṃhena yuyudhe balatastadā |
siṃharūpaṃ dadhārā'tha kṣaṇena garjayan muhuḥ || 19 ||
[Analyze grammar]

ninādayan diśaḥ sarvāḥ pūrayan yuyudhe bhṛśam |
kṛtrimasyā'sya siṃhasya kiṃ balaṃ kṛtrimaṃ mṛṣā || 20 ||
[Analyze grammar]

kālīsiṃhena sahasā līlayā vidhṛto gale |
kaṭyāṃ ca nakharaistīkṣṇairudare bheditastadā || 21 ||
[Analyze grammar]

vyāpāditaḥ samantāccā''krośanmṛtaḥ kṣaṇādanu |
tadātmā śrīkālikāyāḥ siṃhe cābhinnatāṃ gataḥ || 22 ||
[Analyze grammar]

athā'trāvasare jñātvā śakaṭaṃ ca nirāśrayān |
svādhīnān bālakān sarvānambare cocchritaṃ hyabhūt || 22 ||
[Analyze grammar]

ākāśapathamāśritya bālānnāśayituṃ tadā |
prakṣiptuṃ bhūtale vyomacaraṃ bhūtvā yayau drutam || 24 ||
[Analyze grammar]

tāvacchrībālakṛṣṇena gurutvaṃ svasya vardhitam |
atibhāreṇa śakaṭaṃ bhūtalaṃ pratyavātarat || 25 ||
[Analyze grammar]

yathā bālā na naśyeyuḥ kṛṣṇastathā'vatārayat |
bālakāścā'vatīryaiva plakṣamūlaṃ samāśritāḥ || 26 ||
[Analyze grammar]

bālakṛṣṇastato gantryāstriveṇīmūlataḥ kṣitau |
pādaṃ vāmaṃ pralambaṃ ca kṛtvā'tha dakṣiṇaṃ padam || 27 ||
[Analyze grammar]

triveṇyupari saṃsthāpya karābhyāmavalambya tām |
yāvat samāvatarituṃ yatate tāvadeva tu || 28 ||
[Analyze grammar]

śakaṭākhyā'sureṇā'dhastriveṇyāḥ kīlako mahān |
śaṃkuvad vardhitaḥ kṛṣṇaṃ prahantuṃ tūdarāntare || 29 ||
[Analyze grammar]

triśaṃkukīlakaścātitīkṣṇo dīrgho hariṃ prati |
lambamānastīkṣṇadhāro dṛṣṭo vai bālakaistadā || 30 ||
[Analyze grammar]

hariṃ prāhustu te bālā bālakṛṣṇo'pi līlayā |
nā'vātarad yato yāvadudaraṃ svaṃ rarakṣa vai || 31 ||
[Analyze grammar]

lambamāne vāmapade sakthinī mūlasannidhau |
śaṃkustīkṣṇaḥ śakaṭena prasahya sampraveśitaḥ || 32 ||
[Analyze grammar]

sakthimadhyāttadā raktadhārā susrāva rādhike |
bālakṛṣṇastadā śīghraṃ samutplutya tu gantrikām || 33 ||
[Analyze grammar]

punaścāvā''rurohā'tha jñātvā duṣṭaṃ mahāsuram |
hantuṃ punargurutvaṃ ca śailatulyaṃ dadhāra ha || 34 ||
[Analyze grammar]

tena bhāreṇa namitaṃ śakaṭaṃ bhagnameva ca |
patitaṃ condhikā ceṣā coṣṭraścakre dharo'rditāḥ || 35 ||
[Analyze grammar]

adṛśyaśailabhāreṇa śakaṭaścūrṇatāṃ gataḥ |
visismire'rbhakāḥ sarve'suraśca jīvato hataḥ || 36 ||
[Analyze grammar]

tattejo niḥsṛtaṃ gantryā bālakṛṣṇe tiro'bhavat |
athaivaṃ śakaṭaṃ naṣṭaṃ vīkṣya naṣṭaṃ ca sūkaram || 37 ||
[Analyze grammar]

tṛtīyo rākṣaso bālasvarūpastrāsamāvahat |
maraṇaṃ tvantikaṃ jñātvā'vicārayaddharermṛtim || 38 ||
[Analyze grammar]

kathaṃ bālaḥ prahantavyaścaivameva mayā'tra vai |
vinā śailasvarūpaṃ na bālasyā'sya vighātanam || 39 ||
[Analyze grammar]

tasmācchailo bhavāmyeva nipatāmi drutaṃ tathā |
ityadhyavasya sahasā vyomamārgaṃ gato'bhavat || 40 ||
[Analyze grammar]

tatra śailasvarūpo'bhūd yāvatpatitumicchati |
tāvat kṛṣṇo garuḍaṃ svaṃ prerayāmāsa vegataḥ || 41 ||
[Analyze grammar]

garuḍo divyarūpaśca saprakāśaṃ vihāyasā |
uḍḍyamānaḥ padbhyāṃ taṃ śailaṃ jagrāha yatnataḥ || 42 ||
[Analyze grammar]

tāvaddhariṇā cakraṃ svaṃ sudarśanaṃ bahūlbaṇam |
jvālāmālābharaṃ śailadāhakaṃ saṃvidhāya ca || 43 ||
[Analyze grammar]

muktaṃ bhūbhṛdadhobhāge śailastena drutaṃ mahān |
vidyujjvālānibhacakravahninā dagdhatāṃ gataḥ || 44 ||
[Analyze grammar]

tadbhasma bhūtale vahniyogāt sahāyivāyunā |
uḍḍīyoḍḍīya patitaṃ viprakīrṇāsu bhūmiṣu || 45 ||
[Analyze grammar]

gauramṛd sā babhūvā'pi pāṇḍurā bhūtalasttare |
garuḍaḥ sūkṣmatāṃ prāpya cakraṃ bhūtvā ca śītalam || 46 ||
[Analyze grammar]

svasthānaṃ tu samāyāte kṛṣṇo bālā nirāmayāḥ |
nirvighnāḥ sukhinau jātā bālakṛṣṇasya sakthini || 47 ||
[Analyze grammar]

raktaṃ ca niḥsṛtaṃ yattu tatra pṛthvyāṃ svayaṃ tadā |
nīrujīkaraṇāyāścoṣadhyāḥ patraraso'rpitaḥ || 48 ||
[Analyze grammar]

śīghraṃ śāntistadā jātā śaṃkucihnaṃ tu sarvadā |
dhyānināṃ dhyānayogārthaṃ kṣatarūpaṃ prarakṣitam || 49 ||
[Analyze grammar]

sarvadā rādhike bālakṛṣṇasakthnaḥ śubhāvaham |
cihnaṃ tad vidyate mūrtau dhyānāya netravanmahat || 50 ||
[Analyze grammar]

ārdhanārīśvarabhāvavyañjakaṃ vāmasakthijam |
cihnaṃ vai śāśvataṃ dṛṣṭvā kanyā devyastadarcayat || 51 ||
[Analyze grammar]

pṛthvī pūjāṃ cakārā'sya cihnasya candanādibhiḥ |
lomaśādyāḥ ṛṣayaśca dhyāne cihnaṃ dadhustataḥ || 52 ||
[Analyze grammar]

bālāḥ sāyaṃ gṛhaṃ yātāḥ kālī siṃhādisevitā |
svasthānaṃ cottarabhūmau sarasastatra saṃyayau || 53 ||
[Analyze grammar]

kālikātaśca bālebhyaḥ śrutvā rākṣasaghātanam |
pitrādyā vismitāḥ sarve vighnaśāntiṃ vyadhustadā || 54 ||
[Analyze grammar]

dadṛśuḥ sūkaraṃ gantrīcūrṇaṃ ca gaurabhasma ca |
rākṣasāste mṛtā yatra tatra gatvā hi mānavāḥ || 55 ||
[Analyze grammar]

āścarye lebhire sarve krośadehaṃ tu sūkaram |
gantrīcūrṇaṃ krośalagnaṃ gaurabhasma dviyojanam || 26 ||
[Analyze grammar]

mahāsāmarthyavān bālaḥ kṛṣṇo yena mahāsurāḥ |
vighātitāstrayastvete ghātakā bālaghātinaḥ || 57 ||
[Analyze grammar]

samyakkṛtaṃ nihananaṃ tveteṣāṃ bāladehinā |
putrāstu rakṣitā naśca vardhantāṃ bālakāḥ sadā || 58 ||
[Analyze grammar]

evamāśīrvacaḥ prāhuḥ prasannā bhejurīśvaram |
rādhikā prāha bhagavan rākṣasāḥ ke trayo'pi te || 59 ||
[Analyze grammar]

āsan yairiha cāgatya harernāśo vicintitaḥ |
śrīkṛṣṇaḥ prāha rāśeśi śṛṇu tāṃ puṇyapāvanīm || 60 ||
[Analyze grammar]

kathāṃ dharmavatī ramyāṃ devadrohotthitāṃ parām |
pūrvaṃ cintayataḥ sṛṣṭiṃ brahmaṇastvaṇḍajanmanaḥ || 61 ||
[Analyze grammar]

vālakhilyāḥ samutpannā mānasāḥ śuddharūpiṇaḥ |
aṣṭāśītisahasrāṇi babhūvuścordhvaretasaḥ || 62 ||
[Analyze grammar]

tatra vanaspatirnāma sarvaśreṣṭho'bhavanmuniḥ |
punaścintayatastasya prajākāmasya vedhasaḥ || 63 ||
[Analyze grammar]

sahasraṛṣayo jātā gṛhasthāḥ skannadharmiṇaḥ |
sadārā vanavāsaśca rāgadveṣādimānasāḥ || 64 ||
[Analyze grammar]

tatra nabhaspatirnāma gṛhiśreṣṭho'bhavanmuniḥ |
punaścintayatastasya rajasā mohitasya tu || 65 ||
[Analyze grammar]

vālakhilyāḥ punarjātāḥ ṣaṣṭisahasrasaṃkhyakāḥ |
sarve vai dārasahitāstapaḥsvādhyāyatatparāḥ || 66 ||
[Analyze grammar]

kāmakrodhādihṛdayāḥ snānapūjāparāyaṇāḥ |
mahāraṇyanivāsāśca kailāsaśailasannidhau || 67 ||
[Analyze grammar]

ārādhayanti trinetraṃ kṛśā dhamanisantatāḥ |
vratopavāsaniratāḥ sahasravarṣatāpasāḥ || 68 ||
[Analyze grammar]

teṣu saraspatirnāma vrataśreṣṭho'bhavanmuniḥ |
gṛhidharmaparaścāpi yajñasvādhyāyatatparaḥ || 69 ||
[Analyze grammar]

tān samārādhayato'pi naiva tuṣyati śaṃkaraḥ |
tadā śrīpārvatī devī sadayā prāha śaṃkaram || 70 ||
[Analyze grammar]

teṣāṃ kleśakṣayaṃ śaṃbho vidhehi kuru me dayām || 71 ||
[Analyze grammar]

kathaṃ na dīyate siddhirgate'pyabdasahasrake |
śuṣkasnāyvasthidehānāṃ tapatāṃ gṛhadharmiṇām || 72 ||
[Analyze grammar]

tacchrutvā śaṃkaraḥ prāha dharmasya gahanāṃ gatim |
devi tvaṃ naiva jānāsi na te kāmavivarjitāḥ || 73 ||
[Analyze grammar]

na ca krodhena nirmuktāḥ kevalaṃ mūḍhatāpasāḥ |
naite dharmaṃ vijānanti tato na dīyate phalam || 74 ||
[Analyze grammar]

satī prāha kathaṃ hyete kāmakrodhādidūṣitāḥ |
me pradarśaya tacchaṃbho paraṃ kautūhalaṃ hi me || 75 ||
[Analyze grammar]

śaṃbhuḥ prāha sati cātra tiṣṭha paśya kutūhalam |
ahaṃ gacchāmi tapatāmāśrameṣu kuceṣṭayā || 76 ||
[Analyze grammar]

ityuktvā vastrarahito nagno bhūtvā hi śaṃkaraḥ |
vanamālāsugandhāḍhyo yuvā sarvāṃgasundaraḥ || 77 ||
[Analyze grammar]

bhikṣākapālabhṛd dehi bhikṣāmuktvā''śramān yayau |
taṃ vilokyā''śramaprāptaṃ yoṣito brahmavādinām || 78 ||
[Analyze grammar]

surājasasvabhāvaistaṃ nagnaṃ dṛṣṭvā pramohitāḥ |
nītvā mūlaṃ phalaṃ bhikṣāṃ gṛhāṇetyantikaṃ yayuḥ || 79 ||
[Analyze grammar]

śaṃbhurbhikṣākapālaṃ tatprasārya bahusādaram |
datta bhikṣāṃ śivaṃ vo'stu bhavatīnāṃ tapaḥpriyāḥ || 80 ||
[Analyze grammar]

muhurhasan ceṣṭamānaḥ kurvāṇo liṅgajāgratim |
manāṃsi prajahārā'sau babhūvustāḥ smarāturāḥ || 81 ||
[Analyze grammar]

nāryaḥ prāhustvayā ko'yaṃ vratadharmaḥ prasevyate |
nagnena bhikṣuveṣeṇa hṛdyo'si tva subhikṣuka || 82 ||
[Analyze grammar]

ehi tvasmadgṛhān kurmaḥ sevanaṃ mardanaṃ tava |
ityūcustāḥ śivaḥ prāha rahasyaṃ me vrataṃ khalu || 83 ||
[Analyze grammar]

na prakāśyaṃ vrataṃ me'tra yūyaṃ yāta gṛhānnijān |
nāryaḥ prāhurgṛhānasmākamehi rañjano'si yat || 84 ||
[Analyze grammar]

ityuktvā taṃ jagṛhustāḥ sakāmāḥ pāṇipallavaiḥ |
kāciddhaste'parā kaṇṭhe'nyā jānvoritarā hanau || 85 ||
[Analyze grammar]

parā keśeṣu kaṭyāṃ ca pādayoḥ pārśvapṛṣṭhayoḥ |
evaṃ viceṣṭitaṃ śaṃbhuṃ tathā kṣobhaṃ ca yoṣitām || 86 ||
[Analyze grammar]

dhyāne te tāpasā vīkṣya tapo vihāya dudruvuḥ |
hanyatāmiti saṃbhāṣya kāṣṭhapāṣāṇayaṣṭayaḥ || 87 ||
[Analyze grammar]

nijaghnurvarṣmaṇi śaṃbhostatra trayastu mūrdhajāḥ |
vanaspatirmaharṣistu kāṣṭhamādāya satvaram || 88 ||
[Analyze grammar]

nabhaspatistu pāṣāṇaṃ samādāya tadā drutam |
saraspatistu saṃgṛhya loṣṭhasya dātrakaṃ drutam || 89 ||
[Analyze grammar]

liṅgaṃ śaṃbhorjāgrataṃ tatpātayāmāsurīśvarāḥ |
anye darbhaistathā yaṣṭyā nijaghnuḥ kaṭipārśvataḥ || 90 ||
[Analyze grammar]

liṅge tu patite śaṃbhustvantardhānaṃ jagāma ha |
satīṃ prāpya tadā tasthāvadṛśyaḥ śaṃkarastataḥ || 91 ||
[Analyze grammar]

liṅgaṃ tūtpatya tūtpatya jagatkṣobhaṃ cakāra ha |
brahmāṇḍaṃ kṣobhamāpannaṃ śrīśaṃbhurduḥkhito'bhavat || 92 ||
[Analyze grammar]

satī liṅgavihīnaṃ saṃvīkṣya śaśāpa tān dvijān |
vanaspatiḥ kāṣṭhabhāvaṃ nabhaspatiḥ śilātmatām || 93 ||
[Analyze grammar]

saraspatirdatrarūpaṃ prāpnuvantu hi nirdayāḥ |
mama patyustvaparāddhaṃ bhavadbhistvatiniṣṭhuram || 94 ||
[Analyze grammar]

tato yūyaṃ rākṣasāḥ svaliṅgahīnā bhavantvapi |
iti śaptāstrayaste hi pradhānāḥ ṛṣayo drutam || 95 ||
[Analyze grammar]

vanaspatiḥ sarjavṛkṣo'bhavattatra vanāntare |
kāmarūpadharaḥ kāṣṭharūpavān rākṣaso'pi saḥ || 96 ||
[Analyze grammar]

nabhaspatirbabhūvāpi śailo dāruvane tadā |
kāmarūpadharaḥ kṛṣṇaśilārūpo'pi rākṣasaḥ || 97 ||
[Analyze grammar]

saraspatistadā jāto datrayukto hi sūkaraḥ |
liṅgahīno rākṣasaḥ saḥ kāmarūpadharo'pi hi || 98 ||
[Analyze grammar]

trayaste rākṣasā jātā dārudrumavanāntare |
anye śaptā vālakhilyāḥ stabakāste jalopari || 99 ||
[Analyze grammar]

samūlā api nirgranthāḥ patramātrasamṛddhayaḥ |
aliṅgā jalavāsāste babhūvurjalamastake || 100 ||
[Analyze grammar]

apṛthvībhojanāḥ sarve brahmaputranadādiṣu |
vālakhilyāḥ stabakāste jalamātraprajīvinaḥ || 101 ||
[Analyze grammar]

śāpakāle duḥkhamagnā manasā tuṣṭuvuḥ satīm |
samuddhāro yathā'smākaṃ bhavettat saṃvidhīyatām || 102 ||
[Analyze grammar]

na vayaṃ vidmaḥ sadbhāvaṃ śaṃkarasya mahātmanaḥ |
aparāddhaṃ tato'smābhiḥ śāpānto no vidhīyatām || 103 ||
[Analyze grammar]

ṛṣipatnyastu rurudustuṣṭuvurmātaraṃ satīm |
tadā prāha satī kṛṣṇanārāyaṇapareśvaraḥ || 104 ||
[Analyze grammar]

saurāṣṭre paścimedeśe kambharāśrīsutaḥ prabhuḥ |
anādiśrīkṛṣṇanārāyaṇaḥ śrībhagavān hariḥ || 105 ||
[Analyze grammar]

vartate tasya yogena va uddhāro bhaviṣyati |
ṛṣīṇāṃ prasamuddhāraṃ sa prabhuḥ saṃkariṣyati || 106 ||
[Analyze grammar]

ityuktvā'dṛśyabhāvaṃ sā gatā suduḥkhitā satī |
atha ye ṛṣiputrādyā aparādhavivarjitāḥ || 107 ||
[Analyze grammar]

anye'pi carṣayastatra darśakā brāhmaṇādayaḥ |
te tu dṛṣṭvā mahākṣobhaṃ brahmāṇḍasya layapradam || 108 ||
[Analyze grammar]

brahmāṇaṃ sasmarustatra brahmāṇaṃ śaraṇaṃ yayuḥ |
devādyāḥ prārthayāmāsurliṃgavahnipraśāntaye || 109 ||
[Analyze grammar]

brahmaṇā bodhitāste ca brahmadharmaiḥ pṛthagvidhaiḥ |
tejasvinaṃ brahmaniṣṭhaṃ brahmarūpaṃ sanātanam || 110 ||
[Analyze grammar]

kāmadharmairabaddhaṃ te vijñāya grāmyadharmiṇam |
aparāddhaṃ kṛtavantastataḥ kṣobho mahānayam || 111 ||
[Analyze grammar]

liṃgapūjanadharmeṇa śāntimeṣyati nānyathā |
aho mugdhāḥ ṛṣayaste krodhasya vaśatāṃ gatāḥ || 112 ||
[Analyze grammar]

dehe cātmani yadbrahma niyataṃ nirmalaṃ ca tat |
tapasā karmaṇā vāpi śuddhahṛdo'pi cīyate || 113 ||
[Analyze grammar]

kāmakrodhādibhāvānāṃ niṣkāsanaṃ hi śuddhatā |
tanmanaḥ śodhayeddhīmān jñānayogamupakramaiḥ || 114 ||
[Analyze grammar]

śuddhimāpnoti puruṣaḥ saṃśuddhe yasya vai manaḥ |
ṛṣayaḥ krodhakāmābhyāmabhibhūtā''śrame sthitāḥ || 115 ||
[Analyze grammar]

kāmakrodhābhibhūtānāṃ yajño dānaṃ vṛṣastapaḥ |
vrataṃ kṛcchra dhṛtirdhyānaṃ sarvaṃ niṣphalatāṃ vrajet || 116 ||
[Analyze grammar]

tasmāt prayāntu tatsthānaṃ kāmakrodhau vihāya ca |
ārādhayantu taṃ devaṃ śaṃkaraṃ kāmabhāsinam || 117 ||
[Analyze grammar]

liṃgaṃ prapūjayantveva tataḥ śāntirbhaviṣyati |
ityuktāḥ prayayuḥ sarve liṅgaṃ pupūjurādarāt || 118 ||
[Analyze grammar]

yathāsthānaṃ ca tallagnaṃ saliṃgaḥ śaṃkaro'bhavat |
yatraitat patitaṃ tatra jyotirliṃgāni jajñire || 119 ||
[Analyze grammar]

dvādaśadhā tu tadbhinnaṃ divyaṃ mokṣapradaṃ hi tat |
ityeva śāntimāpede jagat sarvaṃ hi rādhike || 120 ||
[Analyze grammar]

atha te'pi trimunayaḥ śāpajā rākṣasāḥ khalu |
jātismarāḥ svamokṣorthe saurāṣṭraṃ tvāyayustataḥ || 121 ||
[Analyze grammar]

vanaspatiḥ kāṣṭharūpaḥ śakaṭātmā vyajāyata |
nabhaspatiḥ śilārūpaḥ parvataḥ samajāyata || 122 ||
[Analyze grammar]

saraspatirdantamāṃśca sūkaraḥ samajāyata |
hareḥ kṛṣṇasya yogena muktāḥ śāpāttadā'bhavan || 123 ||
[Analyze grammar]

astuvaṃste hariṃ divyāḥ ṛṣayo vai tapodhanāḥ |
śeṣarṣīṇāṃ tu sarveṣāmuddhārārthaṃ punaḥ punaḥ || 124 ||
[Analyze grammar]

tadā śrībhagavānāha yāntu tatrā'pyahaṃ śubham |
dāruvanaṃ samāgatyoddhārayiṣyāmi śāpataḥ || 125 ||
[Analyze grammar]

garuḍaṃ tu samāruhya bhagavān bālakṛṣṇakaḥ |
vālakhilyastambarūpānuddadhāra hariḥ svayam || 126 ||
[Analyze grammar]

sarve te dāruvanajāstapaḥ kurvanti rādhike |
tataḥ śāntārayaḥ sarve'bhavan ṛṣisvarūpiṇaḥ || 127 ||
[Analyze grammar]

tadvaṃśā vālakhilyāśca stambā bhavanti vāriṣu |
hariruddhārayitvā tān prāpya pūjanamādarāt || 128 ||
[Analyze grammar]

āyayau kuṃkumavāpīkṣetraṃ svaṃ garuḍānvitaḥ |
paṭhanācchravaṇād rādhe śāpapāpaṃ praśāmyati || 129 ||
[Analyze grammar]

āścaryaṃ bhaktiyukteṣu rākṣasatve hyupasthite |
dveṣabhāvena muktirvai devamāyā hi tādṛśī || 130 ||
[Analyze grammar]