Chapter 36

śrīkṛṣṇa uvāca |
athā'nyatte pravakṣyāmi camatkāraṃ hareḥ śṛṇu |
pañcame vatsare māghe gurorbalaṃ vilokya tu || 1 ||
[Analyze grammar]

gatvā śrīlomaśasyāgre bālakṛṣṇasya śobhanam |
pitā hi vidhivad vidyāraṃbhaṃ tenā'pyakārayat || 2 ||
[Analyze grammar]

lakṣmīṃ nārāyaṇaṃ sarasvatīṃ vedānapūjayat |
gaṇeśasyā'rcanaṃ kṛtvā ghṛtahomaṃ cakāra saḥ || 3 ||
[Analyze grammar]

viprān saṃbhojayāmāsa godānāni cakāra ca |
sarasvatī prasannā vai sākṣāttadā samāgatā || 4 ||
[Analyze grammar]

mayūrāsanaśobhāḍhyā haste vīṇāṃ nidhāya ca |
caturdaśasvarūpābhirvidyākanyābhirarcitā || 5 ||
[Analyze grammar]

sarvābhūṣaṇavastrālaṃkāraśobhāsamanvitā |
anādiśrīkṛṣṇanārāyaṇaṃ samarcya śāradā || 6 ||
[Analyze grammar]

bālakṛṣṇe'dṛśyabhāvamupāgatā hareḥ priyā |
tatastasyāstu yāḥ sakhyaḥ śrutayaḥ smṛtayastathā || 7 ||
[Analyze grammar]

ākhyāyikāśca kavitāstarkaśaktiśca kāṇḍikāḥ |
mimāṃsāśca samādhiśca viviktiśca kathāstathā || 8 ||
[Analyze grammar]

māntrikī tāntrikī cāpi yāntrikī bhautikī tathā |
kalāśca gaṇanāścāpi vinyāsāśca kriyāstathā || 9 ||
[Analyze grammar]

rāsāyanī kalpanā ca sāṃgrāmikīndrajālikā |
jyotirmayī ṛcaḥ sāmnī cātharvī ca yajurmayī || 10 ||
[Analyze grammar]

śābdī chāndasī nairuktī kārṣeyī lekhinī tathā |
sāmudrī vāyavī cāpi svāpnī mohinī śākunī || 11 ||
[Analyze grammar]

śārīrikī mānasī ca jaiveyī sāmarī tathā |
sañjīvanī ca vaivartī cārtavī dhātavī tathā || 12 ||
[Analyze grammar]

cikitsā'stramayī divyā saṃhāriṇī ca poṣaṇī |
śilpinī bhūstarī tattvaśodhinī khanimārgiṇī || 13 ||
[Analyze grammar]

vaidyatī bahubhavanī sīvanī garbhavedinī |
drāviṇī mūrchinī caivamādyā vidyāśca kanyakāḥ || 14 ||
[Analyze grammar]

dhāvalyakāntidhāriṇyaścampakābhāḥ kiśorikāḥ |
sarasvatīmanu kṛṣṇe viviśuḥ pratimātmikāḥ || 15 ||
[Analyze grammar]

evaṃ bāle gurodvārā vidyāprāptirabhūttadā |
tathāpi lokarītyaiva rekhā'bhyāsaṃ tadā'karot || 16 ||
[Analyze grammar]

akṣarāṇāṃ ca śabdānāmabhyāsaṃ ca tathā'karot |
vedaśāstrādividyānāṃ nidhānaṃ dṛśyate janaiḥ || 17 ||
[Analyze grammar]

atha tāḥ kanyakāḥ sarvāḥ sevante bahireva tam |
antarhitāstu vartante sevante cāntare sadā || 18 ||
[Analyze grammar]

prāvirbhūtāśca vartante sevante kāntameva tam |
śāradāyāstu tāḥ sakhyo vavrire śrīnarāyaṇam || 19 ||
[Analyze grammar]

anādiśrīkṛṣṇabālaṃ parameśaṃ patiṃ prabhum |
samūrtāstāḥ sadā nyūṣurlomaśasyāśrame śubhāḥ || 20 ||
[Analyze grammar]

kṛṣṇanārāyaṇasyaivā''jñayā vidyāḥ suśobhanāḥ |
nityaṃ bālaḥ prayātyevābhyasanārthaṃ guruṃ prati || 1 ||
[Analyze grammar]

lomaśastaṃ sadā prātaradhyāpayati sārthakam |
gṛhṇāti lokavat kṛṣṇo gurustutoṣa cāpyati || 22 ||
[Analyze grammar]

sevāṃ gṛhṇāti kanyāyāṃ tato yāti gṛhaṃ nijam |
athaikadā devaguruḥ samāyāllomaśāśramam || 23 ||
[Analyze grammar]

bālakṛṣṇo nanāmainaṃ bṛhaspatiṃ sureḍitam |
vṛhaspatistadā buddhiparīkṣārthaṃ hareḥ khalu || 24 ||
[Analyze grammar]

sannidhau lomaśasyaiva papraccha tarkasammitam |
guñjābhārasuvarṇasya kati mūlyaṃ bhaved vada || 25 ||
[Analyze grammar]

bālaḥ prāha sthiraṃ cet syād guñjaikamātramūlyakam |
yadi syān naikadhā nityaṃ krayavikrayayojitam || 26 ||
[Analyze grammar]

svatvāni parivartante yāvatsaṃkhyāni tatra tu |
tāvadguṇaṃ dadātyeva vastu bhinnaṃ vibhinnakam || 27 ||
[Analyze grammar]

lakṣavarṣaṃ koṭivarṣaṃ yāvaddhastagataṃ bhavet |
tāvadguṇaṃ bhavenmūlyaṃ tasmādanantamūlyakam || 28 ||
[Analyze grammar]

guñjāmātraṃ suvarṇaṃ tat tadeva parivartate |
tatkrītaṃ nūtanaṃ vastu nūtanaṃ nūtanaṃ milet || 29 ||
[Analyze grammar]

evamanantamūlyaṃ tat suvarṇaṃ mīyate guro |
śrutvaivaṃ cottaraṃ gurustutoṣa tārkikaṃ ca tam || 30 ||
[Analyze grammar]

āśīrbhiryojayāmāsa sarvajñaḥ sarvavid bhava |
kaumāraṃ pañcāmā'bdāntaṃ pūrṇaṃ bhavatu puṣṭidam || 31 ||
[Analyze grammar]

vidyodayayutaṃ stātte paugaṇḍaṃ daśamāvadhim |
kaiśoramāpañcadaśānmahodayaparaṃ tava || 32 ||
[Analyze grammar]

tataḥ paraṃ yauvanaṃ te tvanantānandabhṛd bhavet |
śāśvataṃ jīvanaṃ te'stu sanātanasvarūpatā || 33 ||
[Analyze grammar]

ityevamāśiṣo datvā prāpya pūjāṃ tadā kṛtām |
papraccha śrīhariṃ yāsyan varāṭakaṃ mahāsuram || 34 ||
[Analyze grammar]

paścimābdhitaṭasthaṃ ca tapantaṃ tapa uttamam |
ahiṃsantaṃ vadan satyaṃ vratamasteyamāsthitam || 39 ||
[Analyze grammar]

brahmacaryaparaṃ sarvaparigrahavivarjitam |
śocānvitaṃ ca santuṣṭaṃ svādhyāye ca rataṃ sadā || 36 ||
[Analyze grammar]

brahmaparaṃ samicchantaṃ rājyaṃ saurāṣṭrabhūmayam |
samudrotthaṃ sālamālāsuraputraṃ balādhikam || 37 ||
[Analyze grammar]

bhagavannatra saurāṣṭre paścimābdhitaṭāntike |
tapatyugraṃ rājyalabdhyai sālaputro varāṭakaḥ || 38 ||
[Analyze grammar]

pañcāgnīṃstapati grīṣme śiśire tiṣṭhate jale |
varṣāsveva tathā cāste vāyvāhāro nirantaram || 39 ||
[Analyze grammar]

śiro bhūmau cāmbare ca pādau kṛtvā divāniśam |
omitivyāharannāste rājyārthaṃ sa mahāsuraḥ || 40 ||
[Analyze grammar]

indreṇaitattapo jñātvā preṣito'haṃ vrajāmyataḥ |
upadekṣyāmi taṃ tādṛg yatastapo nivartate || 41 ||
[Analyze grammar]

upadeśaya māṃ tādṛk tannivṛttiryathā bhavet |
anādiśrīkṛṣṇanārāyaṇo'si parameśvaraḥ || 42 ||
[Analyze grammar]

devānāṃ rakṣakaścā'si daityānāṃ damanapradaḥ |
tadyathā devaśūlo'yaṃ rājyaṃ nā''sādayettathā || 43 ||
[Analyze grammar]

śādhi māṃ bhagavan gatvā kariṣyāmi ca tattathā |
śrutvaiva bhagavānāha śrīmatkṛṣṇanarāyaṇaḥ || 44 ||
[Analyze grammar]

icchāmyahaṃ ca daityasya taporodho yathā bhavet |
sāmnā daityo vāraṇīyo guro tadyogyabodhinā || 45 ||
[Analyze grammar]

kathayāmi daityadharmān daityajñānakriyādikam |
tvayā brāhmaṇarūpeṇa hyupadeśaḥ pradīyatām || 46 ||
[Analyze grammar]

prāyo daityā āsurāśca dānavā indriyatṛpāḥ |
dehātmavādamāśritya vartante kāmakārataḥ || 47 ||
[Analyze grammar]

daityānāṃ tu balaṃ dharmo yuddhātsampatsamarjanam |
prasahya haraṇaṃ kṛtvā svāyattīkaraṇaṃ tathā || 48 ||
[Analyze grammar]

parākramaṃ daityadharmastapo dharmo virāgiṇām |
tasmāttapasaḥ pracyāvya dehadharmānnibodhaya || 49 ||
[Analyze grammar]

devadharmavirodhaṃ ca nāstikyaṃ pāpaśūnyatām |
hiṃsanaṃ ca puraskṛtya daityadhamānnibodhaya || 50 ||
[Analyze grammar]

pratyakṣaṃ ca pramāṇaṃ vai paraloko na vidyate |
tapaḥphalaṃ sadā phalgu tathā taṃ vai nibodhaya || 51 ||
[Analyze grammar]

īśvaraḥ pakṣapātī ca devānāṃ hitakārakaḥ |
daitye kāpaṭyamādāya viruddho'stīti bodhaya || 52 ||
[Analyze grammar]

varadāne'pi rājye'pi cānte daityavināśakaḥ |
parameśaśca daityena ghātya eveti bodhaya || 53 ||
[Analyze grammar]

ityevaṃ ca samādiṣṭo gururvṛhaspatiḥ svayam |
natvā kṛṣṇaṃ hṛdi kṛtvā lomaśaṃ saṃpraṇamya ca || 54 ||
[Analyze grammar]

yayau varāṭakaṃ daityaṃ paścimā'bdhitaṭasthitam |
vipro bhūtvā'mbarādevā'vatatāra mahāmuniḥ || 55 ||
[Analyze grammar]

tejasā prajvalan saumyaḥ prasādena samanvitaḥ |
dhyānamagno'bhavad daityo bhūmiko'mbarapādavān || 56 ||
[Analyze grammar]

vipro vilokayāmāsa śraddhākaṣṭasahaṃ kṣaṇam |
tataḥ śanairjagādainaṃ varāṭaka prapaśya mām || 57 ||
[Analyze grammar]

tava kāmaprapūrtyarthaṃ samāgato'smi cā'mbarāt |
paśya varaya bhadra te kimicchasi vadā'dhunā || 58 ||
[Analyze grammar]

tvayi sarvaṃ balavati vartate paśya māṃ dvijam |
kimanena mahāghorakaṣṭadena tava priyam || 59 ||
[Analyze grammar]

kartavyaṃ tapasā taddhi yadasādhyaṃ balāt kila |
balasādhyaṃ balenaiva cāptavyaṃ baladharmiṇā || 60 ||
[Analyze grammar]

ityuktaḥ sa dvijaṃ dṛṣṭvā manasā praṇanāma ha |
uvāca vada me sarvaṃ dehi tathepsitaṃ varam || 61 ||
[Analyze grammar]

vṛhaspatistadā taṃ tu rādhike samabodhayat |
kimicchasi vada kaṣṭaṃ kathaṃ samuhyate nvidam || 62 ||
[Analyze grammar]

āgato'smi varaṃ dātuṃ brāhmaṇo'haṃ sanātanaḥ |
śrutvā varāṭakaḥ prāha svāgataṃ dvija te'stu vai || 63 ||
[Analyze grammar]

rājyārthaṃ tu karomyetattapaḥ paramadāruṇam |
śādhi māṃ pratapantaṃ ca varaṃ dehi tathāvidham || 64 ||
[Analyze grammar]

yathā saurāṣṭrarājyaṃ ca pravindāmi sukhapradam |
śrutvā bṛhaspatiḥ prāha śṛṇu daitya balī bhavān || 65 ||
[Analyze grammar]

kathaṃ kaṣṭaṃ hi sahase tapo dharmo virāgiṇām |
rājñāṃ dharmastu samaro nirbalānāṃ vṛṣastapaḥ || 66 ||
[Analyze grammar]

sabalastvaṃ tapastyaktvā samācara parākramam |
udyamena prasiddhyanti balināṃ vai manorathāḥ || 67 ||
[Analyze grammar]

tapasā nirbalānāṃ ca dharmeṇa yajvināṃ tathā |
sainyena tu nṛpāṇāṃ vai vidyayā viduṣāṃ tathā || 68 ||
[Analyze grammar]

rodanena tu bālānāṃ mohanena tu yoṣitām |
kṛcchreṇa tu parādhīnavṛttīnāṃ sevanādibhiḥ || 69 ||
[Analyze grammar]

prāyopaveśanenaiva prajānāṃ nṛpatiṃ prati |
śatrūṇāṃ ghātanenaiva siddhirbhavati vai dviṣām || 70 ||
[Analyze grammar]

evaṃ sarvaṃ samālokya yatnaṃ tvaṃ balavān kuru |
anyaḥ kaścitpradātā me tapaseti matiṃ tyaja || 71 ||
[Analyze grammar]

bhūtvā vai balināṃ śreṣṭhaḥ kṛcchraṃ sahase yadvṛthā |
śarīraṃ balahīnaṃ syād bhogayogyaṃ na vai bhavet || 72 ||
[Analyze grammar]

paradattaṃ prabhuñjānaḥ praśasyate na sarvathā |
kṣudhayā tvindriyagrāmaḥ śaithilyaṃ vindati drutam || 73 ||
[Analyze grammar]

vārdhakyaṃ jāyate śīghraṃ yadvā nāśo'pi jāyate |
tasmāt kṣudhāṃ parityajya dehapuṣṭiṃ vidhatsva vai || 74 ||
[Analyze grammar]

puṣṭireva paro dharmo bhogā mokṣaḥ paro'tra vai |
ānandaḥ sukhavaipulyaṃ svargaṃ vai jīvataḥ smṛtaḥ || 75 ||
[Analyze grammar]

bhogahīnaṃ gataṃ cāyurdinaṃ vā vyarthameva tat |
dehanāśe kathaṃ saukhyaṃ vigataṃ na hi lābhakṛt || 76 ||
[Analyze grammar]

mṛtyuttaraṃ na cāyāti vāṅmātrakalpitaṃ phalam |
anena yanna vai dṛṣṭaṃ pareṇa dṛśyate katham || 77 ||
[Analyze grammar]

atra yogye'pi bhuktaṃ na cāyoge bhujyate katham |
grahakāle parityāgaṃ mūrkho mukhyaṃ samīhate || 78 ||
[Analyze grammar]

śarīraṃ cendriyaṃ jīvamanādṛtya svakaṃ sukham |
kaṣṭaṃ sahate pāpātmā svaghātī sa tu gīyate || 79 ||
[Analyze grammar]

sukhaghātaścātmaghāto narakaṃ duḥkhavedanam |
narakaṃ tvaṃ parityajya nivartasvātmaghātanāt || 80 ||
[Analyze grammar]

kenā'yaṃ dorakaste'tra pragrāhitastapomayaḥ |
ātmahiṃsāmayo vyarthaḥ pāpodvegā'dyaśevadhiḥ || 81 ||
[Analyze grammar]

dehinā dehasaṃsṛṣṭaṃ mantavyaṃ satyameva ca |
dehasaṃsargahīnaṃ tu sarvamasatyameva yat || 82 ||
[Analyze grammar]

rāgotsavāśca bhogāśca dehe satyeva santi hi |
bhogābhāvastapastattu jaraṭhānāṃ svabhāvajam || 83 ||
[Analyze grammar]

balena prāpyate lakṣmīḥ pṛthvī yuddhena cāpyate |
bhāgyena cāpyate nārī sampadudyamato matā || 84 ||
[Analyze grammar]

janmato maraṇāntaṃ ca jīvanaṃ na punarbhavaḥ |
dṛṣṭaḥ kenāpi tasmāt tvaṃ tapo hitvā sukhaṃ vraja || 85 ||
[Analyze grammar]

janmato jīva ityukto maraṇe mokṣa ucyate |
dvayormadhye sukhaṃ svargaṃ dehaścātmāśrayo mataḥ || 86 ||
[Analyze grammar]

vividhā viṣayāstatra bhoktavyā nityadā'sura |
vinā bhogaṃ gataṃ cā'hastadeva hānikārakam || 87 ||
[Analyze grammar]

gataṃ tattu gataṃ naitat punarāyāsyati kvacit |
abhuktaṃ ca gataṃ dāne gataṃ tad viphalaṃ nijam || 88 ||
[Analyze grammar]

nijasaukhyapradaṃ yattatsaphalaṃ svasya saukhyadam |
na karoti svayaṃ yatnaḥ ko'nyastasmai pradāsyati || 89 ||
[Analyze grammar]

tasmāduttiṣṭha dukhāttvaṃ yatnaṃ kuru varāṭaka |
puṇyaṃ tu sukhadaṃ karma bhogātmakaṃ ca tanmatam || 90 ||
[Analyze grammar]

kuru karma sukhadaṃ vai mā tapo duḥkhadaṃ kuru |
prasuptasya mukhe naiva kavalaṃ jāyate svataḥ || 91 ||
[Analyze grammar]

prayatasya kare'vaśyaṃ samāyāti dhanādikam |
nahi kaścitphaladātā na ca kaścitpareśvaraḥ || 92 ||
[Analyze grammar]

ātmano na paraḥ kaścit kaṃ paraṃ tvaṃ pratīkṣase |
tyaja sarvaṃ cendrajālaṃ kuru sannāhamulbaṇam || 93 ||
[Analyze grammar]

bahusainyānvito bhūtvā svāyattīkuru medinīm |
ko nijaḥ kaḥ paraśceti yadbhogyaṃ tannijaṃ matam || 94 ||
[Analyze grammar]

yadabhogyaṃ paraṃ tattu tad balādarjayed budhaḥ |
abhyudaye'nukūlā ye te dharmā vastuto matāḥ || 986 ||
[Analyze grammar]

tatra ye pratikūlāste parihāryāḥ prayatnataḥ |
anukūlān daityavaryān saṃgṛhya rājyamarjaya || 96 ||
[Analyze grammar]

sukhaṃ bhukṣva paraṃ śreṣṭhaṃ daityāṃśca sukhinaḥ kuru |
yadi te rocate vākyaṃ damanaṃ daitya cintaya || 97 ||
[Analyze grammar]

śukrācāryaṃ tathā cānyān militvā balamāpya ca |
īśamanyān vijayasva dānavīyaṃ vṛṣaṃ cara || 98 ||
[Analyze grammar]

mṛṣā pūjā mṛṣā dhyānaṃ saṃyamo'pi mṛṣaiva ca |
mṛṣā vrataṃ mṛṣā pāpaṃ mṛṣā svānupayogi ca || 99 ||
[Analyze grammar]

mṛṣā ceśo mṛṣā cā''sthā mṛte sarvaṃ mṛṣā mṛṣā |
mṛṣā cā''śā niṣphalā yā mṛṣā vāṇī hyanarthikā || 100 ||
[Analyze grammar]

mṛṣā balaṃ vinā śauryaṃ mṛṣā śauryaṃ vinā matim |
mṛṣā matirduḥkhaphalā mṛṣā sarvaṃ napuṃsake || 101 ||
[Analyze grammar]

yadi cettvaṃ pumānāsse maitanmṛṣā'nugo bhava |
yatnasādhyaṃ kuru śīghraṃ mā mṛṣā madvacaḥ kuru || 102 ||
[Analyze grammar]

pipīlikāśca kīṭāśca yatante ṛtumāśritāḥ |
kaṇān saṃgṛhya balato bhuñjate śītapīḍitāḥ || 103 ||
[Analyze grammar]

siṃhā vikramamāsādya labdhvā vanyagajādikam |
balena bhuñjate medaṃ medinīṃ bhuṃkṣva tattathā || 104 ||
[Analyze grammar]

bhūmirnārī ca sampacca yatnaṃ vinā na labhyate |
yaśaḥ śaucaṃ sādhutā ca tapo vinā na labhyate || 105 ||
[Analyze grammar]

anyasādhanata tattvaṃ sādhanāntarato na vai |
vicārya tvaṃ yatheṣṭaṃ vai kuru dānavapuṃgava || 106 ||
[Analyze grammar]

haṃsā mānasarastyaktvā samudraṃ yānti yatnataḥ |
mauktikānāṃ bhojanāni labhante ca viyanti ca || 107 ||
[Analyze grammar]

kākā api paryuṣitaṃ labhante yatnanoditāḥ |
nīḍe gatā nāpnuvanti cālasā iva mānavāḥ || 108 ||
[Analyze grammar]

karṣukā yatamānāstu labhante sasyajaṃ phalam |
nahi tattapasā labhyamannaṃ rājyaṃ ca kāmanā || 109 ||
[Analyze grammar]

mukhe dhṛtaṃ ghṛtaṃ miṣṭarasaṃ puṣṭiṃ dadāti hi |
nahi vahnau ghṛta tṛptiṃ dadāti bhasmatāṃ gatam || 110 ||
[Analyze grammar]

tvaṃ kathaṃ yauvanaṃ vīryaṃ balaṃ śūnye juhoṣi vai |
kiṃ phalaṃ lapsyase tatra coṣare tapaātmani || 111 ||
[Analyze grammar]

tasmāduttiṣṭha vijñānaṃ mayā dattamupāśraya |
dharmaṃ dānavavaryāṇāṃ gṛhāṇa tyaja rogiṇām || 112 ||
[Analyze grammar]

ityukto dānavastena guruṇā rādhike kṣaṇam |
vicārya ca tapastyaktvā kṛtārtho'smītyabhāṣata || 113 ||
[Analyze grammar]

yadahaṃ bodhitaḥ satye nirāśāparipanthini |
varaṃ dehi yathāhaṃ syāṃ bhūbhṛt tathā kṛpāṃ kuru || 114 ||
[Analyze grammar]

tathā'stviti guruḥ prāha tapastatyāja dānava |
vipro bṛhaspatistuṣṭastaporodhanasatphalaḥ || 115 ||
[Analyze grammar]

jagāda dānavairyuktaḥ samārabhasva medinīm |
svāyattīkartumevā'smāt sthānād rājyaṃ yathā bhavet || 116 ||
[Analyze grammar]

śubhaṃ bhūyācca sarveṣāṃ tava bhūyād yatheṣṭakam |
mama varānusāreṇa bhūbhṛttvaṃ te bhaviṣyati || 117 ||
[Analyze grammar]

ityuktvā prayayau vipraḥ pūjāṃ nītvā divaṃ prati |
varāṭako'pi daityendrān saṃgṛhya mantraṇāṃ vyadhāt || 118 ||
[Analyze grammar]

iti śrīlakṣmīnārāyaṇīyasaṃhitāyāṃ dvitīye tretāsantāne prabhorvidyārambhe sarvavidyāprāptiḥ buddhiparīkṣā bṛhaspatikṛto varāṭakadaityāya yatnaśīlatopadeśaḥ daityasya tapastyāgaścetyādinirūpaṇanāmā ṣaṭtriṃśo'dhyāyaḥ || 36 ||
[Analyze grammar]