Chapter 24

śrīkṛṣṇa uvāca |
śṛṇu rādhe tṛtīye'sya varṣāraṃbhe mahotsavam |
pitā cakāra vidhivat śreṣṭhaṃ dvitīyavarṣavat || 1 ||
[Analyze grammar]

mārgaśīrṣatrayodaśyāṃ caulasaṃskāramācarat |
kṛtvā tu maṃgalasnānaṃ mātṛkāpūjanādikam || 2 ||
[Analyze grammar]

nāndīśrāddhaṃ svastipāṭhaṃ homaṃ sabhyā'nale tathā |
pātrāsādanamādhatya vahnestu dakṣiṇe sthale || 3 ||
[Analyze grammar]

śubhaikaviṃśatidarbhapiñjulīrnyasya vai tataḥ |
vahnervāmasthale nyasya raktagogomayādi ca || 4 ||
[Analyze grammar]

kṛśarasthālikāpākaṃ nyadhāt pitā tataḥ param |
kṛtvā vyāhṛtihomādi kṣuramādāya cā''yasam || 1 ||
[Analyze grammar]

dakṣiṇottarabhāgasthasvalpaśikhā'vatāraṇam |
kṛtvā pitā tato garbhakeśānāṃ muṇḍanaṃ śanaiḥ || 6 ||
[Analyze grammar]

saśikhaṃ kārayāmāsa nāpitena sutasya ca |
godānādi dadau viprān bhojayāmāsa yoginaḥ || 7 ||
[Analyze grammar]

caturdaśabhuvanānāṃ tarpayāmāsa vāsinaḥ |
lomaśaṃ pūjayāmāsa bhojayāmāsa kanyakāḥ || 8 ||
[Analyze grammar]

sādhūn sādhvīścātithīṃśca bhojayāmāsa taddine |
gogrāsān dāpayāmāsa jantubhyaḥ piṣṭakaṃ kaṇān || 9 ||
[Analyze grammar]

evaṃ vai caulasaṃskāraṃ cakārā'ghavināśanam |
yadyapi śrīhareḥ pāpanāśakasya kathaṃ hyagham || 10 ||
[Analyze grammar]

tathāpi lokarakṣārthaṃ vedamārgasya guptaye |
saṃskāraṃ tādṛśaṃ yogyaṃ kṛtavān vai pitā śubham || 11 ||
[Analyze grammar]

rādhā śrutvā tadā kṛṣṇaṃ papraccha vinayānvitā |
bālānāṃ bālikānāṃ vā prodbhūyā'cchaṃ hi vartatām || 12 ||
[Analyze grammar]

viśuddhānāṃ nātividāṃ svacchadarpaṇavaddhṛdām |
kāmacārakāmabhakṣyakāmavihārasañjuṣām || 13 ||
[Analyze grammar]

kinnāma pātakaṃ teṣāṃ yaccaulena vināśyate |
śrīkṛṣṇaḥ prāha bālānāṃ rādhike tvamaghaṃ śṛṇu || 14 ||
[Analyze grammar]

pūrvakṛtādi pāpāni janmāntare'bhiyānti vai |
svargādvā narakādvāpi śeṣaliptiḥ prayāti tam || 15 ||
[Analyze grammar]

garbhe mūtrāśaye vahneḥ pātātmake rajo'nvite |
dhātau vāsaścātmano yaḥ sa evā'ghena jāyate || 16 ||
[Analyze grammar]

śarīrodbhavanaṃ tatra puṇyapāpena jāyate |
mūrchāyāṃ ca jale vāsaḥ pāpāyaiva prajāyate || 17 ||
[Analyze grammar]

janmadukhaṃ mahadvai yat pāravaśyaṃ ca pāpataḥ |
jīvanaṃ dugdhapānādi puṇyapāpena jāyate || 18 ||
[Analyze grammar]

malamūtrādisaṃsargā daṃśādidaśanaṃ tathā |
avāktvaṃ cāpyaśaktatvaṃ pāpamātreṇa jāyate || 19 ||
[Analyze grammar]

ityetāni tu pāpāni tena pūrvakṛtāni vai |
janmabhāve prapadyante duḥkhadānyeva sarvathā || 20 ||
[Analyze grammar]

yeṣāṃ pāpaṃ na vai cāsti sa cātmā rudravat priye |
sanakādisamaḥ syānmānaso vijño na garbhajaḥ || 21 ||
[Analyze grammar]

athā'śuddheḥ parihāraḥ saṃskāreṇaiva jāyate |
asaṃskṛtaśarīrasya śuddhiḥ kāryā svabhāvataḥ || 22 ||
[Analyze grammar]

pūrvajanmanaḥ pāpāni hyaśuddhyā saha mastake |
rohanti romarūpaistu kṛṣṇavarṇāni tāni vai || 23 ||
[Analyze grammar]

garbhakeśāḥ pāparuhastannāśe pāpanāśanam |
tasmādvai bālakānāṃ tu caulasaṃskṛtiriṣyate || 24 ||
[Analyze grammar]

cūṃ pāpaṃ līyate yena caulaṃ tanmuṇḍanaṃ smṛtam |
athā'nyacchṛṇu rādhe tvaṃ keśā vai kṛtachedanāḥ || 25 ||
[Analyze grammar]

jaṭārūpāḥ pravardhante vegādityasti kāraṇam |
nūtaneṣu ca keśeṣu mūlāni kāraṇāni vai || 26 ||
[Analyze grammar]

punaśca karmaṇā śuklasaṃjñena sā jaṭā bhavet |
tasmājjaṭā sadā rakṣyā śikhā vā śuklasaṃhitā || 27 ||
[Analyze grammar]

yathā yathā ca bālo vai vardhate tu tathā tathā |
karmaṇā jāyate puṇyaṃ pāpaṃ vā miśrakarma ca || 28 ||
[Analyze grammar]

āpañcavarṣaṃ bhogyaṃ tatpituḥ samprocyate'tra vai |
pañcottaraṃ svabhogyaṃ tad romasveva niṣīdati || 29 ||
[Analyze grammar]

tasmātkeśāśca romāṇi pāpāśrīṇi bhavanti hi |
kaccarasya pitrāḥ sarve vyarthakardamaśodhakāḥ || 30 ||
[Analyze grammar]

tīrthe vai vapanaṃ tasmāt kāraṇīyaṃ viśeṣataḥ |
pāpā'vatāraṇaṃ tadvai boddhavyaṃ keśakartanam || 31 ||
[Analyze grammar]

evaṃ keśāvapanīyāstṛtīye vatsare tataḥ |
yatheṣṭaṃ vapanīyāste brahmarandhraṃ vinā'bhitaḥ || 32 ||
[Analyze grammar]

yadvā puṇyā jaṭā rakṣyā saṃskṛtā śobhanā'naghā |
kṛṣṇāḥ keśā janānāṃ tu yāvad dṛśyanta eva te || 33 ||
[Analyze grammar]

tāvat pāpāni viṣayāḥ kārayanti tu dehinaḥ |
ākarṇaśuklaromāṇo vṛddhā lipyanta eva na || 34 ||
[Analyze grammar]

tasmād vṛddhasya naivā'sti tvāmnāyaḥ puṇyapāpayoḥ |
madhyāvasthasya tat sarvaṃ viśeṣeṇa nigadyate || 35 ||
[Analyze grammar]

ityevaṃ rādhike caulasaṃskāraḥ śodhakaḥ kṛtaḥ |
rādhikā prāha bhagavan pūrvajanmā'ghasañcayaḥ || 36 ||
[Analyze grammar]

kathaṃ romasu garbhasthabālakasya pratiṣṭhati |
śrīkṛṣṇaḥ prāha ca rādhe śṛṇu tatkathayāmi te || 37 ||
[Analyze grammar]

purā hyadharmaḥ puruṣo brahmapṛṣṭhasamutthitaḥ |
hiṃsāpatnīsusaṃyuktaḥ pāpaputrastato'bhavat || 38 ||
[Analyze grammar]

pitṛbhaktaśca pāpaḥ svaṃ mātaraṃ pitaraṃ tathā |
na muñcati kṣaṇaṃ dūraṃ sarvāvasthāsu sarvadā || 39 ||
[Analyze grammar]

yatrā'dharmaśca hiṃsā ca tatra pāpaḥ pravartate |
yatrā'dharmo na hiṃsā na tatra pāpo na vartate || 40 ||
[Analyze grammar]

ātmāno ye tu garbhasthā apakvā niṣkriyā vaśāḥ |
aguṇāścolbasaṃvṛttāsteṣāṃ nā'dharmahiṃsane || 41 ||
[Analyze grammar]

kathaṃ pāpena vai tatra stheyaṃ pūrvakṛtādhini |
pāpinaṃ cet parityajya pāpaṃ vinā'vamarṣaṇam || 42 ||
[Analyze grammar]

dūraṃ yāti tadā tena kutra stheyaṃ vinā''śrayam |
anyakṛtaṃ na cānyatra tiṣṭhatyeva ca gacchati || 43 ||
[Analyze grammar]

yena kṛtaṃ tu tat tasminneva tiṣṭhati sarvathā |
bhogottaraṃ vināśaḥ syād yāvattvena vinirṇayaḥ || 44 ||
[Analyze grammar]

itinyāyāt pāpasaṃjñaḥ sutaḥ pitre nyavedayat |
yatra garbhe gate bāle nā'dharmo na ca hiṃsanam || 45 ||
[Analyze grammar]

tābhyāṃ vinā mayā tatra kathaṃ stheyaṃ tadātmani |
adharmastaṃ ca pāpākhyaṃ sutaṃ prāha vicārya vai || 46 ||
[Analyze grammar]

putrā''gaccha mayā sākaṃ cārthayāmi pitāmaham |
sa tadā te nivāsārthaṃ yad dadet tatra saṃvasa || 47 ||
[Analyze grammar]

ityuktvā taṃ sutaṃ nītvā sahā'dharmo hyajaṃ yayau |
pitaraṃ ca namaskṛtya niṣasāda purastataḥ || 48 ||
[Analyze grammar]

brahmā papraccha taṃ putraṃ saputraṃ cāgame kṛtim |
kathaṃ kimarthamāyātaḥ saputro vada me'ciram || 49 ||
[Analyze grammar]

adharmaḥ prāha bhagavan putro'yaṃ pāpasaṃjñakaḥ |
yatra hiṃsā tathā cā'haṃ tatra vāsaparaḥ sadā || 50 ||
[Analyze grammar]

garbhasthānāṃ tu jīvānāṃ vidyete na tu tābubhau |
tatra teṣāṃ pūrvapāpaiḥ kathaṃ stheyaṃ vadā'tra me || 51 ||
[Analyze grammar]

brahmā vicārya ca tathā prāha garbhagatasya vai |
keśarūpeṇa pāpena sthātavyaṃ vai mamā''jñayā || 52 ||
[Analyze grammar]

tataḥ pāpaḥ parāṃ tuṣṭiṃ jagāma svāśraye sthitaḥ |
vināpi pitarau tatra varṣatrayaṃ pratiṣṭhite || 53 ||
[Analyze grammar]

atha brahmā svasaṃkalpān putrān ṣoḍaśa pāvanān |
saṃskārān janayāmāsa pāpanāśanahetave || 54 ||
[Analyze grammar]

tatra caulaśca saṃskāraḥ keśātmā'ghavināśanaḥ |
vihitaścaivamevā'nye pāpanāśakarāḥ kṛtāḥ || 55 ||
[Analyze grammar]

ityevaṃ rādhike sṛṣṭipālanāya tu vedhasā |
pūrvasṛṣṭyanurūpeṇā'nuṣṭhitaṃ varṇitaṃ tathā || 56 ||
[Analyze grammar]

tathārītyaiva lokānāṃ śikṣaṇārthaṃ harerapi |
pitrā caulākhyasaṃskāraḥ sampāditaḥ śubhāvahaḥ || 57 ||
[Analyze grammar]

atha tatra camatkārastadā jāto vadāmi te |
adṛṣṭaścā'pyaśrutaśca pūrvaiḥ pūrvataraistathā || 58 ||
[Analyze grammar]

mayā gatavatā rādhe tadānīṃ tatra vīkṣitaḥ |
nāpitena tu ye keśā mastakādavatāritāḥ || 59 ||
[Analyze grammar]

te sarve'śvapaṭṭasarojale kṣiptā yadā tadā |
divyāḥ sahasraśo nārāyaṇāścaturbhujāḥ śubhāḥ || 60 ||
[Analyze grammar]

śaṃkhacakragadāpadmadharā bhukuṭaśobhitāḥ |
suvarṇakuṇḍalā vahnivastrā ramāniṣevitāḥ || 61 ||
[Analyze grammar]

vinatātanujā''rūḍhāḥ koṭisūryasamaprabhāḥ |
sakaustubhāḥ satilakā bhagavanto virejire || 62 ||
[Analyze grammar]

sarve samānāḥ sadṛśāste'dṛśyanta tadā tataḥ |
aṣṭabhujāstata eva tataḥ ṣoḍaśabāhavaḥ || 63 ||
[Analyze grammar]

dvātriṃśadbāhavaḥ paścācchatasāhasrabāhavaḥ |
sahasraśo divyarūpā adṛśyanta narāyaṇāḥ || 64 ||
[Analyze grammar]

evaṃ lakṣaṃ śiroromṇāṃ nārāyaṇātmakaṃ hi tat |
adṛśyata tadā hrasvāḥ keśāścaturbhujā hi te || 65 ||
[Analyze grammar]

adṛśyanta tato lambā aṣṭabhujā narāyaṇāḥ |
tato lambatarāḥ keśā ye te ṣoḍaśabāhavaḥ || 66 ||
[Analyze grammar]

tato lambatamāḥ keśā dvātriṃśadbāhavo hi te |
evaṃ dīrghātidīrghāśca keśāḥ śatādibāhavaḥ || 67 ||
[Analyze grammar]

sahasrabāhavaśceti vyadṛśyanta narāyaṇāḥ |
taiḥ saha yāḥ śriyastāśca vyadṛśyanta tathābhujāḥ || 68 ||
[Analyze grammar]

yugalāste lakṣasaṃkhyāstuṣṭuvuḥ parameśvaram |
tava mūrtau sthitā nārāyaṇā vayaṃ śiroruhāḥ || 69 ||
[Analyze grammar]

anādiśrīkṛṣṇanārāyaṇaḥ pareśvaro bhavān |
aprasaṃkhyāvatārāṇāmavatārī parātparaḥ || 70 ||
[Analyze grammar]

vayaṃ līnāstava mūrtau vasāmastava vācchayā |
nirgacchāmaśca vai kāle kāle brahmāṇḍarakṣakāḥ || 71 ||
[Analyze grammar]

bhavāmo bhagavantaśca yāvattava nideśanam |
layecchayā ca te kṛṣṇa hyupasaṃhāramāpnumaḥ || 72 ||
[Analyze grammar]

pūjayāmo namāmastvāṃ vahāmaste nideśanam |
pṛthag jātā vayaṃ kṛṣṇa tava mūrtirataḥ prabho || 73 ||
[Analyze grammar]

kva gantavyaṃ coṣitavyamasmābhirdehi deśanām |
tathā kurmo hare kṛṣṇanārāyaṇā'kṣarādhipa || 74 ||
[Analyze grammar]

tava mūrtau ca ye tvanye hyapi romagaṇā hi te |
anādino hi te muktāstathā cāgantukā api || 75 ||
[Analyze grammar]

muktā bhavanti muktānyo brahmāṇyo brahmapūruṣāḥ |
tava mūrtau ca ye divyā guṇā vasanti te hare || 76 ||
[Analyze grammar]

sarve ca viṣṇavaḥ santi lakṣmīdāsīniṣevitāḥ |
tava mūrtau ca ye bhūṣāḥ santi te tava śaktayaḥ || 77 ||
[Analyze grammar]

rādhāramājayālakṣmīpārvatīlalitāprabhāḥ |
māṇikīmañjulādyāstāḥ premarūpā vasanti hi || 78 ||
[Analyze grammar]

ābhūṣaṇasvarūpāstā muktā muktānya eva ha |
tava śṛṃgāratattvāni vāsudevādayaśca te || 79 ||
[Analyze grammar]

vyūhāḥ santi hare kṛṣṇa nakhādyā īśvareśvarāḥ |
tvadabhinnā avatāryapṛthagasiddhaviśeṣaṇāḥ || 80 ||
[Analyze grammar]

tava mūrtyātmakāḥ sarve nigūḍhā nivasanti te |
vayaṃ keśasvarūpāste pṛthagbhūtāstavecchayā || 81 ||
[Analyze grammar]

caulasaṃskāramāsādya te'vatārasvarūpiṇaḥ |
tata ājñāṃ nivāsāya dehi naḥ kurmahe tathā || 82 ||
[Analyze grammar]

anādiśrīkṛṣṇanārāyaṇaścaivaṃ prabhāṣitaḥ |
prārthitaścājñayā'rthaṃ ca prasannastānnijāntike || 83 ||
[Analyze grammar]

samāhūya ca tilakān bindūn kuṃkumakaisarān |
teṣāṃ bhāleṣu kṛtvaiva samuvācā'kṣareśitā || 84 ||
[Analyze grammar]

yūyaṃ mamā'vatārāśca mamaiśvaryabharāḥ śubhāḥ |
nibodhata mayā nityamutpādyante'ṇḍarāśayaḥ || 85 ||
[Analyze grammar]

adyotpāditagoleṣu lakṣeṣu caikadeśiṣu |
yāta madājñayā tatra bhavata śrīnarāyaṇāḥ || 86 ||
[Analyze grammar]

caturdaśatalāṇḍeṣu tathā yāta caturbhujāḥ |
aṣṭāviṃśatibhūgoleṣu tathā yātā'ṣṭabāhavaḥ || 87 ||
[Analyze grammar]

ṣaṭapañcāśatstarāṇḍeṣu yāta ṣoḍaśabāhavaḥ |
śatāṣṭrabhūmikāṇḍeṣu yāta dvātriṃśabāhavaḥ || 88 ||
[Analyze grammar]

śatādibāhavo yāta pañcaśatastarāṇḍake |
sahasrabāhavo yāta sahasrabhūmikāṇḍake || 89 ||
[Analyze grammar]

ekaikāṇḍe mayā caikaika evā'trā'dhikriyate |
tathā tathā navaṃ nūtnaṃ brahmāṇḍaṃ yāta caikaśaḥ || 90 ||
[Analyze grammar]

paśyata svakaredakṣe yasya yad dṛśyate'ṇḍakam |
sa ca tattad viśatveva mama yogapratāpataḥ || 91 ||
[Analyze grammar]

ityuktāste yayurnatvā śrīnārāyaṇamūrtayaḥ |
svasvabrahmāṇḍamālokya yāvadāyurviśaśramuḥ || 92 ||
[Analyze grammar]

teṣu gateṣu sarveṣu lomaśaḥ prāha keśavam |
mahyaṃ darśaya tānyeva brahmāṇḍāni ca yeṣu te || 93 ||
[Analyze grammar]

śrutvā vihasya ca harirlomaśaṃ netrayostadā |
aṃgulyā jalayogenā'spṛśad divyo'bhavattadā || 94 ||
[Analyze grammar]

divyanetro dadarśaitānavatārāṃśca golakān |
paramāścaryamāpanno mahimānaṃ viveda ha || 95 ||
[Analyze grammar]

anādiśrīkṛṣṇanārāyaṇasya yādṛśaṃ tataḥ |
caulākhyasaṃskāravidheḥ parihāraṃ cakāra saḥ || 96 ||
[Analyze grammar]

datvā dānāni bahūni prāsādaṃ harirāyayau |
pitā mātā camatkāraṃ dṛṣṭvopāyayaturmudam || 97 ||
[Analyze grammar]

lomaśaḥ kanyakāvṛndasahitaścāśramaṃ yayau |
ityevaṃ kathitaṃ rādhe'nādikṛṣṇasya ceṣṭitam || 98 ||
[Analyze grammar]

agamyaṃ sarvathā lokairdivyānugrahavedyakam |
paṭhanācchravaṇāccāpi bhuktimuktipradāyakam || 99 ||
[Analyze grammar]

paśuputrapradaṃ dhānyadhanadaṃ pāpanāśakam |
kṛṣṇabhaktipradaṃ nārāyaṇapadapradaṃ tathā || 100 ||
[Analyze grammar]

iti śrīlakṣmīnārāyaṇīyasaṃhitāyāṃ dvitīye tretāsantāne śrībālakṛṣṇasya prabhoścaulasaṃskāre romasu pāpānāṃ kathānakaṃ hareḥ romṇāṃ tu nārāyaṇarūpatetyādinirūpaṇanāmā caturviṃśatitamo'dhyāyaḥ || 24 ||
[Analyze grammar]