Chapter 30

śrīkṛṣṇa uvāca |
śrūyatāṃ rādhike vṛttaṃ tatratyaṃ prātarāgate |
yajjātaṃ tadvadāmyatra kṛṣṇanārāyaṇasya te || 1 ||
[Analyze grammar]

śāvadīno nṛpa udghoṣayāmāsa prajājane |
putrārthaṃ balidānārthaṃ bālaḥ prāptaḥ sulakṣaṇaḥ || 2 ||
[Analyze grammar]

kare mīnadhvajadhanuḥśūlacakrādirekhitaḥ |
māghyāṃ ca pūrṇimāyāṃ ca balidānaṃ bhaviṣyati || 3 ||
[Analyze grammar]

pañcadaśadinānyatra vartante śuklapakṣake |
pratipattaḥ samārabhya nityaṃ devīprapūjanam || 4 ||
[Analyze grammar]

kartavyaṃ putrakāṃkṣārthijanairnityaṃ mahotsavam |
śvaḥ pratipaddine prātarbālamādāya mandiram || 5 ||
[Analyze grammar]

ahaṃ rājā gamiṣyāmi devyagre guruṇā saha |
apākasya ca bālasya devyagre pākatāṃ guruḥ || 6 ||
[Analyze grammar]

mlecchakāṇḍairmadyadānaiḥ surāsaṃskārakaistathā |
kariṣyati vidhānena bālo devīpaśustataḥ || 7 ||
[Analyze grammar]

prajāyate devarūpastasya sevā janaiḥ sadā |
bhojanaiḥ sevanairvastrairjalaiḥ pānaiḥ pramardanaiḥ || 8 ||
[Analyze grammar]

yānakhelanakrīḍābhiḥ kartavyā sarvamānavaiḥ |
bālārcane mahādevī prasannā saṃbhaviṣyati || 9 ||
[Analyze grammar]

tasmāt paśuḥ pūjanīyo dānamānā'rhaṇādibhiḥ |
evamudghoṣitaṃ rājñā prajāsvaprasarat kṣaṇāt || 10 ||
[Analyze grammar]

prātaḥ pratipadi kṣmeśaḥ snātvā sainyena śobhitaḥ |
sotsavo bālamādāya svāṃke devīgṛhaṃ yayau || 11 ||
[Analyze grammar]

mlecchamantraistu guruṇā bālo devīpaśuḥ kṛtaḥ |
saṃskṛtaḥ pūjitaścāpi mahānmahotsavaḥ kṛtaḥ || 12 ||
[Analyze grammar]

śāvadīnā mahākālī dṛṣṭvā śrīpuruṣottamam |
lajjāmavāpa śīghraṃ sā mūrterdūraṃ gatā'bhavat || 13 ||
[Analyze grammar]

śuśoca paramaṃ devī sarvān hantuṃ samicchati |
kintu kṛṣṇasya kartavyaṃ pālanīyaṃ bhavediti || 14 ||
[Analyze grammar]

vicāryā''jñāṃ vinā naiva kiṃcit kartuṃ samicchati |
iti maunā'bhavaddevī yāvatpūjā nivartitā || 15 ||
[Analyze grammar]

atha dānāni bahūni rājā prādānmahotsave |
bālakṛṣṇo'pi paravat pāravaśyo'bhavattadā || 16 ||
[Analyze grammar]

prākṛto bālasadṛśo bālo'bhavannijecchayā |
devīgṛhe dṛṣṭisaudhe rakṣito niśi kevalaiḥ || 17 ||
[Analyze grammar]

bālakaiḥ kanyakābhiśca saha tatra prasannahṛt |
bhavet tathā sevyate ca sarvairapyupacārakaiḥ || 18 ||
[Analyze grammar]

ardharātre gate sarve nidrāmāpustataḥ satī |
śāvadīnā mahākālī śrīhareḥ sannidhau śubhā || 19 ||
[Analyze grammar]

kanyā bhūtvā cājagāma vepamānā ca kiṃkarī |
pādayormastakaṃ dhṛtvā vimuñcyā'śrūṇi jihvayā || 20 ||
[Analyze grammar]

pravilihya hareḥ pādau kṣamasveti jagāda sā |
neme muhustathā''jñāṃ cārthayāmāsa harerhi sā || 21 ||
[Analyze grammar]

nāthā'parādhinaścaite rājādyāḥ putralālasāḥ |
hantavyāste mayā sarve dehyājñāṃ me karoti tat || 22 ||
[Analyze grammar]

yatidīno gurustasya śāvadīnaśca bhūpatiḥ |
kāsadīnaśca saurāṣṭrasarovārṣvavamārgakaḥ || 23 ||
[Analyze grammar]

mlecchāśca siddhayatayo hantavyāste mayā prabho |
anye'pi cet sahāyasthā hantavyāste mayā'tra vai || 24 ||
[Analyze grammar]

omityāha haristasyai śāvakālyai pumuttamaḥ |
khaḍgaṃ bhallaṃ tathā śaktiṃ paraśuṃ pāśamityapi || 25 ||
[Analyze grammar]

daṇḍaṃ vajraṃ carmāsiṃ mudgaraṃ gadāṃ triśūlakam |
aṃkuśaṃ mūśalaṃ cakraṃ saśaraṃ dhanuṣaṃ tathā || 26 ||
[Analyze grammar]

śaṃkhaṃ ceti tadā hetīnaṣṭādaśakareṣu sā |
dhṛtvā prātarnṛpagehe praviveśa ruṣānvitā || 27 ||
[Analyze grammar]

kesaristhā krūrarūpā vahninetrā viṣolbaṇā |
nṛpaṃ jagrāha keśeṣu śiraściccheda cāsinā || 28 ||
[Analyze grammar]

guruṃ dvedhā vibhidyaiva śūlena ca tataḥ param |
hatvā kāsaṃ siddhayatīn mlecchāṃśca tatsahāyadān || 29 ||
[Analyze grammar]

kārāgṛhapatīn hatvā mocayāmāsa bālakān |
hāhākāro mahānāsīdantaḥpurajaneṣu vai || 30 ||
[Analyze grammar]

kupitā rājapūjyā sā kuladevīti vai jaguḥ |
nāśayāmāsa rājānaṃ guruṃ yatīn tathā'parān || 31 ||
[Analyze grammar]

bālānāṃ vadhapūrvaṃ vai pāpaṃ rājñaḥ samāgatam |
bālā naiva kadācidvai pīḍanīyā yato janaiḥ || 32 ||
[Analyze grammar]

bālatrāsapradātṝṇāṃ sarvanāśo bhavediha |
bālā nirdoṣapuṣpāṇi na hantavyāni vai hṛdā || 33 ||
[Analyze grammar]

bālā īśanivāsāste jvālanīyā na vai kvacit |
kāyādidoṣahīnāste brahmasādhusvarūpiṇaḥ || 34 ||
[Analyze grammar]

arcanīyā rañjanīyāstoṣaṇīyā hi bālakāḥ |
dātavyaṃ bhojanaṃ teṣāṃ sarvadā'bhayadānakam || 35 ||
[Analyze grammar]

dātavyastvāśrayasteṣāṃ mā dātavyaṃ mṛterbhayam |
apakvaphalarūpāste parādhīnaprajīvanāḥ || 36 ||
[Analyze grammar]

mātāpitṛsamādhārā na hantavyāḥ kadācana |
bālodvegaphalaṃ tatra maraṇaṃ jāyate hi tat || 37 ||
[Analyze grammar]

udvejayitā bālānāmapahartā jano'dhamaḥ |
rājā'vāpa phalaṃ tūrṇaṃ maraṇaṃ dharmaghātakaḥ || 38 ||
[Analyze grammar]

atha kesaripṛṣṭhasthā yayau bālagṛhāṇi sā |
yatra kārāgṛhavāse te hi tiṣṭhanti bālakāḥ || 39 ||
[Analyze grammar]

yatrāste garuḍaścakraṃ tathā kṛṣṇanarāyaṇaḥ |
tatreyaṃ sahasā yātā yuddharūpadharā satī || 40 ||
[Analyze grammar]

krauryaṃ tyaktvā'tisaumyā'bhūd dvibhujā kanyakā śubhā |
hasamānā ca tān bālānāha paśyata māṃ prati || 41 ||
[Analyze grammar]

bālaistvālokitā sā'pi svasvamātṛsvarūpiṇī |
drāgeva tadgalaṃ dhṛtvā remire'ṅke hi bālakāḥ || 42 ||
[Analyze grammar]

ati prasannatāṃ prāptā menire rakṣaṇaṃ nijam |
atha sā bālakṛṣṇaṃ vai neme kṣamāmayācata || 43 ||
[Analyze grammar]

payaḥ phalāni pradadau sarvabālebhya aiśvarī |
arbhakā bhakṣayāmāsurbabhūvuḥ sukhinastathā || 44 ||
[Analyze grammar]

atha śmaśānayātrāṃ ca prajāścakrurnṛpasya vai |
rājñastu vidhavāḥ sarvā devīmāgatya cukruśuḥ || 45 ||
[Analyze grammar]

kanyāstā ruruduḥ sarvā gurvādīnāmapi striyaḥ |
devī mūrtervinirgatya kanyārūpā vyajāyata || 46 ||
[Analyze grammar]

sākṣād bhūtā hi sarvāsāmuvāca madhuraṃ vacaḥ |
mā śokaṃ kuruta śreṣṭhāḥ rājñā prāptaṃ phalaṃ nijam || 47 ||
[Analyze grammar]

ahaṃ bhavāmi yatpatnī taṃ rājā hantumudyataḥ |
anādiśrīkṛṣṇanārāyaṇaḥ kānto'sti me prabhuḥ || 48 ||
[Analyze grammar]

mīnadhvajadhanuḥśūlacakradhārī janārdanaḥ |
bālarūpo bhavatyeva kārāgāragato'tra saḥ || 49 ||
[Analyze grammar]

me patirmatpaśuḥ rājñā kṛtaḥ putre hayā'pi tu |
tatphalaṃ maraṇaṃ tasya mayā dattaṃ mahāghine || 50 ||
[Analyze grammar]

bhavatīnāṃ mahāśreyo bhaviṣyati harikṛtam |
anādiśrīkṛṣṇanārāyaṇaṃ stuvantu muktaye || 51 ||
[Analyze grammar]

ityuktā rādhike sarvā yayurnārāyaṇaṃ prati |
tuṣṭuvuḥ parayā prītyā pāpamokṣaṇahetave || 52 ||
[Analyze grammar]

haristābhyo nijaṃ rūpaṃ darśayāmāsa dhāmagam |
pārśve lakṣmī svarūpā ca śāvadīnāṃ satīṃ priyām || 53 ||
[Analyze grammar]

garuḍaṃ bālakaṃ cāpi cakraṃ sudarśanaṃ tathā |
tato vai darśayāmāsa cāśvapaṭṭasarovaram || 54 ||
[Analyze grammar]

kuṃkumavāpikākṣetraṃ lomaśasyāśramaṃ tathā |
koṭyarbujā'bjakanyāśca divyatāṃ pārameśvarīm || 55 ||
[Analyze grammar]

dṛṣṭvā''ścaryaṃ paraṃ prāptā mātaraḥ kanyakāstathā |
yayācire varaṃ śīghramasmākaṃ tvaṃ patirbhava || 56 ||
[Analyze grammar]

atha kṛṣṇastu sarvābhyo yatheṣṭaṃ vai varaṃ dadau |
garuḍaṃ prāha yāsyāmaḥ śrīmadbadarikāvanam || 57 ||
[Analyze grammar]

sudarśanaṃ saha nītvā garuḍastho haristadā |
sasmāra divyayānaṃ ca yojanāyatamujjvalam || 58 ||
[Analyze grammar]

sauvarṇaṃ nijadhāmasthaṃ śīghraṃ copasthitaṃ hi tat |
sapārṣade vimāne ca sarvāḥ strīḥ kanyakāstathā || 59 ||
[Analyze grammar]

śāvadīnāṃ mahākālīṃ niṣādya śrīhariḥ svayam |
prātaḥ rājamukuṭaṃ ca bhaktaṃ jallāuddīnakam || 60 ||
[Analyze grammar]

tṛtīyāṃ cārpayitvā vyomnā badryāśramaṃ yayau |
gaṃgāyāṃ snāpayitvā ca dehaśuddhiṃ vidhāya ca || 61 ||
[Analyze grammar]

sarvābhyaḥ pāyayāmāsa śrīhareścaraṇāmṛtam |
naranārāyaṇapūjāṃ kārayitvā tato hariḥ || 62 ||
[Analyze grammar]

kurukṣetraṃ tvāyayau ca daśakrośaviśālakam |
pāvanaṃ paramaṃ śreṣṭhaṃ himādreḥ pādamāśritam || 63 ||
[Analyze grammar]

śrīrādhikovāca |
kurukṣetraṃ kadā kena kṛtaṃ tad vistarād vada |
kathaṃ vai pāvanaṃ taddhi praśastaṃ gaṇyate sadā || 64 ||
[Analyze grammar]

śrīkṛṣṇa uvāca |
somavaṃśodbhavo rājā ṛkṣo nāma mahābalaḥ |
kṛtasyādau samabhavad ṛkṣātsaṃvaraṇo'bhavat || 65 ||
[Analyze grammar]

sa tu pitrā nije rājye'bhiṣikto bāla eva saḥ |
bālye'pi dharmanirato madbhaktaḥ sa sadā'bhavat || 66 ||
[Analyze grammar]

purohitastu tasyā''sīd vasiṣṭho varuṇātmajaḥ |
sa taṃ tvadhyāpayāmāsa sāṃgānvedānudāradhīḥ || 67 ||
[Analyze grammar]

anadhyāye dine rājā yayau vanāni vīkṣitum |
vaibhrājaṃ suvanaṃ ramyaṃ viveśa bahuvistaram || 68 ||
[Analyze grammar]

dvaitavanaṃ viveśā'sau ruḍrāgau dvau gatau yataḥ |
sa vanāntaṃ dadarśā'tha phullakokanadāvṛtam || 69 ||
[Analyze grammar]

tatra dadarśa devānāṃ kanyakāstāsu madhyagām |
sūryaputrīṃ tapatīṃ sa dadarśa sarvato'dhikām || 70 ||
[Analyze grammar]

tatra lagnamanā rājā yayau meruṃ prati prabhuḥ |
pratiṣṭhānapuraṃ ramyaṃ tiṣṭhatyeva ca tāṃ smaran || 71 ||
[Analyze grammar]

yadā nā'yaṃ gṛhaṃ pratyāyātastathā purohitaḥ |
jñātvā taṃ merusaṃsthaṃ ca tapatīlagnamānasam || 72 ||
[Analyze grammar]

samutpatya vasiṣṭhaḥ prāyayau bhāskaramaṇḍalam |
nanāma bhāskaraṃ sūryo nanāmainaṃ pupūja ca || 73 ||
[Analyze grammar]

papracchā''gamane hetumṛṣiḥ sūryamuvāca ha |
samāyāto'smi deveśa yācituṃ tvāṃ mahādyute || 74 ||
[Analyze grammar]

sutāṃ saṃvaraṇasyārthe tvaṃ tāpīṃ dātumarhasi |
tāpīṃ pṛṣṭvā tataḥ sūryo dadau tāpīṃ jaharṣa ca || 75 ||
[Analyze grammar]

ṛṣirnītvā rājyamāyāt samvaraṇo'pi cāyayau |
taṃ dṛṣṭvā cakame tāpī tasmai maharṣiṇā'rpitā || 76 ||
[Analyze grammar]

tasyāṃ putro'bhavat kāle kururnāmnā sa vai kṛtaḥ |
ṣoḍaśābdaḥ samuvāha sudāmno nṛpateḥ sutām || 77 ||
[Analyze grammar]

kīrtināmne dhuraṃ datvā rājyasya vanamāviśat |
saudāmnyā saha patnyā vai tepe dvaitavane nṛpaḥ || 78 ||
[Analyze grammar]

tatra devīṃ harijihvāṃ sa dadarśa sarasvatīm |
sudarśanasya jananīṃ brahmaputrīṃ ca plakṣajām || 79 ||
[Analyze grammar]

snātvā tatra jalaṃ pītvā brahmavedīmupāyayau |
uttarā sā brahmavedirucyate yajñabhūmikā || 80 ||
[Analyze grammar]

madhyamā brahmavedistu prayāgarāja ucyate |
prāgvedikā gayāvedirvirajā dakṣiṇā tu vai || 81 ||
[Analyze grammar]

pratīcī puṣkarā vedistribhiḥ kuṇḍairalaṃkṛtā |
syamantapañcakaṃ dharmasthānaṃ cottaravedikā || 82 ||
[Analyze grammar]

āsamantād yojanāni pañca pañca ca sarvataḥ |
tadamanyata rājarṣiḥ kṣetraṃ puṇyaṃ mahāphalam || 83 ||
[Analyze grammar]

hradaṃ kṛtvā parṇaśālāṃ vidhāya vāsamācarat |
kṛtvā sīraṃ rudravṛṣaṃ yamasya mahiṣaṃ tathā || 84 ||
[Analyze grammar]

voḍhāraṃ saṃvidhāyaiva svayaṃ kṛṣṭuṃ samudyataḥ |
karṣantaṃ taṃ mahendraścāgatya papraccha kāraṇam || 85 ||
[Analyze grammar]

rājan kimidaṃ kārṣeyaṃ bhavān kartumihodyataḥ |
rājā'bravīt tapaḥ satyaṃ śaucaṃ dānaṃ dayā kṣamā || 86 ||
[Analyze grammar]

yogaśca śīlavṛttiścetyaṣṭakaṃ cātra vidyate |
indraḥ prāha tathā rājan bhūyāttavā'bhivāñcchitam || 87 ||
[Analyze grammar]

indre gate tu rājā'sau karṣati sma nirantaram |
saptakrośādhikāṃ bhūmiṃ sīrakṛṣṭāṃ cakāra saḥ || 88 ||
[Analyze grammar]

tato'haṃ rādhike vipro bhūtvā'gacchaṃ nṛpāntikam |
apṛcchaṃ ca tvayā rājan kathaṃ vai kleśa uhyate || 89 ||
[Analyze grammar]

tadā'ṣṭāṃgo mahādharmaḥ samākhyāto nṛpeṇa me |
tato mayā'sya gaditaṃ nṛpa bījaṃ kva vartate || 90 ||
[Analyze grammar]

sa cā''ha mama dehe'tra mānasaṃ bījamasti hi |
tamabruvaṃ dehi mahyaṃ bījaṃ niṣkāsya dehataḥ || 91 ||
[Analyze grammar]

vāṭikāṃ khalu vapsyāmi sīraṃ karṣatu vai bhavān |
tato nṛpatinā bāhurdakṣiṇaḥ prasṛtaḥ kṛtaḥ || 92 ||
[Analyze grammar]

mayā cakreṇa chinnaḥ so'bhavattatra sahasradhā |
evaṃ vāmabhujaḥ pādau kaṭitaśca dvidhā kṛtāḥ || 93 ||
[Analyze grammar]

tāni bījāni jātāni koṭyadhikāni sarvataḥ |
atha sa me śiraḥ prādāt tena prīto'smi tasya ca || 94 ||
[Analyze grammar]

varado'smītyathetyukte kururvaramayācata |
yāvadetanmayā kṛṣṭaṃ dharmakṣetraṃ tadastu te || 95 ||
[Analyze grammar]

snātānāṃ ca mṛtānāṃ ca mahāpuṇyaphalaṃ tviha |
upavāsaśca dānaṃ ca snānaṃ jāpyaṃ ca pūjanam || 96 ||
[Analyze grammar]

homayajñādikaṃ sarvamatrā'kṣayaṃ bhavet prabho |
tathā bhavān suraiḥ sārdhaṃ brahmaṇā śaṃbhunā tathā || 97 ||
[Analyze grammar]

vasā'tra puṇḍarīkākṣa mannāmavyañjake'tra vai |
ityevamuktastenā'haṃ tadā bāḍhamuvāca tam || 18 ||
[Analyze grammar]

tathā ca tvaṃ divyavapurbhava bhūyo'pi svastimān |
antakāle cirakāle layameṣyasi mattanau || 99 ||
[Analyze grammar]

śāśvatī tava kīrtiśca bhaviṣyati madāśrayāt |
atra tvaṃ yājako yajñān yajiṣyase sahasraśaḥ || 100 ||
[Analyze grammar]

kṣetrasya rakṣakān candrayakṣaṃ pannagavāsukim |
vidyādharaṃ śaṃkukarṇaṃ sukeśaṃ rākṣasaṃ tathā || 101 ||
[Analyze grammar]

ajāvanaṃ ca nṛpatiṃ mahādevaṃ ca pāvakam |
dadāmi te'tra balino'ṣṭasahasrāṇi dhanvinām || 102 ||
[Analyze grammar]

kurujāṃgalamadhye ca pṛthūdakaṃ saro mahat |
nadī sarasvatī cāpi vartate pāvanī śubhā || 103 ||
[Analyze grammar]

sarasvatīdṛṣadvatyorantare kurujāṃgale |
brahmasaraḥ śubhaṃ tīrthaṃ samantādardhayojanam || 104 ||
[Analyze grammar]

ādyaiṣā brahmaṇo vedistato rāmahradaḥ smṛtaḥ |
kurukṣetraṃ tataḥ proktaṃ dharmakṣetraṃ hi pāvanam || 105 ||
[Analyze grammar]

tarantukārantukayorantaraṃ yattu vidyate |
rāmahradapañcakācca yadantaraṃ hi vidyate || 106 ||
[Analyze grammar]

kurukṣetraṃ viśālaṃ tat samantapañcakā''hvayam |
tatrā'nādikṛṣṇanārāyaṇo vyomnā samāyayau || 107 ||
[Analyze grammar]

sarasvatyāṃ dṛṣadvatyāṃ brahmasarasi yoṣitaḥ |
snāpayitvā ca yānena kṣaṇamātreṇa rādhike || 108 ||
[Analyze grammar]

aśvapaṭṭasaraḥkṣetre lomaśāśramamāyayau |
bālakāḥ kanyakā nāryo devī ca garuḍo hariḥ || 109 ||
[Analyze grammar]

avateruḥ kṣitiṃ tatra jayaśabdāstadā'bhavan |
avādyanta ca vādyāni devīśaṃkho'pyavādyata || 110 ||
[Analyze grammar]

lomaśādyā ṛṣayaśca prajāḥ śīghraṃ samāyayuḥ |
ābhāṣya maṃgalācāramakurvan brāhmaṇādayaḥ || 111 ||
[Analyze grammar]

sasnuḥ sarovare bhuktavanto bhojyāni sarvaśaḥ |
ārāmaṃ kṛtavantaśca pravāsādāgamaśramāḥ || 112 ||
[Analyze grammar]

jayotsavaḥ kṛto rātrau rājño nāśaḥ pravarṇitaḥ |
bālakā nijapitṛbhyaścārpitā hariṇā tadā || 113 ||
[Analyze grammar]

kanyakā yoṣitaḥ sarvā lomaśāya niveditāḥ |
āśrame rakṣaṇārthaṃ ca mantradānārthamityapi || 114 ||
[Analyze grammar]

lomaśaśca pavitrābhyo dadau matraṃ ca mālikāḥ |
oṃ namaḥ śrīkṛṣṇanārāyaṇāya pataye svāhā || 115 ||
[Analyze grammar]

vaiṣṇavyastā divyarūpā abhavan brahmatejasā |
mātarastā bhajanaṃ ca cakruḥ kṛṣṇakṛpāvaśāt || 116 ||
[Analyze grammar]

divyadehā vimānaiśca yayurvaikuṇṭhameva tāḥ |
kanyakāstatra tasthuśca śrīharericchayā sadā || 117 ||
[Analyze grammar]

ityevaṃ rakṣitā bālā mlecchā vināśitāstathā |
paṭhanācchravaṇāccāsya svargamokṣaphalaṃ bhavet || 118 ||
[Analyze grammar]

iti śrīlakṣmīnārāyaṇīyasaṃhitāyāṃ dvitīye tretāsantāne prabhoḥ rājakṛtadevīpaśusaṃskāraḥ devyā rājādisaṃhāraḥ badrīṃ kurukṣetraṃ kuṃkumavāpikāṃ pratyāgamanam bālakānāṃ tajjanakebhyo'rpaṇam mātṝṇāṃ muktiścetyādinirūpaṇanāmā triṃśattamo'dhyāyaḥ || 30 ||
[Analyze grammar]